20 rupees trick used in robbery
20 rupees trick used in robbery : चंद्रपूर जिल्ह्यातील राजुरा शहरात दिवसाढवळ्या 20 रुपयांसाठी एका व्यक्तीचे 1 लाख 40 हजार रुपये चोरीला गेल्याची घटना घडली असून चोरट्यांनी चोरीची नवीन शक्कल लढवत ही चोरी केली असून, ती सीसीटीव्ही कॅमेऱ्यात कैद झाली आहे.
मनात खाकीचे स्वप्न बाळगून ती निघाली पण वाटेत मृत्यू तिची वाट बघत होता
राजुरा शहरातील रहिवासी बंडू देठे हे बँक ऑफ इंडिया येथून पैसे काढून दुपारी 12 वाजता बाहेर पडले. त्यांनी पैसे प्लास्टिकच्या पिशवीत ठेवून मोटारसायकलच्या समोरील बॅगमध्ये ठेवले. यावेळी एका तरुणाने त्यांच्या मागावर राहून 20 रुपयांची नोट खाली टाकली व सांगितले, “काकाजी तुमचे २० रुपये खाली पडले आहेत. देठे म्हणाले कि ते पैसे माझे नाही, त्या युवकाने म्हटले कि तुमच्या खिश्यातुन ते पैसे पडले आहे. बंडू देठे हे पडलेले पैसे उचलण्यासाठी वाकले असताना त्या चोरट्याने बॅगेतून पैसे काढले आणि मागे थांबलेल्या साथीदाराच्या दुचाकीवर बसून पळ काढला.
घटना सीसीटीव्ही मध्ये कैद
ही संपूर्ण घटना समोरच असलेल्या कपड्यांच्या दुकानातील सीसीटीव्हीमध्ये (cctv caught theft outside bank) कैद झाली आहे. देठे यांनी राजुरा पोलीस ठाण्यात तक्रार दाखल केली असून पोलीस तपास सुरू आहे. विशेष म्हणजे, काही दिवसांपूर्वी बल्लारपूर शहरातही अशाच प्रकारे एका व्यक्तीकडून 80 हजार रुपये लुटण्यात आले होते.
२० रुपयांसाठी देठे यांनी आपले १ लक्ष ४० हजार रुपये गमावले अशी चर्चा राजुरा शहरात सुरु आहे. बँकेतून पैसे काढल्यावर ते सुरक्षितपणे हाताळायला हवे होते. त्या युवकांनी निष्काळजीपणाचा फायदा घेत ते देठे यांचे पैसे लांबवीले.
