AAP District President Mayur Raikwar
AAP District President Mayur Raikwar : चंद्रपूर – शासकीय कामात अडथळा व अधिकाऱ्यांसोबत बाचाबाची केल्याने आम आदमी पार्टी जिल्हाध्यक्ष मयूर राईकवार व पत्रकार अर्जुन सिंग धुन्ना यांच्यावर विरूर पोलीस ठाण्यात गुन्हा दाखल झाला. मात्र चंद्रपूर पोलिसांच्या प्रसिद्धी पत्रकात ट्र्क चालकांकडून खंडणी मागणाऱ्या दोघांवर गुन्हा दाखल असा उल्लेख असल्याने दुसऱ्या दिवशी वर्तमानपत्रात आप जिल्हाध्यक्ष मयूर राईकवार यांच्यावर खंडणी चा गुन्हा दाखल अश्या मथळ्याखाली वृत्त प्रसिद्ध झाले. यामुळे मयूर राईकवार व अर्जुन सिंग धुन्ना यांची नाहक बदनामी झाली, कारण असा काही प्रकार घडलाच नव्हता. transport check post lakkadkot
नळजोडणी टिल्लू पंप व काळी यादी, मनपाची मोहीम
प्रकरण काय?
१६ जुलै रोजी कारण परिवहन विभागाच्या लक्कडकोट तपासणी नाक्यावर मोटार वाहन निरीक्षक योगिता राणे यांना माहिती मिळाली कि काही इसम हे ट्र्क चालकांना थांबवीत त्यांच्याजवळून पैसे घेत आहे, राणे यांनी याबाबत विचारणा केली असता ते दोघे पत्रकार आहो असे म्हणत आम्ही कुठेही फिरू शकतो असे सांगितले, त्यांना ओळखपत्र मागितले असता त्यांनी उडवाउडवीची उत्तरे देत फिर्यादीस अश्लील शब्दात शिवीगाळी केली. शासकीय कामात अडथळा व कर्तव्यावर हजर असणाऱ्या अधिकाऱ्याला धमकी दिल्या प्रकरणी मयूर राईकवार व अर्जुन धुन्ना यांच्यावर विविध कलमांव्ये गुन्हे दाखल करण्यात आले.
नेमकं काय घडलं?
आप जिल्हाध्यक्ष मयूर राईकवार हे सहकारी पदाधिकारी व पत्रकार यांच्यासमवेत लक्कडकोट तपासणी नाक्यावर गेले होते, कारण त्यांच्याजवळ तपासणी नाक्यावर ट्र्क चालकांकडून पैसे घेत असल्याची तक्रार प्राप्त झाली होती. तक्रार मिळताच याबाबत ते तपासणी नाक्यावर गेले होते. यावेळी त्यांची गाडी थांबविण्यात आली. त्यांना नाव, ओळखपत्र अशी चौकशी करण्यात आली. यावेळी पत्रकार धुन्ना यांनी आपली ओळख सांगितली व माझा मोबाईल नम्बर घ्यावा असे म्हटले असता त्याठिकाणी कांबळे नामक अधिकारी म्हणतो कि आधी फ्रेंडशिप होऊ द्या मग नंबर घेतो. असे म्हणाले. तुम्ही इथे व्हिडीओ का काढत आहे, मोबाईल बंद करा अशी अरेरावी राईकवार यांच्यासमवेत करण्यात आली. यावेळी अधिकाऱ्याकडून मोबाईल हिसकावण्याचा प्रयत्न सुद्धा करण्यात आला.
काही वेळाने राईकवार हे आपल्या वाहनात बसले मात्र नाक्यावरील अधिकारी हे थोडं थांबा, चला चाय घेऊ असे म्हणायला लागले, मात्र अधिकाऱ्यांसोबत बाचाबाची झाल्याने राईकवार सहकारी सोबत परतले, पण सायंकाळी त्यांच्यावर विविध कलमांव्ये गुन्हे दाखल करण्यात आले कि त्यांनी कर्तव्यावर हजर असणाऱ्या अधिकाऱ्यांना अश्लील शब्दात शिवीगाळी केली. विशेष बाब म्हणजे या सर्व संभाषणाचा मयूर राईकवार यांनी पूर्ण व्हिडीओ रेकॉर्ड केला असून त्यामध्ये त्यांनी कसलीही शिवीगाळी केली नसल्याचे दिसत आहे. AAP District President Mayur Raikwar
मला शिवीगाळ केली
काही महिन्यापूर्वी सहायक मोटर वाहन निरीक्षक शिवाजी विभुते याच rto चेकपोस्टवर ट्र्क चालकांकडून ५०० रुपये घेताना लाचलुचपत विभागाच्या जाळ्यात अडकले होते, या नाक्यावर असे प्रकार सतत सुरु असल्याची माहितीही पुढे वारंवार येत आहे. याबाबत मोटर वाहन निरीक्षक योगिता राणे यांच्याशी संपर्क केला असता ते म्हणाले कि काहीजण ट्र्क चालकांना थांबविता त्यांच्याकडून पैसे वसूल करीत आहे, माहिती मिळाल्यावर मी लगेच नाक्यावर पोहोचले होते, मी विचारपूस केली असता त्यांनी बाचाबाची करीत मला शिवीगाळी केली, त्यांच्या वाहनात ५ जण बसलेले होते. हा सर्व प्रकार सीसीटीव्ही कॅमेऱ्यात कैद झाला आहे, याबाबत आम्ही रीतसर पोलीस स्टेशनमध्ये तक्रार केली आहे, पोलीस तपासात सत्य समोर येईलच.
या सर्व प्रकरणावर आम आदमी पक्षाने पत्रकार परिषद घेत आमच्यावर जो गुन्हा दाखल करण्यात आला आहे तसा कसलाही प्रकार घडलेला नाही, फक्त अधिकाऱ्यांसोबत बाचाबाची झाली हे खरे आहे, मात्र आम्ही कुना ट्र्क चालकांकडून पैसे वसूल केलेले नाही, आम्ही लढणारे कार्यकर्ते म्हणून काम करतो, rto चेक पोस्टवर किती भ्रष्टाचार चालतो हे जगजाहीर आहे, याबाबत आम्ही लढा देत आमच्यावर जे गुन्हे दाखल करण्यात आले आम्ही यावर शांत बसणार नाही. पोलीस अधीक्षकांनी चुकीच्या मथळ्याखाली प्रसिद्धीपत्रक जारी करण्यात आल्याची बाब कबूल केली आहे, यावर चौकशी लावू असे आश्वासन सुद्धा पोलीस अधीक्षक यांनी दिले आहे. false extortion charges
आप जिल्हाध्यक्ष मयूर राईकवार यांच्याकडे ट्र्क चालकाने चेक पोस्टवर पैसे वसूल केल्या जातात अशी तक्रार केली होती त्याची शहानिशा करण्यासाठी आम्ही चेकपोस्टवर गेलो होतो, मात्र उलट आमच्यावर गुन्हा दाखल करण्यात आला, यावर आम्ही शांत बसणार नाही, rto अधिकारी यांना समजलं होत कि आम्ही व्हिडीओ रेकॉर्ड केला आहे, त्यांचा भ्रष्टाचार उघड होणार म्हणून त्यांनी आमच्याविरोधात तक्रार दाखल केली, भ्रष्टाचार विरोधात आम्ही सतत लढा देत राहू अशी प्रतिक्रिया राईकवार यांनी दिली. AAP District President Mayur Raikwar
विशेष बाब म्हणजे पोलिसांच्या चुकीच्या मथळ्याने राईकवार व धुन्ना यांची नाहक बदनामी झाली, वर्तमानपत्रात खंडणी ची बातमी प्रसारित झाल्यावर पोलीस विभागाने आपली चूक मान्य केल्यावर दुरुस्ती करीत पुन्हा प्रसिद्ध करण्यात आली मात्र या कालावधीत बदनामी तर झालीचं. चंद्रपूर जिल्ह्यात सध्या बोगस पत्रकारांचा धुमाकूळ सुरु आहे. विशेष बाब म्हणजे पोलिसांनी याबाबत नागरिकांना आवाहन केले आहे आहे कि बोगस पत्रकारांविरुद्ध आम्हाला तक्रार द्या त्यांच्या दबावाला बळी न पडता त्यांना खंडणी देऊ नका. चंद्रपुरात सध्या ५०० रुपये घेत बोगस आयकार्ड वाटपाचा प्रकार सुरु आहे.