Tag: अपघात

News34 chandrapur

चंद्रपूर/घुग्घुस – 2 दिवसांनी तो वेस्टर्न कोलफिल्ड्स लिमिटेड मध्ये रुजू होणार होता मात्र त्यापूर्वीचं त्या युवकाचा रस्ते अपघातात मृत्यू झाला, ही घटना 13 डिसेंबर ला घुग्घुस येथे घडली.

13 डिसेंबर बुधवारी रात्री 11 वाजताच्या सुमारास 20 वर्षीय स्मित श्याम पगडी हा युवक आपल्या मित्रांसोबत चारचाकी वाहन क्रमांक MH29BC 8276 ने बेलोरा कडे जात होता, वाहनाचा वेग जास्त असल्याने अचानक वाहनावरून स्मित चे नियंत्रण सुटले आणि वाहन वेगात झाडाला आदळले, या अपघातात स्मित पगडी चा जागीच मृत्यू झाला.

स्मित ला वडिलांच्या जागी वेकोली मध्ये नोकरी मिळाल्याने कुटुंबात आनंदाचे वातावरण होते मात्र स्मित चा अपघाती मृत्यू झाल्याने आता कुटुंबावर शोककळा पसरली आहे.

सदर घटनेचा पुढील तपास घुग्घुस पोलीस निरीक्षक आसिफ रजा यांच्या मार्गदर्शनाखाली पोलीस करीत आहे.

News34 chandrapur गुरू गुरनुले

मुल – सावली रेंज मधील उप क्षेत्र राजोली अंतर्गत मूल सिंदेवाही मार्गावर अज्ञात वाहनाच्या धड़केत १ महिन्यापूर्वी बिबटयाचा अज्ञात वाहनाच्या धडकेत मृत्यु झाला ही घटना ताजी असताना १९ आक्टो. रोजी रात्रि सावली – मूल मार्गावर पुन्हा एकदा ३ वर्षीय बिबटयाला आपला जीव गमवावा लागला.

ही चिंताजनक बाब असून जंगल सोडून वन्य जीव लोकवस्ती कडे अन्नाच्या शोधात येत असतील तर वन्य जीवांच्या संगोपन आणि संरक्षण याकडे व्यवस्थापनाचे दुर्लक्ष होत असल्याचे दिसुन येत आहे, त्यामुळे वन्य हिंस्र जीवांची अन्नचि मात्रा वनात संपली की क़ाय असा प्रश्न उपस्थित केला जात आहे.

सावली वनपरिक्षेत्र जंगल व्याप्त असून मोठ्या प्रमामात जंगल आहे त्यामुळे या रेंज अंतर्गत असलेल्या पाचही उप क्षेत्रात मोठ्या प्रमाणात वन हिंस्र पशुचे वावर आहे त्यामुळे या रेंज मधे अनेक घटना नेहमी घडत असतात आता तर वन्य जीव लोकवस्ती कडे येण्याचा सपाटा सुरु झाल्याने तालुक्यात भीतिचे वातावरण निर्माण झाले आहे.

भयावह परिस्थितीत या भागातील शेतक ऱ्याना शेती सांभाळन्याची वेळ निर्माण झाली आहे गावात राहणे , शेतात जाने कठिन होऊन बसले आहे ऐवढ़ी दहशत वन हिंस्र पशुचि निर्माण झाली असताना वनातील अन्नाच्या कमतरतेमुळे अन्नाच्या शोधात भटकत असलेला बिबट सावली उप क्षेत्रा अंतर्गत नियत क्षेत्र टेकाडी भागात फिरत असताना सावली – मूल मार्गावर स्टार ढाबा जवळ अज्ञात वाहनाच्या धड़केत ठार झाला.

घटनेची माहिती होताच सावली रेंज चे वनकर्मचारी घटनास्थळी गेले, मृत बिबटयाला ताब्यात घेऊन उत्तरीय तपासणी टि. टी. सी. सेंटर चंद्रपुर येथे नेण्यात आले. यावेळी सावली वनपरीक्षेत्राचे वनपरिक्षेत्र अधिकारी पि. जी. विरुटकर सावली उप क्षेत्राचे उपक्षेत्र सहा. आर . जी. कोडापे वनरक्षक बोनलवार , वनरक्षक चौ धरी व इतर वनकर्मचारी उपस्थित होते.