My Blog

Tag: News34 chandrapur

  • विद्यार्थी हाच देशाचे उज्ज्वल भविष्य आहे : ॲड. मेघा भाले

    विद्यार्थी हाच देशाचे उज्ज्वल भविष्य आहे : ॲड. मेघा भाले

    News34 chandrapur

    चंद्रपूर  : विद्यार्थ्यांना योग्य मार्गदर्शन व संस्कार देवून उत्तम नागरीक घडविणे हे शिक्षकाचे कर्तव्यच आहे. विद्यार्थी हाच देशाचे उज्ज्वल भविष्य आहे असे प्रतिपादन बल्लारपूर काँग्रेस महिला विभागाच्या शहराध्यक्ष ॲड. मेघा भाले यांनी विसापूरात आमदार प्रतिभाताई धानोरकर यांच्या वाढदिवसानिमित्त विद्यार्थांना नोटबुक वाटप दरम्यान केले आहे.

     

    काँग्रेस नेत्या वरोरा भद्रावती विधानसभा क्षेत्राच्या आमदार प्रतिभाताई धानोरकर यांच्या वाढदिवसानिमित्त महाराष्ट्र राज्य बाजार समिती सहकारी संघ मर्यादित, महाराष्ट्र संचालक तसेच चंद्रपूरचे माजी सभापती काँग्रेस नेते दिनेशभाऊ चोखारे यांच्या मार्गदर्शनात विसापूर येथील जिल्हा परिषद प्राध्यमिक शाळेतील विद्यार्थांना नोटबुक वाटप करण्यात आले.

     

    यावेळी बल्लारपूर काँग्रेस महिला विभागाच्या तालुका अध्यक्ष अफसान सय्यद, बल्लारपूर काँग्रेस महिला विभागाच्या शहराध्यक्ष ॲड. मेघा भाले मॅडम, बल्लारपूर काँग्रेस महिला विभागाच्या शहर उपाध्यक्ष ममता चंदेल, सामाजिक कार्यकर्त्या संगीता विलास बावणे, सुष्मा तिरुपती गिरडकर, शाळेच्या मुख्याध्यापिका कलावती वानखेडे, इतर शिक्षिका लीलावती नंदुरकर, नीता वासाडे, मीनाक्षी कुंभारे, विना वैरागडे, स्वाती मेश्राम तसेच शिक्षक, विद्यार्थी, शाळेतील कर्मचारी उपस्थित होते.

     

    पुढे बोलताना त्या म्हणाल्या कि, विद्यार्थी हाच देशाचा उज्ज्वल भविष्य आहे, विद्यार्थ्यांना योग्य मार्गदर्शन व संस्कार देवून उत्तम नागरीक घडविणे हे शिक्षकाचे कर्तव्यच आहे. तसेच आपल्या शाळेतील खेळांडूनी जगात नांव लौकीक करावे असे आवाहन ॲड. मेघा भाले यांनी केले आहे. काँग्रेस नेत्या वरोरा भद्रावती विधानसभा क्षेत्राच्या आमदार प्रतिभाताई धानोरकर यांच्या वाढदिवसानिमित्त विद्यार्थांना नोटबुकलस चॉकलेट वाटप करण्यात आले.

  • खेळाडूंसाठी आनंदाची वार्ता – ब्रह्मपुरी, सिंदेवाही, सावली क्रीडा संकुलासाठी 25 कोटींचा विकास निधी मंजूर

    खेळाडूंसाठी आनंदाची वार्ता – ब्रह्मपुरी, सिंदेवाही, सावली क्रीडा संकुलासाठी 25 कोटींचा विकास निधी मंजूर

    News34 chandrapur

    ब्रह्मपुरी – ग्रामीण खेळाडूंना वाव मिळावा याकरिता प्रत्येक तालुका स्तरावर शासनाच्या वतीने क्रीडा संकुले उभारण्यात आली. अशातच ब्रह्मपुरी मतदार संघातील सिंदेवाही, सावली व ब्रह्मपुरी येथील क्रीडा संकुलन मध्ये प्रलंबित असलेल्या विकास कामांना अखेर पूर्णविराम मिळाला असून राज्याचे विरोधी पक्ष नेते तथा ब्रह्मपुरी विधानसभा क्षेत्र आमदार विजय वडेट्टीवार यांच्या अथक प्रयत्नातून मतदारसंघातील तीनही तालुक्याला एकूण 25 कोटी रुपयांचा विकास निधी प्राप्त झाला असून लवकरच ही विकासकामे सुरू करण्यात येणार आहे.

     

    ब्रह्मपुरी विधानसभा क्षेत्रात सिंदेवाही सावली व ब्रह्मपुरी अश्या तीन तालुक्यांचा समावेश आहे. मात्र क्रीडा साहित्य व इतर सोयी सुविधा अभावी आणि खेळाडूंना आपल्या खिलाडी वृत्तीचे प्रदर्शन करणे अवघड जाते. अश्या अनेक प्रतिभावंत खेळाडू व त्यांची प्रतिभा सर्वांपुढे यावी तसेच त्यांनी क्रीडा क्षेत्रात नावलौकिक करावे या उदांत हेतूने राज्याची विरोधी पक्ष नेते तथा ब्रह्मपुरी विधानसभा क्षेत्र आमदार विजय वडेट्टीवार यांनी आपल्या ब्रह्मपुरी मतदार संघातील तीनही तालुक्यातील क्रीडा संकुलनामध्ये प्रलंबित असलेली विकास कामे याची मागणी रेटून धरत खेळाडूंकरिता पूर्णपणे शक्ती पणाला लावून शासनाकडून 25 कोटीचा निधी मंजूर करून आणला.

     

    यात सिंदेवाही येथील क्रीडा संकुला पाच कोटींचा विकास निधी प्राप्त झाला असून सिंथेटिक हॉकी टर्फ प्रेक्षक गॅलरी, बास्केटबॉल कोर्ट दुरुस्ती व चेनलिंग फेंसिंग क्रीडांगण समपातळीकरण 200 मीटर धावपथ दुरुस्ती, धावनपथाच्या एका बाजूला प्रेक्षक गॅलरी विथ रुपी पाणी व्यवस्था क्रीडा साहित्य आदी कामांचा समावेश आहे.तर ब्रह्मपुरी येथील क्रीडा संकुल मध्ये एकूण सात कोटींचा विकास निधी मंजूर झाला असून यात 400 मीटर सिंथेटिक ट्रॅक इंनडोर हॉलची दुरुस्ती, वुडन फ्लोरिंग बास्केटबॉल कोर्ट सिंथेटिकरण चेंज प्रेक्षक गॅलरी विथ रुपींग खेळांची मैदानी क्रीडा साहित्य विद्युतीकरण व अन्य विकास कामांचा समावेश आहे. तर सावली येथील क्रीडा संकुल मध्ये होऊ घातलेल्या विकास कामांकरिता एकूण 12 कोटींचा विकास निधी मंजूर झाला असून यात बॅडमिंटन हॉल, ऑफिस, जिम हॉल, 400 मीटर धावनपत फुटबॉल मैदान संरक्षण भिंत कबड्डी ,खो-खो ,व्हॉलीबॉल मैदाने, क्रीडा साहित्य फर्निचर, पाणी सुविधा, अशा विविध विकास कामांचा समावेश आहे.

     

    ब्रह्मपुरी मतदार संघातील या तीनही तालुक्यांमध्ये विकास कामांकरिता एकूण 25 कोटी असा मोठा विकास निधी राज्याचे विरोधी पक्षनेते तथा ब्रम्हपुरी विधानसभा क्षेत्र आमदार विजय वडेट्टीवार यांच्या प्रयत्नातून मिळाला असून ग्रामीण खेळाडूंना मैदानी स्पर्धा व स्पर्धा पूर्वतयारी याकरिता अधिकाधिक भाव मिळणार आहे. तसेच लवकरच तीनही क्रीडा संकुलनामध्ये विकास कामांना सुरुवात होणार असून खेळाडूंमध्ये आनंदाचे वातावरण पसरले आहे.

  • घुग्घुस येथे हिट अँड रन कायद्याविरोधात वाहन चालकांचे आंदोलन

    घुग्घुस येथे हिट अँड रन कायद्याविरोधात वाहन चालकांचे आंदोलन

    News34 chandrapur

    घुग्घुस – केंद्र सरकारने आणलेल्या सुधारित हिट अँड रन कायद्याविरोधात पुन्हा घुग्घुस येथे HRG कंपणीमधील ट्रक चालकांनी कामबंद आंदोलन सुरू केले आहे.

    सदर ट्रक चालक वेकोली कोळसा खाणीत माती व कोळश्याची वाहतूक करणारे ट्रक चालवितात.

     

    2 दिवसापासून देशात पुन्हा आंदोलन होणार अशी कुजबुज सुरू झाली होती, नागरिकांनी पुन्हा पेट्रोल पंपावर गर्दी सुद्धा केली मात्र ती अफवा असल्याचे प्रशासनाने स्पष्ट केले होते, सध्या समाज माध्यन्मावर अशा अफवा पसरत असून त्यावर विश्वास करू नये असे प्रशासनाने स्पष्ट केले आहे.

     

    त्यानंतर सुद्धा आज घुग्घुस येथील ट्रक चालकांनी संप पुकारला यावेळी बैरम बाबा मंदिर परिसरात घुग्घुस पोलिसांनी अनुचित घटना घडणार नाही याकरिता बंदोबस्त लावण्यात आला आहे.

  • काँग्रेसचे निष्ठावंत गुरुजी काळाच्या पडद्याआड – आमदार प्रतिभा धानोरकर

    काँग्रेसचे निष्ठावंत गुरुजी काळाच्या पडद्याआड – आमदार प्रतिभा धानोरकर

    News34 chandrapur

    चंद्रपूर : चंद्रपूर शहर काँग्रेस माजी शहर अध्यक्ष, विदर्भ माध्यमिक शिक्षक संघाचे माजी चंद्रपूर जिल्हा कार्यवाह, माजी विभागीय कार्यवाह, माजी बोर्ड मेंबर तथा राज्य पुरस्कार प्राप्त मुख्याध्यापक श्री गजाननराव गावंडे गुरुजी यांचे आज, दिनांक ०९ जानेवारी २०२४ रोजी दुःखद निधन झाले. या घटनेने शिक्षण क्षेत्रासह काँग्रेस पक्षाला मोठा धक्का बसला आहे.

     

    गजाननराव गुरुजी हे शिक्षण क्षेत्रात एक आदर्श शिक्षणतज्ज्ञ होते. त्यांनी शिक्षणाच्या प्रचार आणि प्रसारात महत्त्वाची भूमिका बजावली. ते विदर्भ माध्यमिक शिक्षक संघाचे अनेक वर्षे निष्ठापूर्वक काम करत होते. त्यांनी संघाच्या चंद्रपूर जिल्हा कार्यवाह, विभागीय कार्यवाह आणि बोर्ड मेंबर म्हणून काम पाहिले. त्यांना त्यांच्या कार्याबद्दल राज्य पुरस्काराने सन्मानित करण्यात आले होते.

     

    गजाननराव गावंडे गुरुजी हे काँग्रेस पक्षाचे निष्ठावान कार्यकर्ते होते. त्यांनी जिल्हा काँग्रेस कमिटीचे शहराध्यक्ष म्हणून अनेक वर्ष काम पाहिले. काँग्रेस पक्षाला संघटित आणि मजबूत करण्यासाठी त्यांनी मोलाचे योगदान दिले.

     

    गजाननराव गावंडे गुरुजी यांचे निधन हे शिक्षण क्षेत्रासाठी आणि काँग्रेस पक्षासाठी एक मोठी हानी आहे. त्यांच्या निधनाने त्यांच्या कुटुंबियांवर आणि त्यांच्या चाहत्यांवर मोठा आघात झाला आहे. त्यांच्या आत्म्यास शांती लाभो हीच प्रार्थना. आमदार प्रतिभा धानोरकर

  • चंद्रपूर जिल्हा शहर कांग्रेस कमिटीचे माजी अध्यक्ष गावंडे गुरुजी यांचं निधन

    चंद्रपूर जिल्हा शहर कांग्रेस कमिटीचे माजी अध्यक्ष गावंडे गुरुजी यांचं निधन

    chandrapur news : चंद्रपूर (News३४) – चंद्रपूर जिल्हा शहर कांग्रेस कमिटीचे माजी अध्यक्ष, विदर्भ किसान मजदूर कांग्रेसचे अध्यक्ष गजानन गावंडे यांचं आज 9 जानेवारीला सकाळी निधन झाले. (हे हि वाचा : जिल्हाधिकारी गौडा यांनी केली स्ट्रॉंग रूमची पाहणी)

    चंद्रपुरात गावंडे गुरुजी म्हणून सर्वाना परिचित होते, नोकरीतून सेवानिवृत्त झाल्यावर त्यांनी राजकारणात सक्रियपणे सहभाग नोंदविला होता, काही दिवसांपासून ते आजाराने त्रस्त होते, आजारावर उपचार झाला घरी आले मात्र आज सकाळी त्यांची प्रकृती खालावली, त्यांना तात्काळ रुग्णालयात नेण्यात आले मात्र त्यांची प्राणज्योत मालवली. chandrapur news

    गावंडे गुरुजी हे 77 वर्षाचे होते, त्यांच्या जाण्याने गावंडे कुटुंबावर दुःखाचा डोंगर कोसळला आहे. गावंडे गुरुजी यांच्या जाण्याने कांग्रेस पक्षाला मोठी हानी पोहोचली आहे. विधानसभा निवडणूक असो कि महानगरपालिका निवडणूक प्रत्येक निवडणुकीत गावंडे गुरुजी यांच सक्रिय सहभाग असायचा.

  • वाघाला बघून बिबट्याला आला हार्ट अटॅक?

    वाघाला बघून बिबट्याला आला हार्ट अटॅक?

    News34 chandrapur

    तळोधी बाळापूर – वर्ष 2023 मध्ये चंद्रपूर जिल्ह्यात 7 वाघाचा विविध कारणांनी मृत्यू झाला होता, आता नव्या वर्षात ब्रह्मपुरी वनविभाग अंतर्गत येणाऱ्या तळोधी बाळापूर वनपरिक्षेत्रातील बिबट्याचा मृतदेह आढळून आला. वन कर्मचारी कॅमेरा ट्रॅप चे फोटो चेक करण्यासाठी जंगलात गेले असता त्यांना दुर्गंधी येऊ लागली, परिसरात बघितले तर एका झाडावर 20 ते 30 फूट उंचीवर बिबट्याचा मृतदेह कुजलेल्या अवस्थेत आढळला.

     

     

    घटनेची माहिती तळोधी बाळापुर वन परिक्षेत्र अधिकारी आरुप कन्नमवार यांना देण्यात आली घटनेची माहिती मिळताचं वन अधिकारी तात्काळ घटनास्थळी जाऊन दोराच्या साह्याने झाडावर चढून त्या बिबट्याला खाली उतरविले.

     

    सदर मृत बिबट ही साडेतीन ते चार वर्षे वयाचा मादा बिबट असल्याचे लक्षात आले. व घटनास्थळावरून हे बिबटमृत झाल्याची घटनाही पाच ते सहा दिवसापूर्वी घडल्याचे घटनास्थळावरील परिस्थितीनुसार लक्षात आले. सदर परिसराची चौकशी केली असता ज्या झाडावर हा बिबट मेलेला होता त्या झाडाखाली वाघाने ओरबडल्याचे, मार्किंग केल्याचे व झाडावर थोड्या उंचावर पर्यंत वाघाच्याही पंजाचे नखांचे निशाण आढळून आले. त्यावरून वाघाने पाठलाग केल्यामुळे बिबट झाडावर घाईघाईने चढला व चढल्यानंतर हृदय घाताने त्याचा मृत्यू झाल्याचा प्राथमिक अंदाज वर्तवण्यात आला.

    मोक्का पंचनामा केल्यानंतर विच्छेदनासाठी ब्रह्मपुरी वन विभागाच्या ऑफिसला पाठविण्यात आले.

  • चंद्रपुरातील पाच दिवसीय भव्यदिव्य कृषी महोत्सवाचा समारोप, कोण आहे ट्रॅक्टर विजेता?

    चंद्रपुरातील पाच दिवसीय भव्यदिव्य कृषी महोत्सवाचा समारोप, कोण आहे ट्रॅक्टर विजेता?

    News34 chandrapur

    चंद्रपूर : शेतकरी समृध्द आणि आत्मनिर्भर झाला तरच देश प्रगतीच्या मार्गावर अग्रेसर होईल, ही संकल्पना प्रत्यक्षात उतरविण्यासाठी राज्याचे वने, सांस्कृतिक कार्य, मत्स्यव्यवसाय मंत्री तथा चंद्रपूर जिल्ह्याचे पालकमंत्री सुधीर मुनगंटीवार यांच्या मार्गदर्शनात दि.3 ते 7 जानेवारी दरम्यान चांदा ॲग्रो – 2024 चे भव्यदिव्य आयोजन करण्यात आले. पालकमंत्री श्री. मुनगंटीवार यांच्या पुढाकारामुळे जिल्ह्यात प्रथमच या माध्यमातून कृषी विकासाचे नवे दालन शेतक-यांना उपलब्ध झाले. विशेष म्हणजे जिल्हा प्रशासनाचे सुक्ष्म नियोजन, खिचडीचा विश्वविक्रम आणि शेतक-यांना 13 लाखांचे आकर्षक बक्षीस वाटपाचे पाच दिवसीय कृषी महोत्सवाचा रविवारी समारोप करण्यात आला.

     

     

    कृषी तंत्रज्ञान व्यवस्थान यंत्रणा (आत्मा), कृषी विभाग व पशुसंवर्धन विभागाच्या संयुक्त विद्यमाने चांदा क्लब ग्राऊंडवर जिल्हा कृषी महोत्सव आयोजित करण्यात आला होता. दि. 3 जानेवारी रोजी क्रांतीज्योती सावित्रीबाई फुले यांच्या जयंतीचे औचित्य साधून या कृषी महोत्सवाचे उद्घाटन राज्याचे कृषी मंत्री धनंजय मुंडे यांच्या हस्ते करण्यात आले. पाच दिवसीय या कृषी महोत्सवात दररोज किमान 12 ते 14 हजार याप्रमाणे अंदाजे 60 हजार नागरिकांनी उपस्थिती दर्शविली, तर 25 हजार जणांनी यात नोंदणी केली.

     

     

    पालकमंत्री सुधीर मुनगंटीवार यांच्याकडून 13 लाखांचे आकर्षक बक्षीस वाटप : जिल्हा कृषी महोत्सवात नोंदणी केलेल्या शेतक-यांसाठी लकी ड्रॉ च्या माध्यमातून पालकमंत्री सुधीर मुनगंटीवार यांच्याकडून व्यक्तिश: 13 लाखांचे आकर्षक बक्षिसांचे वाटप करण्यात आले. यात प्रथम क्रमांकाचे मिनी ट्रॅक्टर विजेता कोरपना तालुक्यातील वडगाव खिराडी येथील पंढरी गोंडे तर द्वितीय क्रमांकाची बुलेट विजेता उर्जानगर येथील विशाल बारेकर ठरले. याव्यतिरिक्त तिस-या क्रमांकाचे पॉवर टिलर शेणगाव (ता. जिवती) येथील तुकाराम कपडे यांना, चवथ्या क्रमांकाचे पॅडी वीडर नंदोरी (ता. भद्रावती) येथील प्रशांत अहीरकर यांना तर पाचव्या क्रमांकाचे पावर वीडर आमडी (ता. बल्लारपूर) येथील सुभाष तेलतुंबडे यांना मिळाले. याशिवाय पाच विजेत्यांना चाप कटर, पाच विजेत्यांना भाजीपाला किट, 10 विजेत्यांना पॉवर स्प्रेअर, पाच जणांना आटा चक्की अशी बक्षीसे देण्यात आली. यावेळी उपस्थित असलेल्या शेतक-यांचासुध्दा सन्मान करण्यात आला. प्रथमच लकी ड्रॉ च्या माध्यमातून शेतक-यांना आकर्षक बक्षीसे मिळाल्याने शेतक-यांनी पालकमंत्री श्री. मुनगंटीवार यांचे आभार मानले.

     

     

    7000 किलो पेक्षा अधिक खिचडीचा विश्वविक्रम: आंतरराष्ट्रीय ख्यातीचे सुप्रसिद्ध शेफ विष्णू मनोहर यांनी चंद्रपूर येथील कृषी महोत्सवात 7 हजार किलोपेक्षा जास्त तृणधान्यांची खिचडी बनवून विश्वविक्रम नोंदविला. ही खिचडी शाळांमध्ये तसेच शहरातील वस्त्यांमध्ये वाटण्याची व्यवस्था केली. तसेच कृषी प्रदर्शनाच्यास्थळी विविध स्टॉलवर असलेल्या प्रत्येक माणसाला आणि शहरातील 35 हजार लोकांपर्यंत ही खिचडी पोहोचेल, अशी व्यवस्था जिल्हा प्रशासनाने केली.

     

    बळीराजा समृद्धी मार्ग शेतपाणंद रस्ते अभियानाचा शुभारंभ: जिल्हा कृषी महोत्सवात ‘बळीराजा समृद्धी मार्ग शेतपाणंद रस्ते’ अभियानाचा शुभारंभ करण्यात आला. जिल्हा परिषदेच्या माध्यमातून जिल्ह्यात 5001 कि.मी. चे शेतपाणंद रस्ते तयार करण्याचे नियोजन करण्यात आले आहे. यामध्ये मातीकाम पूर्ण झालेले 2055 कि.मी. चे रस्ते, मातीकाम सुरू असलेले 405 कि.मी. चे रस्ते आणि नव्याने प्रस्तावित 3182 कि.मी.चे मुरमीकरणाचे शेतपाणंद रस्ते आणि मुरमीकरण झालेले परंतु खडीकरण बाकी असलेले इतर रस्ते सुरू करण्यात येतील.

     

     

    मिशन जयकिसान अभियानाचा शुभारंभ : कृषी क्षेत्रात चंद्रपूर जिल्हा एक मॉडेल बनावा, या भागातील शेतकरी संपन्न व्हावा, शेतीसह कृषीपूरक उद्योगाला जिल्ह्यात चालना मिळावी आणि जिल्ह्यातील ग्रामीण भागात कृषीवैशिट्य असलेली गावे विकसित व्हावी, या पालकमंत्री सुधीर मुनगंटीवार यांच्या अभिनव संकल्पनेतून ‘ मिशन जय किसान’ अभियानाचा कृषी महोत्सवात शुभारंभ करण्यात आला.

     

    31 कोटी 90 लक्ष रुपयांच्या भाजीपाला संशोधन केंद्राला मान्यता : ऐकार्जुना (ता. वरोरा) येथे 25 हेक्टर जमिनीवर 31 कोटी 90 लक्ष रुपये खर्च करून भाजीपाला संशोधन केंद्र उभारण्यात येणार आहे. याबाबत राज्याचे कृषी मंत्री धनंजय मुंडे यांनी उद्घाटन कार्यक्रमात संशोधन केंद्राला मान्यता देण्यात आल्याचा आदेश पालकमंत्री सुधीर मुनगंटीवार यांच्याकडे सुपूर्द केला.

     

    पाच दिवस सांस्कृतिक कार्यक्रमांची मेजवानी : पाच दिवस चाललेल्या कृषी महोत्सवात कृषी विषयक विविध चर्चासत्रे, परिसंवाद यांच्यासोबतच विविधि सांस्कृतिक कार्यक्रमांची रंगत आणली. सोबतच या कृषी महोत्सवात जवळपास विविध विभागाने 350 स्टॉल लावले होते.

  • चंद्रपुरात ST बस वाहकाच्या प्रामाणिकपणाची चर्चा

    चंद्रपुरात ST बस वाहकाच्या प्रामाणिकपणाची चर्चा

    News34 chandrapur

    चंद्रपूर :- 7 जानेवारीला रात्री जाम वरून नागपूर साठी नागपूर निवासी चंदू ढोके हे राजुरा आगाराची राजुरा नागपूर बस क्र. ३६९५ मध्ये नागपूर जाण्यासाठी बसले, नागपूर आल्या नंतर ढोके यांनी मोबाईल बघितला असतो तो कुठेही आढळून आला नाही, ढोके यांचा सॅमसंग कंपनीचा मोबाईल बस मध्ये पडला असल्याची त्यांना जाणीव झाली.

    बस मधून उतरल्या नंतर ढोके आपल्या घरी निघून गेले , मात्र मोबाईल जवळ न दिसल्याने चंदू ढोके यांनी पुन्हा बस स्थानक गाठले मात्र बस दिसली नाही , मात्र 8 जानेवारीला सकाळी 11 वाजता राजुरा डेपो येथे फोन लावून माहिती देण्यात आली.

     

    अश्यातच राजुरा – नागपूर बस क्रमांक ३६५९ चे वाहक निषाद शेख यांनी ढोके यांच्या मोबाईल चा शोध लावत तो चंद्रपूर येथिल चंदू ढोके यांच्या मित्राला सुपूर्द केला.
    मोबाईल मिळाल्या मुळे चंदू ढोके यांनी वाहक निषाद शेख, राजुरा आगार चे नरेंद्र लवणे यांचे आभार मानले आहे.

  • राष्ट्रवादी काँग्रेस पक्षाची चंद्रपूर येथे जिल्हा आढावा बैठक संपन्न

    राष्ट्रवादी काँग्रेस पक्षाची चंद्रपूर येथे जिल्हा आढावा बैठक संपन्न

    News34 chandrapur

    चंद्रपूर :- 7 जानेवारीला चंद्रपूर जिल्हा राष्ट्रवादी काँग्रेस पक्षाची जिल्हा कार्यकारिणी व बूथ आढावा बैठक महेश भवन, चंद्रपूर येथे राष्ट्रीय सचिव तथा माजी आमदार राजेंद्र जैन, जिल्हाध्यक्ष नितिन भटारकर यांच्या प्रमुख उपस्थितीत पार पडली. यावेळी आगामी काळात चंद्रपूर जिल्ह्यात पक्ष संघटन मजबूत करणे व पक्षाचा विस्तार करुन बूथनिहाय बांधणी करणे यासंदर्भात चर्चा करून जिल्हयातील आढावा घेण्यात आला.

     

     

    राष्ट्रवादी काँग्रेस पक्ष सर्वसामान्य जनतेच्या व विकासाच्या मुद्द्यावर कार्य करीत आहे. राज्याचे उमुख्यमंत्री मंत्री ना.श्री अजितदादा पवार, राष्ट्रीय कार्याध्यक्ष खा.श्री प्रफुल पटेल व प्रदेशाध्यक्ष खा. श्री. सुनील तटकरे हे आपण सर्व कार्यकर्त्यांच्या व पदाधिकऱ्यांच्या पाठीशी खंबीरपणे उभे आहे. जिल्ह्यात पक्षाचे संघटन वाढविण्यासाठी जिल्हयातील प्रत्येक तालुक्यात क्रियाशील व सक्षम कार्यकर्त्यांना जबाबदारी देऊन लवकरात लवकर प्रत्येक बूथ वर कमिट्या तयार कराव्यात. यात सर्व घटकाचा समावेश करून प्रामुख्याने युवक, युवती व महिलांना स्थान देऊन प्रोत्साहन द्यावे. पक्ष संघटन मजबूत असेल तर येणाऱ्या सर्व निवडणुकांमध्ये जिल्ह्यात जास्तीत जास्त जागा पक्ष लढवेल याची ग्वाही माजी आमदार राजेंद्र जैन यांनी दिली. पक्षाची वाढ व विस्तार करण्यासाठी माजी आमदार श्री राजेंद्र जैन यांच्या हस्ते जिल्हयातील युवक, विद्यार्थी, महिला, ओबीसी सेल, सामाजिक न्याय विभागाच्या काही तालुकानिहाय नियुक्ती पत्र देण्यात आले.

     

    सदर कार्यक्रमाचे प्रास्ताविक जिल्हाध्यक्ष नितीन भटारकर यांनी केले असुन आबिद अली, रंजना पारशिवे, राकेश सोमानी, विलास नेरकर, महेंद्रसिंग चंदेल, अविनाश राऊत, मंगेश पोटवार, विनोद नवघडे यांनी उपस्थितांना मार्गदर्शन केले.

     

    यावेळी राष्ट्रीय सचिव व माजी आमदार राजेंद्र जैन, जिल्हाध्यक्ष नितीन भटारकर, गोंदिया रायुकाँ जिल्हाध्यक्ष केतन तुरकर, प्रदेश सचिव आबिद अली, नगरसेवक महेंद्रसिंग चंदेल, महिला जिल्हाध्यक्ष रंजना पारशिवे, युवक अध्यक्ष राकेश सोमानी, जेष्ठ नेते मनोहर काच्छेला, महिला जिल्हा कार्याध्यक्ष अर्चना बुटले, विद्यार्थी जिल्हाध्यक्ष सुजित उपरे, ओबीसी सेलचे जिल्हाध्यक्ष अविनाश राऊत, सामाजिक न्याय जिल्हाध्यक्ष प्रशांत झांबरे, वैद्यकीय मदत जिल्हाध्यक्ष पंकज ढेंगारे, महिला शहर अध्यक्षा चारुशीला बारसागडे, हेमांगीनी विश्वास, राजुरा विधानसभा अध्यक्ष शरद जोगी, वरोरा विधानसभा अध्यक्ष विलास नेरकर, राज्य संघटक अमोल बावणे, युवक अध्यक्ष अभिनव देशपांडे, माजी उपसभापती हर्षवर्धन पिपरे, अल्पसंख्याक सेल शहर अध्यक्ष नौशाद शेख, चंद्रपूर तालुकाध्यक्ष श्रीनिवास गोस्कुल्ला, मुल तालुका अध्यक्ष मंगेश पोटवार, बल्लारपूर तालुकाध्यक्ष महादेव देवतळे, राजुरा तालुकाध्यक्ष संतोष दरेकर, गोंडपिपरी तालुका अध्यक्ष मनोज धानोरकर, पोंभूर्णा तालुका अध्यक्ष विजय ढोंगे, सावली तालुकाध्यक्ष घनश्याम राऊत, सिंदेवाही तालुकाध्यक्ष दामोदर ननावार, ब्रह्मपुरी तालुकाध्यक्ष नोगेश बगमारे, नागभीड तालुका अध्यक्ष विनोद नवघडे, चिमूर तालुकाध्यक्ष योगेश ठूने, वरोरा तालुका अध्यक्ष रवी भोयर, भद्रावती तालुका अध्यक्ष राजू बोरकर, कोरपणा तालुका अध्यक्ष धनराज जिवणे, कार्याध्यक्ष तनवीर शेख, कुतुब सिटी, आकाश येसनकर, गीतेश सातपुते, चंद्रकांत कुंभरे, रवी डीकोंडा, सलीम पठाण, जहीर खान, नासिर शेख, प्रशांत घुमे, ओमकार गेडाम, अश्विन उपासे, ऍड मंगेश काळे उपस्थित होते.

  • सेवानिवृत्त प्राथमिक शिक्षकाच्या समस्या सोडविण्यास प्रशासनाने दिरंगाई करु नये

    सेवानिवृत्त प्राथमिक शिक्षकाच्या समस्या सोडविण्यास प्रशासनाने दिरंगाई करु नये

    News34 chandrapur

    चिमूर :- गुणवंत चटपकार

    जिल्हा सेवानिवृत्त प्राथ शिक्षक संघाचे वतीने चिमूर पंचायत समितीचे गटशिक्षणाधिकारी रुपेश कांबळे यांची भेट घेऊन शिक्षकांच्या विविध समस्यांवर चर्चा करण्यात आली, व समस्याचे निवेदन देण्यात आले.

     

    गटविमा शिल्लक प्रस्ताव, उपदान, अंशराशिकरण, सेवानिवृत्त प्राथमिक शिक्षकांचे वैद्यकिय रजेची देयके,30 जून ला सेवानिवृत्त झालेल्या शिक्षकांनी 1 जुलै ची काल्पनिक वेतन वाढ लावुन रिवाईज पेंशन केस तयार करून लाभ देणे,80 वर्ष पूर्ण झालेला शिक्षकांना वेतन वाढ देण्याबाबत, कुटुंब निवृत्ती धारकाचे वेतन बाबत, माहे जानेवारी डिए 3% फरकाची रक्कम सेवानिवृत्त शिक्षकांना देणेबाबत,तसेच सेवानिवृत्त प्राथमिक शिक्षकांचे सातवे वेतन आयोगाचे हप्ते, या बाबत चर्चा करण्यात आली पहिला हप्ता 4 शिक्षक, दुसरा हप्ता 56 शिक्षकांचा, 3 हप्ता 104 शिक्षकांचा एकूण रुपये 8898912/देने बाकी असल्याने याकरीता जि.प.कडे मागणी करण्यात आली असून पैसे प्राप्त होताच सदर हप्ते सेवाज्येष्ठतेनुसार देण्यात येईल असे मान्य केले, तसेच सर्वांचे वेतन वेळेवर करण्यात यावे याबाबत सुध्दा चर्चा करण्यात आली, सर्व विषयावर सकारात्मक चर्चा करण्यात, सदर समस्या लवकरात लवकर निकाली काढण्याचे मान्य केले.

     

    यावेळी संघटनेचे श्याम लेडे, दिपक पंधरे, हेमराज कामडी, अनिल काळे, नगाजी साळवे, भानुदास राऊत,कोटीराम ठाकरे, अशोक तलवेकर,अरुण चौधरी, वसंता कामडी, विठल डांगे, ईश्वर मुळे, ईश्वर धरत, गजानन चावरे, मधुकर बागुलकर, निलकंठ काटेखाये, मनोहर कामडी, श्रीनिवास बनसोड, इत्यादी बांधव उपस्थित होते,

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by