My Blog

Tag: पप्पू देशमुख

  • Tree plantation drive on Fadnavis birthday । 🌳 “फडणवीसांच्या वाढदिवशी अनोखे आंदोलन – 100 झाडांनी भरले रामबाग मैदान!”

    Tree plantation drive on Fadnavis birthday

    Tree plantation drive on Fadnavis birthday : चंद्रपूर – शहराच्या मध्यवर्ती ठिकाणी तसेच बस स्थानक व रेल्वे स्थानकापासून अत्यंत जवळ असलेल्या जि.प.च्या जुन्या इमारतीच्या ठिकाणी 2 एकर जागा उपलब्ध असतांना प्रशासनाने रामबाग मैदानावर नविन इमारत बांधण्याचा अट्टाहास करणे, पहिल्यांदा मैदानावर खड्डा व दुसऱ्यांदा 100 वृक्षांची कत्तल केल्यानंतर इमारतीची जागा बदलवणे,प्रशासनाचे हे नियोजन समजण्या पलीकडचे आहे. आम्ही सर्व लोकप्रतिनिधी वेळेवर जागे झालो असतो तर कदाचित रामबागवर खड्डा व वृक्षतोड झाली नसती. त्यामुळे रामबाग मैदानावर खड्डा व वृक्षतोड होणे शहरातील सर्व लोकप्रतिनिधींचे सामूहिक अपयश आहे,अशी भूमिका रामबाग मैदान बचाव संघर्ष समितीचे पप्पू देशमुख यांनी व्यक्त केली.

    चंद्रपूर जिल्हा मध्यवर्ती बँकेवर भाजपची सत्ता, रविंद्र शिंदे नवे अध्यक्ष

    रामबाग मैदानावर झालेल्या वृक्षतोडीच्या विरोधात आज 22 जुलै रोजी सकाळी 8 मुख्यमंत्री देवेंद्र फडणवीस यांच्या जन्मदिनानिमित्त 100 वृक्षांची लागवड करण्यात आली. या वृक्षारोपण आंदोलनाच्या माध्यमातून मुख्यमंत्र्यांना ‘शतायुषी व्हा’, अशा शुभेच्छा देण्यात आल्या. तसेच ‘रामबाग मैदान आरक्षित करा, नेहमीसाठी सुरक्षित करा’ अशी मागणीही या आंदोलनातून करण्यात आली.या आंदोलनाच्या वेळी देशमुख यांनी आपली भूमिका व्यक्त केली. जोपर्यंत जिल्हा परिषदेच्या नवीन इमारतीचे बांधकाम स्थलांतरित होणार नाही तोपर्यंत आंदोलन सुरू राहील असे त्यांनी यावेळी जाहीर केले. Zilla Parishad construction site controversy Chandrapur

    ज्याठिकाणी वृक्षतोड त्याठिकाणी वृक्षारोपण

    विशेष म्हणजे स्थानिक पर्यावरणाला पूरक अशा देशी वृक्षांची यावेळी लागवड करण्यात आली. कडूनिंब, आंबा,आवळा, अर्जुनी, सागवान,जांभूळ, सिताफळ अशी एकूण 100 वृक्ष आंदोलनात सामील नागरिकांनी लावली. वृक्षतोड झालेल्या ठिकाणाच्या जवळ खड्डे करून सर्व झाडे लावण्यात आली. Citizens plant 100 trees after illegal tree cutting


    या आंदोलनामध्ये संघर्ष समितीचे राजेश अडूर, अक्षय येरगुडे,मंतोष देबनाथ, रवींद्र माडावर, कुशाबराव कायरकर, भाविक येरगुडे, विलास माथनकर, महेंद्र राळे, रवी पचारे,राजेश ठाकूर, वनिता साठोणे, विजय बदखल, चंद्रकांत वासाडे, दिलीप होरे, नवनाथ डेरकर, प्रवीण अडूर, नितीन बन्सोड, इमदाद शेख,अशोक दिघीकर,आनंद वनकर, अरुण भेलके, मुकेश वाळके,पवन अधिकारी,सिनु,प्रदिप दास,बलराम शाह, सुभाष पाचभाई, अश्विन माहुर्पवार,अतुल शुक्ला, अमोल घोडमारे,प्रफुल बैरम अजित दखणे,नामदेव पिपरे इत्यादी सदस्य तसेच सराव करणाऱ्या युवक व विद्यार्थ्यांनी मोठ्या संख्येने भाग घेतला.

  • rambagh ground tree felling । 😡 “विकास” की विनाश?” रामबाग मैदानाच्या शेजारी 100 झाडांची निर्घृण कत्तल!

    rambagh ground tree felling

    मुख्यमंत्र्यांच्या जन्मदिनी संघर्ष समितीचे ‘वृक्षारोपण आंदोलन’

    rambagh ground tree felling : चंद्रपूर : जि.प.च्या जुन्या इमारतीच्या ठिकाणी 2 एकर जागा उपलब्ध असतांना नविन जागेवर जिल्हा परिषद इमारत बांधण्याचा हट्ट प्रशासनाने सोडला नाही. नागरिकांच्या दबावामुळे रामबाग मैदान सोडले.परंतु मैदानावरील 100 झाडांची कत्तल करून बांधकामाला सुरुवात केली.अत्यंत प्रदूषित अशा चंद्रपूर शहरात हिरवळीने नटलेल्या रामबाग मैदानाच्या शेजारील सुमारे 100 वृक्षांची युद्ध पातळीवर कटाई करून सार्वजनिक बांधकाम विभागाने जिल्हा परिषदेच्या नवीन इमारतीचे काम सुरू केले. cutting 100 trees for government building

    ताड, सिंधी व सागवानचे चाळीस-पन्नास वर्षापेक्षा जुने वृक्ष कापण्यात आली आहे. या प्रकारामुळे चंद्रपूर शहरातील नागरिक पुन्हा एकदा संतप्त झाले आहेत. राज्याचे मुख्यमंत्री देवेंद्र फडणवीस यांच्या जन्मदिनानिमित्त येत्या 22 जुलै रोजी सकाळी 8 वाजता नवीन जिल्हा परिषद इमारतीच्या प्रस्तावित जागेवर 100 वृक्षांची लागवड करून वृक्षतोडीचा निषेध करण्यात येईल अशी माहिती रामबाग मैदान बचाव संघर्ष समितीचे पप्पू देशमुख यांनी एका प्रसिद्धी पत्रकाद्वारे दिली.

    कंत्राटदाराच्या हितासाठी प्रशासनाचा अट्टाहास
    …..पप्पू देशमुख यांचा आरोप

    जिल्हा परिषदेच्या नवीन इमारती करिता रामबाग मैदानावर खड्डा खोदण्यात आला. इमारतीचे बांधकाम थांबले परंतु खड्ड्यामुळे मैदानाला मोठे नुकसान झाले. यानंतर शहरातील जागरूक नागरिक, संघटना- संस्था, क्रीडा प्रेमी, खेळाडू, योगा ग्रुप्स सर्वांनी महापंचायत घेऊन या ठिकाणी बांधकामाला नागरिकांचा विरोध असल्याचा ठराव सर्वानुमते घेतला. स्थानिक आमदार किशोर जोरगेवार यांच्या उपस्थितीत झालेल्या बैठकीमध्ये जिल्हाधिकारी विनायक गौडा यांना महापंचायतच्या ठरावाची प्रत देण्यात आली. आता जिल्हा प्रशासनाने मैदान सोडले परंतु मैदाना शेजारची 100 जुनी वृक्षे अक्षरशः कापून काढली. ‘हा विकास नसुन ही विकृती आहे’,अशी संतप्त भावना देशमुख यांनी व्यक्त केली. green belt cutting for district council building

    ऑनलाईन गेमिंगमुळे आत्महत्या वाढल्या, केंद्राकडे पाठपुरावा करणार – आमदार जोरगेवार

    चंद्रपूर सारख्या अत्यंत प्रदूषित शहरात हिरवळ असलेले एकमेव मैदान असल्यामुळे रामबाग मैदान व त्यावरील नैसर्गिक सौंदर्याला सिमेंट काँक्रीटच्या विकासाचे नख लागू नये अशी जनभावना आहे. प्रस्तावित इमारतीची जागा बदलल्यास काम करण्यास विलंब होऊ शकतो. कंत्राटदारांचे काम लवकरात लवकर व्हावे, त्यातून चार पैसे आपल्या पदरी पडावे या एकमेव हेतूने प्रशासन आडमुठेपणाची भूमिका घेत आहे असा आरोप सुध्दा देशमुख यांनी केला. नवीन इमारतीचे बांधकाम जिल्हा परिषदेच्या जुन्या परिसरामध्ये उपलब्ध असलेल्या दोन एकर जागेमध्ये स्थलांतरित करण्यात यावे या करिता रामबाग मैदान बचाव संघर्ष समितीचा लढा सुरू राहील अशी माहिती त्यांनी प्रसिद्धी पत्रकारद्वारे दिली.

  • AMRUT scheme corruption case Chandrapur | AMRUT योजनेचा वापर की भ्रष्टाचाराचा महास्फोट? पप्पू देशमुखांचा मोठा आरोप!

    AMRUT scheme corruption case Chandrapur

    AMRUT scheme corruption case Chandrapur : चंद्रपूर : २३४ कोटी रूपयांची अमृत-१ व २७० कोटी रूपयांची अमृत-२ पाणीपुरवठा योजना, ५०६ कोटी रूपयांची अमृत मलनिस्सारण योजना तसेच शहरात विविध ठिकाणी फाउंटेन लावणे, रामाळा तलाव पुनर्जीवन व सौंदर्यीकरण,१०० कोटी रूपयांचे कचरा संकलन व वाहतुकीचे काम, मालमत्ता कर मुल्यांकन प्रसिद्धीचे कंत्राट, कोरोना काळात भोजन पुरविणे, मालमत्तेचे फेर मुल्यांकन अशा कोट्यावधी रुपयांच्या विविध कामांमध्ये गैरव्यवहार व भ्रष्टाचार झाल्याची लेखी तक्रार मनपाचे माजी नगरसेवक व जनविकास सेनेचे संस्थापक अध्यक्ष पप्पू देशमुख यांनी नगर विकास विभागाच्या प्रधान सचिव यांना केली होती.

    अल्पवयीन मुलीचा संशयास्पद मृत्यू, आता आयोग उतरले मैदानात

    विविध कामातील घोटाळ्यांची एसआयटी मार्फत चौकशी करण्याच्या मागणीसाठी दिनांक 12 जुलै 2024 रोजी देशमुख यांनी मंत्रालयातील नगर विकास विभागाच्या प्रधान सचिव कार्यालयात पत्र दिले. मात्र मनपातील घोटाळ्यांची चौकशी करण्याऐवजी नगर विकास विभागाने मनपाचे भ्रष्ट आयुक्त विपिन पालीवाल यांना पदोन्नती दिली. या प्रकारामुळे संतप्त झालेल्या देशमुख यांनी दिनांक 24 जून 2025 ला प्रधान सचिवांना पत्र देऊन न्यायालयात फौजदारी याचिका टाकण्याचा इशारा दिला. एवढेच नव्हे तर फौजदारी याचिकेमध्ये थेट प्रधान सचिवांना गैरअर्जदार करण्यात लेखी इशारा सुद्धा त्यांनी दिला. promotion of corrupt municipal commissioner case


    चंद्रपूर महानगरपालिकेत आतापर्यंत झालेल्या सर्व घोटाळ्यांना तसेच भ्रष्ट आयुक्त विपिन पालीवाल यांना मंत्रालयातील नगर विकास विभागाचे संरक्षण असल्याचा आरोप देशमुख यांनी केला.भ्रष्ट आयुक्त पालीवाल यांना पदोन्नतीचे बक्षीस देणाऱ्या नगर विकास विभागातील अधिकाऱ्यांविरुद्ध मुख्यमंत्री देवेंद्र फडणवीस व राज्याचे मुख्य सचिव यांच्याकडे देशमुख यांनी लेखी तक्रार केली.

    आमदार सुधाकर अडबाले ‘हक्कभंग’ प्रस्ताव मांडणार

    माजी नगरसेवक पप्पू देशमुख यांनी मनपातील भ्रष्टाचाराबाबत नागपूर विभाग शिक्षक मतदार संघाचे आमदार सुधाकर अडबाले यांना पत्र दिले होते. आमदार अडबाले यांनी 12 जुलै 2024 रोजी नगर विकास विभागाच्या प्रधान सचिवांना पत्र देऊन मनपातील सर्व घोटाळ्यांची एसआयटी मार्फत चौकशी करण्याची मागणी केली होती. SIT investigation demand in urban development scams

    मात्र आजपावेतो प्रधान सचिव कार्यालयाने या प्रकरणाबाबत आमदार अडबाले यांना कोणतीही माहिती पुरविली नाही.त्यामुळे येत्या पावसाळी अधिवेशनात विधान परिषदेत हक्कभंग प्रस्ताव मांडणार व चंद्रपूर मनपा तसेच नगर विकास विभागाच्या सर्व भ्रष्ट अधिकारी यांच्या विरुद्ध कारवाई करण्याकरिता पाठपुरावा करणार असे आश्वासन आमदार अडबाले यांनी माजी नगरसेवक देशमुख यांच्याशी चर्चा करतांना दिले.

  • Chandrapur Ram Bagh ground news । रामबाग मैदानासाठी चंद्रपुरात होणार ‘महापंचायत”

    Chandrapur Ram Bagh ground news

    Chandrapur Ram Bagh ground news : चंद्रपूर: रामबाग मैदान वाचवण्यासाठी रविवार दिनांक 11 मे रोजी सकाळी 7 वाजता रामबाग मैदानावर महापंचायतचे आयोजन करण्यात आले आहे. स्थानिक भागातील तसेच शहरातील सर्वसामान्य नागरिक, खेळाडू, सैन्य व पोलीस भरती करिता सराव करणारे युवक,योगा ग्रुप्स तसेच शहरातील विविध संस्था-संघटना यांनी मोठ्या संख्येने या महापंचायत मध्ये सामील होण्याचे आवाहन रामबाग मैदान बचाव संघर्ष समितीने आज शुक्रवार दिनांक 9 मे रोजी घेतलेल्या पत्रकार परिषदेतून केले. chandrapur mahapanchayat

    आपले सरकार सेतू केंद्रातील दरवाढ मागे घ्या – खासदार धानोरकर

    यावेळी रामबाग मैदान बचाव संघर्ष समितीचे सदस्य पप्पू देशमुख, राजेश अडूर, मंतोष देबनाथ, उमेश वासलवार, दिपक कामतवार, रविंद्र माडावर, गणेश झाडे, प्रशांत वाघमारे, अतुल बेजगमवार, प्रवीण वडलुरी, कोमिल मडावी, मनप्रीत सिंग, अमोल घोडमारे, सोहेल शेख, प्रफुल बैरम, अक्षय येरगुडे, रजनी पाॅल इत्यादी उपस्थित होते.

    press conference deshmukh


    महापंचायतीच्या सुरुवातीला या मैदानावर प्रतीकात्मक स्वरूपात खेळाडू विविध खेळांचे, योगा ग्रुप योगासनाचे तसेच सराव करणारे युवक-युवती सरावाचे प्रदर्शन करतील. त्यानंतर मैदानावरच महापंचायत घेऊन चर्चा आयोजित केली जाणार आहे. या चर्चेअंती महापंचायतीमध्ये ठराव घेण्यात येतील. सर्व लोकप्रतिनिधींना पत्र देऊन महापंचायतीमध्ये उपस्थित राहण्याची विनंती करण्यात येईल.अशी माहिती (ram bagh ground) रामबाग मैदान बचाव संघर्ष समितीने पत्रकार परिषदेतू दिली. Save Ram Bagh ground
    जिल्हा परिषदेला रामबाग मैदानावरील नवीन जागेत 3399 चौरस मीटर म्हणजेच 36 हजार 587 चौरस फुटामध्ये चार मजली नवीन इमारतीचे बांधकाम करावयाचे आहे.

    akhiv patrika

    जिल्हा परिषद प्रशासनाकडे जुन्या इमारतीच्या परिसरात जटपुरा गट नंबर 1 च्या शिट नंबर 21 मध्ये 8430.90 चौरस मीटर म्हणजेच जवळपास 90 हजार 750 चौरस फूट जागा उपलब्ध आहे. ही 900 फूट बाय 900 फूट अशी चौरस जागा आहे. दोन एकरच्या वर जागा जुन्या इमारतीच्या ठिकाणी उपलब्ध असतांना प्रदूषित शहरातील एकमेव निसर्गरम्य मैदान असलेल्या रामबाग मैदानावरच नवीन इमारतीचा आग्रह कशासाठी ? असा आंदोलनकर्त्यांचा सवाल आहे. रामबाग बचाव संघर्ष समितीने पत्रकार परिषदेत जागेची आखीव पत्रिका व नकाशा सादर केला.

  • Save Ram Bagh Ground Chandrapur । रामबाग ग्राऊंड वाचवा! चंद्रपूरच्या नागरिकांनी बांधकाम बंद पाडले! 🏟️

    Save Ram Bagh Ground Chandrapur

    Save Ram Bagh Ground Chandrapur : चंद्रपूर: शहरातील निसर्गरम्य अशा रामबाग ग्राऊंडवर अचानक जिल्हा परिषदेच्या इमारतीचे बांधकाम सुरू झाल्याने स्थानिक जनता तसेच शहरातील खेळाडू व युवकांमध्ये संतापाची लाट उसळली. या मैदानावर काम सुरू झाल्यानंतर स्थानिक नागरिक व खेळाडूंनी प्रशासनाला हे काम बंद करण्याची विनंती केली. परंतु प्रशासनाने याची दखल घेतली नाही. अखेर या मैदानावर कंत्राटदाराने भला मोठा खड्डा खोदल्यानंतर संतप्त झालेल्या नागरिकांनी आज बुधवार दिनांक 7 मे रोजी सकाळी 9 वाजता जिल्हा परिषदेच्या नविन इमारतीचे बांधकाम बंद पाडले. Chandrapur citizens protest

    मुख्यमंत्री फडणवीस यांच्या हस्ते जिल्हाधिकारी गौडा यांचा सत्कार

    chandrapur citizens protest


    यावेळी मनपाचे माजी नगरसेवक पप्पू देशमुख व राजेश अडुर यांचेसह श्रीकांत भोयर,रविंद्र माडावार,दौलत साटोणे, नवनाथ देरकर, प्रवीण कुमार वडलोरी,माधव डोडाणी,तपन दास,कोमील मडावी,राहुल ठाकरे,प्रफुल बैरम,अक्षय येरगुडे,अमुल रामटेके,अमोल घोडमारे इत्यादी नागरिक व खेळाडू उपस्थित होते.

    उद्या रामबाग मैदानावर निर्णायक बैठक

    रामबाग ग्राऊंड 50 वर्षांपासून सर्वसामान्यांच्या हक्काचे ग्राउंड आहे, येथिल नैसर्गिक सौंदर्य नष्ट करू देणार नाही, इथे सिमेंट काँक्रीटचे जंगल होऊ देणार नाही, इथे कोणत्याही इमारतीचे बांधकाम होऊ देणार नाही,नाही म्हणजे नाही असा दृढ संकल्प नागरिक व खेळाडूंनी केला आहे. याबाबत पुढील भूमिका ठरविण्यासाठी उद्या दिनांक 8 मे रोजी सकाळी 7 वाजता रामबाग मैदानावर निर्णय बैठक घेण्यात येणार आहे.

    सेव्ह रामबाग ग्राउंड

    ‘सेव्ह रामबाग ग्राऊंड, रामबाग मैदान बचाव संघर्ष समिती’ च्या बॅनरखाली या बैठकीचे आयोजन करण्यात आले आहे. या भागातील तसेच शहरातील सर्वसामान्य नागरिक, युवक-युवती व खेळाडूंनी या बैठकीला उपस्थित राहण्याचे आवाहन माजी नगरसेवक पप्पू देशमुख यांनी केले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by