Ballarpur Assembly शिवसेना प्रमुख, राज्याचे माजी मुख्यमंत्री उद्धव बाळासाहेब ठाकरे यांच्या प्रमुख उपस्थितीत शिवसेना जिल्हाप्रमुख संदिप गिऱ्हे यांच्या वाढदिवसानिमित्त बल्लारपूर व मुल तालुक्यातील जनतेच्या सेवार्थ नागपूर येथे शिवसेनेच्या रुग्णवाहिकांचा लोकार्पण सोहळा पार पडला.
रुग्णवाहिकेचे लोकार्पण शिवसेनापक्ष प्रमुख उद्धव ठाकरे साहेब यांच्या हस्ते फित कापून लोकार्पण केले. यावेळी ठाकरे यांनी शिवसैनिकांना संबोधित केलं. ते म्हणाले की आज रुग्णवाहिका बघितल्यानंतर आम्हाला जुना काळ आठवला, शिवसैनिकाची ओळख ही कसलंही संकट येवो, झोकून काम करुन नागरिकांना मदत करणं ही आहे, असं म्हणत शिवसैनिकांचं मनोबल उंचावण्याचे काम उद्धव ठाकरे यांनी केले. Ballarpur Assembly
चंद्रपूर जिल्हाप्रमुख संदिप गिऱ्हे यांच्या सामाजिक,पक्ष संघटनेच्या कामाबद्दल उद्धव ठाकरे यांनी कौतुक केलं, काम करताना शिवसैनिकांनी काळजी घ्यावी, असा सल्ला उद्धव ठाकरेंनी यावेळी दिला. Ballarpur Assembly
रुग्णवाहिका लोकार्पण प्रसंगी चंद्रपूर संपर्क प्रमुख प्रशांत दादा कदम, उपजिल्हाप्रमुख सिक्की यादव, शलिक फाले, युवासेना जिल्हाप्रमुख विक्रांत साहरे,चंद्रपूर प्रमोद पाटील,तालुका प्रमुख आशिष कावटवार,प्रकाश पाठक, प्रशांत गड्डूवार,विकास विरूटकर,सूरज माडूरवार आदींची उपस्थिती होती.
सदर रुग्णवाहिका 24 एप्रिल शिवसेना जिल्हाप्रमुख संदीप गिर्हे यांच्या वाढदिवसानिमित्त मूल व बल्लारपूर तालुक्यासाठी नागरिकांच्या सेवेत उपलब्ध होणार आहे, ग्रामीण भागातील शेवटच्या नागरिकांच्या सेवेसाठी ही रुग्णवाहिका उपलब्ध राहणार आहे.
Hindu Muslim unity हिंदू मुस्लिम ऐकतेची अनेक उदाहरणे आजवर चंद्रपूर जिल्हाने दिली आहे. असेच एक आदर्श उदाहण पून्हा एकदा दिसुन आले असून आमदार किशोर जोरगेवार यांनी फोन करताच जामा मस्जिद पब्लिक ट्रस्ट चा दादमहल येथील शेरेतुल इस्लाम मदरसा येथे महाकाली यात्रेकरूंना आश्रय दिला आहे.
चंद्रपुरातील महाकाली यात्रा शेवटच्या टप्प्यात पोहचली आहे. त्यामुळे राज्य व राज्याबाहेरील लाखो भाविक माता महाकालीच्या दर्शनासाठी चंद्रपूरात दाखल झाले आहे. या भाविकांच्या राहण्यासाठी आमदार किशोर जोरगेवार आणि त्यांचे मित्र डेकोरेशन व्यावसायिक अब्दुल कादर यांच्या वतीने कोहिनूर तलाव येथे पेंडाल टाकण्यात आले होते. मात्र काल रात्रो झालेल्या वादळी वा-यामुळे पेंडॉल कोसळला. त्यामुळे शेकडो यात्रेकरुंसमोर निवा-याचा मोठा प्रश्न निर्माण झाला होता. Hindu Muslim unity
ही बाब आमदार किशोर जोरगेवार यांच्या लक्षात येताच त्यांनी अब्दुल कादर यांच्या सहकार्याने याच परिसरात असलेल्या जामा मस्जिद पब्लिक ट्रस्ट च्या पदाधिकार्यांशी दुरध्वनी वरुन संपर्क साधत शेरेतुल इस्लाम मदरसा येथे यात्रेकरुंना आश्रय देण्याची विनंती केली. मदरसा कमेटीनेही यावर तात्कार होकार देत मदरसेची दारे यात्रेकरुंसाठी खुली केली. Hindu Muslim unity
त्यामुळे माता महाकालीच्या दर्शनासाठी आलेल्या शेकडो भाविकांच्या येथे निवा-याची सोय झाली आहे. मदरसा कमेटी सदर भाविकांना सोयी सुविधा पुरवत असून हिंदू मुस्लिम ऐक्याचा संदेश देशाला देत आहे. आमदार किशोर जोरगेवार यांनीही जामा मस्जिद पब्लिक ट्रस्ट ने घेतलेल्या या निर्णयाबद्दल त्यांचे आभार मानले आहे. Hindu Muslim unity
सोबतच मंदिर परिसरातील मंगल कार्यालये आणि सभागृह यात्रेकरुंसाठी मोकळे करुन तेथे यात्रेकरुंच्या निवासाची सोय करण्याच्या सुचनाही आमदार किशोर जोरगेवार यांनी जिल्हाधिकारी विनय गौडा आणि मनपा आयुक्त विपिन पालिवाल यांना केल्या आहे. Hindu Muslim unity
यापूर्वी चंद्रपुरात आलेल्या पुरामुळे प्रभावित झालेल्या नागरिकांसाठी किदवाई हायस्कूल खुली करण्याच्या विनंतीचा किदवाई कमेटीच्या वतीने सन्मान करत पूरग्रस्तांसाठी शाळा खुली केली होती. मुस्लीम समाज नेहमी संकटाच्या वेळी मदतीचा हात पुढे करतो असे आमदार किशोर जोरगेवार यांनी म्हटले आहे.
Letter from student to CM चंद्रपूर – महाराष्ट्राच्या शेवटच्या टोकावर असलेल्या आणि अति मागास असलेल्या जीवती तालुक्यातील एका चौथीत शिकणाऱ्या विद्यार्थिनीची चर्चा सध्या राज्यभर झाली होती. तुम्ही दिलेले पाठय़पुस्तक मला आवडले नाही. कारण एका विषयासाठी चार-चार पुस्तके शोधाव लागतात. यापेक्षा आमचे जुने पुस्तकच छान होते. कारण सगळे गणित एका पुस्तकात, सगळे इंग्रजी एका पुस्तकात, सगळे विज्ञान एका पुस्तकात होते. त्यामुळे एकाच विषयाचे पुस्तक वाचायला मजा यायची,’ असे तिने मुख्यमंत्र्यांना पाठवलेल्या पत्रात म्हटले होते.
सोबतच अभ्यास सोडून तुम्हाला पत्रच लिहीत राहायचे काय? असा प्रश्न तिने उपस्थित केला होता. विद्यार्थिनीने लिहिलेले हे पत्र समाजमाध्यमात वायरल झाले होते.या मुलीचा सत्कार समाजसेवक भूषण फुसे यांनी केला. Letter from student to CM
शैक्षणिक साहित्य त्यांनी भेट दिलेत.राजकारणात आपल्या कर्तुत्वाने फुसे यांनी स्वतःची ओळख निर्माण केली. गरजवंतासाठी ते नेहमी धावून जातात. आंदोलनाच्या माध्यमातून जिवती तालुक्यातील अनेक समस्या त्यांनी सोडविल्या आहेत. थेट मुख्यमंत्र्यांना प्रश्न करणाऱ्या या चिमुकल्या विद्यार्थिनी दाखवलेल्या हिमतीचे फुसे यांनी कौतुक केले.
महाराष्ट्रातील शेवटच्या टोकावर जिवती तालुका वसलेला आहे. राजुरा विधानसभा क्षेत्रात येणाऱ्या हा तालुका आजही मागासलेला आहे. येथील अनेक गावात मूलभूत सुविधांचा अभाव आहे. राजुरा विधानसभा क्षेत्राचे प्रतिनिधित्व करणाऱ्या लोकप्रतिनिधींनी कायमचेच या तालुकाच्या विकासाकडे दुर्लक्ष केले. मागास असलेल्या या तालुक्यातील एका जिल्हा परिषद शाळेमध्ये शिकणाऱ्या मुलीची चर्चा सध्या राज्यभर झाली होती. Letter from student to CM
Hanuman Jayanti 2024 मुल- मुल बसस्थानक येथे श्री. रामभक्त हनुमान मंदिराचे जीर्णोद्धार चंद्रपूर जिल्हा मध्यवर्ती बँकेचे अध्यक्ष व माजी जि.प. अध्यक्ष संतोष सिंह रावत यांनी आपल्या मातोश्री कमलादेवी चंदनसिंह रावत यांचे स्मृतीप्रित्यर्थ बस स्थानकावर अनेक वर्षापूर्वी हनुमान मंदिराची स्थापना केली.
तेव्हा पासूनच दरवर्षी हनुमान जयंती उत्सव मोठ्या भक्तिभावाने थाटामाटात साजरा केल्या जात असून भाविकांचे एक जागृत श्रद्धास्थान बनले आहे. Hanuman Jayanti 2024
महाप्रसाद चा लाभ घेताना भक्त
मुल बसस्थानकावर मुल, सिंदेवाही, पोभूर्णा, सावली, चंद्रपूर, गडचिरोली, ब्रम्हपुरी, चामोर्शी, गोंडपीपरी जाणारे येणारे हजारो भाविक श्री हनुमान मूर्तीचे दर्शन घेत आहेत. आज हनुमान जयंती निमित्त सकाळी ७.०० वाजता मंदिर समिती प्रमुख रुपलसिंह रावत यांचे शुभ हस्ते व संतोषसिंह रावत यांचे प्रमुख उपस्थितीत मिश्रा महाराज यांचे मंत्रोपचारने मूर्ती पूजन महा अभिषेक करण्यात आले. सकाळी ८ वाजता दहेगाव मानकापूर येथील किशोर पेंदाम व त्यांचे मंडळ आकाशवाणी पुरस्कृत प्रसिद्ध भजन मंडळ यांच्या भक्त संगीताचा व काल्याचा कार्यक्रम करण्यात आला. Hanuman Jayanti 2024
सकाळ पासूनच श्री.रामभक्त हनुमान यांच्या दर्शनासाठी मुल शहरातील शेकडो भक्तजन व येणारे जाणारे हजारो प्रवाशी यांनीही हनुमानाचे दर्शन घेतले. दुपारी ११.३० वाजता महाप्रसादाचे आयोजन करण्यात आले.
महाप्रसादाचे दाते संतोष सिंह रावत यांनी स्वतः महाप्रसादाचे वाटप हाती घेतले त्यांच्या हाताला हातभार लावण्याचे सहकार्य, रूपल रावत, मोना रावत ,दीपक रावत, सभापती राकेश रत्नावार , प्रतीक मुरकुटे, नंदू कागदेलवार , कांग्रेस अध्यक्ष गुरु गुरनुले, चतुर मोहुरले, प्रवीण चेपूरवार, चित्तरंजन वाढई, राजू चीलके, नवाब पठान संचालक घनश्याम येनुरकर, मंदिराचे पुजारी महाराज केशव गुज्जनवार, समितीचे लोमेश नागपुरे, सुनील मंगर, किशोर गुज्जनवार, छोटू रावत, संजय टिकले, सुमितसिंह बिष्ट, राजू गावतूरे, तेजस महाडोळे, अंकुश ध्यांनबोइंवार, चेतन कावळे, कमलेश रामटेके, अजय झाडे, सोमा नागपुरे, पंकज लाडवे, निखिल पांडव, यांचेसह हनुमान मंदिर समितीचे पदाधिकारी व अनेक कार्यकर्ते यांनीही ५००० हजार भाविकांना महाप्रसाद वाटप करण्यात सहकार्य केले. Hanuman Jayanti 2024
हनुमान जयंती उत्सव दिना निमित्त आलेल्या समस्त भाविकांना व जाणाऱ्या येणाऱ्या प्रवाशांना महाप्रसादाचे वाटप केल्याने आयोजकांप्रती भक्तजनानी आभार व्यक्त केले आहे.
Chandrapur shivsena शिवसेना ठाकरे गटाचे जिल्हाप्रमुख संदीप गिर्हे यांनी पक्ष प्रवेशाचा धडाका लावला, काही दिवसांपूर्वी बहुजन समाज पक्षाचे नगरसेवक सागर राऊत यांनी संदीप गिर्हे यांच्या नेतृत्वावर विश्वास ठेवत ठाकरे गट शिवसेनेत प्रवेश केला.
22 एप्रिलला नागपूर येथे कांग्रेस नगरसेवक अमित पाझारे व बल्लारपूर विधानसभेचे उमेदवार व बहुजन समाज पक्षाचे नगरसेवक सरफराज शेख यांनी शिवसेना पक्षप्रमुख उद्धव ठाकरे यांच्या उपस्थितीत शिवसेना पक्षात प्रवेश केला. Chandrapur shivsena
बल्लारपूर विधानसभा क्षेत्रात शिवसेना पक्षाची वाटचाल मोठ्या धडाक्यात सुरू आहे, संदीप गिर्हे यांनी जिल्ह्यात पक्षाची धुरा सांभाळल्यानंतर शिवसेनेच्या कार्यकर्त्यांमध्ये उत्साहाचे वातावरण आहे, ज्याप्रकारे पक्षात मोठे नेते व कार्यकर्ते प्रवेश घेत आहे त्यामुळे शिवसेनेची ताकद सतत वाढत आहे. Chandrapur shivsena
यापूर्वी बल्लारपूर विधानसभा क्षेत्रात संदीप गिर्हे यांनी तालुका निहाय जनसंपर्क कार्यालयाचे उदघाटन केले, त्याठिकाणी त्यांना चांगला प्रतिसाद मिळाला, सोबतच अनेक पक्ष प्रवेशाचे कार्यक्रम झाले, अनेक वर्षांनी शिवसेनेला संदीप गिर्हे यांच्या नेतृत्वात चांगलं प्रतिनिधित्व मिळाले आहे.
येणाऱ्या विधानसभा निवडणुकीत शिवसेना किंग मेकर ठरेल हे नक्की.
Unseasonal rain in Chandrapur चंद्रपूर : चंद्रपूरची आराध्य दैवत माता महाकाली यांच्या यात्रेमध्ये मराठवाडा भागातून मोठ्या संख्येत येणाऱ्या यात्रेकरूंच्या सोयी सुविधेमध्ये कुठल्याही प्रकारची सुधारणा न झाल्यामुळे आज अचानक झालेल्या तुफानी बरसातीने प्रशासनाच्या व्यवस्थेचे पोल खुलल्याचे चित्र दिसले.
अनेक ठिकाणी यात्रेकरूंना शौचालयाची दुरावस्था, पिण्याच्या पाण्याची गैरसोय, राहण्याची, स्वयंपाक करण्याची व्यवस्था कुठेही नसल्याने यात्रेकरूंच्या समोर खूप मोठा प्रश्नचिन्ह उपस्थित झालेले पाहायला मिळाले. Unseasonal rain in Chandrapur
या जिल्ह्याला औद्योगिक जिल्हा म्हणून ओळख असून मोठ्या प्रमाणात सीएसआर निधी मिळतो तथा येथील राजकीय भौगोलिक स्थिती बघता अनेकदा या जिल्ह्यातील नेत्यांनी मंत्रीपद भूषवलेले आहेत तरी देखील सुधारणा होत नसल्याने चंद्रपूरच्या विकासावर प्रश्नचिन्ह उपस्थित झालेला आहे. Unseasonal rain in Chandrapur
जिल्ह्यातील लोकसभा निवडणुकीच्या काळामध्ये सत्ताधारी आणि विपक्ष कामाच्या बाता मारत फिरत होते. मात्र आता जनतेला वाऱ्यावर सोडल्याचे चित्र जिल्हात दिसत आहे. त्यामुळे सर्वसाधारण आम आदमी स्वतः ची फसवणूक झाल्यासारखा वाटून घेत असून तात्काळ यात्रेकरूंची सोय करण्याकरिता उपाय योजना करव्यात अन्यथा आम आदमी पार्टी प्रशासनाचा विरोधात रस्त्यावर उतरेल असे आम आदमी पार्टी चे युवा जिल्हाद्यक्ष राजू कुडे यांनी म्हटले आहे. Unseasonal rain in Chandrapur
आंध्रप्रदेश, मराठवाडा, तेलंगणा राज्यातील नागरिक महाकाली मातेच्या दर्शनाकरिता चंद्रपुरात दाखल होतात, रखरखत्या उन्हात लाखो नागरिक आपल्या लहान मुलांना सोबत घेऊन येतात, मात्र स्थानिक प्रशासनद्वारे त्यांची याठिकाणी अव्यवस्था होते.
अवकाळी पावसाने आज यात्रेकरूंचे पेंडाल उडाले, आई आपल्या बाळाला पावसापासून वाचविण्यासाठी धावपळ करताना दिसली, नागरिक चिखलात आपली वाट काढताना दिसले, आता रात्र निवारा कुठे करणार असा यक्ष प्रश्न नागरिकांसमोर उभा होता.
Municipal Commissioner Facebook account चंद्रपूर महानगरपालिका आयुक्त विपीन पालिवाल यांचे फेसबुक समाजमाध्यमावरील खाते हॅक (क्लोन) झाले आहे, त्यांच्या फ्रेंड लिस्टमधील अनेकांना पैश्याची मागणी करण्यात आली आहे.
22 एप्रिलला विपीन पालिवाल यांनी फ्रेंड लिस्ट मधील सर्वांना आवाहन केले की माझ्या नावावर फेसबुक द्वारे पैश्याची मागणी केल्यास आपण त्याला प्रतिसाद देऊ नये. आपण तात्काळ ते खाते ब्लॉक करावे. Municipal Commissioner Facebook account
समाजमाध्यमावरील जगात सर्वात जास्त वापरण्यात येणारे माध्यम म्हणजे फेसबुक याद्वारे अनेक जण आपले विचार व्यक्त करीत असतात मात्र काही महिन्यांपासून फेसबुक खाते क्लोन करीत फ्रेंड लिस्ट मधील व्यक्तींना पैश्याची मागणी करण्याचे प्रकार वाढले आहे. Municipal Commissioner Facebook account
विशेष म्हणजे काहीजण आर्थिक बळी सुद्धा पडलेले आहे, चंद्रपूर मनपा आयुक्त पालिवाल यांनी वेळेपूर्वी सर्वांना आवाहन केल्याने आता तो धोका टळला मात्र नागरिकांनी आता खबरदारी घ्यावी असे आवाहन पालिवाल यांनी केले आहे. Municipal Commissioner Facebook account
पालिवाल यांच्या फेसबुक खात्यावरून नागरिकांना मॅसेज गेले की माझ्या घरातील फर्निचर विकायचे आहे आपला मोबाईल क्रमांक द्या मी आपल्याला माहिती देतो, त्यानंतर आपण कॉल द्वारे पुढील व्यवहार करू.
The Burning Truck कोरपना – यवतमाळ जिल्ह्यातील मोहदा येथून कोरपना मार्गे गिट्टी भरून येत असताना हायवाच्या टायरने पेट घेतल्याने हायवाला भीषण आग लागली. ही घटना राजुरा – कोरपना राष्ट्रीय महामार्गावरील, कोरपना तालुक्यातील आसन खुर्द जवळ सोमवार दिनांक २२एप्रिल ला सकाळी 8 वाजताच्या सुमारास घडली. The Burning Truck
सद्यस्थितीत राजुरा – कोरपना – राज्य सीमा राष्ट्रीय महामार्ग (National Highway) क्रमांक ३५३ बी चे चौपदरीकरणाचे काम सुरू आहे. या कामासाठी महामार्ग निर्मितीचे काम असलेल्या जीआर कंपनी द्वारे मोहदा येथून गिटी आणली जात आहे. तिथून येत असताना अचानक हायवा क्रमांक एच आर ५८ सी ६२४० च्या मागील टायरने पेट घेतला.
याबाबत रस्त्याने जाणाऱ्या नागरिकांनी ड्रायव्हरला कल्पना असता वाहनचालक तात्काळ उतरला. त्यामुळे तो ही सुदैवाने बचावला.
मात्र कुठलेही अग्निशामक साहित्य नसल्याने त्याचाही नाईलाज झाला. The Burning Truck
मार्गाच्या कामाला असलेल्या पाणी टँकरमधून पाईप लावून आग विझविण्याचा प्रयत्न केला. अर्धा तास नंतर गडचांदूर नगर पालिका व अल्ट्राटेक सिमेंट कंपनीचे अग्निशमन वाहन पोहोचले. त्यामुळे आग आटोक्यात आली. The burning truck
या घटनेनंतर राष्ट्रीय महामार्गावर घटना बघण्यासाठी मोठी गर्दी झाली होती. घटनेचा पुढील तपास गडचांदूर पोलीस करीत आहे.ओव्हरलोडमुळे टायरने पेट घेतल्याचे बोलले जात आहे.
Railway Tickets Booking Scam उन्हाळ्याच्या सुट्ट्या व लग्न समारंभात जाण्यासाठी सध्या नागरिक मोठ्या प्रमाणात गावी जातात, प्रवास सुखकर व्हावा यासाठी नागरिक रेल्वेचा वापर करतात मात्र तिथेही प्रवाश्यांना वेळेवर तिकीट मिळत नाही, याचं मुख्य कारण म्हणजे ई-तिकीट काढणारे एजंट, मोठ्या कमिशन च्या नादात रेल्वे तिकीट आधीच आरक्षित करण्यात येते, त्यामुळे नागरिकांना तिकीट मिळत नाही, याबाबत चंद्रपूर व नागपूर रेल्वे पोलिसांना तक्रारी प्राप्त झाल्या होत्या.
नागपूर RPF चे आयुक्त मनोज कुमार यांनी यावर कारवाई करण्याचे निर्देश चंद्रपूर रेल्वे पोलिसांना दिले होते.
चंद्रपूर हद्दीतील एजंट वर रेल्वे पोलिसांनी आधी त्यांच्यावर नजर ठेवली व 20 एप्रिलला 5 पथक तयार करीत एकाच वेळी छापामार कारवाई केली. Railway Tickets Booking Scam
यावेळी चंद्रपूर येथील 5, घुग्गुस येथील 5, वणी 2, भद्रावती आणि माजरी येथे प्रत्येकी 1 एजंटला अटक करण्यात आली.
14 एजंट कडून 61 तिकीट किंमत 1 लाख 32 हजार 47 रुपये जप्त केले त्यासोबत उपभोग केलेले एकूण 210 तिकीट असा एकूण 271 तिकीट मिळून तब्बल 5 लाख 10 हजार 481 रुपये किमतीचे तिकीट जप्त करीत रेल्वे कायद्यानुसार एजंटला अटक करीत कारवाई करण्यात आली. Railway Tickets Booking Scam
सदरची कारवाई रेल्वे पोलीस के.एन.राय, आर के यादव, हरवंश सिंह, प्रियांका सिंह, सचिन नागपूरे यांनी केली, अशी माहिती रेल्वे पोलिसांनी 21 एप्रिलला सायंकाळी 7 वाजता दिली.
चंद्रपूर जिल्ह्यात याआधी सुद्धा असे प्रकरण उघडकीस आले होते, मात्र त्यानंतर सुद्धा रेल्वे तिकिटांची काळाबाजारी सुरूच आहे, यामध्ये विशेषतः टूर्स अँड ट्रॅव्हल्स, सायबर कॅफे मध्ये तिकिटांची वेगवेगळ्या खात्याद्वारे खरेदी विक्री होते. Railway Tickets Booking Scam
मात्र प्रशासन सुद्धा यावर आजपर्यंत पूर्णपणे नियंत्रण मिळवू शकले नाही, नागरिकांच्या तक्रारी गेल्यावर प्रशासनाला जाग येते मात्र तोपर्यंत हजारो नागरिकांचे खिसे एजंट खाली करून बसलेले असतात.
Defamation of Eco Pro organization चंद्रपूर : इको-प्रो संस्थेचे संस्थापक अध्यक्ष बंडू धोतरे यांनी नुकतेच काँग्रेसचे सदस्यत्व स्वीकारले. त्यावर एका डिजिटल माध्यमातील चंद्रपुरातील न्यूज पोर्टलने कोणतीही शहानिशा न करता इको-प्रो मध्ये फूट पडल्याचे वृत्त प्रकाशित केले. त्यामुळे कोणतेही कारण नसताना कार्यकर्त्यात संभ्रम निर्माण झाला.
त्या पार्श्वभूमीवर इको-प्रो संस्थेच्या सक्रिय कार्यकर्त्यांची रविवारी बैठक घेण्यात आली. इको-प्रो मध्ये कोणतीही फूट नाही; संस्था ‘एकजुट’ असल्याचे स्पष्ट करीत त्या वृत्ताचे खंडन करण्यात आले. दरम्यान खोटे व एकतर्फी वृत्त देणाऱ्या या पोर्टलमुळे संस्थेची नाहक बदनामी झाली आहे. Defamation of Eco Pro organization
इको-प्रो संस्थेचे अध्यक्ष बंडू धोतरे यांनी व्यक्तिगत निर्णय घेत काँग्रेस पक्षाचे सदस्यत्व स्वीकारण्याची भूमिका घेतली. तसे व्यक्तिगत पत्र दिले, त्यावर काँग्रेसचे जिल्हाध्यक्ष सुभाष धोटे यांनी काँग्रेसमध्ये स्वागत करीत असल्याचे पत्र दिले. मात्र, शहरातील एका पोर्टलने कोणतेही शहानिशा न करता परस्पर वृत्त प्रकाशित करून बदनामी केली. कार्यकर्त्यांमध्ये झालेल्या संभ्रमामुळे आज रविवार, 21 एप्रिल रोजी इको-प्रो संस्थेचे जुने-नवे सर्व सदस्य यांची बैठक घेण्यात आली. या बैठकीत काँग्रेस सदस्यत्वासाठी लिहिलेल्या पत्राचे वाचन करण्यात आले. सोबतच न्यूज पोर्टलमध्ये छापून आलेल्या बातमीचे सुद्धा वाचन करण्यात आले. Defamation of Eco Pro organization
यानुसार उपस्थित सर्व सदस्यांनी दोन्ही बातमी आणि पत्रातील तथ्यावर चर्चा करण्यात आली. त्यानुसार सदर पत्रामध्ये असं कुठलंही विधान करण्यात आलेलं नाही किंवा तसे काहीच लेखी देण्यात आलेले नाही, ही बाब स्पष्ट झाल्याने काही महत्वाचे निर्णय घेण्यात आले. सोबतच बंडू धोतरे यांनी आपली भूमिका सुद्धा स्पष्ट केली.
ईको प्रो कार्यालयात बैठक
त्यानुसार बंडू धोतरे हे व्यक्तिगत पातळीवर काँग्रेस पक्षामध्ये प्रवेश केलेला आहे. संस्थेचा कुठलाही पाठिंबा काँग्रेस किंवा उमेदवाराला देण्यात आलेला नाही. त्यानुसार संस्था मागील 20 वर्षापासून आपल्या कार्याचे स्वतंत्र अस्तित्व ठेवून आहे. तसे पर्यावरण व सामाजिक क्षेत्रातील भरीव कार्य यापुढेही निष्पक्षपणे सुरू राहणार आहे. बंडू धोतरे यांच्या काँग्रेस प्रवेशाने यावर कुठलाही फरक पडणार नाही. नेहमीप्रमाणे इको-प्रो संस्था आपली भूमिका घेताना सरकार कोणती आहे, कुणाची आहे? याचा विचार न करता आपल्या नेहमीच्या पद्धतीने कार्य करणार आणि भूमिका मांडणार आहे, असे सभेत स्पष्ट झाले. Defamation of Eco Pro organization
संस्थेत कुठलीही फूट नसून, यापुढे सर्व सदस्य संस्थेसोबत राहून ‘एकजूट’ राहणार असल्याचे सर्वांनी एकमताने ठरविले. इको-प्रो संस्थेमध्ये अनेक विचाराचे, अनेक पक्षाचे कार्यकर्ते आहेत ते व्यक्तिगत पातळीवर वेगवेगळ्या पक्षात काम जरी करत असले तरी, चंद्रपूर शहरासाठी किंवा चंद्रपूर जिल्ह्यातील विविध प्रश्नासाठी आम्ही सर्व एक आहोत आणि एक म्हणूनच आम्ही कार्य करत राहू अशी ग्वाही सर्वांनी दिली.
बैठकीत इको-प्रो संस्थेचे बंडू धोतरे यांच्यासह धर्मेंद्र लुनावत, ओम वर्मा, सुभाष शिंदे, अनिल अडगुरवार, बंडू दुधे, नितीन रामटेके, सुधीर देव, सचिन धोतरे, सुमित कोहळे, मनीष गावंडे, संजय सब्बनवार, विजय हेडाऊ, सुनील मीलाल, किशोर वैद्य, रवी गुरनुले, प्रकाश निर्वाण, सागर कावळे, राजू काहिलकर, योगेश गावतुरे, जितेंद्र वाळके, कपिल चौधरी, सुनील लिपटे, सनी दुर्गे, महेंद्र शेरकी आदी सदस्य उपस्थित होते.
…..
“काँग्रेस सदस्य म्हणून म्हणून माझी व्यक्तिगत आणि स्वतंत्र भूमिका घेतली आहे, त्याचा संस्थेची कुठलाही संबंध नाही. इको-प्रो ही संस्था नेहमीप्रमाणे कार्य करताना, प्रत्येक विषयावर आपली स्पष्ट आणि निपक्ष भूमिका असेल, तेव्हा या भुमिकेसोबत आम्ही कायम असणार आहे. संस्थेत पूर्वीपासून अनेक पक्षातील सदस्य असून ते सुद्धा संस्थेत कार्य करीत आहेत, संस्थेत कुठलाही संभ्रम नसून आम्ही एकजूट आहोत.”
