Tag: Mla kishor jorgewar

News34

चंद्रपूर – विविध मागण्यांना घेऊन होमगार्ड महासंघाच्या वतीने मुंबई येथील आझाद मैदानात आंदोलन सुरु करण्यात आले आहे. दरम्यान आमदार किशोर जोरगेवार यांनी मुंबई मंत्रालय येथे राज्याचे मुख्यमंत्री एकनाथ शिंदे आणि उपमुख्यमंत्री तथा गृहमंत्री देवेंद्र फडणवीस यांची भेट घेत होमगार्ड यांच्या रास्त मागण्या मान्य करण्याची मागणी केली आहे.

राज्यातील होमगार्ड हे पोलीस दलासोबत खांद्याला खांदा लावून नागरिकांच्या सुरक्षतेसाठी तत्पर असतात. परंतु सद्यास्थितीत त्यांच्यासमोर अनेक आव्हाने असून राज्यातील होमगार्ड यांच्या प्रमुख २० मागण्यांसाठी त्यांनी मुंबई येथील आजाद मैदानात आंदोलन सुरु केले आहे.

महाराष्ट्र होमगार्ड अॅक्ट 1947 मध्ये सुधारणा अथवा बदल करण्यात यावा, भारत सरकारच्या आदेशानुसार होमगार्ड यांना 365 दिवस नियमित रोजगार उपलब्ध करुन देण्यात यावा, महाराष्ट्र होमगार्ड अॅक्ट 1947 मधील दर 3 वर्षानी होणार्या पुनरनोंदणी पुनर्नियुक्ती प्रणाली पद्धत कायमस्वरूपी बंद करण्यात यावी, महाराष्ट्र होमगार्ड अॅक्ट 1947 मधे बॉम्बे पोलीस अॅक्ट प्रमाणे किंवा प्रादेशिक सेना टि.ए 118 इन्फैंट्री बटालियन या धर्तीवर सुधार करण्यात यावा, मानसेवी कर्मचारी पद आणि वेतनिय कर्मचारी पद असे भेदभाव चे प्रकार नष्ट करून महाराष्ट्र होमगार्ड विभागात होमगार्ड सैनिकांना प्रतिनिधित्वाची समान संधी देण्यात यावी.

तसेच पोलीस विभाग प्रमाणेच होमगार्ड विभागा करिता स्वतंत्र बजट ची व्यवस्था तसेच प्रतिवर्ष महामाई दरानुसार महागाई भत्ता देण्यात यावा, साप्ताहिक परेड भत्ता, उजळणी प्रशिक्षण भत्ता व तसेच आगामी काळात मध्ये येणारे सर्व प्रशिक्षण भत्ता व त्याचप्रमाणे शासनाचे पैरामिलिट्री फोर्स ला लावून दिलेले 6 महिन्याचे अतिदक्ष प्रशिक्षण शिबीर कर्तव्य भत्ता चे दर मानधनाचा सम प्रमाणानुसार देयक असावेत, इतर राज्यांप्रमाणे महाराष्ट्र राज्य मध्ये देखील 3 वर्षे सेवा देवू केलेले होमगार्ड सैनिकांना पोलीस विभाग, वन विभाग किंवा इत्यादी शासकीय प्रशासकीय विभागात 50% आरक्षण सह भरती निवड प्रक्रियेत वयात आणि उंचीत विशेष सवलत देत सरळ भरतीने नेमणूक देण्यात यावी यासह इतर मागण्यांना घेऊन होमगार्ड महासंघाच्या वतीने मुंबई येथील आजाद मैदानात आंदोलन सुरु करण्यात आले आहे.

दरम्यान आमदार किशोर जोरगेवार यांनी मुंबई मंत्रालय येथे मुख्यमंत्री एकनाथ शिंदे आणि उपमुख्यमंत्री तथा गृहमंत्री देवेंद्र फडणवीस यांची भेट घेत होमगार्ड महासंघाच्या मागण्यांकडे त्यांचे लक्ष वेधले असून या बाबत चर्चा केली आहे. सदर विषय हा राज्यातील ४५ हजार १७१ होमगार्ड यांचा असून ही संख्या मोठी आहे. त्यामुळे त्यांच्या मागण्यांकडे विशेष लक्ष देण्याची गरज आहे.

या होमगार्ड यांनी होमगार्ड महासंघाच्या नेतृत्वात आझाद मैदानात सुरु केलेल्या आंदोलनाची आपण दखल घेत त्यांच्या रास्त असलेल्या मागण्या मान्य कराव्यात अशी मागणीही यावेळी आमदार किशोर जोरगेवार यांनी यावेळी मुख्यमंत्री आणि उपमुख्यमंत्री यांना केली आहे.

News34

चंद्रपूर – 15 ऑगस्ट स्वातंत्र्य दिन देशात उत्साहात साजरा करण्यात येतो, मात्र या दिवशी चंद्रपूर – चीचपल्ली मार्गावर दुचाकी वाहनाचा अपघात झाला, ऐनवेळी आमदार किशोर जोरगेवार त्या मार्गाने येत असताना त्यांनी तात्काळ जखमींना कार्यकर्त्यांच्या वाहनात टाकत रुग्णालयात दाखल केले.

स्वातंत्र्य दिनाचे कार्यक्रम आटोपत आमदार जोरगेवार व यंग चांदा ब्रिगेडचे पदाधिकारी व कार्यकर्ते मार्कंडा येथे दर्शनाला गेले होते.

सायंकाळी 5 वाजताच्या सुमारास आमदार किशोर जोरगेवार परत येत असताना चीचपल्ली मार्गावर दुचाकी वाहनाचा अपघात झाल्याची घटना घडली, नागरिकांची गर्दी बघून आमदार जोरगेवार यांनी आपले वाहन थांबविले व कार्यकर्त्यांना निर्देश देत तात्काळ जखमींना आपल्या वाहनात बसवीत रुग्णालयात नेण्याचे निर्देश दिले.

मिळालेल्या माहितीनुसार त्या दुचाकी वाहनांवर आजी-आजोबा व 2 नातू प्रवास करीत होते, दुचाकी वाहनावरून नियंत्रण सुटल्याने वाहन सरळ नाल्यात जाऊन कोसळले.
या अपघातात एकाची प्रकृती गंभीर असल्याची माहिती आहे, जखमींना रुग्णालयात दाखल केल्यावर आमदार किशोर जोरगेवार रुग्णालयात दाखल झाले त्यांनी डॉक्टरांना जखमींच्या उपचाराकडे विशेष लक्ष देण्याची विनंती केली.

यंग चांदा ब्रिगेडचे पंकज गुप्ता, करणसिंह बैस व राशीद हुसेन यांनी जखमींना तात्काळ रुग्णालयात दाखल केले म्हणून त्यांना योग्यवेळी उपचार मिळाला.

आमदार जोरगेवार यांनी ऐनवेळी जखमी नागरिकांच्या मदतीला धावल्याने त्यांच्या माणुसकीचे दर्शन चंद्रपूर वासीयांना दिसले.