चंद्रपूर मनसे पक्षात फेरबदल

News34

चंद्रपूर – चंद्रपूर जिल्हा मनसे मध्ये फेरबदल करण्यात आले असून वाहतूक सेना चंद्रपूर जिल्हाध्यक्ष पदी महेश वासलवार यांची नियुक्ती करण्यात आली आहे.

सध्या चंद्रपूर जिल्हा मनसे मध्ये सर्व काही आलबेल सुरू असून संघटन वाढीसाठी नव्या चेहऱ्यांना संधी देण्यात आली होती, त्यामध्ये काही पदाधिकाऱ्यांनी संघटन वाढीसाठी भरीव प्रयत्न केले व करीत आहे.

ज्या पदाधिकाऱ्यांनी पक्ष संघटन वाढीसाठी प्रयत्न न केल्याने त्यांना जबाबदारी मधून मुक्त करण्यात आले आहे, चंद्रपूर जिल्हा मनसे वाहतूक सेना जिल्हाध्यक्ष पदावर मनसैनिक महेश वासलवार यांची नियुक्ती करण्यात आली आहे.

वाहतूक सेना संघटनेचे अध्यक्ष संजय नाईक यांच्या आदेशाने सरचिटणीस आरिफ शेख यांच्यासह मनसे वाहतुक राज्य उपाध्यक्ष सुधीर खापने व मनसे जिल्हा अध्यक्ष मनदीप रोडे यांच्या हस्ते वासलवार यांना नियुक्ती पत्र प्रदान करण्यात आले.

नियुक्ती झाल्यावर वासलवार यांनी वाहतूक सेना संघटन वाढीचे जिल्ह्यात प्रयत्न करू व वाहतुकदारांना सध्या नेतृत्वाची गरज आहे, त्यांच्या समस्यांकडे अनेकदा दुर्लक्ष होते, आम्ही मनसे वाहतूक सेनेच्या माध्यमातून त्यांच्या समस्या शासन दरबारी मांडून त्या सोडविण्याचा प्रयत्न करू अशी प्रतिक्रिया नवनियुक्त जिल्हाध्यक्ष वासलवार यांनी दिली.