My Blog

Tag: News34 chandrapur

  • आरक्षणावर गाजली राज्यस्तरीय वाद-विवाद स्पर्धा

    आरक्षणावर गाजली राज्यस्तरीय वाद-विवाद स्पर्धा

    News34 chandrapur

    गुरू गुरनुले
    मुल – शिक्षण प्रसारक मंडळ मुलं संचलित व गोंडवाना विद्यापीठ संलग्नित कर्मवीर महाविद्यालय मूल येथे 10 जानेवारी, 2024 रोजी संयुक्त महाराष्ट्राचे दुसरे मुख्यमंत्री आदरणीय मा. सा. कन्नमवार यांच्या जयंती निमित्य महाविद्यालयाच्या वतीने समाजाच्या उन्नतीचा मार्ग म्हणजे आरक्षण होय ? या विषयावर राज्यस्तरीय वादविवाद स्पर्धेचे आयोजन करण्यात आलेले होते. या कार्यक्रमाचे अध्यक्षस्थानी संस्थेचे अध्यक्ष ऍड. बाबासाहेब वासाडे उपस्थित होते.

     

    उदघाटक म्हणून गोंडवाना विद्यापीठाचे कुलसचिव मान. डॉ. अनिल हिरेखन यांची उपस्थिती होती. प्रमुख पाहुणे म्हणून महात्मा गांधी विज्ञान महाविद्यालय, गडचांदूर चे प्राचार्य डॉ. शैलेंद्र देव उपस्थित होते. सोबतच संस्थेचे सचिव ऍड. अनिल वैरागडे साहेब व सदस्य डॉ. राममोहन बोकारे, महाविद्यालयाचे माजी प्राचार्या कापगते सर वादविवाद स्पर्धेचे परीक्षक मान. प्रा. चंद्रकांत मणियार, प्रा. गोकुळ कामडी, प्रा. कोटगले उपस्थित होते. महाविद्यालयाच्या प्राचार्या डॉ. अनिता वाळके यांनी कार्यक्रमाच्या आयोजनाबाबत ची भूमिका सविस्तरपणे प्रास्ताविक मधून समजाऊन सांगितले.

     

    कार्यक्रमाचे उद्धघाटन कुलसचिव डॉ.अनिल हिरेखन यांनी उद्घाटन भाषणं देतांना आरक्षण म्हणजे सर्वांना सारखी संधी असे विचार व्यक्त केले. व जवलंत विषय निवडून विद्यार्थाना व्यासपीठ निर्माण करून दिल्यामुळे महाविद्यालयाचे अभिनंदन केले. समाजाच्या उन्नतीचा मार्ग म्हणजे आरक्षण होय ? या विषयावर पक्ष व विपक्ष दोन्ही बाजूने स्पर्धकांनी आपले विचार प्रकट केले. पक्ष्याच्या बाजूने सरदार पटेल महाविद्यालयाचा विद्यार्थी प्रलय मशाखेत्री यांनी प्रथम क्रमांक पटकावला व दुसरा क्रमांक डॉ. आंबेडकर महाविद्यालय, चंद्रपूर येथील विद्यार्थी अविनाश रामटेके यांनी प्राप्त केला. विषयाच्या विरुद्ध बाजूने सरदार पटेल महाविद्यालय, चंद्रपूर ची विद्यार्थिनी कू.चांदणी धनकर हिने प्रथम क्रमांक तर द्वितीय क्रमांक माहात्मा गांधी विज्ञान महाविद्यालय, गडचांदूरची विद्यार्थिनी कू.अष्टमी मुंढे हिने पटकावला. सांघिक पारितोषिक सरदार पटेल महाविद्यालयाच्या संघाने पटकावले.

     

    अध्यक्षीय भाषणात ऍड. बाबासाहेब वासाडे यांनी दादासाहेब कन्नमवार यांचा आदर्श आपल्या डोळ्यासमोर समोर ठेवून संस्थेची वाटचाल करावे असे आव्हान केले. कार्यक्रमाचे संचालन सांस्कृतीक विभाग प्रमुख डॉ. जि. एस. आगलावे यांनी केले तर आभार प्रा. सागर मासिरकर यांनी मांडले. कार्यक्रमाच्या सुरवातीस विद्यार्थिनींनी कन्नमवारजी कर्मविरा राजपदींच्या धुरंधरा हे गौरव गीत व उत्कृष्ठ स्वागत गीत सादर करुन उपस्थितांना मंत्रमुग्ध केले. कार्यक्रमात अनेक महाविद्यालय स्पर्धकांनी भाग घेतला. कार्यक्रमाच्या पूर्व तयारीसाठी वरिष्ठ,कनिष्ठ महाविद्यायीन प्राध्यापक व विद्यार्थ्यांनी परिश्रम घेतले.

  • ग्रामीण पगारदार व सहकारी पतसंस्था संचालकांचे कर्जवसुली विषयावर प्रशिक्षण संपन्न

    ग्रामीण पगारदार व सहकारी पतसंस्था संचालकांचे कर्जवसुली विषयावर प्रशिक्षण संपन्न

    News34 chandrapur

    चिमूर – गुणवंत चटपकार

    महाराष्ट्र राज्य सहकारी संघ मर्या. पुणेचे सहकारी शैक्षणिक उपक्रम अंतर्गत चंद्रपूर जिल्हा सहकारी बोर्ड लि. चंद्रपूरचे वतीने व जिल्हा उपनिबंधक, सहकारी संस्था, चंद्रपूर चे विद्यमाने चिमुर त. चिमुर जि. चंद्रपूर येथे चिमुर तालुक्यातील नागरी/ग्रामीण व पगारदार सहकारी पतपुरवठा सह. संस्थांचे संचालक व सेवकांचे दोन दिवसीय प्रशिक्षण कार्यक्रम राष्ट्रसंत तुकडोजी महाराज नागरी सहकारी पतसंस्थेचे सभागृहात संपन्न झाले.

     

    या दोन दिवसीय प्रशिक्षणात सहकरी कायदा, संचालक मंडळ अधिकार, कामे व जबाबदारी, सहकरी संस्थेचे कायदेशीर व्यवस्थापण, पतसंस्था नियामक मंडळ तरतुदी, ताळेबंद विषलेशन, एन.पी.ए.व थकित कर्जवसुली प्रक्रिया, ईत्यादी विषयावर भारत. सी. फलके, जिल्हा सहकार विकास अधिकारी, जिल्हा सह. प्रशिक्षण बोर्ड मर्यादित. चंद्रपूर, राजेश लांडगे, उपलेखापरीक्षक-सह.संस्था तसेच व्हाईस ऑफ मिडिया चंद्रपूर चे जिल्हा सरचिटणीस व सी. टि. व्ही. प्रतिनिधी श्रीहरी सातपुते, एन. मेहरकुरे, श्री. पैठे सह.विभाग यांचे मार्गदर्शन झाले. कार्यक्रमास पतसंस्थेचे संचालक व अधिकारी मोठया संख्येने उपस्थित होते. अनेक प्रशिक्षणार्थी प्रतिनिधींनी मनोगतात सदरील प्रशिक्षणात अत्यंत उपयुक्त माहिती मिळाल्याचे अभिप्राय दिले. प्रशिक्षण पुरती नंतर प्रशिक्षणार्थीना प्रमाणपत्र देण्यात आले.

  • चंद्रपूर लोकसभा निवडणूक लढण्यासाठी कांग्रेस पक्षातर्फे 8 इच्छुक उमेदवारांचे अर्ज दाखल

    चंद्रपूर लोकसभा निवडणूक लढण्यासाठी कांग्रेस पक्षातर्फे 8 इच्छुक उमेदवारांचे अर्ज दाखल

    News34 chandrapur

    चंद्रपूर – चंद्रपूर लोकसभा 2019 च्या निवडणुकीत कांग्रेसचे बाळू धानोरकर यांनी विजय प्राप्त केला होता, मात्र वर्ष 2023 ला खासदार धानोरकर यांच्या निधनाने हा मतदार संघ रिकामा झाला, आता आगामी लोकसभा निवडणुकीसाठी कांग्रेस पक्षाने चाचपणी सुरू केली आहे.

     

    कांग्रेस प्रदेश अध्यक्ष नाना पटोले यांनी चंद्रपूर-आर्णी-वणी लोकसभा मतदार संघासाठी इच्छुकांचे अर्ज मागविले होते, कांग्रेसचे ग्रामीण जिल्हाध्यक्ष आमदार सुभाष धोटे यांच्याकडे एकूण 8 अर्ज प्राप्त झाले असून आज सर्व अर्ज नाना पटोले यांच्याकडे सुपूर्द करणार आहे.

     

    इच्छुक उमेदवारी अर्ज दाखल करणाऱ्यांमध्ये आमदार प्रतिभा धानोरकर, कांग्रेसचे माजी जिल्हाध्यक्ष विनायक बांगडे, प्रकाश देवतळे, शिवा राव, शंतनू धोटे, दिनेश चोखारे, डॉ.हेमंत खापणे दिलीप माकोडे यांचा समावेश आहे.

     

    सध्या चंद्रपूर लोकसभा मतदार संघात कांग्रेस पक्षाकडून आमदार प्रतिभा धानोरकर हे प्रबळ दावेदार मानल्या जात आहे.

  • चंद्रपूर महानगरपालिकेचा 542 कोटींचा मलनिस्सारण प्रकल्प

    चंद्रपूर महानगरपालिकेचा 542 कोटींचा मलनिस्सारण प्रकल्प

    News34 chandrapur

    चंद्रपूर – केंद्रशासन पुरस्कृत अमृत 2.0 अभियानांतर्गत चंद्रपूर महानगरपालिकेच्या रु. 542.05 कोटीच्या मलनि:स्सारण प्रकल्पासाठी प्रशासकीय मान्यता मिळाली आहे. राज्याचे वने, सांस्कृतिक कार्य व मत्स्यव्यवसाय मंत्री तथा जिल्ह्याचे पालकमंत्री सुधीर मुनगंटीवार यांच्या सातत्यपूर्ण प्रयत्नांचे हे फलित आहे. यासंदर्भातील शासन निर्णय नगर विकास विभागाने निर्गमित केला आहे.

     

    केंद्र शासन पुरस्कृत 2.0 अभियानाची शासन निर्णयान्वये सन 2021-22 पासून राज्यामध्ये अंमलबजावणी करण्यात येत आहे. सदर अभियानांतर्गत पाणीपुरवठा सरोवरांचे पुनर्जीवन व हरित क्षेत्र विकास आदी पायाभूत सुविधांची निर्मिती राज्यातील सर्व नागरी स्थानिक स्वराज्य संस्थांमध्ये करण्यात येणार आहे. आणि यापूर्वीच्या अमृत अभियानांतर्गत समाविष्ट असलेल्या राज्यातील 44 शहरांमध्ये मलनि:स्सारण सुविधा उपलब्ध करून देण्यात येणार आहे. या अभियानांतर्गत राज्याच्या 18236.39 कोटी प्रकल्प किमतीच्या राज्य जलकृती आराखड्यास केंद्र शासनाने मान्यता दिलेली आहे.

     

    चंद्रपूर महानगरपालिकेच्या मलनि:स्सारण प्रकल्पांतर्गत कार्य सर्वेक्षण, मलनि:स्सारण प्रणाली, गृह सेवा कनेक्शन, रस्ता पुनर्रसंचयित करणे, रेल्वे क्रॉसिंग पुढे ढकलणे, राष्ट्रीय महामार्ग 9 आणि नाला क्रॉसिंग एकूण 7, पंपिंग मशिनरी, सीवरेज पंपिंग स्टेशन, सीवर स्वच्छता तपासणी आणि नूतनीकरण आदी कामे असणार आहे. सदर प्रकल्पाची अंमलबजावणी विहितकालावधीत पूर्ण करण्याची सर्वस्वी जबाबदारी संबंधित कार्यान्वयीन यंत्रणा, प्रकल्पव्यवस्थापन सल्लागार व प्रकल्प व्यवस्थापन विकास व व्यवस्थापन सल्लागार यांची संयुक्तरीत्या राहील.

     

    अमृत 2.0 अभियानांतर्गत मार्गदर्शक सूचनेनुसार सदर प्रकल्पासाठी प्रकल्प व्यवस्थापक सल्लागाराची नेमणूक करावी. केंद्र शासन पुरस्कृत अमृत 2.0 अभियानाच्या केंद्र शासनाने निर्गमित केलेल्या सर्व मार्गदर्शक सूचना चंद्रपूर महानगरपालिकेच्या मलनि:स्सारण प्रकल्पास लागू राहतील.

     

    शहरात 233 किलोमिटरची पाईप लाईन

    पहिल्या टप्प्यात चंद्रपूर शहरात 233 किलोमिटर पाईप लाईन मलनिःसारण करण्यासाठी होणार असून यातून शहरातील 54 हजार घरांना जोडणी होणार आहे.

  • आमदार अपात्रता निकाल – चंद्रपुरात शिवसेनेचे निषेध आंदोलन

    आमदार अपात्रता निकाल – चंद्रपुरात शिवसेनेचे निषेध आंदोलन

    Mla Disqualification result  चंद्रपूर –  निकालाच्या सत्ता संघर्षानंतर विधानसभेचे अध्यक्ष नार्वेकरांनी निकाल शिवसेना शिंदे गटाच्या बाजूला दिल्यामुळे शिवसेना ठाकरे गट मोठ्या प्रमाणात आक्रमक झाल्याचे पाहायला मिळत आहे.

    महाराष्ट्रात ठिकठिकाणी आंदोलन होत आहे आहेत अशाच प्रकारच आंदोलन चंद्रपुरात आज शिवसेना ठाकरे गटाकडून करण्यात आलेला आहे. Mla Disqualification result

    भद्रावती नगरपरिषद निवडणुकीत महिलांचा संताप 

    यावेळी केंद्र सरकार, शिवसेना शिंदे गट व विधानसभेचे अध्यक्ष नार्वेकर यांचा निषेध करीत आंदोलन करण्यात आले यावेळी शिवसेना ठाकरे गटाचे जिल्हाध्यक्ष संदीप गिरे व त्याचे असंख्य कार्यकर्ते उपस्थित होते.

    शिवसेना जिल्हाप्रमुख संदिप गिऱ्हे यांनी विधानसभा अध्यक्ष राहुल नार्वेकर यांच्या निकालावर थेट आक्षेप घेतला आहे.

    गिऱ्हे यांनी म्हटले आहे की, जर अध्यक्षांना शिवसेनेची २०१८ ची घटना (ज्यामध्ये पक्षप्रमुख म्हणून उद्धव ठाकरे यांची निवड झाली) अमान्य असेल आणि ती घटनाबाह्य ठरवली असेल, तर त्याच घटनेवर आधारित पक्षप्रमुखांनी दिलेला ‘ए-बी’ फॉर्म घेऊन एकनाथ शिंदे आणि त्यांचे आमदार २०१९ मध्ये निवडून आले, हे कसे काय घटनाबाह्य ठरवले जात नाही? अध्यक्षांनी एकाच घटनेचे दोन वेगवेगळे निकष लावले आहेत. एकीकडे २०१८ ची घटना नाकारायची आणि दुसरीकडे त्याच घटनेच्या आधारावर निवडून आलेल्या आमदारांची वैधता मान्य करायची, हा न्याय विसंगत आहे. नार्वेकर यांच्या निकालावर आम्ही हा कायदेशीर प्रश्न उपस्थित करतो.

  • चिमूर येथील शहीद बाबूराव शेडमाके चौकात वाहन चालकांचे स्टेअरिंग छोडो आंदोलन

    चिमूर येथील शहीद बाबूराव शेडमाके चौकात वाहन चालकांचे स्टेअरिंग छोडो आंदोलन

    News34 chandrapur

    चिमूर – गुणवंत चटपकार

    जड वाहनचालकांसाठी तसेच मोठ्या वाहन चालकासाठी अंन्यायकारक ठरणारा सुधारित हिट अँड रन कायद्या तत्काळ मागे घेण्यात यावा. या मागणीसाठी चिमूर क्रांती जिल्हा वाहन चालक संघटनेच्या वतीने तहसील कार्यालय समोर चक्का जाम आंदोलन करण्यात आले होते. पण अचानक आंदोलन मागे घेण्यात आले होते.

     

    आज दिनांक १० जानेवांरी रोजी शहीद बाबूराव शेडमांके चौकात स्टरिंग छोडो आंदोलन करण्यात आले.
    नुकताच संसदेत जुन्या हिट अँड रन कायद्यात बदल करून सुधारित कायदा पारित करण्यात आला. या कायद्यात कठोर तरतुदी करण्यात आल्या असून वाहन चालकांसाठी अन्यायकारक आहे. यात करावसाचा कालावधी आणि दंडाच्या रकमेत वाढ करण्यात आली आहे. या कायद्यामुळे वाहनचालकांचे कुटुंब उद्ववस्त होणार आहे.

     

    अनेकदा अपघात हे आकस्मिक होतात. मात्र या अपघातात वाहन चालकांनाच जबाबदार धरले जातात. अनेकदा अपघाता नंतर वाहन चालकांना गंभीर मारहाण केली जाते. त्यामुळे अपघातानंतर वाहनचालक जख्मीला मदत करण्यापेक्षा पळ काढून पोलिस ठाण्यात आश्रय घेतात. परंतु नवीन कायदा हा वाहनचालकांसाठी अन्यायकारक ठरणार आहे.

     

    त्यामुळे हा कायदा रद्द करण्यात यावा या मागणीसाठी दोन जानेवारीला चिमूर क्रांती जिल्हा वाहन चालक संघटनेच्या वतीने चिमूर शहरातून मोर्चा काढून तहसील कार्यालय समोर चक्का जाम आंदोलन सुरू केले होते. आज दिनांक १० जानेवारी २०२३ रोजी सकाळी अकरा वाजता पासून शहीद बाबूराव शेडमांके चौकात स्टरिग छोडो आंदोलन करण्यात आले. या आंदोलनाची माहिती पोलिस निरीक्षक मनोज गभने यांना मिळताच त्यांनी घटनास्थळी जाऊन आंदोलनकारी सोबत चर्चा करून मध्यस्ती केल्याने आंदोलन मागे घेण्यात आले.

  • माजी मुख्यमंत्री कन्नमवार यांचे कार्यकाळात अनेक विकासात्मक कामे – संतोष रावत

    माजी मुख्यमंत्री कन्नमवार यांचे कार्यकाळात अनेक विकासात्मक कामे – संतोष रावत

    News34 chandrapur

    गुरू गुरनुले

    मुल – महाराष्ट्राचे लोकनेते माजी मुख्यमंत्री स्व.मा.सा. उर्फ दादासाहेब कन्नमवार यांच्या जयंती दिनानिमित्त दिनांक १० जानेवारी २०२४ रोजी सकाळी १०-०० वाजता तालुका काॅंग्रेस कमिटी मूल तर्फे काॅंग्रेस नेते मान .संतोषसिंह रावत (अध्यक्ष,चंद्रपूर जिल्हा मध्यवर्ती सह.बॅंक) व माजी जी.प.अध्यक्ष चंद्रपूर यांच्या अध्यक्षतेखाली विनम्र अभिवादनाचा कार्यक्रम आयोजित करण्यात आला आहे. याप्रसंगी दादासाहेब कन्नमवार यांच्या प्रतिमेला पुष्पहार अर्पण करुन विनम्र अभिवादन केले. तसेच उपस्थित पदाधिकारी यांनीही पुष्प वाहून अभिवादन केले.

     

    मुख्यमंत्री स्व.दादासाहेब कन्नमवार यांनी आपल्या कार्यकाळात विदर्भ व महाराष्ट्रात अनेक विकास कामे करुन शहरी माणसांसोबत ग्रामीण माणसे जोडण्याचे कार्य कन्नमवारजीनी केले. असे विचार काँग्रेस नेते व चंद्रपूर जिल्हा मध्यवर्ती बँकेचे अध्यक्ष संतोष सिंह रावत यांनी आपल्या मनोगता मधून व्यक्त केले. याप्रसंगी प्रमुख अतिथी ज्येष्ठ कांग्रेस पदाधिकारी बंडू भाऊ गुरनुले यांनी त्यांच्या अल्प काळात स्व.कन्नमवार यांनीच चंद्रपूर व भंडारा येथे डिफेन्स उद्योग निर्माण करुन अनेकांना रोजगार उपलब्ध करून दिला. म्हणून ते लोकनेते झाले असे मत व्यक्त केले. तर स्व.मा.सा.कन्नमवार यांनी अतिशय गरिबीतून व प्रतिकूल परिस्थितीतून वर्तमापत्र वाटून आपल्या जीवन कार्याला सुरुवात करुन मुख्यमंत्री पदापर्यंत पोहचले असे मनोगत कृषी उत्पन्न बाजार समिती उपसभापती राजेंद्र कन्नमवार यांनी व्यक्त केले.

     

    याप्रसंगी कृषी बाजार समिती सभापती रकेश रत्नावार यांनीही त्यांच्या जीवन कार्यावर प्रकाश टाकला व कांग्रेस पक्ष वाढीसाठी उपस्थित सर्वांनी मेहनत घ्यावी असे सूचित केले. कार्यक्रमाचे संचालन तालुका अध्यक्ष गुरु गुरनुले यांनी केले तर आभार महिला काँग्रेसच्या सचिव शाम्लता बेलसरे यांनी मानले.

     

    कार्यक्रमाला माजी तालुका अध्यक्ष व बाजार समिती संचालक घनश्याम येनुरकर, माजी उपसभापती व संचालक संदीप कारमवार, संचालक किशोर घडसे, महिला काँग्रेसच्या तालुका अध्यक्षा रुपाली संतोषवार, शहर अध्यक्ष नलिनी आडपवार, कोषाध्यक्ष राधिका बुक्कावार, कोसंबी ग्राम पंचायत सरपंच रवींद्र कामडी, सोसायटी संचालक विवेक मुत्यलवार, शहर उपाध्यक्ष संदीप मोहबे, सेवादलाचे संदीप कटकुरवार, युवक काँग्रेसचे विष्णू सादमवार, गंगाधर घुगरे, मनोज आदी कांग्रेस कार्यकर्ते उपस्थित होते.

  • चंद्रपुरात वाहन चालकांचे स्टेअरिंग छोडो आंदोलन

    चंद्रपुरात वाहन चालकांचे स्टेअरिंग छोडो आंदोलन

    News34 chandrapur

    चंद्रपूर – सुधारित हिट अँड रन कायद्याविरोधात वाहन चालक आक्रमक झाले असून हा कायदा तात्काळ मागे घ्यावा यासाठी आता वाहन चालकांनी स्टेअरिंग छोडो आंदोलनाला सुरुवात केली आहे.

    10 जानेवारीला शहरातील वरोरा नाका चौकातून जिल्हाधिकारी कार्यालयापर्यंत वाहन चालकांनी निषेध रॅली काढत केंद्र सरकारचा निषेध नोंदवला, या रॅलीत जिल्हाभरातून वाहन चालक सामील झाले होते.

     

    हिट अँड रन हा कायदा सर्वांसाठी लागू आहे, ज्यांच्याकडे लायसन्स आहे त्यांच्या हातून अपघात घडला तर 7 लाख दंड तर 10 वर्षाच्या शिक्षेची तरतूद आहे, जर हा कायदा परत घेतला नाही तर यापेक्षा अधिक तीव्र आंदोलन करू असा इशारा वाहन चालकांनी दिला आहे.

     

    या आंदोलनात जय संघर्ष चालक मालक संघटना, लाल बावटा वाहन चालक मालक व इतर संघटना सामील झाल्या होत्या.

  • चंद्रपुर वेकोलि कार्यालय में बनी रील, कर्मचारियों का गैरजिम्मेदाराना बर्ताव?

    चंद्रपुर वेकोलि कार्यालय में बनी रील, कर्मचारियों का गैरजिम्मेदाराना बर्ताव?

    News34 chandrapur

    चंद्रपुर – आजकल युवाओं में रिल्स का काफी चलन बढ़ गया है। छोटे वीडियो बनाकर खुदको मशहूर करने का कार्य आज की युवा पीढ़ी जोरोसे कर रही है।

    मात्र यह चलन रस्तो से शुरू हुआ और आज सरकारी दफ़्तर तक आ पहुँचा है, भारत सरकार के अधिनस्त आनेवाले कोल इंडिया की अधिनस्त मिनिरत्न कंपनी वेस्टर्न कोलफील्ड्स लिमिटेड के चंद्रपुर कार्यालय में ऐसा ही नजारा देखने को मिला।

     

    चंद्रपुर वेकोलि कार्यालय के एक महिला कर्मचारी का दूसरे कार्यालय में तबादला हुआ, तो बस फिर क्या सह कर्मियों ने आव देखा न ताव उन्होंने अपना काम छोड़कर कार्यालय में ही रिल्स बना दी।  यह रिल्स सोशल मीडिया पर जोरोसे व्हायरल हो रही है।

     

    यह उन महिला कर्मियों के लिए आम बात है क्योंकि ऐसा पहली बार नही हुआ है, अपने कामकाज छोड़कर पहले भी कई मर्तबा यह नजारा अन्य लोगो ने बारबार देखा है।

     

    खास बात यह है कि कार्यालय की वरिष्ठ अधिकारी जो सख्त मिजाज के लिए जाने जाती है उन्होंने कार्यालय में कर्मचारियों द्वारा किये बर्ताव पर अब तक कोई कारवाई नही की है।

     

    पहले ही चंद्रपुर वेकोलि कार्यालय या खदान में बहोत सारे ऐसे कर्मी है जो सिर्फ हाजरी लगाकर लाखोकि तनखाह उठाने का काम करते है, क्या ऐसे गैर जिम्मेदाराना रवैये पर वेकोलि कोई कारवाई करेगा या फिर हमेशा की तरह मौन बनाकर चुप रहेगा।

  • चंद्रपूर शहरात 4 अस्वलीने दिले दर्शन

    चंद्रपूर शहरात 4 अस्वलीने दिले दर्शन

    4 bear in chandrapur चंद्रपूर – चंद्रपूर शहरातील लालपेठ परिसरात मागील काही दिवसांपासून अस्वलीचे नागरिकांना दर्शन होत आहे, लालपेठ कॉलरी क्रमांक 2 येथील समृद्धी नगर भागात 9 जानेवारीला मध्यरात्रीच्या सुमारास तब्बल 4 अस्वल त्याठिकाणी दाखल झाले.

    समृद्धीनगर भागात बोरीचे झाड मोठ्या प्रमाणात असल्याने अस्वल त्याठिकाणी 8 दिवसापासून येत आहे, नागरिकांनी वनविभागाचे वनपरिक्षेत्र अधिकारी नायगामकर यांना सम्पर्क साधला मात्र त्यांनी काही प्रतिसाद दिला नाही. (हे हि वाचा : राजुऱ्यात विवाहित महिलेच्या पतीची हत्या, पत्नीसह प्रियकराला अटक)

    डिसेंम्बर महिन्यात अस्वल थेट शहरात दाखल झाली होती, आता पुन्हा अस्वल शहरात येत असल्याने नागरिकांमध्ये दहशतीचे वातावरण आहे. वनविभागाने शहरात येत असलेल्या वन्यप्राण्यावर आवर घालावा अशी मागणी नागरिकांतर्फे केल्या जात आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by