My Blog

Tag: MH34

  • tiger attack in Chandrapur 2025 । पतीसमोर पत्नीला वाघाने नेले फरफटत, चंद्रपूर जिल्ह्यात वाघाच्या हल्ल्याचा थरार

    tiger attack in Chandrapur 2025

    tiger attack in Chandrapur 2025 : मूल:- जंगलात बांबूच्या बारीक काडया,सरपण आणि कुडयाची फुले आणण्यासाठी गेलेल्या महिलेवर वाघाने हल्ला करून जागीच ठार केले.ही घटना वनविकास महामंडळाच्या कम्पार्टमेंट नंबर 524 मध्ये मंगळवारी सकाळी 9 वाजताच्या दरम्यान भगवानपूर येथे घडली. human-wildlife conflict in Maharashtra

    मृतक महिला चिरोली येथील रहिवासी असून संजिवनी संजय मॅकलवार वय 45 असे तिचे नाव आहे. मृतक महिलेसोबत तिचा पती संजय आणि टोलवाही येथील नातेवाईक कवडू बोमनवार,शांताबाई कवडू बोमनवार हे चार जण होते. चौघेही सकाळीच भगवानपूर येथील जंगलात गेले होते.बांबूच्या बारीक काडया,सरपण आणि कुडयाची फुले आणण्याचा त्यांचा उददेश होता. चिरोली,टोलेवाही पासून तीन चार किमी अंतरावर भगवानपूरचे वनविकास महामंडळाचे जंगल आहे.

    वाळू घाटावर अल्पवयीन मुलाचा मृत्यू, प्रकरण दाबण्याचा प्रयत्न पण…

    त्याठिकाणी झुडपात दबा धरून बसलेल्या वाघाने संजिवनीवर हल्ला करून जागीच ठार केले.संजिवनीला फरफटत नेत असताना सोबत असलेल्या नातेवाईकांनी आणि पतीने आरडा ओरड करून वाघाला हुसकावून लावले. तो पर्यंत वाघाच्या हल्ल्यात संजिवनी गतप्राण झाली होती.

    ही घटना गावात माहित होताच वनविकास महामंडळाचे वनपरिक्षेत्र अधिकारी एस.बी.बोथे,वनपाल शिंदे, कर्मचारी गव्हारे,अशोक सिंघण, टोलेवाही येथिल पोलिस पाटिल संगिता चल्लावार,चिरोली येथील पोलिस पाटिल गोकूळ मोहूर्ले,चिरोली येथील वनरक्षक सविता गेडाम,प्राणीमित्र उमेश झिरे आणि मूल येथील प्रभारी पोलिस निरिक्षक सुबोध वंजारी घटनास्थळी दाखल झाले. recent tiger attacks in India 2025

    दहशतीचे वातावरण

    घटनेचा मोका पंचनामा करून मृतदेह मूल येथिल उपजिल्हा रूग्णालयात शवविच्छेेदनासाठी आणण्यात आला. या घटनेने चिरोली,टोलेवाही,भगवानपूर येथे खळबळ उडाली.परिसरातील शेतकर,शेतमजूर आणि गुराख्यांमध्ये दहशतीचे वातावरण पसरले आहे.

    शेतकरी वर्गात चिंतेचे वातावरण


    मूल तालुक्यातील वाघाच्या हल्ल्यातील मे महिण्यातील ही सहावी घटना आहे.चंद्रपूर जिल्हयातील 17 दिवसातील ही ११ घटना आहे.वाघाच्या वाढत्या हल्ल्यामुळे मानव वन्यजीव संघर्ष शिगेला पोहचत आहे.खरीप हंगाम तोंडावर असताना वाघाच्या वाढत्या हल्ल्यामुळे शेतकरी वर्गांमध्ये मोठे चिंतेचे वातावरण आहे.

    ५ महिन्यात २३ नागरिकांचा मृत्यू

    २०२५ या वर्षाच्या सुरुवातीपासून चंद्रपूर जिल्ह्यात मानव वन्यजीव संघर्षाची सुरुवात झाली, ५ महिन्यात तब्बल २३ नागरिकांचा वाघाच्या हल्ल्यात मृत्यू झाला आहे, तर मे महिन्यात ११ नागरिकांची वाघाने शिकार केली, वनविभाग मार्फत वाघाच्या वाढत्या हल्ल्यांवर अजूनही काही ठोस उपायोजना करण्यात आल्या नसल्याने नागरिकांमध्ये असंतोष पसरला आहे.

  • side effects of drinking water after meals । जेवणानंतर पाणी पिताय? ही सवय आरोग्यावर घालू शकते घाला!

    side effects of drinking water after meals

    side effects of drinking water after meals in marathi : खाण्यानंतर पाणी पिणे आरोग्यासाठी घातक का असते? जाणून घ्या कारणं आणि योग्य वेळ

    आपल्या घरातील आजी-आजोबा नेहमी सांगतात की खाण्यानंतर लगेच पाणी पिऊ नये, पण तुम्ही कधी विचार केला आहे का, की असं का म्हणतात? जेवणानंतर पाणी पिण्यामुळे काही गंभीर आरोग्यविषयक समस्या होऊ शकतात. चला जाणून घेऊया की त्यामागील नेमकं कारण काय आहे आणि खाण्यानंतर पाणी पिण्याचा योग्य वेळ कोणता असावा? Why you should not drink water after eating

    पावसाळ्यात आरोग्याची काळजी कशी घ्याल?

    ✅ जेवणानंतर लगेच पाणी पिण्याचे तोटे (Side Effects of Drinking Water After Meals):

    1. पचनक्रिया मंदावते:
      जेव्हा आपण जेवतो, तेव्हा पचनासाठी आवश्यक असलेले डाइजेस्टिव एंजाइम्स (Digestive Enzymes) पोटात स्रवित होतात. हे एंजाइम्स अन्न पचवण्यासाठी आणि त्यातील पोषण घटक शोषून घेण्यासाठी महत्त्वाचे असतात.
    2. एंजाइम्स डायल्यूट होतात:
      जेवणानंतर लगेच पाणी प्यायल्यास हे एंजाइम्स पातळ होतात आणि त्यांच्या कार्यक्षमतेवर परिणाम होतो. यामुळे अन्न पचवण्यासाठी जास्त वेळ लागतो.
    3. पोषण शोषणात अडथळा:
      पचन प्रक्रिया कमजोर झाल्यास अन्नातून आवश्यक पोषण घटक शोषले जात नाहीत आणि शरीरास अपेक्षित पोषण मिळत नाही.
    4. अॅसिडिटी व गॅसचा त्रास:
      पचन नीट न झाल्यास एसिड रिफ्लक्स, गॅस, छातीत जळजळ व खट्टी ढेकरा येऊ शकतात.

    ✅ आयुर्वेदाचा दृष्टिकोन:

    आयुर्वेदातही सांगितले आहे की जेवणानंतर पाणी पिऊ नये, कारण यामुळे जठराग्नी मंदावतो. जठराग्नी म्हणजे पचनशक्ती, जी अन्न पचवण्यास मदत करते. पाणी पिण्यामुळे ती कमी होते आणि अन्न नीटपणे पचत नाही.

    ✅ पाणी पिण्याचा योग्य वेळ (Best Time to Drink Water):

    • जेवणापूर्वी 30 मिनिटे आधी पाणी प्यावे.
    • जेवणानंतर किमान 45 मिनिटांनी पाणी प्यावे.
    • जर गिळताना अन्न अडकले, तर थोडं पाणी पिणे चालू शकते.

    खाण्यानंतर लगेच पाणी पिणे टाळा, कारण यामुळे पचनक्रियेवर विपरीत परिणाम होतो आणि शरीराला अपेक्षित पोषण मिळत नाही. योग्य वेळी पाणी पिल्यास अन्न नीट पचते आणि आरोग्य चांगले राहते.

  • how to boost immunity during monsoon । मान्सूनमध्ये रोगांपासून बचावासाठी आयुर्वेदिक आणि नैसर्गिक उपाय

    how to boost immunity during monsoon

    how to boost immunity during monsoon : 🌧️ मान्सूनपूर्वीच बरसात! आरोग्याची काळजी घेण्यासाठी हे उपाय जरूर करा

    भारताच्या अनेक राज्यांमध्ये मान्सूनने वेळेपुर्वीच हजेरी लावली आहे. काही शहरांमध्ये हवामान आल्हाददायक असले तरी अनेक ठिकाणी पावसामुळे जनजीवन विस्कळीत झाले आहे. महत्वाचं म्हणजे, हवामान विभाग (IMD) ने 2025 मध्ये सरासरीच्या 105% पावसाची शक्यता वर्तवली आहे.

    मधुमेहींनी मध खायचं का?

    ☔ पावसात राहत नाही केवळ गारवा, तर येतात अनेक आजार

    पावसाळ्यात गारवा आणि थंडावा मिळतो, पण त्याचबरोबर हवा व नमीमुळे सर्दी-खोकला, डेंग्यू, मलेरिया, फंगल इंफेक्शन यासारख्या आजारांचा धोका वाढतो.

    🚱 पाण्यामुळे होणारे आजार टाळा

    • टायफॉईड, हैजा आणि गॅस्ट्रोएन्टेरायटिस यांसारखे आजार दूषित पाण्यामुळे होतात.
    • नेहमी उकळलेले किंवा फिल्टर केलेले पाणीच प्या.
    • बाहेरचे स्ट्रीट फूड आणि पाण्यापासून शक्यतो दूर राहा.
    • पाण्याच्या बाटल्या किंवा कंटेनर नियमितपणे स्वच्छ ठेवा.
    • नींबू, आलं आणि काळं मीठ घालून पाणी पिण्याने इम्युनिटी वाढते.

    🛡️ इम्युनिटी वाढवण्यासाठी आहारात या गोष्टी ठेवा

    2024 मध्ये प्रकाशित झालेल्या रिसर्चनुसार, व्हिटॅमिन C, D आणि झिंकयुक्त अन्न रोगप्रतिकारशक्ती वाढवते:

    • आहारात संतरा, लिंबू, आवळा आणि हिरव्या भाज्या असाव्यात.
    • आलं, लसूण आणि हळद हे नैसर्गिक अँटी-बॅक्टेरियल आणि अँटी-वायरल घटक आहेत.
    • तुळस, आलं आणि काळी मिरीचा काढा नियमित प्या.

    🦟 डेंग्यू, मलेरिया आणि चिकनगुनियापासून बचाव

    WHO नुसार, भारतात दरवर्षी मान्सूनमध्ये डेंग्यूचे रुग्ण वाढतात.(how to prevent dengue during monsoon)

    • मच्छरदाणी आणि मॉस्किटो रिपेलेंटचा वापर करा.
    • घराच्या आजूबाजूला पाणी साचू देऊ नका. मच्छर याठिकाणी वाढतात.

    🌧️ फंगल इन्फेक्शन आणि त्वचेच्या समस्या टाळण्यासाठी

    • नमीमुळे त्वचेवर बॅक्टेरिया आणि फंगस पटकन वाढतो.
    • पावसात भिजल्यावर लगेच अंघोळ करा आणि त्वचा कोरडी ठेवा.
    • इम्पेटिगो, खाजखुजलीसारख्या त्वचारोगांपासून बचाव करता येतो.

    ❤️ हृदय रुग्णांनी घ्या विशेष काळजी

    • मान्सूनमध्ये वाढलेली उमस हृदयावर अतिरिक्त ताण आणते.
    • मेडिटेशन, डीप ब्रीदिंग आणि स्ट्रेस मॅनेजमेंट उपयुक्त ठरते.
    • रेग्युलर हेल्थ चेकअप करून हृदयाचं आरोग्य सांभाळा. monsoon health tips for adults

    मान्सूनमध्ये आरोग्याची विशेष काळजी घेणे गरजेचे आहे. स्वच्छ पाणी, संतुलित आहार, रोगप्रतिकारशक्ती वाढवणारे पदार्थ, आणि मच्छरांपासून संरक्षण हे आपल्या दैनंदिन जीवनाचा भाग व्हायला हवेत. पावसाचा आनंद घ्या, पण सावधगिरी बाळगूनच!

  • Is honey safer than sugar for diabetics । मध की साखर? डायबिटीज रुग्णांसाठी योग्य पर्याय कोणता?

    Is honey safer than sugar for diabetics

    Is honey safer than sugar for diabetics मध (शहद) डायबिटीज रुग्णांसाठी सुरक्षित आहे का? जाणून घ्या महत्त्वाची माहिती

    डायबिटीज आणि मध: मध (शहद) हा एक नैसर्गिक आणि पोषक पर्याय मानला जातो. पण अनेकांच्या मनात प्रश्न असतो – डायबिटीज असताना मध खाणं सुरक्षित आहे का? डायबिटीजमध्ये रक्तातील साखरेची पातळी नियंत्रित ठेवणे अत्यंत महत्त्वाचे असते. आपण जे खातो त्याचा थेट परिणाम आपल्या ब्लड शुगर लेव्हलवर होतो.

    मधामध्ये नैसर्गिक साखर असते

    मधामध्ये नैसर्गिक साखर असते, जी ब्लड शुगरवर परिणाम करू शकते. मात्र, काही संशोधन असे सुचवते की मध ही पांढऱ्या साखरेपेक्षा थोडीशी चांगली पर्याय ठरू शकते – पण तीही मर्यादित प्रमाणातच सेवन करावी.

    चंद्रपूर जिल्ह्यातील ११ मुलांची मुंबई मध्ये निशुल्क शस्त्रक्रिया

    मधाचा ग्लायसेमिक इंडेक्स (GI)

    विशेषज्ञांच्या मते, मधाचा ग्लायसेमिक इंडेक्स (GI) पांढऱ्या साखरेपेक्षा कमी असतो. याचा अर्थ असा की मध ब्लड शुगर हळूहळू वाढवतो, म्हणजेच ब्लड शुगरमध्ये अचानक स्पाइक येत नाही. तरीही, मध हे कार्बोहायड्रेटच आहे, त्यामुळे याचे प्रमाण नियंत्रणात ठेवणे गरजेचे आहे.

    मधाचे फायदे

    • अँटीऑक्सिडंट्सने भरपूर: मधामध्ये अँटीऑक्सिडंट्स असतात, जे शरीरातील सूज कमी करण्यात मदत करतात.
    • नैसर्गिक गोडवा: मध हे पांढऱ्या साखरेपेक्षा अधिक पोषणदायक असून त्यात थोडेफार व्हिटॅमिन्स आणि मिनरल्सही असतात.
    • घशासाठी आणि पचनासाठी फायदेशीर: मध घशातील खवखव कमी करतो आणि पचनक्रिया सुधारण्यास मदत करतो. Is honey good for diabetics

    मध सेवन करताना घ्या ही काळजी

    1. मर्यादित प्रमाणात सेवन करा: दिवसभरात 1-2 चमच्यांपेक्षा अधिक मध घेऊ नका.
    2. फायबरयुक्त अन्नासोबत खा: मध फळे, ओट्स, किंवा संपूर्ण धान्यांसोबत खाल्ल्यास ब्लड शुगरवर परिणाम कमी होतो.
    3. शुद्ध मध निवडा: प्रोसेस्ड मधामध्ये अतिरिक्त साखर असते, जी डायबिटीकसाठी हानिकारक ठरू शकते.
    4. डॉक्टरांचा सल्ला घ्या: जर तुम्ही इंसुलिन किंवा इतर डायबिटीज औषधे घेत असाल, तर मध घेण्याआधी डॉक्टरांचा सल्ला आवश्यक आहे. How much honey can a diabetic eat

    मध खाऊ शकता, पण काळजीपूर्वक

    डायबिटीज रुग्णांनी मध मर्यादित प्रमाणात सेवन करावा. हा पांढऱ्या साखरेचा पर्याय म्हणून वापरू नये. शुद्ध व नैसर्गिक मध निवडा आणि तो संतुलित आहारासोबतच घ्या. सर्वात महत्त्वाचे म्हणजे, डॉक्टरांचा सल्ला घेणे विसरू नका.

  • student dies in sand mining site । वाळू घाटावर नववीच्या विद्यार्थ्याचा मृत्यू – ट्रॉलीवरून उडी घेताना जीव गमावला!

    student dies in sand mining site

    student dies in sand mining site : ब्रम्हपुरी: ब्रम्हपुरी तालुक्यात गोसीखुर्द कालव्याच्या कामासाठी नुकतेच वाळू घाट देण्यात आले आहेत. मात्र, यानंतरही काही वाळू तस्कर सक्रिय असल्याचे दिसून येत आहे. तालुक्यातील चिखलधोकडा येथे ही बाब अधिक गंभीर ठरली, कारण घाट सुरू झाल्याच्या पहिल्याच दिवशी एका शाळकरी विद्यार्थ्याचा दुर्दैवी मृत्यू झाला.

    सोमवारी सकाळी सुमारे १० वाजता चिखलधोकडा वाळू घाटावर ही हृदयद्रावक घटना घडली. श्रीकांत रामलाल बठे (वय १७), जो अर्हेर नवरगावचा रहिवासी असून नवव्या वर्गात शिकत होता, त्याचा अपघाती मृत्यू झाला.

    बल्लारपूर-गोंदिया रेल्वे मार्गावर रेल्वेच्या धडकेत अस्वलाचा मृत्यू

    मिळालेल्या माहितीनुसार, काही तस्कर वाळू घाटाचा लिलाव झाल्याचे सांगून अवैधपणे वाळू उपसा करत होते. याच दरम्यान, ट्रॅक्टर ट्रॉलीमध्ये वाळू भरण्याचे काम सुरू होते. श्रीकांत त्याच्या कामावर असलेल्या नातेवाईकाला जेवणाचा डबा देण्यासाठी वाळू घाटावर गेला होता. तो भरलेल्या ट्रॉलीवर चढला आणि खाली उतरण्याच्या प्रयत्नात त्याने उडी मारली. दुर्दैवाने, खाली उतरताना ट्रॉलीचा लोखंडी रॉड त्याच्या गुप्तांगाला लागला, ज्यामुळे त्याला गंभीर दुखापत झाली आणि मोठ्या प्रमाणात रक्तस्त्राव झाला. याच कारणामुळे त्याचा जागीच मृत्यू झाला. sand mining accidents

    मृत्यू प्रकरणाला दाबण्याचा प्रयत्न

    घटनेनंतर काही वेळ या प्रकरणाला दाबण्याचा प्रयत्न करण्यात आला, परंतु समाज माध्यमांवर या घटनेची माहिती पोहोचल्याने अखेर पोलिसांना याची सूचना देण्यात आली. ब्रम्हपुरी पोलिसांनी तातडीने घटनास्थळी धाव घेऊन पंचनामा केला. त्यानंतर मृतदेह शवविच्छेदनासाठी पाठवण्यात आला आणि शवविच्छेदनानंतर तो नातेवाईकांच्या ताब्यात देण्यात आला. unauthorized sand excavation news

    सध्या ब्रम्हपुरी पोलीस या घटनेचा अधिक तपास करत आहेत. या दुर्दैवी घटनेमुळे परिसरात शोककळा पसरली आहे. एका निष्पाप विद्यार्थ्याचा अशा प्रकारे जीव गेल्याने हळहळ व्यक्त होत आहे. तसेच, वाळू तस्करांच्या बेकायदेशीर कृत्यांमुळे हा अपघात घडला, याबद्दल नागरिकांमध्ये संताप आहे.

    याप्रकरणी चालक नितेश राऊत (२४) याच्याविरुद्ध बीएनएसच्या कलम २८१,१०६(१) आणि मोटार वाहन कायद्याच्या १८४ अंतर्गत गुन्हा दाखल करण्यात आला आहे.

  • MLA health initiative । “मायेची सावली” ठरले आमदार – गरजूंसाठी आरोग्याचा प्रकाश

    MLA health initiative

    MLA health initiative : जिल्ह्यातील गरजू रुग्णांसाठी आमदार किशोर जोरगेवार यांच्या पुढाकारातून मोठा दिलासा देणारी मोहीम राबवण्यात आली आहे. ज्युपिटर हॉस्पिटल, मुंबई आणि जिल्हा सामान्य रुग्णालय यांच्या संयुक्त विद्यमाने नुकतेच आरोग्य शिबिर आयोजित करण्यात आले होते. या शिबिरात तपासण्यात आलेल्या बालकांपैकी ११ बालकांना पहिल्या टप्प्यात पुढील उपचारासाठी आज मुंबईला रेल्वेने रवाना करण्यात आले. तेथे त्यांच्यावर हृदयविकारावर शस्त्रक्रिया करण्यात येणार आहे. Free heart surgery aid

    आमदार जोरगेवार यांचा पाठपुरावा, चंद्रपूर जिल्हा मध्यवर्ती बँकेच्या सायबर घोटाळ्याची होणार चौकशी

    या शस्त्रक्रियांसाठी एका रुग्णावर अंदाजे २ ते ४ लाख रुपये खर्च अपेक्षित आहे. या ११ रुग्णांवर साधारणतः ४० लाख रुपयांच्या शस्त्रक्रिया होणार आहेत. हा संपूर्ण खर्च आमदार किशोर जोरगेवार यांच्या पुढाकारातून करण्यात आला आहे. याशिवाय, रुग्ण बालकासह त्यांच्या दोन नातलगांच्या मुंबईतील राहण्याची व प्रवासाची संपूर्ण व्यवस्था आमदार किशोर जोरगेवार यांच्या वतीने करण्यात आली आहे. या उपक्रमामुळे रुग्ण व त्यांच्या कुटुंबीयांनी आमदारांच्या सामाजिक भानाबद्दल समाधान व्यक्त केले आहे.विनोद बुरांडे, प्रविण वाभितकर, रिया सराटे, प्रांजली जिवतोडे, रोहिनी मोहुर्ले, यश वय्यातकर, प्रविन वासेकर, प्रज्ञा नागोसे, नीलिमा शेंडे, रिद्धी बत्तुलवार अशी पाठविण्यात आलेल्या रुग्णांची नावे आहेत.

    medical help for poor children

    आज सकाळी ९.३० वाजता या बालकांना त्यांच्या पालकांसह मुंबईकडे रेल्वेने रवाना करण्यात आले. आमदारांच्या पुढाकारामुळे कोणतीही आर्थिक अडचण न येता मोफत उपचार मिळणार असल्याने रुग्णांचे नातेवाईक भारावून गेले आहेत. आमच्या घरात अशा महागड्या उपचारांची सोय शक्यच नव्हती. आमदार किशोर जोरगेवार यांनी आमच्यावर मायेची सावली धरली, असे भावुक उद्गार बालकांच्या आई-वडिलांनी व्यक्त केले आहेत. medical help for poor children

    उपचारासाठी सर्वतोपरी मदत करणार

    समाजातील गरजू रुग्णांना दर्जेदार उपचार मिळवून देणे हे माझे कर्तव्य आहे. आरोग्य शिबिरात पात्र झालेले रुग्ण गंभीर आजारांशी झुंज देत आहेत. त्यांच्या उपचारासाठी आर्थिक अडचण येऊ नये, यासाठीच आमच्या पुढाकारातून या शस्त्रक्रियांचा संपूर्ण खर्च उचलण्यात आला आहे. या बालकांच्या चेहऱ्यावर हसू फुलवण्यात आपण यशस्वी होत आहोत. त्यांच्या उत्तम उपचारासाठी सर्वतोपरी मदत करण्यासाठी आम्ही तत्पर आहोत, असे आमदार जोरगेवार यांनी सांगितले.

    आमदार किशोर जोरगेवार यांच्या पुढाकारातून राबवण्यात आलेल्या या उपक्रमामुळे गरजू रुग्णांना केवळ उपचारच मिळत नाहीत, तर त्यांच्या जीवनात नव्या आशा निर्माण होत आहेत. चंद्रपूरसारख्या जिल्ह्यातून मुंबईसारख्या मोठ्या शहरातील नामांकित रुग्णालयांमध्ये शस्त्रक्रियेची संधी मिळणे ही निशुल्क आरोग्यसेवा उपक्रमाची मोठी देणगी ठरली आहे. तर पुढील टप्यात आणखी रुग्णांना उपचाराकरीता मुंबई येथे पाठविण्यात येणार आहे. 

  • benefits of summer sports training camps । ‘समर कॅम्प’ तरुणांना सुपरफिट ठेवण्याचा उपक्रम – आ. सुधीर मुनगंटीवार

    benefits of summer sports training camps

    benefits of summer sports training camps : चंद्रपूर – जिल्ह्यातील युवक-युवतींना शारीरिक, मानसिक आणि बौद्धिकदृष्ट्या सक्षम बनवण्यासाठी विविध उपक्रमांची प्रभावी अंमलबजावणी सुरू झाली आहे. बल्लारपूर येथे १ मेपासून सुरू झालेल्या उन्हाळी शिबिरात एकूण १५ खेळांचे प्रशिक्षण देण्यात आले असून, समाजभान आणि मूल्यसंस्कारांची जोड देणाऱ्या या उपक्रमांमुळे विद्यार्थ्यांमध्ये सकारात्मक बदल घडत आहेत.हा ‘समर कॅम्प’ तरुणांना सुपरफिट ठेवणारा प्रभावी उपक्रम असल्याचे प्रतिपादन राज्याचे माजी वने, सांस्कृतिक कार्य व मत्स्य व्यवसाय मंत्री तथा आमदार श्री. सुधीर मुनगंटीवार यांनी शिबिराच्या समारोप समारंभात केले. youth development through sports India

    चंद्रपूर जिल्हा मध्यवर्ती बँकेच्या सायबर घोटाळ्याची होणार चौकशी

    हे शिबिर स्वर्गीय डॉ. सच्चिदानंदजी मुनगंटीवार यांच्या स्मृतीप्रित्यर्थ आयोजित करण्यात आले होते. या कार्यक्रमाचे आयोजक श्रीकांत आंबेकर अध्यक्ष, सुधीरभाऊ फॅन्स क्लब बल्लारपूर, समीर केने, काशी सिंग, मुन्ना ठाकूर, राजू दारी, संदीप पुणे, सुनील यादव, प्रशांत झांबरे, रोहित तुक्कर आदिंची उपस्थिती होती.

    youth development sports

    ‘मिशन ऑलिंपिक २०३६’च्या दिशेने भक्कम पाऊल

    आ. मुनगंटीवार पुढे म्हणाले की, जिल्ह्यातील बल्लारपूर, मुल, पोंभुर्णा आणि चंद्रपूर येथे युवकांसाठी दर्जेदार क्रीडा सुविधा उभारण्यात आल्या आहेत. चंद्रपूरमधील वातानुकूलित बॅडमिंटन कोर्ट, बल्लारपूरमधील कॉलरी गेट मैदान, वन अकादमी आणि सैनिकी शाळेतील सुविधा हे प्रेरणादायी ठरत आहेत.स्वातंत्र्यसैनिक वीर बाबुराव शेडमाके यांच्या नावाने म्हाडामध्ये उभारले जात असलेले २५ खेळप्रकारांचे अत्याधुनिक स्टेडियम ‘मिशन ऑलिंपिक २०३६’च्या दिशेने भक्कम पाऊल ठरेल, असा विश्वासही आ.मुनगंटीवार यांनी व्यक्त केला.

    sudhir mungantiwar

    विसापूर क्रीडा संकुलात झालेल्या राष्ट्रीय अ‍ॅथलेटिक्स स्पर्धेला देशभरातील २८ राज्यांमधून स्पर्धकांनी सहभाग नोंदवला होता. या स्पर्धेच्या यशस्वी आयोजनाचे सर्वत्र कौतुक झाले आहे.समर कॅम्पच्या उत्कृष्ट आयोजनासाठी आ. मुनगंटीवार यावेळी अभिनंदन केले.

    महिला सक्षमीकरणासाठी कौशल्य विकास उपक्रम


    गरजू मुलींसाठी एस.एन.डी.टी. विद्यापीठ व स्व. सुषमा स्वराज स्किल सेंटरच्या माध्यमातून कौशल्य प्रशिक्षण उपक्रम राबवले जात आहेत. या उपक्रमांमधून अनेक मुलींना स्वबळावर उभं राहण्याची संधी मिळत आहे.विसापूर येथे ‘आर्चरी सेंटर’ सुरू करण्याचे नियोजन असून, युवक-युवतींनी या क्रीडा व प्रशिक्षण सुविधांचा लाभ घ्यावा, असे आवाहन आमदार मुनगंटीवार यांनी यावेळी केले.

  • Raghoji Bhangare Gunagaurav Yojana । गुणवंत आदिवासी विद्यार्थ्यांसाठी राघोजी भांगरे गुणगौरव योजना

    Raghoji Bhangare Gunagaurav Yojana

    Raghoji Bhangare Gunagaurav Yojana : चंद्रपूर २५ मे (News३४) – इयत्ता 10 वी आणि 12 वीच्या परीक्षेत विशेष प्राविण्यासह यश संपादन करणाऱ्या अनुसूचित जमाती प्रवर्गातील विद्यार्थ्यांना प्रोत्साहन देण्यासाठी आदिवासी विकास विभागाकडून ‘राघोजी भांगरे गुणगौरव योजना’ राबविण्यात येत आहे. त्याअंतर्गत 10 वी, 12 वीच्या यशवंतांचा प्रकल्प कार्यालय, अपर आयुक्त आणि राज्यस्तरावर सन्मान केला जाणार आहे. संबधित विद्यार्थ्यांना ५ हजार ते ३० हजार रुपयांपर्यंत रोख बक्षीस देण्यात येणार आहे.

    चंद्रपुरातील महाकाली मंदिरात शिरले दहशतवादी

    राज्यातील अनुसूचित जमातीच्या विद्यार्थ्यांसाठी आदिवासी विकास विभागाकडून शासकीय व अनुदानित आश्रमशाळा, नामांकित शाळा, सैनिकी शाळा, एकलव्य मॉडेल रेसिडेन्सियल स्कूल चालविल्या जातात. यातील काही शाळा राज्य शिक्षण मंडळ तर काही शाळा केंद्रीय माध्यमिक शिक्षण मंडळाशी संलग्न आहे. या दोन्ही मंडळाकडून घेण्यात आलेल्या इयत्ता दहावी आणि बारावीच्या परीक्षेत आदिवासी विद्यार्थ्यांनी घवघवीत यश संपादन केले आहे. दहावीसह 12 वी कला, वाणिज्य आणि विज्ञान शाखेतील प्रत्येकी 5 गुणवंत मुला-मुलींना पारितोषिक (Tribal Students with Merit Rewards) दिले जाणार आहे.

    राज्य शिक्षण मंडळाच्या गुणवंतांचा होणार सत्कार

    गुणवत्ता यादीत विशेष प्राविण्यासह गुण मिळवून राज्य, अपर आयुक्त आणि प्रकल्पात प्रथम येणाऱ्या 5 मुला-मुलींना गौरविण्यात येणार आहे. सीबीएसई बोर्डाचे विभागीय मंडळ नसल्याने ते वगळून राज्य शिक्षण मंडळाच्या 9 विभागीय मंडळातील प्रत्येकी 24 गुणवंतांना 10 महिन्यांसाठी प्रतिमाह 1 हजार रुपये अनुदान दिले जाणार आहे. अपर आयुक्त आणि प्रकल्प स्तरावर शासकीय व अनुदानित आश्रमशाळेतून प्रथम येणाऱ्या 3 मुला-मुलींना सन्मानित करण्यात येणार आहे. दरम्यान, 100 टक्के निकाल लागलेल्या आश्रमशाळांचा सत्कार केला जाणार आहे.  

    असे मिळणार रोख पारितोषिक: Raghoji Bhangare Gunagaurav Yojana

    राज्यस्तरावर प्रथम क्रमांक 30 हजार, द्वितीय 25 हजार,  तृतीय 20 हजार, चतुर्थ 15 हजार आणि पाचवा क्रमांकासाठी 10 हजार रुपये.

    अपर आयुक्त स्तरावर प्रथम क्रमांक 15 हजार, द्वितीय 10 हजार,  तृतीय 7 हजार रुपये. तर प्रकल्प कार्यालय स्तरावर प्रथम 10 हजार,  द्वितीय 7 हजार आणि तृतीय 5 हजार रुपये देण्यात येणार आहे.

    अनुसूचित जमातीतील विद्यार्थ्यांना प्रोत्साहन देऊन त्यांना गुणवत्तेबाबत आवड निर्माण करण्यासाठी ‘राघोजी भांगरे गुणगौरव योजना’ सुरु करण्यात आली आहे. इयत्ता 10 व 12 वी च्या परीक्षेत विशेष प्राविण्य मिळवलेल्या विद्यार्थ्यांचा प्रकल्प कार्यालय, अपर आयुक्त आणि राज्यस्तरावर रोख पारितोषिक देऊन सत्कार केला जाणार आहे. 100 टक्के निकाल लागलेल्या आश्रमशाळेचे मुख्यध्यापक आणि शिक्षकांचा सन्मान करण्यात येणार आहे.

  • Outdoor Skating in Natural Parks । ‘नेचर स्केटिंग सफारी’चा भन्नाट उपक्रम – स्केटिंग आणि निसर्गप्रेमाची अनोखी सांगड!

    Outdoor Skating in Natural Parks

    Outdoor Skating in Natural Parks : चंद्रपूर : व्याघ्रभूमी म्हणून ओळखल्या जाणाऱ्या चंद्रपूर शहरातील  शंकर क्रीडा व सांस्कृतिक मंडळाच्या वतीने नुकतेच ‘नेचर स्केटिंग सफारी’ चे आयोजन करण्यात आले होते. या उपक्रमात सहभागी 10 स्केटिंग खेळाडूंनी दुर्गापूर – पद्मापूर – आगरझरी ते मोहरली या ताडोबा अभयारण्याच्या क्षेत्रातील  एकूण १० किलोमीटरचा निसर्गरम्य आणि जंगल रस्ता स्केटिंग करत पार केला.

    चंद्रपुरातील दीक्षाभूमी होणार जागतिक दर्जाची

    या स्केटिंग सफारीचा मुख्य उद्देश निसर्ग संवर्धन, व्यायाम, खेळ व आरोग्यपूर्ण जीवनशैलीचा संदेश देणे आणि वृक्षारोपणाबाबत जनजागृती करणे हा होता. सफारीमध्ये सहभागी स्केटर्सनी साहसी व खेळाडू वृत्तीने परिसरात सामाजिक प्रबोधन केले. या साहसी सफारी उपक्रमात यज्ञेश प्रवीण भोंगळे (10), देवांशी गोजे (9), अंश मल्लेलवार (6), कृष्णा कलोडे (15), अनिश निखाडे (13), पार्थ रामटेके (9), युवराज चौधरी, अक्षित करडभुजे (12), माहांश राखुंडे (6). या बालखेळाडू स्केटर्सनी सहभाग घेतला. Adventure Skating Tours for Children

    नामवंत खेळाडूंची उपस्थिती

    या सफारीचे मार्गदर्शन राष्ट्रीय स्तरावरील नामवंत स्केटिंग प्रशिक्षक तथा तांत्रिक अधिकारी विनोद निखाडे व राष्ट्रीय रोलर हॉकी खेळाडू ईशा विनोद निखाडे यांनी केले.खेलो इंडिया या संकल्पनेतून खेळाडूंची साहसी वृत्ती प्रदर्शित करणारा हा उपक्रम निसर्ग संवर्धनासाठी समाजाला प्रेरणा देणारा ठरला.

  • Political creditism in Chandrapur । लेंडाळा तलाव राजकीय श्रेयवाद, प्रकल्प तुमच्या काळातील पण मंजुरी माझ्या कार्यकाळात

    Political creditism in Chandrapur

    Political creditism in Chandrapur : भद्रावती – लेंडाळा तलाव पुनरुज्जीवन योजनेला नुकतीच अमृत २.० योजनेंतर्गत अंतिम मंजुरी मिळाल्यानंतर, या पार्श्वभूमीवर खासदार प्रतिभा धानोरकर यांनी केलेल्या फुकटचे श्रेय घेऊ नये या वक्तव्याला आता नगर परिषदेच्या अधिकृत नोंदीतूनच प्रत्युत्तर मिळाले आहे.


    सन 2022 मध्ये अमृत – 2.0 योजने अंतर्गत महाराष्ट्रातील नगरपालिकांना पाणी पुरवठा योजना, सांडपाणी व्यवस्थापन, तलाव खोलीकरण, ग्रीन पार्क  या अंतर्गत प्रस्ताव मागविण्यात आले होते. त्या अनुषंगाने भद्रावती नगर परिषद कडुन वाढीव पाणी पुरवठा योजना आणि  लेंडाळा तलाव सौणदर्यीकरणाचे प्रस्ताव ऑनलाईन दाखल करण्यात आले. ते मंजूर होऊन दोन्ही प्रकल्पा साठी DPR बनवण्या करिता शासनाकडून कळवण्यात आले आणि दोन्ही प्रकल्पाचे DPR बनवून तांत्रिक मान्यता घेऊन सदर प्रकल्प अंतीम मंजुरीकरीता सादर करण्यात आले. lake restoration projects

    भद्रावती लेंडाळा तलाव पुनरुज्जीवन प्रकल्पावरून आमदार-खासदाराच्या श्रेयवाद रंगला

    या दोन्ही प्रकल्पापैकी वाढीव पाणी पुरवठा योजनेला मा प्रधान सचिव यांच्या स्तरावर असलेली SLTC (state Level technical commitee) ची मान्यता भेटून वाढीव पाणी पुरवठा योजना ला तेव्हाच प्रशासकीय मान्यता देखील भेटली. तसेच लेंडाळा तलाव खोलीकरण व सौंदर्यीकरणाच्या प्रस्तावाला देखील SLTC ची मान्यता दि. 4/02/2023 ला भेटली, परंतु प्रशासकीय मान्यता भेटलेली नव्हती.


    करण देवतळे वरोरा भद्रावती विधानसभा मतदारसंघाचे आमदार (mla karan deotale) म्हणून नियुक्त झाल्यावर त्यांनी भद्रावती नगर परिषदेची आढावा बैठक घेतली. या बैठकित जिल्हास्तरावर, मंत्रालयीन स्तरावर कोण कोणते कामे प्रलंबित आहेत याचा रितसर आढावा घेतला. या बैठकीत नगर परिषदेचे मुख्याधिकारी यांनी स्पष्टपणे नमूद केले की, लेंडाळा प्रकल्पास तांत्रिक मान्यता मिळालेली असूनही त्यानंतरही तब्बल 2 वर्षाचा कालावधी होऊनसुध्दा अंतिम मंजुरी म्हणजेच प्रशासकिय मान्यता मिळालेली नाही असे सांगितले. तसेच त्यासोबतच मुख्याधिकारी यांनी जिल्हा स्तरावर पर्यटन निधी अंतर्गत असलेले प्रस्ताव, नावीन्यपूर्ण योजनेअंतर्गत प्रलंबित E – अभ्यासिकेचा प्रस्ताव तसेच इतरही कामासंबधी आढावा सभेत माहिती दिली. lake restoration projects

    पाठपुरावा करीत प्रशासकीय मान्यता आमच्यामुळे


    भद्रावती नगर परिषदेच्या समवेत सेलू नगर पंचायत पाणी पुरवठा ,पवनी  नगर परिषद अंतर्गत तलाव सौंदरीकरण या नगर पालिका आणि इतरही  5 नगर परिषदा यांचे प्रस्ताव होते त्यांच्या प्रस्तावांना दोन वर्षापुर्वीच प्रशासकीय मान्यता देखील भेटली केवळ भद्रावती नगर परिषदेच्या लेडाळा तलाव खोलीकरण व सौंदर्यीकरणाच्या प्रस्तावाला प्रशासकिय मान्यता भेटलेली नव्हती आणि गेल्या 2 वर्षापासून सदर प्रकरणाची फाईल मुख्यमंत्री कार्यालयाकडे प्रलंबित होती.
          प्रकल्प जरी त्यांच्या काळातील असला तरी सतत बैठका घेऊन, मंत्रालयीन संबंधित अधिकारी, नगर विकास मंत्री, मुख्यमंत्री यांचेशी बैठक लावून आमदार करण देवतळे यांनी प्रशासकीय मान्यता प्राप्त केली.

    १७ कोटींचा प्रकल्प


    भद्रावतीच्या विकासाच्या दृष्टीने तसेच एक नवोपक्रम म्हणुन हि बाब महत्वाची असल्याने आमदार देवतळे यांनी विभागीय आणि मंत्रालयीन पातळीवर सातत्याने पाठपुरावा करून ही प्रक्रिया मार्गी लावण्यासाठी प्रयत्न केले.
    या सातत्यपूर्ण प्रयत्नांमुळे अखेर १७ कोटी रुपये खर्चाचा भव्य प्रकल्प मंजूर झाला. केवळ सौंदर्यवृद्धी न करता पर्यावरणीय, सामाजिक आणि नागरिकांच्या दृष्टीने उपयुक्त असा एकात्मिक विकास साधण्याचा हेतू या प्रकल्पामागे आहे. त्यामुळे या प्रकल्पाला मंजुरी मिळवून देणे ही केवळ श्रेय घेण्याची नव्हे, तर भद्रावतीच्या भविष्यासाठी आवश्यक पावले उचलण्याची बाब होती. Bhadravati Municipal Council


    खासदार म्हणून यापूर्वी काम पाहिलेल्यांचे योगदान अमान्य नाही. मात्र, जेव्हा प्रस्तावास तांत्रिक मान्यता मिळूनही दीर्घकाळ अंतिम मंजुरी प्रलंबित राहते, तेव्हा ती मंजुरी मिळवून देणे ही स्वतंत्र आणि ठोस कृती ठरते. त्यामुळे फुकटचे श्रेय घेण्याचा आरोप निरर्थक असून, भद्रावतीच्या जनतेच्या हितासाठी सर्व लोकप्रतिनिधींनी समवेत काम करण्याची गरज असल्याचे आमदार कार्यालयातून स्पष्ट करण्यात आले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by