Category: राजकारण

News34 chandrapur

दुःखद बातमी

चंद्रपूर – चंद्रपूर महाराष्ट्र नवनिर्माण सेनेचे माजी जिल्हाध्यक्ष व मनसे राज्य उपाध्यक्ष दिलीप रामेडवार यांचं 22 ऑक्टोबर ला दीर्घ आजाराने निधन झाले.

राजकारणात अनेक वर्षे कार्यरत दिलीप रामेडवार यांनी जनतेच्या समस्या सोडवण्यासाठी अनेक वर्षे संघर्ष करीत न्याय दिला, मध्यंतरी त्यांची प्रकृती बरी नसल्याने त्यांनी राजकारणातून विश्रांती घेतली होती. मागील अनेक दिवसांपासून त्यांची प्रकृती बरी नसल्याने त्यांच्यावर उपचार करण्यात आले होते.

22 ऑक्टोबर ला विठ्ठल मंदिर वॉर्ड येथील राहत्या घरी त्यांनी अंतिम श्वास घेतला, दिलीप रामेडवार हे 61 वर्षाचे होते, त्यांच्या जाण्याने मनसे पक्षाची फार मोठी हानी झाली आहे.

News34 chandrapur

चंद्रपूर : ‘नागपूर आणि चंद्रपूर हा परिसर जगात ‘टायगर कॅपीटल’ म्हणून ओळखला जात असला तरी या दोन्ही जिल्ह्यांत बाबासाहेबांनी 1956 सालीच वाघाची डरकाळी दिली आणि संपूर्ण देशाने ही डरकाळी ऐकली आहे. या महामानवाने दिलेल्या संविधानात स्वातंत्र्य, अधिकार, जबाबदारी आणि कर्तव्याचाही समावेश आहे. त्यामुळे प्रत्येक नागरिकाने संविधान वाचून डॉ. बाबासाहेब आंबेडकर यांनी दिलेल्या विचारांवर चालण्याचा संकल्प करावा व त्यातून जगण्याची प्रेरणा घ्यावी,’ असे आवाहन राज्याचे वने, सांस्कृतिक कार्य, मत्स्यव्यवसाय मंत्री तथा जिल्ह्याचे पालकमंत्री ना. श्री. सुधीर मुनगंटीवार यांनी केले.

डॉ. बाबासाहेब आंबेडकर मेमोरीअल ट्रस्टच्यावतीने दीक्षाभूमी चंद्रपूर येथे आयोजित कार्यक्रमात त्यांनी महामानवाला अभिवादन केले. त्यावेळी ते बोलत होते. कार्यक्रमाच्या अध्यक्षस्थानी ट्रस्टचे अध्यक्ष अरुण घोटेकर होते. तर प्रमुख पाहुणे म्हणून सर्वश्री आमदार सुधाकर अडबाले, किशोर जोरगेवार, सुभाष धोटे, प्रतिभा धानोरकर, संस्थेचे उपाध्यक्ष अशोक घोटेकर, सचिव वामनराव मोडक, गोंडवाना विद्यापीठाचे कुलगुरु डॉ. प्रशांत बोकारे आदी उपस्थित होते.

देशात आज 750 पेक्षा जास्त जिल्हे आहेत, मात्र नागपूर आणि चंद्रपूर या दोन जिल्ह्यांचे विशेष महत्त्व आहे, असे सांगून पालकमंत्री श्री. मुनगंटीवार म्हणाले, ‘14 ऑक्टोबर रोजी नागपूर येथे तर दोन दिवसांनी म्हणजे 16 ऑक्टोबर 1956 रोजी चंद्रपूर येथे डॉ. बाबासाहेब आंबेडकर यांनी आपल्या अनुयायांना बौद्ध धर्माची दीक्षा दिली. हे दोन्ही जिल्हे आज वाघांसाठी प्रसिद्ध आहेत. पण 1956 मध्येच बाबासाहेबांची डरकाळी संपूर्ण देशाने ऐकली आहे. डॉ. बाबासाहेब आंबेडकर यांनी दिलेल्या संविधानानुसारच देशाची आणि राज्याची वाटचाल सुरू आहे. संविधानात प्रत्येक गोष्टीचा उल्लेख त्यांनी केला आहे. व्यक्ती स्वातंत्र्य, अधिकार यासोबतच प्रत्येकाला त्याच्या जबाबदारीची आणि कर्तव्याचीसुध्दा जाणीव करून देण्यात आली आहे. त्यामुळे बाबासाहेबांचे केवळ स्मरण करून थांबू नये तर, त्यांच्या विचारांवर अंमल करावे लागेल. आणि त्यासाठी प्रत्येकाला संविधानाचे वाचनही करावे लागेल.

महापुरुषांना भारतापुरता मर्यादित समजू नये

‘भगवान गौतम बुध्द, छत्रपती शिवाजी महाराज, महात्मा गांधी, डॉ. बाबासाहेब आंबेडकर हे केवळ भारतापुरतेच मर्यादीत नाही तर संपूर्ण जगाला वैचारीक प्रेरणा देण्याचे कार्य त्यांनी केले आहे. ‘शिका, संघटीत व्हा आणि संघर्ष करा’ हा जीवन जगण्याचा मंत्र डॉ. बाबासाहेब आंबेडकर यांनी आपल्याला दिला आहे. गौतम बुद्धांचा शांततेचा आणि समतेचा संदेश संपूर्ण जगात पोहचला आहे. केंद्र शासन आज बुद्धगया, नालंदा, विक्रमशिला, सारनाथ, कपिलवस्तू, राजगीर, वैशाली, श्रावस्ती या ठिकाणांना जोडणारे बुद्ध सर्किट तयार करीत आहे,’ असेही पालकमंत्री सुधीर मुनगंटीवार यांनी सांगितले.

एस.एन.डी.टी. विद्यापीठ आणि चंद्रपूर फ्लाईंग क्लब ठरणार विद्यार्थ्यांसाठी गेमचेंजर

कौशल्य विकासावर आधारीत प्रशिक्षण आणि रोजगारासाठी चंद्रपूरमध्ये एस.एन.डी.टी विद्यापीठाचे उपकेंद्र स्थापन करण्यात येत आहे. तसेच आगामी काही महिन्यातच चंद्रपूर येथे फ्लाईंग क्लब सुरू करण्याचे नियोजन आहे. त्यामुळे चंद्रपूर आणि गडचिरोली या जिल्ह्यातील अनुसूचित जाती, अनुसूचित जमाती, इतर मागास प्रवर्ग आदी विद्यार्थी–विद्यार्थीनींसाठी या बाबी गेमचेंजर ठरणार आहेत, असा विश्वासही त्यांनी व्यक्त केला.

News34 chandrapur

चंद्रपूर :- महाराष्ट्र राज्याचे अन्न व औषधी प्रशासन मंत्री तथा गोंदिया जिल्ह्याचे पालकमंत्री नामदार धर्मराव बाबा आत्राम यांनी चंद्रपूर जिल्ह्यातील राष्ट्रवादी काँग्रेस पक्षाच्या जिल्हा कार्यकारणी पदाधिकाऱ्यांची भेट घेत आढावा घेतला. यावेळी जिल्हाध्यक्ष नितीन भटारकर यांनी चंद्रपूर जिल्ह्याच्या राष्ट्रवादी काँग्रेस पक्ष संघटने बांधणी बाबत झालेल्या प्रगतीचा आढावा सादर करीत पदाधिकारी, कार्यकर्त्यांनी तालुक्यातील समस्या व विकास कामांबाबत आणलेल्ले निवेदने मंत्री महोदयांना देत संबंधित अधिकाऱ्यांना निर्देश द्यावे किवा बैठक लावावी अशी मागणी केली.

जिल्ह्यातील कोळसा खाणीतील कामगार व प्रकल्पग्रस्त, वन्यप्राण्यांमुळे होत असलेले शेतकऱ्यांचे नुकसान, जिवती तालुक्यातील वन कायद्यामुळे विकास कामावर झालेला परिणाम, आदिवासी व मागासवर्गीय समाजातील घरकुल बांधकाम रखडल्या बाबत, ग्रामीण भागातील रस्ते व इतर रखडलेल्या विकास कामाबद्दलचे निवेदने मंत्रिमहोदयानी स्विकारत स्थानिक प्रश्न जिल्हास्तरावर सोडवू व इतर प्रश्नांसंदर्भात उपमुख्यमंत्री मा.अजित दादा पवार यांच्याकडे बैठक घेऊन योग्य तो मार्ग काढण्यात येईल अशी हमी दिली.

यावेळी काही पदाधिकार्यांच्या नामदार आत्राम यांच्या हस्ते नियुक्त्या करण्यात आल्या. चंद्रपूर, मुल व घुग्गुस येथील विविध पक्षातील कार्यकर्त्यांनी राष्ट्रवादी काँग्रेसमध्ये प्रवेश केला. पुढील काळात राष्ट्रवादी काँग्रेस पक्षाच्या पदाधिकारी व कार्यकर्त्यांच्या पाठीशी भक्कमपणे राहणार असुन पक्षातर्फे ताकत देण्याचे काम करण्यात येईल अशी ग्वाही धर्मराव आत्राम यांनी उपस्थितांना दिली. गोंदिया जिल्हयाच्या पालकमंत्री पदी निवड झाल्याबद्दल जिल्हा राष्ट्रवादी काँग्रेस तर्फे मा. धर्मराव आत्राम यांचा सत्कार करण्यात आला.

यावेळी राष्ट्रवादी काँग्रेसचे जिल्हाध्यक्ष नितीन भटारकर, प्रदेश सहसचिव आबीदजी अली, शहर अध्यक्ष राजीव कक्कड, राष्ट्रवादी युवक काँग्रेस जिल्हाध्यक्ष राकेश सोमानी, वरोरा विधानसभा अध्यक्ष विलास नेरकर, चंद्रपूर विधानसभा अध्यक्ष सुनील काळे, विद्यार्थी जिल्हाध्यक्ष सुजित उपरे, नगरसेवक महेंद्रसिंह चंदेल, चंद्रपूर तालुका अध्यक्ष श्रीनिवास गोसकुल्ला, मुल तालुका अध्यक्ष मंगेश पोटवार, राजुरा तालुका अध्यक्ष संतोष देरकर, वरोरा तालुका अध्यक्ष रवी भोयर, कार्याध्यक्ष तणवीर शेख, भद्रावती शहर अध्यक्ष गितेश सातपुते, हर्षवर्धन पिपरे, रकीब शेख, रवि डिकोंडा, आकाश येसणकर, चंद्रकांत कुंभारे, अल्पसंख्याक शहर अध्यक्ष नौशाद शेख उपस्थित होते.

तसेच पदाधिकारी पंचायत समिती सदस्य पंकज ढेंगारे, तिमोती बंडावार, माजी सरपंच अमोल ठाकरे, माजी नगरसेवक कुतुबुद्दीन सिटी, दिपक तुरारे, रोशन फुलझेले, समीर शेख, अनुकूल खन्नाडे, अंकित ढेंगारे, किसन झाडे, सुजित कावळे, महेंद्र बाग, योहान इरगुराला, गणेश तामटकर, प्रदीप लांडगे, संजय खेवले, भोजराज शर्मा, प्रशांत झांबरे, नितीन घुबडे, सौरभ घोरपडे, ईश्वर बट्टे, रणजित ठाकूर, पियुष चांदेकर, अमर गोमासे, रोशन ढवळे, मनोज सोनी, राहुल देवतळे, पंकज जाधव, सिहल नगराळे, पवन बंडीवार, राजकुमार खोब्रागडे, सनी शर्मा, निलेश टोंगे, आसिफ शेख, राहुल भगत यांच्यासह मोठ्या संख्येने कार्यकर्ते उपस्थित होते.