My Blog

Blog

  • Raghoji Bhangare Gunagaurav Yojana । गुणवंत आदिवासी विद्यार्थ्यांसाठी राघोजी भांगरे गुणगौरव योजना

    Raghoji Bhangare Gunagaurav Yojana

    Raghoji Bhangare Gunagaurav Yojana : चंद्रपूर २५ मे (News३४) – इयत्ता 10 वी आणि 12 वीच्या परीक्षेत विशेष प्राविण्यासह यश संपादन करणाऱ्या अनुसूचित जमाती प्रवर्गातील विद्यार्थ्यांना प्रोत्साहन देण्यासाठी आदिवासी विकास विभागाकडून ‘राघोजी भांगरे गुणगौरव योजना’ राबविण्यात येत आहे. त्याअंतर्गत 10 वी, 12 वीच्या यशवंतांचा प्रकल्प कार्यालय, अपर आयुक्त आणि राज्यस्तरावर सन्मान केला जाणार आहे. संबधित विद्यार्थ्यांना ५ हजार ते ३० हजार रुपयांपर्यंत रोख बक्षीस देण्यात येणार आहे.

    चंद्रपुरातील महाकाली मंदिरात शिरले दहशतवादी

    राज्यातील अनुसूचित जमातीच्या विद्यार्थ्यांसाठी आदिवासी विकास विभागाकडून शासकीय व अनुदानित आश्रमशाळा, नामांकित शाळा, सैनिकी शाळा, एकलव्य मॉडेल रेसिडेन्सियल स्कूल चालविल्या जातात. यातील काही शाळा राज्य शिक्षण मंडळ तर काही शाळा केंद्रीय माध्यमिक शिक्षण मंडळाशी संलग्न आहे. या दोन्ही मंडळाकडून घेण्यात आलेल्या इयत्ता दहावी आणि बारावीच्या परीक्षेत आदिवासी विद्यार्थ्यांनी घवघवीत यश संपादन केले आहे. दहावीसह 12 वी कला, वाणिज्य आणि विज्ञान शाखेतील प्रत्येकी 5 गुणवंत मुला-मुलींना पारितोषिक (Tribal Students with Merit Rewards) दिले जाणार आहे.

    राज्य शिक्षण मंडळाच्या गुणवंतांचा होणार सत्कार

    गुणवत्ता यादीत विशेष प्राविण्यासह गुण मिळवून राज्य, अपर आयुक्त आणि प्रकल्पात प्रथम येणाऱ्या 5 मुला-मुलींना गौरविण्यात येणार आहे. सीबीएसई बोर्डाचे विभागीय मंडळ नसल्याने ते वगळून राज्य शिक्षण मंडळाच्या 9 विभागीय मंडळातील प्रत्येकी 24 गुणवंतांना 10 महिन्यांसाठी प्रतिमाह 1 हजार रुपये अनुदान दिले जाणार आहे. अपर आयुक्त आणि प्रकल्प स्तरावर शासकीय व अनुदानित आश्रमशाळेतून प्रथम येणाऱ्या 3 मुला-मुलींना सन्मानित करण्यात येणार आहे. दरम्यान, 100 टक्के निकाल लागलेल्या आश्रमशाळांचा सत्कार केला जाणार आहे.  

    असे मिळणार रोख पारितोषिक: Raghoji Bhangare Gunagaurav Yojana

    राज्यस्तरावर प्रथम क्रमांक 30 हजार, द्वितीय 25 हजार,  तृतीय 20 हजार, चतुर्थ 15 हजार आणि पाचवा क्रमांकासाठी 10 हजार रुपये.

    अपर आयुक्त स्तरावर प्रथम क्रमांक 15 हजार, द्वितीय 10 हजार,  तृतीय 7 हजार रुपये. तर प्रकल्प कार्यालय स्तरावर प्रथम 10 हजार,  द्वितीय 7 हजार आणि तृतीय 5 हजार रुपये देण्यात येणार आहे.

    अनुसूचित जमातीतील विद्यार्थ्यांना प्रोत्साहन देऊन त्यांना गुणवत्तेबाबत आवड निर्माण करण्यासाठी ‘राघोजी भांगरे गुणगौरव योजना’ सुरु करण्यात आली आहे. इयत्ता 10 व 12 वी च्या परीक्षेत विशेष प्राविण्य मिळवलेल्या विद्यार्थ्यांचा प्रकल्प कार्यालय, अपर आयुक्त आणि राज्यस्तरावर रोख पारितोषिक देऊन सत्कार केला जाणार आहे. 100 टक्के निकाल लागलेल्या आश्रमशाळेचे मुख्यध्यापक आणि शिक्षकांचा सन्मान करण्यात येणार आहे.

  • Outdoor Skating in Natural Parks । ‘नेचर स्केटिंग सफारी’चा भन्नाट उपक्रम – स्केटिंग आणि निसर्गप्रेमाची अनोखी सांगड!

    Outdoor Skating in Natural Parks

    Outdoor Skating in Natural Parks : चंद्रपूर : व्याघ्रभूमी म्हणून ओळखल्या जाणाऱ्या चंद्रपूर शहरातील  शंकर क्रीडा व सांस्कृतिक मंडळाच्या वतीने नुकतेच ‘नेचर स्केटिंग सफारी’ चे आयोजन करण्यात आले होते. या उपक्रमात सहभागी 10 स्केटिंग खेळाडूंनी दुर्गापूर – पद्मापूर – आगरझरी ते मोहरली या ताडोबा अभयारण्याच्या क्षेत्रातील  एकूण १० किलोमीटरचा निसर्गरम्य आणि जंगल रस्ता स्केटिंग करत पार केला.

    चंद्रपुरातील दीक्षाभूमी होणार जागतिक दर्जाची

    या स्केटिंग सफारीचा मुख्य उद्देश निसर्ग संवर्धन, व्यायाम, खेळ व आरोग्यपूर्ण जीवनशैलीचा संदेश देणे आणि वृक्षारोपणाबाबत जनजागृती करणे हा होता. सफारीमध्ये सहभागी स्केटर्सनी साहसी व खेळाडू वृत्तीने परिसरात सामाजिक प्रबोधन केले. या साहसी सफारी उपक्रमात यज्ञेश प्रवीण भोंगळे (10), देवांशी गोजे (9), अंश मल्लेलवार (6), कृष्णा कलोडे (15), अनिश निखाडे (13), पार्थ रामटेके (9), युवराज चौधरी, अक्षित करडभुजे (12), माहांश राखुंडे (6). या बालखेळाडू स्केटर्सनी सहभाग घेतला. Adventure Skating Tours for Children

    नामवंत खेळाडूंची उपस्थिती

    या सफारीचे मार्गदर्शन राष्ट्रीय स्तरावरील नामवंत स्केटिंग प्रशिक्षक तथा तांत्रिक अधिकारी विनोद निखाडे व राष्ट्रीय रोलर हॉकी खेळाडू ईशा विनोद निखाडे यांनी केले.खेलो इंडिया या संकल्पनेतून खेळाडूंची साहसी वृत्ती प्रदर्शित करणारा हा उपक्रम निसर्ग संवर्धनासाठी समाजाला प्रेरणा देणारा ठरला.

  • Political creditism in Chandrapur । लेंडाळा तलाव राजकीय श्रेयवाद, प्रकल्प तुमच्या काळातील पण मंजुरी माझ्या कार्यकाळात

    Political creditism in Chandrapur

    Political creditism in Chandrapur : भद्रावती – लेंडाळा तलाव पुनरुज्जीवन योजनेला नुकतीच अमृत २.० योजनेंतर्गत अंतिम मंजुरी मिळाल्यानंतर, या पार्श्वभूमीवर खासदार प्रतिभा धानोरकर यांनी केलेल्या फुकटचे श्रेय घेऊ नये या वक्तव्याला आता नगर परिषदेच्या अधिकृत नोंदीतूनच प्रत्युत्तर मिळाले आहे.


    सन 2022 मध्ये अमृत – 2.0 योजने अंतर्गत महाराष्ट्रातील नगरपालिकांना पाणी पुरवठा योजना, सांडपाणी व्यवस्थापन, तलाव खोलीकरण, ग्रीन पार्क  या अंतर्गत प्रस्ताव मागविण्यात आले होते. त्या अनुषंगाने भद्रावती नगर परिषद कडुन वाढीव पाणी पुरवठा योजना आणि  लेंडाळा तलाव सौणदर्यीकरणाचे प्रस्ताव ऑनलाईन दाखल करण्यात आले. ते मंजूर होऊन दोन्ही प्रकल्पा साठी DPR बनवण्या करिता शासनाकडून कळवण्यात आले आणि दोन्ही प्रकल्पाचे DPR बनवून तांत्रिक मान्यता घेऊन सदर प्रकल्प अंतीम मंजुरीकरीता सादर करण्यात आले. lake restoration projects

    भद्रावती लेंडाळा तलाव पुनरुज्जीवन प्रकल्पावरून आमदार-खासदाराच्या श्रेयवाद रंगला

    या दोन्ही प्रकल्पापैकी वाढीव पाणी पुरवठा योजनेला मा प्रधान सचिव यांच्या स्तरावर असलेली SLTC (state Level technical commitee) ची मान्यता भेटून वाढीव पाणी पुरवठा योजना ला तेव्हाच प्रशासकीय मान्यता देखील भेटली. तसेच लेंडाळा तलाव खोलीकरण व सौंदर्यीकरणाच्या प्रस्तावाला देखील SLTC ची मान्यता दि. 4/02/2023 ला भेटली, परंतु प्रशासकीय मान्यता भेटलेली नव्हती.


    करण देवतळे वरोरा भद्रावती विधानसभा मतदारसंघाचे आमदार (mla karan deotale) म्हणून नियुक्त झाल्यावर त्यांनी भद्रावती नगर परिषदेची आढावा बैठक घेतली. या बैठकित जिल्हास्तरावर, मंत्रालयीन स्तरावर कोण कोणते कामे प्रलंबित आहेत याचा रितसर आढावा घेतला. या बैठकीत नगर परिषदेचे मुख्याधिकारी यांनी स्पष्टपणे नमूद केले की, लेंडाळा प्रकल्पास तांत्रिक मान्यता मिळालेली असूनही त्यानंतरही तब्बल 2 वर्षाचा कालावधी होऊनसुध्दा अंतिम मंजुरी म्हणजेच प्रशासकिय मान्यता मिळालेली नाही असे सांगितले. तसेच त्यासोबतच मुख्याधिकारी यांनी जिल्हा स्तरावर पर्यटन निधी अंतर्गत असलेले प्रस्ताव, नावीन्यपूर्ण योजनेअंतर्गत प्रलंबित E – अभ्यासिकेचा प्रस्ताव तसेच इतरही कामासंबधी आढावा सभेत माहिती दिली. lake restoration projects

    पाठपुरावा करीत प्रशासकीय मान्यता आमच्यामुळे


    भद्रावती नगर परिषदेच्या समवेत सेलू नगर पंचायत पाणी पुरवठा ,पवनी  नगर परिषद अंतर्गत तलाव सौंदरीकरण या नगर पालिका आणि इतरही  5 नगर परिषदा यांचे प्रस्ताव होते त्यांच्या प्रस्तावांना दोन वर्षापुर्वीच प्रशासकीय मान्यता देखील भेटली केवळ भद्रावती नगर परिषदेच्या लेडाळा तलाव खोलीकरण व सौंदर्यीकरणाच्या प्रस्तावाला प्रशासकिय मान्यता भेटलेली नव्हती आणि गेल्या 2 वर्षापासून सदर प्रकरणाची फाईल मुख्यमंत्री कार्यालयाकडे प्रलंबित होती.
          प्रकल्प जरी त्यांच्या काळातील असला तरी सतत बैठका घेऊन, मंत्रालयीन संबंधित अधिकारी, नगर विकास मंत्री, मुख्यमंत्री यांचेशी बैठक लावून आमदार करण देवतळे यांनी प्रशासकीय मान्यता प्राप्त केली.

    १७ कोटींचा प्रकल्प


    भद्रावतीच्या विकासाच्या दृष्टीने तसेच एक नवोपक्रम म्हणुन हि बाब महत्वाची असल्याने आमदार देवतळे यांनी विभागीय आणि मंत्रालयीन पातळीवर सातत्याने पाठपुरावा करून ही प्रक्रिया मार्गी लावण्यासाठी प्रयत्न केले.
    या सातत्यपूर्ण प्रयत्नांमुळे अखेर १७ कोटी रुपये खर्चाचा भव्य प्रकल्प मंजूर झाला. केवळ सौंदर्यवृद्धी न करता पर्यावरणीय, सामाजिक आणि नागरिकांच्या दृष्टीने उपयुक्त असा एकात्मिक विकास साधण्याचा हेतू या प्रकल्पामागे आहे. त्यामुळे या प्रकल्पाला मंजुरी मिळवून देणे ही केवळ श्रेय घेण्याची नव्हे, तर भद्रावतीच्या भविष्यासाठी आवश्यक पावले उचलण्याची बाब होती. Bhadravati Municipal Council


    खासदार म्हणून यापूर्वी काम पाहिलेल्यांचे योगदान अमान्य नाही. मात्र, जेव्हा प्रस्तावास तांत्रिक मान्यता मिळूनही दीर्घकाळ अंतिम मंजुरी प्रलंबित राहते, तेव्हा ती मंजुरी मिळवून देणे ही स्वतंत्र आणि ठोस कृती ठरते. त्यामुळे फुकटचे श्रेय घेण्याचा आरोप निरर्थक असून, भद्रावतीच्या जनतेच्या हितासाठी सर्व लोकप्रतिनिधींनी समवेत काम करण्याची गरज असल्याचे आमदार कार्यालयातून स्पष्ट करण्यात आले आहे.

  • Malgujari Talav । पावसाळ्यापूर्वी माजी मालगुजारी तलाव दुरुस्तीची कामे जलदगतीने पूर्ण करा – आमदार सुधीर मुनगंटीवार

    Malgujari Talav

    Malgujari Talav : चंद्रपूर – गतवर्षी अतिवृष्टीमुळे तलाव फुटून बोर्डा व चिचपल्ली गावांमध्ये निर्माण झालेल्या पूरपरिस्थितीच्या पार्श्वभूमीवर, अशा आपत्तीची पुनरावृत्ती टाळण्यासाठी आगामी पावसाळ्यापूर्वी बल्लारपूर विधानसभा मतदारसंघातील माजी मालगुजारी तलावांची दुरुस्ती जलदगतीने पूर्ण करण्याचे निर्देश राज्याचे माजी वने, सांस्कृतिक कार्य व मत्स्य व्यवसाय मंत्री तथा आमदार श्री. सुधीर मुनगंटीवार यांनी सिंचाई विभागास दिले.

    चंद्रपुरातील महाकाली मंदिरात शिरले दहशतवादी, चंद्रपूर पोलिसांनी काय केलं?

    नियोजन भवन येथे मामा तलाव व लपा तलावासंदर्भातील आढावा बैठकीचे आयोजन करण्यात आले होते. या वेळी आमदार श्री. मुनगंटीवार बोलत होते.बैठकीस कार्यकारी अभियंता लघुपाटबंधारे विभागाचे संदीप खांबाईत, माजी जिल्हा परिषद अध्यक्षा संध्याताई गुरनुले, प्रदेश महामंत्री अल्का आत्राम, महामंत्री डॉ. मंगेश गुलवाडे, सुरज पेद्दूलवार आदी उपस्थित होते.

    यंदा दक्षता घ्या

    आमदार श्री. मुनगंटीवार यांनी मतदारसंघातील विविध तलाव दुरुस्ती कामांना गती देण्याचे निर्देश दिले. कसरगट्टा (₹६.२५ लाख), बोर्डा बोरकर (₹६.३० लाख) आणि चेक आंबेधानोरा (₹१० लाख) या दुरुस्ती कामांना मंजुरी देण्यात आली असून, तिन्ही कामांसाठी तीन दिवसांची निविदा प्रक्रिया राबवून तात्काळ कामे सुरू करावीत, असे निर्देश त्यांनी दिले.मागील वर्षी बोर्डा व चिचपल्ली येथे तलाव फुटून पूरस्थिती निर्माण झाल्यामुळे यंदा विशेष दक्षता घेण्यावर भर देण्यात येणार आहे.

    दाबगाव मक्ता व आलेवाही येथील मामा तलावांच्या (Mama Talav) दुरुस्तीचे अंदाजपत्रक तत्काळ तयार करावे. तसेच दाबगाव तुकूम, आलेवाही नवरगाव (सर्वे नं. १०), कांतापेठ रयतवारी (सर्वे नं. ३५), चिचपल्ली, मुरमाडी (सर्वे नं. ३१), विहीरगाव येथील मामा तलावांच्या दुरुस्ती कामांसाठी कार्यादेश आधीच जारी करण्यात आले आहेत.काही कामांना सोमवारपासून कार्यारंभ आदेश देण्याचे सुचविण्यात आले आहे.मामला तलाव गेट दुरुस्तीचे काम तातडीने हाती घ्यावे.सर्व उर्वरित कामांना २७ मे पर्यंत मंजुरी मिळवण्याचे निर्देश आमदार मुनगंटीवार (sudhir mungantiwar) यांनी दिले.

    अंदाजपत्रकाची माहिती सादर करा

    विभागाने बल्लारपूर मतदारसंघातील सर्व तलावांची यादी तयार करून, त्यांच्या सिंचन क्षमतेसह दुरुस्तीची गरज, खोलीकरण इत्यादी बाबींचे सविस्तर निरीक्षण करून संबंधित विभागाचे रीमार्क्स घावेत. प्रत्येक तलावाची एकत्रित सिंचन क्षमता व खर्चाचे अंदाजपत्रकाची माहिती सादर करावी.

    niyojan bhavan

    चिचाळा–कवडपेठ दरम्यान नव्याने बांधलेल्या तलावाच्या वेस्ट वेअरची उंची जास्त असल्यामुळे यासंबंधी आवश्यक ती कार्यवाही करण्यात यावी. बोर्डा तलावाचे अंदाजपत्रक सोमवारी तयार होणे अपेक्षित आहे.मोलझरी तलावासाठी यापूर्वी ₹३ कोटी निधी उपलब्ध करून देण्यात आला होता. उर्वरित कामांसाठी लवकरच स्वतंत्र बैठक आयोजित करण्यात येणार असल्याचे आमदार मुनगंटीवार यांनी सांगितले.

  • police mock drill in temple । चंद्रपूरमध्ये दहशतवादी हल्ल्याची झलक! पोलिसांचं सशक्त प्रत्युत्तर

    police mock drill in temple

    police mock drill in temple : चंद्रपूर – भविष्यातील संभाव्य दहशतवादी हल्ल्याच्या पार्श्वभूमीवर नागरिकांच्या सुरक्षेच्या दृष्टीने चंद्रपूर पोलीस दलाकडून आज (२४ मे) श्री माता महाकाली मंदिर परिसरात “दहशतवादी हल्ला आणि ओलीस मुक्तता” यावर आधारित रंगीत तालीम घेण्यात आली. या तालिमीत हल्ला झाल्यास पोलीस यंत्रणा कशी प्रतिसाद देईल आणि ओलीस बनवलेल्या नागरिकांची सुटका कशी केली जाईल, याचे अत्यंत शिस्तबद्ध प्रात्यक्षिक सादर करण्यात आले. how police handle terrorist attacks

    चंद्रपुरात आमदार-खासदार यांच्यात सुरु झाली श्रेयवादाची लढाई

    ही कारवाई पोलीस अधीक्षक श्री मुम्मका सुदर्शन यांच्या मार्गदर्शनाखाली तर अपर पोलीस अधीक्षक श्रीमती रिना जनबंधू यांच्या नेतृत्वात पार पडली.

    काय होता तालिमिचा घटनाक्रम?

    दुपारी २ वाजता मंदिर परिसरात चार दहशतवाद्यांनी शस्त्राचा धाक दाखवून भाविकांना ओलीस ठेवल्याची माहिती पोलीस कंट्रोलरूमला मिळाली. त्वरित प्रतिसाद देत पोलीस निरीक्षक तथा प्रभारी पोलीस उपअधीक्षक (गृह) श्री योगेश्वर पारधी यांनी वरिष्ठ अधिकाऱ्यांशी समन्वय साधून विविध पोलिस पथकांना रवाना केले. how police conduct rescue operation

    या वेळी ATB, QRT, RCP, BDDS, K9, C-60, स्थानिक गुन्हे शाखा, वाहतूक विभाग, राज्य गुप्तवार्ता विभाग, पोलीस रुग्णालय वैद्यकीय पथक इत्यादी सर्व यंत्रणा काही क्षणांत घटनास्थळी दाखल झाल्या.

    अपर पोलीस अधीक्षक श्रीमती रिना जनबंधू यांनी प्रत्यक्ष घटनास्थळी ताबा घेत तंतोतंत नियोजनानुसार सर्व पथकांना समन्वयात ठेवत कोणतीही जीवितहानी न होता प्रात्यक्षिक यशस्वीरीत्या पूर्ण केले. दहशतवाद्यांचा “खात्मा” करीत ओलीस बनवलेले सर्व नागरिक सुखरूपपणे वाचवले गेले.

    how to handle terrorist attack

    कोण होते सहभागी?

    ही तालीम यशस्वी करण्यासाठी पुढील अधिकाऱ्यांचे विशेष योगदान होते:

    • श्री प्रमोद चौगुले (परि. पोलीस उपअधीक्षक)
    • श्री प्रवीण कुमार पाटील (पो.नि. वाहतूक शाखा)
    • श्री अमोल काचोरे (पो.नि. स्थानिक गुन्हे शाखा)
    • श्रीमती प्रभावती एकुरके (पो.नि. पो.स्टे. चंद्रपूर शहर)
    • श्री धर्मेंद्र मडावी (सहाय्यक पोलीस निरीक्षक, C-60)
    • श्री प्रवीण सोनोने (सहाय्यक पोलीस निरीक्षक, वाहतूक)
    • श्री शिरभाते (उपनिरीक्षक, सुरक्षा शाखा)
    • श्री खोंडे (उपनिरीक्षक, BDDS)
    • श्री भोयर (उपनिरीक्षक, ATB)
    • डॉ. कुरेशी (पोलीस वैद्यकीय अधिकारी)

    तसेच पोलीस स्टेशन चंद्रपूर शहर व रामनगर, तसेच संबंधित सर्व शाखांचे अधिकारी व कर्मचारी यांनी उत्कृष्ट समन्वय ठेवून प्रात्यक्षिक यशस्वी केले.

    how police conduct rescue operation

    नागरिकांची घबराट टाळण्यासाठी काळजी

    या काळात मंदिर परिसरासह संपूर्ण शहरात नागरिकांमध्ये घबराट निर्माण होऊ नये म्हणून पोलीस विभागाकडून योग्य ती खबरदारी घेतली गेली होती. पोलीस बंदोबस्त वाढवण्यात आला होता आणि सार्वजनिक जागांवर जनजागृतीही करण्यात आली.

  • livestock killed by power lines । वादळानंतर शेतात मृत्यूचे तांडव – ८ जनावरांचा वीजेच्या धक्क्याने मृत्यू!

    livestock killed by power lines

    livestock killed by power lines : सावली – मानसूनपूर्व पावसासोबत आलेल्या वादळी वाऱ्यामुळे विजेचे प्रवाहीत तारे तुटून शेतात पडल्याने 8 जनावरांचा विजेचा जोरदार धक्का बसून मृत्यू झाला. ही दुर्दैवी घटना आज 24 मे रोजी संध्याकाळी 4 वाजता सावली तालुक्यातील उसेगाव येथे घडली आहे.

    अचानक वादळ आले आणि…

    नेहमीप्रमाणे आजही उसेगाव येथील जनावरे शेतात चरत होते. त्यामध्ये 6 बैल आणि 2 गाईंचा समावेश होता. शेतात चरत असताना अचानक आलेल्या वादळामुळे विजेचा खांब कोसळला आणि त्यावरून तारे तुटून खाली पडल्या. या तारांना स्पर्श झाल्याने जनावरारे विजेच्या धक्क्याने जागीच ठार झाले. ही घटना उद्धव रोहणकर यांच्या शेतात घडली.

    राजुरा विधानसभा क्षेत्रात राजकीय भूकंप

    घटनेची माहिती मिळताच गावकरी शेतात दाखल झाले. महावितरण कंपनीला याची माहिती देण्यात आली. कंपनीने त्वरित सूचना दिली की कोणत्याही जनावरांना हात लावू नका, कारण तारा अजूनही प्रवाहित होत्या. काही वेळातच महावितरणचे कर्मचारी घटनास्थळी पोहोचले आणि त्यांनी तात्काळ विजेचा प्रवाह खंडित केला.

    या अपघातात कालीदास पाल, देवाजी भोयर, मानिक गोहणे, बालूजी ठुसे, भोजराज गोहणे आणि अरुण भोयर यांचे प्रत्येकी एक बैल तसेच संतोष भोयर आणि हिराजी गोहणे यांची प्रत्येकी एक गाय असा एकूण 8 जनावरांचा मृत्यू झाला आहे.

    या गंभीर घटनेनंतर पशुपालकांनी महावितरण कंपनीने जबाबदारी स्वीकारून नुकसान भरपाई द्यावी तसेच सरकारने आर्थिक मदत करावी, अशी मागणी केली आहे. Mahavitaran responsibility in livestock deaths

  • Bhadravati lake development news । भद्रावतीच्या तलावावरून ‘श्रेयी’ झुंज!, धानोरकरांनी लगावला टोला

    Bhadravati lake development news

    Bhadravati lake development news : चंद्रपूर : भद्रावती शहरातील अनेक वर्षांपासून दुर्लक्षित असलेल्या लेंडाळा तलावाच्या पुनरुज्जीवन प्रकल्पाला केंद्र शासनाच्या अमृत २.० योजनेअंतर्गत अखेर मंजुरी मिळाली आहे. या महत्त्वाकांक्षी प्रकल्पासाठी १७ कोटी रुपयांचा निधी (Lendala lake funding approved)नुकताच शासन निर्णयाद्वारे मंजूर झाल्याने भद्रावतीच्या विकासाला एक नवी दिशा मिळणार आहे. 

    फुकटचे श्रेय घेऊ नका

    विशेष म्हणजे, या प्रकल्पाला राज्यस्तरीय तांत्रिक मान्यता समितीच्या ३ फेब्रुवारी २०२३ रोजी झालेल्या बैठकीतच तांत्रिक मंजुरी मिळाली होती. त्यावेळी विद्यमान खासदार बाळूभाऊ धानोरकर व प्रतिभाताई धानोरकर या विद्यमान आमदार होत्या. त्यामुळे, या निर्णयात काही महिन्यांपूर्वी झालेल्या आमदारांनी कोणताही फुकटचे श्रेय घेऊ नये, असा स्पष्ट टोला खासदार प्रतिभाताई धानोरकर यांनी लगावला आहे.

    भाजप आमदार देवराव भोंगळे यांचा कांग्रेसला दे धक्का

    या प्रकल्पाला अंतिम मंजुरी मिळण्यामागे खासदार प्रतिभाताई धानोरकर यांचा सातत्यपूर्ण पाठपुरावा आणि नगर परिषद भद्रावतीमार्फत वेळोवेळी शासन दरबारी सादर केलेले प्रस्ताव यांचा मोलाचा वाटा आहे. आमदार असतानाच, २०१९-२० मध्ये त्यांनी हा विषय विधानसभेत मांडून त्याची आवश्यकता अधोरेखित केली होती. लोकसभा खासदार म्हणूनही त्यांनी नगर परिषदेच्या प्रस्तावाला पूर्ण पाठिंबा दिला आणि मंत्रालयीन पातळीवर विविध बैठकांमध्ये हा मुद्दा सातत्याने मांडत प्रकल्पाच्या मंजुरीसाठी अथक प्रयत्न केले.

    लेंडाळा तलावाच्या पुनरुज्जीवनाचे स्वप्न भद्रावतीच्या जनतेने पाहिले होते आणि आता त्या दिशेने एक महत्त्वाचे पाऊल टाकले गेले आहे. या प्रकल्पाचे यश हे केवळ कोणत्याही एका राजकीय व्यक्तीच्या श्रेयवाद पुरते मर्यादित नसून, ते भद्रावतीच्या जनतेच्या हितासाठी आहे. त्यामुळे, यामध्ये खासदार प्रतिभाताई धानोरकर यांच्या योगदानाला नाकारून केवळ राजकीय प्रसिद्धीसाठी श्रेय घेण्याचे प्रयत्न अत्यंत खेदजनक आहेत.

  • Chandrapur Deekshabhoomi development plan । चंद्रपूर दीक्षाभूमी होणार जागतिक दर्जाची, जोरगेवारांच्या पुढाकाराने दीक्षाभूमीचा कायापालट

    Chandrapur Deekshabhoomi development plan

    Chandrapur Deekshabhoomi development plan : चंद्रपूर – भारतरत्न डॉ. बाबासाहेब आंबेडकर यांच्या पवित्र चरणस्पर्शाने पावन झालेल्या दिक्षाभूमीचा जागतिक पातळीवर विकास करण्याचा संकल्प आमदार किशोर जोरगेवार यांनी केला आहे. त्यांच्या प्रयत्नातून या पवित्र स्थळाच्या विकासासाठी ५६ कोटी ९० लाख रुपयांचा निधी मंजूर करण्यात आला असून, त्यातील जवळपास १४ कोटी रुपयांचा निधी प्राप्त झाला आहे. त्यामुळे या कामांना गती देण्याचे निर्देश आमदार किशोर जोरगेवार यांनी दिले.

    आमदार देवराव भोंगळे यांनी कांग्रेसला दिला मोठा धक्का

    दिक्षाभूमीच्या विकास कामाचा आढावा (Chandrapur Deekshabhoomi development plan) घेण्यासाठी आमदार किशोर जोरगेवार यांनी जिल्हाधिकारी कार्यालयातील २० कलमी सभागृहात बैठक बोलावली होती. सदर बैठकीला जिल्हाधिकारी विनय गौडा, समाजकल्यान विभागाचे सहाय्यक आयुक्त विनोद माहुतुरे, समाज कल्यान विभागाच्या स्मिता बैहीरमवार, सार्वजनिक विभागाचे उपविभागीय अभियंता प्रकाश अमरशेट्टीवार, दिक्षाभुमी ट्रस्टचे उपाध्यक्ष अशोक घोटेकर, कुणाल घोटेकर, राहुल घोटेकर, प्राचार्य दहेगावकर, निवृत्त प्रा संजय बेले, भारतीय जनता पक्षाचे माजी शहर अध्यक्ष दशरथसिंह ठाकुर, भाजप नेते प्रकाश देवतळे, माजी नगर सेवक बलराम डोडाणी, मनोज पाल, रवी गुरुनुले, रंजन ठाकूर, करणसिंह बैस, कार्तिक बोरेवार आदींची उपस्थिती होती. यावेळी आमदार किशोर जोरगेवार यांनी दिक्षाभूमीच्या विकासकामाबाबतची सद्यस्थिती जाणून घेतली आणि सर्व प्रक्रिया जलद पूर्ण करून कामाला सुरुवात करण्याचे निर्देश संबंधित अधिकाऱ्यांना दिले आहेत.

    पवित्र स्थळाचा विकास नेटका व भव्य व्हावा, यासाठी सर्व विभागांनी आपसात समन्वय साधावा. निधीचा योग्य वापर होईल याची काळजी घ्या, असे ते यावेळी म्हणाले. दिक्षाभूमीच्या विकासासाठी मागील अनेक वर्षांपासून आपण प्रयत्नशील होतो. आता निधी मंजूर झाल्यामुळे जागतिक पातळीवर या पवित्र स्थळाचा विकास होईल. दिक्षाभूमी हे जागतिक स्तरावर एक महत्त्वाचे पवित्र स्थान आहे. डॉ. बाबासाहेब आंबेडकर यांची स्मृती जपण्यासाठी, त्यांच्या कार्याचा गौरव करण्यासाठी या ठिकाणाचा विकास अत्यंत आवश्यक आहे. त्यामुळेच मागील अनेक वर्षांपासून आपण या विकासकामांसाठी सातत्याने पाठपुरावा करत होतो. Kishor Jorgewar Deekshabhoomi funding

    दीक्षाभूमीचा विकास भव्य स्वरूपात होणार

    या निधीतून सभागृह, पथदिवे, उद्यान, पाणीपुरवठा, शौचालय सुविधा, सुरक्षा यंत्रणा, स्थापत्यशास्त्रीय सौंदर्यवृद्धी आणि पर्यटकांसाठी आवश्यक सोयीसुविधा निर्माण केल्या जाणार आहेत. यामुळे दिक्षाभूमीचा विकास भव्य स्वरूपात होणार आहे. सर्व विभागांनी आपसात समन्वय साधावा.निधीचा प्रत्येक रुपया योग्य कामासाठीच वापरला गेला पाहिजे. कोणत्याही अडथळ्यामुळे विकासकामांना विलंब होऊ देऊ नका, काम दर्जेदार आणि वेळेत पूर्ण व्हावे, यासाठी प्रत्येकाने जबाबदारीने काम करावे. या पवित्र भूमीचा जागतिक दर्जाचा विकास व्हावा, हा आपल्या सगळ्यांचा संकल्प आहे. आपण सर्वांनी प्रामाणिकपणे आणि एकजुटीने काम करावे, अशा सूचना यावेळी आमदार किशोर जोरगेवार यांनी अधिकाऱ्यांना केल्या आहेत. Deekshabhoomi global heritage site development

    या बैठकीत विकासकामांची रूपरेषा, निधी वितरण प्रक्रिया, निविदा प्रक्रिया आणि वेळापत्रक याबद्दल सविस्तर चर्चा झाली. जिल्हा प्रशासनाने कामांना गती देण्यासाठी सर्व आवश्यक पावले उचलण्याचे आश्वासन दिले. आमदार किशोर जोरगेवार यांच्या सकारात्मक दृष्टिकोनामुळे दिक्षाभूमीच्या विकासकामांना नवा वेग मिळणार आहे. लवकरच हे पवित्र स्थान जागतिक स्तरावर नव्या स्वरूपात ओळखले जाईल, असा विश्वास आमदार किशोर जोरगेवार यांनी व्यक्त केला आहे.

  • Deorao Bhongale latest political move । राजुरा विधानसभा क्षेत्रात राजकिय भूकंप, कांग्रेसच्या गडाला भाजपचं खिंडार

    Deorao Bhongale latest political move

    Deorao Bhongale latest political move : चंद्रपूर जिल्हा कांग्रेसचे ग्रामीण अध्यक्ष व माजी आमदार सुभाष धोटे यांच्या विधानसभा क्षेत्रात कांग्रेस पक्षाला भाजप आमदार देवराव भोंगळे यांनी सुरुंग लावला असून गोंडपिपरी नगरपंचायत मधील कांग्रेसचे सत्ता पालटवत त्याठिकाणी भाजपची सत्ता प्रस्थापित करण्यात आमदार भोंगळे यांना यश मिळाले आहे. BJP strategy in Rajura assembly

    सुधीर मुनगंटीवार यांचं फिरतं जनसंपर्क कार्यालय, नागरिकांच्या समस्येचं निराकरण

    गोंडपिपरी नंतर आमदार देवराव भोंगळे यांनी जिवती तालुक्यात मोर्चा वळवीत जिवती नगरपंचायतमधील कांग्रेस व राष्ट्रवादी शरद पवार कांग्रेसच्या नगरसेवकांना भाजप पक्षात प्रवेश करीत नगरपंचायत मध्ये भाजपच्या सदस्यसंख्येत वाढ करण्यास यश प्राप्त केले. हा कांग्रेस पक्षासाठी मोठा धक्का मानला जात आहे, काही महिन्यात स्थानिक स्वराज्य संस्थेच्या निवडणूक होणार असून त्यापूर्वी भाजप पक्षाने राजुरा विधानसभा क्षेत्रात आपली पकड मजबूत केली आहे.

    जिवती नगरपंचायतीचे ५ नगरसेवक भाजपच्या गळाला

    जिवती नगरपंचायतमधील काँग्रेस व राष्ट्रवादी काँग्रेस शरद पवार पक्षाचे पाच नगरसेवक आणि विविध पक्षातील सुमारे 200 कार्यकर्त्यांनी भारतीय जनता पक्षात (भाजप) प्रवेश केला आहे. हा पक्षप्रवेश सोहळा आमदार देवराव भोंगळे यांच्या उपस्थितीत जिवती शहरात पार पडला. या कार्यक्रमात नगरसेवकांसह देवलागुडा येथील सरपंच आणि विविध पक्षांचे कार्यकर्ते भाजपमध्ये सामील झाले.

    जिवती नगरपंचायत मध्ये एकूण १७ सदस्य संख्या असून यामध्ये कांग्रेस-राष्ट्रवादी कांग्रेस पार्टीची सत्ता आहे, पूर्वी भाजपचा केवळ एकच सदस्य जिवती नगरपंचायतमध्ये होता मात्र आमदार भोंगळे यांच्या खेळीने नगरसेवकांची संख्या आता ६ वर आली आहे. गोंडवाना गणतंत्र पक्षाचे ५ नगरसेवक असून भाजपच्या या खेळीने कांग्रेस-राष्ट्रवादी अल्पमतात आल्याने नवी युती होणार असल्याची शक्यता आहे. Jiwati BJP membership growth

    आमदार भोंगळे यांनी नवीन सदस्यांचे भाजपच्या दुपट्ट्याने स्वागत केले या प्रवेशामुळे जिवती शहरासह तालुक्यात भाजपची ताकद भक्कम झाली असून, काँग्रेस पक्षाच्या स्थानिक गोटात मोठी अस्वस्थता पसरली आहे. येणाऱ्या स्थानिक स्वराज्य संस्थांच्या निवडणुकीच्या पार्श्वभूमीवर ही घटना राजकीयदृष्ट्या अत्यंत महत्त्वाची मानली जात आहे.

    जिवती शहरात पार पडलेल्या पक्ष प्रवेश सोहळ्यात सुनीता किशन जाधव सरपंच देवळागुडा, जिवती नगरपंचायतीचे नगरसेवक शामराव लच्छु गेडाम, नगरसेविका अहिल्याबाई केशव मेश्राम, अनुसयाबाई पंढरी राठोड, लियाकत रसूल शेख, अश्विनी विष्णू गुरमे यांचा समावेश आहे.

  • Sudhir Mungantiwar mobile office campaign । सुधीर मुनगंटीवार यांचे फिरते कार्यालय : जनता जवळ, सेवा जवळ!

    Sudhir Mungantiwar mobile office campaign

    Sudhir Mungantiwar mobile office campaign : चंद्रपूर – जनसेवेसाठी सदैव तत्पर असलेले राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांचा जनसंपर्क व्यापक आहे. मतदारसंघातीलच नव्हे तर अख्ख्या जिल्ह्यातील प्रत्येक नागरिकाला त्यांच्याकडून विकासकामांची आणि अडचणीत असलेल्यांना मदतीची अपेक्षा असते. अशात आपण स्वतः लोकांपर्यंत पोहोचायला हवे, या उद्देशाने दि.१९ मे पासून सुरू करण्यात आलेले आ. श्री. मुनगंटीवार यांचे फिरते जनसंपर्क कार्यालय आता नागरिकांसाठी वरदान ठरत आहे. राज्यातील या एकमेव अभिनव उपक्रमावर कौतुकाचा वर्षाव देखील होत आहे.

    भाजप आमदाराने पकडली अवैध दारू

    आ. श्री. मुनगंटीवार यांचे फिरते जनसंपर्क कार्यालय नागरिकांच्या अडचणी, समस्या व तक्रारी थेट त्यांच्या दारी जाऊन ऐकून घेण्याचे प्रभावी माध्यम ठरत आहे, हे विशेष. या उपक्रमांतर्गत जनतेला त्यांच्या गावात किंवा प्रभागातच आ. सुधीर मुनगंटीवार यांचे प्रतिनिधी, कार्यालयीन कर्मचारी पोहोचत आहेत. संबंधित यंत्रणांच्या समन्वयातून लोकांना सेवा दिली जात आहे. mobile MLA office concept

    पहिले फिरते जनसंपर्क कार्यालय

    प्रलंबित कामे, शासकीय योजनांच्या लाभातील अडथळे, पायाभूत सुविधांबाबतची मागणी, रस्ते, नळजोडणी, वृद्धापकाळ, निवृत्ती, विद्यार्थ्यांचे शिष्यवृत्ती अर्ज यांसारख्या विषयांवर जागेवरच निर्णय घेण्याचा प्रयत्न यामधून केला जात आहे. विशेष म्हणजे राज्यात फिरते जनसंपर्क कार्यालय ही संकल्पनाच आ. श्री. मुनगंटीवार यांनी पहिल्यांदा राबविल्यामुळे त्याची चर्चा आता सर्वत्र होत आहे.

    “सत्ता ही खुर्चीसाठी नसून जनतेच्या सेवेसाठी आहे” या मूल्यांची जाणीव बाळगून सुरू केलेला हा उपक्रम लोकशाही अधिक बळकट करणारा आहे. शासकीय कार्यालयांच्या वारंवार चकरा मारण्याची गरज सर्वसामान्यांना पडू नये. उलट त्यांच्याच दारात जाऊन मदत पोहोचविली जावी. या उद्देशांची पूर्ती करणारा हा उपक्रम राज्यासाठी एक आदर्श ठरत आहे.

    mobile mla office concept

    राज्यभरातून या अभिनव उपक्रमाचे जोरदार स्वागत होत असून, इतर लोकप्रतिनिधींनाही प्रेरणा देणारा प्रयोग म्हणून त्याकडे पाहिले जात आहे. अनेक ठिकाणी नागरिक आपले प्रश्न मोकळेपणाने मांडत आहेत. त्यावर प्रशासनाकडून तत्काळ कार्यवाही करण्यात येत आहे. त्यामुळे नागरिकांकडून आमदार श्री. सुधीर मुनगंटीवार यांच्याबद्दल कृतज्ञता व्यक्त केली जात आहे. तसेच त्यांच्या लोकाभिमुख दृष्टिकोनाचे सर्वत्र कौतुक होत आहे. door to door government service Maharashtra

    यापुर्वीही,आ.मुनगंटीवार यांचे कार्य विक्रमांचे नवे शिखर गाठणारे ठरले आहे. देशातील पहिले ISO प्रमाणित मंत्री कार्यालय उभारण्याचा मान त्यांच्या कार्यालयाला मिळाला, तर त्यांच्या पुढाकारातून दोन गिनीज वर्ल्ड रेकॉर्ड आणि चार लिम्का बुक ऑफ रेकॉर्डस् नोंदविले गेले. इंडिया टुडे आणि आज तक या मंचावर केंद्रीय अर्थमंत्री स्वर्गीय अरुण जेटली यांच्या हस्ते त्यांना ‘बेस्ट फायनान्स मिनिस्टर ऑफ इंडिया’ हा बहुमान मिळाला. याशिवाय ‘महाराष्ट्रीयन ऑफ द इयर’ या पुरस्कारानेही त्यांचा सन्मान झाला. विधानभवनात स्वर्गीय विलासराव देशमुख यांच्या हस्ते ‘आदर्श संसदपटू’ म्हणून गौरवण्यात आले. भव्य दिव्य चंद्रपूर येथील सैनिक शाळा आ.मुनगंटीवार यांच्या कार्यकर्तृत्वाची साक्ष देते.

    फिरत्या जनसंपर्क कार्यालयातून तातडीने कार्यवाही

    प्रत्येक घरकूल लाभार्थ्याला ५ ब्रास वाळू मोफत देण्यात येणार आहे. या उपक्रमाअंतर्गत चंद्रपूर, पोंभूर्णा, मुल आणि बल्लारपूर येथील लाभार्थ्यांना वाळू वितरणाचे नियोजन करण्यात येत आहे. जनसंपर्क कार्यालयाच्या माध्यमातून प्रशासन आणि जनतेमध्ये समन्वय साधत हे काम अधिक प्रभावीपणे पार पडत आहे. Sudhir Mungantiwar mobile office campaign

    अतिवृष्टीमुळे नुकसान झालेल्या घरांना भरपाई मिळावी यासाठी मदतीचा पुढाकार घेण्यात आला आहे. नुकसानग्रस्त कुटुंबांना आर्थिक मदत मिळण्यासाठी संबंधित प्रशासनाकडे सातत्याने पाठपुरावा करण्यात येत आहे.

    गोसीखुर्द प्रकल्पातील पाइपलाइनमुळे शेतजमिनीचे मोठे नुकसान झाले. गावकऱ्यांच्या शेतांमध्ये पाइपलाइनसाठी खोदण्यात आलेले खड्डे तातडीने भरून शेती पूर्ववत करण्याची कार्यवाही सुरू करण्यात आली आहे.

    अवकाळी पावसामुळे उन्हाळी धान पिकाचे मोठ्या प्रमाणावर नुकसान झाले आहे. त्यामुळे नुकसानग्रस्त शेतकऱ्यांसाठी तातडीने पंचनामे करावेत, अशी मागणी प्रशासनाकडे करण्यात आली आहे.

    भादुर्णी येथे वाघाच्या हल्ल्यात झालेल्या दुर्दैवी मृत्यूप्रकरणी पीडित कुटुंबाला तातडीने आर्थिक मदत मिळावी यासाठी प्रयत्न सुरू करण्यात आले आहेत. प्रशासनाला मदत तत्काळ उपलब्ध करून देण्याच्या स्पष्ट सूचना देण्यात आल्या आहेत.

    परिसरातील नागरिकांच्या सुरक्षिततेच्या दृष्टीने भादुर्णी येथे वाघाला त्वरित जेरबंद करण्यासाठी वनविभागाला आवश्यक ती सर्व उपाययोजना राबवण्याच्या सूचना देण्यात आल्या आहेत. Sudhir Mungantiwar mobile office campaign

    फिरते जनसंपर्क कार्यालय आमदार सुधीर मुनगंटीवार यांच्या मार्गदर्शनाखाली प्रभावीपणे कार्यरत आहे. या उपक्रमाद्वारे शेकडो  नागरिकांच्या अडचणींवर तात्काळ उपाय करण्यात आले आहे . लोकांच्या चेहऱ्यावर समाधानाचे हास्य फुलवण्यात हे कार्यालय यशस्वी ठरले आहे, हेच या उपक्रमाचे खरे वैशिष्ट्य आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by