Tag: MH34

Tadoba Kuti Fraud

Tadoba Kuti Fraud ताडोबा व्याघ्र प्रकल्पात येणा-या पर्यटकांसाठी रिसोर्ट प्रमाणे कुटी किरायाने देऊन प्रतिमाह आर्थिक उत्पन्न मिळवून देण्याचे प्रलोभन दिल्याप्रकरणी तसेच कुटीचे बांधकाम न करता 41 लक्ष 50 हजार रुपयांची आर्थिक फसवणूक केल्याप्रकरणी भार्गवी लॅन्ड ॲन्ड डेव्हलपर्सचा मालक भरत नानाजी धोटेविरुध्द गुन्हा दाखल करण्यात आला आहे.

भरत धोटे याने मौजा किटाळी येथील डॉ. अमोल सतिश पोद्दार यांच्या ले-आऊटवर तसेच चांदा रयतवारी येथील ले-आऊट वरील गुंतवणुकदारांची फसवणूक केल्याने संबंधित प्लॉटधारकांनी या संदर्भातील कागदपत्रे आर्थिक गुन्हे शाखेकडे जमा करावीत, असे आवाहन करण्यात आले आहे. Tadoba resort chandrapur

देवेंद्र फडणवीस तिसऱ्यांदा मुख्यमंत्री, चंद्रपुरात जल्लोष

आरोपी भरत नानाजी धोटे (वय 38) रा. तुकूम, चंद्रपूर याने भार्गवी लॅन्ड ॲन्ड डेव्हलपर्स या नावाने खाजगी कंपनी स्थापन करून अभिकर्ते नियुक्त केले. त्यांच्या माध्यमातून मौजा पद्मापूर, अजयपूर, तळोधी (तुकूम), बोर्डा, किटाळी येथे कुट्यांचे बांधकाम करून सदर कुटी युनिव्हर्स ॲग्रो टूरिझम प्रायव्हेट लिमिटेड या कंपनीशी करारनामा करण्याचे आमिष दाखविले. Tadoba resort chandrapur

ताडोबा व्याघ्र प्रकल्पात येणा-या पर्यटकांसाठी रिसोर्टप्रमाणे कुटी किरायाने देऊन प्रतिमाह 7083 रुपये देण्याचे प्रलोभन दाखवून प्रत्येक गुंतवणूकदारांकडून 2 लक्ष 50 हजार रुपये याप्रमाणे एकूण 41 लक्ष 50 हजार रुपयांची आर्थिक फसवणूक केल्याप्रकरणी सर्व पिडीत अन्यायग्रस्तांतर्फे अशोक पांडूरंग भटवलकर, रा. म्हाडा कॉलनी, दाताळा यांच्या लेखी रिपोर्टवरून 19 डिसेंबर 2022 रोजी भरत धोटेविरुध्द गुन्हा नोंद करण्यात आला.

ऑनलाईन कराचा भरणा करा आणि मिळवा 5 टक्क्यांची सूट

सदर गुन्ह्याचा तपास चंद्रपूर आर्थिक गुन्हे शाखा करीत असून या तपासात आरोपी भरत नानाजी धोटे याने भार्गवी लॅन्ड ॲन्ड डेव्हलपर्स या नावाने खाजगी कंपनी स्थापन करून मौजा किटाळी येथील डॉ. अमोल सतीश पोद्दार यांचे सर्व्हे क्रमांक 76/3 आणि 76/4 तसेच मौजा चांदा रयतवारी भुमापन क्रमांक 415/1 व 416 येथे सुध्दा ले-आऊट तयार करून प्लॉटच्या विक्रीकरीता सदर ग्राहकांसोबत 100 रुपयांच्या स्टँप पेपरवर विसारपत्र केल्याचे तपासात आढळून आले आहे. Tadoba Kuti Fraud

त्यामुळे संबंधित ले-आऊटमधील प्लॉट घेण्याकरीता विसारपत्र करणा-या लोकांनी त्यांच्याजवळ असलेले संबंधित प्लॉटचे विसारपत्र व इतर आवश्यक कागदपत्रे बातमी प्रकाशित झाल्यापासून 8 दिवसांच्या आत आर्थिक गुन्हे शाखा, चंद्रपूर येथे जमा करावे, असे आवाहन आर्थिक गुन्हे शाखेचे पोलिस उपनिरीक्षक प्रभाकर चिकनकर यांनी केले आहे.

Bhaigiri

bhaigiri चार चौघात आपली दहशत रहावी यासाठी सर्वत्र भाईगिरी चा ट्रेंड सुरू झाला आहे, मुंबई, नागपूर नंतर हा ट्रेंड चंद्रपुर जिल्ह्यात मोठ्या प्रमाणात वाढलेला आहे.

दारूबंदी च्या काळात बल्लारपूर शहरातील मध्यभागी एक हत्याकांड घडलं आणि त्यांनतर चंद्रपुरात सुरू झालं गुन्हेगारीचे मिर्झापुर, आज हत्या करणं हे अत्याधिक सोपं झालं असल्याचे बघायला मिळत आहे. bhaigiri

आज जिल्ह्यात गुन्हेगारी वृत्तीच्या युवकांकडे शस्त्र हे सहजरित्या उपलब्ध होते, तलवार, कोयता व आता बंदूकची ट्रेंड या निमित्ताने वाढले, तलवार व कोयत्याने जीवघेणा हल्ला तर कुणाला संपवायचं झालं तर बंदूक.

चंद्रपूर जिल्ह्यातील महिला व्यापारी मागील 10 दिवसापासून बेपत्ता

बंदूक तर सोप्या रीतीने उपलब्ध व्हायला लागली आहे, चंद्रपूर शहरात 2 दिवसांपूर्वी पोलीस अटकेपासून फरार असलेल्या गुन्हेगाराने दोघांना संपविण्यासाठी बंदूक घेऊन आला होता, त्यांनतर बल्लारपूर येथे 3 बंदुकीसह 18 काडतुसे व 5 आरोपीना अटक करण्यात आली, आता चंद्रपूर शहरातील पडोली येथे एका कडून बंदुकीसह 4 जिवंत काडतुसे जप्त करण्यात आली. Bhaigiri status

चंद्रपूर जिल्हा पोलीस दल अवैध धंदे, अवैध शस्त्र व प्रतिबंधक कारवाई मोहीम राबवित आहे, यादरम्यान स्थानिक गुन्हे शाखा चंद्रपूर च्या पथकाला युवकाजवळ बंदूक असल्याची माहिती मिळाली.

माहितीच्या आधारे 28 वर्षीय राकेश चंद्रय्या माटला रा. टिळकनगर आमराई वार्ड घुग्गुस याला पडोली येथील मुख्य चौकात नाकाबंदी करीत अटक करण्यात आली.

चंद्रपूर जिल्हा बनतोय गुन्हेगारीचे मिर्झापुर

पोलिसांनी राकेश ची झडती घेतली असता त्याच्या जवळून देशी बनावटीची पिस्टल व 4 जिवंत काडतुसे जप्त करण्यात आली, आरोपी हा रेकॉर्डवरील गुन्हेगार असल्याची माहिती आहे. Bhaigiri status

आरोपीवर पडोली पोलीस स्टेशनमध्ये गुन्हा दाखल करण्यात आला असून पुढील तपास स्थानिक गुन्हे शाखा करीत आहे.

सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक रिना जनबंधु यांच्या मार्गदर्शनाखाली पोलीस निरीक्षक महेश कोंडावार यांच्या नेतृत्वाखाली पोलीस उपनिरीक्षक विनोद भुरले, संतोष निंभोरकर, पोलीस कर्मचारी किशोर वैरागडे, नितेश महात्मे, दीपक डोंगरे, सतीश अवथरे, रजनीकांत पुठ्ठावार, संतोष एलपूलवार, गोपाळ आतकुलवार, गोपीनाथ नरोटे व दिनेश अराडे यांनी केली.

Chandrapur Crime Rate

Chandrapur Crime Rate चंद्रपूर जिल्ह्यात वर्ष 2024 हे गोळीबार व अनेक हत्येच्या गुन्ह्यामुळे हादरले आहे.
विशेष म्हणजे चंद्रपूर पोलीस दलाने आतापर्यंत असंख्य अवैध शस्त्र जप्त केले असले तरी आजही जिल्ह्यात शस्त्राचा वापर मोठ्या प्रमाणात वाढले आहे.

चंद्रपूर जिल्ह्यातील बल्लारपूर शहरात बहुरीया हत्याकांड नंतर जिल्ह्यात गोळीबार व हत्येचे सत्र सुरू झाले होते ते आजही सुरूच आहे. जिल्हा हळूहळू गुन्हेगारीच्या मिर्झापूर च्या वळणावर येऊन पोहचला आहे. Chandrapur Crime Rate

नुकतेच चंद्रपूर शहर पोलिसांनी दोघांची हत्या करण्याच्या बेतात असलेल्या आरोपीला अटक केली होती, दोन दिवसांनी आता बल्लारपूर पोलिसांनी दोन वेगवेगळ्या गुन्ह्यात 5 आरोपीना अटक केली असून त्यांच्याजवळून 3 देशी बनावटीच्या पिस्टल व 18 जिवंत काडतुसे जप्त करण्यात आली. पोलीस निरीक्षक सुनील गाडे यांच्या नेतृत्वाखाली ही कारवाई करण्यात आली.

बल्लारपूर पोलिसांनी उल्लेखनिय कामगिरी बजावत तीन अग्नीशस्त्र आणि १८ जिवंत काडतूस जप्त करण्याची मोठी कारवाई केली. या प्रकरणी पाच आरोपींना अटक करण्यात आली. अटकेतील आरोपी विरुद्ध आर्म अॅक्ट नुसार गुन्हा दाखल केला आहे. ही मोठी कारवाई बल्लारपूर पोलिसांनी आज बुधवार 4 डिसेंबर रोजी केली. या कारवाई मुळे गुन्हेगारी प्रवृत्तीचे कंबरडे मोडले आहे. Chandrapur crime news

घटनेतील अटक करण्यात आलेल्या आरोपींचे मुकेश उर्फ मुक्कु विश्वनाथ हलदर ( २८ ),अमित दिलीप चक्रवती ( 34 ) दोन्ही रा.साईबाबा वॉर्ड बल्लारपूर,जितेंद्रसिंग उर्फ निक्कु गोविंदसिंग डिलोन ( २९ ) रा.शिवनगर वार्ड,संघर्ष उर्फ गोलू बंडू रामटेके ( २७ ) रा.संतोषीमाता वार्ड व काश्मीरसिंग महेंद्रसिंग बावरी ( २0 ) रा.फुकटनगर बामणी ता.बल्लारपूर असे नाव आहे. सदर आरोपींच्या ताब्यातून तीन देशी बनावटीच्या पिस्तूल आणि तब्बल १८ जिवंत काडतूस पोलिसांनी जप्त केला आहे.याची किंमत अंदाजे ९७ हजार रुपये असल्याची माहिती पोलिसांनी दिली आहे.

चंद्रपुरात उजळली भूकंपाच्या धक्क्याची सकाळ

बल्लारपूर शहरातील गुन्हेगारी आटोक्यात यावी म्हणून पोलीस विभाग सतर्कतेने कारवाई करत आहे. गुन्हेगारी प्रवृत्तीचे पाळेमुळे खोदून गुंडांना धडा शिकविण्याच्या अनुषंगाने मोहिम हाती घेतली आहे. या मोहिमेच्या अनुषंगाने आज मोठी कारवाई बल्लारपूर पोलिसांनी केली आहे. अटक करण्यात आलेल्या आरोपीविरुद्ध पोलिसांनी आर्म अॅक्ट च्या कलम 3/ 25 अन्वये गुन्हा दाखल केला आहे. Chandrapur crime news

मागील गुन्ह्याचा काही संबंध?

याबाबत अप्पर पोलीस अधीक्षक रिना जनबंधु यांनी माहिती दिली की यापूर्वी जिल्ह्यात गोळीबार व अग्निशस्त्रांच्या ज्या घटना घडल्या त्यामध्ये या आरोपींचा काही सहभाग आहे का याबाबत पुढील तपास केला जाणार, या बंदुका कशासाठी आणल्या? याचा तपास सध्या सुरू आहे.

ही कारवाई पोलीस अधीक्षक मुमक्का सुदर्शन, अपर पोलीस अधीक्षक रिना जनबंधू, राजुरा येथील उपविभागीय पोलीस अधिकारी दिपक साखरे यांच्या मार्गदर्शनात पोलीस निरीक्षक सुनील गाडे यांनी केली.