My Blog

Author: Admin

  • sand smuggling at night । रेती माफियांचं ‘नाईट प्लॅन’: चंद्रपूरात काय चाललंय?

    sand smuggling at night

    sand smuggling at night : चंद्रपूर – राज्यात वाळू घाटाचे लिलाव प्रक्रिया सुरु आहे मात्र हि प्रक्रिया सुरु होण्यापूर्वी वाळू माफियांनी नदी-नाले पोखरून काढत आहे. वाळू घाट सध्या वाळू माफियांकरिता सुरु आहे, मोठे असो कि लहान बांधकाम यासाठी चोरीच्या रेतीचा वापर होताना दिसत आहे.

    वाळूमाफियांचा गोरखधंदा

    चंद्रपूर जिल्ह्यात सुद्धा हीच परिस्थिती आहे, राजकीय वेशातील वाळू माफियांनी सर्वत्र उच्छाद मांडला आहे. प्रशासनासोबत हातमिळवणी करून राजकीय वेशातील वाळू माफियांचा गोरखधंदा मागील कित्येक महिन्यापासून सतत सुरु आहे. प्रशासन कारवाईच्या नावावर केवळ ट्रॅक्टर चालकांना निशाणा बनवीत आहे मात्र राजकीय वाळू माफियांचे हायवा प्रशासनाच्या नजरेतून वाचत कसे आहे? हा प्रश्न आता काही नागरिक विचारू लागले आहे. political sand mafia

    चंद्रपुरात मोफत स्पर्धा परीक्षेचे मार्गदर्शन, अम्मा कि पढाई

    जिल्ह्यात घरकुल धारकांसाठी काही वाळू घाट राखीव करण्यात आले आहे, तरी सुद्धा रात्रीच्या अंधारात वाळू माफिया तस्करी करीतच आहे, २८ मे रोजी चंद्रपूर – नागपूर महामार्गावरील CDCC बॅंकेजवळ रात्री १२ वाजेदरम्यान वाळू ची अनलोडींग सुरु होती.

    विशेष बाब म्हणजे या भागात प्रशासनातील सर्व वरिष्ठ अधिकारीवर्ग या ठिकाणी राहतात, प्रशासनाच्या नाकावर टिच्चून वाळू माफिया आपलं काम करीत आहे. चंद्रपूर शहरात राजकीय वेशातील अनेक वाल्मिक या वाळू तस्करीमध्ये गुंतलेले आहे, पण प्रशासन यापर्यंत आजही पोहचू शकले नाही.

    🟦 H2: FAQs About Sand Smuggling at Night

    ❓ Why is sand smuggling mostly done at night?

    👉 To avoid detection by authorities and public.

    ❓ Who is behind the sand smuggling in Chandrapur?

    👉 Reports suggest involvement of local political-backed mafias.

    ❓ How can the public report sand smuggling?

    👉 Citizens can report through district administration portals or helplines.

  • pickpocket caught at bus station । गर्दीत चोरीचा कट फसला! मूल पोलिसांनी पकडले ३ चोरटे

    pickpocket caught at bus station

    pickpocket caught at bus station : मूल – शहरातील सार्वजनिक ठिकाण बस स्थानक, याठिकाणी नागरिकांची मोठ्या प्रमाणात प्रवास करण्याकरिता गर्दी जमते मात्र या गर्दीत चोरांचा सुळसुळाट हा वाढलेला असतो. मूल बस स्थानक परिसरात जमलेल्या गर्दीत पाकिटमाराने आपला डाव साधत १८ हजार रुपयांवर डल्ला मारला.

    २४ मे रोजी सायंकाळी ४ वाजून ३० मिनिटांनी मूल बस स्थानक येथे बस मध्ये चढत असताना यशवंत भरणे यांच्या पॅन्ट च्या मागील खिशात असलेले १८ हजार रुपये अज्ञाताने चोरले.

    स्पर्धा परीक्षांचे मोफत प्रशिक्षण आता चंद्रपुरात

    याबाबत भरणे यांनी तात्काळ मूल पोलीस स्टेशन गाठ फिर्याद दिली, पोलिसांनी कलम ३०३ (२) अन्व्ये अज्ञातांवर गुन्हा दाखल करीत तपास सुरु केला. तपासादरम्यान गोपनीय माहितीच्या आधारे मूल बस स्थानक समोर चंद्रपूरच्या दिशेने जाणाऱ्या वाहनांची वाट बघणारा ४५ वर्षीय इसम नामे शरद वाघुजी रुयारकर याला पोलिसांनी ताब्यात घेतले, त्याची अंगझडती घेतली असता त्याच्याजवळ १२ हजार ५०० रुपये आढळून आले.

    शरद रुयारकर बाबत अधिक माहिती घेतली असता त्याच्यावर चोरीचे गुन्हे दाखल आहे अशी माहिती पुढे आली. बस स्थानक परिसरात आरोपी व त्याचे साथीदार टोळकं बनवीत पाकीट मारण्याचे काम करीत होते. pickpocketing gang arrested

    पाकिटमारांचे टोळके

    पोलिसांनी या प्रकरणी ज्ञानेश्वर उर्फ नाना गुलाब मडावी व विजय उर्फ विजू सुधाकर बेलेकर याना वरोरा मधून अटक करण्यात आली. आरोपीकडून चोरीस गेलेले १८ हजार रुपये नगदी जप्त करण्यात आले. पुढील तपास मूल पोलीस करीत आहे.

    सदरची कामगिरी उपविभागीय पोलीस अधिकारी सुधाकर यादव यांच्या मार्गदर्शनात सहायक पोलीस निरीक्षक सुबोध वंजारी यांच्या नेतृत्वात पोलीस कर्मचारी जमीरखां पठाण, भोजराज मुंडरे, चिमाजी देवकते, नरेश कोडापे व संदीप चुधरी यांनी केली. cash stolen from passenger at bus stop

    चंद्रपूर पोलिसांनी याबाबत नागरिकांना आव्हान केले कि, बस मध्ये चढत किंवा उतरत असताना आपल्या मौल्यवान वस्तूची काळजी घ्यावी व मागील खिशात पैसे, पाकीट व मोबाईल इत्यादी वस्तू ठेवू नये, जर आपल्याला संशयित इसम आढळले तर तात्काळ पोलीस नियंत्रण कक्ष चंद्रपूर डायल ११२ वर कॉल करून माहिती द्यावी.

  • bike theft caught in Chandrapur । चंद्रपूर पोलिसांचा ‘परफेक्ट प्लॅन’ – दुचाकी चोरासह मुद्देमाल हस्तगत

    bike theft caught in Chandrapur

    bike theft caught in Chandrapur : चंद्रपूर जिल्ह्यातील विविध तालुक्यात दुचाकी चोरी करणारा चोर स्थानिक गुन्हे शाखेच्या हाती लागला असून आरोपीकडून एकूण ४ दुचाकीसहित १ लक्ष ७० हजारांचा मुद्देमाल जप्त करण्यात आला आहे.

    विहिरीत पडून बिबट्याचा मृत्यू

    २६ मे रोजी स्थानिक गुन्हे शाखेच्या पथकाने गोपनीय माहितीच्या आधारे रामनगर पोलीस स्टेशन हद्दीतील बाबुपेठ वॉर्ड निवासी २६ वर्षीय राकेश अमर वाडके याला ताब्यात घेत विचारपूस केली असता त्याच्याजवळून पोलीस स्टेशन बल्लारपूर, भद्रावती, रामनगर व एक बेवारस दुचाकी अश्या एकूण ४ दुचाकी वाहने चोरी केल्याचे कबूल केले. stolen bikes recovered by police

    गुन्ह्यात जप्त वाहन

    • पोलीस स्टेशन बल्लारपूर हद्दीतील – हिरो पॅशन प्रो मोटार सायकल क्रमांक MH ३४ AR ०४५२
    • भद्रावती येथील हिरो स्प्लेंडर मोटर सायकल क्रमांक MH ३६ R ४०६८
    • पोलीस स्टेशन रामनगर – हिरो स्प्लेंडर वाहन क्रमांक MH ३४ X ३७५२
    • बेवारस होंडा ऍक्टिव्हा वाहन क्रमांक MH ३४ CB ४९८४ जप्त करण्यात आले.

    सदरची यशस्वी कामगिरी पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू यांच्या मार्गदर्शनात स्थानिक गुन्हे शाखा पोलीस निरीक्षक अमोल काचोरे यांच्या नेतृत्वात सहायक पोलीस निरीक्षक बलराम झाडोकर, पोउपनि संतोष निंभोरकर, पोलीस कर्मचारी जयसिंग, गणेश मोहुर्ले, दिनेश अराडे, संतोष येलपुलवार, नितीन रायपुरे व मिलिंद जांभुळे यांनी केली.

    गुन्ह्याचा पुढील तपास बल्लारपूर पोलीस करीत आहे.

  • leopard dies in village well । शिकारीच्या मागावर गेलेल्या बिबट्याचा विहिरीत पडून अंत

    leopard dies in village well

    leopard dies in village well : मूल:- तालुक्यातील आगडी येथे एका अंदाजे पाच वर्षीय नर बिबट्याचा विहिरीत पडून दुर्दैवी मृत्यू झाला. ही घटना आज, बुधवार सकाळी उघडकीस आली.

    आगडी येथील रहिवासी बाबूराव निकोडे यांच्या घराशेजारी असलेल्या विहिरीत हा बिबट्या रात्रीच्या सुमारास पडला असावा. विहिरीतून बाहेर पडणे शक्य न झाल्याने त्याचा पाण्यातच मृत्यू झाला.

    आज सकाळी बाबूराव निकोडे आपल्या गाईच्या गोठ्याकडे गेले असता, त्यांना विहिरीत बिबट्या दिसला. त्यांनी तात्काळ या घटनेची माहिती वनविभागाला दिली.

    अम्मा कि पढाई, गरजू विद्यार्थ्यांना मिळणार स्पर्धा परीक्षेचे मोफत प्रशिक्षण

    घटनेची माहिती मिळताच, प्रभारी सहाय्यक उपवनसंरक्षक नायगमकर आणि वनपरिक्षेत्र अधिकारी प्रियंका वेलमे यांच्या मार्गदर्शनाखाली वनविभागाचे अधिकारी व कर्मचारी तातडीने घटनास्थळी दाखल झाले. यामध्ये क्षेत्र सहाय्यक प्रशांत खनके, क्षेत्र सहाय्यक नंदकिशोर पडवेकर, संजीवन पर्यावरण संस्थेचे सदस्य उमेशसिंह झिरे, प्रशांत मुत्यारपवार आणि वनरक्षक अनिल नालमवार यांचा समावेश होता.

    वनविभागाच्या कर्मचाऱ्यांनी घटनास्थळाचा पंचनामा केला आणि मृत बिबट्याला विहिरीतून बाहेर काढले. त्यानंतर शवविच्छेदनासाठी मृत बिबट्याला चंद्रपूर येथे पाठवण्यात आले.

    शिकारीच्या मागे धावताना घडला प्रसंग

    प्राथमिक अंदाजानुसार, बिबट्या शिकारीच्या मागे धावताना विहिरीत पडला असावा, असा कयास व्यक्त केला जात आहे. या घटनेमुळे परिसरात हळहळ व्यक्त होत आहे. leopard death due to drowning

  • how to report illegal liquor Maharashtra । अवैध दारू बाबत तक्रार करा, डायल करा हा क्रमांक

    how to report illegal liquor Maharashtra toll-free

    how to report illegal liquor Maharashtra toll-free : मागील वर्षभरात जिल्ह्यात अवैध दारुची निर्मिती, त्याची वाहतूक व विक्री करणा-या 1668 आरोपींना अटक करण्यात आली आहे. तसेच नियमांचे उल्लंघन करणा- या 151 दारु दुकानांविरुद्ध राज्य उत्पादन शुल्क विभागाने केलेल्या कारवाईत 129 अनुज्ञप्त्यांधारकांना एकूण 47 लक्ष रुपयांचा दंड ठोठावण्यात आला.  तर 15 दुकाने 5 ते 15 दिवसांपर्यंतच्या कालावधीकरिता निलंबित ठेवण्यात आली आहेत.

    1668 आरोपीना अटक

    राज्य उत्पादन शुल्क विभागाने 2023-24 या आर्थिक वर्षात 963 गुन्ह्यात 773 आरोपींना अटक केली होती. त्यांच्या ताब्यातून 42 वाहनांसह 98 लक्ष 95 हजारांचा मुद्देमाल जप्त करण्यात आला होता. त्या तुलनेत 2024-25 या आर्थिक वर्षात अवैध दारुविरुद्ध केलेल्या कारवाईत दुपटीने वाढ झाली आहे. या कालावधीत अवैध दारुची निर्मिती, विक्री, वाहतूक करणा-यांविरोधात नोंदविलेल्या 1840 गुन्ह्यात 1668 आरोपींना अटक करण्यात आली आहे. त्यांच्या ताब्यातून 135 वाहनांसह 1 कोटी 9 लक्ष 11 हजार रुपये किंमतीचा मुद्देमाल जप्त करण्यात आला आहे. तसेच महाराष्ट्र दारुबंदी कायद्याचे कलम 93 अन्वये सराईत आरोपींकडून चांगल्या वर्तणूकीचे बंधपत्र घेण्यासाठी 249 प्रस्ताव सर्व उपविभागीय दंडाधिका-यांकडे पाठविण्यात आले आहेत. illegal liquor raids 2024-25 Maharashtra

    जेवणांनंतर पाणी पीत आहात? तर हि माहिती एकदा वाचा

    तसेच राज्य उत्पादन शुल्क विभागाकडून मद्य विक्री दुकानांचे अचानकपणे निरिक्षण केले जाते व नियमांचे उल्लंघन आढळून आल्यास विसंगती प्रकरण नोंदवण्यात येते. मागील वर्षभरात (एप्रिल 2024 ते मे 2025) राज्य उत्पादन शुल्क विभागाकडून करण्यात आलेल्या तपासणीत एकूण 151 अनुज्ञप्त्यांमध्ये नियमांचे उल्लंघन होत असल्याचे दिसून आले होते. ही विसंगती प्रकरणे जिल्हाधिकारी यांच्याकडे कारवाईस्तव सादर केली असता जिल्हाधिकारी विनय गौडा जी.सी. यांनी 129 प्रकरणात प्रत्येकी 25 ते 50 हजार रुपयांपर्यंतचा दंड ठोठावला असून गंभीर प्रकरणात दारु दुकानांचे व्यवहार 15 दिवसांपर्यत निलंबित करण्याचे आदेश दिले आहेत. मागील वर्षभरात नोंदविलेल्या प्रकरणात नियमांचे भंग करणाऱ्या अनुज्ञप्तीधारकांना एकूण 47 लाखांचा दंड ठोठावण्यात आला आहे.

    तक्रारीसाठी डायल करा

    नागरिकांना त्यांच्या परिसरात अवैध दारूची माहिती मिळाल्यास त्याबाबतची तक्रार राज्य उत्पादन शुल्क विभागाच्या टोल फ्री क्रमांक 18002339999 व व्हाट्सअप क्रमांक 8422001133  वर नोंदवावी, असे आवाहन  राज्य उत्पादन शुल्क विभागाचे अधीक्षक नितिन धार्मिक यांनी केले आहे.

  • extra teacher staffing irregularities । अतिरिक्त शिक्षकांचे समायोजन पूर्ण होईपर्यंत नविन पदांना मान्यता नको – आमदार सुधाकर अडबाले

    extra teacher staffing irregularities Maharashtra

    extra teacher staffing irregularities Maharashtra : चंद्रपूर : राज्यातील इतर मागास बहुजन कल्याण विभागामार्फत चालविल्या जाणाऱ्या अनुदानित विजाभज आश्रमशाळांमध्ये अतिरिक्त शिक्षक व कर्मचारी यांची संख्या प्रचंड वाढली आहे. असे असतांना शिक्षकांचे कायम समायोजन न करता सर्रास पदभरत्या करणे सुरू आहे. त्यामुळे अतिरिक्त शिक्षकांवर अन्याय होत आहे. अतिरिक्त शिक्षक व शिक्षकेत्तर कर्मचाऱ्यांचे कायम समायोजन पूर्ण होईपर्यंत नविन पदांना मान्यता प्रदान करण्यात येऊ नये, अशी मागणी आमदार सुधाकर अडबाले यांनी इतर मागास बहुजन कल्याण विभागाचे मंत्री अतुल सावे व प्रधान सचिव विनिता सिंघल यांच्‍याकडे केली.

    चंद्रपूर जिल्ह्यात वाघाचा आतंक, एकाच दिवशी दोघांची शिकार

    रिक्त पदांना मान्यता देण्याचे कारस्थान

    राज्यात अनुदानित तत्वावर ९७७ खाजगी प्राथमिक, माध्यमिक व उच्च माध्यमिक आश्रमशाळा असुन दिवसेंदिवस अतिरिक्त शिक्षकांची संख्या वाढतच आहे. सन २०१२ पासून शिक्षकांचे कायम समायोजन न करता पडद्यामागून मोठ्या प्रमाणावर रिक्त पदांना मान्यता देण्याचे कारस्थान सुरू आहे. अतिरिक्त शिक्षक व कर्मचाऱ्यांचे पूर्ण समायोजन होईपर्यंत नवीन पदांना मान्यता प्रदान करण्यात येऊ नये, याबाबत दिनांक १६ ऑक्टोबर २०१२, दिनांक ८ मार्च २०१८ व दिनांक २८ मार्च २०१८ असे अनेक शासननिर्णय या विभागाने निर्गमित केले असून या शासन निर्णयांना केराची टोपली दाखवत ह्या नियुक्त्या प्रदान करण्यात आलेल्या आहेत. teacher recruitment policy violations Maharashtra

    सन २०१२ पूर्वी मान्यतेचे अधिकार हे विशेष जिल्हा समाज कल्याण अधिकारी यांचेकडे होते. मात्र, शासनाने घालून दिलेल्या दिशादर्शक सूचना व नियमांचे पालन न करता संस्थाचालकांशी संगनमत करून मोठ्या प्रमाणावर शिक्षक व कर्मचारी यांच्या नियुक्तीस मान्यता दिल्या. यामध्ये अनियमितता झाल्याचे लक्षात आल्यामुळे विभागाने दिनांक १६ ऑक्टोबर २०१२ ला शासननिर्णय निर्गमित करून नियुक्तीचे अधिकार प्रादेशिक उपायुक्तांना देत अतिरिक्त शिक्षक व कर्मचाऱ्यांचे पूर्ण समायोजन होईपर्यंत नवीन पदांना देऊ नये, अशी अट टाकली. मात्र, स्थानिक अधिकाऱ्यांनी कर्मचाऱ्यांच्या समायोजनाकडे जाणीवपूर्वक दुर्लक्ष केले.

    अतिरिक्त कर्मचारी वाढले

    परिणामी राज्यात अतिरिक्त कर्मचाऱ्यांचे प्रमाण प्रचंड वाढले. एका सोलापूर जिल्ह्यात २४५ शिक्षक व शिक्षकेत्तर कर्मचारी अतिरिक्त आहेत. तरीही अर्धन्यायिक अपीलाच्या आयुधाचा वापर करून पडद्यामागून शिक्षक व शिक्षकेत्तर कर्मचारी भरती सुरूच आहे. हे करत असतांना मात्र याच विभागाकडून निर्गमित शासननिर्णय दिनांक १५ मे २०१९ नुसार पवित्र पोर्टलचा अवलंब करण्यात आला नाही तसेच TET उत्तीर्ण नसलेल्या शिक्षकांनाही मान्यता दिली. तसेच ही प्रक्रिया करतांना संचालकांना डावलून संस्थाचालकांनी मान्यतेचे प्रस्ताव थेट मंत्रालयात दाखल करून ह्या मान्यता घेतलेल्या आहेत. यात मोठ्या प्रमाणावर अनियमितता झाली असून याबाबत सखोल चौकशी केल्यास मोठे घबाड बाहेर येण्याची शक्यता आहे. extra teacher staffing irregularities Maharashtra

    त्यामुळे मागील दोन वर्षाच्या कालावधीमध्ये अशाप्रकारे झालेल्या सर्व नियमबाह्य पदभरत्या रद्द करून अतिरिक्त शिक्षक व शिक्षकेत्तर कर्मचाऱ्यांचे कायम समायोजन प्राधान्याने करण्यात यावे, अशी मागणी आमदार सुधाकर अडबाले यांनी विभागाचे मंत्री अतुल सावे व प्रधान सचिव विनिता सिंघल यांच्‍याकडे केली आहे. 

  • free mpsc coaching for poor students । अम्मा कि पढाई, गरजू विद्यार्थ्यांना मिळणार स्पर्धात्मक परीक्षेचे मोफत प्रशिक्षण

    free mpsc coaching for poor students

    free mpsc coaching for poor students : चंद्रपूर –  गरिब आणि गरजू विद्यार्थ्यांना  एमपीएससी, पोलीस भरती, आर्मी भरती यांसारख्या स्पर्धा परीक्षेसाठी मोफत प्रशिक्षण देण्याचा अम्मा की पढ़ाई हा अभिनव उपक्रम आमदार किशोर जोरगेवार यांच्या संकल्पनेतून राबविण्यात येत आहे. या उपक्रमातील चाचणी परिक्षेचा निकाल नुकताच जाहीर झाला असून, तीन हजार विद्यार्थ्यांपैकी 300 विद्यार्थ्यांची निवड करण्यात आली आहे.

    चंद्रपूर मनपा हद्दीत ५४ जीर्ण इमारतींना नोटीस

    13 एप्रिल रोजी शहरातील चार परीक्षा केंद्रांवर ही चाचणी परिक्षा घेण्यात आली होती. त्यानंतर 21 एप्रिल रोजी उत्तरतारीखा प्रसिद्ध करण्यात आली. 26 मे रोजी अंतिम गुणवत्ता यादी जाहीर करण्यात आली असून, गुणवत्तानिहाय सिमारेषा निश्‍चित करण्यात आल्या होत्या. त्यानुसार निवडलेल्या 300 विद्यार्थ्यांची अंतिम यादी प्रसिद्ध करण्यात आली आहे.

    जून महिन्यात सुरु होणार प्रशिक्षण

    जून महिन्यात निवड झालेल्या विद्यार्थ्यांची प्रमाणपत्र पडताळणी करून प्रत्यक्ष प्रशिक्षणवर्ग सुरू करण्यात येणार आहेत. या वर्गांमध्ये तज्ज्ञ शिक्षकांचे मार्गदर्शन, मोफत अभ्यासिका, शैक्षणिक साहित्य, तसेच दर रविवारी अधिकाऱ्यांद्वारे विशेष मार्गदर्शन सत्र अशी सुविधा दिली जाणार आहे. या अभिनव उपक्रमामुळे आर्थिक अडचणींमुळे मागे राहिलेल्या विद्यार्थ्यांना गुणवत्तापूर्ण मोफत प्रशिक्षण मिळणार असून, त्यांच्या प्रगतीच्या मार्गातील अडथळे दूर होणार आहेत. free army recruitment coaching for needy students

    आमदार जोरगेवार यांचा पुढाकार

    आमदार किशोर जोरगेवार यांच्या पुढाकारामुळे चंद्रपूर जिल्ह्यातील अनेक विद्यार्थी आपल्या अधिकारी होण्याच्या स्वप्नांना बळ देऊ शकणार आहेत. अम्मा की पढ़ाई (Amma ki padhai) उपक्रमाच्या माध्यमातून विद्यार्थ्यांना आत्मविश्वास देऊन सक्षम बनवण्याचा हा प्रयत्न निश्चितच कौतुकास्पद ठरत आहे. अनेक विद्यार्थी फक्त आर्थिक अडचणींमुळे आपल्या स्वप्नांना गळा घालतात, त्यामुळे या उपक्रमाच्या माध्यमातून गरिब आणि गरजू विद्यार्थ्यांना मोफत प्रशिक्षण देऊन त्यांच्या आत्मविश्वासात आणि कौशल्यात वाढ करणे, हेच आमचे ध्येय आहे. अशी भावना आमदार किशोर जोरगेवार यांनी व्यक्त केली आहे. free coaching for competitive exams for underprivileged

    या पुढाकारामुळे चंद्रपूर जिल्ह्यातील विद्यार्थी आपल्या अधिकारी होण्याच्या स्वप्नांना बळ देऊ शकणार आहेत. अम्मा की पढ़ाई उपक्रमाच्या माध्यमातून विद्यार्थ्यांना आत्मविश्वास देऊन सक्षम बनवण्याचा हा प्रयत्न निश्चितच कौतुकास्पद ठरत आहे.

     गुणवत्ता निहाय गुणांची सीमारेषा सर्वसाधारण वर्गासाठी 62 गुण , महिलांसाठी 58, बीपीएलसाठी 57, दिव्यांगांसाठी 32 आणि अनाथ विद्यार्थ्यांसाठी 21 गुण ठेवण्यात आली. यानुसार 300 विद्यार्थ्यांची अंतिम निवड झाली आहे.

  • Chandrapur building safety notice 2025 । 54 जिर्ण इमारतींना चंद्रपूर मनपाची नोटीस

    Chandrapur building safety notice 2025

    Chandrapur building safety notice 2025 : चंद्रपूर – महापालिका क्षेत्रातील शिकस्त इमारतींपासून परिसरातील रहिवाशांच्या जीविताला निर्माण होऊ शकणारा संभाव्य धोका पाहता चंद्रपूर महानगरपालिकेने कारवाई करण्यास सुरवात केली असुन मागील काही दिवसात 54 जीर्ण इमारतींना नोटीस देण्यात आली आहे.

    चंद्रपूर जिल्ह्यात एकाच दिवशी दोघांची वाघाने केली शिकार

     
        पावसाळ्यात दरवर्षी महापालिका क्षेत्रातील जीर्ण व शिकस्त इमारतींचा सर्व्हे करण्यात येतो. यात आढळलेल्या धोकादायक इमारतीतील रहिवाश्यांना महाराष्ट्र महानगरपालिका अधिनियम, 1949 चे कलम 264 अन्वये नोटीस जाहीर करण्यात येते. चंद्रपूर मनपातर्फे झोन 1 अंतर्गत 28, झोन 2 अंतर्गत 16 तर झोन 3 अंतर्गत 10 अश्या एकुण 54 धोकादायक इमारतींना नोटीस देण्यात आली आहे.  

    स्थलांतरित व्हा


       नोटीसनुसार धोकादायक इमारतीमध्ये वास्तव्यास असलेल्या सर्व व्यक्तींना व महत्वाचे साहित्य अन्यत्र सुरक्षित ठिकाणी तात्काळ स्थलांतरीत होण्यास सांगण्यात आले असुन त्वरित आपल्या इमारतीची दुरुस्ती करुन घेण्याचे तसेच त्यांनतर आपल्या इमारतीचे नोंदणीकृत स्ट्रक्चरल अभियंता यांचेकडून सर्वेक्षण करुन त्याबाबतचे स्ट्रक्चरल स्टॅबिलिटी सर्टिफिकेट मनपा कार्यालयास सादर करण्यास कळविण्यात आले आहे. how to get structural stability certificate

     
      पावसाळ्यापूर्वी सदर कारवाई दरवर्षी मनपातर्फे करण्यात येते मात्र काही मालमत्ताधारक जिवाची पर्वा न करता त्याच इमारतीत तळ ठोकून राहतात. यामुळे परिसरातील रहिवाशांच्या जिवालासुद्धा धोका निर्माण होतो. मग अश्या प्रसंगी निष्कासीत करण्याची अथवा नियमानुसार कारवाई मनपातर्फे करण्यात येते.

  • Frequency of tiger attacks in Chandrapur region । चंद्रपूर जिल्ह्यात माणूस आणि वन्यजीव संघर्ष शिगेला, एकाच दिवशी दोघांची शिकार

    Frequency of tiger attacks in Chandrapur region

    Frequency of tiger attacks in Chandrapur region : चंद्रपूर जिल्ह्यात मानव वन्यजीव संघर्ष टोकाला पोहचला असून २७ मे रोजी वाघाने मूल तालुक्यात दोघांना ठार केल्याची घटना उघडकीस आली आहे. मागील १७ दिवसात वाघाने ११ नागरिकांची शिकार केली असून ५ महिन्यात २३ नागरिकांचा वाघाच्या हल्ल्यात मृत्यू झाला.

    पतीसमोर वाघाने पत्नीला नेले फरफटत

    पहिल्या घटनेत मूल तालुक्यातील कांतापेठ गावातील ५२ वर्षीय सुरेश मुंगरु सोपानकार हा मंगळवारी चिरोली मार्गावरील जंगलात बकऱ्या चारण्यासाठी गेला होता, दुपारच्या सुमारास बकऱ्याचा कळप गावात परतला मात्र सुरेश हा न परतल्याने गावातील नागरिकांनी याबाबत वनविभागाला माहिती दिली. गावकरी व वनविभागाच्या कर्मचाऱ्यांनी चिरोली मार्गावरील जंगलात शोधमोहीम राबवली असता सुरेश चा छिन्न विछिन्न अवस्थेतील मृतदेह आढळला, सुरेशचा पूर्ण पाय वाघाने खाऊन टाकला होता. Wildlife conservation and human conflict in Chandrapur

    पतीसमोर पत्नीला नेले फरफटत

    दुसऱ्या घटनेत मूल तालुक्यातील भगवानपूर मधील जंगल परिसरात बांबूच्या बारीक काड्या, सरपण आणि कुड्याची फुले आणण्याकरिता चिरोली गावातील ४५ वर्षीय संजीवनी मैकलवार हि महिला पती संजय मैकलवार, नातेवाईक कवडू बोमनवार, शांताबाई कवडू बोमनवार हे चौघे वनविकास महामंडळाच्या कंपार्टमेंट क्रमांक ५२४ मध्ये सकाळी ९ वाजताच्या सुमारास गेले होते. अचानक झुडपात दबा धरून बसलेल्या वाघाने संजीवनी वर हल्ला केला, संजीवनी ला पती व नातेवाइकांसमोर वाघाने फरफटत नेले, पती व त्यांच्या नातेवाईकांनी आरडाओरडा करीत वाघाला हुसकावून लावले मात्र तोपर्यंत संजीवनीचा मृत्यू झाला होता. Tiger attacks in villages near Chandrapur forests

    या घटनेनंतर गावातील नागरिकांनी घटनास्थळी धाव घेतली, यावेळी वनविकास महामंडळाचे वनपरिक्षेत्र अधिकारी एस.बी.बोथे,वनपाल शिंदे, कर्मचारी गव्हारे,अशोक सिंघण, टोलेवाही येथिल पोलिस पाटिल संगिता चल्लावार,चिरोली येथील पोलिस पाटिल गोकूळ मोहूर्ले,चिरोली येथील वनरक्षक सविता गेडाम,प्राणीमित्र उमेश झिरे आणि मूल येथील प्रभारी पोलिस निरिक्षक सुबोध वंजारी घटनास्थळी दाखल झाले.

    हल्ल्याचे सत्र

    मे महिन्यात तेंदूपत्ता हंगाम सुरु झाल्यापासून वाघाने आपला आतंक सुरु केला आहे, १० मे पासून वाघाने सतत हल्ले करीत आतापर्यंत ११ नागरिकांची शिकार केली आहे, वाघाचे हल्ले नियंत्रणात यावे यासाठी वनविभागाने ठोस पाऊले उचलली नसल्याने नागरिकांचे बळी जात आहे. मागील ५ महिन्यात २३ नागरिक वाघाच्या हल्ल्यात बळी पडले आहे.

  • Sudhir Mungantiwar free sand distribution । आमदार सुधीर मुनगंटीवार यांच्या हस्ते घरकुलासाठी मोफत रेती वाटप सुरू!

    Sudhir Mungantiwar free sand distribution

    Sudhir Mungantiwar free sand distribution : चंद्रपूर : घरकुल लाभार्थ्यांना मोफत पाच ब्रास रेती पुरवठा करण्याच्या योजनेचा शुभारंभ चंद्रपूर जिल्ह्यातील विसापूर येथून राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांच्या हस्ते करण्यात आला. रेती वाहतूक करणाऱ्या वाहनांना हिरवी झेंडी दाखवून या उपक्रमाची सुरुवात झाली. Free sand for housing beneficiaries Maharashtra

    चंद्रपूर शहरात वारंवार खंडित होणाऱ्या वीज पुरवठ्यापासून मिळेल सुटका

    आपण अन्न, वस्त्र, निवारा या मनुष्याच्या मुलभूत गरजा आहे असं म्हणतो. त्यादृष्टीने स्वतःचं एक घर असणे ही प्रत्येकाच्या जीवनातील एक मूलभूत गरज आणि प्रत्येकाचे स्वप्नही असते. स्वातंत्र्यानंतर अनेकांनी आपल्या हक्काच्या घराचे स्वप्न पाहिले. परंतु, अनेकांची ही स्वप्ने अद्यापही अपूर्ण आहेत. पंतप्रधान श्री. नरेंद्रजी मोदी यांच्या नेतृत्वात प्रधानमंत्री आवास योजनेंतर्गत देशातील ४ कोटी लोकांना घरे मिळाली आहेत. महाराष्ट्रात पहिल्या टप्प्यात २० लाख आणि दुसऱ्या टप्प्यात आणखी २० लाख घरकुलांचे उद्दिष्ट ठेवण्यात आले आहे. त्यामुळे प्रत्येक गरिबाचे घरकुलाचे स्वप्न आता पूर्ण होणार आहे,” असा विश्वास आमदार श्री. सुधीर मुनगंटीवार (sudhir mungantiwar) यांनी यावेळी व्यक्त केला. Chandrapur free sand housing scheme

    लाभार्थ्यांना मिळणार ५ ब्रास रेती

    घरकुल बांधकामासाठी सरासरी पाच ब्रास रेती लागते. मात्र रेतीच्या टंचाईमुळे आणि वाढत्या खर्चामुळे लाभार्थ्यांना ३० ते ३५ हजार रुपये अतिरिक्त खर्च करावा लागत होता. परिणामी, शासनाच्या अनुदानातून घरकुल पूर्ण होणे कठीण जात होते. ही अडचण लक्षात घेऊन शासनाने अनुदानात ५० हजार रुपयांची वाढ केली असून, प्रत्येक लाभार्थ्याला मोफत पाच ब्रास रेती देण्याचा निर्णय घेतला आहे.

    चंद्रपूर जिल्हा हा महाराष्ट्रात घरकुल योजनेअंतर्गत मोफत रेती वाटपात आघाडीवर असून, आज प्रातिनिधिक स्वरूपात १० ब्रास रेतीचे वाटप करण्यात आले. मुल व पोंभुर्णा तालुक्यांमध्येही हे मोफत रेती वाटपाचे कार्य सुरू आहे. मात्र पावसामुळे रेती वाटपाचे कार्यात अडथळा निर्माण झाल्याने घाटरस्त्यांचे तातडीने दुरुस्तीचे निर्देशही त्यांनी दिले. Chandrapur Gharkul Yojana free sand details

    मोफत रेती वाटप आवश्यक

    “शासन निर्णयानुसार सध्या १० जूनपर्यंतच मोफत रेती वितरणाची परवानगी आहे. त्यामुळे लाभार्थ्यांना वेळेत रेती मिळण्यासाठी मदत व मार्गदर्शन आवश्यक आहे. पालकमंत्री असताना पात्र लाभार्थ्यांना रमाई व शबरी योजनांतर्गत मागेल त्याला घरे देण्यात आली होती. तसेच ओबीसी घटकांसाठी ‘नमो घरकुल’ योजना सुरू करण्यात आली. या सर्व योजनांचा खरा लाभ गरजूंपर्यंत पोहोचण्यासाठी मोफत रेती वाटप आवश्यक आहे,” असे त्यांनी स्पष्ट केले.

    घरकुल योजनेत ५० हजार रुपयांची वाढ शासनाने केल्याचेही त्यांनी नमूद केले. या योजनेची मुदत ३० जूनपर्यंत वाढवावी यासाठी मुख्यमंत्री श्री. देवेंद्र फडणवीस यांना पत्राद्वारे मागणी केली असल्याचेही आमदार श्री. सुधीर मुनगंटीवार यांनी यावेळी सांगितले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by