Chandrapur LCB liquor raid
Chandrapur LCB liquor raid : चंद्रपूर: चंद्रपूर स्थानिक गुन्हे शाखेने (LCB) अवैध देशी दारूची वाहतूक आणि विक्री करणाऱ्या इसमांविरुद्ध मोठी कारवाई केली आहे. या कारवाईत पोलिसांनी 38 पेट्या देशी दारू आणि एक टाटा सुमो वाहन असा एकूण ₹6,82,000/- किमतीचा मुद्देमाल जप्त केला आहे.
४ तासात आरोपी ताब्यात, वाहनचालकाने रचला जबरी चोरीचा कट
मिळालेल्या माहितीनुसार, दिनांक 02/10/2025 रोजी स्थानिक गुन्हे शाखा, चंद्रपूरचे अधिकारी व कर्मचारी पोलीस ठाणे कोरपना हद्दीत गस्त घालत असताना, त्यांना एका टाटा सुमो वाहनातून अवैधरीत्या देशी दारू विक्रीसाठी नेली जात असल्याची खात्रीशीर माहिती मिळाली. LCB Chandrapur operation news
या माहितीच्या आधारे पोलिसांनी माथा फाटा, कोरपना रोड येथे सापळा रचला आणि संबंधित टाटा सुमो वाहन (क्र. MH 14 CG 6143) ताब्यात घेतले. वाहनाची तपासणी केली असता, त्यामध्ये देशी दारूच्या 90 एम.एल.च्या 38 पेट्या (एकूण 38,000 नीप) आढळून आल्या. या दारूची अंदाजे किंमत ₹1,52,000/- आहे. यासह, दारू वाहतुकीसाठी वापरलेले अंदाजे ₹5,30,000/- किमतीचे टाटा सुमो वाहनही जप्त करण्यात आले. Chandrapur crime news liquor
आरोपींविरुद्ध गुन्हा दाखल
या प्रकरणी खालील चार आरोपींविरुद्ध पोलीस ठाणे कोरपना येथे गुन्हा क्रमांक 240/2025 कलम 65(अ)(ई), 83 महाराष्ट्र दारूबंदी कायदा अन्वये गुन्हा दाखल करण्यात आला आहे:
- प्रफुल पुरुषोत्तम खेलुरकर, वय 25 वर्ष, रा. आंतरगाव, ता. कोरपना
- प्रशांत नारायण मेश्राम, वय 25 वर्ष, रा. वानसडी
- अमर व्हेट्टी, रा. कुराई, ता. वणी, जि. चंद्रपूर
- आरिफ शेख, रा. कुराई, ता. वणी, जि. चंद्रपूर
कारवाईत सहभागी पथक
ही यशस्वी कारवाई राजुरा व गडचांदूर उपविभागीय पोलीस अधिकारी यांच्या मार्गदर्शनाखाली, स्थानिक गुन्हे शाखा, चंद्रपूर पोलीस निरीक्षक अमोल काचोरे यांच्या मार्गदर्शनाखाली सपोनि दीपक कांक्रेडवार, सपोनि बलराम झाडोकर, पो.हवा. स्वामीदास चालेकर, पो.हवा. किशोर वैरागडे, पो.शी. गोपीनाथ नरोटे, पो.शी. शेखर माथनकर, आणि चालक पो.शी. ऋषभ बाराशिंगे यांनी पार पाडली.
जप्त केलेल्या मुद्देमालासह आरोपींना पुढील तपासासाठी पोलीस ठाणे कोरपना यांच्या ताब्यात देण्यात आले आहे. पोलीस ठाणे कोरपना या गुन्ह्याचा पुढील तपास करीत आहे.