My Blog

Author: Admin

  • Chandrapur flood । चंद्रपूरमध्ये पुराचा इशारा! तातडीने नियोजन करा – राहुल पावडे यांची मागणी

    Chandrapur flood

    Chandrapur flood : चंद्रपूर :- पावसाळा अगदी तोंडावर आला असताना पुर परिस्थितीचा सामना करण्याकरीता आपत्ती व्यवस्थापन (Disaster Management) ला लागणारे साहित्य व मनुष्य बळाची वाढ व उत्तम नियोजन करावे, अशी मागणी भाजपाचे महानगर जिल्हाध्यक्ष राहुल पावडे यांनी निवासी उपजिल्हाधिकारी यांच्याकडे निवेदनाच्या माध्यमातून केली आहे.

    तो शासन निर्णय रद्द करा – आमदार सुधाकर अडबाले


     समोर पावसाळयाचे दिवसात चंद्रपूर जिल्हयाची परिस्थिती बघता शहरातील ईरई नदी, झरपट नदी व वर्धा नदी या नदयांच्या पाण्यामुळे या वर्षी देखील पुर परीस्थिती निर्माण होण्याची शक्यता नाकारता येत नाही. अतिवृष्टी झाल्यास चंद्रपुरातील नदीकाठा लगतची वसाहती व सखल भागात पाणी साचून नागरिकांचे मोठ्या प्रमाणात नुकसान होत असते त्यामुळे शहरातील नाले आणि पाण्याचा निचरा होणाऱ्या जागा या मनपा प्रशासन व जिल्हा प्रशासनाने समन्वय साधून योग्यरीत्या पावसाळ्यापूर्वीच स्वच्छ करून त्या पद्धतीने नियोजन करावे अशी चर्चाही यावेळी राहुल पावडे यांनी निवासी जिल्हाधिकारी यांच्याशी केली. disaster management planning before monsoon

    बोट आधीच उपलब्ध करा

    तशा सूचना संबंधित अधिकाऱ्यांना द्याव्यात असा आग्रह केला. या वर्षीसुध्दा पाऊस जास्त येण्याचे अनुमान आहे. त्यामुळे पावसाळ्‌या आधी सर्व सोयीयुक्त साहीत्य आपत्ती व्यवस्थापन पथकाकडे उपलब्ध होणे गरजेचे आहे. त्याचप्रमाणे स्वयं सेवकाची यादी बनवुन त्याची मदत पुर पिडीत अपातकालीन परिस्थितीमध्ये सुध्दा घेण्यात येऊ शकते. करीता पावसाळा पुर्व नियोजन म्हणुन शहरातील नागरीकांच्या मदती करीता सर्व सोयीयुक्त साहित्य (बोट/नाव) सुसज्ज करून आवश्यक त्या ठिकाणी उपलब्ध करून देण्यात यावे, करीता भाजपा तर्फे निवेदन राहुल बा. पावडे जिल्हाध्यक्ष भाजपा महनगर, चंद्रपूर यांच्या नेतृत्वात सादर करण्यात आले.

    Powered by myUpchar


    यावेळी भाजप महानगर अध्यक्ष राहुल पावडे यांच्यासह भाजपा नेते रामपाल सिंग, प्रज्वल कडू, सुरज पेदुलवार, सविता कांबळे, संदिप आगलावे, पुरुषोत्तम सहारे, दिनकर सोमलकर, चांद सय्यद, शिला चव्हाण, मायाताई उईके,अजय सरकार, चंद्रकला सोयाय,अशा आबोजवार, जयश्री जुमडे, शितल आत्राम, प्रलय सरकार, रणजीत डवरे, सुनिल डोंगरे प्रमोद शिरसागर, महेश जिटे, मनीषा महातव, संजय निखारे,अमोल मते, यांची प्रामुख्याने उपस्थित होते.
    दरम्यान निवासी उपजिल्हाधिकारी यांनी भाजप शिष्टमंडळाला या प्रश्नावर तातडीने उपाययोजना करण्यात येईल असे आश्वासन दिले.

  • teacher approval issue in Maharashtra । शाळांना मंजूर ‘शून्य शिक्षक’! अंधाधुंद निर्णयांनी शिक्षण व्यवस्था कोलमडली

    teacher approval issue in Maharashtra

    teacher approval issue in Maharashtra : चंद्रपूर : शैक्षणिक सत्र २०२४-२५ ची शिक्षक संचमान्यता राज्यातील बहुतांश शाळांना नुकतीच वितरीत करण्यात आलेली आहे. यात प्रामुख्याने संचमान्यतेत राज्यातील अनेक शाळांना शुन्य शिक्षक मंजूर झाल्यामूळे विद्यार्थी, शिक्षक व शिक्षकेत्तर कर्मचाऱ्यांसमोर गंभीर समस्या निर्माण झाली आहे. त्‍यामुळे दि. १५ मार्च २०२४ रोजीचा संचमान्यतेबाबतचा अन्यायकारक शासन निर्णय रद्द करण्याबाबत आमदार सुधाकर अडबाले यांच्या नेतृत्‍वात विदर्भ माध्यमिक शिक्षक संघाच्या वतीने शिक्षणाधिकारी (माध्यमिक) यांच्या कार्यालयासमोर नुकतेच एक दिवसीय विदर्भस्तरीय धरणे / निदर्शने आंदोलन करण्यात आले. zero teacher sanction schools in Maharashtra

    Powered by myUpchar

    चंद्रपुरात पेव्हर्स ची चोरी, आप ने केली तक्रार

    या आंदोलनाच्या पार्श्वभूमीवर विमाशि संघाचे सरकार्यवाह तथा आमदार सुधाकर अडबाले यांनी मंत्रालयात शिक्षण राज्यमंत्री डॉ. पंकजजी भोयर, प्रधान सचिव श्री. रणजीत देओल, उपसचिव श्री. तुषार महाजन यांची भेट घेऊन विषयाची गंभीरता लक्षात आणून दिली.

    zero teacher sanction schools in maharashtra

    दि. २८ ऑगस्ट २०१५ च्या शासन निर्णयानुसार यापूर्वीचे संच निर्धारण होत होते. त्याप्रमाणेच शैक्षणिक सत्र २०२४-२५ चे संच निर्धारण करण्यात यावे व दि. १५ मार्च २०२४ रोजीचा शालेय शिक्षण व क्रीडा विभागाचा अन्यायकारक शासन निर्णय रद्द करावा, या प्रमुख मागणीसाठी विदर्भ माध्यमिक शिक्षक संघाच्या वतीने झालेल्या धरणे/ निदर्शने आंदोलनाचे निवेदन आमदार सुधाकर अडबाले यांनी शिक्षण राज्यमंत्री डॉ. पंकजजी भोयर, प्रधान सचिव श्री. रणजीत देओल यांना दिले व शिक्षकांवर अन्‍याय करणारा सदर शासन निर्णय रद्द करावा, अशी मागणी लावून धरली. 

  • Flame DK 25 innovation and leadership event । तंत्रज्ञानाचा वापर समाजोपयोगी व्हावा – आ. किशोर जोरगेवार

    Flame DK 25 innovation and leadership event

    Flame DK 25 innovation and leadership event : चंद्रपूर – आजचा काळ हा प्रगतीचा, विज्ञान-तंत्रज्ञानाच्या झपाट्याने होणाऱ्या विकासाचा काळ आहे. आज अनेक तरुण उच्च शिक्षण घेत आहेत, नव्या गोष्टी शिकत आहेत; परंतु त्या ज्ञानाचा उपयोग समाजासाठी किती होतोय, यावर विचार करणे गरजेचे आहे. तुम्ही शिकलेल्या तंत्रज्ञानाचा उपयोग समाजोपयोगी व्हावा असे प्रतिपादन आमदार किशोर जोरगेवार यांनी केले. MLA Kishor Jorgewar speech on youth and technology

    चंद्रपुरात पेव्हर्स ची चोरी, आपने केली तक्रार

    सरदार पटेल मेमोरियल सोसायटी (ईस्ट) व राजीव गांधी अभियांत्रिकी संशोधन व तंत्रज्ञान महाविद्यालय, चंद्रपूर यांच्या संयुक्त विद्यमाने बी.टेक. प्रथम वर्ष २०२४-२५ सत्रासाठी ‘फ्लेम डीके २५’ या विशेष उपक्रमाचे आयोजन करण्यात आले होते. या कार्यक्रमात आमदार जोरगेवार बोलत होते. यावेळी सरदार पटेल मेमोरियल सोसायटी ट्रस्टचे अध्यक्ष विनोद दत्तप्रेय, कोषाध्यक्ष निनाद गडमवार, राजीव गांधी अभियांत्रिकी महाविद्यालयाचे प्राचार्य डॉ. अनिल चिताडे यांच्यासह इतर मान्यवरांची मंचावर उपस्थिती होती.

    तुमचं ज्ञान समाजासाठी वापरा

    पुढे बोलताना आ. जोरगेवार म्हणाले की,  तुम्ही यंत्र तयार करा, युक्त्या शोधा, उपाय सुचवा  पण त्या केवळ आत्मकेंद्रित न राहता, समाजाच्या गरजांशी जोडल्या गेल्या पाहिजेत. आपल्या भागातील पाण्याची समस्या, शेतीतील अडचणी, आरोग्यसेवा, शिक्षणातील तांत्रिक अडथळे या सगळ्यांवर उपाय शोधायला तुम्ही पुढे आलात,तरच खऱ्या अर्थाने शिक्षणाचे चीज होईल. तुमचं शिक्षण, तुमचं ज्ञान, तुमचं कौशल्य हे केवळ नोकरीसाठी न वापरता, समाजासाठी, देशासाठी वापरा. MLA motivates students to innovate for society

    Powered by myUpchar

    कार्यक्रम केवळ एक कार्यक्रम नाही, तर विद्यार्थ्यांच्या भविष्याची नवी दिशा ठरवणारा, नेतृत्व, नवोन्मेष आणि तंत्रज्ञान यांची सांगड घालणारा एक अत्यंत उपक्रम आहे. आजच्या युगात केवळ पदवी मिळवणे एवढेच पुरेसे नाही, तर आपण सृजनशील, दूरदृष्टी ठेवणारे आणि समाजासाठी उत्तरदायी नागरिक होणे तितकेच आवश्यक आहे. या सारखे उपक्रम हे विद्यार्थ्यांमध्ये आत्मविश्वास निर्माण करणारे, त्यांच्या प्रतिभेला चालना देणारे आणि भविष्यातील आघाडीचे नेतृत्व घडवणारे आहेत. 

    mla motivates students to innovate for society

    नवे रोजगार निर्माण करा

    केवळ नोकरी मिळवायची नाही, तर नवे रोजगार निर्माण करायचे. केवळ तंत्रज्ञान शिकायचे नाही, तर त्याचा समाजोपयोग कसा होईल याची चाचपणी करा. तुम्ही उद्याचे संशोधक, उद्योजक आणि परिवर्तन घडवणारे बना असे आवाहन यावेळी बोलतांना आ. जोरगेवार यांनी केले. यावेळी विविध सांस्कृतिक कार्यक्रमाचे आयोजन करण्यात आले होते. या  कार्यक्रमाला विद्यार्थ्यांची मोठ्या संख्येने उपस्थिती होती.

  • public property theft chandrapur । चंद्रपुरात घनकचरा कंपनीने चोरली पेव्हर्स आणि गिट्टी?, आपची तक्रार

    public property theft chandrapur

    public property theft chandrapur : चंद्रपूर – शहरातील नागरी सुविधा आणि सौंदर्यीकरणासाठी वापरल्या गेलेल्या शासकीय मालमत्तेची सर्रास चोरी झाल्याचा धक्कादायक प्रकार चंद्रपूर शहरात उघडकीस आला आहे. कोहिनूर ग्राउंडवरील वॉकिंग ट्रॅकसाठी वापरलेले पेव्हर्स आणि माता महाकाली महोत्सवाच्या वेळी सार्वजनिक व्यवस्थेसाठी टाकलेली काळी गिट्टी ही दोन्ही शासकीय मालमत्ता अर्बन एनव्हायरो वेस्ट मॅनेजमेंट लिमिटेड या घनकचरा व्यवस्थापन करणाऱ्या खासगी कंपनीने चोरून स्वतःच्या खासगी कार्यालयात लावली असल्याचा गंभीर आरोप आम आदमी पार्टीने केला आहे. AAP complaint against waste management company

    नरभक्षक वाघिणीनंतर बछडा जेरबंद

    या प्रकरणी आम आदमी पार्टीचे जिल्हाध्यक्ष मयूर राईकवार यांनी चंद्रपूर महानगरपालिका आयुक्तांकडे लेखी तक्रार सादर केली असून, यामध्ये त्यांनी संबंधित कंपनीविरुद्ध कारवाई, मालमत्तेची जप्ती, तसेच पोलीस तक्रार व FIR दाखल करण्याची विनंती केली आहे. kohinoor ground pavers stolen case

    चोरीचा घटनाक्रम:

    • दिनांक 19 एप्रिल 2025 रोजी, कोहिनूर ग्राउंडवरील वॉकिंग ट्रॅकवरील शेकडो पेव्हर्स काढून घेण्यात आले.
    • त्याच दिवशी माता महाकाली मंदिर परिसरात टाकलेली काळी गिट्टी देखील गायब झाली.
    • ही सर्व मालमत्ता शहरातील बायपास रोड, अष्टभूजा जैन पेट्रोल पंप समोर असलेल्या अर्बन एनव्हायरो कंपनीच्या कार्यालयात लावलेली असल्याचे फोटो व साक्षीदारांद्वारे स्पष्ट झाले आहे.

    राईकवार यांचा आरोप:

    “महानगरपालिकेच्या मालकीची, सार्वजनिक वापरासाठी असलेली शासकीय मालमत्ता खासगी कंपनीने चोरून नेली हे गंभीर गुन्हेगारी कृत्य आहे. ही केवळ चोरी नव्हे, तर नागरी सुविधा नष्ट करण्याचा आणि लोकांच्या पैशांची लूट करण्याचा प्रकार आहे. यामध्ये संबंधित अधिकारी आणि कंपनीतील उच्चपदस्थांचा सहभाग असण्याची शक्यता नाकारता येत नाही,” असे राईकवार यांनी सांगितले.

    Powered by myUpchar

    तक्रारीतील मुख्य मागण्या:

    • अर्बन एनव्हायरो वेस्ट मॅनेजमेंट लिमिटेड कंपनीविरुद्ध गुन्हा दाखल करावा.
    • शासकीय मालमत्तेची जप्ती करून मूळ ठिकाणी परत लावण्यात यावी.
    • कंपनीच्या महानगरपालिकेशी असलेल्या कराराची चौकशी करून, करार त्वरित रद्द करण्यात यावा.
    • स्थानिक पोलिस स्टेशनच्या FIR नोंदवून कार्यवाही सुरू करण्यात यावी.
    शहरात संतापाची लाट!

    या प्रकरणामुळे शहरात संतापाची लाट पसरली असून, नागरिकांकडूनही तीव्र प्रतिक्रिया उमटत आहेत. कोहिनूर ग्राउंडवरील नागरिक आणि महाकाली मंदिर परिसरातील रहिवाशांनी यापूर्वीही मालमत्ता काढली जात असल्याची तक्रार केली होती, मात्र कारवाई करण्यात आलेली नव्हती. kohinoor ground pavers stolen case

    महापालिकेच्या भूमिकेवर प्रश्नचिन्ह?


    सदर कंपनी महानगरपालिकेच्या घनकचरा व्यवस्थापनाचे काम करत असून, त्यांच्या विरुद्ध इतक्या गंभीर स्वरूपाचा आरोप होणे ही महापालिकेच्या देखरेखीतील हलगर्जीपणाचे स्पष्ट लक्षण आहे. यामुळे प्रशासनाची भूमिका आणि पारदर्शकता यावर गंभीर प्रश्नचिन्ह निर्माण झाले आहे.

    आम आदमी पार्टीचा इशारा:

    जर याप्रकरणी तातडीने कारवाई झाली नाही, तर आम आदमी पार्टी रस्त्यावर उतरून आंदोलन छेडेल आणि जनतेसोबत एकजूट होऊन जबाबदारांवर कठोर कार्यवाही होईपर्यंत लढा देईल, असा इशारा पक्षाने दिला आहे या वेळी जिल्हाध्यक्ष मयूर राईकवार , युवा जिल्हाध्यक्ष राजू कूडे, शहर अध्यक्ष योगेश गोखरे , महानगर संगठन मंत्री सतोष बोपचे ,महिला अध्यक्ष एड तबस्सुम शेख इत्यादि उपस्थित होते .

  • FTK Water testing awareness in villages । 1400 गावांत शुद्ध पाण्यासाठी चंद्रपूर जिल्हा प्रशासनाचा पुढाकार

    FTK Water testing awareness in villages

    FTK Water testing awareness in villages : चंद्रपुर – राज्य शासनाच्या निर्देशानुसार ग्रामिण भागातील पिण्याच्या पाण्याच्या स्त्रोतांची रासायनिक व जैविक पाणी गुणवत्ता तपासणी करण्यासाठी दिनांक १२ मे ते ७ जून २०२५ या कालावधीत “क्षेत्रीय तपासणी संच (FTK)” संचा द्वारे पाणी गुणवत्ता तपासणी जनजागृती मोहीम जिल्ह्यात राबविण्यात येत आहे. नागरिकांना सुरक्षित व स्वच्छ पिण्याचे पाणी मिळावे यासाठी जिल्ह्यातील 1400 गावांमध्ये ही मोहीम प्रभावीपणे राबविण्याचे आवाहन जिल्हा परिषदेचे मुख्य कार्यकारी अधिकारी पुलकीत सिंग यांनी केले आहे. Jal Jeevan Mission water quality monitoring

    चंद्रपुरात भव्य तिरंगा रॅली

                           एफ.टी.के. संचाद्वारे पाणी गुणवत्ता तपासणी जनजागृती मोहीम ही ग्रामपंचायत विभाग, महिला व बालकल्याण विभाग, आरोग्य विभाग, शिक्षण विभाग व पाणी पुरवठा विभागाच्या सहभागातून यशस्वी केली जाणार आहे. या मोहीमेच्या जिल्हास्तरीय शुभारंभ कार्यक्रमात मुख्य कार्यकारी अधिकारी पुलकीत सिंग यांचे हस्ते शुभारंभ करण्यात आला. यावेळी  जल जीवन मिशनचे प्रकल्प प्रमुख नुतन सावंत ,जिल्हा आरोग्य अधिकारी अशोक कटारे, प्रकल्प संचालक जिल्हा ग्रामीण विकास यंत्रणा गीरीश धायगुडे , वरीष्ट भुवैज्ञानीक लीना बाराहाते, जिल्हा कार्यक्रम व्यवस्थापक संजय धोटे, पाणी गुणवत्ता तज्ञ अंजली डाहुले तसेच जिल्हा पाणी व स्वच्छता विभागातील सल्लागार व कर्मचारी  जिल्हास्तरीय शुभारंभाला उपस्थीत होते.

    पाण्याचे नमुने तपासणी होणार

    जैविक क्षेत्रीय तपासणी (एफ.टी.के.) संचाद्वारे गावांमध्ये जनजागृती अभियान राबविण्यासाठी सुरु झालेल्या मोहिमेतंतर्गत गावात पाणी तपासणी करण्यासाठी निवड केलेल्या व संकेतस्थळावर नोंदविलेल्या पाच महिलांची पडताळणी करणे, महिलांच्या पाणी गुणवता विषयक एफ.टी.के. किट  प्रशिक्षणाच्या नोंदी घेणे घरगुती नळ, अंगणवाडी, शाळा यांची पाणी नमुणे तपासणी केली जाणार आहे. या मुळे पाणी  तपासणीत महिलांची भूमिका महत्वाची व निर्णयक ठरणार असुन ही मोहीम गट विकास अधिकारी, आरोग्य विभागातील कर्मचारी, ग्रामसेवक यांनी   गावा गावात चांगली राबवावी असे  प्रतीपादन मुख्य कार्यकारी अधिकारी पुलकीत सिंग यांनी केले. Field Test Kit training for women in Maharashtra

    गावात आठवी ते दहावीमधील विद्यार्थ्यांना एफ. टी. के. किटव्दारे पाणी तपासणीचे प्रात्यक्षिक देणे, वर्ग ८ ते १० मधील विद्यार्थ्यांमार्फत शाळा, अंगणवाड्या, घरगुती नळ जोडण्यामधील पाणी नमुने तपासणी करणे, डब्यूक्यूएमआयएस (WQMIS) पोर्टलवर नोंदी घेणे, नळ पाणी पुरवठा योजना स्त्रोत, घरगुती नळ जोडण्या, शाळा, अंगणवाड्यांची पाणी गुणवता तपासणी करण्यासाठी रासायनिक व जैविक एफ.टी.के.किट  वाटप करणे, तसेच स्थानिकांना पाणी गुणवत्ता तपासणी व त्यापासून होणारे फायदे सांगितले जाणार असल्याचे प्रकल्प संचालक नुतन सावंत यांनी सांगीतले. Jal Jeevan Mission water quality monitoring

                          दिनांक १९ ते २३ मे २०२५ या कालावधीत जनजागृती मोहिमेचा तालुकास्तरीय शुभारंभ गट विकास अधिकारी यांचे हस्ते करण्यात येणार आहे तर दि. २ जून ते ७ जून २०२५ कालावधीत मोहिमेची ग्रामपंचायत स्तरावर प्रत्यक्ष अंमलबजावणी होईल. या मोहिमेदरम्यान जिल्हयात क्षेत्रीय तपासणी संच (एफ.टी.के.) द्वारे पाणी पाणी गुणवत्ता तपासणी आणि व्यापक जनजागृती करण्यात येणार असल्याचे  जल जीवन मिशन चे प्रकल्प संचालक नुतन सावंत  यानी सांगीतले .

  • Tiranga Rally । ‘ऑपरेशन सिंदूर’च्या यशानंतर देशप्रेमाचा महासागर — चंद्रपूरमध्ये भव्य तिरंगा रॅलीचे आयोजन!

    Tiranga Rally

    Tiranga Rally : चंद्रपूर – ‘ऑपरेशन सिंदूर’च्या यशानंतर (indian army) भारतीय सैन्याच्या शौर्य, धैर्य आणि बलिदानाला मानवंदना देण्यासाठी नॅशनल सेक्युटीसाठी नागरिक या उपक्रमा अंतर्गत आमदार किशोर जोरगेवार यांच्या संयोजनातून चंद्रपूर शहरात भव्य तिरंगा रॅलीचे आयोजन करण्यात आले आहे. ही रॅली शनिवार दिनांक 17 मे रोजी सायंकाळी 5 वाजता छत्रपती शिवाजी महाराज चौक येथून प्रारंभ होणार असून, देशप्रेमी नागरिकांनी मोठ्या संख्येने यात सहभागी होण्याचे आवाहन आमदार जोरगेवार यांनी आयोजित पत्रकार परिषदेतून केले. Indian army bravery celebration rally

    त्या नरभक्षक वाघिणीचा बछडा अखेर जेरबंद

       सदर पत्रकार परिषदेला ओबीसी नेते अशोक जिवतोडे, दशरथसिंह ठाकूर, तुषार सोम, माजी महापौर अंजली घोटेकर, प्रकाश देवतळे, माजी नगर सेवक बलराम डोडाणी, सुभाष कासनगोट्टूवार, वंदना हातगावकर, सविता दंढारे आदींची उपस्थिती होती.

    लष्कराच्या शौर्याला सलाम करण्यासाठी सामील व्हा

    पत्रकार परिषदेत बोलताना आमदार किशोर जोरगेवार म्हणाले की, जम्मू-काश्मीरमधील पहलगाम येथे पर्यटकांवर झालेल्या भ्याड दहशतवादी हल्ल्यानंतर भारतीय लष्कराने ‘ऑपरेशन सिंदूर’च्या माध्यमातून पाकिस्तानला ठोस आणि चोख प्रत्युत्तर दिले. या कारवाईमध्ये पाकिस्तानातील अनेक दहशतवादी तळ उद्ध्वस्त करण्यात आले असून, संपूर्ण देशवासीयांच्या मनात गर्व आणि अभिमानाची लहर उसळली आहे. या पराक्रमाची साक्ष देणाऱ्या आणि लष्कराच्या शौर्याला मानाचा मुजरा करणाऱ्या तिरंगा रॅलीचे आयोजन चंद्रपूरमध्ये (chandrapur) करण्यात आले आहे.

    ही रॅली केवळ एक मिरवणूक न राहता, ती देशप्रेम, राष्ट्रीय एकता आणि भारतीय लष्कराविषयी कृतज्ञता व्यक्त करणारे प्रभावी माध्यम ठरणार आहे. प्रत्येकाच्या हातात तिरंगा आणि मनात मातृभूमीबद्दलचा अभिमान असावा, हीच या रॅलीमागची भावना असल्याचे आमदार जोरगेवार यांनी स्पष्ट केले.

    Powered by myUpchar

    रॅलीची सुरुवात छत्रपती शिवाजी महाराज चौक येथून होईल. यानंतर ही रॅली गांधी चौक, जटपूरा गेट मार्गे पुन्हा छत्रपती शिवाजी महाराज चौकात परत येईल आणि तेथे रॅलीचा समारोप करण्यात येईल. रॅली दरम्यान देशभक्तीपर घोषणांनी शहरात देशप्रेमाचे वातावरण निर्माण होणार आहे. तरुणाईचा, महिला मंडळांचा, विविध शैक्षणिक संस्था, स्वयंसेवी संस्था आणि चंद्रपूरकर नागरिकांचा उत्स्फूर्त सहभाग या रॅलीला ऐतिहासिक स्वरूप प्राप्त करून देईल, असा विश्वास आमदार जोरगेवार यांनी व्यक्त केला. या देशभक्तीपूर्ण रॅलीत सहभागी होऊन आपल्या लष्कराच्या शौर्याला अभिवादन करण्यासाठी सर्व नागरिकांनी या प्रेरणादायी उपक्रमात भाग घ्यावा, असे आवाहनही त्यांनी यावेळी केले.

  • land acquisition issues in Maharashtra । स्थानिक शेतकऱ्यांचे रक्षण हेच प्राधान्य – खासदार प्रतिभा धानोरकर

    land acquisition issues in Maharashtra

    शेतकऱ्यांच्या भूमीसाठी लढा! खासदार धानोरकरांची नागपूर बैठक ठरली निर्णायक

    land acquisition issues in Maharashtra : चंद्रपूर – वणी क्षेत्रातील गाडेगाव, खैरगाव, टाकळी, चिखली आणि सोनुर्ली या गावांमधील शेतकऱ्यांची जमीन पैनगंगा प्रकल्पाच्या अनुषंगाने अधिग्रहित करण्यात आली आहे. मात्र, काही शेतकऱ्यांच्या जमिनी अद्याप अधिग्रहण प्रक्रियेत समाविष्ट झालेल्या नाहीत.

    यामुळे भविष्यात त्यांच्या पिकांचे नुकसान होण्याची शक्यता आहे, तसेच त्यांना आर्थिक व सामाजिक अडचणींचा सामना करावा लागू शकतो.

    या पार्श्वभूमीवर, चंद्रपूर-वणी-आर्णी लोकसभा मतदारसंघाच्या खासदार मा. प्रतिभाताई धानोरकर यांनी वेस्टर्न कोलफिल्ड्स लिमिटेडचे (वेकोली) व्यवस्थापकीय संचालक जयप्रकाश द्विवेदी यांच्याशी नागपूर येथे बैठक घेऊन चर्चा केली. Western Coalfields land acquisition news

    नरभक्षक वाघिणीचा बछडा जेरबंद

    या बैठकीस काँग्रेसचे जिल्हाध्यक्ष तथा माजी आमदार सुभाष धोटे, निदेशक (कार्मिक) हेमंत पांडे, जी.एम. (आयआर), जी.एम. (भुराजस्व) तसेच संबंधित भूधारक शेतकरी उपस्थित होते.

    शेतकऱ्यांच्या शिल्लक जमिनीचे अधिग्रहण करा

    बैठकीदरम्यान खासदार धानोरकर यांनी लेखी मागणी सादर करत स्पष्ट केले की, वणी क्षेत्रातील उकणी खंड क्र. 1 ची जमीन नीलजई डीप विस्तार प्रकल्पासाठी अधिग्रहित करण्यासंदर्भात चर्चा झाली असून, पैनगंगा प्रकल्पाच्या अनुषंगाने वरील गावांतील शेतकऱ्यांच्या शिल्लक जमिनीही तातडीने अधिग्रहित करण्यास परवानगी देण्यात यावी.

    खासदार धानोरकर म्हणाल्या, “स्थानिक शेतकऱ्यांच्या हिताचे रक्षण करणे हे माझे सर्वोच्च प्राधान्य आहे. त्यामुळे या संदर्भात तात्काळ निर्णय घेऊन शेतकऱ्यांच्या समस्या दूर कराव्यात.”

    Powered by myUpchar

    या बैठकीत वेकोली कामगारांच्या पदस्थापना, रोजगार आणि शैक्षणिक पात्रतेनुसार नेमणूक या मुद्द्यांवरही सविस्तर चर्चा झाली. वेकोलीच्या व्यवस्थापनाने या सर्व मुद्द्यांवर सकारात्मक कारवाई केली जाईल, असे आश्वासन यावेळी दिले.

  • tiger cub captured by forest officials । सिंदेवाहीत पुन्हा एकदा वनविभागाचे यश; वाघिणीचा बछडा पकडला

    tiger cub captured by forest officials

    tiger cub captured by forest officials : सिंदेवाही – १० मे रोजी सिंदेवाही तालुक्यातील मेंढा माल या गावातील काही महिला सिंदेवाही वनपरिक्षेत्रातील नियतक्षेत्र डोंगरगाव मध्ये तेंदूपत्ता संकलन करण्यासाठी गेल्या असता त्याठिकाणी वाघीण व तिच्या ३ बछड्यानी महिलांवर हल्ला केला या हल्ल्यात ३ महिलांचा जागीच मृत्यू झाला होता. देशात प्रथमच अशी घटना घडल्यावर वनविभाग खळबळून जागा झाला आणि वाघीण व तिच्या बछड्यांची शोधमोहीम सुरु केली. १३ मे रोजी वाघिणीला वनविभागाने जेरबंद केले होते. आज १६ मे रोजी वाघिणीच्या बछड्याला वनविभागाने जेरबंद करण्यास यश मिळविले. rescue of tiger cubs after attack

    चंद्रपूर शहरातील ओसाड मैदान बनलं ड्रग्सचा अड्डा

    वाघाच्या हल्ल्यात ३ महिलांचा मृत्यू

    १० मे रोजी सिंदेवाही तालुक्यात तेंदूपत्ता गोळा करण्याकरिता जंगलात गेलेल्या महिलांवर वाघाचा हल्ला झाला या हल्ल्यात ६६ वर्षीय कांताबाई बुधाजी चौधरी, ३० वर्षीय शुभांगी मनोज चौधरी व ४९ वर्षीय सारिका शालिक शेंडे यांचा मृत्यू झाला होता. या घटनेनंतर वनविभागाने वाघीण व बछड्याचा शोधासाठी कॅमेरा ट्रॅप व लाईव्ह कॅमेरा घटनास्थळी लावण्यात आले.

    ६४ कॅमेरा ट्रॅप

    वाघाच्या शोधासाठी ६२ वन कर्मचारी, ६४ कॅमेरा ट्रॅप व ८ लाईव्ह कॅमेरे लावण्यात आले. १३ मे ला वाघिणीला वनविभागाने जेरबंद केले, सदर वाघिणीची उत्तरीय तपासणी करून WRTC गोरेवाडा येथे पाठविण्यात आले. तर १६ मे ला डोंगरगाव नियतक्षेत्र कक्ष क्रमांक १३६० मध्ये वाघिणीच्या नर बछड्याला पोलीस दलातील शुटर अजय मराठे यांनी डार्ट करून बेशुद्ध केले. सदर बछड्याची उत्तरीय तपासणी सुरु आहे. tigress and cubs captured by forest department

    Powered by myUpchar

    सदर सिंदेवाही वनक्षेत्रात इतर बछड्याचा शोध वनविभागाद्वारे सुरु आहे, सदरची यशस्वी कारवाई राकेश सेपट, एमबी चोपडे, डॉ. रविकांत खोब्रागडे, राकेश आहुजा यांच्या मार्गदर्शनात सिंदेवाही वनपरिक्षेत्र अधिकारी विशाल सालकर यांच्या नेतृत्वात एनटी गडपायले, पीएस मानकर, केडी मसराम, चिकाटे, वायएम चौके, सचिन चौधरी यांनी केली.

  • amrut scheme water supply problems । अमृत योजनेचा फटका; पाणी नाही, जनता आहे त्रस्त!, आपने दिला आंदोलनांचा इशारा

    amrut scheme water supply problems

    amrut scheme water supply problems : चंद्रपूर – बाबुपेठ परिसरातील आंबेडकर नगर प्रभागात पाण्याच्या तीव्र टंचाईने नागरिक त्रस्त झाले असून, अमृत योजनेअंतर्गत पाणी मिळावे यासाठी त्यांनी प्रशासनाला जोरदार हाक दिली आहे. अनेक दिवसांपासून नियमित पाणीपुरवठा न झाल्याने जनतेचे हाल सुरू असून, मूलभूत सुविधेसाठी त्यांना रस्त्यावर उतरण्याची वेळ येत आहे.

    पडोली मध्ये १ कोटी रुपयांची आधुनिक अभ्यासिका

    या गंभीर परिस्थितीबाबत आम आदमी पक्षाचे युवा जिल्हाध्यक्ष राजू कुडे यांनी प्रशासनासह लोकप्रतिनिधींवर टीकेची झोड उठवली आहे. “स्थानिक आमदार, खासदार, पालकमंत्र्याकडून बाबुपेठ वर वीज पाण्याची सर्जिकल स्ट्राईक सुरु आहे, प्रशासकीय अधिकारीही या समस्येकडे दुर्लक्ष करत आहेत,” असा आरोप राजू कुडे यांनी केला आहे. aam aadmi party water protest

    तर तीव्र आंदोलन करणार

    राजू कुडे पुढे म्हणाले, “अमृत योजनेसाठी कोट्यवधींचा खर्च झाल्याचे सांगितले जाते, मात्र प्रत्यक्षात नागरिकांना एक थेंब पाणी मिळत नाही. ही दुर्दैवी आणि लज्जास्पद गोष्ट आहे.” त्यांनी प्रशासनाला इशारा दिला की, जर लवकरात लवकर पाणीपुरवठा सुरळीत न झाल्यास आम आदमी पक्षाच्या वतीने तीव्र आंदोलन छेडले जाईल.

    विशेष म्हणजे, तत्कालीन मुख्यमंत्री एकनाथ शिंदे यांनीच महाराष्ट्र विधानसभेत चंद्रपूर महानगरपालिकेतील ९० टक्के अमृत योजनेचे काम पूर्ण झाल्याचे स्पष्ट वक्तव्य केले होते. परंतु या वक्तव्यानंतरही प्रत्यक्षात आंबेडकर नगरसारख्या भागात नागरिकांना एका थेंब पाण्यासाठी वणवण भटकावे लागत आहे, ही बाब खेदजनक आणि खोट्या विकासाच्या दाव्यांचा पर्दाफाश करणारी आहे.

    Powered by myUpchar

    स्थानिक नागरिकांनीही संतप्त प्रतिक्रिया व्यक्त करत पाण्याविना रोजचे जगणे कठीण झाल्याचे सांगितले. महिलांना, वृद्धांना आणि लहान मुलांना या टंचाईचा सर्वाधिक त्रास सहन करावा लागत असून येणाऱ्या महानगरपालिकेचा निवडणुकीत सत्ताधाऱ्यांना धडा शिकवू असे ते म्हणाले.

    आतातरी या गंभीर समस्येकडे प्रशासन आणि लोकप्रतिनिधी लक्ष देतील का, याकडे आता जनतेचे लक्ष्य लागले आहे.

  • mla kishor jorgewar development work । शब्द नव्हे, कृती! किशोर जोरगेवारांच्या विकास कामांचं प्रत्यक्ष उदाहरण

    mla kishor jorgewar development work

    mla kishor jorgewar development work : चंद्रपूर – शिक्षण ही आपल्या समाजाची खरी ताकद आहे. ही ताकद भक्कम करायची असेल, तर त्यासाठी पायाभूत सुविधा पुरवणं ही आमची जबाबदारी आहे. आजचं हे भूमिपूजन म्हणजे केवळ एका इमारतीची सुरुवात नाही, तर ज्ञानदालन उभारण्याची प्रक्रिया आहे. विद्यार्थ्यांना शांत, प्रेरणादायी आणि आधुनिक वातावरणात अभ्यास करण्याची संधी देणारी ही वास्तू असून, पडोली येथे उभारण्यात येणारी ही अभ्यासिका शैक्षणिक प्रगतीसाठी भक्कम पाया ठरेल, असे प्रतिपादन आमदार किशोर जोरगेवार यांनी केले.

    mla funded development projects

    २४ वर्षीय तरुणांकडून चंद्रपुरात एमडी पावडरची विक्री

    जिल्हा परिषदेच्या अंतर्गत एक कोटी रुपयांच्या निधीतून पडोली येथे उभारण्यात येणाऱ्या अत्याधुनिक अभ्यासिकेच्या कामाचे भूमिपूजन आमदार किशोर जोरगेवार यांच्या हस्ते संपन्न झाले. याप्रसंगी ते बोलत होते. या कार्यक्रमाला भारतीय जनता पक्षाचे माजी शहराध्यक्ष दशरथसिंह ठाकूर, पडोली ग्रामपंचायतीचे सरपंच विक्की लाडसे, उपसरपंच संगीता नागरकर, नामदेव डाहुळे, प्रकाश देवतळे, बलराम डोडाणी, मनोज पाल, नकुल वासमवार, ग्रामपंचायत सदस्या छाया पायधन, शामलता ईटनकर, सुनीता पिंपळकर, शबाना शेख, राकेश पिंपळकर, संजय बुरघाटे, जय मिश्रा आदी मान्यवर उपस्थित होते. mla funded development projects

    माझ्या विधानसभेतील प्रत्येक विद्यार्थी अधिकारी बनेल

    पुढे बोलताना आ. जोरगेवार म्हणाले, ही केवळ एका इमारतीची सुरुवात नसून आपल्या विद्यार्थ्यांच्या उज्ज्वल भविष्यासाठी टाकलेले एक विश्वासार्ह आणि महत्त्वाचे पाऊल आहे. माझ्या मतदारसंघातील प्रत्येक विद्यार्थी पुढे जावा, स्पर्धा परीक्षा देऊन यश मिळवावे, अधिकारी बनावा, यासाठी ही अभ्यासिका उपयुक्त ठरेल. अभ्यासिकेमध्ये वाचनालय, बैठकीच्या आधुनिक सुविधा, वीज व पाणी व्यवस्था, मुला-मुलींसाठी स्वतंत्र व्यवस्था अशा सर्व सुविधा उपलब्ध करून दिल्या जाणार आहेत. आपल्या मुला-मुलींनी शिकून मोठं व्हावं, ही फक्त पालकांचीच नाही, तर आमचीही जबाबदारी आहे. त्यामुळे अशा विकासकामांना आम्ही  सर्वोच्च प्राधान्य देत आहोत. government study hall project

    Powered by myUpchar

    मागील पाच वर्षांत आपण मतदारसंघात ११ अभ्यासिका उभारण्याचा संकल्प केला होता. त्यापेक्षाही अधिक अभ्यासिका आपण उभारू शकलो याचा मला आनंद आहे. महामानव डॉ. बाबासाहेब आंबेडकर यांनी दीक्षा दिलेल्या दीक्षाभूमी येथे आपण एक कोटी रुपयांतून भव्य अभ्यासिका उभारली आहे, जिथे शेकडो विद्यार्थी अभ्यास करतात. अनेक अभ्यासिकांची कामे प्रगतीपथावर आहेत. आज पडोली येथील अभ्यासिकेचे भूमिपूजन झाले असून, वर्षभरात ही अभ्यासिका पूर्ण होईल, अशी अपेक्षा आहे, असेही त्यांनी सांगितले.यावेळी बोलताना आमदार जोरगेवार यांनी, अभ्यासिका पूर्ण झाल्यानंतर साहित्य खरेदीसाठी आणखी २५ लाख रुपयांचा निधी देण्यात येईल, अशी घोषणा केली. या कार्यक्रमाला स्थानिक नागरिकांची मोठ्या संख्येने उपस्थिती होती.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by