Tag: MH34

News34 chandrapur

चंद्रपूर – आंतरराष्ट्रीय स्तरावर भारतीय सिनेमा आणि या क्षेत्रात काम करणारी मंडळी दर्जेदार आणि गुणसंपन्न आहे; परंतु जगातील तसेच भारतातील उत्तम चित्रपट चंद्रपूरच्या रसिकांना बघता यावे यासाठी पुणे फिल्म फेस्टिवलच्या धर्तीवर चंद्रपूर फिल्म फेस्टिवल (सिफ) चे आयोजन मागील वर्षीपासून करण्यात आले आहे.

आज 9 फेब्रुवारी पासून दुसऱ्या तीन दिवसीय चंद्रपूर आंतरराष्ट्रीय चित्रपट महोत्सवाचे मिराज सिनेमा येथे सांस्कृतिक कार्य मंत्री पालकमंत्री सुधीर मुनगंटीवार यांच्या हस्ते रात्री 8.30 वाजता उदघाटन करण्यात आले.

उदघाटन कार्यक्रमात जेष्ठ दिग्दर्शक निर्माते जब्बार पटेल, जिल्हाधिकारी विनय गौडा, मनपा आयुक्त विपीन पालिवाल उपस्थित होते.

९ ते ११ फेब्रुवारी २०२४ दरम्यान मिराज सिनेमा येथे संपन्न होणाऱ्या या महोत्सवाची “सिनेमा इज़ होप” ही थीम आहे.

महोत्सवात एकूण देश विदेशातील १७ चित्रपटांचे प्रदर्शन होणार आहे. हे सर्व चित्रपट इंग्लिश सबटायटल सहित प्रेक्षकांना पाहण्याची संधी लाभणार आहे.

यावेळी पालकमंत्री सुधीर मुनगंटीवार यांनी चित्रपटातील अभिनय यावर विस्तृत मार्गदर्शन केले, जेव्हा भाषेचा जन्म झाला नसेल तर एखादी वस्तू मागताना सुद्धा ते अभिनयाने मागितली जात असेल.
यावेळी शहरातील असंख्य सिनेरसिकांची उपस्थिती होती.

Vegetable seller चंद्रपूर – चंद्रपुरात कृषी उत्पन्न बाजार समिती मधील ठोक भाजीपाला विक्रेता व्यापाऱ्यांनी मनमर्जी वागत भाजीपाल्याची चिल्लर विक्री सुरू केली आहे, ते पूर्णतः नियमबाह्य आहे, त्या चिल्लर विक्रीमुळे गंजवार्ड येथील भाजीपाला विक्रेत्यांवर उपासमारीची पाळी आली आहे.

त्या दलालांविरोधात अनुसूचित जनजाती आयोगाला तक्रार

Vegetable seller ठोक व्यापाऱ्यांनी चिल्लर विक्री बंद न केल्यास गंजवार्ड येथील भाजी विक्रेता संघटना 12 फेब्रुवारीला कृषी उत्पन्न बाजार समिती समोर ठिय्या आंदोलन करणार असा इशारा 9 फेब्रुवारीला आयोजित पत्रकार परिषदेत देण्यात आला आहे.
विशेष म्हणजे सदर चिल्लर विक्री ही ठोक व्यापारी व बाजार समिती संचालकांनी सुरू केली आहे.

चंद्रपुरात आता ठोक व चिल्लर भाजी विक्रेत्यांचा वाद येणाऱ्या काळात वाढणार असल्याची चिन्हे आहे.

चंद्रपूर शहरात दररोज पहाटे कृषी उत्पन्न बाजार समिती मार्केट मध्ये शेतकरी भाजीपाला घेऊन दाखल होतात, सदर भाजीपाल्याची बोली लागल्यावर लहान व्यापारी ते खरेदी करतात, आणि बाजारात विक्रीसाठी आणतात मात्र सध्या मोठे व्यापारी चिल्लर विक्री करीत असल्याने लहान व्यापाऱ्यांचा माल कुणी खरेदी करीत नाही, त्यामुळे मोठ्या व्यापाऱ्यांनी चिल्लर विक्री बंद अशी मागणी लहान व्यापाऱ्यांनी केली आहे.

छोटे व्यापारी म्हणतात की आम्ही चिल्लर विक्री करीत आपल्या परिवाराचे पोषण करतो मात्र मोठे व्यापारी आमच्या पोटावर लाथ मारू बघत आहे, हे अत्यन्त चुकीचे आहे त्यांनी आता चिल्लर विक्री थांबवायला हवी. अन्यथा आम्हाला मोठ्या व्यापारी विरोधात आंदोलन करावे लागेल.

Wild Bear चंद्रपूर – 9 फेब्रुवारीला मध्यरात्री 1 वाजताच्या सुमारास दुर्गापूर येथील वेकोली कॉलोनी शक्तीनगर भागात अस्वलीने आपल्या 2 पिल्लांसहित एंट्री मारली. 

Wild bear मागील अनेक दिवसांपासून चंद्रपुरात अस्वलीचा मुक्तसंचार बघायला मिळत आहे, याआधी लालपेठ, अंचलेश्वर मंदिर, भिवापूर वार्ड येथील सुपर मार्केट मध्ये अस्वलीने धुमाकूळ घातला होता, त्यांनतर आता दुर्गापुरातील शक्तीनगर वेकोली वसाहतीमध्ये तब्बल 3 अस्वलीने नागरिकांना दर्शन दिले. त्यामुळे नागरिकही आता दहशतीमध्ये आले आहे.

दिवसेंदिवस वन्यप्राणी शहरात येण्याचे प्रमाण वाढत आहे, वेळीस यावर वनविभागाने नियंत्रण न मिळविल्यास येणाऱ्या काळात हे प्रमाण नक्की वाढणार.

चंद्रपूर जिल्ह्यातील 6 विधानसभेत भाजपचा विजय होणार

चंद्रपूर जिल्हा चारही बाजूने जंगलाने वेढलेला आहे, प्राण्यांचे अधिवास वाढत असल्याने आता प्राणी थेट शहरात येत आहे, ग्रामीण भागात मानव वन्यजीव संघर्षांच्या घटनेत मोठ्या प्रमाणात वाढ झाली आहे, मागील 2 वर्षात या संघर्षात असंख्य नागरिकांचा बळी गेला.

ताडोबा अभयारण्यात वाघांची संख्या आवाक्याबाहेर गेली आहे, दरवर्षी लाखो पर्यटक वाघ बघायला ताडोबा येथे येत असतात, कोअर व बफर मध्ये जितके वाघ आहे त्यापेक्षा जास्त वाघ हे जंगलाच्या बाहेर फिरत असतात, ग्रामीण भागात जनावरे हे त्यांचे पौष्टिक खाद्य आहे त्यामुळे ते सहज शहराकडे येत असतात.

दुर्गापूर भागात काही अंतरापासून ताडोबा अभयारण्याची सुरुवात होते, औष्णिक वीज प्रकल्प परिसरात सुद्धा आजवर अनेक वन्यप्राणी येऊन गेले, प्राण्यांना शहरात येण्यापासुन कुणीही थांबवू शकत नाही. वाघ, बिबट नंतर आता अस्वल शहरात मुक्त संचार करताना दिसून येत आहे.

News34 chandrapur

चंद्रपूर – १,७१,८२६/-  रुपयांची थकबाकी असणाऱ्या सिव्हिल लाईन्स सिद्दी अपार्टमेंट मधील विदर्भ काँक्रीट प्रा.लि या गोडाऊनला तसेच सिव्हिल लाईन्स व वडगांव प्रभाग येथील २ फ्लॅट्सला मनपा कर वसुली पथकाने टाळे ठोकले आहे. मनपा कर विभागाद्वारे वारंवार सूचना देऊनही सदर मालमत्ता धारकांनी कराचा भरणा न केल्याने सदर कारवाई करण्यात आली आहे.

सील केलेल्या मालमत्ताधारकांना यापुर्वी अनेकदा कर भरणा करण्याच्या सूचना देण्यात आल्या होत्या त्याचप्रमाणे जप्तीपूर्वीची नोटीस सुद्धा देण्यात आली होती. त्यानंतरही मोठी मुदत मिळूनही त्यांच्याद्वारे कराचा भरणा करण्यात आला नव्हता. कर भरणा करण्याची जबाबदारी टाळल्यामुळे या मालमत्तांना टाळे ठोकण्यात आले आहे.

त्याचप्रमाणे दादमहल वॉर्ड,समाधी वॉर्ड,पठाणपुरा इत्यादी भागातील बंडू सातोकर,संजय केळझरकर,विनोद केळझरकर,पुष्प चहारे,देवराज चव्हाण,किसन वाकडे, जगन्नाथ अनेजा,गिरीधर करवाडे,तानाबाई खेडेकर, मधुकर चहारे,सीताराम जथाडे हे मालमत्ता धारक तर रयतवारी भागातील रेखा पाटील,रामदिन गोंड,राम आसरे,गरिबुद्दीन सिद्दीकी या 15 मालमत्ताधारकांनी कराचा भरणा न केल्याने त्यांच्या नळ जोडणी खंडीत करण्यात आल्या आहेत तर अनेक मालमत्तांवर जप्तीपूर्वीची नोटीस लावण्यात आली आहे.

चंद्रपूर शहर महानगरपालिकेच्या माध्यमातून कर वसुलीसाठी झोननिहाय विशेष मोहीम राबविण्यात येत आहे. यासाठी मनपा अधिकारी कर्मचारी यांची १४ पथके सातत्याने कार्यरत आहेत. थकीत कराचा भरणा न करणाऱ्या मालमत्ता धारकांच्या मालमत्तेला सिल लावण्याची कारवाई मोठ्या प्रमाणात सुरु आहे.

काही मालमत्ता धारक हे धनादेशाद्वारे कराचा भरणा करतात, अधिकतम धनादेश हे वटले जातात, मात्र जे धनादेश वटले जाणार नाही त्यांच्यावर फौजदारी कारवाई मनपातर्फे करण्यात येत आहे.दरम्यान मालमत्ता कराच्या शास्तीत २५ टक्के सूट मिळण्याची अंतिम तारीख ३१ मार्च असुन मालमता धारकांनी कराचा भरणा वेळेत करण्याचे आवाहन प्रशासनातर्फे करण्यात येत आहे.

News34 chandrapur

चंद्रपूर – घुग्घुस पोलीस स्टेशनचे पोलीस निरीक्षक आसिफ रजा यांची बल्लारपूर पोलीस निरीक्षक पदी वर्णी लागली आहे. Ballarpur police station

आगामी लोकसभा निवडणुकीच्या पार्श्वभूमीवर चंद्रपुरात अनेक पोलीस अधिकाऱ्यांच्या बदल्या करण्यात आल्या होत्या, बल्लारपूर चे पोलीस निरीक्षक उमेश पाटील यांची बदली झाल्यावर आता आसिफ रजा यांनी पदभार सांभाळला आहे.

कोण आहेत आसिफ रजा?

घुग्घुस पोलीस स्टेशनमध्ये वर्षभरापूर्वी पोलीस निरीक्षक म्हणून आसिफ रजा नियुक्त झाले होते, त्यांच्या कार्यकाळात त्यांनी गुन्हेगारी पार्श्वभूमी नियंत्रणात ठेवली होती,  त्यांची ओळख ही एक दबंग पोलीस अधिकारी म्हणून आहे. Dabang police officer

बल्लारपूर शहरात अनेक अवैध धंदे सर्रासपणे चालतात, विशेष म्हणजे सुगंधित तंबाखू माफियाचा बल्लारपूर हा मोठा हब आहे, या ठिकाणाहून जिल्ह्यातील विविध भागात तंबाखूची तस्करी केल्या जाते, मात्र तंबाखू माफियावर राजकीय आशीर्वाद असल्याने त्यांच्यावर आजपर्यंत ठोस कारवाई करण्यात आली नाही, आता पोलीस निरीक्षक रजा या मोठ्या तस्करीवर काय कारवाई करतात याकडे सर्वांचे लक्ष लागले आहे.