Blog

News34 chandrapur

चंद्रपूर : शहरात पावसाच्या पाण्याचा योग्य निचरा न झाल्याने पूरपरिस्थिती निर्माण होते. त्यामुळे चंद्रपूर शहरातील जनजीवन विस्कळीत होते अनधिकृत बांधकामामुळे पावसाच्या पाण्याचा योग्य प्रकारे निचरा होत नाही. आज नागरिकांच्या घरात पावसाच्या पाण्याने शिरकाव केल्याने पूरपरिस्थिती व नागरिकांचे मोठे नुकसान पाहायला मिळते.

चंद्रपूर शहरानजीक असलेल्या मौजा कोसारा येथील श्री. हंस भक्ती आश्रम जवळ पाऊणकर ले आऊट येथील रस्त्यावर असलेल्या इरई नदीलागत असलेल्या पुलाखालून पाणी सुरळीत वाहत होते व पाण्याचा योग्य निचरा देखील होत होता. परंतु सदर नाल्या लगत चौधरी नामक व्यक्तीने काही दिवासा आधी अनधिकृत रित्या 10 फूट उंचीची काँक्रीट भिंत बांधल्याने पावसात सदर भागातील नागरिकांच्या घरात नाल्यातील पाण्याचा शिरकाव होऊन मोठे नुकसान होण्याची दाट शक्यता भागातील नागरिकांकडून व्यक्त केली जात आहे.

सदर गंभीर बाब लक्षात घेत अनधिकृत केलेले बांधकाम तात्काळ कार्यवाही करत या भागातील नागरिकांना समोर उभारणाऱ्या समस्येपासून बचाव करण्या करीता चंद्रपूर महाराष्ट्र नवनिर्माण सेनेच्या कुलदीप चंदनखेडे व पदाधिकाऱ्यांमार्फत सार्वजनिक बांधकाम विभागाच्या मुख्य कार्यकारी अभियंता यांना निवेदन देण्यात व त्वरित सदर विषयावर तोडगा काढावा या साठी विनंती देखील केली. अणि यावेळी महाराष्ट्र नवनिर्माण सेनेच्या मार्फत या निवेदनाची तत्काळ दखल जर घेतली जाणार नाही तर येत्या 7 दिवसात मनविसे जिल्हा उपाध्यक्ष कुलदीप चंदनखेडे आणि समत्त मनसे परिवार या वाहणाऱ्या पाण्याची रोक करणाऱ्या पुलियातील पाणी रोखणाऱ्या चौधरी यांना चौधरी चा चांद दाखवून पाणी जाण्यास मार्ग मोकळा करून देणार अणि त्यांनी सुधा मार्ग मोकळा झाला नाही तर मग मनसे आपला मनसे स्टाईल हिसका दाखविणार.

यावेळी मनविसे जिल्हा उपाध्यक्ष कुलदीप चंदनखेडे, जिल्हा अध्यक्ष व्यापारी सेना महेश शास्त्रकार,जिल्हा अध्यक्ष वाहतूक सेना महेश वासलवार,जिल्हा अध्यक्ष सुनिल भाऊ गुडे, जिल्हा सचिन किशोर मडगूलवार, तालुका अधक्ष प्रकाश नागरकार, जिल्हा उपाध्यक्ष विजय तूर्क्याल, तालुका सचिव करन नायर, तालुका उपाध्यक्ष मयुर मदनकर, कोसारा अध्यक्ष शुभम वांढरे, जनहित कक्ष सचिव मंगेश धोटे, कामगार अध्यक्ष अक्षय चौधरी, प्रफुल कुचनकर, शिवाजी कडुकर, नितेश शेंडे, भुषण अंबादे, अक्षय काकडे आदी मनसैनिक अणि समस्त कोसारा गावकरी तसेच संगदिप जांभूळकर,धर्मेंद्र किनाके, नारायण गौरकार, विजय धागी, ईश्वर पांघटे, ओम जी शर्मा उपस्थित होते.

News34 chandrapur

चंद्रपूर – चंद्रपूरातील विद्यार्थी प्रतिभाशाली आहे. प्रत्येक क्षेत्रात त्याने भरारी घेतली आहे. त्यामुळे येथील विद्यार्थ्यांना आवश्यक त्या सोयी सुविधा देण्याचा आमचा मानस आहे. आपण मतदार संघात ११ अभ्यासिका तयार करत आहोत. यातील आज दुस-या अभ्यासिकेच्या इमारतीचे लोकार्पण झाले आहे. अभ्यासा बरोबरच त्यांना विचारांची देवाण – घेवाण करता यावी, आपले अनुभव दुस-या विद्यार्थ्यांपर्यत्न पोहचविता यावेत. अभ्यासासाठी पूरक असे उत्तम वातावरण निर्माण व्हावे यासाठी आपण चंद्रपूरात ५० लक्ष रुपयातून खुली अभ्यासिका तयार करणार असुन हा चंद्रपूरातील पहिला प्रयोग असणार आहे. असे प्रतिपादन आमदार किशोर जोरगेवार यांनी केले.

आमदार निधीतून वडगाव येथील नानाजी नगर येथे अभ्यासिकीचे इमारत बांधकाम करण्यात आले आहे. आज सदर ईमारतीचे आमदार किशोर जोरगेवर यांच्या हस्ते लोकार्पण करण्यात आले. या प्रसंगी ते उद्घाटक म्हणून बोलत होते. या कार्यक्रमाला अध्यक्ष म्हणून माजी नगर सेवक पप्पू देशमूख यांची तर प्रमुख अतिथी म्हणून नवदत्त क्रीडा मंडळाचे अध्यक्ष हरिचंद्र येरगुडे, विनोद निखाडे, जनविकास युवा आघाडीचे अक्षय येरगुडे, जनविकास महिला आघाडी प्रमुख मनीषा बोबडे, सार्वजनिक दत्त मंदिराचे सचिव व्यंकटेश उपगन्लावार, बाळू पारखी, मनोज भैसारे आदींची उपस्थिती होती.
यावेळी बोलताना ते पूढे म्हणाले की, केलेल्या संकल्पाची पुर्तता होते. तो आनंद मोठा असतो.

आमदार होताच चंद्रपूर मतदार संघात गरिब – गरजु विद्यार्थ्यांना निशुल्क अभ्यास करता यावा याकरिता 11 अभ्यासिका तयार करण्याचा संकल्प केला होता. तो पूर्ण होउ लागला आहे. आज आपण मतदार संघातील दुस-या अभ्यासिकेच्या इमारतीचे लोकार्पण करत आहोत. ही दत्त मंदिर येथील लोकार्पीत झालेली अभ्यासिकेची ईमारत शैक्षणिक आणि सामाजिक क्षेत्रात नक्कीच योगदान देणारी ठरेल असे प्रतिपादन आमदार किशोर जोरगेवार यांनी केले.

जोरगेवार म्हणाले कि, चंद्रपूर मतदार संघाचा विकास होत आहे. हा विकास होत असताना समाजातील सर्व घटकांना स्पर्श करण्याचा आमचा प्रयत्न राहिला आहे. मतदारसंघातील ग्रामीण भागात आपण विकास पोहचवू शकलो आहे. महाविकास आघाडी सरकार आणि आता शिंदे- फडणविस सकरकार या दोनही काळात आपण विविध विभागातून मोठा निधी खेचून आणला आहे. या निधीतून विकासकामे करत असतांना मोठ्या इमारती, बगीचे बांधण्यावर आपण भर न देता लोकउपयोगी वास्तु उभारण्यावर लक्ष केंद्रीत केले. समाजाचे प्रबोधन व्हावे यासाठी आपण सामाजिक भवन उभारले आहे. हे सामाजिक भवन भविष्यात सांस्कृतीक, सामाजिक, धार्मिक कार्यक्रमासाठी उपलब्ध असणार आहे.

तर कोरोणा काळात विद्यार्थ्यांवर कोसळलेल्या संकटात आपण विद्यार्थ्यांसाठी मतदार संघात 11 अभ्यासिका तयार करण्याचा संकल्प केला होता. यासाठी मोठ्या निधीची गरज होती. ती पूर्ण करतांना अनेक अडचणी आल्यात मात्र केलेला संकल्प पुर्ण करण्याचा निर्धार आपण केला होता. याचेच परिणाम स्वरुप आज आपण मतदार संघातील दुस-या अभ्यासिकेच्या ईमारतीचे लोकार्पण करत असल्याचे ते यावेळी म्हणाले. आज इमारतीचे लोकार्पण झाले आहे. येथे पुस्तक व ईतर साहित्य खरेदीसाठी आपण आणखी निधी देणार असल्याचेही ते यावेळी बोलताना ते म्हणाले. कार्यक्रमाचे संचालन संचालन रमा देशमुख यांनी केले. या कार्यक्रमाला विद्यार्थी व स्थानिक नागरिकांची मोठ्या संख्येने उपस्थिती होती.

– किशोर जोरगेवार हे समाज उपयोगी सुचनांची तात्काळ दखल घेणारे आमदार – पप्पू देशमूख

आमदार किशोर जोरगेवार हे जनतेचे प्रश्न सोडविण्यासाठी नेहमी तत्पर असतात. त्यांना एखादी मागणी केली व ती लोकउपयोगी असली कि ते ती पूर्ण करण्यासाठी शक्य ते सर्व प्रयत्न करतात. आज येथे लोकार्पित झालेली अभ्यासिका याचाच प्रत्यय देणारी आहे. आपण त्यांना खुल्या अभ्यासिकेची मागणी केली ती ही समजून घेत त्यांनी यासाठी ५० लक्ष रुपयांच्या निधीची घोषणा केली आहे. एकंदरीतच किशोर जोरगेवार हे समाज उपयोगी सुचनांची तात्काळ दखल घेणारे कार्यक्षम आमदार असल्याचे यावेळी माजी नगरसेवक पप्पू देशमूख म्हणाले.