My Blog

Tag: MH34

  • जनता कॅरिअर लॉन्चर विद्यार्थी आत्महत्या प्रकरणात महत्वाची माहिती

    संस्थाअध्यक्ष व सचिवावर गुन्हे दाखल होणार?

    Janata Career Launcher harassment case : चंद्रपूर २८ नोव्हेम्बर (News३४) – २० नोव्हेम्बर रोजी चंद्रपुरातील चांदा शिक्षण प्रसारक मंडळ अंतर्गत चालणाऱ्या जनता कॅरिअर लॉन्चर या शिकवणी वर्गातील १७ वर्षीय प्रथमेश सुदरी या मुलाने प्राचार्य, शिक्षक व वॉर्डन यांच्या त्रासाला कंटाळून आत्महत्या केली होती. संस्थेच्या संस्थाचालकावर अद्याप कारवाई न झाल्याने चंद्रपूर युवासेना जिल्हाप्रमुख विक्रांत सहारे यांनी महिला व बालविकास विभागाचे विभागीय उपायुक्त मुंडे साहेब यांना निवेदन दिले.

    राजकीय : भाजप सरकारने केली ओबीसींची फसवणूक – विजय वडेट्टीवार

    सहारे यांनी मागणी केली कि चांदा शिक्षण प्रसारक मंडळाच्या अध्यक्ष व सचिवांची यांना सहआरोपी बनवीत त्यांच्यावर सुद्धा गुन्हा दाखल करण्यात यावा. शेतकरी कुटुंबातील मुलाने शिक्षणाच्या माध्यमातून आई-वडिलांचे स्वप्न पूर्ण करण्यासाठी जनता करिअर लॉन्चर मध्ये प्रवेश घेतला होता. मात्र या शिकवणी वर्गात त्याला प्राचार्य व शिक्षक आणि वस्तीगृह वॉर्डन यांनी प्रथमेश ला मानसिक त्रास देणे सुरु केले होते. त्यामुळे १७ वर्षीय प्रथमेश ने टोकाचे पाऊल उचलले. आपल्या शिक्षण संस्थेत काय चालतंय? वसतिगृहात काय सुरु आहे? याची काही कल्पना अध्यक्ष व सचिवाना नव्हती का? विद्यार्थ्यांच्या आत्महत्या प्रकरणात प्राचार्य, शिक्षक, व्यवस्थापक व वॉर्डन जितके दोषी आहे तितकेच संस्था अध्यक्ष व सचिव सुद्धा जबाबदार आहे.

    सहारे यांच्या मागणीवर कारवाई करण्यासाठी तात्काळ चौकशी करीत गुन्हा दाखल करणार असं सकारात्मक उत्तर उपायुक्त मुंडे यांनी दिले. त्यामुळे प्रथमेश च्या आत्महत्येला जबाबदार व्यक्तीवर कारवाई होण्याचा मार्ग मोकळा झाला आहे. याबाबत चंद्रपुरातील पोलीस अधीक्षक व महिला बाल विकास विभागाला कारवाई बाबत निवेदन दिले मात्र अद्यापही कारवाई काही झाली नाही.

    शैक्षणिक व राजकीय क्षेत्रात वरदहस्त असल्याने जनता करिअर लॉन्चर च्या संस्थाचालकांवर अद्यापही गुन्हा दाखल झाला नाही. अल्पवयीन मुलाच्या आत्महत्या प्रकरणी तात्काळ चौकशी होत जबाबदार प्राचार्य सहित संस्था चालक व अध्यक्षांवर गुन्हा दाखल करावा अन्यथा यावर आम्ही आंदोलन पुकारू असा इशारा विक्रांत सहारे यांनी प्रसिद्धी पत्रकाद्वारे दिला आहे.

  • चंद्रपूर निवडणूक 2025: मतदान आणि मतमोजणीसाठी प्रशासनाने निर्बंध जाहीर

    Maharashtra civic election polling day rules : चंद्रपूर, दि. 28 नोव्हेम्बर (News३४) : राज्य निवडणूक आयोगाच्या निर्देशांनुसार चंद्रपूर जिल्ह्यातील बल्लारपूर, राजुरा,  गडचांदूर,  भद्रावती, वरोरा,  चिमूर, ब्रम्हपुरी, नागभीड, मुल, घुग्गुस या नगरपालिकांमध्ये तसेच भिसी नगरपंचायतीत सार्वत्रिक निवडणूक-2025 साठी आचारसंहिता 4 नोव्हेंबर 2025 पासून लागू करण्यात आली आहे.

    आदेश : चंद्रपूर जिल्ह्यातील आठवडी बाजार यादिवशी राहणार बंद

    दि. 2 डिसेंबर 2025 रोजी सकाळी 7.30 ते सायं. 5.30  वाजेपर्यंत मतदान होणार असून, मतमोजणी दि. 3 डिसेंबर 2025 रोजी सकाळी 10.00 वाजता सुरू होईल. या अनुशंगाने कायदा-सुव्यवस्था राखण्यासाठी आणि आदर्श आचारसंहितेचे पालन सुनिश्चित करण्यासाठी भारतीय नागरिक सुरक्षा संहिता, 2023 चे कलम 163 नुसार जिल्हादंडाधिकारी विनय गौडा जी.सी. यांनी विशेष निर्बंध लागू करण्याचा आदेश जारी केला आहे.

    1 डिसेंबर रोजी सकाळी 7.30 पासून ते मतमोजणी पूर्ण होईपर्यंत खालील निर्बंध लागू मतदान व मतमोजणी केंद्राच्या 100 मीटर परिसरात :

    * अनधिकृत जमाव, सार्वजनिक सभा, वाहनांची वर्दळ बंदी

    * भित्तीपत्रके, ध्वज, चिन्हे, प्रचार साहित्य यांवर बंदी

    * मतदारांना ने-आण करण्यासाठी वाहने वापरण्यास मनाई

    * मोबाईल, वायरलेस सेट इत्यादी मतदान केंद्रात नेण्यास बंदी (अधिकृत कर्मचारी वगळता)

    * धोक्यातील व्यक्तींना सुरक्षा दलासह 100 मीटर परिसरात येण्यास निर्बंध

    * मतमोजणी केंद्राबाहेरील 100 मीटर परिसरातील दुकाने, आस्थापना बंद

    * मतमोजणी केंद्राच्या परिसरात अनधिकृत व्यक्तींना प्रवेशबंदी

    * ड्रोन उडविण्यास सक्त मनाई Maharashtra civic election polling day rules

    प्रतिबंधातून सूट

    * “डोअर टू डोअर” प्रचार (5 पेक्षा जास्त व्यक्ती जमण्यास मनाई)

    * अँबुलन्स, दवाखान्याच्या गाड्या, दूधगाड्या, पाणी टँकर, पोलिस, वीज, निवडणूक कर्मचारी यांची वाहने

    * बसस्थानक, रेल्वे स्थानक किंवा हॉस्पिटलकडे जाणारी वाहने

    * दिव्यांग/आजारी मतदारांना त्यांच्या वैयक्तिक वाहनाने मतदानासाठी ये-जा

    जिल्हादंडाधिकाऱ्यांचे हे आदेश दि. 27 नोव्हेंबर 2025 रोजी सही व कोर्टाच्या शिक्क्यासह जारी करण्यात आले असून, संबंधित पोलीस अधिकाऱ्यांना आदेशाचे व्यापक प्रसारण करण्याचे निर्देश दिले आहेत.

  • चंद्रपूर जिल्ह्यातील आठवडी बाजार बंद ठेवण्याचा आदेश

    Election code of conduct market closure notice : चंद्रपूर, दि. 28 नोव्हेम्बर (News३४) : राज्य निवडणूक आयोगाने जाहीर केलेल्या नगरपरिषद व नगरपंचायत सार्वत्रिक निवडणूक-2025 च्या कार्यक्रमानुसार चंद्रपूर जिल्ह्यातील बल्लारपूर,  राजुरा, गडचांदूर,  भद्रावती,  वरोरा, चिमूर, ब्रम्हपुरी, नागभीड, मुल, घुग्गुस या नगरपालिकांसाठी तसेच भिसी नगरपंचायतीसाठी दि. 2 डिसेंबर 2025 रोजी सकाळी 7.30 ते सायं. 5.30 वाजेपर्यंत मतदान होणार आहे. तर दि. 3 डिसेंबर 2025 रोजी सकाळी 10.00 वाजेपासून मतमोजणी पार पडणार आहे. 4 नोव्हेंबर 2025 पासून या निवडणूक क्षेत्रात आदर्श आचारसंहिता लागू आहे.

    राजकीय : तुम्ही दारू दुकानाचे मालक, भाजप उमेदवारावर नागरिकांचा संताप

    मतदान व मतमोजणीच्या दिवशी संबंधित नगरपरिषद व नगरपंचायत क्षेत्रात भरत असलेल्या आठवडी बाजारांमध्ये मोठी गर्दी होत असल्याने आदर्श आचारसंहितेचे पालन, कायदा-सुव्यवस्था आणि निवडणूक प्रक्रिया निर्विघ्न पार पाडण्यासाठी बाजार बंद ठेवणे आवश्यक असल्याचे जिल्हादंडाधिकारी यांनी नमूद केले आहे.

    मार्केट अ‍ॅण्ड फेअर अ‍ॅक्ट, 1862 चे कलम 5(अ) अन्वये जिल्हादंडाधिकारी तथा जिल्हाधिकारी यांना प्रदान करण्यात आलेल्या अधिकाराचा वापर करून जिल्हाधिकारी विनय गौडा जी.सी.  यांनी मतदान दिवशी (दि. 2 डिसेंबर 2025 – मंगळवार) गडचांदूर येथे आठवडी बाजार येत असल्याने सदर आठवडी बंद ठेवण्यात येणार असून मतमोजणी दिवशी (दि. 3 डिसेंबर 2025 – बुधवार) भद्रावती व मूल येथील आठवडी बाजार बंद ठेवण्यात येणार आहे.

    हा आदेश दि. 27 नोव्हेंबर 2025 रोजी जिल्हादंडाधिकारी विनय गौडा जी.सी. यांच्या  स्वाक्षरीसह जारी करण्यात आला असून, सर्व संबंधितांनी आदेशाचे काटेकोर पालन करावे, असे आवाहन करण्यात आले आहे.

  • घुग्घुस BJPची दमदार पदयात्रा! विकासाच्या बळावर विजयाचा आत्मविश्वास – आमदार जोरगेवार

    ठोस विकासकामांच्या आधारावर निवडणूक जिंकू  – आ. किशोर जोरगेवार

    MLA Kishor Jorgewar election rally Ghugghus : चंद्रपूर २८ नोव्हेम्बर (News३४) – घुग्घुस नगर परिषद सार्वत्रिक निवडणूक 2025 च्या पार्श्वभूमीवर भारतीय जनता पार्टी, घुग्घुसतर्फे नगराध्यक्ष व नगरसेवक पदाच्या उमेदवारांच्या प्रचारार्थ गुरुवारी आमदार किशोर जोरगेवार आणि आमदार देवराव भोंगळे यांच्या प्रमूख उपस्थितीत भव्य पदयात्रेचे आयोजन करण्यात आले. टिळक नगर येथून निघालेल्या पदयात्रेचे आठवडी बाजार चौक येथ सभेत रूपांतर झाले. यावेळी बोलतांना आमदार किशोर जोरगेवार यांनी विकासाच्या मुद्यावर आपण निवडणुकीला समोर जात असुन नगराध्यक्ष पदासह सर्व नगर सेवकांना निवडणुन देण्याचे आवाहण आमदार किशोर जोरगेवार यांनी केली.

    राजकीय : भाजप उमेदवारावर महिलांचा संताप, भद्रावती नगरपरिषद निवडणूक

       यावेळी महानगर अध्यक्ष सुभाष कासनगोट्टूवार, नगराध्यक्ष पदाच्या उमेदावार शारदा उर्फ पूजा दुर्गम, घुग्घुस शहर अध्यक्ष संजय तिवारी, निवडणूक प्रमूख प्रकाश देवतळे, महामंत्री नामदेव डाहुले, विवेक बोडे, तालुका अध्यक्ष विनोद खेवले, चिन्ना नलभोगा यांच्यासह ईतर पदाधिका-यांची उपस्थिती होती.

    खोट्या आश्वासनावर नाही तर विकासावर निवडणूक

       सदर सभेत बोलताना आमदार किशोर जोरगेवार म्हणाले कि, घुग्घुस मध्ये आम्ही जात-पात, भेदाभेद किंवा खोट्या आश्वासनांवर नाही, तर ठोस विकासकामांच्या आधारावर निवडणूक लढवत आहोत. आमदार म्हणून जबाबदारी स्वीकारल्यानंतर घुग्घुसमध्ये अनेक महत्त्वाची कामे पूर्ण केली आहेत. रस्ते, पाणीपुरवठा, प्रकाशयोजना, क्रीडा सुविधा ते नागरिकांच्या दैनंदिन गरजांपर्यंत विकासाचा वेग वाढवण्याचे काम आम्ही केले आहे. MLA Kishor Jorgewar election rally Ghugghus

    bjp padyatra
    प्रचार सभेत उपस्थित जनसमुदाय

    घुग्घुसचा सर्वांगीण विकास हा आमचा प्रामाणिक हेतू आहे. आजच्या पदयात्रेत नागरिकांनी जो प्रेम आणि विश्वास व्यक्त केला, तोच आम्हाला विजयाकडे घेऊन जाणार आहे. नगराध्यक्ष आणि नगरसेवक पदाचे सर्व भाजपा उमेदवार सक्षम, प्रामाणिक आणि कार्यक्षम आहेत. या विकासाच्या बळावरच ते निश्चित विजयी होतील, असा ठाम विश्वास यावेळी आमदार किशोर जोरगेवार यांनी व्यक्त केला. वेकोलिच्या तलावामुळे घुग्घुस शहरातील नाल्यांना पूर येतो त्यामुळे या तलावाचे खोलीकरण करण्यासाठी सात कोटी रुपयांचा निधी आपण मंजूर केला आहे.

    येथील रुग्णालय लवकर पुर्ण क्षमतेने सुरु होणार आहे. येथील अनेक विकासकामे मागील काही वर्षात आपण पुर्ण करु शकलो आहे. कॉंग्रेसकडे आज विकासाच्या नावावर सांगण्यासारखे काही नाही.  ते केवळ घुग्घूस वासियांची दिक्षाभुल करण्याचे काम करत त्यांच्या खोट्या प्रचाराला घुग्घुसवासी बळी पडणार नाही असे ते यावेळी बोलतांना म्हणाले. या सभेला घुग्घुस वासियांची मोठ्या संख्येने उपस्थिती होती.

  • सुप्रीम कोर्टाच्या निर्णयाने निवडणुका मोकळ्या, पण ओबीसी जागा धोक्यात!

    स्थानिक स्वराज्य निवडणुका सुरू; पण ओबीसींचं भविष्य अजूनही अनिश्चित – वडेट्टीवारांची टीका

    SC updates on Maharashtra civic polls : चंद्रपूर २८ नोव्हेम्बर (News३४) – आज सर्वोच्च न्यायालयाने स्थानिक स्वराज्य संस्थांच्या निवडणुकांना स्थगिती दिली नाही, हा थोडा दिलासा असला तरी या निवडणुकांचा निकाल हा न्यायालयाच्या निर्णयाच्या अधीन राहणार आहे. त्यामुळे ओबीसींच्या जागांवर असलेली टांगती तलवार कायम राहणार आहे. आज न्यायालयाच्या अंतरिम आदेशाने ओबीसी समाजाला दिलासा नाहीच अशी टीका काँग्रेस विधिमंडळ नेते विजय वडेट्टीवर यांनी केली.

    राजकीय – भाजप नगराध्यक्ष उमेदवाराचा व्हिडीओ व्हायरल, महिलांचा संताप आणि पळवाट

    स्थानिक स्वराज्य संस्थांच्या निवडणुकीबाबत सर्वोच्च न्यायालयात आज महत्वाची सुनावणी पार पडली. या सुनावणीकडे आमचे लक्ष होते. आज न्यायालयाच्या आदेशामुळे निवडणूक घेण्याचा मार्ग मोकळा झाला असला तरी ओबीसींच्या जागांवरील टांगती तलवार मात्र कायम राहिलेली आहे, अस वडेट्टीवार म्हणाले.


    आज न्यायालयाने निवडणूक प्रक्रिया सुरू करण्याचे निर्देश देताना, ५०% आरक्षणाची मर्यादा ओलांडू नये असे स्पष्ट निर्देश दिले आहेत. याचा अर्थ, ज्या ठिकाणी ओबीसी आरक्षणामुळे एकूण आरक्षण ५०% च्या वर गेले आहे, त्या जागांवर निवडणूक होऊ शकणार नाही. त्यामुळे भाजपाने ओबीसी आरक्षणासंदर्भातील केलेलं सगळे दावे पूर्णपणे फोल ठरले आहेत. ही सपशेल बनवा बनवी आहे अशी टीका विजय वडेट्टीवार यांनी केली. SC updates on Maharashtra civic polls

    स्थानिक स्वराज्य संस्थांच्या निवडणुका झाल्या तरी ओबीसी जागांचा निकाल सर्वोच्च न्यायालयाच्या अंतिम निर्णयावर अवलंबून राहणार आहे. याचा स्पष्ट अर्थ आहे की, ओबीसी समाजाचे प्रतिनिधित्व पुन्हा एकदा अनिश्चिततेच्या छायेखाली राहणार आहे. भाजप सरकार सातत्याने आम्ही ओबीसींना २७% आरक्षण दिले म्हणून स्वतःची पाठ थोपटून घेत होते. मात्र, आजच्या परिस्थितीमुळे हे सर्व दावे फोटे ठरले आहेत. ओबीसींसाठी दिलेले २७% आरक्षण गेले कुठे? याचे उत्तर भाजपने द्यावे. निवडणुका घेण्यास सांगूनही निकाल न्यायालयावर अवलंबून ठेवणे म्हणजे ओबीसी बांधवांची राजकीय दिशाभूल करणे आहे. भाजपने केवळ घोषणांची बनवाबनवी करून ओबीसी बांधवांना मूर्ख बनवले, अशी घणाघाती टीका वडेट्टीवार यांनी केली.

    ओबीसी बांधवांना त्यांचे संवैधानिक प्रतिनिधित्व तातडीने मिळावे यासाठी भाजपने केवळ घोषणाबाजी न करता ठोस उपाययोजना करावी, अशी मागणी असल्याचे वडेट्टीवार म्हणाले.

  • भद्रावती प्रचारात खळबळ! महिलांचा संताप, भाजप उमेदवार झाले व्हायरल

    BJP candidate Anil Dhanorkar viral video : चंद्रपूर २८ नोव्हेम्बर (News३४) – चंद्रपूर जिल्ह्यात १० नगरपालिका व १ नगरपंचायत निवडणुकीची रणधुमाळी सुरु आहे, या रणधुमाळीत सर्वच राजकीय पक्ष प्रचारावर जोर देत आहे मात्र काही उमेदवारांना मतदारांच्या रोषाचा सामना करावा लागत आहे. जिल्ह्यातील भद्रावती नगरपरिषदेच्या नगराध्यक्ष पदाचे भाजप उमेदवार अनिल धानोरकर यांना महिलांच्या रोषाचा सामना करावा लागला, याचा व्हिडीओ सध्या समाजमाध्यमांवर व्हायरल झाला आहे.

    निवडणूक – वरोरा शहरात भाजप उमेदवाराला मारहाण, तिघांना अटक

    भद्रावती नगरपरिषद निवडणुकीच्या प्रचारकार्यात व्यस्त असलेले भाजपचे उमेदवार अनिल धानोरकर यांना गवराळा गावात महिलांच्या तीव्र रोषाचा सामना करावा लागला. धानोरकर हे दारू व्यावसायिक असून शहरासह परिसरात त्यांची अनेक दारू दुकाने असल्याची स्थानिकांची माहिती आहे. रात्री गवराळा गावात गेल्यावर दारू दुकानावरून महिला धानोरकर यांच्यावर महिला चांगल्या संतापल्या.

    प्रचारासाठी वॉर्डात प्रवेश करताच महिलांनी धानोरकर यांना वॉर्डातील दारू दुकानांमुळे तरुण मुलं व्यसनाधीन होत असल्याची तक्रार केली. “दारू दुकानामुळे आमच्या घरातील आणि समाजातील तरुण बिघडत आहेत, तुम्हीच मालक असताना आम्ही कोणाकडे तक्रार करायची?” अशा शब्दांत महिलांनी जाब विचारला. अचानक घडलेल्या या प्रकारामुळे धानोरकरांची चांगलीच नाचक्की झाली, परिस्थिती नियंत्रणाबाहेर जात असल्याचे समजताच धानोरकर यांनी माघार घेतली.

    भद्रावती नगरपरिषदेत अनेक वर्षे शिवसेनेची सत्ता होती, पक्ष विखुरले आणि परिस्थिती बदलली, नगराध्यक्ष पदाच्या निवडणुकीत उभे असलेले उमेदवार हे ३ ते ४ पक्षाचा प्रवास करून आपण निष्ठावंत असल्याचे दाखवीत आहे, मात्र अनेक वर्षे सत्ता उपभोगल्यावर उमेदवारांना रोषाचा सामना करावा लागत आहे.

  • वरोरा नगरपरिषद निवडणूक; प्रचारादरम्यान भाजपा उमेदवारावर जीवघेणा हल्ला; तिघांना अटक

    प्रचारादरम्यान झाला हल्ला

    Warora bjp candidate attack वरोरा, चंद्रपूर | गुरुवार, २७ नोव्हेंबर, २०२५ | (News34) – वरोरा येथील प्रभाग क्रमांक ५ मधून नगरसेवक पदासाठी उभे असलेले भारतीय जनता पक्षाचे (BJP) उमेदवार अनिकेत धनराज नाकाडे (वय ३५) यांच्यावर गुरुवारी, २७ नोव्हेंबर रोजी सायंकाळी ५ वाजण्याच्या सुमारास जीवघेणा हल्ला झाला. अचानक उद्भवलेल्या शाब्दिक वादातून हा हल्ला झाल्याचे प्राथमिक वृत्त आहे. याप्रकरणी पोलिसांनी तातडीने तीन आरोपींविरुद्ध गुन्हा दाखल करून त्यांना अटक केली आहे.

    हे वाचा : चंद्रपुरात कालबाह्य औषधे खुलेआम जाळली, गुन्हा दाखल करा – राजेश बेले

    तिघांनी हल्ला करीत केली मारहाण

    भाजप उमेदवार अनिकेत नाकाडे दुपारी सुमारे ४:३० वाजता आपल्या समर्थकांसह दत्त मंदिर वार्डात प्रचार करत होते. यादरम्यान शुभम टोरे आणि अनिकेत नाकाडे यांच्यात अश्लील शिवीगाळ झाल्यामुळे वाद झाला. काही वेळातच शुभम टोरेने आपल्या सहकारी अमोल मडावी आणि गोलू मडावी यांसह नाकाडे यांच्यावर हल्ला करून जबर मारहाण केली. पोलिसांत दिलेल्या तक्रारीत म्हटले आहे की, आरोपींनी नाकाडे यांच्यावर चाकूने हल्ला करण्याचा प्रयत्न देखील केला. या हल्ल्यात नाकाडे यांना दुखापत झाली. Warora bjp candidate attack

    या प्रकरणी भाजप उमेदवार नाकाडे यांनी मारहाण बाबत वरोरा पोलीस स्टेशनमध्ये तक्रार दिली आहे, तक्रार प्राप्त होताच वरोरा पोलिसांनी कारवाई करीत तिघांना अटक केली आहे. आरोपीवर कठोर कारवाई व्हावी अशी मागणी भाजप तर्फे करण्यात आली आहे.

    वरोरा नगरपरिषद निवडणूक आता चुरशीची झाली असून सर्वच राजकीय पक्षाचे उमेदवार प्रचारात गुंतले आहे, अश्यातच असे प्रसंग घडणे हे सर्वच उमेदवारासाठी नुकसानदायक आहे.

  • कालबाह्य औषधे खुलेआम जाळली!, गुन्हा दाखल करा – राजेश बेले

    expired medicines burning case : चंद्रपूर २७ नोव्हेम्बर (News३४) – वेस्टर्न कोलफिल्ड लि. चंद्रपूर येथील क्षेत्रीय रूग्णालयाच्या आवारात कालबाह्य झालेली औषधी आणि काही वैद्यकीय साहित्य दि. 26/11/2025 रोजी उघडपणे जाळले असल्यामुळे हवेमध्ये रासायनिक वायू प्रदूषण निर्माण झाले आहे.

    गुन्हा दाखल करा

    त्यामुळे परिसरातील नागरिकांच्या तसेच पाळीव प्राणी, जल पाणी व पक्षी यांच्या आरोग्याला व जिवाला धोका निर्माण झालेला असल्यामुळे क्षेत्रीय रूग्णालय, लालपेठ येथील क्षेत्रीय वैद्यकीय अधिकारी व त्याचे सहयोगी कर्मचारी यांच्यावर योग्य ती कायदेशीर कार्यवाही करून फौजदारी गुन्हा दाखल करण्यात यावा अशी तक्रार पंतप्रधान नरेंद्र मोदी, मुख्यमंत्री देवेंद्र फडवणीस, पर्यावरण मंत्री पंकजा मुंडे, महाराष्ट्र प्रदूषण नियंत्रण मंडळ अध्यक्ष व सदस्य सचिव, चंद्रपूर जिल्हाधिकारी चंद्रपूर महानगरपालिका आयुक्त, वेकोली मुख्य प्रबंधक यांच्याकडे राजेश बेले संस्थापक अध्यक्ष संजीवनी पर्यावरण सामाजिक संस्था यांनी केलेली आहे.

    योजना – चंद्रपुरात सुरु झाली किलकारी योजना

    waste burning


    महाराष्ट्र शासनाने बॉयोमेडिकल वेस्ट विल्हेवाट लावण्याकरीता चंद्रपूर, एम. आय. डी.सी. परिसरामध्ये बॉयोमेडिकल वेस्ट प्रकल्प विल्हेवाट लावण्याकरीता उभारले असतेवेळी वेस्टर्न कोल्डफिल्ड लि. चंद्रपुर क्षेत्रीय रूग्णालय, लालपेठ, क्षेत्रीय वैद्यकीय आधिकारी व त्यांचे सहयोगी कर्मचारी पदाची गरीमाची पायमल्ली करून नागरिकाच्या जीवाला व आरोग्याला मोठ्या प्रमाणात धोका निर्माण झालेला आहे. त्यांच्यावर लिपापोती करण्यात चंद्रपूर शहर महानगरपालिका, स्वच्छता विभाग सहभागी असल्याचे निदर्शनास आले आहे. illegal biomedical waste burning

    घाण कचरा संकलन गाडीमध्ये संपूर्ण कालबाहय झालेली औषधी आणि काही वैद्यकीय जाळलेली स पूर्ण सामुग्री वेस्टर्न कोल्डफिल्ड लि. चंद्रपूर क्षेत्रीय रूग्णालय, लालपेठ, क्षेत्रीय वैद्यकीय आधिकारी यांनी पदाचा दुरूपयोग करून कॉलनी परिसरात कचरा संकलन करण्याकरीता आलेल्या गाडीमध्ये टाकण्याकरीता कचरा संकलन करणा-या कर्मचारा-यावर दबाव यंत्रणेचा वापर करून कालवाहय झालेल्या औषणी आणि वैद्यकीय सामुग्री जाळलेल्या पाणकच-याची विल्हेवाट लावण्यास भाग पाडले. अशा क्षेत्रीय वैद्यकीय अधिकारी व त्या चे सहयोगी कर्मचारी या व्यावर योग्य ती कायदेशीर कार्यवाही करून फौजदारी गुन्हा दाखल करून निल बनाची कार्यवाही करण्यात अशी मागणी संस्थापक अध्यक्ष राजेश वारलूजी बेले संजीवनी पर्यावरण सामाजिक संस्था चंद्रपूर यांनी केली आहे

  • चंद्रपूरमध्ये मातृत्व व बालआरोग्यासाठी किलकारी मोफत सेवा सुरु

    गर्भवती महिला आणि बालआरोग्यासाठी भारत सरकारची मोफत ऑडिओ कॉल सेवा – किलकारी

    Kilkari audio messages for new mothers : चंद्रपूर 27 नोव्हेंबर (News३४) – मातृत्व व बालआरोग्य सशक्त करण्याच्या दिशेने केंद्र सरकारच्या आरोग्य आणि कुटुंब कल्याण मंत्रालय अंतर्गत किलकारी ही मोबाईल-आधारित मोफत स्वास्थ्य सेवा देशभर प्रभावीपणे कार्यरत आहे. या सेवेमधून गरोदर महिला व एक वर्षाखालील बाळ असलेल्या कुटुंबांना त्यांच्या मोबाईलवर स्थानिक भाषेत (मराठीसहित) आठवड्यातून 1 वेळा आरोग्यविषयक मार्गदर्शन ऑडिओ कॉलद्वारे दिले जाते.

    क्राईम – गोवंशीय जनावरांची वाहतूक, २ आरोपीना अटक

    कोण लाभ घेऊ शकतो?

    किमान 4 महिन्यांची नोंदणी झालेली गर्भवती महिला
    तसेच 1 वर्षाखालील बाळ असलेली कुटुंबे
    कॉल कोणत्या क्रमांकावरून येईल?
    या सेवेचे सर्व अधिकृत कॉल 1600403660 या फोन क्रमांकावरून येतात. नागरिकांनी हा क्रमांक आजच आपल्या मोबाईलमध्ये जतन (Save) करून ठेवावा, जेणेकरून कॉल सहज ओळखता येईल आणि महत्त्वाचा संदेश ऐकणे चुकू नये. येणारा कॉल हा ३ ते ५ मिनिटांचा असुन पुर्ण कॉल ऐकणे आवश्यक आहे.  


    गरोदर महिलेला कॉल कधीपासून येतात?
    गर्भधारणेच्या 13 व्या आठवड्यापासून (किंवा अंदाजे 4 थ्या महिन्यापासून) गरोदर महिलेला किलकारीचा फोन आठवड्यातून 1 वेळा येण्यास प्रारंभ होतो.
    तसेच बाळ 1 वर्षाचे होईपर्यंत हे कॉल नियमितपणे प्राप्त होत राहतात.
    कॉल चुकला तर काय?
    एखादा कॉल नागरिकांकडून चुकल्यास, किंवा पुन्हा ऐकायचा असल्यास, नोंदणीकृत मोबाईल क्रमांकावरून 14423 हा नंबर डायल करून त्याच आठवड्याचा किलकारी संदेश अगदी मोफत पुन्हा ऐकता येतो.


    किलकारी संदेशात काय असते?
    गरोदर महिलेच्या गर्भावस्थेच्या महिन्यानुसार आवश्यक आरोग्य सूचना
    उदा. जर एखादी महिला 5 व्या महिन्यात असेल, तर तिला 5 व्या महिन्यात अपेक्षित मार्गदर्शनच दिले जाते.
    त्याचप्रमाणे, बाळाच्या वयानुसार दर आठवड्याला बाळाच्या आरोग्य व देखभालीबाबत मार्गदर्शन दिले जाते.
    संदेशामध्ये आहार, औषधोपचार, नियमित तपासणी, लसीकरण, आजार प्रतिबंध, आरोग्यसवयी, आणि काळजी घेण्याच्या आवश्यक टिप्सचा समावेश असतो.


    सेवा सुरू करण्यासाठी नोंदणी कशी करावी?
    आपल्या भागातील आशा सेविका, ए.एन.एम. आरोग्य कर्मचारी किंवा जवळील शासकीय आरोग्य केंद्रात जा.
    गर्भधारणा किंवा बाळाच्या जन्माची अधिकृत नोंदणी करून घ्या.
    नोंदणी करताना तोच मोबाईल क्रमांक द्या ज्यावर तुम्हाला किलकारीचे कॉल प्राप्त करायचे आहेत.
    ही माहिती ऑनलाइन आर.सी.एच. प्रणाली मध्ये नोंदवली जाईल आणि त्यानंतर कॉल्स आपोआप सुरू होतील.


    सेवेचा मुख्य उद्देश –
    किलकारी सेवेमुळे गरोदर महिला, नवमाता, बाळ, आणि त्यांचे कुटुंब आरोग्यदृष्ट्या जागरूक होऊन निरोगी व आनंदी जीवन जगण्यास सक्षम बनतात. ही सेवा संपूर्णपणे मोफत असून, नागरिकांनी तिचा जास्तीत जास्त लाभ घेण्याचे आवाहन करण्यात येत आहे.
    अधिक माहितीसाठी –
    नागरिकांनी जवळील शासकीय आरोग्य केंद्र किंवा आशा व एएनएम आरोग्य कर्मचारी यांच्याशी संपर्क साधण्याचे आवाहन चंद्रपूर महानगरपालिकेतर्फे करण्यात येत आहे.

  • गोवंशीय जनावरांची क्रूर वाहतूक पोलिसांनी थांबवली, २ आरोपी अटकेत

    Chandrapur Illegal Cattle Transport Case : चंद्रपूर २७ नोव्हेम्बर (News३४) – गोवंशीय जनावरांच्या अवैध वाहतुकीवर बंदी असताना सुद्धा चंद्रपूर जिल्ह्यात याप्रकारची वाहतूक बेभामपणे सुरु आहे. २६ नोव्हेम्बर रोजी विरूर पोलिसांनी गोवंशीय जनावरांची क्रूरपणे होत असलेल्या वाहतुकीवर कारवाई करीत तब्बल ७ गोवंशीय जनावरांची सुटका करीत २ आरोपीना अटक केली आहे.

    हे वाचा – निवडणुकीच्या रणधुमाळीत युवकाने काढली तलवार आणि….

    २६ नोव्हेम्बर रोजी पोलिसांना मिळालेल्या गोपनीय माहितीच्या आधारावर महाराष्ट्र तेलंगणा राज्याच्या सीमेवर मौजा अंतरंगाव वनतपासणी नाक्यावर नाकाबंदी करीत महिंद्रा पिकअप वाहन क्रमांक MH३४ BZ ७६९१ ला थांबविण्यात आले. वाहनांची झडती घेतली असता त्यामध्ये ७ गोवंशीय जनावर आढळले, त्या जनावरांना अत्यंत निर्दयीपणे कोंडून तेलंगणा राज्यात नेल्या जात होते.

    पोलिसांनी ७ गोवंशीय जनावरांची सुटका करीत आरोपी ३१ वर्षीय शेख शाहरुख शेख मेहबूब व २९ वर्षीय सोहेल अहमद शेख हुसेन दोन्ही राहणार मौलाना आझाद वार्ड बल्लारपूर यांना अटक करण्यात आली. गोवंशीय जनावरे व गुन्ह्यात वापरलेले वाहन असा एकूण ९ लक्ष २५ हजारांचा मुद्देमाल पोलिसांनी जप्त केला. आरोपीवर विरूर पोलीस ठाण्यात कलम ५(ब), ९,११ महाराष्ट्र प्राणी संरक्षण अधिनियम १९७६ सहकलम ११ (१)(सी) प्राण्यांना निर्दयतेने वागविण्यास प्रतिबंध अधिनियम १९६० अन्व्ये गुन्हा दाखल करण्यात आला.

    सदरची यशस्वी कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे, उपविभागीय पोलीस अधिकारी सुधीर नंदनवार यांच्या मार्गदर्शनात सपोनि संतोष वाकडे, पोलीस कर्मचारी अफसर पठाण, विभीषण खटके, भूषण इटनकर , राहुल वैद्य व अविनाश बोरूले यांनी केली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by