My Blog

Tag: गोळीबार

  • Police probe into fake firing incident । राजू रेड्डी यांच्या घरी गोळीबार प्रकरण! पोलिस तपासातून धक्कादायक सत्य उजेडात

    Police probe into fake firing incident

    Police probe into fake firing incident : चंद्रपूर – ९ मार्च २०२५ रोजी घुग्गुस शहर कांग्रेस अध्यक्ष राजू रेड्डी यांच्या घरावर गोळीबार झाला अशी माहिती सर्वत्र पसरली होती, विशेष बाब म्हणजे त्यानंतर विधानसभा अधिवेशनात आमदार जोरगेवार व आमदार वडेट्टीवार यांनी या घटनेबाबत सरकारचे लक्ष वेधले होते.

    मात्र २ महिन्यांनंतर तो फुसका बार असल्याचे पोलीस अहवालात निष्पन्न झाल्याने सदर गोळीबाराची माहिती पसरवण्याची कुरघोडी कुणी केली? याबाबत आता पुढील तपास पोलीस करीत आहे.

    कांग्रेस घुग्गुस शहर अध्यक्ष राजू रेड्डी यांच्या घरातील पहिल्या मजल्यावरील पोर्च मध्ये काडतुसाच्या समोरील रिकामा केस आढळला होता. पहिल्या मजल्यावर अनुपसिंग चंदेल हे भाड्याने राहतात. Raju Reddy firing case Chandrapur update

    घुग्गुस लोहा पुलियाचे काम होणार सुरु, आमदार जोरगेवार यांच्यामुळे काम होणार सुरु

    कांग्रेस शहर अध्यक्ष रेड्डी यांच्या घरी गोळीबार झाला असल्याची माहिती ९ मार्चला रात्री वाऱ्यासारखी पसरली होती, पोलिसांनी घटनेची गंभीरता लक्षात घेत तात्काळ रेड्डी यांच्या घरी दाखल झाले. पोलीस अधीक्षक मुमक्का सुदर्शन हे स्वतः रेड्डी यांच्या घरी पोहचले होते. ९ मार्चला क्रिकेट मॅचचे सर्वत्र प्रसारण सुरु होते.

    पोलिसांचा अहवाल आला, गोळीबार नव्हे तो फुसकाबार

    फॉरेन्सिक टीम, बीडीएस पथक, स्थानिक गुन्हे शाखेचे पथक व श्वान आणि आरमोरर पथक यांनी रेड्डी यांच्या घरी भेट देत प्राथमिक चौकशी केली. मात्र गोळीबार झाल्याचे काही चिन्ह आढळून आले नाही. त्यामुळे गुन्ह्याची पुष्टी करताना बॅलेस्टिक तज्ज्ञांना पाचारण केले.

    काडतुसाची रिकामी केस कुणाची?

    काडतुसाच्या रिकाम्या केसची ई फॉरेस्निक तपासणी करीता सदर काडतुसाची रिकामी केस पाठविण्यात आली, उपसंचालक, प्रादेशिक न्यायवेधक वैज्ञानिक प्रयोगशाळा गृह विभाग नागपूर यांचा अहवाल प्राप्त झाला त्यामध्ये गोळीबार झाला नाही अशी पुष्टी करण्यात आली.

    पोलिसांनी सदर प्रकरणाचा सखोल तपासही केला मात्र त्यामध्ये गोळीबार झाला असे निष्पन्न झाले नाही मात्र ती काडतुसाची रिकामी केस आली कुठून हा प्रश्न अजूनही पोलिसांच्या तपासात आहे. याबाबत पुढील तपास सुरु आहे.

  • Chandrapur : गुन्हेगारांना राजकीय संरक्षण देणे बंद करा – पालकमंत्री सुधीर मुनगंटीवार

    Chandrapur : गुन्हेगारांना राजकीय संरक्षण देणे बंद करा – पालकमंत्री सुधीर मुनगंटीवार

    chandrapur : चंद्रपूर जिल्ह्यात जुलै महिन्यापासून गोळीबार व गंभीर गुन्ह्याचे सत्र सुरू आहे, शांत असलेल्या या जिल्ह्यात गुन्हेगारांच्या टोळी युद्धाने अशांती पसरली आहे, आता शहरातील सार्वजनिक ठिकाणी मोठे गुन्हे सहज घडत आहे, पोलीस प्रशासन सदर गुन्हे नियंत्रित करण्याबाबत अपयशी ठरला आहे.

    महत्वाचे – पीकविमा कंपनीला हायकोर्टाने बजावली नोटीस

    Chandrapur 2 दिवसांपूर्वी कुख्यात गुंड हाजी सरवर शेख यांची बिनबा गेट समोरील हॉटेल शाही दरबार येथे 5 जणांनी मिळून गोळ्या झाडत हत्या केली, 5 युवक चंद्रपुरात 4 बंदुका घेऊन शहरात फिरत असताना पोलीसांना याबाबत थांगपत्ता का लागला नाही? असे प्रश्न आता उपस्थित होऊ लागले आहे.

    जिल्ह्यात आतापर्यंत घडलेल्या गोळीबाराच्या घटना सार्वजनिक ठिकाणी घडल्या आहे, चंद्रपूर शहरात 2, राजुरा व बल्लारपूर येथे प्रत्येकी 1 घटना घडली असून आतापर्यंत टोळी युद्धातून दोघांनी जीव गमावला आहे.

    राजकीय : बाबूपेठ वासीयांची प्रतीक्षा संपली, उड्डाणपुलाचे काम होणार पूर्ण, किशोर जोरगेवार यांनी आणला निधी

    विशेष बाब म्हणजे हाजी ची हत्या झाल्यावर जिल्हा सामान्य रुग्णालयात हाजी समर्थक व हाजी चे राजकीय समर्थकांनी गर्दी केली होती, जनप्रतिनिधी आता गुंडासमोर लोटांगण कसे घालतात हे यातून सिद्ध झालेले आहे, जनप्रतिनिधी हा जनतेचा प्रतिनिधी असतो मात्र गुंडांसाठी रुग्णालयात गराडा घालणे म्हणजे जनतेला हा काय संदेश जात आहे.

    गुन्हेगारीचा कॅन्सर वाढू देणार नाही – सुधीर मुनगंटीवार

    या सर्व घटनेच्या पार्श्वभूमीवर पालकमंत्री सुधीर मुनगंटीवार यांनी गुंडांना राजकीय संरक्षण देणे बंद करा असे निर्देश पोलीस विभागाला दिले आहे.

    चंद्रपुरातील टोळीयुद्धातून गोळीबाराच्या घटनेवर पालकमंत्री सुधीर मुनगंटीवार यांनी प्रतिक्रिया दिली आहे. मागील काळात गुन्हेगारांना राजकीय संरक्षण दिले गेले. ही गंभीर बाब असून गुन्हेगारांना राजकीय नेतृत्वाने पाठीशी घालू नये असे मत त्यांनी व्यक्त केले. गुन्हेगारी टोळ्या व गुंडांच्या मदतीसाठी पोलीस ठाण्यात येणारे राजकीय नेत्यांचे कॉल्स प्रसिद्ध करण्याच्या सूचना त्यांनी पोलीस अधीक्षकांना दिल्या. गुन्हेगारीचा हा कॅन्सर पुढच्या टप्प्यात जाऊ देणार नाही असा निर्धार त्यांनी व्यक्त केला.

  • shootout : चंद्रपुरात पुन्हा गोळीबार, हाजी चा मृत्यू

    shootout : चंद्रपुरात पुन्हा गोळीबार, हाजी चा मृत्यू

    shootout चंद्रपूर शहरात पुन्हा गोळीबार झाल्याची घटना 12 ऑगस्टला भर दुपारी बिनबा गेट समोरील हॉटेल शाही दरबार येथे घडली.

    योजना : या महिलांनाच मिळणार लाडक्या बहीण योजनेचे 3 हजार

    घुग्गुस येथील कुख्यात गुन्हेगार हाजी सरवर शेख यांच्यावर अज्ञातांनी गोळ्या झाडल्या, या गोळीबारात 2 जण जखमी झाले तर हाजी यांचा मृत्यू झाला, या प्रकरणात 5 आरोपीनी स्थानिक गुन्हे शाखा येथे आत्मसर्पण केले असून पुढील तपास रामनगर पोलीस करीत आहे.
    विशेष म्हणजे जुलै महिन्यात गोळीबाराच्या 3 घटना घडल्या आहे.

    घटना काय?

    Shootout दुपारच्या सुमारास हाजी व त्याचे सहकारी बिर्याणी खाण्यासाठी हॉटेल शाही दरबार येथे दाखल झाले, मात्र काही वेळाने त्यांच्यावर पाळत ठेवून असणारे युवक तिथे दाखल झाले आणि हाजीवर गोळीबार केला या गोळीबारात हाजी चा सहकारी शिवा यांच्या पायाला गोळी लागली, 2 गोळ्या हाजी वर झाडण्यात आल्या, त्यानंतर हाजीवर चाकू हल्ला करण्यात आला, या हल्ल्यात हाजी सरवर शेख चा मृत्यू झाला.

    घटनेची माहिती मिळताच रामनगर व स्थानिक गुन्हे शाखा त्याठिकाणी दाखल झाली, 5 आरोपीनी स्थानिक गुन्हे शाखेकडे आत्मसमर्पण केले असून यामध्ये मुख्य आरोपी म्हणून समीर हे नाव पुढे आले आहे.

    आमदार जोरगेवार यांनी पोलीस यंत्रणेवर उपस्थित केले होते प्रश्नचिन्ह

    जुलै महिन्यात लागोपाठ 3 गोळीबाराच्या घटना घडल्या, पोलीस प्रशासनाने पहिल्या घटनेनंतर कठोर पावले उचलायला हवी होती मात्र तसे काही झाले नाही, जोरगेवार यांनी पोलीस विभागाला धारेवर धरल्यावर थातुरमातुर कारवाई केली मात्र ठोस कारवाई झाली नाही.

    आरोपी व मृतक हे दोघेही आधी मित्र होते, त्यांनतर दोघांनी मिळून गुन्हेगारी क्षेत्रात आपलं नाव मोठं केलं, मात्र या क्षेत्रात एकच वाघ असतो त्यामुळे गुन्हेगारी क्षेत्रात वर्चस्वातून ही घटना घडली अशी माहिती पुढे आली आहे.

  • rajura shootout : 2 देशी कट्टे आणि चाकू, असा घडला राजुरा गोळीबार

    rajura shootout : 2 देशी कट्टे आणि चाकू, असा घडला राजुरा गोळीबार

    rajura shootout राजुरा : चंद्रपूर जिल्ह्या गुन्हेगारीचा हब बनू पाहतो आहे, जुलै महिन्यातच 3 मोठ्या घटना घडल्याने आता गुन्हेगार कधीही काही करू शकतो अशी दहशत नागरिकांमध्ये निर्माण झाली आहे. मनसे कामगार सेना जिल्हाध्यक्ष अमन अंदेवार गोळीबार असो की मालू वस्त्र भांडार पेट्रोल बॉम्ब हल्ला व गोळीबार आणि आता राजुरा शहरात जुन्या वादाचा सूड घेण्यासाठी एका युवकावर गोळीबार व चाकू हल्ला करण्यात आला, यामध्ये त्या युवकाचा जागीच मृत्यू झाला.

    अवश्य वाचा : राजुरा शहरात गोळीबार, युवकाचा मृत्यू

    नेमकं काय घडलं?

    Rajura shootout 23 जुलै 2024 ला सायंकाळी शिवज्योत हरदेवसिंग देवल हा आईची प्रकृती बरी नसल्याने तिला दवाखान्यात नेऊन घरी परत येत असताना पंचायत समिती जवळील व्यापार संकुलात 2 अज्ञात इसमानी शिवज्योत वर हल्ला केला, आधी चाकूने हल्ला करीत ते दोघे शिवज्योत चा पाठलाग करू लागले, जीव मुठीत घेऊन शिवज्योत पळाला, त्याने आधी ओम जनरल स्टोर्स चा आधार घेतला मात्र त्या इसमानी तिथे त्याला गाठले, शिवज्योत दुकानाच्या मागील बाजूस पळाला पण आरोपीनी त्याच्यावर तिथे गोळीबार केला, एक गोळी शिवज्योत च्या डोक्याला लागली, त्यामध्ये त्याचा जागीच मृत्यू झाला.

    अचानक घडलेल्या या घटनेमुळे राजुरा सहित चंद्रपूर जिल्हा हादरून गेला, पोलीस घटनास्थळी दाखल झाली, घटनेचे गांभीर्य व सतत होणाऱ्या गोळीबार यामुळे पोलीस अधीक्षक मुमक्का सुदर्शन, अप्पर पोलीस अधीक्षक रिना जनबंधु व उपविभागीय पोलीस अधिकारी दीपक साखरे राजुरा शहरात पोहचले.

    स्थानिक गुन्हे शाखा पोलीस निरीक्षक महेश कोंडावार यांनी लगेच तपास सुरू केला, पथक तयार करीत आरोपीच्या मागावर लावले, आणि 3 तासांनी तालुक्यातील साखरवाही येथे 2 आरोपीना अटक केली, आरोपी कडून 2 कट्टे व 1 चाकू पोलिसांनी जप्त केला, आरोपीमध्ये ट्रान्सपोर्ट व्यवसायी 30 वर्षीय बलदेवसिंग उर्फ लल्ली राजेंद्रसिंग शेरगिल व 18 वर्षीय शगिर कदिर शेख राहणार सोमनाथपुरा याला अटक करण्यात आली.

    घटनेचे कारण काय?

    23 जुलै 2023 ला राजुरा शहरातील सोमनाथ पुरा येथे रात्री 8 वाजे दरम्यान 2 अज्ञात इसमानी लल्ली शेरगिल वर गोळीबार केला होता, त्या गोळीबारात लल्लीच्या पाठीला गोळी लागली आणि तो बचावला मात्र 28 वर्षीय पूर्वशा डोहे यांचा त्या गोळीबार घटनेत काही दोष नसताना मृत्यू झाला होता. या गोळीबारातील आरोपीना स्थानिक गुन्हे शाखेने 2 तासात अटक केली होती. लबज्योत सिंग देवल व अल्पवयीन मुलगा या दोघांनी मिळून लल्ली वर गोळ्या झाडल्या, जाताना लबज्योत म्हणाला होता ज्यादिवशी बाहेर येईल त्यादिवशी तू गेला म्हणून समज अशी धमकी दिली.

    अवश्य वाचा : चंद्रपूर– मूल मार्गावर भीषण अपघात

    वर्ष लोटलं आणि लल्ली ची धाकधूक वाढली 2 वर्षापूर्वी लल्ली ने लबज्योत च्या भावाला मारहाण केली म्हणून गोळीबार झाला, तो बाहेर आल्यास आपला गेम करणार यासाठी आपण काहीतरी करायला हवं असा मनात बेत निर्माण करीत लल्ली एक योजना आखली व आपल्या गुन्ह्यात दुसऱ्याचा सहभाग नोंदविला आणि गोळीबाराची वर्षपूर्ती साजरी करीत त्याने लबज्योत चा मोठा भाऊ शिवज्योत वर गोळीबार करीत त्याला ठार केले.

    लल्ली चे टार्गेट लबज्योत होता मग शिवज्योत चा बळी का घेतला हे कारण अजूनही गुलदस्त्यात आहे, चंद्रपूर जिल्ह्यात सतत घडणाऱ्या गोळीबार घटनेत पोलीस बेसावध आहे, आता तरी पोलीस प्रशासनाने धरपकड मोहीम राबवित रेकॉर्डवरील गुन्हेगारांची चाचपणी करायला हवी. 24 जुलै ला गुन्ह्याचं गांभीर्य बघता नागपूर परिक्षेत्र महानिरीक्षक भुजबळ पाटील राजुरा शहरात दाखल झाले आहे, अश्या घटना आता पुन्हा घडायला नको असे निर्देश त्यांनी पोलीस अधीक्षक यांना दिले असल्याचे समजते.

  • shootout : राजुऱ्यात गोळीबार, एकाचा मृत्यू

    shootout : राजुऱ्यात गोळीबार, एकाचा मृत्यू

    shootout राजुरा – 23 जुलैला सायंकाळी 7.30 वाजताच्या सुमारास राजुरा शहरातील गजबजलेल्या आसिफाबाद मार्गावरील छत्रपती शिवाजी महाराज संकुलासमोर असलेल्या महाराष्ट्र बॅकेच्या एटीएम जवळ शिवजीतसिंग देवल या युवकावर मोटरसायकलने आलेल्या दोन हल्लेखोरांनी गोळीबार केला. पहिली गोळी झाडताच हा युवक तेथील ओम जनरल स्टोअर्स मधून पळून मागे मोकळ्या जागेत गेला. मात्र हल्लेखोर दोन्ही युवक त्या युवकाचे मागे धावत गेले आणि तेथे जवळून दोन गोळ्या झाडल्या. यात शिवजीतसिंग देवल, वय 28 युवक जागीच ठार झाला.

    अर्थसंकल्प प्रतिक्रिया – विकासाचा रोड मॅप

    गोळीबारा मृतक युवक ट्रक चालक असल्याचे कळते. या घटनेतील मृतक हा मागील वर्षी झालेल्या गोळीबारातील आरोपीचा मोठा भाऊ असल्याचे समजते.
    माहिती मिळताच राजुरा पोलिसांनी घटनास्थळी येऊन प्रेत राजुरा उपजिल्हा रूग्णालयात हलविले. घटना घडताच पोलिस बंदोबस्त चोख करण्यात आला असून पोलिसांनी युध्दपातळीवर आरोपींचा शोध सुरू केला आहे. सदर गोळीबार हा पूर्व वैमनस्यातून झाला अशी माहिती समोर आली आहे.

    याच दिवशी झाला होता गोळीबार

    मागील वर्षी 23 जुलै 2023 ला राजुरा येथे लल्ली शेरगिल याच्या मागावर काही इसम लागले होते, त्यांच्यापासून वाचण्यासाठी शहरातील सोमनाथपुर वार्डातील भाजयुमो उपाध्यक्ष सचिन डोहे यांच्या घरी लपण्यासाठी लल्ली शेरगिल आला मात्र मारेकऱ्यांनी गोळीबार केला असता एक गोळी लल्ली च्या पाठीला लागली होती, नेमकं त्याचवेळी सचिन डोहे यांच्या पत्नी पुढे आल्याने त्यांच्या छातीवर गोळी लागली, या हल्ल्यात पूर्वशा सचिन डोहे यांचा जागीच मृत्यू झाला होता.


    Shootout या प्रकरणात 19 वर्षीय लवज्योतसिंह देवल व अल्पवयीन आरोपीला अटक करण्यात आली होती, जखमी लल्ली ने त्यावेळी 2 वर्षांपूर्वी आरोपी लवज्योतसिंह याच्या भावाला ला मारहाण केली होती, त्याचा राग मनात ठेवत लल्ली शेरगिल वर गोळीबार करण्यात आला होता, मात्र त्या हल्ल्यात निष्पाप पूर्वशा डोहे यांचा मृत्यू झाला.

    चंद्रपूर बनतंय गँग ऑफ वासेपुर, एका महिन्यात 3 गोळीबाराच्या घटना

    4 जुलैला चंद्रपूर शहरातील गजबजलेल्या रघुवंशी व्यापारी संकुलात मनसे कामगार सेना अध्यक्ष अमन अंदेवार यांच्यावर गोळीबार करण्यात आला होता, आरोपीने मागून अंदेवार यांच्यावर गोळी झाडली, गोळी पाठीला लागल्याने अंदेवार बचावले होते, पोलिसांनी या प्रकरणात 2 आरोपीना अटक केली मात्र गोळीबार करणारा आरोपी अजूनही पसार आहे.
    7 जुलैला बल्लारपूर शहरातील गांधी चौक येथील मालू वस्त्र भांडार येथे 3 आरोपीनी पेट्रोल बॉम्ब टाकत गोळीबार केला होता, या प्रकरणात पोलिसांना नुकतेच यश प्राप्त झाले असून 1 आरोपीला अटक करण्यात आली आहे, 23 जुलैला राजुरा शहरात गोळीबार झाला व त्या हल्ल्यात एकाचा मृत्यू झाला.
    चंद्रपूर पोलीस दलातील गुप्तचर यंत्रणा ढेपाळल्या की काय असे चित्र सतत होणाऱ्या गोळीबार सत्राने निर्माण झाले आहे. पालकमंत्री मुनगंटीवार यांनी पोलीस निरीक्षकावर निष्क्रियतेचा ठपका ठेवत बदली करण्याचे निर्देश दिले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by