My Blog

Author: Admin

  • irai river widening and deepening update । चंद्रपूरसाठी दिलासादायक पाऊल – इरई नदी खोलीकरणाची कामे जोमात

    irai river widening and deepening update

    irai river widening and deepening update : चंद्रपूर – चंद्रपूर शहराची जीवनवाहिनी असलेल्या इरई नदीच्या खोलीकरणाचे काम सर्वांच्या सहकार्याने हाती घेण्यात आले आहे. या कामाच्या प्रगतीची पाहणी करण्याकरिता राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक उईके यांनी प्रत्यक्ष खोलीकरण होत असलेल्या ठिकाणी भेट दिली. यावेळी जिल्हाधिकारी विनय गौडा जी.सी., महानगरपालिका आयुक्त विपिन पालीवाल,  उपविभागीय अधिकारी संजय पवार, तहसीलदार विजय पवार तसेच संबंधित यंत्रणेचे अधिकारी उपस्थित होते. Chandrapur river cleaning and development

    चंद्रप्रकाशात होणार ताडोबा अंधारी व्याघ्रप्रकल्पात प्राणिगणना

    400 ब्रास गाळ मोफत वाटप

    चंद्रपूर शहराला 9 कि.मी. समांतर वाहणा-या इरई नदीच्या खोलीकरणाच्या कामाचा शुभारंभ 25 एप्रिल 2025 रोजी करण्यात आला, असे सांगून पालकमंत्री डॉ. उईके म्हणाले, जिल्हा प्रशासनाने इरई नदीच्या खोलीकरण कामाचे योग्य नियोजन केले असले तरी कामाची गती वाढविणे आवश्यक आहे. चालू महिन्याअखेर पर्यंत सर्व नियोजित काम पूर्ण करावे. तसेच नदीतील गाळ शेतकऱ्यांना विनामूल्य देण्यात येत आहे. आतापर्यंत 400 ब्रास गाळ मोफत वाटप करण्यात आला असून अर्ज केलेल्या सर्व शेतकऱ्यांना गाळ प्राधान्याने द्यावा, अशा सूचना त्यांनी केल्या. River deepening projects in Chandrapur

    7500 ब्रास गाळ काढण्यात आला

    पहिल्या टप्प्यात राम सेतु ते चौरळा पूल दरम्यान अमुजमेंट पार्क जवळ व महर्षी शाळेमागे  सध्या काम सुरू आहे. आतापर्यंत अमुजमेंट पार्क जवळ 350 मीटर व महर्षी शाळेमागे 120 मीटर एकूण असे एकूण 470 मीटर अंतरावरचे खोलीकरण करण्यात आले आहे. सद्यस्थितीत कामावर 8 पोकलेन मशीन, 13 हायवा/ टिप्पर, 20 ट्रॅक्टर, 1 जे.सी.बी कार्यरत असून नदी पात्रातून आतापर्यंत 7500 ब्रास गाळ काढण्यात आला आहे. शेतकऱ्यांना 400 ब्रास गाळ  वाटप करण्यात आले आहे.

    chandrapur river cleaning and development

    चंद्रपूर शहर ते इरई – वर्धा नदी संगमापर्यंतच्या 17 कि.मी. लांबीत इरई नदी पात्रातील वाढलेली झाडेझुडपे, गाळ काढून नदी पात्राचे खोलीकरण व रुंदीकरण करण्यात येणार आहे. त्यामुळे नदी पात्राची पूर वहन क्षमता वाढण्यास मदत होईल व शहराला दरवर्षी पडणारा पुराचा वेढा कमी होईल.  तीन टप्प्यात खोलीकरण करण्यात येणार असून पहिला टप्पा रामसेतू ते चौराळा पुल, दुसरा टप्पा माना टेकडी (लालपेठ कॉलरी) आणि तिसरा टप्पा इरई ते वर्धा नदी संगमापर्यंतचा आहे.

  • Tadoba Wildlife Census on Buddha Pournima | ताडोबा बफर आणि कोअर झोनमध्ये चंद्रप्रकाशात होणारी प्राणी गणना!

    Tadoba Wildlife Census on Buddha Pournima

    Tadoba Wildlife Census on Buddha Pournima : चंद्रपूर – सोमवारी 12 मे ला बुध्द पौर्णिच्या रात्री लखलखत्या चंद्रप्रकाशात ताडोबातील बफर व कोअर झोनमध्ये वन्यप्राणी गणना होणार आहे. बफर मध्ये 81 तर कोअर मध्ये 95 मचाणीवरून 245 पर्यटक, अधिकारी, कर्मचारी घेणार निसर्गानुभव घेत प्राणी गणना करणार आहेत. दोन्ही झोनमध्ये वनविभागाने तयारी पूर्ण केली असून पर्यटक व अधिकारी सज्ज झाले आहेत अशी माहिती ताडोबा प्रशासनाने दिली आहे. night wildlife census in Tadoba

    चंद्रपूर जिल्ह्यात एकाच दिवशी ६ जणांचा मृत्यू


    बुद्ध पौर्णिमेच्या दिवशी संपूर्ण चंद्र असतो. लख्ख प्रकाश पडतो. ह्या प्रकाशात वन्यप्राण्यांच्या हालचाली स्पष्टपणे टिपता येतात. त्यामुळे रात्रीचे निरीक्षण सोपे होते. तसेच, उन्हाळ्याचा काळ असल्याने प्राणी जलस्त्रोता जवळ दिसतात, ज्यामुळे त्यांची गणना सोपी होते. त्यामुळेच परंपरागत काळापासून चालत आलेली वन्यप्राणी गणना बुध्द पौर्णिमेच्या रात्री न चुकता म्हणजे उद्या सोमवारी केली जाणार आहे. चंद्रपूर जिल्ह्यातील ताडोबा व्याघ्र प्रकल्प देश विदेशात व्याघ्र दर्शनाकरीता प्रसिध्द स्थळ आहे. wildlife counting in Tadoba forest

    सोमवारी (12 मे) ला सायंकाळी 6 ते सकाळी 6 वाजेपर्यंत ताडोबातील बफर व कोअर झोनमध्ये प्राणी गणना पार पडणार आहे. बुध्द पौर्णिमेच्या रात्री होणारी वन्यप्राणी गणना हा एक निसर्गानुभवाचा कार्यक्रम आहे. बफर झोनमध्ये वन्यप्राणी गणना हि निसर्ग,पर्यटनप्रेमी किंवा अशासकीय संस्था यांचे माध्यमातून केली जाते. या निसर्गानुभवाकरीता ऑनलाईन प्रवेश देण्यात आले असून बफर झोन मध्ये 162 पर्यटनप्रेमींनी नोंदणी केली आहे. Tadoba wildlife census experience

    बफरझोन मध्ये ८१ मचाणी

    हे पर्यटक निसर्ग अनुभवातून प्रत्यक्ष प्राणी गणना करणार आहेत. ही प्राणी गणना तयार केलेले पाणवठे किंवा नैसर्गिक पाणवट्याजवळ करण्यात येणार. बफरझोन मध्ये 81 मचानी उभारण्यात आल्या आहेत. एका मचानीवर 2 पर्यटक आणि 1 गाईड राहतील. प्रगणनेकरीता आवश्यक साहित्य वनविभागाचे वतीने पुरविले आहे. ताडोबातील बफर झोनमध्ये मोहूर्ली, मुल, चंद्रपूर, शिवणी, पळसगाव व खडसंगी आदी 6 वनपरिक्षेत्रात 162 पर्यटक प्रगणना करणार आहेत. night wildlife census in Tadoba

    कोअर झोन मध्ये ९५ मचाणी


    तर ताडोबातील कोअर झोन हा अतीसंवेदनशील भाग आहे. त्यामुळे कोअर झोनमध्ये वन्यप्राण्यांची गणना ही ताडोबातील वनविभागाचे अधिकारी व कर्मचारीच स्वत: करणार आहे. याकरीता कोअर झोन मध्ये 95 मचानी उभारण्यात आल्या बसून 183 अधिकारी कर्मचारी सज्ज झाले आहेत. या ठिकाणी पर्यटकांना संधी देण्यात येत नाही. दोन्ही ठिकाणी उद्या सोमवारी सायंकाळी 6 ते दुसऱ्या दिवशी मंगळवारी सकाळी 6 वाजेपर्यंत तब्बल 12 तास ही प्रगणना होईल. त्यानंतर निसर्गप्रेमींना त्या ठिकाणावरून परत जावे लागेल. तत्पूर्वी या ठिकाणी 16 प्रवेशद्वारावरून निसर्गानुभवाचा आनंद घेणाऱ्या 162 पर्यटनप्रेमींना वनविभाग उद्या सायंकाळी साडेपाच वाजेपर्यंत गणना होणाऱ्या मचाणीच्या ठिकाणापर्यंत पोहचविणार आहे.


    बुध्द पौर्णिमेच्या रात्री होणारी वन्यप्राण्यांच्या गणनेतील माहिती फक्त डाटा सकंलन म्हणून करण्यात येते, त्या माहितीच्या आधारे वन्यप्राण्यांची आकडेवारी घोषीत केली जात नाही. गणना करणाऱ्या निसर्गप्रेमींच्या सुरक्षेकरीता वनाधिकारी उपस्थित राहतील. निसर्गप्रेमींना भोजन व अन्य सुविधा स्वत: करावी लागणार आहे.

    निसर्गप्रेमीं बघतील याची डोळा याची देही

    कडक उन्हाळ्याचे दिवस आहे. चंद्रपूरचा पारा 42 अंशापार गेला आहे. त्यामुळे वन्यप्राण्यांची भटकंती पाणी पिण्यासाठी पाणवट्याकडे होणार असून निसर्गप्रेमींना हा अनुभव याची डोळा याची देही पाहता येणार आहे. पाणवट्याशिवाय नैसर्गीक पाण्याच्या स्त्रोतांकडेही वन्यप्राणी भटकंती करणार असल्याने पर्यटनप्रेमींना रात्रभर जागून निसर्गानुभवाचा मनमुराद आनंद घेता येणार आहे. या निसर्गानुभवाचा खरा उदेश्य म्हणजे वन्यप्राण्यांबद्दल आत्मीयता निर्माण करणे, वन्यप्राण्यांबाबत जनजागृती करणे हा आहे.

  • Wainganga river drowning accident । शिक्षणाच्या प्रवासात काळाने घेतली परीक्षा; तीन MBBS विद्यार्थी कायमचे हरपले

    Wainganga river drowning accident

    Wainganga river drowning accident : सावली : व्याहाड बुज जवळील वैनगंगा नदीत गडचिरोली येथील शासकीय वैद्यकीय महाविद्यालयातील तीनही एमबीबीएस विद्यार्थ्यांचे मृतदेह रविवारी बाहेर काढण्यात आले. गोपाल गणेश साखरे, रा. चिखली, स्वप्निल उद्धवसिंग शिरे (२०), छत्रपती संभाजीनगर, पार्थ बाळासाहेब जाधव (२०) रा. शिर्डी अशी मृतकांची नावे आहेत. तिघेही एमबीबीएस प्रथम वर्षाचे विद्यार्थी होते. tragic news about medical college students

    व्हॉलीबॉल काढायला गेले आणि….


    गडचिरोली येथील शासकीय वैद्यकीय महाविद्यालयातील वर्गमित्र वैनगंगा नदीजवळ शनिवारी व्हॉलिबॉल खेळायला गेले होते. बॉल नदीत गेल्याने काढण्यासाठी गेले असता एकमेकांना वाचविण्याच्या प्रयत्नात तिघेजण बुडाले. रविवारी शोधमोहीम सुरू करण्यात आली. त्यानंंतर गोपाल साखरे, स्वप्निल शिरे व पार्थ जाधव यांचा मृतदेह डोहातून बाहेर काढण्यात आला. उत्तरीय तपासणी करून तिघांचेही मृतदेह कुटुंबीयांकडे सुपुर्द करण्यात आले.

    चंद्रपूर जिल्ह्यात २ दिवसात ४ महिलांची वाघाने केली शिकार

    वैद्यकीय शिक्षण संचालक डॉ. अजय चंदनवाले, विशेष कार्यकारी अधिकारी डॉ. राकेश वाघमारे, नागपूरच्या शासकीय वैद्यकीय महाविद्यालयाचे अधिष्ठाता डॉ. राज गजभिये, गडचिरोलीचे उपजिल्हाधिकारी रंजीत यादव आणि आमदार विजय वडेट्टीवार यांनी कुटुंबीयांची भेट घेऊन सांत्वन केले.

    विशेष बाब म्हणजे या वर्षातील २६ फेब्रुवारी महाशिवरात्रीला चंद्रपुरातील ३ सख्ख्या बहिणींचा याच ठिकाणी बुडून मृत्यू झाला होता, २ महिन्यांनंतर पुन्हा ३ भावी डॉक्टर तरुणांचा मृत्यू झाल्याने परिसरात हळहळ व्यक्त करण्यात येत आहे.

  • wildlife danger during tendu leaf season । तेंदुपत्ता गोळा करताना वृद्धेवर वाघाचा हल्ला, दोन दिवसांत चार बळी!

    wildlife danger during tendu leaf season

    wildlife danger during tendu leaf season : तेंदुपत्ता गोळा करण्यासाठी गेलेली वृद्ध महिला वाघाच्या हल्ल्यात ठार झाल्याची घटना आज रविवारी (११ मे) मूल तालुक्यातील नागाळा गावात घडली. विमल बुद्धाजी शेंडे (वय 65) असे मृत महिलेचे नाव आहे. चालू वर्षातील मानव वन्यजीव संघर्षातील हा १७ वा बळी आहे. Chandrapur tiger attack latest

    आमदाराचा आक्रमकपणा आणि रामबाग वाचलं


    जिल्हाभरात तेंदुपत्ता तोडण्याचा हंगाम सुरू आहे. त्यामुळे ग्रामीण भागातील महिला पुरुष पहाटेपासून तेंदुपत्ता तोडण्याकरता जंगलात जातात. वर्षात एकदाच येणाऱ्या या हंगामातून गरीब कुटुंबीयांना थोड्याफार आर्थिक मदतीचा पाठबळ मिळतो. tiger attack tendu leaf collectors


    मूल तालुक्यातील नागाळा गावातील विमल बुद्धाजी शेंडे ही महिला आज रविवारी चिचप्पली वनपरिक्षेत्रातील 537 कंपार्टमेंटमध्ये तेंदुपत्ता तोडण्यासाठी गेली होती. दबा धरून बसलेल्या वाघाने वृद्ध महिलेवर अचानक हल्लाकेला त्या मध्ये ती ठार झाली. ती घरी परत न आल्याने कुटुंबीयांनी शोधाशोध केली. परंतु ती आढळून आली नाही. चिचपल्ली वन विभाग व पोलिसांना माहिती देण्यात आली. त्यांनी घटनास्थळी येत कुटुंबीयांनी भेट घेतली. माहिती घेऊन चिचपल्ली वनपरिक्षेत्रात शोधाशोध सुरू केली. Tendu Leaf Season Turns Deadly

    कंपार्टमेंट नंबर 537 मध्ये वृद्ध महिलेचा मृतदेह छिन्नविच्छिन्न अवस्थेत आढळून आलेला आहे. त्यामुळे या परिसरात प्रचंड दहशत निर्माण झाली आहे. वन व पोलीस विभागाने मृतदेह ताब्यात घेऊन शव विच्छेदनासाठी पाठविले असून मृतक महिलेच्या कुटुंबीयांना पंचवीस हजाराची आर्थिक मदत करण्यात आली आहे.

    २ दिवसात ४ महिलांचा मृत्यू


    काल शनिवारी मूल तालुक्याला लागूनच असलेल्या सिंदेवाही तालुक्यातील मेंढा माल गावातील तीन महिला तेंदू पत्ता तोडण्यासाठी गेल्या असत्या त्यांचेवर वाघाने हल्ला करून एकापाठोपाठ तिघींनाही ठार केले. ही घटना ताजी असतानाच लागून असलेल्या मूल तालुक्यात पुन्हा वाघाच्या हल्ल्यात महिला ठार झाल्याची घटना समोर आल्याने सिंदेवाही व मूल तालुक्यात भीतीमुळे वातावरण पसरलेला आहे. सपकाळ वाघांचा बंदोबस्त करावा अशी मागणी दोन्ही तालुक्यातील नागरिकांनी केली.

  • Vijay Wadettiwar on drowning tragedy । सुट्टीचा दिवस ठरला मृत्यूदिवस!, मुख्यमंत्र्यांकडे पाठपुरावा करणार – आमदार वडेट्टीवार

    Vijay Wadettiwar on drowning tragedy

    Vijay Wadettiwar on drowning tragedy : शनिवार दिवशी सुट्टी असल्याने वैद्यकीय महाविद्यालय गडचिरोली येथील सहा प्रशिक्षणार्थी डॉक्टरांनी सावली तालुक्यातील व्याहाळ (बूज) नजीकच्या वैनगंगा नदी पात्रावर सुट्टीचा आनंद घेण्याचा बेत आखला. सायंकाळी ५ वाजताच्या सुमारास नदी काठावर व्हॉलीबॉल खेळत असताना अचानक बॉल नदीत गेल्याने व तेथे खोल डोह असल्याने व्हॉलीबॉल काढण्याच्या नादात गोपाल गणेश साखरे वय (२०) वर्षे रा. चिखली जिल्हा बुलढाणा पार्थ बाळासाहेब जाधव  (२०) वर्षे राहणार शिर्डी जिल्हा अहिल्यानगर स्वप्निल उद्धवराव शिरे वय (२०) वर्षे राहणार छत्रपती संभाजी नगर हे तिघेही बुडाले. Gadchiroli river drowning incident

    त्या नरभक्षकी वाघिणीचा तात्काळ बंदोबस्त करा – आमदार वडेट्टीवार

    याची माहिती मिळतात बचाव पथके यांनी शोधाशोध केली मात्र अंधार झाल्याने बचाव कार्य थांबले. आज पुन्हा बचाव पथकाने शोधमोहीम राबवली असता बुडालेल्या तीनही प्रशिक्षणार्थी डॉक्टरांचे मृतदेह सापडले. पोलिसांनी तीनही मृतदेह ताब्यात घेऊन शवविच्छेदनाकरिता सावली येथील ग्रामीण रुग्णालयात नेले. 

    तत्पूर्वी ब्रह्मपुरी विधानसभा क्षेत्रातील सिंदेवाही तालुक्यातील मेंढा माल येथील तेंदु पत्ता संकलनासाठी गेलेल्या तीन महिलांना वाघाने हल्ला चढवून ठार मारल्याची घटना काल  १२ वाजताच्या सुमारास घडली. या घटनेची माहिती मिळतात आज राज्याचे माजी विरोधी पक्ष नेता, विधिमंडळ पक्षनेते, लोकलेखा समिती अध्यक्ष तथा ब्रह्मपुरी विधानसभा क्षेत्र आमदार विजय वडेट्टीवार यांनी या दुर्दैवी घटनेत मृत्यू पावलेल्या कुटुंबीयांच्या दुःखात सहभागी होत मृतक महिलांच्या अंत्यसंस्कारात सहभागी झाले. Maharashtra medical students accident news

    तर लगेच व्याहाड (बूज)येथील वैनगंगा नदी पात्रात त बुडालेल्या तीनही प्रशिक्षणार्थी डॉक्टरांची मृतदेह सापडल्याची माहिती मिळताच विधिमंडळ पक्षनेते आमदार विजय वडेट्टीवार यांनी क्षणचाही विलंब न लावता  तात्काळ सावली येथील ग्रामीण रुग्णालय येथे भेट देऊन मृतकांच्या कुटुंबीयांचे सांत्वन केले. मृत प्रशिक्षणार्थी डॉक्टर हे गरीब घरचे हुशार व होतकरू विद्यार्थी होते.

    मुख्यमंत्र्यांकडे पाठपुरावा करणार

    त्यांच्या पश्चात त्यांच्या कुटुंबीयांना सहानभूती पर आधार मिळावा याकरिता थेट मुख्यमंत्र्यांकडे पाठपुरावा करणार असे ही यावेळी विधिमंडळ पक्षनेते आमदार विजय वडेट्टीवार म्हणाले. याप्रसंगी नगराध्यक्ष लता लाकडे, पोलीस उपनिरीक्षक सचिन मुसळे ,युवा शहर अध्यक्ष अमर कोणपत्तीवार,नगरसेवक प्रितम गेडाम,नगरसेवक अंतबोध बोरकर,सामाजिक कार्यकर्ते गब्बर दुधे,कमलेश गेडाम पत्रकार उदय गडकरी, सूरज बोम्मवार आदी उपस्थित होते.

  • Vijay Wadettiwar on tiger attack victims । त्या नरभक्षक वाघिणीचा तात्काळ बंदोबस्त करा – विजय वडेट्टीवार

    Vijay Wadettiwar on tiger attack victims

    Vijay Wadettiwar on tiger attack victims : सिंदेवाही – तेंदूपत्ता तोडण्यासाठी गेलेल्या तीन महिलेवर वाघीणीने प्राण घातक हल्ला चढविला व यात तीनही महिलांचा दुर्दैवी अंत झाला. सदर घटना काल दुपारी १२.३०  वाजताच्या सुमारास सिंदेवाही  वनपरिक्षेत्रा अंतर्गत उपवनक्षेत्र डोंगरगाव मधील चारगाव कक्ष क्रमांक 252 येथे घडली. मृतकांमध्ये कांता बुधाजी चौधरी (65) शुभांगी मनोज चौधरी (28 ) रेखा शालिक शेंडे (50) यांचा समावेश असून तीनही मृतक महिला या सिंदेवाही तालुक्यातील मेंढामाल येथील रहिवासी आहेत. अकस्मात घडलेल्या या दुर्दैवी घटनेमुळे संपूर्ण मेंढा माल गावात शोककळा पसरली. tiger kills 3 women in forest

    रामबाग वाचलं, आमदार जोरगेवार यांची आक्रमक भूमिका

    सदर घटनेची माहिती मिळतात क्षेत्र दौरावर असलेले विधिमंडळ पक्षनेते तथा लोक लखा समिती अध्यक्ष व ब्रह्मपुरी विधानसभा क्षेत्र आमदार विजय वडेट्टीवार यांनी आज वाघल्यात मृत पावलेल्या तीनही महिलांच्या अंत्यसंस्कारात सहभागी होऊन त्यांच्या कुटुंबीयांची सांत्वन केले. tragic tiger attack on tendu workers

    tiger kills 3 woman in forest

    अंत्यसंस्कार आटोकताच उपस्थित वनविभागाची उपवनसंरक्षक राकेश सेपट, वनपरिक्षेत्र अधिकारी विशाल सालकर, पोलीस निरीक्षक राठोड तसेच उपस्थित गावकरी व वन विभाग कर्मचारी तसेच पोलीस अधिकारी यांच्याशी तात्काळ चर्चा करून हल्लेखोर वाघिणीचा तात्काळ बंदोबस्त करा तसेच घडलेल्या घटनेचा गांभीर्याने विचार करून वृत्तकांच्या कुटुंबीयातील व्यक्तीला वनविभागाच्या सेवेत रुजू करून घ्या. व मृताच्या कुटुंबीयांना विभागाकडून देय असलेला मोबदला तात्काळ देण्याची निर्देश यावेळी विधिमंडळ पक्ष नेते आमदार विजय वडेट्टीवार यांनी  दिले.

    सोबतच अशा दुर्दैवी घटना यापुढे घडू नये याकरिता विशेष उपाययोजना करण्याचेही त्यांनी यावेळी उपस्थित वनअधिकाऱ्यांना सांगितले. याप्रसंगी प्रामुख्याने सिंदेवाही काँग्रेस शहराध्यक्ष सुनील उट्टलवार , सिंदेवाही नगराध्यक्ष भास्कर नन्नावार, मेंडामाल कांग्रेस कमिटी शाखाध्यक्ष वामनराव कोकोडे, गुरुदासजी बोरकर, युवक काँग्रेस तालुका अध्यक्ष अभिजीत मुप्पीडवार, नथूजी सोनुले प्रामुख्याने उपस्थित होते.

  • ram bagh ground protest news । रामबाग वाचलं!, आमदार जोरगेवार यांच्या आक्रमक भूमिकेपुढे प्रशासन नरमले

    ram bagh ground protest news

    ram bagh ground protest news : रामबाग मैदानावर जिल्हा परिषदेची इमारत उभारण्याच्या प्रस्तावाला नागरिकांनी दिलेला तीव्र विरोध अखेर यशस्वी ठरला आहे. आज जिल्हाधिकारी कार्यालयात पार पडलेल्या महत्त्वपूर्ण बैठकीत आमदार किशोर जोरगेवार यांनी आक्रमक भूमिका घेत रामबाग मैदानाला जराही धक्का लावू नका असे जिल्हाधिकाऱ्यांसमोर स्पष्ट शब्दांत सांगितले. त्यानंतर जिल्हाधिकारी विनय गौडा यांनी सदर इमारतीसाठी पर्यायी जागेचा विचार केला जाईल असे मान्य केले आहे. save public ground movement

    चंद्रपूर जिल्ह्यात एकाच दिवशी ६ जणांचा मृत्यू

    या बैठकीला जिल्हाधिकारी विनय गौडा, महसूल विभागाचे उपविभागीय अधिकारी संजय पवार, पोलिस विभागाचे उपविभागीय अधिकारी सुधाकर यादव, आंदोलनकर्ते तथा जनविकास सेनेचे संस्थापक अध्यक्ष पप्पू देशमुख, दशरथसिंह ठाकूर, तुषार सोम, माजी नगरसेवक सुभाष कासनगोट्टूवार, मनोज पाल, माजी नगरसेवक राजेश अड्डूर, प्रदीप किरमे, वंदना हातगावकर, सविता दंढारे, रजनी पॉल, राशिद हुसेन, अमोल शेंडे, करणसिंह बैस, मंजुश्री कासनगोट्टूवार यांच्यासह नागरिक व खेळाडू मोठ्या संख्येने उपस्थित होते.

    जनतेच्या भावना केंद्रस्थानी असायला हव्या

    या बैठकीत आमदार किशोर जोरगेवार म्हणाले की, आमचा विकासकामांना कधीच विरोध नाही. मात्र विकासाच्या नावाखाली नागरिकांच्या भावनांवर आघात होत असेल, तर आम्ही कधीही गप्प बसणार नाही. रामबाग मैदान ही केवळ मोकळी जागा नाही, ती नागरिकांच्या आरोग्याशी, जीवनशैलीशी आणि भविष्यातील पिढ्यांशी जोडलेली आहे. हे मैदान खेळाडू, मुले आणि वृद्ध नागरिक यांचा श्वास आहे. हा केवळ मैदानाचा नव्हे, तर नागरिकांच्या हक्कांचा आणि लोकशाहीच्या मूल्यांचा प्रश्न आहे. लोकशाहीत जनतेच्या भावना केंद्रस्थानी असल्या पाहिजेत. त्या पायदळी तुडवून कोणताही विकास होऊ शकत नाही असे ते यावेळी म्हणाले. MLA Kishor Jorgewar protest news

    पर्यायी जागा शोधणार

    या बैठकीत आमदार जोरगेवार यांनी जिल्हाधिकारी विनय गौडा यांना जिल्हा परिषदेच्या नवीन इमारतीसाठी शहरात इतर पर्यायी जागा आहेत. त्या तपासून नागरिकांच्या भावना न दुखावता विकास साधावा अश्या सूचना केल्यात. त्यांच्या या स्पष्ट आणि आक्रमक भूमिकेमुळे प्रशासनाने सकारात्मक निर्णय घेत मैदानाला धक्का न लावता पर्यायी जागा शोधण्याचा निर्णय घेतला आहे. दुसरी जागा निश्चित करतानाही नागरिकांची सहमती घ्यावी, अशी सूचना आमदार किशोर जोरगेवार यांनी यावेळी केली. तसेच, इमारतीसाठी खोदण्यात आलेले रामबाग मैदान तातडीने पूर्ववत दुरुस्त करण्याचे निर्देशही त्यांनी दिलेत. public voice saves playground

    आजचा दिवस हा जागरूक नागरिकांचा विजय आहे. तुम्ही आवाज उठवला, आपण त्या आवाजाला बळ दिले. शेवटी लोकशाहीत जनतेचा आवाज महत्त्वाचा असतो आणि तो ऐकला गेला, याचे समाधान आहे, असे आमदार किशोर जोरगेवार यांनी स्पष्टपणे सांगितले. बैठकीस संबंधित सर्व अधिकारी, आंदोलक, नागरी प्रतिनिधी आणि स्थानिक नागरिक मोठ्या संख्येने उपस्थित होते.

  • Chandrapur district shocking incident | चंद्रपूरमध्ये एकाच दिवशी दोन भयंकर घटना

    Chandrapur district shocking incident

    Chandrapur district shocking incident : १० मे रोजी चंद्रपूर जिल्ह्यात दोन वेगवेगळ्या घटनेत ६ जणांचा मृत्यू झाल्याची धक्कादायक घटना घडली, पहिल्या घटनेत वाघाच्या हल्ल्यात प्रथमच ३ महिलांचा मृत्यू झाला तर दुसऱ्या घटनेत प्रशिक्षणार्थी ३ डॉक्टर तरुणांचा वैनगंगा नदीत बुडून मृत्यू झाला.

    जिल्ह्यातील पहिलीच घटना, १६ नागरिकांचा बळी

    तेंदूपत्ता तोडण्यासाठी गेलेल्या तीन महिलावर वाघाने हल्ला करून ठार केल्याची थरारक घटना आज शनिवारी (१०मे)दुपारी चंद्रपूर जिल्ह्यातील शिंदेवाही तालुक्यात मेंढा माल या गावी उघडकीस आली आहे. रेखा शेंडे( वय 55), कांता बुद्धाची चौधरी (वय ६०), शुभांगी मनोज चौधरी (वय 31) असे मृतांचे नावे आहेत. तिघीही सिंदेवाही तालुक्यातील मेंढा माल या गावातील रहिवासी होत्या. मृतांमध्ये सासूचा समावेश आहे. सिंदेवाही तालुक्यात प्रचंड दहशत निर्माण झाली आहे तर मेंढा माल या गावात शोककळा निर्माण झाली आहे. Chandrapur tiger attack kills 3 women

    चंद्रपूर जिल्हा लोक अदालतीमध्ये जलद न्याय


    सिंदेवाही तालुक्यात सध्या तेंदुपत्ता तोडण्याचा हंगाम सुरू झाला आहे. आज शनिवारी मेंढामाल गावातील रेखा शेंडे( वय 55), कांता बुद्धाची चौधरी (वय ६०), शुभांगी मनोज चौधरी (वय 31) ह्या महिला तेंदुपत्ता तोडण्यासाठी जंगलात गेल्या होत्या परंतु दुपार पर्यंत या तीन महिला घरी परत आल्या नाहीत. त्यामुळे कुटुंबीयांनी काळजी करीत त्यांना शोधण्याचा प्रयत्न केला. आणि वन व पोलीस विभागाला माहिती देण्यात आली. लगेच वन व पोलीस विभागाचे अधिकारी मेंढामाल या गावात दाखल झाले. त्यांनी तत्काळ पत्ता तोडाई सुरू असलेल्या जंगलात शोध मोहीम राबविली. दुपारी तीन वाजताच्या सुमारास डोंगरगाव बीटातील 1355 कंपार्टमेंट मध्ये मृतदेह आढळून आला. विशेष बाब म्हणजे महिलांचे मृतदेह हे १० ते १५ मीटर अंतरावर होते. Chandrapur human-wildlife conflict


    घटनास्थळी पंचनामा करून पोलिसांनी तिन्ही मृतदेह ताब्यात घेतले आणि शवविच्छेदना करता पाठविण्यात आले. या घटनेमुळे शिंदेवाही परिसरात प्रचंड दहशत निर्माण झाली आहे तसेच मेंढा माल गावात या घटनेची माहिती होताच शोककळा पसरली.
    डोंगरगाव बीटात एक वाघीण बछड्यांसह भ्रमंती करीत असल्याचे काही नागरिकांना आढळून आले आहे. त्यामुळे या तिघींनाही वाघिणीनेच ठार केल्याची चर्चा आहे.

    चारगाव वडगे परिसरात एक महिला जखमी

    सिंदेवाही तालुक्यातील चारगाव बडगे परिसरात वंदना विनायक गजभिये ही महिलाही चंदू पत्ता तोडणसाठी जंगलात गेले होते. आज शनिवारी या महिलेवर वाघाने हल्ला केला यामध्ये ती जखमी झाली. तिला प्राथमिक उपकेंद्रात उपचार करता भरती करण्यात आले आहे. Chandrapur human-wildlife conflict

    २ महिन्यांनी पुन्हा तीच जागा, तिघेजण बुडाले

    व्याहाड खुर्द : चंद्रपूर गडचिरोली सीमेवरील नदीच्या पुलाखाली वैनगंगा नदीच्या पात्रात आंघोळीसाठी गेलेल्या गडचिरोली येथील रुग्णालयातील आठ पैकी तीन शिकावू डॉक्टर हे बुडाल्याची माहिती प्राप्त झाली असून घटनेची माहिती मिळताच सावली पोलीस स्टेशनचे ठाणेदार प्रदीप पुलरवार हे आपल्या चमूसह घटनास्थळी पोहोचले होते मात्र सायंकाळ झाल्याने शोधमोहीम थांबविण्यात आली आहे. Wainganga river drowning 3 trainee doctors Chandrapur

    सदर तीनही युवक हे गडचिरोली येथे MBBS चे प्रथम वर्गात शिक्षण घेत आहे. आज सुट्टी असल्याने हे सर्व जण नदीमध्ये अंघोळीसाठी गेले होते.यावेळी ऐकून 8 जण होते मात्र त्यापैकी 20 वर्षीय गोपाळ गणेश साखरे, राहणार चिखली जिल्हा बुलढाणा, 20 वर्षीय पार्थ बाळासाहेब जाधव राहणार शिर्डी, जिल्हा अहमदनगर,20 वर्षीय स्वप्नील उद्धवसिंग शिरे राहणार छत्रपती संभाजी नगर, हे बुडाले. Wainganga river

    सुट्टीचा दिवस असल्याने 8 शिकावू डॉक्टर तरुण पोहण्यासाठी वैनगंगा नदी पात्रात गेले होते, मात्र खोल पाण्याचा अंदाज न आल्याने तिघेजण बुडाले, विशेष बाब म्हणजे 26 फेब्रुवारीला याच ठिकाणी चंद्रपुरातील 3 सख्ख्या बहिणीचा बुडून मृत्यू झाला होता. सदर घटनेबाबत सावली पोलीस स्टेशनचे पोलीस निरीक्षक प्रदीप पुरुलवार म्हणाले कि सदर घटना हि सायंकाळी 6 वाजताच्या दरम्यान घडली, रात्र झाल्याने शोधमोहिम थांबविण्यात आली आहे सकाळी पुनः शोधमोहीम सुरु करण्यात येईल.

  • chandrapur lok adalat case disposal update । लोक अदालतीत जलद न्याय! चंद्रपूरमध्ये ६२६ प्रकरणे निकाली

    chandrapur lok adalat case disposal update

    chandrapur lok adalat case disposal update : चंद्रपूर : राष्ट्रीय विधी सेवा प्राधिकरण, नवी दिल्ली व महाराष्ट्र राज्य विधी सेवा प्राधिकरण, मुंबई यांच्या निर्देशानुसार आणि प्रमुख जिल्हा व सत्र न्यायाधीश तथा जिल्हा विधी सेवा प्राधिकरणाच्या अध्यक्षा समृद्धी भीष्म यांच्या मार्गदर्शनाखाली 10 मे 2025 रोजी चंद्रपूर जिल्हा न्यायालय व सर्व तालुक्यातील न्यायालयांमध्ये राष्ट्रीय लोक अदालतीचे आयोजन करण्यात आले होते. national lok adalat case settlement report 2025

    देशात आता शिवरायांचा इतिहास शिकविणार, खासदार धानोरकर यांची मागणी पूर्ण

    ६२६ प्रकरणे निकाली

    सदर लोक अदालतीमध्ये एकूण 8,466 प्रलंबित न्यायालयीन प्रकरणे आणि 9,989 दाखलपूर्व प्रकरणे ठेवण्यात आली होती. त्यापैकी प्रलंबित न्यायालयीन प्रकरणांपैकी 495 प्रकरणे, तर दाखलपूर्व प्रकरणांपैकी 131 प्रकरणे, असे एकूण 626 प्रकरणे यशस्वीपणे निकाली काढण्यात आली.

    या अदालतीदरम्यान भूसंपादनाचे 1 प्रकरण निकाली काढण्यात आले असून, त्यामध्ये 4 लाख 95 हजार रुपये  नुकसानभरपाई मंजूर करण्यात आली आहे. धनादेश (चेक) प्रकरणांपैकी 73 प्रकरणे, तसेच कामगार व औद्योगिक न्यायालयातील एकूण 22 प्रकरणे देखील निकाली काढण्यात आली.

    या राष्ट्रीय लोक अदालतीचे आयोजन यशस्वी होण्यासाठी चंद्रपूर जिल्ह्यातील सर्व न्यायाधीश, वकील, न्यायालयीन कर्मचारी व पोलीस कर्मचारी यांचे सहकार्य लाभले, अशी माहिती  सुमित  जोशी, सचिव, जिल्हा विधी सेवा प्राधिकरण, चंद्रपूर यांनी दिली आहे.

  • shivaji maharaj history in new education policy । शिवाजी महाराजांचा इतिहास NEP मध्ये; खासदार प्रतिभा धानोरकर यांची मागणी पूर्णत्वास

    shivaji maharaj history in new education policy

    shivaji maharaj history in new education policy : चंद्रपूर : महाराष्ट्राच्या शैक्षणिक प्रगतीसाठी आणि विद्यार्थ्यांमध्ये राष्ट्रभक्तीची भावना जागृत करण्यासाठी, नवीन राष्ट्रीय शैक्षणिक धोरणात (NEP) छत्रपती शिवाजी महाराजांचा प्रेरणादायी इतिहास समाविष्ट करण्याची मागणी खासदार प्रतिभाताई धानोरकर यांनी केली होती. या मागणीला केंद्रीय शिक्षणमंत्री धर्मेंद्र प्रधान आणि राज्याचे शालेय शिक्षण मंत्री दादा भुसे यांनी दिल्ली येथे झालेल्या महत्त्वपूर्ण बैठकीत सकारात्मक प्रतिसाद देत ऐतिहासिक निर्णय घेतला आहे. national education policy 2025 latest updates

    चंद्रपुरात ब्लॅकआउट?

    छत्रपती शिवाजी महाराज देशातील युवांसाठी प्रेरणास्रोत

    खासदार प्रतिभाताई धानोरकर यांनी आपल्या पत्र क्र. १७३२/२०२५, दिनांक १४ एप्रिल, २०२५ द्वारे मागणी केली होती की, छत्रपती शिवाजी महाराजांचे जीवन आणि कार्य केवळ महाराष्ट्रासाठीच नव्हे, तर संपूर्ण देशातील युवा पिढीसाठी प्रेरणास्रोत आहे. त्यांची शौर्यगाथा, कुशल प्रशासन आणि प्रजाहितदक्ष धोरणे विद्यार्थ्यांना राष्ट्रनिर्माण आणि नैतिक मूल्यांची शिकवण देतील. त्यामुळे, त्यांचा इतिहास राष्ट्रीय शैक्षणिक अभ्यासक्रमात समाविष्ट करणे अत्यंत महत्त्वाचे आहे. educational reforms in india 2025

    केंद्रीय शिक्षणमंत्री धर्मेंद्र प्रधान आणि राज्याचे शालेय शिक्षण मंत्री दादा भुसे यांनी या मागणीची दखल घेत, छत्रपती शिवाजी महाराजांचे योगदान देशाला नेहमीच प्रेरणा देत राहील आणि त्यांच्या कार्याचा समावेश अभ्यासक्रमात केल्यास विद्यार्थ्यांमध्ये योग्य दृष्टिकोन निर्माण होईल, असे स्पष्ट केले होते.

    या महत्त्वपूर्ण प्रयत्नांमुळे, आता लवकरच राष्ट्रीय शैक्षणिक अभ्यासक्रमात छत्रपती शिवाजी महाराजांच्या इतिहासाचा समावेश होणार आहे, ज्यामुळे देशभरातील विद्यार्थ्यांना छत्रपती शिवाजी महाराजांच्या महान कार्याची माहिती मिळू शकेल. हा निर्णय युवा पिढीला राष्ट्रभक्ती आणि नैतिक मूल्यांची शिकवण देण्यासाठी अत्यंत महत्त्वाचा ठरेल, असे खासदार धानोरकर यांनी म्हटले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by