My Blog

Tag: MH34

  • crushed sand for house construction । घरकुल प्रकल्पांसाठी नैसर्गिक वाळूला पर्याय – आता वापरा मजबूत आणि टिकाऊ क्रश सॅन्ड!

    crushed sand for house construction

    crushed sand for house construction : जिल्ह्यात प्रधानमंत्री आवास योजना (ग्रामीण) व इतर घरकुलांची संख्या मोठी आहे. जिल्हा ग्रामीण विकास यंत्रणेच्या माध्यमातून गरीबांसाठी मोठया प्रमाणात घरकूले मंजूर करण्यात आली आहेत. परंतु सध्यास्थितीत वाळू उपलब्ध होण्यास अडचण असल्यामुळे वाळूला पर्याय म्हणुन क्रश सॅन्डचा वापर करणे हा उत्तम पर्याय होऊ शकतो. त्यामुळे लाभार्थ्यांनी घरकुलाच्या बांधकामाकरीता क्रश सॅन्डचा वापर करावा, असे आवाहन जिल्हा प्रशासनाने केले आहे. crushed sand vs natural sand

    चंद्रपुरात एसटी बसेसचा लोकार्पण सोहळा

    ग्रामीण भागातील नागरिकांना स्वतःच्या घराचे अनन्यसाधारण महत्व आहे. त्यांचे हे स्वप्न पूर्ण करण्याकरीता जिल्हा परिषद प्रशासन पूर्ण प्रयत्नात आहे. काही वेळेस घरकूलाची कामे पूर्ण करण्यास विलंब होतो. त्यामुळे घरकुल बांधकामात येणा-या अडचणी दूर करण्याकरिता व लाभार्थ्यांच्या घराचे स्वप्न पूर्ण होण्याकरीता जिल्हा परिषदेतर्फे एकाच वेळी 30263 घरकुलाच्या भूमिपूजनाचा उपक्रम राबविण्यात आला. त्यात सर्व अधिकारी व कर्मचारी यांना सहभागी करून घेवून लाभार्थ्यांना येणा-या अडचणी समजून घेण्यात आल्या व लाभार्थ्यांना योग्य मार्गदर्शन करण्यात आले. best sand for house construction

    क्रश सॅन्ड ही (कृत्रिम वाळू) असून हा नैसर्गिक वाळू (नदीतील वाळू) ला पर्याय म्हणून विविध बांधकामाकरिता वापरली जाते. ही खड्यांमधील कठीण खडक (बेसॉल्ट) फोडून व मशीनव्दारे बारीक पावडर तयार केली जाते. अशा वाळूचा वापर काँक्रीट मिश्रण जसे की, रेती, सिमेंट किंवा सिमेंट खडी व पाणी यांचे सोबत मिश्रण करून मजबूत काँक्रीट तयार करण्याकरीता होते. ही सॅन्ड बीम/कॉलम स्लॅब व विट जुडाई यासारख्या बांधकामाकरिता उपयुक्त आहे. प्लॉस्टरींग व विट बांधकामासाठी नैसर्गिक वाळूच्या उत्खननामुळे नदी व पर्यावरणाला होणारे नुकसान टाळण्यासाठी क्रश सॅन्ड हा पर्याय म्हणून वापरला जातो. क्रश सॅन्डची मजबूती ही नैसर्गिक वाळू पेक्षा जास्त असल्याने क्रश सॅन्ड वापरण्याबाबतचा तांत्रिकदृष्ट्या सल्ला ही देण्यात येतो. artificial sand for construction

    नैसर्गिक वाळूच्या तुलनेत क्रश सॅन्ड स्थानिक पातळीवर तयार होत असल्याने वाहतुक खर्च कमी असतो. तसेच पर्यावरणीय नुकसान कमी होते. क्रश सॅन्ड, बांधकामासाठी मजबूत, टिकाऊ व फायदेशीर पर्याय असून नैसर्गिक वाळुपेक्षा अनेक बाबतीत सरस आहे. सर्व गट विकास अधिका-यांच्या मार्फतीने सर्व ग्रामपंचायतीचे सरपंच, पदाधिकारी तसेच घरकुल लाभार्थी यांची कार्यशाळा घेऊन क्रश सॅन्ड वापरण्याबाबत समुपदेशन करण्यात आले. त्याला घरकुल लाभार्थ्यांचा उत्तम प्रतिसाद लाभला आहे. घरकुल लाभार्थ्यांनी वाळूऐवजी क्रश सॅन्डचा वापर करावा, असे आवाहन मुख्य कार्यकारी अधिकारी विवेक जॉन्सन व प्रकल्प संचालक गिरीष धायगुडे यांनी केले आहे.

  • Chandrapur ST bus launch | चंद्रपूरमध्ये एसटी महामंडळाच्या नव्या बसेसचा लोकार्पण सोहळा – प्रवाशांसाठी आनंदाची बातमी!

    Chandrapur ST bus launch

    Chandrapur ST bus launch : सार्वजनिक वाहतुकीला चालना देण्यासाठी आणि प्रवाशांना अधिक आरामदायी प्रवास सुविधा उपलब्ध करून देण्यासाठी एसटी महामंडळाच्या नव्या बसेसचा लोकार्पण सोहळा आज श्री माता महाकाली मंदिर, चंद्रपूर येथे पार पडला.

    बियाणी पेट्रोल पंपावर कारवाई करा, आपची मागणी

    आमदार किशोर जोरगेवार यांच्या हस्ते या बसचे लोकार्पण करण्यात आले. यानंतर आमदार किशोर जोरगेवार यांनी महाकाली मंदिर ते अंचलेश्वर गेट असा प्रवास करत बसमधील सुविधांचा अनुभव घेतला. ST bus launch event

    या कार्यक्रमाला एसटी महामंडळच्या जिल्हा विभाग नियंत्रक स्मिता सुतावणे, विभागीय वाहतूक अधिकारी व्यवहारे, आगार व्यवस्थापक अंकुश खडीकर, वाहतूक अधीक्षक गोवर्धन, मनपाचे अतिरिक्त आयुक्त चंदन पाटील, बलराम डोडाणी, भारतीय जनता पार्टीचे माजी नगरसेवक सुभाष कासनगोट्टूवार, माजी महानगर अध्यक्ष दशरथसिंग ठाकूर, सुनील महाकाले, अमोल शेंडे, नकुल वासमवार, कुमार झुनमुलवार, कालिदास धामनगे, माजी नगर सेविका कल्पना बबुलकर, आदी मान्यवर उपस्थित होते.

    ST bus launch event

    नव्या बसेसच्या आगमनामुळे शहरातील तसेच ग्रामीण भागातील प्रवाशांना अधिक सोयीस्कर, सुरक्षित आणि जलद प्रवासाची सुविधा मिळणार आहे. या बसेस आधुनिक तंत्रज्ञानाने सुसज्ज असून, प्रवाशांसाठी मोबाईल चार्जिंग पॉइंट, आरामदायी आसन व्यवस्था आणि आधुनिक सुरक्षा प्रणाली उपलब्ध करून देण्यात आली आहे. त्यामुळे प्रवाशांचा प्रवास अधिक सुखद आणि सुविधाजनक होईल. latest public transport news

    एसटी महामंडळाच्या या उपक्रमामुळे चंद्रपूर शहरासह परिसरातील नागरिकांना मोठा दिलासा मिळणार आहे. सार्वजनिक वाहतूक मजबूत होणे ही जिल्ह्याच्या सर्वांगीण विकासासाठी महत्त्वाची पायरी ठरणार असल्याचे आमदार किशोर जोरगेवार यांनी यावेळी सांगितले. त्यांनी बसची पाहणी करत उपलब्ध सुविधांची माहिती घेतली. तसेच महाकाली मंदिर ते अंचलेश्वर गेट बसस्थानकापर्यंत प्रत्यक्ष प्रवास केला.यावेळी महाकाली मंदिराचे पुजारी यांच्या हस्ते विधीवत पूजा करून बसचे लोकार्पण करण्यात आले. 

  • refusal to accept 10 rupee coin | बियाणी पेट्रोल पंपावर कारवाईची मागणी, आम आदमी पार्टी आक्रमक

    refusal to accept 10 rupee coin

    refusal to accept 10 rupee coin : चंद्रपूर – तुकूम परिसरातील बियाणी पेट्रोल पंपावरील कर्मचाऱ्यांनी ग्राहकांकडून ₹१० चे नाणे स्वीकारण्यास नकार देत त्यांच्या दुचाकीत भरलेले पेट्रोल परत काढण्याचे प्रकार समोर आले असून, याचे व्हिडिओ सोशल मीडियावर व्हायरल झाले आहेत. या प्रकाराची गंभीर दखल घेत आम आदमी पार्टीच्या वतीने जिल्हा पुरवठा अधिकाऱ्यांना निवेदन देण्यात आले. petrol pump not accepting coins

    महाकाली यात्रेची तयारी पूर्ण

    यावेळी आम आदमी पार्टीचे युवा जिल्हाध्यक्ष राजू कुडे यांनी सांगितले की, “भारतीय रिझर्व्ह बँकेने ₹१० चे नाणे वैध चलन असल्याचे जाहीर केले आहे. असे असतानाही काही पेट्रोल पंप चालक मनमानी करत ग्राहकांना त्रास देत आहेत. जिल्ह्यातील सर्व पेट्रोल पंपांची पाहणी करून अशा मुजोर पंपचालकांवर तात्काळ परवानगी रद्द करण्याची कारवाई करावी.”

    या निवेदनाच्या वेळी जिल्हाध्यक्ष मयूर राईकवार, युवा जिल्हाध्यक्ष राजू कुडे, शहर अध्यक्ष योगेश गोखरे, महिला शहर अध्यक्ष अॅड. तब्बसूम शेख, शहर संघटन मंत्री संतोष बोपचे, संघटन मंत्री मनीष राऊत, जिल्हा युवा उपाध्यक्ष अनुप तेलतुबडे आदी उपस्थित होते.

    आम आदमी पार्टीने जिल्हा प्रशासनाला आवाहन केले की, नागरिकांच्या हक्काचे भारतीय चलन स्वीकारण्यास नकार देणाऱ्या पेट्रोल पंपांवर कठोर कारवाई करण्यात यावी, अन्यथा जनआंदोलन उभारले जाईल.

    आम आदमी पार्टी, चंद्रपूर

  • OBC reservation protest India । “दिल्लीत ओबीसींचा लढा: जंतर-मंतरवर हजारोंची हुंकार!”

    OBC reservation protest India

    “मोदींना रेड्डींचा टोमणा: 10 वर्षांत ओबीसींसाठी काय केलं?”


    OBC reservation protest India : नवी दिल्ली: बीसी वेल्फेअर असोसिएशन तेलंगणा व आंध्र प्रदेश आणि राष्ट्रीय ओबीसी महासंघ यांच्या संयुक्त विद्यमाने 2 एप्रिल 2025 रोजी जंतर-मंतर, नवी दिल्ली येथे ओबीसी आरक्षणाच्या विविध मागण्यांसाठी विराट धरणे आंदोलन आयोजित करण्यात आले होते. या आंदोलनात देशभरातील हजारो कार्यकर्ते सहभागी झाले होते.

    परदेशात शिक्षण घेणाऱ्या ओबीसी विद्यार्थ्यांच्या शिष्यवृत्तीचे हफ्ते रखडले

    प्रमुख मागण्या:

    • जातनिहाय जनगणना करावी.
    • केंद्रात ओबीसींचे स्वतंत्र मंत्रालय स्थापन करावे. OBC ministry formation
    • आरक्षणाची 50% मर्यादा हटवावी.
    • क्रिमिलियरची उत्पन्न मर्यादा 15 लाख रुपये करावी. creamy layer income limit
    • तेलंगणातील वाढवलेले 42 टक्के ओबीसींचे आरक्षण 9 व्या अनुसूचीमध्ये टाकावे.
    • संविधानाच्या कलम 243 डी (6) व 243 टी (6) मध्ये सुधारणा करून स्थानिक स्वराज्य संस्थांमध्ये ओबीसींना 27 टक्के आरक्षणाचा कायदा करावा.
    • मंडल आयोग व स्वामीनाथन आयोगाच्या सर्व शिफारशी लागू कराव्यात.
    • शेतमजूर व शेतकऱ्यांना 60 वर्षानंतर पेन्शन योजना लागू करावी. farmers pension scheme India
    • महात्मा फुले व सावित्रीबाई फुले यांना संयुक्त भारतरत्न द्यावा.
    • ओबीसींसाठी लोकसभा व विधानसभा असे स्वतंत्र मतदार क्षेत्र स्थापन करावे.
    • केंद्र सरकारने वार्षिक अंदाजे बजेट तयार करताना एससी, एसटी प्रमाणे ओबीसींसाठी लोकसंख्येच्या प्रमाणात निधीची तरतूद करावी.
    • 2014 पासून केंद्रीय लोकसेवा आयोगाची प्रशासकीय सेवा परीक्षा पास करणाऱ्या परंतु नॉन क्रिमीलेअर प्रमाणपत्र असताना त्याचा चुकीचा अर्थ लावून डीओपीटीने आयएएस होण्यापासून वंचित ठेवलेल्या 314 हून अधिक विद्यार्थ्यांना तात्काळ नियुक्त करावे.

    आंदोलनातील प्रमुख नेते:

    • तेलंगणाचे मुख्यमंत्री रेवंत रेड्डी.
    • बीसी वेल्फेअरचे अध्यक्ष श्रीनिवास जाजुला.
    • राष्ट्रीय ओबीसी महासंघाचे राष्ट्रीय अध्यक्ष डॉ. बबनराव तायवाडे.
    • खासदार असोदिन ओवेसी.
    • खासदार सुप्रिया सुळे.
    • नरेंद्र पटेल, वर्षा गायकवाड, प्रतिभा धानोरकर ,श्याम कुमार बर्वे,प्रणिती शिंदे,खासदार कन्निमोडी , संसद विल्सन, संसद मनोज कुमार झा,पूर्व संसद हनुमंत आप्पा रेड्डी, कुमारी शैलजा,खासदार , पंजाब काँग्रेस प्रेसिडेंट अमरेंद्र सिंग राजा, सिने अभिनेता सुमन , सिने अभिनेत्री विजयंती.
    • तेलंगणातील लोकसभा आणि राज्यसभेचे खासदार.
    • राष्ट्रीय ओबीसी महासंघाचे महासचिव सचिन राजूरकर.
    • राष्ट्रीय ओबीसी महासंघाचे पदाधिकारी इंद्रजीत सिंग, प्रकाश साबळे , प्रकाश भगरथ,महेंद्र ब्राह्मणवाडे, शिवप्रसाद शाहू , सतपाल सोखी , विक्रम गौड, मुकेश पुडके.
    • आंध्रप्रदेशचे अध्यक्ष शंकर अण्णा, क्रांती कुमार श्याम अण्णा.

    मुख्यमंत्र्यांचे भाषण:

    तेलंगणाचे मुख्यमंत्री रेवंत रेड्डी यांनी आंदोलनात बोलताना सांगितले की, “आता हे आंदोलन देशव्यापी करण्यात येईल. पंतप्रधान मी ओबीसी आहे म्हणतात, परंतु 10 वर्षांपासून एकही योजना आणली नाही.” विविध माग्न्यनसाठी केलेल्या या आंदोलनात देशभरातून ओबीसी बांधव मोठ्या संख्येने उपस्थित होते.

  • Mahakali Yatra 2025 Chandrapur । “चंद्रपूरची महाकाली यात्रा: भाविकांसाठी सुविधांचा महापर्व!”

    Mahakali Yatra 2025 Chandrapur

    Mahakali Yatra 2025 Chandrapur :  देवी महाकाली यात्रेस 3 एप्रिलपासून सुरवात होत असतांना राज्याच्या विविध भागातून येणाऱ्या भाविकांच्या सुविधेच्या दृष्टीने जिल्हा प्रशासन, पोलिस प्रशासन व चंद्रपूर मनपा प्रशासनाद्वारे तयारी पुर्ण करण्यात आली असुन महाकाली मंदिर परिसराला यात्रा नगरीचे स्वरूप आले आहे. Devi Mahakali Festival Preparations

    ताडोबा सफारीसाठी आता थेट क्रुझर सेवा

       प्रशासनाद्वारे महाकाली मंदिरासमोरून बैल बाजार परिसरात जाणारा रस्ता हा अतिशय अरुंद असल्याने स्वस्तिक ग्लास फॅक्टरी जवळुन माता महाकाली नगरीपर्यंत मोठा मार्ग बनविण्यात आला आहे. बैलबाजार भागात पटांगणाची पूर्णतः सफाई व सपाटीकरण करून याच भागात भाविकांना निवासासाठी 4 मोठे मांडव उभारण्यात आले आहे तसेच मंदिर संस्थेची निवास व्यवस्था व सशुल्क निवास व्यवस्था सुद्धा यात्रा मैदानात उपलब्ध आहे. Mahakali Yatra 2025 Chandrapur

    भाविकांना पिण्यासाठी 12 ठिकाणी 2 हजार लिटरची क्षमता असलेल्या 20 पिण्याच्या पाण्याच्या टाक्या उभारण्यात आल्या असुन भूमिगत पाईप टाकुन पाण्याचे नळ उभारण्यात येऊन पाण्याचे टँकरसुद्धा सज्ज ठेवण्यात येत आहे. भाविकांना त्यांची वाहने ठेवण्यास त्यांच्या येण्याच्या मार्गापासुन जवळ असेल असे 5 वाहन तळ निश्चित करण्यात आले आहेत. Mahakali Temple Yatra Arrangements     

    यात्रा मैदान येथे व मनपा स्वच्छता झोन इमारत अश्या 2 जागी नियंत्रण कक्ष स्थापन करण्यात आले असुन यात्रा मैदान येथे 33 पक्के शौचालय तर 5 ठिकाणी फिरत्या शौचालयांची व्यवस्था करण्यात आली आहे.मनपा स्वच्छता झोन इमारत व यात्रा मैदान नियंत्रण कक्षाजवळ निःशुल्क प्रथोमपचार वैद्यकीय सेवा तसेच 24 तास रुग्णवाहिका व अग्निशमन सेवा उपलब्ध ठेवण्यात येणार आहे. संपूर्ण परिसरात विदयुत व्यवस्था उभारली गेली असुन वादळ,वारा,पाऊस अशी नैसर्गिक आपत्ती ओढावल्यास नागरीकांना स्थलांतरीत करण्याकरीता मनपाच्या शाळा व इतर ठिकाणे मिळुन 18 जागा राखीव ठेवण्यात आल्या आहेत.

         
        ट्रॅफीक पोलीस विभागातर्फे अंचलेश्वर दरवाजा ते बागला चौक परीसर हा नो पार्कींग झोन व नो हॉकर्स झोन घोषित करण्यात आला असल्याने येथे वाहने व दुकाने लावण्यास मनाई करण्यात आली आहे.यात्रा परीसरावर विविध ठिकाणी लागलेल्या सीसीटीव्ही कॅमेऱ्यांद्वारे पोलीस विभाग लक्ष ठेऊन असणार आहे. Mahakali Yatra Traffic Rules 2025

    mahakali temple yatra arrangements

        कपडे बदलण्यासाठी एकूण 40 खोल्यांची व्यवस्था झरपट नदी,अंचलेश्वर गेट जवळ करण्यात आली असुन जवळचे आंघोळीसाठी खोल्यांची व्यवस्थाही आहे. दुकानदार,पथविक्रेते,बर्फीविक्रेते यांच्यासाठी सुद्धा यात्रा मैदानात दुकाने निश्चित करून दिली असुन मनोरंजनाची दुकाने सुद्धा उपलब्ध असणार आहेत. तसेच चहाच्या दुकानांसाठी मैदानात मंदिर संस्थेच्या निवास व्यवस्थेजवळ जागा उपलब्ध करून देण्यात आली आहे. Chandrapur Police Yatra Security
        यात्रेकरू महिलांसाठी हिरकणी कक्ष यात्रा मैदान (नियंत्रण कक्षा लगत) उभारण्यात आले असुन मदतीसाठी दुरध्वनी क्रमांक सुद्धा जाहीर करण्यात आले आहेत. प्रशासनाद्वारे दिल्या जात असणाऱ्या या सर्व सुविधांची माहिती ही पत्रकाद्वारे देण्यात आली असुन सदर पत्रके सर्व यात्रा परिसरातील सेवा केंद्रांवर उपलब्ध आहेत. Mahakali Temple Yatra Arrangements 

    • अशी राहील पार्किंग व्यवस्था –
      1) मुल रोड कडून येण्याऱ्या यात्रेकरूंसाठी – सिद्धार्थ स्पोर्टिंग क्लब ग्राउंड, नायरा पेट्रोल पंपाजवळ, बायपास रोड
      2) बल्लारपूर रोड कडून येण्याऱ्या यात्रेकरूंसाठी – डी.एड. कॉलेज ग्राउंड, चंद्रपूर
      3) सर्व यात्रेकरूंसाठी – कोहिनूर स्टेडियम (कोनेरी तलाब ग्राउंड), दादमहाल वार्ड, जेल रोड
      4) सर्व यात्रेकरूंसाठी – यात्रा मैदान, रेल्वे लाईनजवळ, चंद्रपूर
      5) नागपूर रोडतर्फे येण्याऱ्या यात्रेकरूंसाठी – न्यू इंग्लिश स्कूल ग्राउंड, चांदा क्लब ग्राउंड समोर, वरोरा नाका. Mahakali Pilgrimage Parking 2025
      येथे असणार पिण्याच्या पाण्याची व्यवस्था –
      1) बागला चौक
      2) अंचलेश्वर गेट बस स्टैंड
      3) महाकाली गेट च्या समोर
      4) यात्रा मैदान
      5) जटपूरा गेट
      6) चांदा क्लब ग्राउंड जवळ
      7) अंचलेश्वर गेट
      8) गुरुमाउली मंदिर जवळ
      9) बागला चौक
      10) मंदिर जवळील पेट्रोल पंप जवळ
      11) कोहिनूर तलाव
      12) महाकाली टाकी खाली
      येथे असणार मदतीसाठी नियंत्रण कक्ष –
      1) यात्रा मैदान 2) मनपा सफाई झोन इमारत, माता महाकाली मंदिराच्या बाजूला
    • शौचालयांची व्यवस्था :
      1) यात्रा मैदान
      फिरते शौचालय :
      1) यात्रा मैदान
      2) अंचलेश्वर गेट
      3) कोहिनुर ग्राउंड
      4) माचीस कारखाना
      5) दानव वाडी
      आरोग्य सुविधा :
      1) मनपा सफाई झोन इमारत, माता महाकाली मंदिराच्या बाजूला
      2) यात्रा मैदान (नियंत्रण कक्षा लगत)
      आंघोळ व कपडे बदलण्याची व्यवस्था :
      1) झरपट नदी, अंचलेश्वर गेट जवळ  
      निवास व्यवस्था :
      1) मांडव क्र.१ – यात्रा मैदान
      2) मांडव क्र.२ – यात्रा मैदान
      3) मांडव क्र.३ – यात्रा मैदान
      4) मांडव क्र.४ – यात्रा मैदान
      5) मंदिर संस्थेची निवास व्यवस्था – यात्रा मैदान
      ६) सशुल्क निवास व्यव्यस्था यात्रा मैदान
    • आपत्कालीन निवास व्यवस्था (वादळ, वारे, पाऊस आल्यास) –
      1) गुरु माऊली देवस्थान, महाकाली वार्ड
      2) मार्कंडेय मंदिर, महाकाली वार्ड
      3) राजाभाऊ खोब्रागडे सभागृह, बाबुपेठ
      4) महादेव मंदिर, बाबुपेठ
      5) बालाजी मंदिर, बाबुपेठ
      6) संत रविदास हॉल, अंचलेश्वर वार्ड
      7) बागला हायस्कूल, बागला चौक भिवापूर
      8) महाकाली कन्या शाळा, महाकाली वार्ड
      9) खालसा कॉन्व्हेंट, महाकाली वार्ड
      10) पटेल हायस्कूल, गिरनार चौक चंद्रपूर
      11) संताजी सभागृह, भानापेठ वार्ड
      12) सरदार पटेल महाविद्यालय, गंजवार्ड चंद्रपूर
      13) तिरुमला हॉल, भिवापूर वॉर्ड
      14) सिटी हायस्कूल,बाबुपेठ
      15) एफईएस गर्ल्स कॉलेज अंचलेश्वर गेट जवळ
      16) सरस्वती विद्यालय,भिवापूर
      17) शहिद भगतसिंग मनपा शाळा
      18) सावित्रीबाई फुले शाळा नेताजी चौक बाबुपेठ  
    • यात्रेतील दुकाने –
      दुकानदारांसाठी दुकाने लावण्यासाठी जागा – यात्रा मैदान
      पथविक्रेतेसाठी दुकाने लावण्यासाठी जागा – यात्रा मैदान
      बर्फीच्या दुकानांसाठी जागा : यात्रा मैदान
      मनोरंजनाची दुकाने : यात्रा मैदान (पार्किंग क्र. 1 च्या बाजूला)
      यात्रेकरूकरिता सशुल्क खाद्यपदार्थ व शीतपेय व्यवस्था – यात्रा मैदान (नियंत्रण कक्षा लगत)
      चहाची दुकाने – मंदिर संस्थेची निवास व्यवस्था जवळ (यात्रा मैदान)
      हिरकणी कक्ष –
      १) यात्रेकरू महिलांसाठी हिरकणी कक्ष: यात्रा मैदान (नियंत्रण कक्षा लगत)
      अग्निशमन व रुग्णवाहिका क्षेत्र –
      1) मनपा सफाई झोन इमारत, माता महाकाली मंदिराच्या बाजूला 2)नियंत्रण कक्ष (यात्रा मैदान)
      मदतीसाठी संपर्क –
      1) मनपा व्हॉट्सअॅप चॅटबॉट क्रं – 8530006063
      2) मनपा टोल फ्री क्रं -18002574010
      3) जिल्हाधिकारी कार्यालय, हॅलो चांदा टोल फ्री क्रं.- 155 398
      4) पोलिस विभाग टोल फ्री हेल्प लाईन – 112
      5) रुग्णवाहिका- 108
      6) मनपा अग्निशमन दल – 07172 – 254614/101
      7) पोलिस नियंत्रण कक्ष – 07172-252200
      8) पोलीस स्टेशन चंद्रपूर शहर – 7887891001
      9) महिला हेल्प लाईन क्रं.- 1091
      10) चाईल्ड हेल्प लाईन क्रं.- 1098   

  • Maharashtra Government Scholarship Delay । “शिष्यवृत्ती रखडली: परदेशात ओबीसी विद्यार्थ्यांचे भवितव्य धोक्यात!”

    Maharashtra Government Scholarship Delay

    शासनाने शिष्यवृत्ती लवकर अदा करावी आमदार जोरगेवार यांची मागणी

    Maharashtra Government Scholarship Delay : नागपूर विभागातील 16 आणि संपूर्ण महाराष्ट्रातील 76 ओबीसी विद्यार्थी परदेशात उच्च शिक्षण घेत आहेत. मात्र, शासनाच्या शिष्यवृत्ती योजनेअंतर्गत मिळणाऱ्या आर्थिक मदतीचा दुसरा हप्ता अद्याप विद्यार्थ्यांना मिळालेला नाही. त्यामुळे अनेक विद्यार्थी आर्थिक अडचणीत आले असून, परदेशी विद्यापीठांकडून शुल्क भरण्यासाठी दबाव वाढत आहे. OBC Overseas Scholarship Delay

    चंद्रपूर मनपा शाळेतील १७ विद्यार्थी गुणवत्ता यादीत झळकले

    निधी वेळेवर न मिळाल्यास शिक्षणावर परिणाम होण्याची शक्यता निर्माण झाली आहे. त्यामुळे सदर शिष्यवृत्ती तातडीने अदा करावी, अशी मागणी आमदार किशोर जोरगेवार यांनी बहुजन कल्याण मंत्री अतुल सावे यांच्याकडे केली आहे.

    बुधवारी आमदार किशोर जोरगेवार यांनी मुंबई मंत्रालयात बहुजन कल्याण मंत्री अतुल सावे यांची भेट घेऊन सदर मागणी केली. राज्य शासनाकडून ओबीसी विद्यार्थ्यांना परदेशात उच्च शिक्षणासाठी शिष्यवृत्ती दिली जाते. ही योजना आर्थिकदृष्ट्या दुर्बल विद्यार्थ्यांसाठी अत्यंत महत्त्वाची आहे. आठ लाखांपेक्षा कमी उत्पन्न असलेल्या कुटुंबांतील विद्यार्थ्यांना या शिष्यवृत्तीमुळे शिक्षणासाठी मोठा आधार मिळतो. मात्र, निधी मिळण्यात झालेल्या दिरंगाईमुळे विद्यार्थ्यांना मोठ्या अडचणींचा सामना करावा लागत आहे. Overseas Education Financial Aid OBC

    अनेक विद्यार्थ्यांना राहण्याचा खर्च भागवणे कठीण झाले आहे, तर काहींवर विद्यापीठाचे शुल्क भरण्यासाठी दबाव वाढला आहे. शिष्यवृत्तीचा निधी अद्याप न मिळाल्याने विद्यार्थ्यांचे भवितव्य संकटात सापडले आहे. वेळेवर शुल्क भरता न आल्यास काही विद्यार्थ्यांचा प्रवेश रद्द होण्याची भीती आहे, तर काहींना वैयक्तिक कर्ज काढण्याची वेळ आली आहे.

    या पार्श्वभूमीवर, राज्य सरकारने त्वरित निर्णय घेऊन विद्यार्थ्यांना निधी उपलब्ध करून द्यावा, अशी मागणी होत आहे. त्यामुळे विद्यार्थ्यांपुढे निर्माण झालेल्या अडचणी सोडवून रखडलेला निधी तात्काळ अदा करावा, अशी मागणी आमदार किशोर जोरगेवार यांनी बहुजन कल्याण मंत्री अतुल सावे यांच्याकडे केली आहे.

  • Chandrapur Municipal School Success । “शिक्षक-विद्यार्थ्यांचा पराक्रम: एनएमएमएसमध्ये चंद्रपूरचे नाव उंचावले!”

    Chandrapur Municipal School Success

    Chandrapur Municipal School Success : चंद्रपूर महानगरपालिकेच्या पीएम श्री सावित्रीबाई फुले शाळेतील राष्ट्रीय आर्थिक दुर्बल घटक शिष्यवृत्ती ( एनएमएमएस ) परीक्षेत उत्तीर्ण झालेल्या 20 विद्यार्थ्यांपैकी 17 विद्यार्थी हे केंद्राच्या गुणवत्ता यादीत झळकले आहेत. शहरातील एका शाळेतील सर्वात अधिक संख्येने या परीक्षेत उत्तीर्ण होण्याचा मान मनपा शाळेने मिळविला आहे. National Means-cum-Merit Scholarship Results

    चंद्रपूर ताडोबा सफारीसाठी लवकरचं क्रुझर सेवा, आमदार जोरगेवार यांचा पाठपुरावा

     
        जातीनिहाय आरक्षण असणाऱ्या विद्यार्थ्यांना शासनाच्या अनेक कल्याणकारी शिष्यवृत्ती योजनांचा दरवर्षी लाभ मिळत असतो. परंतु ग्रामीण भागातील आर्थिक दुर्बल घटकातील प्रतिभावंत विद्यार्थ्यांना प्रोत्साहन देण्यासाठी देशपातळीवर एनएमएमएस शिष्यवृत्ती परीक्षा मिनिस्ट्री ऑफ ह्युमन रिसोर्सेस भारत सरकार नवी दिल्ली यांचे मार्फत घेण्यात येते. आर्थिक मागास विद्यार्थ्यांमधून प्रज्ञावान विद्यार्थ्यांचा शोध घेऊन त्यांच्या प्रक्षेची जोपासना, तसेच त्यांचे 12 वी पर्यंत शिक्षण पूर्ण व्हावे हा या योजनेचा गाभा आहे. PM Shri Savitribai Phule School


         प्रज्ञावान विद्यार्थ्यांना दरमहा शिष्यवृत्तीच्या स्वरुपात आर्थिक मदत करण्यात येते. सदर शिष्यवृत्ती  सलग चार वर्षे म्हणजे 8 वी ते 12 वी पर्यंत मुलांना देण्यात येते. यापूर्वी शिष्यवृत्तीसाठी पात्र असणाऱ्या प्रतिभावंत विद्यार्थ्यांना प्रति वर्षासाठी बारा हजार याप्रमाणे चार वर्षासाठी 48 हजार रुपये मिळत होते. आता यात एक वर्ष वाढल्याने त्यात 12 हजार रुपयांची वाढ झाली आहे. तसेच याआधी पालकांच्या उत्पन्नाची मर्यादा दीड लाख रुपये होती. आता त्यात दोन लाखांनी वाढ झाल्याने साडेतीन लाख रुपयांपेक्षा कमी उत्पन्न असणाऱ्या पालकांच्या मुलांना देखील ही शिष्यवृत्ती परीक्षा देता येत आहे.


         मनपा शाळेतील गुणवंतांमध्ये प्रज्वल निलेश वैरागडे,भूमिका पवन निखाडे,केसीकौर केवलसिंग भोयर,सोहम राजू सोरते,संस्कृती नितीन घोटेकर,श्रेयस सुनील दुर्योधन ,आरोषी संजय देवघरे,शौर्य प्रशांत आंबटकर,रिंपा विश्वजीत मजुमदार,माही नागनाथ निमगडे,वैष्णवी प्रशांत कंदीकुरवार,गणेश अनिल ठाकरे,वंश सचिन पवार,समीक्ष कैलाश गोदरवार,गौरव भारत नंदनवर,लोकेश ईश्वर जेंगठे,प्रशिल अमोल रामटेके या विद्यार्थ्यांचा समावेश आहे.

     
       आयुक्त विपिन पालीवाल यांच्या नेतृत्वात,अतिरिक्त आयुक्त चंदन पाटील, उपायुक्त मंगेश खवले यांच्या प्रेरणेने व मुख्याध्यापक नागेश नित,वर्ग शिक्षक जोगेश्वर मोहारे,विषय शिक्षक मंगेश अंबादे, सचिन रामटेके यांच्या प्रयत्नाने शाळेला यश प्राप्त झाले असुन सर्वांनी विद्यार्थ्यांचे अभिनंदन केले आहे. 

  • Chandrapur to Tadoba Transport । “ताडोबा सफारीसाठी चंद्रपूरहून थेट क्रूझर सेवा सुरू होणार?”

    Chandrapur to Tadoba Transport

    Chandrapur to Tadoba Transport : ताडोबा-अंधारी व्याघ्र प्रकल्प हा देशातील प्रमुख पर्यटनस्थळांपैकी एक असून, येथे दरवर्षी हजारो पर्यटक भेट देतात. मात्र, चंद्रपूर शहरातून थेट ताडोबा सफारीसाठी कोणतीही सार्वजनिक वाहतूक सेवा नसल्यामुळे स्थानिक पर्यटकांना मोठ्या अडचणींना सामोरे जावे लागते. या पार्श्वभूमीवर, चंद्रपूर शहरातून थेट ताडोबा मोहर्ली सफारी गेटपर्यंत क्रुझर सेवा सुरू करण्याची मागणी आमदार किशोर जोरगेवार यांनी मुंबई मंत्रालयात आयोजित बैठकीत वनमंत्री गणेश नाईक यांच्याकडे केली. Tadoba Safari Booking

    तहसीलदार व तलाठी अडकले लाचलुचपत विभागाच्या जाळ्यात

    आमदार किशोर जोरगेवार यांच्या मागणीनंतर बुधवारी चंद्रपूर मतदारसंघातील विविध विषयांवर चर्चा करण्यासाठी मुंबई मंत्रालयात वनमंत्री गणेश नाईक यांच्या अध्यक्षतेखाली बैठक आयोजित करण्यात आली. या बैठकीत वन विभागासंदर्भातील विविध विषयांवर सकारात्मक चर्चा झाली असून, चंद्रपूरात वन पर्यटन वाढविण्याच्या दृष्टीने सरकार प्रयत्नशील असल्याचे वनमंत्री गणेश नाईक यांनी सांगितले. Tadoba National Park Tour

    बैठकीत बोलताना आमदार जोरगेवार म्हणाले, सध्या सफारीसाठी येणाऱ्या पर्यटकांना मोहर्ली गेट पर्यंत पोहोचण्यासाठी खासगी वाहनांवर अवलंबून राहावे लागते. यामुळे वेळेचा आणि पैशाचा अपव्यय होत आहे. त्यामुळे चंद्रपूर शहरातून थेट क्रुझर सेवा सुरू झाल्यास स्थानिक आणि बाहेरून येणाऱ्या पर्यटकांना मोठी सुविधा मिळेल. शिवाय, यामुळे पर्यटनाला अधिक चालना मिळेल आणि स्थानिक अर्थव्यवस्थेवर सकारात्मक परिणाम होईल.

    तसेच, ताडोबा सफारीसाठी शनिवार आणि रविवारसाठी वाढीव शुल्क आकारले जाते, जे सामान्य पर्यटकांसाठी अडचणीचे ठरते. हे वाढीव शुल्क पूर्णपणे रद्द करून आठवड्याभरासाठी समान शुल्क ठेवण्याची मागणीही आमदार किशोर जोरगेवार यांनी केली. बुकिंग करूनही न येणाऱ्या पर्यटकांच्या ठिकाणी उपलब्ध असलेल्या पर्यटकांचे नाव बदलण्याची मुभा देण्यात यावी, तसेच चैत्र नवरात्र आणि श्री माता महाकाली महोत्सवाच्या काळात ताडोबा पर्यटकांसाठी विशेष बससेवा सुरू करावी, अशीही मागणी त्यांनी केली. Weekend Trip to Tadoba

    चंद्रपूरचा ऐतिहासिक वारसा समृद्ध असून, गोंडकालीन किल्ले त्याचे प्रमुख वैशिष्ट्य आहेत. याच वारशाचे दर्शन पर्यटकांना घडवण्यासाठी संजय पांडुरंग सब्बनवार यांनी गोंडकालीन किल्ल्याची लघुप्रतिकृती तयार केली आहे. ही प्रतिकृती 40×40 फूट लांबीची असून, यात किल्ल्याचे चार प्रवेशद्वार, पाच खिडक्या, संपूर्ण परकोट, बुर्ज आणि मिनारांचा समावेश आहे. हा प्रकल्प ऐतिहासिक जतनासाठी महत्त्वाचा असून, स्थानिक आणि पर्यटकांना गोंडकालीन वास्तुकलेची माहिती देणारा ठरेल. त्यामुळे या प्रतिकृतीसाठी ताडोबा-अंधारी व्याघ्र प्रकल्पातील मोहर्ली सफारी गेटजवळ जागा उपलब्ध करून द्यावी, अशी मागणी आमदार जोरगेवार यांनी वनमंत्री यांच्याकडे केली.

    दिवंगत ख्यातनाम काष्ठशिल्पकार मनोहर सप्रे यांच्या बांबू आणि लाकडाच्या शिल्पकलेचा वारसा पुढील पिढीपर्यंत पोहोचावा, यासाठी मोहर्ली सफारी गेट येथे कायमस्वरूपी प्रदर्शनी दालन स्थापन करण्याचीही त्यांनी मागणी केली. मनोहर सप्रे यांनी आपल्या कौशल्यातून बांबू आणि लाकडापासून अप्रतिम शिल्पकृती साकारल्या आहेत. त्यांच्या कलाकृतींचे जतन आणि प्रचार-प्रसार करण्यासाठी हे दालन महत्त्वपूर्ण ठरेल, असा विश्वास आमदार किशोर जोरगेवार यांनी व्यक्त केला.

    चंद्रपूरच्या पर्यटनविकासाला गती मिळावी आणि ऐतिहासिक वारसा पुढील पिढीपर्यंत पोहोचावा, यासाठी सरकारने लवकर निर्णय घ्यावा, अशी मागणी आमदार किशोर जोरगेवार यांनी केली. या बैठकीला संबंधित अधिकाऱ्यांचीही उपस्थिती होती.

  • cmc chandrapur । “एक क्लिकवर सर्व सेवा: चंद्रपूर मनपाचे नवे संकेतस्थळ सुरु!”

    cmc chandrapur

    “१२,०००+ तक्रारींचे निराकरण: मनपाच्या नव्या वेबसाइटची कमाल!”

    cmc chandrapur : चंद्रपूर महानगरपालिकेच्या नव्या संकेतस्थळाचे लोकार्पण आयुक्त तथा प्रशासक विपीन पालीवाल यांच्या हस्ते कळ दाबुन करण्यात आले.मनपा संगणक विभागाच्या सहकार्याने तयार करण्यात आलेले हे संकेतस्थळ सुरक्षित, सुगम्य, सुलभ असल्याबद्दल आयुक्तांनी समाधान व्यक्त केले.  Online municipal services

     
       याप्रसंगी बोलतांना आयुक्त म्हणाले की, मनपाच्या अधिकाधिक सेवा या ऑनलाईन पद्दतीने देण्यात येत असुन त्या अधिक लोकाभिमुख करण्यास प्रशासन कटिबद्ध आहे. चांदा सिटी हेल्पलाईन ॲपच्या माध्यमातुन नागरीकांनी दाखल केलेल्या १२ हजारहुन अधिक तक्रारींचे निवारण करण्यात आले आहे. तक्रारींचे निराकरण ही मोठी गोष्ट नसली तरी आपल्या तक्रारींना मनपा प्रतिसाद देते ही भावना नागरिकांमध्ये रुजली ही मोठी बाब आहे. WhatsApp chatbot services

    चंद्रपुरातील अवैध सोनोग्राफी केंद्रावर कारवाई होणार

       
       अनेक सेवा मनपाने सुरु केल्या आहेत ज्या मोठ्या महापालिकांमध्ये अजुनही सुरु झालेल्या नाही जसे व्हॉट्सअप चॅटबॉट.याद्वारे सुद्धा आपण विविध सेवा देत असतो. तंत्रज्ञान सतत वाढत जाणारे आहे त्यामुळे अद्ययावतीकरण होणे आवश्यक आहे. शासनाच्या 100 दिवसांचा कृती आराखड्यानुसार मनपाचे संकेतस्थळ हे अद्ययावत व वापरण्यास सोपे करण्यात आले आहे.      

       
         cmcchandrapur.com या नावाने सुरु झालेल्या या संकेतस्थळाचे अद्ययावतीकरण करण्यात आले असुन मनपाच्या विविध सेवा जसे मालमत्ता कर,पाणी कर,जन्म-मृत्यु प्रमाणपत्र,व्यवसाय परवाना,विवाह नोंदणी,बांधकाम परवानगी,होर्डींग परवानगी,तक्रार निवारण प्रणाली,सेवा हमी कायदा,ना हरकत प्रमाणपत्र,पाळीव प्राणी परवानगी या सर्व सेवांचा लाभ ऑनलाईन पद्धतीने नागरीकांना घेता येणार आहे.मनपाचे सर्व विभाग त्यांचे अधिकारी वर्गाचीही माहीती यात देण्यात आली आहे.

  • Reward for reporting illegal sonography । चंद्रपूर शहरात धडक मोहीम – अवैध सोनोग्राफी केंद्रे निशाण्यावर!

    Reward for reporting illegal sonography

    Reward for reporting illegal sonography : चंद्रपूर 1 एप्रिल – गर्भधारणपूर्व व प्रसवपूर्व निदानतंत्राचा वापर करून बेकायदेशीररीत्या गर्भलिंग निदान करणे,गर्भपात करणे कायदान्वये गुन्हा आहे. मात्र त्यानंतरही राज्यात अश्या घटना घडत आहेत. त्यामुळे आता शासनाद्वारे कठोर पाऊले उचलण्यात येत असुन प्रसुतीपूर्व निदानतंत्र प्रतिबंध कायद्याच्या प्रभावी अंमलबजावणीसाठी शासनाच्या वतीने ‘आमची मुलगी’ ही वेबसाईट व टोल फ्री क्रमांक देण्यात आला असून यावर अवैध सोनोग्राफी केंद्राची तक्रार करता येते. अशा सोनोग्राफी केंद्राची माहिती देणाऱ्या खबरी व्यक्तीस 1 लाख रुपयांचे बक्षीस शासनातर्फे व स्टिंग ऑपरेशनसाठी तयार होणाऱ्या गर्भवती महिलेस 1 लाख शासनातर्फे तर 25 हजारांचे बक्षीस चंद्रपूर मनपातर्फे देण्यात येते. Government action against foeticide

    बल्लारपुरातील तहसीलदाराला २ लाख रुपयांच्या लाच प्रकरणी अटक


       समाजात अजूनही भ्रूणहत्या करणाऱ्या प्रवृत्तीची कमी नाही. मुलींचे प्रमाण मुलांच्या तुलनेत कमी होत आहे. परंतु त्यानंतरही सोनोग्राफी केंद्रात गर्भधारणा पूर्व व प्रसूतीपूर्व निदान तंत्रे (लिंग निवडीस प्रतिबंध) कायदा 1994 चे उल्लंघन करण्यात येत आहे. त्यामुळे असे कृत्य करण्याची जाहिरात करणाऱ्या व्यक्ती, पुस्तके, प्रकाशने, संपादक, वितरक आदींची माहिती आरोग्य विभागाच्या टोल फ्री क्र.18002334475 या क्रमांकावर नागरिकांनी नोंदवावी, असे आवाहन चंद्रपूर मनपा आरोग्य विभागाने केले आहे.  

           
       गर्भलिंग निवडीशी निगडीत सेवा पुरविणाऱ्या डॉक्टर, दवाखाना किंवा प्रयोगशाळा यांच्या विषयी माहिती मिळाली, तर त्या विषयीच्या पुराव्यांसहित मनपा आरोग्य विभागास संपर्क करून तक्रार दाखल करावी. अवैध गर्भलिंग निदान केंद्राची माहीती पुराव्यासहित दिल्यास व माहीती खरी निघाल्यास व यासंदर्भात संबंधित डॉक्टर विरोधात न्यायालयात दावा दाखल झाल्यानंतरच  तक्रारकर्त्यास 1 लाख रुपयांचे बक्षीस देण्याची नियमात तरतूद असुन अशी माहिती देणाऱ्याचे नाव गोपनीय ठेवण्यात येते त्यामुळे न घाबरता गर्भलिंग निदान करणाऱ्यांची माहीती देण्याचे आवाहन चंद्रपुर मनपा आरोग्य विभागातर्फे करण्यात येत आहे.      

    चंद्रपुर शहरात डीकॉय मोहीम –
      अवैध गर्भलिंग निदान टाळण्यासाठी मनपा आरोग्य विभागातर्फे “डीकॉय” मोहीम राबविण्यात येत आहे. याअंतर्गत एका गर्भवती महिलेला संशयित केंद्रावर पाठवले जाते. जर ते केंद्र अवैध गर्भलिंग निदान करण्यास तयार झाल्यास पुढील कायदेशीर कारवाई केली जाते.स्टिंग ऑपरेशनसाठी तयार होणाऱ्या गर्भवती महिलेचे नाव गुप्त ठेवले जाऊन संबंधित केसमध्ये पुढील कायदेशीर प्रक्रियेकरीता महिलेची उपस्थिती राहिल्यास व कायदेशीर प्रक्रिया पूर्ण होण्यास मदत झाल्यास प्रत्येक बनावट (डीकॉय) केसेसमधील उपस्थित डीकॉय महिलेला 1 लाख शासनातर्फे तर चंद्रपूर मनपातर्फे 25 हजार रुपयांचे बक्षिस देण्यात येते.  Anti-sex determination laws

    दंड आणि शिक्षा?
    गर्भलिंग निदान अथवा गर्भपात केल्यास संबंधित व्यक्तींना 3 वर्षे कारावास व 10 हजार रुपयांपर्यंत दंड होऊ शकतो. दुसऱ्यांदा गुन्हा केल्यास ५ वर्षे कारावास व ५० हजार रुपये दंड होऊ शकतो.गर्भलिंग सांगणे किंवा जाणून घेणे हा दखलपात्र गुन्हा आहे. तसेच हा अजामिनपात्र गुन्हा आहे. या गुन्ह्यात आपसात संमतीने खटला मागे घेता येत नाही.  Sex determination test punishment
    .  
    गर्भलिंग निदान कधी करता येते?
    गर्भधारणेच्या साधारण 3 महिने पूर्ण झाल्यानंतर गर्भलिंग ओळखता येतो,परंतु गर्भधारणापूर्व व प्रसुतीपूर्व निदान तंत्र कायदा 2003 कायद्यान्वये गरोदरपणापूर्वी लिंग निवड करणे किंवा गरोदरपणात गर्भलिंग जाणून घेणे कायद्यानुसार गुन्हा आहे.

    सोनोग्राफी केंद्रांची तपासणी –
    मनपा कार्यक्षेत्रात गर्भलिंग निदान प्रतिबंधक कायद्याची अंमलबजावणी काटेकोरपणे करण्यात येते. शहरात एकुण 74 सोनोग्राफी केंद्र व 43 वैद्यकीय गर्भपात केंद्रे आहेत. मनपा वैद्यकीय अधिकाऱ्यांकडून दर 3 महिन्यांनी या सर्व सोनोग्राफी केंद्र व वैद्यकीय गर्भपात केंद्रांची नियमित तपासणी करण्यात येते.मागील काही वर्षात यासंबंधी एकही तक्रार आरोग्य विभागास प्राप्त झालेली नाही – डॉ. नयना उत्तरवार (वैद्यकीय आरोग्य अधिकारी,मनपा)   

    अवैध केंद्राची माहिती कुठे द्याल? –
    1. टोल फ्री क्र. 104
    2. हेल्पलाईन क्र. 18002334475
    3. www.amchimulgimaha.in
    4. मनपा टोल फ्री क्रमांक 18002574010
    5. व्हाट्सअप क्रमांक 8530006063

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by