My Blog

Blog

  • kishor jorgewar on raksha bandhan । ✨ “भगिनींचा सन्मान हा आमचा अभिमान” रक्षाबंधनला आमदार जोरगेवारांचा भावनिक संकल्प

    kishor jorgewar on raksha bandhan

    kishor jorgewar on raksha bandhan : चंद्रपूर – भारतीय जनता पार्टी ग्रामीणच्या वतीने पडोली येथे रक्षाबंधन कार्यक्रमाचे आयोजन करण्यात आले. या कार्यक्रमाला शेकडो महिलांची उपस्थिती लाभली. कार्यक्रमात आमदार किशोर जोरगेवार यांनी भगिनींना रक्षाबंधनाच्या शुभेच्छा देत महिलांच्या सन्मान, सुरक्षेसाठी व प्रगतीसाठी कटिबद्ध राहण्याचा संकल्प व्यक्त केला. यावेळी त्यांनी भगिनींचा विश्वास हा आमच्या ताकदीचा सर्वात मोठा स्तंभ आहे  असे प्रतिपादन केले.

    आमदार जोरगेवार यांचा जीवनदायिनी उपक्रम चर्चेत

    या कार्यक्रमाला महानगराध्यक्ष सुभाष कासनगोट्टूवार, भाजप नेते नामदेव डाहुले, मंडळ अध्यक्ष विनोद खेवले, आशिष वाढई, दुर्गा वावणे, ममता मोरे, ज्योश्ना वनकर, सुरेखा पाटील, उज्वला नलगे, राकेश पिंपळकर, गुड्डू सिंग, नकुल वासमवार, सुरेश पिदुरकर, अचल चार्लेकर, डॉ.दशरथ झाडे, दयानंद नागरकर, महादेव पिदुरकर, नाकेश निखाडे, महेश येनुरकर, सुभाष पिंपळकर आदी मान्यवर उपस्थित होते. BJP Rakhi program women empowerment

    ५ हजार महिलांना प्रशिक्षणाचा लाभ

    यावेळी बोलताना आ. जोरगेवार म्हणाले की, मतदारसंघात विकासकामे करताना महिलांची सुरक्षा आणि सन्मान याला आपण नेहमी केंद्रस्थानी ठेवले आहे. महिला सक्षमीकरणासाठी मतदारसंघात अनेक सेवाभावी उपक्रम राबविले आहेत. विविध प्रकारच्या महागड्या कोर्सचे प्रशिक्षण मोफत उपलब्ध करून दिले आहे. आतापर्यंत सुमारे पाच हजार महिलांना ब्युटी पार्लर, शिवणकाम, फॅशन डिझायनिंग यांसारख्या प्रशिक्षणांचा लाभ मिळाला असून यातील अनेक भगिनींनी स्वतःचा रोजगार सुरू केला आहे. local BJP Rakhi event women empowerment

    रक्षाबंधन हा केवळ राखी बांधण्याचा दिवस नसून संरक्षण, सन्मान व साथ देण्याची शपथ घेण्याचा दिवस आहे. भारतीय जनता पार्टी नेहमीच ‘सबका साथ, सबका विकास’ या ध्येयाने कार्य करते. महिलांचे शिक्षण, आरोग्य, आर्थिक स्वावलंबन आणि सुरक्षा यासाठी मी सदैव तत्पर राहीन. जिथे स्त्रीचा सन्मान होतो, तिथे देवता वास करतात. महिलांच्या प्रगतीशिवाय समाजाचा विकास अपूर्ण आहे.

    यासाठीच भाजप सरकारने लाडकी बहिण योजना, उज्ज्वला योजना, महिला बचतगटांना कर्जसहाय्य अशा अनेक योजना सुरू केल्या आहेत. या सर्व योजना आपल्या भगिनींच्या आयुष्यात सकारात्मक बदल घडवण्यासाठी आहेत, असेही आ. जोरगेवार यांनी सांगितले. या कार्यक्रमात शेकडो भगिनींनी आमदार किशोर जोरगेवार यांना राखीचे पवित्र बंधन बांधले. आमदारांनीही भेटवस्तू देत भगिनींचे आशीर्वाद घेतले.

  • festival sweets food safety guidelines । 🧑‍🍳 सणासुदीला हॉटेल व्यवसायिकांसाठी 10 अन्नसुरक्षा मार्गदर्शक सूचना

    festival sweets food safety guidelines

    festival sweets food safety guidelines : चंद्रपूर, दि.14 : सणासुदीच्या कालावधीमध्ये जनतेकडून मिठाई व इतर अन्न पदार्थ जसे  खवा/ मावा, घी, रवा, मैदा, आटा, खाद्यतेल/वनस्पती इत्यादीची मागणी मोठ्या प्रमाणात केली जाते. त्याअनुषंगाने चंद्रपूर जिल्ह्यातील मिठाई उत्पादक/विक्रेते व हॉटेल व्यावसायिकांनी खालीलप्रमाणे दक्षता घ्यावी.

    चंद्रपुरातील तिरंगा रॅलीत युवकांचा उत्स्फूर्त सहभाग

               आस्थापनेचा परिसर हा पर्यावरणीय दृष्टीने व किटकापासून संरक्षित व स्वच्छ असावा. कच्चे अन्नपदार्थ परवानाधारक/नोंदणीधारक अन्न व्यावसायिकाकडून खरेदी करण्यात यावेत. अन्नपदार्थ तयार करण्यासाठी पिण्यायोग्य पाण्याचा वापर करावा. तसा अहवाल प्राप्त करून घ्यावा. तयार अन्न पदार्थ हे स्वच्छ व सुरक्षित ठिकाणीच व्यवस्थित झाकूण ठेवावेत. आजारी व्यक्तीने अन्न पदार्थ हाताळू नयेत. मिठाई तयार करतांना केवळ फूडग्रेड खाद्यरंगाचा अत्यल्प प्रमाणात वापर करावा. 

    वर्तमानपत्राचा वापर करू नका

    अन्न पदार्थ ग्राहकांना देताना, पॅकींग करताना वर्तमान पत्राचा वापर करू नये. बंगाली मिठाई ही 24 तासांच्या आत खाण्याबाबत ग्राहकांना स्पष्ट निर्देश देण्यात यावेत.  मिठाई बनवितांना तसेच हाताळणाऱ्या  व्यक्तींनी नेहमी डोक्यावर टोपी, मास्क, हातमोजे व स्वच्छ अॅप्रन वापरावे. मिठाईवर वापरला जाणारा सोनेरी व चांदीचा वर्ख योग्य दर्जाचे  व उच्च प्रतीचे असावे. मिठाई हाताळतांना हात वारंवार स्वच्छ धुवावे. FSSAI surveillance festival

    अन्न व्यवसायिकांनी त्यांच्या आस्थापनेचे पेस्ट कंट्रोल करून घ्यावे व त्याचा अभिलेख ठेवावा. आस्थापनेत कार्यरत अन्न हाताळणाऱ्या व्यक्तीची वैद्यकीय तपासणी करून घ्यावी व त्याचा अभिलेख ठेवावा. अन्न आस्थापनेत 25 कर्मचाऱ्यांच्या मागे 1असे अन्न सुरक्षा अधिकारी नियुक्त करावा. FSSAI sugar sweets safety festival

    चंद्रपूर जिल्ह्यातील मिठाई उत्पादक/विक्रेते व हॉटेल व्यावसाविकांनी वरीलप्रमाणे नमुद केलेल्या सर्व सूचनांचे पालन करावे. त्याचप्रमाणे सणासुदीच्या काळात मिठाई व इतर अन्न पदार्थाच्या सेवनामुळे विषबाधासारखी अप्रिय घटना घडणार नाही, याची सर्वांनी दक्षता घ्यावी. तसेच  अन्न पदार्थाच्या दर्जाविषयी ग्राहकांना कोणत्याही प्रकारची तकार असल्यास टोल फ्री  कमांक – १८०० २२२ ३६५ या क्रमांकावर कळवावे, असे आवाहन अन्न व औषध प्रशासन विभागाचे सहायक आयुक्त प्र.अ. उमप यांनी केले आहे.

  • Har Ghar Tiranga 2025 । तिरंगा रॅलीत युवकांचा उत्स्फूर्त सहभाग – देशभक्तीने रंगले चंद्रपूरचे रस्ते

    Har Ghar Tiranga 2025

    Har Ghar Tiranga 2025 : चंद्रपूर, दि. 14 : नागरिकांमध्ये राष्ट्राभिमान, देशभक्ती निर्माण व्हावी तसेच भारतीय स्वातंत्र्याचा ज्वाजल्य इतिहासाचे सर्व नागरिकांना स्मरण व्हावे, या उद्देशाने शासनामार्फत ‘हर घर तिरंगा’ अभियान राबविण्यात येत आहे. तिरंगा हा प्रत्येक भारतीयाच्या अभिमानाचे प्रतीक असल्याने चंद्रपूर जिल्हा प्रशासन आणि महानगर पालिकेच्या वतीने शहरातून तिरंगा बाईक रॅली काढून देशभक्तीचा जागर करण्यात आला.

    वाघाने केला गाईवर हल्ला, कोरपना तालुक्यात वाघाची दहशत

                यावेळी प्रभारी जिल्हाधिकारी डॉ. नितीन व्यवहारे, मुख्य कार्यकारी अधिकारी पुलकित सिंह, मनपा आयुक्त विपीन पालिवाल, अपर पोलिस अधिक्षक ईश्वर कातकाडे यांनी हिरवी झेंडी दाखवून तिरंगा रॅलीला रवाना केले. प्रियदर्शिनी सभागृहापासून सुरू झालेली ही बाईक रॅली शहरातून जनता कॉलेज चौक – सावरकर चौक – बंगाली कॅम्प, बसस्थानक मार्गे परत येऊन प्रियदर्शिनी सभागृह येथे रॅलीचा समारोप करण्यात आला.

                याप्रसंगी डॉ. व्यवहारे म्हणाले, ‘हर घर तिरंगा’ अभियान अंतर्गत चंद्रपूर जिल्ह्यात विविध उपक्रम राबविण्यात येत आहे. यात भाषण स्पर्धा, रांगोळी स्पर्धा, झेंडा रॅली याद्वारे नागरिकांमध्ये भारतीय स्वातंत्र्य आणि देशभक्तीची भावना निर्माण करणे, स्वातंत्र्यासाठी आपल्या पुर्वजांनी काय यातना सोसल्या याची जाणीव करून देणे, हे प्रमुख उदिृष्ट आहे. तसेच चंद्रपूर शहरात आज तिरंगा बाईक रॅलीचे आयोजन करण्यात आले असून यात शासकीय अधिकारी कर्मचा-यांसह नागरिकही सहभागी झाले आहेत. Har Ghar Tiranga bike rally

    बाईक रॅलीतुन राष्ट्रभक्तीचा जागर

                मुख्य कार्यकारी अधिकारी पुलकित सिंह म्हणाले, ‘हर घर तिरंगा’ अभियानांतर्गत जिल्ह्यातील शाळांमध्ये विविध उपक्रम राबविण्यात आले आहेत. तिरंगा बाईक रॅलीमध्ये नागरिकांनी उत्स्फुर्त सहभाग नोंदविला असल्याचे त्यांनी सांगितले. तर मनपा आयुक्त विपीन पालीवाल म्हणाले, ‘हर घर तिरंगा’ हा केवळ एका वर्षाचा कार्यक्रम नाही तर जनमानसाने हा उपक्रम नेहमीसाठीच स्वीकारला आहे. दरवर्षीप्रमाणेच यावर्षीसुध्दा तिरंगा बाईक रॅलीतून राष्ट्रभक्तीचा जागर करण्यात येत आहे. 13 ते 15 ऑगस्ट या कालावधीत प्रत्येक नागरिकाने आपल्या घरावर राष्ट्रध्वज लावावा तसेच 15 ऑगस्ट रोजी सुर्यास्तापूर्वी हा राष्ट्रध्वज काढावा, असे आवाहन त्यांनी केले. flag hoisting every home campaign

                सदर रॅलीमध्ये विविध विभागाचे अधिकारी, कर्मचारी, युवक-युवती, खेळाडू तसेच  नागरिकांनी सहभाग नोंदविला.

  • House Patta Distribution । 12 हजार घरपट्ट्यांच्या महाअभियानाची सुरुवात – बल्लारपूरचा ऐतिहासिक क्षण!

    House Patta Distribution

    House Patta Distribution : चंद्रपूर, दि.14 : बल्लारपूरच्या विकास प्रवासात ऐतिहासिक पाऊल टाकत प्रधानमंत्री आवास योजनेंतर्गत (शहरी) 210 निवासी पट्ट्यांचे वितरण करण्यात आले. शासनाच्या जागेवरील अतिक्रमणाचे नियमन करून करण्यात आलेल्या या वाटपामुळे अनेक कुटुंबांच्या आनंदात भर पडली. हा केवळ पट्टे वाटपाचा कार्यक्रम नसून, भविष्यातील सुमारे 12 हजार पात्र लाभार्थ्यांना हक्काचे घरपट्टे देण्याच्या महाअभियानाची भक्कम नांदी आहे, असे प्रतिपादन राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी केले.

    बल्लारपूर, नाट्यगृह येथे प्रधानमंत्री आवास योजना (शहरी) अंतर्गत शासनाच्या जागेवरील अतिक्रमण नियमानुकूलन निवासी पट्टेवाटप कार्यक्रमाप्रसंगी ते बोलत होते. कार्यक्रमाला भाजपा जिल्हाध्यक्ष हरीश शर्मा, वन विकास महामंडळाचे माजी अध्यक्ष चंदनसिंह चंदेल,कामगार मोर्चाचे प्रदेश महासचिव अजय दुबे,शहर अध्यक्ष रणजंय सिंग, समीर केने, जयश्री मोहूर्ले, राजू दारी, नगरपरिषदेचे मुख्याधिकारी विशाल वाघ,तहसीलदार रेणुका कोकाटे, उपअधीक्षक भूमि अभिलेख अनिल देशमुख, अग्निशमन अधिकारी शुभम रत्नपारखी, नायब तहसीलदार श्री. फुलझेले आदींची उपस्थिती होती.

    गाईच्या किंकाळ्यांनी हादरले गाव

    आमदार श्री. सुधीर मुनगंटीवार म्हणाले, राज्यात माझा मतदारसंघ प्रत्येक क्षेत्रात अग्रस्थानी राहावा, यासाठी अत्याधुनिक सैनिक शाळा, बॉटनिकल गार्डन, एस.एन.डी.टी. विद्यापीठाचे उपकेंद्र, नगरपरिषदेची नवीन इमारत, बसस्थानक, रेल्वे स्टेशन, स्व. सुषमा स्वराज कौशल्य विकास केंद्र, डॉ. श्यामाप्रसाद मुखर्जी वाचनालय, स्व. विपिन रावत यांच्या नावाने जिम, क्रीडा संकुल, अभ्यासिका, सिमेंट रस्ते, छटघाट व विविध बगीचे अशा अनेक सुविधा उभारल्या असून, सर्वसामान्यांचे स्वप्न पूर्ण करण्यासाठी शक्य ते सर्व प्रयत्न केले आहेत. बल्लारपूर मतदारसंघ हा विकासकामात सदैव आघाडीवर राहील. असा विश्वास त्यांनी व्यक्त केला. Sudhir Mungantiwar’s Vision for Ballarpur

    बहिणींना शिक्षणात संधी

    एस.एन.डी.टी. विद्यापीठाच्या बल्लारपूर केंद्रात 62 कोर्सेस सुरू होणार असून, यामुळे येथील बहिणींना शिक्षणात संधी व दर्जाची समानता मिळेल. स्व. सुषमा स्वराज कौशल्य विकास केंद्राद्वारे महिलांना कौशल्याधारित प्रशिक्षण देत, शिक्षणाबरोबरच रोजगाराची संधी निर्माण करण्यात आली आहे. Urban Housing Scheme Ballarpur

    बल्लारपूरमधील साधारणतः अंदाजे 12 हजार कुटुंबे स्वतःच्या हक्काच्या जमिनीअभावी शासकीय योजना व बँक कर्जापासून वंचित आहेत. यासाठी झुडपी जंगल कायद्यात बदल घडवून आणण्यासाठी केंद्रीय मंत्री ना.भूपेंद्रजी यादव यांच्यासोबत लवकरच बैठक घेण्यात येणार आहे. हा पट्टे वाटपाचा कार्यक्रम केवळ 210 पट्ट्यांपुरता मर्यादित न ठेवता, भविष्यातील सुमारे 12 हजार पट्ट्यांच्या वाटपाच्या महाअभियानाची सुरुवात आहे. कुटुंबाला स्वतःच्या हक्काचा घरपट्टा मिळाल्यावर त्यांचे अनेक प्रश्न कायमचे मार्गी लागतील, असा विश्वास श्री. सुधीर मुनगंटीवार यांनी व्यक्त केला.

  • free heart surgery for child । आमदारांचा जीवनदायी उपक्रम; चंद्रपूरच्या लहानग्यांना नवी संजीवनी!

    free heart surgery for child

    free heart surgery for child : चंद्रपूर – आमदार किशोर  जोरगेवार यांच्या पुढाकारातून आयोजित महाआरोग्य शिबिराचा एक हृदयस्पर्शी आणि जीवनदायी टप्पा आज साकारला. या शिबिरातून हृदयविकाराने ग्रस्त असलेल्या एकूण सहा बालकांना मोफत शस्त्रक्रियेसाठी मुंबई येथील रुग्णालयात रवाना करण्यात आले. ही सर्व बालके चंद्रपूर जिल्ह्यातील असून त्यांचे वय आठ वर्षांखालील आहे.

    क्षयरुग्णाबाबत घुग्गुस मधील राजीव रतन चिकित्सालयने घेतला महत्वाचा निर्णय

    मोफत शस्त्रक्रिया होणार

    यामध्ये केवळ पाच महिन्यांचे अक्षु शेंद्रे याचाही समावेश आहे. सर्व बालकांना चंद्रपूर रेल्वे स्थानकावरून जुपिटर हॉस्पिटल, मुंबई येथे उपचारासाठी पाठविण्यात आले. यावेळी भाजप युवा मोर्चा अध्यक्ष मयूर वाढई, रॉबिन बिश्वास, राकेश बोमनवार, सुमित बेले यांच्यासह इतर कार्यकर्ते उपस्थित होते. या सर्व बालकांवर शस्त्रक्रिया पूर्णपणे मोफत होणार आहे. बालकांना रवाना करण्याच्या या भावनिक क्षणी पालकांच्या डोळ्यात दिलासा आणि आनंदाश्रूंनी भरलेला होता.

    आ. जोरगेवार यांच्या सामाजिक उपक्रमातून सुरू झालेल्या या महाआरोग्य शिबिरामुळे जिल्ह्यातील अनेक गरजू रुग्णांना मोफत तपासणी, औषधे आणि आवश्यक शस्त्रक्रियेची सुविधा मिळत आहे. अशा वैद्यकीय उपक्रमांना पुढे अधिक व्यापक स्वरूप दिले जाणार असून, कोणीही आर्थिक अडचणीमुळे उपचारांपासून वंचित राहू नये ही आपली भूमिका असून हीच खरी आपली ध्येयपूर्ती असल्याचे आमदार किशोर जोरगेवार यांनी म्हटले आहे.

  • tiger attack on cow । गायीच्या किंकाळ्यांनी हादरले गाव, वाघाचा हल्ला

    tiger attack on cow

    tiger attack on cow : कोरपना – चंद्रपूर जिल्ह्यातील कोरपना तालुक्यात वन्यप्राण्यांचा धोका वाढत असून, मांडवा गावाजवळील खडकी मार्गावर एका वाघाने गाईवर हल्ला केल्याची घटना घडली आहे. १३ ऑगस्ट रोजी दुपारी ३.३० च्या सुमारास ही घटना घडली. नामदेव लसंते यांची गाय चराईसाठी या परिसरात आली असताना दबा धरून बसलेल्या वाघाने तिच्या मानेवर हल्ला केला, ज्यामुळे ती गंभीर जखमी झाली.

    बल्लारपुरातील अल्पवयीन मुलगा बेपत्ता

    वाघाचा बंदोबस्त करा

    गायीच्या किंकाळ्या ऐकून परिसरातील शेतकऱ्यांनी आरडाओरड केल्यावर वाघ जंगलाच्या दिशेने पळून गेला. या घटनेमुळे नागरिकांमध्ये मोठी दहशत पसरली आहे. गेल्या महिन्याभरापासून या वाघाने परिसरात अनेक जनावरांवर हल्ले केल्यामुळे ग्रामस्थांनी वन विभागाकडे तातडीने या वाघाचा बंदोबस्त करण्याची मागणी केली आहे.

    वन विभागाच्या माहितीनुसार, क्षेत्र सहायक कोरपना यांच्या मार्गदर्शनाखाली वनरक्षक निखिल गेडाम आणि कडेल यांनी घटनास्थळी जाऊन पंचनामा केला आहे. वन विभागाने नागरिकांना सतर्क राहण्याचे आवाहन केले असून, वाघाच्या हालचालींवर लक्ष ठेवण्यासाठी ट्रॅप कॅमेरे लावण्यात आले आहेत. नागरिकांनी काळजी घ्यावी आणि एकटे बाहेर पडणे टाळावे, असे आवाहन करण्यात आले आहे.

  • Prime Minister TB Mukt Bharat Abhiyan । प्रधानमंत्री टीबी मुक्त भारत अभियानांतर्गत घुग्घुस रुग्णालयाचा मोठा उपक्रम

    Prime Minister TB Mukt Bharat Abhiyan

    Prime Minister TB Mukt Bharat Abhiyan : चंद्रपूर, दि. 13 : आरोग्य आणि कुटूंब कल्याण मंत्रालय दिल्ली तर्फे राष्ट्रीय धोरणात्मक योजनेअंतर्गत 2025 पर्यंत क्षयरोग मुक्त भारत हे उद्दिष्ट ठरविण्यात आले आहे. त्या अनुषंगाने राष्ट्रीय क्षयरोग दूरीकरण कार्यक्रमाअंतर्गत ‘प्रधानमंत्री टीबी मुक्त भारत’ अभियाना अंतर्गत राजीव रतन केंद्रीय चिकित्सालय घुग्घुस  यांनी 50 गरजू क्षयरुग्णांना सहा महिन्यांकरीता दत्तक घेतले आहे व त्यांना पोषण आहार किट देऊन क्षयरुग्णांची मदत केली.

    चंद्रपुरात स्मार्ट मीटर चा वाद

    दानशूर व्यक्तींना आवाहन

    प्रधानमंत्री टीबी मुक्त भारत अभियान उपक्रमाचे उद्दिष्ट साध्य करण्याकरीता सामाजिक, कॅापोरेट, शैक्षणिक संस्था, दानशुर व्यक्तींनी क्षय रुग्णांना पोषण आहार किट देऊन नि:क्षय मित्र बनून सहकार्य करण्याचे आवाहन करण्यात आले आहे.

    कार्यक्रमाच्या अध्यक्षस्थानी वेकोलिच्या एरिया जनरल मॅनेजर सभ्यासाची डे,  दामिनी महिला मंडळच्या अध्यक्षा अनिता डे, जिल्हा क्षयरोग अधिकारी डॉ. ललीतकुमार पटले, क्षेत्रिय वैद्यकीय अधिकारी डॉ. डी. सी. आनंद,  वैद्यकिय अधिकारी डॉ विरेन्द्र शंभरकर, डॉ. सुवर्णा मानकर, राजीव रतन केंद्रिय चिकित्सालयाचे औषध निर्माण अधिकारी सुधीर गुंडेलीवार, डॉ. प्रिती राजागोपाल, जिल्हा कार्यक्रम समन्वयक डॉ. तेजस्विनी ताकसांडे आदी उपस्थित होते.

    यावेळी जिल्हा क्षयरोग अधिकारी डॉ. ललीतकुमार पटले म्हणाले, दानशुरांकडून केलेल्या छोटयाशा मदतीने क्षयरुग्ण बरा होण्यास मदत होते. समाजातील दानशुर व्यक्तींनी यासाठी पुढाकार घ्यावा, असे आवाहन त्यांनी केले.

  • ballarpur teenager missing । बल्लारपूरचा १७ वर्षीय रणजित बेपत्ता! ५ दिवसांपासून शोध सुरू, पालकांची CID चौकशीची मागणी

    ballarpur teenager missing

    ballarpur teenager missing : चंद्रपूर – बल्लारपूरचा अल्पवयीन तरुण रणजित निषाद गेल्या पाच दिवसांपासून राजुरा तहसील मधील गौरी सास्ती परिसरातील गुप्ता कोळसा वॉशरी वेकोली परिसरातून त्याच्या मित्रांसह रात्री फिरायला गेला होता आणि तो परतला नाही. त्यामुळे त्याच्यासोबत काहीतरी अनुचित प्रकार घडल्याचा कुटुंबीयांना संशय आहे.

    या संदर्भात मुलाच्या कुटुंबीयांनी पोलिस प्रशासनाकडे बेपत्ता मुलाचा शोध घेण्याची किंवा सीआयडीकडून प्रकरणाची चौकशी करून न्याय मिळवून देण्याची मागणी बेपत्ता मुलाच्या पालकांनी पत्रकार परिषदेद्वारे पोलिस प्रशासनाला केली आहे.

    स्मार्ट प्रीपेड मीटरचा वाद, आप मैदानात

    बेपत्ता अल्पवयीन मुलाची आई राजाराणी आणि वडील दिनेश यांनी सांगितले की, राजुरा तहसीलमधील बावापूर कडोली मानोली कोलगांव येथील परिसराजवळ गुप्ता वॉशरी आणि वेकोली कोळसा खाणी आहेत, जिथे रात्रीच्या वेळी वाहतूक वाहनांमधून वाहनांच्या बॅटरी आणि डिझेलची चोरी अनेक वेळा होते. त्याचप्रमाणे, ८ ऑगस्ट २०२५ रोजी रात्री ११.3० वाजता, बल्लारपूर येथील रहिवासी रणजित निशाद उर्फ कट्टाणी, वय १७, त्याच्या ७ मित्रांसह बाहेर गेला आणि परतला नाही. family press conference

    रणजितचा मोबाईल दाऊद जवळ, संशय बळावला?

    दरम्यान, दुस_या दिवशी, रणजितसोबत गेलेल्या तरुणांना चोरीच्या आरोपाखाली राजुरा पोलिसांनी अटक केली. त्यात रणजित निशाद त्यांच्यात नव्हता. परंतु त्याचा मोबाईल फोन दाऊद नावाच्या मुलाने राजुरा पोलिसांना दिला. या आधारे, रणजितसोबत गेलेल्या तरुणांनी त्याच्याशी काहीतरी चुकीचे केले आहे असा कुटुंबाचा संशय आहे. या संदर्भात, पोलिसांनी बेपत्ता मुलाला शोधून न्याय द्यावा किंवा सीआयडी चौकशी करावी अशी मागणी त्यांनी केली.


    पत्रकार परीषदेला रणजितची आई राजाराणी, वडील दिनेश निशाद आणि भाऊ संजय निशाद, महाराष्ट्र नवनिर्माण कामगार सेनेचे जिल्हाध्यक्ष अमन अंधेवार, मनसेचे जिल्हा उपाध्यक्ष राजू कुकडे, वाहतूक सेना जिल्हाध्यक्ष महेश वासलवार, जनहित जिल्हाध्यक्ष रमेश काळबांधे, सुनील गुढे आणि इतर कुटुंबातील सदस्य उपस्थित होते.

  • smart prepaid electricity meter audit demand । ⚡ बाबूपेठमध्ये स्मार्ट प्रीपेड मीटर वाद! आप ने केली ऑडिटची मागणी

    smart prepaid electricity meter audit demand

    smart prepaid electricity meter audit demand : चंद्रपूर : बाबुपेठ परिसरामध्ये अलीकडेच बसविण्यात आलेल्या स्मार्ट प्रीपेड मीटरमुळे अनेक नागरिकांना वाढीव व अनियमित बिल येत असून परिसरात संभ्रम आणि असंतोषाचे वातावरण निर्माण झाले आहे. या संदर्भात अनेक तक्रारी आम आदमी पार्टीकडे प्राप्त झाल्या आहेत.

    चंद्रपूर पाण्यात, जनजीवन विस्कळीत

    आम आदमी पार्टीचे पदाधिकारी व कार्यकर्त्यांनी महावितरण विभागाला निवेदन देऊन बापूपेठमधील सर्व स्मार्ट प्रीपेड मीटरचे तात्काळ ऑडिट व तांत्रिक चौकशी करण्याची मागणी केली आहे. तसेच, ऑडिट पूर्ण होईपर्यंत नवीन स्मार्ट मीटर बसविण्याचे काम तातडीने थांबविण्याचीही मागणी करण्यात आली आहे.

    तर आंदोलन करणार

    पक्षाने स्पष्ट इशारा दिला आहे की, जर मागण्या तातडीने मान्य केल्या नाहीत, तर आम आदमी पार्टीला आंदोलनाचा मार्ग अवलंबावा लागेल.

    यावेळेस आपचे राज्य संघटन सचिव सुनील मुसळे, जिल्हाध्यक्ष मयूर राईकवार, युवा जिल्हाध्यक्ष राजू कुडे, संघटन मंत्री संतोष बोपचे, सोशल मीडिया प्रमुख राजेश चेडगुलवार, बाबुपेठ अध्यक्ष राजू तोंडासे, अल्पसंख्यांक अध्यक्ष जावेद सय्यद, हर्षल नेवलकर, जयदेव देवगडे, मनीष राऊत, अनुप तेलतुंबडे, इत्यादी उपस्थित होते.

  • heavy rainfall chandrapur । मुसळधार पावसाने जनजीवन विस्कळीत, रस्ते बंद, शाळांवर संकट

    heavy rainfall chandrapur

    heavy rainfall chandrapur : चंद्रपूर – आठवडाभरानंतर चंद्रपूर जिल्ह्यात पावसाने जोरदार १३ ऑगस्ट रोजी जोरदार कमबॅक केले, रात्रीपासून सुरु झालेला मुसळधार पावसाने जिल्ह्यात अनेक ठिकाणी जनजीवन अस्तव्यस्त झाले होते. मागील २४ तासात चंद्रपूर जिल्ह्यात सरासरी १८.३ मिमी पावसाची नोंद करण्यात आली आहे. जिल्ह्यातील राजुरा तालुक्यात अनेक मार्ग बंद झाले तर कोरपना तालुक्यात सुद्धा हीच परिस्थिती होती. जिल्ह्यात अनेक ठिकाणी पावसाचे पाणी घरात शिरले तर शाळेवर झाड कोसळल्याने विद्यार्थी किरकोळ जखमी झाले. यामध्ये कसलीही जीवितहानी झाली नाही.

    शाळेवर कोसळले झाड

    भद्रावती आयुध निर्मणी वसाहतीमध्ये शाळेचे वर्ग सुरू असताना शाळेच्या दोन इमारती मध्ये असलेल्या वृक्ष कोसळला त्याची एक फांदी वर्ग पाच च्या खोलीवर कोसळल्याने वर्गातील चार ते पाच विद्यार्थी किरकोळ जखमी झाल्याची घटना दिनांक 13 ला शहरातील आयुध निर्माण चांदा वसाहतीत घडली. किरकोळ जखमी झालेल्या विद्यार्थ्यांवर आयुध निर्माणी वसाहतीतील दवाखान्यात उपचार करण्यात आले. Chandrapur heavy rain August

    जुना वाद खेळ खल्लास, चंद्रपुरात युवकाची हत्या

    केंद्रीय विद्यालयाचे काही वर्ग वसाहतीतील टाईप थ्री सेक्टर फोर या भागातील बंद असलेल्या जिल्हा परिषद शाळेच्या इमारतीत घेण्यात येत आहे. सदर शाळेच्या दोन इमारतीच्या मध्ये एक मोठे झाड आहे. आज सकाळपासून पाऊस येत असल्याने हे जीर्ण झाड कोसळले व त्याची एक मोठी फांदी वर्ग पाच च्या खोलीवर कोसळली. यामुळे सिमेंट ऍसबेसटास टिनाचे शेड तुटून त्याचे तुकडे खाली पडल्याने चार ते पाच विद्यार्थ्यांना किरकोळ इजा झाली. मात्र सर्व विद्यार्थी आपापल्या वर्गात असल्याने मोठा अनर्थ टळला.

    वरोरा व परिसरात दडी मारलेल्या पावसाने आपली जोरदार हजेरी लावत जवळपास १२ ऑगस्ट चे रात्रौ आणि १३ ऑगस्ट ला दुपारी एक वाजेपर्यंत मुसळधार पावसाने जनजीवन विस्कळीत केले.शहरातील पाणी वाहून नेणाऱ्या नाल्या ह्या पॅक केल्यामुळे वाहतुकीच्या रस्त्यांवर पाणी साचून अक्षरशः तलाव निर्माण झाले असल्याचे नागरिकांकडून बोलल्या जात आहे.त्यामुळे पूर्णतः जनजीवन विस्कळित झाले. heavy rainfall chandrapur


    शहरातील शुभम मंगल कार्यालय व कर्मवीर शाळा या मध्यंतरी रस्त्यांवर , कॉलरी वॉर्ड,तसेच अलीशान मंगल कार्यालय ते आझाद वॉर्ड कडे जाणारा मार्ग हे तिन्ही मार्गावर तलावाचे स्वरूप निर्माण झाले त्यामुळे वाहतूक पूर्णतः विस्कळीत झाली . कॉलरी वॉर्ड मध्ये वरोरा साजा च्या तलाठी व महसूल विभागाच्या कर्मचाऱ्यांनी
    आपल्या जबाबदारीचे भान ठेऊन परिस्थितीची पाहणी केली असल्याची माहिती आहे.

    राजुरा शहरालगतचा बामणवाडा परिसर अक्षरशः पाण्याखाली! कालपासून सुरू असलेल्या मुसळधार पावसाने स्नेहदीप नगर, स्टेला मॅरीस स्कूल आणि बामणवाडातील आजूबाजूच्या वस्त्यांमध्ये हाहाकार माजला आहे. परिसरात जिकडे तिकडे पाणीच पाणी, रस्ते चिखलमय झाले, शाळेत जाणाऱ्या लहान मुलांना , नागरिकांना जीव धोक्यात घालावा लागत आहे.


    यामागे फक्त पाऊसच नाही तर राष्ट्रीय महामार्ग प्राधिकरण आणि प्रशासनाचा निष्काळजी व नियोजनशून्य कारभार हेही तितकेच जबाबदार आहेत. राष्ट्रीय महामार्ग एन.एच. ९३०(ड) च्या बांधकामामुळे पावसाळ्यात पाणी नैसर्गिक प्रवाहाऐवजी थेट वस्त्यांकडे वळते. चुकीचे ड्रेनेज, बंद नाले आणि बामणवाडा तलावाचे अयोग्य खोलीकरण यांनी परिस्थितीचे रूपांतर आपत्तीमध्ये केले आहे.

    राजुरा तालुका बंद असलेली मार्ग

    टेम्बुरवाही ते विरूर स्टे. रस्ता अतिवृष्टी व सततच्या पाण्यामुळे बंद, मानोली बूज या गावात जाणारा रस्ता बंद, सुमठाना या गावात जाणारा रस्ता बंद व निर्ली ते धाडशी जाणारा रस्ता बंद. rain impact road closures

    कोरपना तालुक्यातील स्थिती

    शिवनारंडा ते कढोली, कढोली ते आवारपूर, नारंडा ते लोणी रस्ते बंद.

    इरई धरणाचे दोन दरवाजे उघडले

    जिल्ह्यात सुरु असलेल्या पावसामुळे इरई धरणाच्या पातळीमध्ये वाढ झाल्याने धरणाचे क्रमांक १ व ७ हे दरवाजे ०.२५ मीटर ने उघडण्यात आले आहे. नदीकाठच्या नागरिकांनी सतर्क रहावे असे आवाहन. Erai dam gate opening Chandrapur

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by