My Blog

Tag: #ChandrapurNews

  • Congress stance on road divider corruption । विकासाच्या नावाखाली सुरु असलेल्या भ्रष्टाचाराला कांग्रेसचा विरोध – रामू तिवारी

    Congress stance on road divider corruption

    Congress stance on road divider corruption : चंद्रपूर : बागला चौक ते राजीव गांधी इंजिनिअरिंग कॉलेजपर्यंत सुरू असलेल्या रस्ता व दुभाजकाच्या वादग्रस्त कामावर काँग्रेस ने स्पष्ट भूमिका मांडली आहे. “विकास कामांना विरोध नाही, पण विकासाच्या नावाखाली होणाऱ्या भ्रष्टाचाराला विरोध आहे, अशी भूमिका काँग्रेसने प्रसिद्धी पत्रकाच्या माध्यमातून जाहीर केली आहे.

    Also Read : चंद्रपूर मनपातील भ्रष्ट अधिकाऱ्यांची फाईल तयार

    बागला चौक ते राजीव गांधी इंजिनिअरिंग कॉलेजपर्यंत रस्त्याचे बांधकाम व्हावे, यासाठी शहर काँग्रेसच्या वतीने यापूर्वी देखील आंदोलन करण्यात आले होते.  महाकाली प्रभागातील काँग्रेसच्या माजी नगरसेविका कल्पना लहामगे यांनी या दुभाजक कामातील गैरव्यवहारांविरोधात महानगरपालिका आयुक्तांना लेखी तक्रार सादर केली आहे.

    अव्वाच्या सव्वा दराने दुभाजक बांधण्याचे कंत्राट

    रस्त्याऐवजी अव्वाच्या सव्वा दराने दुभाजक बांधण्याचे ठेके देण्यात आले असून, हे सार्वजनिक निधीचा अपव्यय असल्याचे त्यांनी पत्रात नमूद केले आहे. माजी नगरसेविका लहामगे यांनी दिलेले पत्र हीच काँग्रेसची अधिकृत भूमिका असल्याचे शहर जिल्हा काँग्रेस कमिटी जिल्हाध्यक्ष रितेश (रामू) तिवारी यांनी प्रसिद्धी पत्रकाद्वारे स्पष्ट केले. 


    तिवारी यांनी म्हटले की, मर्जीतल्या कंत्राटदाराला लाभ देण्यासाठी मनपाचे सुमारे एक कोटी रुपयांचे नुकसान झाले, तर कंत्राटदाराला तितकाच फायदा झाला. कामाची गुणवत्ता शून्य असून जनतेच्या पैशांची दिवसाढवळ्या लूट सुरू आहे. काँग्रेसने या प्रकरणाची तात्काळ चौकशी करून संबंधित अभियंते, कंत्राटदार व अधिकारी यांच्यावर कठोर कारवाई करावी, अशी मागणी केली आहे.

  • Mahapalika corruption against public funds । चंद्रपूर मनपातील भ्रष्ट अधिकाऱ्यांची फाईल तयार; देशमुखांची तक्रार

    Mahapalika corruption against public funds

    Mahapalika corruption against public funds : चंद्रपूर ४ नोव्हेम्बर (News३४) : मनपा आयुक्त विद्या गायकवाड व सर्व संबंधित अधिकाऱ्यांना भ्रष्टाचाराचे पुरावे व लेखी पत्र देऊनही वादग्रस्त रस्ता दुभाजकाचे काम मनपा प्रशासनाने बंद केले नाही. घामाच्या पैशातून कर देणाऱ्या नागरिकांना विकास कामाच्या नावाखाली खुलेआम लुटल्या जात आहे.परंतु मनपातील भ्रष्ट अधिकाऱ्यांच्या या मुजोरीला सडेतोड उत्तर देण्यात येईल. या मुजोर अधिकाऱ्यांना योग्य वेळी हिशेब द्यावा लागेल.प्रत्येक भ्रष्ट अधिकाऱ्याची फाईल आपल्याकडे तयार आहे. कोणीही सुटणार नाही असा इशारा जनविकास सेनेचे अध्यक्ष माजी नगरसेवक पप्पू देशमुख यांनी दिला.

    Also Read : कॅन्सर हॉस्पिटलला रतन टाटा यांचे नाव द्या – खासदार धानोरकर


    मुख्यमंत्री, नगर विकास मंत्री, प्रधान सचिव यांना पुराव्यासह तक्रार देऊनही भ्रष्ट अधिकाऱ्यांविरुद्ध कारवाई होत नाही. शासन-प्रशासनाचे भ्रष्ट अधिकाऱ्यांना संरक्षण मिळत आहे. सत्ताधारी पक्षाचे स्थानिक आमदार किशोर जोरगेवार मनपातील भ्रष्टाचाराविरुद्ध एक शब्दही काढत नाही. त्यांचे या सर्व भ्रष्टाचाराला अप्रत्यक्ष समर्थन मिळत असल्याचा आरोप देशमुख यांनी केला. Demand for action on municipal corruption Chandrapur

    निविदा प्रक्रियेत १ कोटीचे नुकसान

    दरम्यान वादग्रस्त रस्ता दुभाजकातील भ्रष्टाचाराच्या विरोधात देशमुख यांनी जिल्हाधिकारी व पोलीस अधीक्षक यांच्याकडे लेखी तक्रार केली. कारण नसतांना जुने मजबूत रस्ता दुभाजक तोडण्यात आले. निविदा प्रक्रियेत गैरव्यवहार मनपाचे एक कोटी रुपयांचे नुकसान केले.

    तोडण्याच्या खर्चासह जुन्या दुभाजकाच्या कामाचा तसेच नविन दुभाजक तयार करण्याचा खर्च या प्रकरणातील संबंधित अधिकारी तत्कालीन आयुक्त विपिन पालीवाल व तत्कालीन शहर अभियंता विजय बोरीकर, भ्रष्टाचाराच्या तक्रारीकडे दुर्लक्ष करणाऱ्या प्रभारी आयुक्त विद्या गायकवाड, अतिरिक्त आयुक्त चंदन पाटील,विद्यमान शहर अभियंता रवी हजारे,उपअभियंता आशिष भारती, सहाय्यक अभियंता प्रतीक्षा जनबंधू व कंत्राटदार मे. सूर्यवंशी एंटरप्राईजेस यांच्याकडून वसूल करण्यात यावा व त्यांचे विरुद्ध चौकशी करून शासकीय निधीचा अपव्यय केल्याप्रकरणी कारवाई करण्यात यावी अशी मागणी देशमुख यांनी जिल्हाधिकारी व पोलीस अधीक्षकांकडे केलेल्या लेखी तक्रारीद्वारे केली आहे.

  • Chandrapur stamp paper vendor bribery case । चंद्रपुरात १४० रुपयांची लाच घेताना मुद्रांक पेपर्स विक्रेत्याला अटक

    Chandrapur stamp paper vendor bribery case

    Chandrapur stamp paper vendor bribery case : चंद्रपूर १ नोव्हेम्बर (News३४ वृत्तसेवा) – चंद्रपूर शहरातील मुद्रांक विक्रेता व मदतनीस यांना १४० रुपयांची लाच घेताना चंद्रपूर लाचलुचपत प्रतिबंधक विभागाने अटक केली आहे. ३१ ऑक्टोबर रोजी जलनगर वॉर्डातील मुद्रांक विक्रेता मनीष अरुण देशमुख व मदतनीस रुपाली भरतलाल चौधरी यांनी वीज टेंडर कामाकरिता तक्रारकर्त्याला १४० रुपये अतिरिक्त मागितले होते.

    Also Read : चंद्रपुरात जड वाहतूक बंद होणार, खासदार धानोरकर यांचा प्रशासनाला इशारा

    तक्रारदार हे चंद्रपुरातील रहिवासी असून त्यांना वीज टेंडरच्या कामासाठी ५०० रुपयांचे ३ स्टॅम्प पेपर व १०० रुपयांचे ५ स्टॅम्प (मुद्रांक पेपर) हवे होते, मुद्रांक विक्रेत्याने ५०० रुपयांच्या स्टॅम्प पेपरवर अतिरिक्त ३० रुपये असे एकूण ९० रुपये तर १०० रुपयांच्या स्टॅम्प पेपर वर अतिरिक्त १० रुपये असे ५० रुपये एकूण १४० रुपये मागितले, तक्रारदाराने मागितलेल्या स्टॅम्प पेपर ची शासकीय किंमत २ हजार रुपये होती त्यावर अतिरिक्त १४० असे एकूण २ हजार १४० रुपयांची मागणी केली, अतिरिक्त पैसे न दिल्यास स्टॅम्प पेपर मिळणार नाही अशी भूमिका मुद्रांक विक्रेता देशमुख यांनी घेतली होती. Chandrapur Bribery Case

    रंगेहात अटक

    तक्रारदाराला अतिरिक्त पैसे म्हणजेच लाच देण्याची इच्छा नसल्याने त्यांनी याबाबत चंद्रपूर लाचलुचपत प्रतिबंधक विभागाला याबाबत तक्रार दिली, लाचलुचपत विभागाने तक्रारीची पडताळणी करीत सापळा रचला असता ३१ ऑक्टोबर ला शासकीय शुल्क व्यतिरिक्त १४० रुपयांची लाच मुद्रांक विक्रेता मनीष देशमुख यांनी स्वीकारत ती मदतनीस रुपाली भरतलाल चौधरी यांच्याकडे देत असताना लाचलुचपत विभागाने रंगेहात अटक केली. यावेळी मुद्रांक विक्रेता देशमुख व मदतनीस चौधरी यांना पुढील तपासकामी अटक करण्यात आली. Stamp Vendor Corruption

    महाराष्ट्र शासनाने वर्ष २०१५ मध्ये ५०० रुपयांच्या जास्त मूल्याचे छापील मुद्रांकचा वापर बंद केला होता, आता मोठ्या रकमेच्या व्यवहारासाठी ई चालान सुरु करण्यात आले आहे. पूर्वी जास्त मूल्याच्या मुद्रांक पेपर्स विकल्याने विक्रेत्यांना चांगला फायदा व्हायचा मात्र शासनाच्या निर्णयामुळे त्यांच्या उत्पन्नात तोटा व्हायला लागला त्यामुळे चंद्रपुरात बहुतांश मुद्रांक विक्रेते १० रुपये अतिरिक्त शुल्क घेतात. आता या कारवाईमुळे सध्यातरी मुद्रांक विक्रेत्यांचे धाबे दणाणले आहे. विशेष बाब म्हणजे मुद्रांक विक्रेत्याला ५०० ते १०० रुपयांच्या स्टॅम्प पेपर्स ची विक्री केली तर त्यांना ३ टक्के कमिशन शासनाद्वारे मिळते.

    सदरची कारवाई लाचलुचपत प्रतिबंधक विभागाचे पोलीस अधीक्षक दिगंबर प्रधान, अप्पर पोलीस अधीक्षक माधुरी बाविस्कर, पोलीस उपअधीक्षक चंद्रपूर मंजुषा भोसले यांच्या मार्गदर्शनात पोलीस निरीक्षक निलेश उरकुडे, पोलीस कर्मचारी अमोल सिडाम, राकेश जांभुळकर, राजेंद्र चौधरी, पुष्पा काचोळे व सतीश सिडाम यांनी केली.

  • Crime News Marathi | विकायला आला आणि अडकला! चंद्रपुरात सराईत गुन्हेगाराला अटक

    Crime News Marathi

    Crime News Marathi : २ जिल्ह्यात दुचाकी चोरी करणाऱ्या गुन्हेगाराला चंद्रपूर स्थानिक गुन्हे शाखेने अटक करीत ९ दुचाकी वाहन सहित एकूण ४ लक्ष ९० हजारांचा मुद्देमाल जप्त केला आहे. BikeRecovery

    चंद्रपूर जिल्ह्यात गुन्हेगारीचे साम्राज्य, गडचांदूर बनलं सट्टेबाजांचे हब

    चंद्रपूर पोलीस अधीक्षक मुमक्का सुदर्शन यांच्या मार्गदर्शनात स्थानिक गुन्हे शाखेने जिल्ह्यात होत असलेल्या दुचाकी चोरी प्रकरणी आरोपीचा शोध घेणे सुरु करीत चोरीचा छडा लावण्याची मोहीम राबवली. ChandrapurCrimeNews

    दुचाकी विक्री करीता आला आणि अडकला

    यादरम्यान गोपनीय माहिती स्थानिक गुन्हे शाखेला प्राप्त झाली एक इसम विना नंबरची मोटार सायकल बंगाली कॅम्प येथे विक्रीसाठी आणली, सदर इसम ग्राहकाच्या शोधात असताना स्थानिक गुन्हे शाखेने त्या इसमाला ताब्यात घेत चौकशी केली असता त्याने आपलं नाव ३२ वर्षीय मिलिंद जयभारत डंभारे असे सांगितले, डंभारे हा रेकॉर्डवरील सराईत गुन्हेगार आहे.

    ९ दुचाकी जप्त

    डंभारे याने पोलीस स्टेशन रामनगर, चंद्रपूर शहर, राजुरा व हिंगणघाट जिल्हा वर्धा एकूण ९ दुचाकी चोरीचे ६ गुन्हे केले असल्याची कबुली दिली. आरोपीकडून वेगवेगळ्या कंपनीच्या ९ दुचाकी वाहन जप्त करीत एकूण ४ लक्ष ९० हजार रुपयांचा मुद्देमाल जप्त केला.

    यशस्वी पोलीस पथक

    सदरची कारवाई पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू यांच्या मार्गदर्शनाखाली स्थानिक गुन्हे शाखा पोलीस निरीक्षक अमोल काचोरे यांच्या नेतृत्वात पोलीस उपनिरीक्षक विनोद भुरले, मधुकर सामलवार, सुनील गौरकार, पोलीस कर्मचारी सुभाष गोहोकर, सतीश अवथरे, रजनीकांत पुठ्ठावार, दीपक डोंगरे, प्रशांत नागोसे, किशोर वाकाटे, शशांक बदामवार, अमोल सावे व प्रमोद कोटनाके यांनी केली.

  • tiger attack in Brahmapuri forest । मोहफुलात मृत्यूची छाया! वाघाच्या हल्ल्यात ६० वर्षीय व्यक्तीचा मृत्यू

    tiger attack in Brahmapuri forest

    What started as a peaceful morning in the forest turned into a deadly encounter. ब्रह्मपुरी तालुक्यातील चिचखेडा गावातील ६० वर्षीय विनायक जांभुळे यांच्यावर आज रविवारी मोहफुले वेचत असताना वाघाने sudden and fatal attack केला. कालच नांदगाव-जानी भागात बिबट्याने तीन शेतकऱ्यांवर हल्ला केला होता.

    tiger attack in Brahmapuri forest : मोहफूले वेचायला गेलेल्या एका साठ वर्षीय व्यक्तीचा वाघाच्या हल्ल्यात मृत्यू झाल्याची घटना आज रविवारी (13 एप्रिल) ला ब्रह्मपुरी तालुक्यातील चिचखेडा येथे उघडली झाली आहे. विनायक विठोबा जांभुळे मृतकाचे नाव आहे. काल शनिवारी याच तालुक्यातील नांदगाव जानी शेतशिवारात एका बिबट्याने तीन शेतकऱ्यावर हल्ला करून जखमी केल्याची घटना ताजी असताना आज साठ वर्षीय व्यक्ती वाघाच्या हल्ल्यात मृत्यू झाला. चालू वर्षातील वाघाच्या हल्ल्यातील हा ११ वा बळी आहे. man killed by tiger

    चंद्रपुरात बंदोबस्तात असलेल्या पोलीस उपनिरीक्षकाला मारहाण


    दरवर्षी मोहा फुले वेचणीचा हंगामी सीजन येतो या योजनांमध्ये गोर गरीब व्यक्ती गावालगत च्या जंगलामध्ये जाऊन मोहबोल मोह फुले गोळा करतात त्यापासून मिळणाऱ्या आर्थिक उत्पन्नावर संसाराचा उदरनिर्वाह करतात. याच उद्देशाने आज रविवारी चिचखेडा येथील 60 वर्षीय विनायक जांभळे हा व्यक्ती परिसरातील जंगलात मोहफुले वेचण्यासाठी गेला होता. मोहफुले वेचत असताना जंगलात दबा धरून असलेल्या वाघाने त्याच्यावर हल्ला चढविला.

    या हल्ल्यात त्याचा जागीच मृत्यू झाला. तो घरी परत न आल्यामुळे कुटुंबियांना शंका आली. त्यांनी शोधाशोध केली असता सदर वृद्धाचा मृतदेह कक्ष क्रमांक 1006 मधील जंगलात आढळून आला. या घटनेची माहिती वन व पोलीस विभागाला देण्यात आली. त्यांनी घटनास्थळी येऊन मृतदेह ताब्यात घेतला आणि उत्तरीय तपासणी करिता ब्रह्मपुरी येथील उपजिल्हा रुग्णालयामध्ये पाठविण्यात आला. चिचखेडा गाव मेंडकी पासून अवघ्या चार किलोमीटर अंतरावर आहे मृतक हा चिचखेडा येथील होता. chandrapur tiger attack

    या घटनेने चिचखेडा परिसरात पुन्हा दहशत निर्माण झाली आहे. काल शनिवारी याच तालुक्यात नांदगाव जानी शेत शिवारात तीन शेतकऱ्यांना बिबट्याने जखमी केले आहे. या परिसरात कर यांनी उन्हाळी धान पिकाची लागवड केली. धानपिकाला पाणी देण्यासाठी तीन शेतकरी शिवारात गेले होते. तरस वन्य प्राण्यापासून स्वतःचा जीव वाचवीत पळतसुटलेल्या बिबट्याने या तीन शेतकऱ्यांना शेत शिवारात जखमी केले. ही घटना ताजी असताना आज पुन्हा 60 वर्षीय वृद्धाला वाघाने ठार केले. दिवसागणिक वाघ बिबट्यांच्या हल्ल्यात नागरिकांचा मृत्यू होत आहे. वाघाचा बंदोबस्त करण्याची मागणी जोरात सुरू असतानाही वनविभाग बंदोबस्त करण्यात अपयशी ठरत आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by