Category: राजकारण

News34 chandrapur

ब्रह्मपुरी – मानवी जन्म घेणाऱ्या प्रत्येकाने समाजात राहून माणुसकीचे नाते जपले पाहिजे. धर्म, जात, वर्ण, चालीरीती, रूढी, परंपरा या अंगलट न आणता व अंधश्रद्धेला बळी न पडता विज्ञान युगात जगताना माणुसकी या सर्वात मोठ्या धर्माची शिकवण अंगीकारणे काळाची गरज आहे. मकर संक्रांतीच्या शुभ पर्वावर जे तिळगुळ दिल्या जाते त्याचा गोडवा कायमस्वरूपी आपल्या आयुष्यात जपून ठेवावा असे प्रतिपादन राज्याचे विरोधी पक्ष नेते तथा ब्रह्मपुरी विधानसभा क्षेत्र आमदार विजय वडेट्टीवार यांनी केले. ते ब्रह्मपुरी तालुक्यातील चौगान येथे आयोजित मकर संक्रांत महोत्सवात उद्घाटक म्हणून बोलत होते.

आयोजित मकर संक्रांत महोत्सवानिमित्त कार्यक्रमात
कार्यक्रमाचे उद्घाटक म्हणून राज्याचे विरोधी पक्षनेते, ब्रम्हपूरी विधानसभा क्षेत्राचे आमदार विजय वडेट्टीवार
सहउद्घाटक म्हणून माजी जि.प.सदस्य डॉ राजेश कांबळे हे तर अध्यक्ष तालुका काँग्रेस कमिटीचे अध्यक्ष खेमराज तिडके यांची उपस्थिती होती. सहअध्यक्ष म्हणून नगरपरिषदेचे गटनेता विलास विखार हे उपस्थित होते.

प्रमुख अतिथी म्हणून बाजार समितीचे सभापती प्रभाकर सेलोकर, शहर काँग्रेस कमिटीचे अध्यक्ष हितेंद्र राऊत, माजी जिल्हा परिषद सदस्य स्मिताताई पारधी, राजीव गांधी पंचायतराज संघटनचे प्रदेश महासचिव थानेश्वर कायरकर, युवक काँग्रेसचे तालुकाध्यक्ष सोनू नाकतोडे, बाजार समितीच्या उपसभापती तथा न.प. सभापती सुनिताताई तिडके, महिला काॅंग्रेसच्या तालुकाध्यक्षा मंगलाताई लोनबले, तालुका काॅंग्रेस उपाध्यक्ष नामदेव लांजेवार, मुंबई येथील कंत्राटदार विजय भागडकर, माजी पोलीस पाटील किशोर तिडके, बाजार समितीचे संचालक दिवाकर मातेरे, अनुसूचित जाती सेलचे जिल्हा सहसचिव प्रा. डी. के. मेश्राम, युवक काँग्रेसचे शहराध्यक्ष सुरज मेश्राम, युवक काँग्रेसचे विधानसभा उपाध्यक्ष अमित कन्नाके, माजी सरपंच ईश्वर ठाकरे, उपसरपंच सुरेश ठिकरे, माजी अध्यक्ष से.सो. अनिल पिलारे यांसह अन्य मान्यवर उपस्थित होते.

पुढे बोलताना विरोधी पक्षनेते विजय वडेट्टीवार म्हणाले की, क्षेत्र विकासासोबतच जनतेचे आरोग्य, शासनाचे जनकल्याणकारी योजना, व त्यांचे जीवनमान उंचावण्याकरिता रोजगार शिक्षण व मूलभूत सुविधा करण्याची सर्वस्वी जबाबदारी लोकप्रतिनिधी नात्याने माझी असून ती मी सदैव विश्वासहतेने पार पाडणर अशी ग्वाही त्यांनी यावेळी दिली.
प्रास्ताविक खेमराज तिडके यांनी तर सूत्रसंचालन संतोष पिलारे यांनी केले.

गावकऱ्यांनी अनुभवला महीला कबड्डीचा थरार

संक्रांत महोत्सव निमित्ताने आयोजित महिला कबड्डी स्पर्धेत गावातील महिलांनी सहभाग घेतला. या महिलांनी कबड्डी सामन्यांमध्ये दाखवलेले डावपेच बघण्यासाठी नागरिकांनी मोठी गर्दी केली होती. महिलांसाठी संगीत खुर्ची व हळदी कुंकू, वाणाचा कार्यक्रम देखील आयोजित करण्यात आला होता.
त्यानंतर रात्री एकल व सामुहीक नृत्य स्पर्धा घेण्यात आली. त्यात गावातील महिलांसह मुला-मूलींनी सहभाग घेतला होता. या स्पर्धांचे परिक्षण राहुल मैंद व पराग सहारे यांनी केले.
विविध स्पर्धांसाठी रोख बक्षीसे सुध्दा ठेवण्यात आली आहे.
विद्यार्थ्यांसाठी मोटीव्हेशनल कार्यक्रम आयोजित करण्यात आला होता. त्यात नांदेड येथील बालाजी गाडे, माजी प्राचार्य भाऊराव राऊत यांनी मार्गदर्शन केले.

वृध्दांना ब्लॅंकेटचे वितरण

तालुका काँग्रेस कमिटीचे अध्यक्ष खेमराज तिडके व कंत्राटदार विजय भागडकर यांच्या कडून गावातील वृध्दांना ब्लॅंकेटचे वितरण करण्यात आले.

News34 chandrapur

सावली – राज्याचे विरोधी पक्षनेते, तथा ब्रम्हपुरी विधानसभा क्षेत्राचे आमदार विजय वडेट्टीवार यांच्या संकल्पनेतून सर्व सामान्य,गोर-गरिब जनतेचे शासकीय किंवा अशासकीय कामे सोयीचे व्हावे याकरिता ब्रम्हपुरी विधानसभा क्षेत्रात जनसेवा केंद्राची स्थापना होणार आहे. यासाठी विजयदूत स्वयंसेवक यांची नेमणूक करून यांच्या माध्यमातून ही जनसेवेची कामे पार पडणार आहेत. विजय दुतांनी सर्व सामान्य गोरगरीब जनतेचे सेवक बनून कार्य करावे असे प्रतिपादन राज्याचे विरोधी पक्षनेते विजय वडेट्टीवार यांनी केले ते सावली येथील काँग्रेस पक्षाचे जनसंपर्क कार्यालय येथे आयोजित विजयदूत स्वयंसेवक यांची कार्यशाळा व कार्यकर्ता मार्गदर्शन शिबीर प्रसंगी अध्यक्ष म्हणून बोलत होते.

सदर कार्यक्रमास अध्यक्ष म्हणून राज्याचे विरोधी पक्षनेते विजय वडेट्टीवार तर प्रमुख उपस्थिती म्हणून गडचिरोली येथील माजी जिल्हा परिषद सदस्य ॲड. राम मेश्राम,माजी जिल्हा परिषद उपाध्यक्ष मा.संदीप पाटील गड्डमवार,माजी बांधकाम सभापती जि.प.चंद्रपूर मा.दिनेश पाटील चिटणूरवार,सावली तालुका काँग्रेस कमिटीचे अध्यक्ष मा.नितीन गोहने,महिला तालुकाध्यक्षा सौ.उषाताई भोयर,माजी पंचायत समिती सभापती सावली मा.विजय कोरेवार,माजी सभापती पंचायत समिती सावली मा.राकेश पाटील गड्डमवार,सावली शहर काँग्रेस कमिटीचे शहराध्यक्ष व नगरसेवक मा.विजय मुत्यालवार,नगर पंचायत सावलीच्या नगराध्यक्ष सौ.लताताई लाकडे,उपनगराध्यक्ष मा.संदीप पुण्यपकार,सरपंच संघटनेचे अध्यक्ष मा.पुरषोत्तम चूदरी,सावली तालुका युवक काँग्रेसअध्यक्ष मा.किशोर कारडे,युवक शहर अध्यक्ष मा.अमर कोणपत्तिवार,सावली शहर महिला अध्यक्षा सौ.भारती चौधरी तसेच गाव काँग्रेस कमिटीचे अध्यक्ष,पदाधिकारी,महिला आघाडी, युवा आघाडी नवनियुक्त विजयदूत,कार्यकर्तागणं मोठ्या संख्येने उपस्थित होते.

गावपातळीवरील सर्वसामान्य माणसांना शासकीय कामासाठी वारंवार शासकीय कार्यालयात चकरा माराव्या लागतात, नागरिकांना शासकीय योजनांविषयी माहिती नसल्याने ते शासकीय योजनांच्या लाभापासून वंचित राहतात, ही बाब जाणून ग्रामीण भागातील सर्वसामान्य माणसांची कामे जलदगतीने पुर्ण झाली पाहिजे. सोबतच त्यांना शासकीय योजनांचा लाभ सहजतेने मिळाला पाहिजे या उदात्त हेतूने राज्याचे विरोधी पक्षनेते तथा ब्रम्हपूरी विधानसभा क्षेत्राचे आमदार विजयभाऊ वडेट्टीवार यांच्या संकल्पनेतुन सावली तालुक्यातील विधानसभेच्या ३ बूथामागे एक विजयदूत ठेवण्यात आला असून विजयभाऊ जनसेवा केंद्र उभारून त्याठिकाणी विजयदुतांची नियुक्ती केली आहे. हे विजयदूत नागरिकांना शासकीय व इतर कामांसाठी मदत करणार आहेत. विजयभाऊ जनसेवा केंद्रापर्यंत जे वृद्ध, अपंग व आजारी व्यक्ती पोहचू शकत नाही अशा व्यक्तींच्या घरी स्वतः जाऊन विजयदुत सेवा देणार आहेत.

कार्यक्रमाचे सूत्रसंचालन मा.विजय कोरेवार यांनी, प्रास्ताविक सावली तालुका काँग्रेस कमिटी अध्यक्ष नितीन गोहने, तर आभार प्रदर्शन जनसंपर्क कार्यालय प्रमुख कमलेश गेडाम यांनी केले.

News34 chandrapur

भद्रावती – देशात जातीय तेढ निर्माण करून माणसाला माणसाशी तोडण्याचे काम सुरू आहे. अशातच एक ग्रामीण कलावंत आपल्या महाराष्ट्राची परंपरेचा सांस्कृतिक व सामाजिक वारसा जोपासत टाकळी ता. भद्रावती सारख्या छोट्याश्या गावात पुरोगामी विचारांचे प्रेरणादायी कलावंत निर्मना हेतू डॉ. बाबासाहेब आंबेडकर यांच्या नावाने आंतरराष्ट्रिय कल्चरल सेंटर उभारत आहे ही वाख्यानेजोगी बाब असून यातून निश्चितच देशातील युवांना देश सेवेची प्रेरणा मिळेल असे प्रतिपादन राज्याचे विरोधी पक्षनेते विजय वडेट्टीवार यांनी केले. ते भद्रावती तालुक्यातील टाकळी येथे आयोजित डॉ. बाबासाहेब आंबेडकर कल्चरल सेंटर उद्घाटन प्रसंगी अध्यक्ष म्हणून बोलत होते.

डॉ. बाबासाहेब आंबेडकर कल्चरल सेंटर उद्घाटन सोहळा प्रसंगी प्रामुख्याने मंचावर उद्घाटक म्हणून वरोरा विधानसभा क्षेत्र आमदार प्रतिभा धानोरकर, सांस्कृतिक मंत्रालय चेयरमन डॉ विनोद इंदुलकर, डॉ निळकंठ कुरसंगे, बापुदास गजभारे, कुशल मेश्राम, डॉ इसादास भडके, इंजि. भास्कर चव्हाण, सेवादल जिल्हाध्यक्ष सुर्यकांत खणके, भीम आर्मी महासचिव शंकर मुन, भीम आर्मी जिल्हाध्यक्ष सुरेंद्र रायपूरे, चंद्रपूरच्या माजी महापौर संगीता अमृतकर, गोपाल अमृतकर, टाकळी येथील सरपंच संगीता देहारकर, माजी सरपंच नत्थु पाटील आसेकर, पोलिस पाटील शितल दूरन्गकर उपस्थित होते.

यावेळी पुढे बोलताना विरोधी पक्षनेते विजय वडेट्टीवार म्हणाले की, देशाला सध्याच्या परिस्थितीत सत्ताधाऱ्यांनी व्यापाऱ्यांच्या दावणीला बांधले असून मोजक्या व्यापाऱ्यांच्या नफेखोरीसाठी गोरगरिब जनतेची दिशाभूल करत लूट केली जात आहे. आज देश गुलामगिरीच्या वाटेवर जात आहे.

अश्यातच महाराष्ट्राच्या पुरोगमी विचारांचा प्रसार व प्रचार फार महत्त्वाचा असून गांधी विचारधारा व डॉ. बाबासाहेब आंबेडकर यांचे संविधान हेच देशाला तारू शकतात. ही सर्व कल्पना लक्षात घेऊन गोंडपिपरी तालुक्यातील एका बोरगाव सारख्या छोट्याश्या गावातून आपल्या कला कौशल्याने नाट्य क्षेत्रात ठसा उमटविनाऱ्या अनिरुद्ध वणकर यांनी जे काम हाती घेतले ते कौतुकास्पद आहे. त्यांच्या प्रयत्नांना यश मिळत राहो अशा शुभेच्छा देत त्यांना वेळोवेळी लागणारी मदत आपण करणार असून हे केंद्र भविष्यात नावलौकिकास येईल असे प्रतिपादन राज्याचे विरोधी पक्षनेते विजय वडेट्टीवार यांनी केले. यावेळी विर योद्धा बिरसा मुंडा या प्रेरणादायी नाट्यप्रयोगाचे सादरीकरण करण्यात आले. सोबतच काही प्रशिक्षणार्थी यांना प्रमाणपत्र देण्यात गौरविण्यात आले.

कार्यक्रमाचे सूत्रसंचालन मंगेश मेश्राम प्रास्ताविक अनिरुद्ध वणकर तर आभार प्रवीण भसारकर यांनी मानले.

News34 chandrapur

चंद्रपूर : वरोरा भद्रावती विधानसभा क्षेत्राच्या आमदार प्रतिभा धानोरकर यांनी मूल-पोंभुर्णा तालुक्यातील प्रलंबित प्रश्नांचा निराकरण करण्याचा विश्वास व्यक्त केला.

दि. 12 जानेवारी रोजी, नांदगाव (घोसरी)येथे विनोद अहिरकर यांचा महाराष्ट्र काँग्रेस ओबीसी प्रदेश उपाध्यक्ष पदी निवड झाल्यानिमित्त सत्कार समारंभ आयोजित करण्यात आला. यावेळी बोलताना आमदार प्रतिभाताई धानोरकर म्हणाल्या, “मूल-पोंभुर्णा तालुक्यातील जे प्रलंबित प्रश्न असतील, ते मी सर्वप्रथम शासनाच्या निदर्शनास आणून देईन. त्यानंतर, त्या प्रश्नांचा निराकरण करण्यासाठी मी माझी सर्वतोपरी मदत करेन. समाजाच्या शेवटच्या घटकापर्यंत प्रत्येक लोकांपर्यंत जाऊन त्यांच्या समस्यांचे निराकरण करत असताना, त्यांना कुठेही गरज लागली, तर त्यांची एक मोठी बहीण म्हणून मी कायम त्यांच्यासोबत आहे.”

या सत्कार समारंभाला महाराष्ट्र प्रदेश महासचिव विनोद भाऊ दत्तात्रय, बल्लारपूर नगर परिषद माजी नगराध्यक्ष घनश्याम मूलचंदानी, अल्पसंख्याक जिल्हाध्यक्ष सोहेल रजा शेख, तालुका काँग्रेस कमिटी अध्यक्ष तथा सभापती बाजार समिती पोंभुर्णा रविभाऊ मरपल्लीवर, वैशालीताई पुल्लावार, तसेच मुल व पोंभुर्णा तालुक्यातील सर्व सरपंच, उपसरपंच, काँग्रेसच्या कार्यकर्त्यांनी उपस्थिती दर्शवली.

यावेळी आमदार धानोरकर यांनी, “राज्यातील सध्याच्या परिस्थितीबद्दलही आपण सर्वांनी चिंता व्यक्त केली पाहिजे. दोन वर्षांच्या कोविड काळात अनेक लोकांचे नुकसान झाले. शेतकऱ्यांच्या पिकाला हमीभाव मिळत नाही. केंद्र सरकार आणि राज्य सरकार शेतकऱ्यांच्या समस्यांकडे दुर्लक्ष करत आहेत. भाजपाची सत्ता आली तेव्हापासून देश मागे जात आहे.”

“संपूर्ण लोकसभा मतदारसंघ हा पोरका झालेला नाही. साहेब जरी गेले असले तरी त्यांच्या पावलावर पाऊल ठेवत त्यांनी दिलेला प्रत्येक शब्द, त्यांनी बोललेल्या प्रत्येक गोष्टी या सात महिन्याचा कार्यकाळात मी पूर्ण करण्याचा प्रयत्न करत आहे. या भागात सुद्धा कामाच्या संदर्भात कुठला विषय असेल तर आपण नक्की माझ्यापर्यंत या. चंद्रपूरला सुद्धा आमचे जनसंपर्क कार्यालय आहे. तिथपर्यंत माझ्या माध्यमातून जेवढ्या कामाचा पाठपुरावा करता येईल, तेवढे काम पूर्ण करण्याचा प्रयत्न करेन,” असेही आमदार धानोरकर यांनी आश्वासन दिले.

News34 chandrapur

भद्रावती:- बरांज मोकासा येथील गावाचे पुनर्वसन प्रकल्पग्रस्त शेतकरी व गावातील नागरिकांसह कामगाराच्या विविध मागण्यांसाठी आंदोलनाचा पवित्रा बरांज येथील महिलांनी १४ डिसेंबर पासून घेतला असुन आंदोलनाची प्रशासनातर्फे कोणत्याही प्रकारची दखल घेतल्या गेली नाही असा आंदोलनकारी महिलांनी आरोप करीत आमरण उपोषणाला सुरुवात केली आहे.

याबाबतची तक्रार महिलांनी राष्ट्रवादी काँग्रेस पक्षाचे विधानसभाध्यक्ष विलास नेरकर यांना दिली असता नेरकर यांनी भद्रवती चे तहसीलदार यांचेशी चर्चा करून प्रश्न सोडविण्याची मागणी केली होती. त्यानंतर प्रशासकिय हालचालींना वेग आला. तहसीलदार यांनी जिल्हाधिकारी विनय गौडा यांचेशी चर्चा करण्यासाठी प्रकल्पग्रस्त महिलांना चंद्रपूर जिल्हाधिकारी कार्यालय येथे बोलावले. जिल्हाधिकारी यांच्या अध्यक्षतेखाली झालेल्या बैठकीत कोणत्याही स्वरूपाचा ठोस निर्णय न देता उपाययोजने बाबत देखील चर्चा न झाल्याने प्रकल्पग्रस्त महिलांनी आमरण उपोषण सुरू ठेवलेले आहेत.

महिलांच्या आंदोलनाचा आजचा २८ वा दिवस सुरू असतांना राष्ट्रवादी काँग्रेसचे जिल्हाध्यक्ष नितीन भटारकर यांना माहिती देण्यात आली तेव्हा लगेच आंदोलन करण्याऱ्या महिलांच्या मंडपाला भेट देउन मागण्यांबद्दल जाणून घेतले. यावेळी वरोरा भद्रावती विधानसभा अध्यक्ष विलास नेरकर, तालुकाध्यक्ष राजू बोरकर, शहराध्यक्ष गीतेश सातपुते, तिमोटी बंडावार, रोशन फुलझेले, गणेश बावणे यांचेसह इतर कार्यकर्त उपस्थित होते.

आंदोलन कर्त्यां महिलांनी बरांज गावात जाऊन बघा असे सांगितल्या नंतर राष्ट्रवादी काँग्रेस पक्षाचे पदाधिकारी यांनी गावाची पाहणी केली असता पहिली ते सातवी पर्यंतच्या जिल्हापरिषद शाळेत जाऊन बघितले असता अक्षरशः शाळेला लागूनच १५ फुटावर कोलमईन्सचा खोल दरी दिसून आली. उत्खनन केलेल्या खदानीला कंपनीतर्फे कोणत्याही पद्धतिने संरक्षित केलेले नसल्याने जीवित हानी देखील होऊ शकते. पुनर्वसन्नाच्या च्या संबंधाने सुरुवातीला करण्यात आलेल्या करारातील प्रमुख मुद्यांना कंपनीतर्फे केराची टोपली दाखविण्यात आली. अनेकांना जमीनींचा, घराचा मोबदला अजूनही मिळाला नसल्याने काही कुटुंब तेथेच राहत आहे.

कंपनीतर्फे होणार्या ब्लास्टिंग मुळे बऱ्याच घरांना भेगा पडलेल्या आहे. रोजगारा संबंधाने केलेले करार सुद्धा कंपनीने पाळले नसल्याने गावात बेरोजगारांची संख्या देखील मोठी असल्याचे आंदोलनकारी महिलांनी निदर्शनास आणून दिले. हे सर्व मुद्दे लक्षात घेऊन राष्ट्रवादी काँग्रेस पक्षातर्फे त्यांना पाठिंबा जाहीर करीत आपल्यावर झालेला अन्याय तथा आंदोलनाच्या संबंधातील रास्त मागण्या राज्याचे उपमुख्यमंत्री अजित पवार यांच्याकडे मांडून यांच्या माध्यमातुन सोडविण्याचा पुरेपुर प्रयत्न करण्यात येईल असे आश्वासन जिल्हाध्यक्ष नितिन भटारकर यांनी आंदोलक महिला तथा गाववासियांना दिले.