Tag: News34 chandrapur

News34

चंद्रपूर – वडगाव प्रभाग तसेच चंद्रपूर शहरातील अनेक पूरपीडित नागरिक मदतीपासून वंचित आहेत.पूरग्रस्त भागातील काही नागरिकांचा सर्व्हे झाला पण मदत मिळाली नाही व काही भागांमध्ये सर्व्हेच झालेला नसल्याने अनेक पूरपीडितांना अजूनपावेतो शासनाची मदत मिळालेली नाही.

सर्व पूरपिडित नागरिकांना तातडीने मदत देण्यात यावी व ज्या पूरग्रस्त नागरिकांचा सर्वे झालेला नाही त्यांचा तातडीने सर्वे करण्यात यावा अशी मागणी जनविकास सेने तर्फे करण्यात आलेली आहे.

जनविकास सेनेचे संस्थापक अध्यक्ष मनपाचे माजी नगरसेवक पप्पू देशमुख यांचे नेतृत्वात एका शिष्टमंडळाने जिल्हाधिकारी विनय गौडा यांना दिनांक 17 ऑगस्ट रोजी निवेदन देऊन मदतीपासून वंचित असलेल्या पूरपिडित नागरिकांची व्यथा मांडली. यावेळी जनविकास सेना महिला आघाडी प्रमुख मनिषा बोबडे, युवा आघाडीचे अध्यक्ष अक्षय येरगुडे,इमदाद शेख, प्रफुल बैरम,आकाश लोडे, कांचन चिंचेकर इत्यादी पदाधिकारी उपस्थित होते.

वडगाव प्रभागातील दत्तनगर नगर, नानाजी नगर,ओम भवन, चांद टेकडी,मित्र नगर, अपेक्षा नगर, साई मंदिर,आंबेडकर भवन,स्नेह नगर,बापट नगर ,विकास केंद्र, गजानन मंदिर,हवेली गार्डन,लक्ष्मी नगर,वडगाव जुनी वस्ती इत्यादी परिसरातील शेकडो घरांमध्ये 19 जुलै व 28 जुलै असे दोन दिवस अचानक आलेल्या पावसाने पुराचे पाणी शिरले.

चंद्रपूर शहरातील नगीनाबाग प्रभाग, पठाणपुरा,जलनगर, अष्टभुजा अशा अनेक परिसरामध्ये 19 जुलै रोजी पुराची परिस्थिती निर्माण झाली होती. यामुळे हजारो नागरिकांचे मोठे आर्थिक नुकसान झाले. वडगाव प्रभाग तसेच चंद्रपूर शहरातील अशा सर्व पूरपीडित नागरिकांना आर्थिक मदत देण्याची मागणी जनविकास सेनेने केलेली आहे.

पालकमंत्र्यांनी पुन्हा एकदा क्विक अॅक्शन घ्यावी..

जिल्ह्याचे पालकमंत्री सुधीर मुनगंटीवार यांनी क्विक अॅक्शन घेऊन पूरपीडित नागरिकांना
शासनाची आर्थिक मदत मिळवून दिल्याचा दावा भाजपच्या स्थानिक शाखेने केला होता.पालकमंत्र्यांनी क्विक अॅक्शन घेऊनही हजारो पुरग्रस्त मदतीपासून वंचित आहेत. त्यांच्या क्विक अॅक्शनचा प्रशासनावर परिणाम झालेला नसल्याचे दिसत आहे.त्यामुळे पालकमंत्री सुधीर मुनगंटीवार यांनी पुन्हा एकदा क्विक ॲक्शन घेऊन मदतीपासून वंचित शहरातील हजारो पुरग्रस्तांना मदत मिळून द्यावी असे आवाहन पप्पू देशमुख यांनी केलेले आहे.

News34

गुरू गुरनुले

मूल- मुल येथील अंतरगाव पारडवाही शेत शिवारात अरुण श्रावण चौखुंडे यांचे स्वतःचे शेतात दि. १४ ऑगस्ट ला पट्टेदार वाघीण दोन पिल्लासह मूल हेटी येथील रहिवासी लक्ष्मण पाटील चौखुंडे यांची गायीवर हल्ला करून ठार केले.

या ठिकाणावरून अगदी किलोमीटर च्या आत शहर लागून असून संपूर्ण परिसर परिसर धान शेत असल्याने जंगल झाडे नाहीत पूर्ण खाली आहे. गावामध्ये मोठ्या प्रमाणात मोकाट जनावरे रात्रंदिवस फिरत असतात, त्यामुळे वाघ रात्रीच्या वेळेस गावात येणेही टाळता येत नाही.

सदर घटनेमुळे शहराच्या शेवट वास्तव्यास असलेल्या घरातील लोकांमध्ये भीतीचे वातावरण निर्माण झाले आहे. या परिसरात धान शेत असल्याने रात्रौ पर्यंत शेतकरी शेतात ये जा करत असतात, त्यामुळे शेतकऱ्यांमध्ये भीतीचे वातावरण निर्माण झाले आहे.
अशा घटनाकडे वनविभागाने विशेष लक्ष घालण्याची गरज आहे. अन्यथा अनुचित प्रकार टाळता येणार नाही.

News34

चंद्रपूर :  स्थानिक उत्पादित मालाला देशपातळीवर व्यासपीठ मिळवून देण्याच्या दृष्टिकोनातून देशाचे पंतप्रधान नरेंद्र मोदी यांच्या संकल्पनेतून ‘वन स्टेशन वन प्रॉडक्ट’ योजना साकारण्यात आली. या अंतर्गत बांबू कारागीर आणि स्वयंसहायता गटामधील महिलांच्या बांबू हस्तकलेला बाजारपेठ उपलब्ध व्हावी, या उद्देशाने बांबू संशोधन व प्रशिक्षण केंद्र चिचपल्ली, महिला आर्थिक विकास महामंडळ (माविम) आणि रेल्वे स्टेशन, चंद्रपूर यांचे संयुक्त विद्यमाने चंद्रपूर रेल्वे स्टेशन येथे सोवनियर शॉपचे (बांबुच्या शोभिवंत वस्तुचे दुकान) उद्घाटन अपर प्रधान मुख्य वनसंरक्षक तथा वन प्रशासन विकास व व्यवस्थापन प्रबोधिनीचे संचालक एम. एस. रेड्डी यांच्या हस्ते करण्यात आले.

चंद्रपूर आणि गडचिरोली येथे बांबू आणि त्यावर आधारीत हस्तकलेला विशेष महत्त्व असून या क्षेत्राशी असंख्य बांबू कारागीर आणि स्वयंसहायता गटामधील महिला जुळून आहेत.  या सोवनियर शॉपच्या माध्यमातून त्यांच्या हस्तकलेस व्यासपीठ मिळाले आहे. याबाबत कार्यक्रमस्थळी उपस्थित महिलांनी आनंद व्यक्त करून तिनही विभागाचे आभार मानले.

यावेळी बांबू केंद्राचे संचालक अविनाश कुमार, माविमचे जिल्हा समन्वय अधिकारी श्री. काठोळे, रेल्वे स्टेशन मॅनेजर श्री. देवगडे, कमर्शियल निरीक्षक श्री. मिश्रा, श्री. चंदेलकर, खुशिया लोकसंचालित समूह महिला बचत गटाच्या अध्यक्षा सुनिता गनफाडे तसेच तिनही विभागाचे अधिकारी, कर्मचारी,  बचत गटाच्या महिला, विद्यार्थी आणि नागरिक मोठ्या संख्येने उपस्थित होते.

News34

चंद्रपूर – चंद्रपूर महानगरपालिकेने व्हॉट्सॲपवर एक चॅटबॉट सेवा सुरू केली असुन यामुळे नागरिकांना एनओसी प्रमाणपत्रे, विविध परवानग्या, जन्म आणि मृत्यू प्रमाणपत्रांसाठी अर्ज करणे, तक्रारी नोंदवणे यासारख्या विविध सेवा आणि माहिती आता व्हॉट्सॲपवर मिळू शकेल. स्वातंत्र्यदिनाचे औचित्य साधुन मा. पालकमंत्री श्री.सुधीर मुनगंटीवार यांच्या हस्ते १५ ऑगस्ट रोजी सदर चॅटबॉट सेवेचे उदघाटन करण्यात आले.

व्हॉट्सॲप चॅटबॉटचा वापर लोकप्रिय व्हॉट्सॲप मेसेजिंग ॲपद्वारे नागरीकांशी संवाद साधण्यासाठी करण्यात येतो. ही सेवा नागरिकांपर्यंत शासनाच्या तसेच मनपाच्या विविध योजनांचा आणि सेवांचा लाभ पोहचविण्याच्या उद्देशासाठी उपयुक्त ठरणार आहे. या सेवेअंतर्गत नागरिकांनी मनपाच्या व्हॉट्सॲप नंबर (8530006063) वर “hi” टाईप करून पाठविले तर , पुढील माहिती आपोआप येणे सुरु होते. नागरिकांना केवळ व्हॉट्सॲपवर मिळालेल्या सूचनांना प्रतिसाद द्यावयाचा असतो.

चंद्रपूर महापालिकेने सुरु केलेल्या व्हॉट्सॲप चॅटबॉट या सेवेत आता नागरिकांशी निगडीत १३ सेवा उपलब्ध केल्या आहेत. महापालिकेच्या विभागांमार्फत अनेक सेवासुविधा दिल्या जातात. यामध्ये नागरी सेवा सुविधा, परवाना काढणे, परवानगी घेणे, विविध दाखले, ना हरकत प्रमाणपत्र, तक्रार अशी अनेक प्रकारची माहिती नागरिकांना सहजपणे या व्हॉट्सअप चॅट बॉट सेवेच्या माध्यमातून २४ तास मिळू शकेल. नागरिकांना या सुविधा चंद्रपूर पालिकेच्या 8530006063 या व्हॉट्सॲप नंबरवर उपलब्ध आहेत.

1.  तक्रार नोंदविता येणे शक्य
2.  मनपा तक्रार निवारण मोबाइल ॲप डाउनलोड करता येईल
3.  संपर्क साधणे शक्य
4.  मालमत्ता कर भरणे
5.  पाणी कर भरणे
6.  व्यापार/व्यवसाय परवाना नोंदणी
7.  जन्म प्रमाणपत्र विनंती
8.  मृत्यू प्रमाणपत्र विनंती
9.  विवाह नोंदणी विनंती
1०. पाळीव प्राणी परवानगी
12. होर्डिंग /जाहिरात परवानगी
13. बेकायदेशीर होर्डिंगची तक्रार

Chat Boat ( चॅटबॉट ) चे फायदे –

1. सेवा २४×७ सेवा उपलब्ध असते.
2. त्वरित प्रतिसाद मिळतो.
3. उत्तरांमध्ये सातत्य.
4. वैयक्तिकरण.
5. मानवी मदतीशिवाय आदेश देता येतो.
6. वेळेची बचत.
7. एकाच वेळेस अनेकांशी संवाद करणे शक्य.