My Blog

Tag: चंद्रपूर महावितरण

  • msedcl celebrated 20th anniversary । चंद्रपूर महावितरण मंडळात सामूहिक सहभागातून 20 वर्षांचा प्रवास साजरा

    msedcl celebrated 20th anniversary

    msedcl celebrated 20th anniversary – चंद्रपूर : महाराष्ट्र राज्य विद्युत वितरण कंपनी मर्यादित 20 व्या वर्धापन दिनानिमित्त सांघिक कार्यालय मुंबई यांचेकडून दिलेल्या कार्यक्रमानुसार 1 जून ते 6 जून 2025 विद्युत सुरक्षा सप्ताह साजरा करण्यात आला. त्या अनुषंगाने दिनांक 6 जून 2025 रोजी महाराष्ट्र राज्य विद्युत वितरण कंपनी मर्यादित चंद्रपूर मंडळ यांचे वतीने वर्धापन दिन कार्यक्रमाचे आयोजन करण्यात आले.

    चंद्रपुरात सामाजिक जबाबदारीचा अनोखा विवाह सोहळा

    कार्यक्रमाची सुरुवात सकाळी 10.10 वाजता सर्व अधिकारी कर्मचारी यांनी सुरक्षेची प्रतिज्ञा घेऊन करण्यात आली. त्यानंतर शकुंतला सेलिब्रेशन हॉल चंद्रपूर येथे कार्यक्रमाचा उदघाटन सोहळा माननीय अधीक्षक अभियंता श्रीमती संध्या चिवंडे चंद्रपूर मंडळ यांचे अध्यक्षतेखाली व श्री रमेश सानप अधीक्षक अभियंता (पा.आ.) चंद्रपूर परिमंडळ, श्री सहाय्यक महाव्यवस्थापक (मानव संसाधन) (प्र.) सुशिल विखार, श्री. विशाल पिपरे उपमुख्य औद्योगिक संबंध अधिकारी, चंद्रपुर विभागाचे कार्यकारी अभियंता चंद्रशेखर दारव्हेकर, तसेच यावेळी चंद्रपूर परिमंडळातील सर्व सन्माननीय अभियंते,यंत्रचालक, वाहिनी कामगार व इतर तांत्रिक अतांत्रिक कर्मचारी प्रामुख्याने उपस्थित होते. msedcl 20th foundation day celebration in chandrapur

    चंद्रपूर मंडल वर्धापन दिन आयोजन समितीतर्फे मंडळातील सर्व अधिकारी कर्मचारी यांचे करिता सांस्कृतिक कार्यक्रमाचे आयोजन करण्यात आले. त्यामध्ये सर्व अभियंता, तांत्रिक अतांत्रिक कर्मचाऱ्यांनी त्यांचे कुटुंबीय व पाल्य यांचे सह उस्फूर्तपणे सहभाग नोंदवून कार्यक्रमाचा आनंद घेतला.

    20th foundation day celebration in chandrapur

    बक्षीस वितरण सोहळा

    सायंकाळी बक्षीस वितरण सोहळा आयोजित करण्यात आला. श्रीमती संध्या चिवंडे चंद्रपूर मंडळ यांनी इतर तांत्रिक अतांत्रिक कर्मचारी यांचे सह केक कापून महावितरण कंपनीचा 20 वा वाढदिवस साजरा केला व सर्व अधिकारी कर्मचारी यांना विद्युत सुरक्षा सप्ताह व वर्धापन दिनानिमित्त मार्गदर्शन करून शुभेच्छा दिल्या.

    त्यानंतर चंद्रपूर मंडलातील सर्व अधिकारी कर्मचारी त्यांचे कुटुंबीय व पाल्य यांच्याकरिता गीतांचा संगीत रजनी कार्यक्रम आयोजित करण्यात आला व सोबतच सर्वांकरिता स्नेहभोजनाचे आयोजन करण्यात आले. रात्री 10 वाजेपर्यंत सर्व अधिकारी कर्मचाऱ्यांनी संगीत रजनी व स्नेहभोजनाचा आनंद घेऊन कार्यक्रमाची सांगता झाली.

  • MSEDCL safety awareness week । वीज सुरक्षा सप्ताहात बाईक रॅलीने वीज अपघातांबाबत जनजागृती

    MSEDCL safety awareness week

    MSEDCL safety awareness week : चंद्रपूर : वीज ग्राहकांच्यात वीज अपघाता बाबत जागरूकता निर्माण व्हावी, वीज अपघातांचे प्रमाण शून्यावर यावे म्हणून महावितरणने ‘विदयूत सुरक्षा सप्ताह’ (बाईक रॅली) चे आयोजन केले होते. चंद्रपूरचे मुख्य अभियंता श्री.हरीश गजबे, संध्या चिवंडे अधिक्षक अभियंता चंद्रपूर मंडळ, रमेश सानप अधीक्षक अभियंता (पा.आ.) यांच्या हस्ते या ‘विदयूत सुरक्षा सप्ताह'(बाईक रॅली) ला झेंडा दाखवून सुरुवात झाली. bike rally for safety awareness

    चंद्रपुरात राष्ट्रीय वन महिला परिषदेचे उदघाटन


    दि. 05 जून 2025ला ‘विदयूत सुरक्षा सप्ताह’ (बाईक रॅली) ला चंद्रपूर परिमंडल कार्यालयाचे मुख्य अभियंता श्री. हरीश गजबे, चंद्रपूर मंडल कार्यालयाच्या अधीक्षक अभियंता संध्या चिवंडे, रमेश सानप अधीक्षक अभियंता (पा.आ.), विदयूत निरीक्षक कोलते, सहाय्यक महाव्यवस्थापक (मा.सं.) श्री. सुशिल विखार, आणि श्री. विशाल पिपरे उपमुख्य औद्योगिक संबंध अधिकारी तसेच कार्यकारी अभियंते सर्वश्री. दारव्हेकर, वंदिले, शहाडे, निचत (चाचणी विभाग), सर्व अधिकारी व कर्मचारी मोठ्या संख्येने बाईक रॅलीत उपस्थित होते.


    “आम्ही सुरक्षेचे शिल्पकार शुन्य अपघाताने करू महावितरणचे ध्येय साकार” हे ब्रीद घेऊन चंद्रपूर महावितरणच्या सर्व क्षेत्रिय कार्यालयात दि.१ ते ६ जून २०२५ दरम्यान विद्युत सुरक्षा सप्ताहात विविध कार्यक्रम राबविण्यात येत आहेत. याचाच भाग म्हणून चंद्रपूर महावितरणचे अधिकारी व कर्मचारी चंद्रपूर परिमंडळ मुख्यालय बाबूपेठ ते जटपुरा गेट, वन अकॅडमी व परत मुख्यालय बाबूपेठ पर्यंत बाईक रॅलीदवारे विदयूत सुरक्षा सप्ताह विषयी जनजागृती करण्यात आली.
    यावेळी कर्मचाऱ्यांनी वीज सुरक्षेचे संदेश देणारे फलक हातात पकडले होते तसेच वीज सुरक्षेबाबत विविध घोषणाही देण्यात आल्या. Mahavitaran electricity safety program

    bike rally for safety awareness

    ‘विद्युत भवन’ या परिमंडल कार्यालयात आल्यानंतर मुख्य अभियंता श्री.हरीश गजबे व संध्या चिवंडे, अधिक्षक अभियंता चंद्रपूर मंडळ, यांनी उपस्थित कर्मचाऱ्यांना वीज सुरक्षेबाबत व वसुंधरा अभियान माध्यमातून नैसर्गिक परिसंस्थाचे जतन व संवर्धन करण्यासाठी विविध महावितरणच्या कार्यालयातील परिसरात वक्षारोपन करण्यात आले त्यानंतर शासकीय अभियांत्रिकी महाविद्यालय चंद्रपूर येथे श्री उपाध्याय व देशमुख अंबुजा सिमेंट यांनी विद्युत सुरक्षा बद्दल मार्गदर्शन व प्रात्यक्षिक करून दाखविले आणि कार्यक्रमाचे सांगता करण्यात आली.

    1. MSEDCL Safety Awareness Week काय आहे?

    MSEDCL Safety Awareness Week ही महावितरण कंपनीने आयोजित केलेली एक विशेष मोहीम आहे ज्यामध्ये वीज अपघातांबद्दल जनजागृती केली जाते.

    2. या मोहिमेचे मुख्य उद्दिष्ट काय आहे?

    या आठवड्याचे उद्दिष्ट म्हणजे “शून्य अपघात धोरण” राबवणे आणि वीज सुरक्षा नियमांचे महत्त्व नागरिकांपर्यंत पोहोचवणे.

    3. कोणकोणत्या उपक्रमांचा समावेश असतो?

    या आठवड्यात बाईक रॅली, वीज सुरक्षा प्रात्यक्षिके, फलक प्रदर्शन, वृक्षारोपण व जनजागृतीपर भाषणे यांचा समावेश असतो.

    4. सामान्य नागरिक यामध्ये कसे सहभागी होऊ शकतात?

    स्थानिक कार्यालयातून माहिती घेऊन, जनजागृती उपक्रमात सहभाग घेता येतो. वीज सुरक्षा नियमांचे पालन करून आपण या मोहिमेस हातभार लावू शकतो.

  • Run for safety Mahavitaran event । “महावितरणची ‘रन फॉर सेफ्टी’ – अपघातमुक्त भविष्यासाठी एक पाऊल!”

    Run for safety Mahavitaran event

    Run for safety Mahavitaran event : चंद्रपूर – वीज ग्राहकांच्यात वीज अपघातांबाबत जागरूकता निर्माण व्हावी, वीज अपघातांचे प्रमाण शून्यावर यावे म्हणून महावितरणने मॅरेथॉन – ‘रन फॉर सेफ्टी’चे आयोजन केले होते. प्रथम चंद्रपूरचे मुख्य अभियंता श्री.हरीश गजबे, संध्या चिवंडे, अधिक्षक अभियंता चंद्रपूर मंडळ, श्री.कोलते विद्युत निरीक्षक चंद्रपूर,यांच्या हस्ते या मॅरेथॉन – ‘रन फॉर सेफ्टी’ला झेंडा दाखवून सुरुवात झाली.

    कृषी पंपांना वीज जोडणी द्या – आमदार सुधीर मुनगंटीवार


    दि. 01 जून 2025या मॅरेथॉन – ‘रन फॉर सेफ्टी’ला चंद्रपूर परिमंडल कार्यालयाचे मुख्य अभियंता श्री.हरीश गजबे, चंद्रपूर मंडल कार्यालयाच्या अधीक्षक अभियंता संध्या चिवंडे,जिल्हा विद्युत निरीक्षक श्री.कोलते,व सहाय्यक महाव्यवस्थापक (मा.सं.) श्री.सुशिल विखार, आणि श्री.विशाल पिपरे उपमुख्य औधोगिक संबंध अधिकारी तसेच कार्यकारी अभियंते सर्वश्री.दारव्हेकर, पेगलपट्टी, वंदिले, शहाडे, निचत(चाचणी विभाग), श्री.गणेश चाचेरकर, जनसंपर्क अधिकारी (प्रभारी) सर्व अधिकारी व कर्मचारी मोठ्या संख्येने उपस्थित होते. Mahavitaran zero accident campaign

    msedcl run for safety 2025

    ६ जून पर्यंत चालणार सुरक्षा सप्ताह

    “आम्ही सुरक्षेचे शिल्पकार शुन्य अपघाताने करू महावितरणचे ध्येय साकार” हे ब्रिद घेऊन चंद्रपूर महावितरणच्या सर्व क्षेत्रिय कार्यालयात दि.१ ते ६ जून २०२५ दरम्यान विद्युत सुरक्षा सप्ताहात विविध कार्यक्रम राबविण्यात येत आहेत. याचाच भाग म्हणून चंद्रपूर महावितरणचे अधिकारी व कर्मचारी चंद्रपूर परिमंडळ मुख्यालय बाबूपेठ ते आझाद गार्डन शहरात व परत मुख्यालय बाबूपेठ पर्यंत धावले.

    mahavitaran zero accident campaign


    यावेळी कर्मचाऱ्यांनी वीज सुरक्षेचे संदेश देणारे फलक हातात पकडले होते तसेच वीज सुरक्षेबाबत विविध घोषणाही देण्यात आल्या. ‘विद्युत भवन’ या परिमंडल कार्यालयात आल्यानंतर मुख्य अभियंता श्री.हरीश गजबे व संध्या चिवंडे, अधिक्षक अभियंता चंद्रपूर मंडळ, श्री.कोलते विद्युत निरीक्षक चंद्रपूर यांनी उपस्थित कर्मचाऱ्यांना वीज सुरक्षेबाबत मार्गदर्शन केले व कार्यक्रमाची सांगता झाली.

  • Electrical Contract Workers : कंत्राटी कामगारांचे राज्यव्यापी कामबंद आंदोलन

    Electrical Contract Workers : कंत्राटी कामगारांचे राज्यव्यापी कामबंद आंदोलन

    News34 chandrapur

    चंद्रपूर – महाराष्ट्र राज्य वीज मंडळ कंत्राटी कामगार संघटना संयुक्त कृती समितीतर्फे महावितरण, महापारेषण व महानिर्मिती या तिन्ही वीज कंपनीतील सर्व कंत्राटी वीज कामगार हे अनुभवी व कुशल असून मात्र त्यांना स्थायी कामगार पेक्षा वेतन मिळत नाही. वीज कंत्राटी कामगारांच्या अनेक प्रलंबित मागण्यासाठी आंदोलने झाली मात्र शासन दरबारी त्याचा निकाल लागला नाही. Mahavitran

     

     

    त्यामुळे कंत्राटी कामगारांच्या 30 संघटना एकत्र येत कृती संघटना स्थापन केली. प्रलंबित मागणीविरोधात टप्प्या टप्प्याने आंदोलने झाली आता 28 व 29 फेब्रुवारीला 48 तासाचे कामबंद आंदोलन सुरु केले आहे. Contract worker

     

    यावेळी चंद्रपूर महावितरण बाबुपेठ येथे 28 फेब्रुवारीला दुपारी 1 वाजता वीज कंत्राटी कामगारांचे कामबंद आंदोलन सुरु केले यावेळी महाराष्ट्र राज्य वीज मंडळ कंत्राटी कामगार संयुक्त कृती समितीच्या वतीने मिलींद गवई यांनी कामगारांच्या मागण्याबाबत माहिती दिली.

  • Financial Challenge : चंद्रपूर महावितरणचे नागरिकांना कळकळीचे आवाहन

    Financial Challenge : चंद्रपूर महावितरणचे नागरिकांना कळकळीचे आवाहन

    News34 chandrapur

    चंद्रपूर – महावितरणच्या चंद्रपूर परिमंडळात घरगुती, व्यावसायिक आस्थापना, उद्योग, शासकीय कार्यालये, सार्वजनिक पाणीपुरवठा योजना, कृषी पंप योजना यासह विविध क्षेत्रातील थकबाकी तब्बल 516 कोटी 19 लाखांवर पोहोचली आहे. या आर्थिक आव्हानाला तोंड देण्यासाठी मुख्य अभियंता सुनील देशपांडे यांनी ग्राहकांना महावितरणची सध्याची आर्थिक स्थिती समजून घेऊन कंपनीला सहकार्य करण्याचे कळकळीचे आवाहन केले आहे. Financial challenge

     

    चंद्रपूर परिमंडळात चालू व मागील वर्षातील एकूण मागणीमध्ये घरगुती ग्राहकांकडून 13 कोटी 95 लाख, व्यावसायिक ग्राहकांकडून 4 कोटी 76 लाख, औद्योगिक ग्राहकांकडून 3 कोटी 15 लाख, ग्रामीण व शहरी पाणीपुरवठा योजनांकडील 4 कोटी 36 लाखांचा समावेश आहे. Power supply

     

    सरकारी आणि इतर लहान आस्थापने 5 कोटी 61 लाख, आणि कृषी पंप ग्राहकांचा वाटा 350 कोटी 51 लाख आहे. याशिवाय पथदिव्यांची थकबाकी १३४ कोटी ३५ लाखांपर्यंत वाढली आहे. त्यामुळे नोव्हेंबर 2022 ते जानेवारी 2024 या कालावधीत चंद्रपूर परिमंडळातील 12 हजार ग्राहकांचा वीजपुरवठा कायमस्वरूपी खंडित झाला आहे. विशेष म्हणजे चंद्रपूर जिल्ह्यातील 7 हजार 244 आणि गडचिरोली जिल्ह्यातील 4 हजार 782 ग्राहकांचा वीजपुरवठा अनिश्चित काळासाठी खंडित करण्यात आला आहे. महावितरणने ग्राहकांना परिस्थितीचे गांभीर्य ओळखून पाठिंबा देण्याचे आवाहन केले आहे. महावितरणसमोरील आर्थिक आव्हाने समजून घेऊन, ग्राहक कंपनीच्या स्थिरता आणि टिकावासाठी सक्रियपणे योगदान देऊ शकतात. Mahavitaran

     

    अखंडित वीजपुरवठा आणि अत्यावश्यक सेवांचे सुरळीत कामकाज सुनिश्चित करण्यासाठी सर्व भागधारकांचे सहकार्य महत्त्वाचे आहे. महावितरण आपल्या ग्राहकांच्या सेवेसाठी कटिबद्ध आहे आणि या नाजूक काळात त्यांची समजूत आणि सहकार्य शोधत आहे. एकत्रितपणे, आपण या आव्हानांवर मात करू शकतो आणि सर्वांच्या फायद्यासाठी एक मजबूत, अधिक लवचिक ऊर्जा पायाभूत सुविधा तयार करू शकतो. Energy infrastructure

     

    जिल्हानिहाय थकबाकी 
            चंद्रपूर जिल्हा – घरगुती  ग्राहकांकडुन 9 कोटी 60 लाख येणे आहे, तर वाणिज्यिक गाहकांकडुन 3 कोटी 95 लाख येणे आहे, औदयोगिक ग्राहकांकडुन  2 कोटी 14 लाख थकबाकी वसुली येणे आहे,  ग्रामीण व शहरी पाणीपुरवठा योजनांकडून 3 कोटी 84 लाख येणे आहे तर, सरकारी व इतर लघुदाब ग्राहकांकडून 2 कोटी 24 लाख, कृषिपंपधारक ग्राहकांकडून 236 कोटी 21 लाख व पथदिव्यांची थकबाकी 70 कोटी 76 लाखाच्या  घरात पोहोचली आहे.
    *******************
          गडचिरोली जिल्हा -घरगुती  ग्राहकांकडुन 4 कोटी 35 लाख येणे आहे, तर वाणिज्यिक गाहकांकडुन 81 लाख येणे आहे,औदयोगिक ग्राहकांकडुन  1 कोटी 1 लाख थकबाकी वसुली येणे आहे,  ग्रामीण व शहरी पाणीपुरवठा योजनांकडून 52 लाख येणे आहेत. सरकारी व इतर लघुदाब ग्राहकांकडून 3 कोटी 37 लाख, कृषिपंपधारक ग्राहकांकडून 114 कोटी 30 लाख व पथदिव्यांची थकबाकी 63 कोटी 59 लाखाच्या  घरात पोहोचली आहे. Chandrapur circle
         नोटीशीची मुदत संपल्यामुळे घरगुती ग्राहकांसोबतच आता पाणीपुरवठा योजना, थकबाकीत असलेले सरकारी कार्यालये, नगरपालिका, स्थानिक स्वराज्य संस्था व तत्सम थकबाकीदार ग्राहकांचा वीजपुरवठा खंडीत करण्यात येत आहे. त्यामुळे वर्षभरात या सर्व वर्गवारीतील थकबाकीदार ग्राहकांविरोधात सातत्याने वीजपुरवठा ख्ंडीत करण्याची मोहिम सुरु आहे.
    *******************
     BOX महाराष्ट्र विद्युत नियामक आयोग यांनी 31 मार्च 2023  नुसार दिलेल्या आदेशान्वये 1 ऑगस्ट 2023 पासून महावितरणच्या रोखीत वीजबिल भरण्याच्या कमाल रकमेवर मर्यादा आहे. महावितरणचे सर्व ग्राहक (लघुदाब कृषी वर्गवारी सोडून) यांना दरमहा कमाल मर्यादेत केवळ 5 हजार रुपयांपर्यंतचे वीजबील भरता येणार आहे. तसेच लघुदाब कृषी वर्गवारीतील ग्राहकांना वीजबिल रोखीत भरण्यासाठीची दरमहा कमाल मर्यादा10 हजार एवढी राहणार आहे.
        महावितरणच्या वतीने वीजग्राहकांना www.mahadiscom.in या संकेतस्थळावर तसेच महावितरणच्या मोबाईल ॲपद्वारे केव्हाही व कुठूनही ऑनलाइन पध्दतीने  विनामर्यादा वीजदेयकाचा भरणा फक्त आणि फक्त वीज बिलाची पूर्ण रक्कम भरून  करता येवू शकतो. तसेच महापॉवर पे या सुविधेच्या माध्यमातुन नजीकच्या किराणा दुकानात सदर सुविधा उपलब्ध असल्यास महापॉवर पे च्या माध्यमातुन देखील वीजबिल चा भरणा करता येणार आहे. Maha power pay
          पार्ट पेमेंट किंवा तुकडा वीज बिल भरणा आता बंद करण्यात आला आहे. त्यामुळे ग्राहकांना ऑनलाइन जर विज बिल भरायचे असेल तर ते पूर्ण विज बिल भरावे लागते याची नोंद घ्यावी. Online payment
        या प्रणालीची कार्यपध्दती महावितरणच्या संकेतस्थळावर उपलब्ध आहे. या पध्दतीत ग्राहक वीजदेयकाचा भरणा क्रेडिट/डेबिटकार्ड, नेटबँकींग व युपीआय इत्यादी इलेक्ट्रॉनिक माध्यमामार्फत करू शकतो. तसेच भारत बिल पेमेंट (BBPS) मार्फत देखील वीज बिल भरणा करता येऊ शकतो. या व्यतिरिक्त महावितरणने रु.5000/- पेक्षा जास्त बिल असणाऱ्या सर्व लघुदाब ग्राहकांना RTGS/NEFT द्वारे देयक भरण्याची  सुविधा उपलब्ध करून दिलेली आहे. त्यासाठी लागणारी आवश्यक ग्राहक निहाय बँकेच्या माहितीचा तपशिल वीजबिलावर उपलब्ध करुन देण्यात आलेला आहे. क्रेडिट कार्ड वगळता इतर सर्व पध्दतीने वीजबिल भरणा निशुल्क आहे. तसेच ऑनलाईन पध्दतीने देयकाचा भरणा केल्यास बिल रकमेच्या 0.25टक्के (जास्तीत जास्त रु.500/-इतकी सवलत देखील देण्यात आलेली आहे.
           दिवसेंदिवस वीजेचा वापर वाढतच आहे व महावितरणच्या अस्तित्वासाठी ग्राहकांनी वापरलेल्या प्रत्येक युनिटची वसुली अत्यावश्यक असून वसुल केलेल्या पैशातूनच वीजखरेदी करून महावितरण ग्राहकांप्रति जबाबदारी पार पाडत वीजखरेदी करून वीजपुरवठा करीत आहे ही वस्तुस्थिती आहे. वीजबिल वसुलीतून प्राप्त पैशामधून 85 टक्के रककम वीजखरेदीवर केली जाते हे आता ग्राहकांही जाणून आहेत.
         महावितरण प्रथम वीजपुरवठा करते व नंतर वीजबिल देते. या उलट अनेक सेवासांठी आधी पैसे व नंतर सेवा असे असते.तरी पण वीजकंपनीच्या अभियंता कर्मचारी वर्गास मारहान, अपमान सहन करून ग्राहकांनी  वेळेत वीजबिल भरण अपेक्षित असतांना त्यांना घरी बसून विज बिल भरण्याची सोय उपलब्ध असताना, वसुलीसाठी त्यांच्या दारी जावे लागत आहे.
        महिनाभराच्या वीज वापरण्यासाठी महिनाभर वेळ हाती असताना थकबाकीदार ग्राहक वेळेवर विज बिल भरत नाही आणि मग नाईलाजाने महावितरणला त्यांचा वीजपुरवठा खंडित करावा लागतो.
        तर, वीज पुरवठा खंडित झालेल्या ग्राहकांना पुन्हा पुनर्जोडणी साठी ऑफिस मध्ये जाऊन पुनर्जोडणी जोडणी शुल्क भरणे, यासाठी ऑनलाईन सुविधा ही आहे तरी थकबाकी साठी वीजपुरवठा खंडित झालेले ग्राहक स्वतःहुन त्रास स्वतःवर ओढवून घेतात.
       तर, दुसरीकडे महावितरणच्या कर्मचार्यांना, थकबाकीदारांना वारंवार फोन करून सांगावे लागते विज बिल भरा म्हणून, विनंती करावी लागते, घरी जाऊन सांगावे लागते.
         वीजग्राहकांना 24 तास वीजपुरवठा मिळावा यासाठी महावितरण वीज निर्मिती कंपण्याकडून वीजखरेदी करते व वसुल झालेल्या पैशातूनच वीज खरेदी करत असते. वीज निर्मिती कंपन्या कोळसा, नैसर्गिक तेल वीजनिर्मितीसाठी खरेदी करतात व त्यापण कोळसा व तेल कंपण्यांना पैसे देणे लागतात.
  • महावितरण मधील लाईनमन, लाईनस्टाफ यांनी दिला आमरण उपोषणाचा इशारा

    महावितरण मधील लाईनमन, लाईनस्टाफ यांनी दिला आमरण उपोषणाचा इशारा

    News34 chandrapur

    चंद्रपुर: महाराष्ट्र राज्य चे पालकमंत्री सुधीर मुनगंटीवार यांना महावितरणचा कणा म्हटल्या जाणाऱ्या लाईनस्टाफ लाईनमन यांनी दि 1 डिसेंबर ला आपल्या समस्या मांडत संपूर्ण महाराष्ट्रात सुरू असलेल्या आंदोलनाचे निवेदन लाईनस्टाफ बचाव कृती समिती चंद्रपुर तर्फे नियोजन भवन येथे नुकतेच देण्यात आले.
    महाराष्ट्र मधील वीज पुरवठा करणारी एशिया खंडांतील सर्वात मोठी कंपनी म्हणजे महावितरण.

    महावितरण आपल्या महाराष्ट्र मधील अति दुर्गम भागातील लोकांना वीज पुरवठा देण्याचे कार्य करते आणि हे महत्वाचे कार्य करणाऱ्या लाईनमन लाईनस्टाफ ला महावितरण प्रशासन चपराशी च्या ग्रेड मध्ये ठेवून अन्याय करीत आहे.

     

    महावितरण मध्ये लाईनमन लाईनस्टाफ हा एक शिकलेला ITI केलेला कुशल कामगार म्हणून घेतल्या जाते परंतु त्याला वर्ग 4 मधील चपराशी च्या ग्रेड मध्ये ठेवण्यात आले आहे.
    त्यामुळे महाराष्ट्र मधील सर्व लाईनस्टाफ यांनी धुळे येथे 1 ऑक्टोबर ला महामेळावा घेतला त्यात जवळपास 10 हजार लाईनस्टाफ उपस्थित होते.त्यांच्यावर होत असलेल्या अन्याय वर आक्रोश व्यक्त केला आणि तिथे या मेळाव्याला सर्व महावितरण मध्ये कार्यरत 27 संघटनाना निमंत्रित करण्यात आले होते.

     

    पण लाईनस्टाफ च्या हिताचे विचार करणारे फक्त 9 संघटना उपस्थित होत्या. त्यांनी एकमत करून महाराष्ट्र राज्य वीज लाईनस्टाफ बचाव कृती समिती स्थापन करण्यात आली आणि या समितीने आंदोलनाचा इशारा देत लाईनस्टाफ च्या मागण्या पूर्ण करण्यासाठी विनंती केली परंतु प्रशासन ने कोणतीही दखल घेतली नाही म्हणून 16 ऑक्टोबर 2023 ला सविस्तर आंदोलन ची नोटीस देण्यात आली.

     

    त्या नोटीस प्रमाणे 20 ऑक्टोबर 2023 ला महावितरण च्या सर्व मंडळ कार्यालय समोर द्वार सभा घेण्यात आली.
    यापुढे संपूर्ण महाराष्ट्र मध्ये महावितरण चा कणा खाकी रक्षक लाईनस्टाफ क्रमबद्ध आंदोलन सुरू असून आता शेवटच्या टप्प्यात आले आहे.

     

    मागण्या

    1 महावितरण लाईनमन लाईनस्टाफ कुशल कामगार असून त्यांना चपराशी च्या वर्ग 4 मधून वर्ग 3 मध्ये टाकण्यात यावे.

    2 लाईनमन लाईनस्टाफ चे शहर असो की ग्रामीण कामाचे तास निश्चित करून शिफ्ट ड्युटी चार्ट प्रमाणे ड्युटी देण्यात यावी.

    3 लाईनमन लाईनस्टाफ चे कामाचे स्वरूप निश्चित नसून ते निश्चित करण्यात यावे.

    4 लाईनमन लाईनस्टाफ याना स्वतंत्र वेतन श्रेणी देण्यात यावी.

    5 लाईनमन लाईनस्टाफ यांना वाहन पेट्रोल भत्ता 20 लिटर देण्यात यावा कारण त्यांना आता कंपनी कामासाठी ग्राहकांच्या तक्रार निवारण करण्यासाठी स्वतःच्या वाहन ने जावे लागते त्यामुळे वाहन पेट्रोल भत्ता देण्यात यावा.

     

    6 वीज बिल वसुली हे काम सांघिक स्वरुपाचे असल्याने जवाबदारी निश्चित करण्यात यावी.

    7 ग्राहकांना वीज पुरवठा सुरळीत करण्यासाठी योग्य सुरक्षित साधने आणि लाईन मेंटेनन्स चे साहित्य पुरविण्यात यावे.

    8 कंत्राटी पद्धतीने नोकरभरती ना करता सरळसेवा पद्धतीने नोकर भरती करण्यात यावी.

    अशा प्रमुख मागण्या लाईनस्टाफ कडून महाराष्ट्र राज्य वीज लाईनस्टाफ बचाव कृती समिती चंद्रपुर मार्फत करण्यात आलेल्या आहे.

     

    या मागण्या मान्य झाल्या नाही तर हे आंदोलन असेच सुरू राहील आणि महाराष्ट्र राज्यात वीज समस्या वाढतील आणि महाराष्ट्र सुद्धा अंधारात जाण्याची भीती आहे असा इशारा निवेदना द्वारे देण्यात आला.

     

    निवेदन देताना विलास गजभे, निलेशकुमार जवादे, रुपेश बनकर, आदेश धानोरकर, मर्द रामटेके, पंकज गेडे, गणेश जिवतोडे, पुरोहित भीमटे व लाईनस्टाफ बचाव कृती समिती चंद्रपुर संघटना पदाधिकारी व सभासद बहुसंख्येने उपस्थित होते.

  • विद्युत रोहित्र जळाला तर करा हे काम – चंद्रपूर महावितरण

    विद्युत रोहित्र जळाला तर करा हे काम – चंद्रपूर महावितरण

    News34 chandrapur

    चंद्रपूर : ट्रान्सफॉर्मर जळाल्यास अथवा बिघडल्यास त्याजागी लवकरात लवकर दुरुस्त ट्रान्सफॉर्मर बसविण्यासाठी राज्याचे उपमुख्यमंत्री तथा ऊर्जामंत्री देवेंद्र फडणवीस यांनी दिलेल्या निर्देशानुसार महावितरणने राज्यभर मोहीम सुरू केली आहे. परंतु ट्रान्सफॉर्मर जळाल्यानंतर त्याची माहिती महावितरणकडे प्राप्त होण्यास विलंब लागत असल्याने स्थानिक नागरिकांनी याबाबतची माहिती १८००-२१२-३४३५ किंवा १८००-२३३-३४३५ या टोल फ्री क्रमांकावर कळवावी किंवा मंडलस्तरावरील कार्यकारी अभियंत्यास कळवावी असे आवाहन महावितरणतर्फे करण्यात येत आहे.

     

    गावातील ट्रान्सफॉर्मर जळाला तर विद्युत पुरवठा खंडित होऊन गावकऱ्यांची गैरसोय होते. जळालेल्या ट्रान्सफॉर्मरच्या जागी दुरूस्त ट्रान्सफॉर्मर बसविण्यास विलंब होण्याची समस्या सोडविण्यासाठी महावितरणने सातत्याने प्रयत्न चालविले आहेत. त्यासाठी ट्रान्सफॉर्मर ऑईल तातडीने उपलब्ध करणे, दुरूस्त ट्रान्सफॉर्मरचा साठा तयार करणे असे विविध उपाय केले आहेत. ट्रान्सफॉर्मर बदलणे व दुरुस्त करणे याचा आढावा मुख्यालयस्तरावर दररोज घेण्यात येतो.

     

    या मोहिमेला यश आले असून महावितरणला ट्रान्सफॉर्मर बिघडल्याची माहिती मिळाल्यानंतर कमाल तीन दिवसात ट्रान्सफॉर्मर बदलण्यात येत आहे. तथापि, ट्रान्सफॉर्मर जळाला आहे हेच उशीराने समजले तर प्रत्यक्षात वीजपुरवठा पुन्हा सुरू होण्यास अधिक विलंब लागत असल्याची समस्या जाणवत आहे. यावर मात करण्यासाठी वीजग्राहकांनी महावितरणला मदत करावी, असे आवाहन करण्यात येत आहे.

     

    महावितरणच्या टोल फ्री क्रमांकावर संपर्क साधून ट्रान्सफॉर्मर जळाल्याची तक्रार करण्यासोबतच चंद्रपूर जिल्ह्यातील वीजग्राहकांना चंद्रपूर मंडळ कार्यालयाचे कार्यकारी अभियंता (प्रशासन) यांना ७८७५७६१००८ या क्रमांकावर माहिती देता येईल. तथा याच व्हॉट्स ॲप क्रमांकावर जळालेल्या ट्रान्सफॉर्मरचा फोटो व ठिकाणाचा तपशील कळविता येईल.

     

    जळालेल्या ट्रान्सफॉर्मरच्या जागी दुरुस्त ट्रान्सफॉर्मर बसवून लवकरात लवकर वीजपुरवठा पुन्हा सुरू करण्याच्या महावितरणच्या मोहिमेस वीजग्राहकांनी सहकार्य करावे आणि ट्रान्सफॉर्मर बिघडल्याची माहिती द्यावी असे आवाहन महावितरणकडून करण्यात आले आहे.

  • महावितरण कंपनीतील लाईनमॅन सह इतर रिक्त पदे भरा – आमदार किशोर जोरगेवार

    महावितरण कंपनीतील लाईनमॅन सह इतर रिक्त पदे भरा – आमदार किशोर जोरगेवार

    News34 chandrapur

    चंद्रपूर – विज ही मानवी गरज बनली आहे. त्यामुळे विज पुरवाठा करणा-या यंत्रणेची जबाबदारी वाढली आहे. अशात आपण उत्तम सेवा देण्यासाठी तत्पर असल पाहिजे. महावितरणमध्ये लाईनमॅनसह इतर अनेक पदे रिक्त आहे. त्यामुळे ही पदे तात्काळ भरल्या गेली पाहिजे अशा सुचना आमदार किशोर जोरगेवार यांनी केल्या आहे. महावितरण कार्यालय येथे एमएसईबी सूत्रधारी कंपनीचे स्वतंत्र संचालक विश्वास पाठक यांच्या प्रमूख उपस्थितीत महावितरण, महापारेषण, महानिर्मिती व महाऊर्जा या सरकारी कंपन्यांच्या जिल्हा आढावा बैठकीचे आयोजन करण्यात आले होते.

     

    सदर बैठकीला राष्ट्रीय मागासवर्ग आयोगाचे अध्यक्ष हंसराज अहीर, महानिर्मितीचे संचालक संजय मारूडकर, कार्यकारी संचालक पंकज सपाटे, महावितरणचे मुख्य अभियंता सुनील देशपांडे, महानिर्मितीचे मुख्य अभियंता गिरिश कुमारवार, महापारेषणचे मुख्य अभियंता सतीश अणे उपस्थित होते.

     

    चंद्रपूर हा विज उत्पादक जिल्हा आहे. त्यामुळे येथील वीज सेवा उत्तमच असली पाहिजे. विज ग्राहकांशी आपली वागणूक सौजन्यपूर्ण असली पाहिजे. त्यांच्या अडचणींचे निराकरण तात्काळ करण्यासाठी आपण प्रयत्नशील असल पाहिजे. कमी मनुष्यबळ असूनही चांगली सेवा देण्यासाठी महावितरण ओळखली जाते. आपण निर्माण केलेली ही ओळख कायम ठेवण्यासाठी परिश्रम घ्या. येथे अनेक पदे रिक्त आहेत. यात विद्युत सेवेचा मुख्य भाग असलेल्या लाइनमॅनचे जवळपास 50 हुन अधिक पदे रिक्त आहेत. ती भरण्याच्या दिशेने तातडीने प्रयत्न व्हावेत अशा सुचनाही या बैठकीत बोलाताना आमदार किशोर जोरगेवार यांनी संबंधित अधिका-यांना दिल्या आहेत.

     

    वडगाव प्रभागात विद्युत पुरवठा अपुरा पडत आहे. त्यामुळे नागरिकांना अडचणींचा सामना करावा लागत आहे. ही बाब लक्षात घेता वडगाव येथे सब स्टेशन सुरु करण्याच्या सुचनाही यावेळी आमदार किशोर जोरगेवार यांनी केल्या आहे.
    सध्या विद्युत पुरवठा खंडीत होण्याचे प्रकार कमी झाले आहे. हे नक्कीच महावितरणचे यश आहे. मात्र विद्युत पुरवठा सुरळीत करण्यासाठी लागणारा कालावधी आणखी कमी करता येईल या दिशेने आपले प्रयत्न असले पाहिजे असेही ते यावेळी म्हणाले.

     

    विद्युत शॉक लागण्याच्या घटनांवर अद्यापतरी आपण पुर्णत: अंकुश मिळवू शकलेलो नाही त्यामुळे आता विद्युत शॉकवर अंकुश लावण्यासाठी प्रत्येक विद्युत ग्राहकांकडे सुरक्षा यंत्र महावितरणने स्वखर्चातून लावण्याच्या सुचनाही यावेळी आमदार किशोर जोरगेवार यांनी केल्या आहे. या बैठकीला संबंधित अधिकाऱ्यांची उपस्थिती होती.

  • वीज ग्राहकांनो आता स्मार्ट मीटर आपल्या घरी

    News34 chandrapur
    चंद्रपूर – वीज ग्राहकांना त्यांच्या मर्जीनुसार वीज वापराचा खर्च निश्चित करण्याचा अधिकार देणारे प्रीपेड स्मार्ट मीटर राज्यभर बसविण्याची तयारी सुरू झाली असून काही महिन्यात हे मीटर टप्याटप्प्याने कार्यरत होतील.

    उपमुख्यमंत्री तथा ऊर्जामंत्री मा. देवेंद्र फडणवीस यांनी वीज ग्राहकांना दर्जेदार, गुणवत्तापूर्ण व ग्राहकाभिमूख सेवा देण्याची सूचना केली आहे. त्यानुसार ग्राहकांना विजेच्या खर्चावर संपूर्ण नियंत्रणाचा अधिकार देणारे प्रीपेड स्मार्ट मीटर बसविण्याचे महत्त्वाचे पाऊल महावितरणने उचलले आहे.

    राज्यातील महावितरणच्या २ कोटी ४१ लाख ग्राहकांचे सध्याचे पारंपरिक मीटर बदलण्यात येणार असून त्या ऐवजी प्रीपेड स्मार्ट मीटर बसविण्यात येतील. स्मार्ट मीटर बसविल्यावर वीज ग्राहक मोबाईल फोनप्रमाणे विजेसाठी पैसे भरून वीज वापरतील.विजेसाठी किती खर्च करायचा हे ग्राहकांना निश्चित करता येईल. किती वीज वापरली याची माहिती ग्राहकाला नियमितपणे मोबाईल फोनवर मिळेल. त्यामुळे भरलेल्या पैशापैकी किती पैसे शिल्लक आहेत व आर्थिक नियोजनानुसार विजेचा वापर किती करायचा हे सुद्धा ग्राहकांना समजेल.

    मुख्य म्हणजे ग्राहकांना नवा प्रीपेड स्मार्ट मीटर मोफत मिळेल. या मीटरचा खर्च केंद्र सरकारकडून मिळालेल्या अनुदानातून तसेच महावितरणतर्फे करण्यात येणार आहे.

    सध्याच्या पद्धतीत वीज ग्राहकांनी वीज वापरल्यानंतर दरमहा त्यांच्या मीटरचे रिडिंग घेतले जाते व त्यानुसार बिल पाठविले जाते. एखाद्या ग्राहकाने नेहेमीपेक्षा जास्त वीज वापरली तर मोठे बिल येते व त्यामुळे ग्राहकाचे आर्थिक नियोजन बिघडते. वीज वापरली असल्याने त्याचे बिल भरण्याशिवाय पर्याय नसतो. पण नव्या प्रीपेड स्मार्ट मीटरच्या बाबतीत वीज ग्राहक आधी पैसे भरून तेवढ्याच रकमेची वीज वापरणार असल्याने ग्राहकांना नियोजन करून विजेवरील खर्च पूर्णपणे नियंत्रणात ठेवता येईल.

    अचानक रात्री वीज खंडीत होणार नाही

    प्रीपेड स्मार्ट मीटरमध्ये ग्राहकाने भरलेले पैसे संपले की वीज पुरवठा खंडित होईल. पण ग्राहकांना त्यांच्या मोबाईलवर वीजवापर आधीच माहिती झाल्यामुळे तसेच किती पैसे उरले आहेत, हे सुद्धा माहिती झाल्यामुळे नव्याने पैसे भरणे सुलभ होईल.
    घर बसल्या मोबाईलवरून ऑनलाईन पेमेंटचीही सुविधा आहे. ग्राहकाचे पैसे संपत आल्यावर त्याला मोबाईलवर मेसेज पाठविण्याची व्यवस्था आहे. एखाद्या ग्राहकाने विजेसाठी भरलेले पैसे मध्यरात्री संपले तर अचानक रात्री वीज पुरवठा बंद होणार नाही. सायंकाळी सहा ते सकाळी दहा या वेळेत पैसे संपले तरी वीज पुरवठा चालू राहील. संबंधित ग्राहकाने दुसऱ्या दिवशी सकाळी दहापर्यंत पैसे भरून वीज पुरवठा चालू ठेवायचा व त्यामधून पैसे संपल्यानंतर वापरलेल्या विजेचे पैसे वजा होईल, अशी सुविधा या मीटरमध्ये केलेली आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by