Blog

ncp sp छत्रपती शिवाजी महाराज यांचा निकृष्ट दर्जाचा पुतळा बनविनाऱ्यांवर कठोर कारवाई करून तात्काळ अटक करा: चंद्रपूर जिल्हा व राष्ट्रवादी
काँग्रेस पक्ष शरदचंद्र पवार मागणी

रमाई घरकुल योजना : चंद्रपूर जिल्ह्यात 864 घरकुल मंजूर

Ncp sp चंद्रपूर जिल्हा व शहर राष्ट्रवादी काँग्रेस (शरदचंद्र पवार ) पक्षाच्या वतीने छत्रपती शिवाजी महाराजांचा सिंधुदुर्ग राजकोट येथे आठ महिन्यापूर्वी उभारलेला पुतळा एकाएकी कोसळून पडला या घटनेच्या निषेधार्थ शिवाजी महाराजांच्या पुतळ्यासमोर गिरणार चौकात जिल्हा कार्याध्यक्ष बेबीताई उईके शहर जिल्हाध्यक्ष दीपक जयस्वाल यांच्या नेतृत्वात महायुती भ्रष्टाचारी सरकारच्या विरोधात निदर्शने करण्यात आले.

   छत्रपती शिवाजी महाराज हे संपूर्ण देशाचे आराध्य दैवत आहे.छत्रपती शिवराय हे आपल्या सर्वांसाठी अभिमानाचा, स्वाभिमानाचा,अस्मितेचा आणि सन्मानाचा विषय आहे.शिवरायांच्या नावावर या महाराष्ट्रात नेहमीच सत्ता स्थापन झालेली आहे.असे असताना छत्रपती शिवाजी महाराजांचा राजकोट मालवण येथे  आठ महिन्यापूर्वी उभारलेला शिवछत्रपतींचा पुतळा एकाएकी कोसळून पडतो ही अत्यंत संतापजनक आणि महाराष्ट्राच्या अस्मितेला डाग लावणारी बाब  या घटनेचा निषेध व्यक्त केला.

Ncp sp महायुती सरकारचे काळे कारणामेच्या निषेधार्थ काळे फुगे दाखवीत महायुतीचे कारणामे जनतेपर्यंत पोहोचवण्यासाठी मूलभूत प्रश्नांना नाकारून केवळ सत्ताकारनात रमलेल्या भ्रष्टाचारी सरकारला जागे करण्यासाठीं राज्यात बळीराजाला दिल्या जाणाऱ्या यातना वाढत्या महागाई मुळे प्रत्येक कुटुंबाचं कोलमडलेलं आर्थिक नियोजन महाराष्ट्र अस्मितेवर घाव, वाढते गुंडगिरी-गुन्हेगारी, वाढते महिला वरील अत्याचार ,वाढता भ्रष्टाचार ,पेपर फुटी मुळे ढासळलेल्या शैक्षणिक अवस्थेत विद्यार्थ्यांचे झालेले नुकसान, महायुतीच्या या महाराष्ट्र द्वेषी धोरणाला कायमचा लगाम लावण्यासाठी महायुतीचे काळे कारणाने सर्वसामान्य जनतेपर्यंत पोहोचण्यासाठी निषेध आंदोलन करण्यात आले
या पुतळ्याचे उद्घाटन देशाचे प्रधानमंत्री नरेंद्र 8 महिन्यापूर्वी उभा केलेला पुतळा पडतोच कसा? या पुतळ्याचे बांधकाम करताना आवश्यक ती काळजी घेतली गेली नाही त्यामुळे गांभीर्याने या घटनेची दखल घेऊन शिल्पकार आपटे, कंत्राटदार चेतन पाटील, सार्वजनिक बांधकाम मंत्री रवींद्र चव्हाण,त्यांचे सहकारी आणि या घटनेसाठी दोषी असलेल्या सर्वांवर ताबडतोब कठोर कारवाई करून त्यांच्यावर गुन्हे दाखल करुण त्यांना तात्काळ अटक करण्यात यावी. या मागणीचे आंदोलन करण्यात आले.

यावेळी उपस्थित ज्येष्ठ नेते हिराचंद बोरकुटे, सेवादल जिल्हाध्यक्ष माणिक लोणकर, शहर जिल्हाध्यक्ष कलाकार मल्हारप, शहर उपाध्यक्ष राहूल देवतळे, परब गिरडकर, जिल्हा प्रसिद्धीप्रमुख पूजाताई शेरकी, माजी जिल्हा परिषद सदस्य वंदना आवडे, जिल्हा सचिव शोभाताई घरडे, नीलिमा आत्राम, नीलिमा नरवडे ,प्रमोद देशमुख, माजी नगरसेवक विनोद लाभाने, मारुती झाडे, सिहल नगराळे,, सतीश मांडवकर, नीलकंठ येणे, सुवास पिंगे ,सुजल आंबटकर, लता जांभुळकर, हर्षा कैरकर इत्यादी प्रमुख पदाधिकारी आणि इतर कार्यकर्ते उपस्थित होते.

Aam Aadmi Party मालवण राजकोट किल्ल्यावरील छत्रपती शिवाजी महाराजांच्या पुतळ्याच्या कोसळण्याच्या घटनेविरोधात आम आदमी पक्षाचे तीव्र आंदोलन

मालवण राजकोट किल्ल्यावरील छत्रपती शिवाजी महाराजांच्या पूर्णाकृती पुतळ्याच्या कोसळण्याच्या अत्यंत दुर्दैवी आणि संतापजनक घटनेविरोधात आम आदमी पक्षाचे जिल्हाध्यक्ष श्री मयूर राईकवार यांच्या नेतृत्वात जटपुरा गेट येथे एक प्रभावी आंदोलन आयोजित करण्यात आले. या घटनेने महाराष्ट्रातील प्रत्येक नागरिकाच्या भावना दुखावल्या आहेत.

आंदोलनाचे प्रमुख मुद्दे:

1. पुतळ्याच्या तात्काळ दुरुस्तीची मागणी
2. या घटनेस जबाबदार असणाऱ्यांवर कडक कारवाईची मागणी
3. भविष्यात अशा घटना टाळण्यासाठी प्रभावी उपाययोजनांची मागणी
4. ऐतिहासिक वारसा जतन करण्यासाठी विशेष निधीची मागणी

Aam aadmi party आम आदमी पक्षाचे जिल्हाध्यक्ष श्री मयूर राईकवार यांनी या प्रसंगी भाष्य करताना म्हटले, “छत्रपती शिवाजी महाराज हे केवळ महाराष्ट्राचेच नव्हे तर संपूर्ण भारताचे अभिमान आहेत. त्यांच्या स्मृतीचा असा अपमान कोणत्याही परिस्थितीत सहन केला जाणार नाही. आम्ही शासनाला आवाहन करतो की या प्रकरणाची गंभीर दखल घेऊन तात्काळ कारवाई करावी. जोपर्यंत योग्य ती कारवाई होत नाही, तोपर्यंत आमचे आंदोलन सुरूच राहील.”

ज्येष्ठ नेते श्री सुनील मुसळे यांनी या घटनेचा ऐतिहासिक संदर्भ देत म्हटले, “छत्रपती शिवाजी महाराजांनी आपल्या कार्याने महाराष्ट्राला एक नवी दिशा दिली. त्यांच्या विचारांचा आणि कार्याचा सन्मान करणे हे प्रत्येक महाराष्ट्रीयनाचे कर्तव्य आहे. या घटनेमुळे आमच्या भावना अत्यंत दुखावल्या गेल्या आहेत.”

अवश्य वाचा : महायुती सरकारचा कोथळा जनता काढल्याशिवाय राहणार नाही – रामू तिवारी

महानगर अध्यक्ष श्री योगेश गोखरे यांनी या प्रसंगी आपले विचार मांडताना म्हटले, “छत्रपती शिवाजी महाराज हे केवळ एक ऐतिहासिक व्यक्तिमत्व नाहीत, तर ते आमच्यासाठी जीवनमूल्यांचे प्रतीक आहेत. त्यांच्या पुतळ्याची दुरवस्था म्हणजे आमच्या संस्कृतीचा आणि मूल्यांचा अपमान आहे. आम्ही मागणी करतो की शासनाने न केवळ या पुतळ्याची दुरुस्ती करावी, तर राज्यभरातील सर्व ऐतिहासिक वास्तूंचे आणि पुतळ्यांचे संरक्षण आणि जतन करण्यासाठी एक विशेष कृती आराखडा तयार करावा. छत्रपती शिवाजी महाराजांचे विचार आणि आदर्श नव्या पिढीपर्यंत पोहोचवण्यासाठी विशेष कार्यक्रमांचे आयोजन करण्याची गरज आहे. आम्ही या विषयावर तडजोड करणार नाही आणि आमचे आंदोलन सुरूच ठेवू.”

Aam aadmi party युवा जिल्हाध्यक्ष श्री राजू कुडे यांनी तरुणांच्या भूमिकेवर भर देत सांगितले, “आजची तरुण पिढी छत्रपती शिवाजी महाराजांच्या विचारांनी प्रेरित आहे. आम्ही त्यांच्या विचारांचा प्रसार करण्यासाठी कटिबद्ध आहोत आणि अशा घटनांमुळे आमचा संकल्प अधिकच दृढ होतो.”

महानगर महिला अध्यक्ष ऍड. तबसुंम शेख यांनी महिलांच्या सहभागावर भर देत म्हटले, “छत्रपती शिवाजी महाराजांनी महिलांच्या सन्मानासाठी केलेले कार्य अतुलनीय आहे. आजच्या या आंदोलनात मोठ्या संख्येने महिला सहभागी झाल्या आहेत, जे दर्शवते की महाराजांचे विचार आजही तितकेच प्रासंगिक आहेत.”

Aam aadmi party आंदोलनात सहभागी झालेल्या प्रमुख नेत्यांमध्ये श्री राजकुमार नगराळे (जिल्हा सचिव), श्री प्रशांत सिदुरकर, श्री कुणाल शेटे, श्री योगेश मुरेकर (जिल्हा संगठन मंत्री), श्री संगम सागोरे (वाहतूक जिल्हाध्यक्ष), श्री संतोष बोपचे (महानगर संगठन मंत्री), श्री जावेद सय्यद (अल्पसंख्याक अध्यक्ष), श्री संतोष दोरखंदे (जिल्हा महासचिव), श्री आदित्य नंदनवार (युवा सचिव), श्री सुनील सद्भय्या (महानगर उपाध्यक्ष), श्री सिकंदर सागोरे, श्री विकास मंडल, श्री शुभम साखरकर, श्री जितेंद्र कुमार भाटिया, श्री कार्तिक सीडाम, श्री चेतन आगळे, श्री माधव मामीडवार, श्री अशीष सिंग, श्री ईश्वर सहारे यांचा सह असंख्य पदाधिकारी कार्यकर्ते यांचा समावेश होता.

आंदोलनादरम्यान आम आदमी पक्षाचे कार्यकर्ते अत्यंत तीव्र भावनिक अवस्थेत होते. त्यांनी आपल्या मागण्यांबाबत कडक भूमिका घेतली आणि न्यायासाठी ठामपणे उभे राहिले. शासनाच्या निष्क्रियतेमुळे त्यांच्या संतापाची पराकाष्ठा झाली होती. त्यांनी शासनाला स्पष्ट इशारा दिला की जर लवकरात लवकर योग्य ती कारवाई करण्यात आली नाही, तर येत्या काळात अधिक उग्र स्वरूपाचे आंदोलन करण्यात येईल. आम आदमी पक्षाचे कार्यकर्ते छत्रपती शिवाजी महाराजांच्या अपमानाच्या विरोधात कोणतीही तडजोड करण्यास तयार नाहीत.

आम आदमी पक्ष या प्रकरणाचा कडक पाठपुरावा करत राहील आणि छत्रपती शिवाजी महाराजांच्या स्मृतीचा योग्य तो सन्मान राखला जाईल यासाठी सर्वतोपरी प्रयत्न करेल.

संपर्क:
श्री राजेश चेटगुलवार
जिल्हा सोशल मीडिया प्रमुख, आम आदमी पक्ष
मोबाईल: