Category: राजकारण

News34 Chandrapur

चंद्रपूर – चंद्रपूर शहरात महानगरपालिकेच्या पटांगणात दिनांक 22 ते 24 फेब्रुवारी पर्यंत बहुजन विकास मंच चंद्रपूर द्वारा बहुजन समाजातील नागरिकांकरिता विविध सामाजिक कार्यक्रमाचे आयोजन करण्यात आले होते. यावेळी महात्मा ज्योतिबा फुले लिखित तृतीय रत्न या नाटकाचे सादरीकरण 22 फेब्रुवारी रोजी करण्यात आले. तसेच शिवराय ते भिमराय असा प्रवास सांगणारा मी वादळवारा हा कार्यक्रम अनिरुद्ध वनकर यांच्यातर्फे सादर करण्यात आला. Upcoming election

24 फेब्रुवारी रोजी निर्भय बनो या शीर्षकाखाली डॉक्टर विश्वंभर चौधरी यांच्या व्याख्यानाचे आयोजन करण्यात आले होते. व्याख्यानादरम्यान डॉक्टर विश्वंभर चौधरी म्हणाले की, 2014 पासून देश हुकूमशाही कडे चाललेला दिसून येत आहे, लोकशाही जर बळकट करायची असेल तर येणाऱ्या निवडणुकीत मोदी व शहांचा पराभव होणे आवश्यक आहे. Bahujan vikas manch

आज भारतीय जनता पार्टी घाबरली असून त्यांना विरोधी पक्षातील नेत्यांची गरज भासत आहे. देशातल्या अनेक स्वायत्त संस्था हाताशी घेऊन विरोधी पक्षांतील नेत्यांना तुरुंगात टाकण्याचा डाव केंद्रातील सरकार करीत आहे. समाजा समाजात द्वेष निर्माण करून हे सरकार सामाजिक असंतोष निर्माण करीत आहे. dr.Vishwambhar Chaudhary

देशातील अनेक संस्था अदानी व अंबानीला विकून त्यांना आर्थिक बळकट करण्याचे काम चालू आहे. त्यामुळे देशात आर्थिक असमतोल निर्माण होत आहे. एकीकडे देश बळकट होत चालल्याचे सांगून दुसरीकडे ८० कोटी कुटुंबांना मोफत धान्य देत असल्याचे सांगून पाठ थोपटून घेत आहे हा विरोधाभास असून आज याकडे लक्ष देण्याची गरज निर्माण झाली आहे. Constitution

News34 chandrapur

चंद्रपूर/बल्लारपूर – देशात लवकरच लोकसभा निवडणुकीची घोषणा होणार असून, यंदा भारतीय जनता पक्ष (भाजप) महाराष्ट्रातून अनेक मंत्री लोकसभेच्या रिंगणात उतरवण्याची शक्यता आहे. 2019 च्या लोकसभा निवडणुकीत केंद्रीय गृहमंत्री हंसराज अहिर यांचा काँग्रेसच्या बाळू धानोरकर यांच्याकडून पराभव झाला तेव्हा घटनांचे एक मनोरंजक वळण आले. मात्र, धानोरकर यांच्या दुर्दैवी निधनाने पक्ष आता मंत्री सुधीर मुनगंटीवार यांना लोकसभा लढवून चंद्रपूर लोकसभा जागा जिंकण्याची संधी देण्याचा विचार करू शकते. त्यामुळे विधानसभेचे काय होणार, असा प्रश्न निर्माण होतो. Assembly Election

बल्लारपूर विधानसभा मतदारसंघात भाजपचा नवा उमेदवार येणार, की सुधीर मुनगंटीवार उमेदवार होणार? सध्या या चर्चा सुरू आहेत. दरम्यान, उद्धव ठाकरे यांच्या गटाचे जिल्हाप्रमुख संदीप गिऱ्हे यांनी आतापासूनच विधानसभेची तयारी सुरू केली आहे. बल्लारपूर विधानसभेच्या जागेवर शिवसेना दावा करू शकते, असा अंदाज आहे. नुकतेच ठाकरे गटाच्या जनसंपर्क कार्यालयाचे भव्य उद्घाटन बल्लारपूर येथे झाले. त्याच दिवशी भाजपने मराठी अभिनेत्री नेहा पेंडसेचा कार्यक्रम शहरात आयोजित केला होता. Chandrapur lok sabha

नेहा पेंडसेच्या कार्यक्रमाला आणि शिवसेनेच्या जनसंपर्क कार्यालयाच्या उद्घाटन सोहळ्यातील विरोधाभासी गर्दीने शिवसेनेची ताकद दाखवून दिली. लोकसभा निवडणुका जसजशा जवळ येत आहेत आणि महाराष्ट्रात राजकीय घडामोडी घडत आहेत, तसतसे पक्ष लोकसभा आणि विधानसभेच्या दोन्ही जागांसाठी कशी रणनीती आखतात आणि स्पर्धा करतात हे पाहणे मनोरंजक असेल. Bharatiy janata party

राजकारणातील नवे पर्व, कोण आहेत संदीप गिर्हे?

चंद्रपूर शहरातील रामनगर भागातील एका गरीब कुटुंबात जन्मलेल्या संदीप गिऱ्हे यांचे जीवन संघर्ष आणि चिकाटीने भरलेले आहे. बाळासाहेब ठाकरे यांच्या आदर्शाने प्रेरित होऊन त्यांनी लहान वयातच शाळेत असतानाच शिवसेना पक्षात प्रवेश केला. Sandeep girhe

शाखाप्रमुख म्हणून त्यांच्या सुरुवातीच्या दिवसांपासून ते जिल्हा प्रमुख म्हणून त्यांच्या सध्याच्या पदापर्यंत, गिर्हे यांचा प्रवास आव्हानांनी भरलेला आहे. राज्यात राजकीय बदल होऊनही संदीप गिऱ्हे यांनी उद्धव ठाकरे आणि शिवसेना पक्षासोबत ठाम राहिले. आज त्यांच्या नेतृत्वाखाली शिवसेनेतील ठाकरे गटाने बल्लारपूर विधानसभा मतदारसंघात, तसेच संपूर्ण चंद्रपूर जिल्ह्यात लक्षणीय बळ मिळविले आहे. Shiv sena

गिऱ्हे यांच्या संघटन कौशल्याने प्रस्थापित राजकीय पक्षांना थक्क करून सोडले आहे. बल्लारपूर विधानसभा मतदारसंघात महाविकास आघाडीच्या संभाव्य पाठिंब्याने संदीप गिऱ्हे यांना मोठा राजकीय परिवर्तन घडवून आणण्याची संधी आहे. आगामी विधानसभा निवडणुकीत गिऱ्हे यांच्यासारखा तळागाळातील कार्यकर्ता दिग्गज नेत्यांना आव्हान देणारा पाहिल्यास नवल वाटणार नाही. शेवटी, बदल हा गोष्टींचा नैसर्गिक क्रम आहे. 2024 च्या विधानसभा निवडणुकीकडे लक्ष देता, चंद्रपूर जिल्ह्यात शिवसेनेला आमदार निवडून आणण्याची दाट शक्यता असल्याचे स्पष्ट होत आहे. Minister sudhir mungantiwar

संदीप गिऱ्हे यांचे समर्पण आणि संघटनात्मक बांधणीसाठी धोरणात्मक दृष्टीकोन याने निःसंशयपणे या जिल्ह्यात पक्षाच्या वाढत्या प्रभावाला हातभार लावला आहे. शेवटी, संदीप गिऱ्हे यांचा चंद्रपूर जिल्ह्यातील राजकीय शक्ती म्हणून झालेला उदय हा त्यांच्या अटूट बांधिलकीचा आणि त्यांना मिळालेला पाठिंबा याचा पुरावा आहे. त्यांच्या सततच्या प्रयत्नांमुळे शिवसेना पक्ष आगामी निवडणुकीत मोठा प्रभाव पाडण्याच्या तयारीत आहे.

चंद्रपूर जिल्ह्यात नव्या मतदारांची साथ शिवसेनेला मोठ्या प्रमाणात मिळत आहे, शिवसेना जनसंपर्क कार्यालयाच्या उदघाटन सोहळ्याला आलेला जनसमुदाय शिवसेनेची वाढती ताकद दाखवीत आहे, पक्षप्रमुख उद्धव ठाकरे सध्या राज्यात सत्ताधारी पक्षाविरोधात बेधडक वक्तव्य करीत आहे, त्यांनी सत्तेपुढे गुढघे टेकले नाही, आजही त्यांच्या सोबतीला निष्ठवंतांची फौज उभी आहे. आगामी लोकसभा व विधानसभा निवडणुकीत ठाकरे पॅटर्न चालणार असा अंदाज राजकीय विचारवंतांनी वर्तविला आहे.

News34 chandrapur

चंद्रपूर – ज्या देशात भारतरत्न डॉ. बाबासाहेब आंबेडकर, महात्मा गांधी, स्वामी विवेकानंद यांनी अध्यात्मिक, वैचारिक योगदान देताना वाचन संस्कृतीचे, पुस्तकांचे महत्त्व सांगितले. आज विज्ञान-तंत्रज्ञानाच्या प्रगतीमध्ये मात्र दुर्दैवाने वाचन संस्कृती मात्र लोप पावत आहे. ही वाचन संस्कृती टिकवायची असेल तर आपल्याला वाचकांचे क्लब स्थापन करावे लागतील, अशी सूचना वजा अपेक्षा राज्याचे वने, सांस्कृतिक कार्य व मत्स्यव्यवसाय मंत्री तसेच जिल्ह्याचे पालकमंत्री ना. श्री. सुधीर मुनगंटीवार यांनी आज (शनिवार) व्यक्त केली.

डॉ. श्यामाप्रसाद मुखर्जी सभागृहात येथे आयोजित या कार्यक्रमाच्या अध्यक्षस्थानी डॉ. शरदराव सालफळे होते. तर प्रभारी जिल्हा ग्रंथालय अधिकारी रत्नरक्षित शेंडे, रत्नाकर नलावडे, अनिल बोरगमवार, नामदेव राऊत, प्रा. श्याम मोहरकर, सुदर्शन बारापात्रे आदी मान्यवर उपस्थित होते.

ना. श्री. सुधीर मुनगंटीवार म्हणाले, ‘आज या कार्यक्रमाच्या निमित्ताने आपण प्रत्येकाने पुस्तक वाचण्याचा संकल्प करावा. मानसिक भूक भागविण्यासाठी वाचकांचा क्लब स्थापन करण्याचा विचार करावा. उद्या या सभागृहातील ग्रंथोत्सव चांदा क्लब ग्राऊंडवर होईल तेव्हा मला अधिक आनंद होईल.’ ज्याने फेसबुकला जन्म दिला तो मार्क झुकेरबर्ग छान झाडाखाली बसून पुस्तके वाचतोय आणि आपले भारतीय विद्यार्थी फेसबुकवर व्यस्त आहेत, असे मी काही दिवसांपूर्वी व्हॉट्सएपवर वाचले होते.

ही खरे तर आपल्यासाठी विडंबनात्मक स्थिती आहे, असेही ते म्हणाले. ‘मी आमदार झालो तेव्हा वाचनालय सुरू करण्याची घोषणा केली होती. तेव्हापासून चंद्रपूर, बल्लारपूर, पोंभुर्णा, मुल व जिल्ह्यात अनेक ठिकाणी वाचनालये सुरू केली. आणखी नवीन वाचनालये सुरू करणार आहे. २०१५ मध्ये माझ्या विभागातर्फे जीआर काढून कार्यक्रमांमध्ये ‘बुके नव्हे बुक द्या’ असा नियम केला. आता जागा अपुरी पडत आहे, इतकी पुस्तके झाली आहेत. हजारो पुस्तके माझ्याकडे आहेत. मी निवृत्त होईल तेव्हा ही पुस्तकेच माझ्यासाठी धावून येतील,’ असेही ना. श्री. मुनगंटीवार म्हणाले.

‘ग्रंथालयांमध्ये एकसूत्रता यावी’

ग्रंथालयांच्या अंतर्गत सर्व व्यवस्थांमध्ये एकसूत्रता आणण्याची गरज आहे. महाराष्ट्रातील सर्व ग्रंथालये एका सॉफ्टवेअरने जोडली तर अधिक सोयीचे होईल. एखाद्या ग्रंथालयात एखादे पुस्तक नसेल तर महाराष्ट्रातील कोणत्या ग्रंथालयात ते उपलब्ध आहे, हे कळू शकले पाहिजे. त्यावर पुस्तकांना रेटिंग देण्याची सोय असावी. अमेझॉनच्या धरतीवर हे काम करणे शक्य आहे, अशा सूचना ना. श्री. सुधीर मुनगंटीवार यांनी केल्या. जिल्हाभरात जनजागृतीसाठी स्पर्धा घेता येतील का, याचाही विचार करावा, असेही ते म्हणाले.

News34 chandrapur

चंद्रपूर – : राज्‍यातील सर्व शिक्षक व राज्‍य कर्मचाऱ्यांना जुनी पेन्शन योजना लागू करावी व पेंशन योजनेचे संरक्षण करावे, या प्रमुख मागणीसाठी महाराष्ट्र राज्य जुनी पेन्शन संघटनेद्वारा ‘व्होट फॉर ओपीएस’ नागपूर ते मुंबई संकल्प पदयात्रा काढण्यात येत आहे. राज्‍यातील कर्मचाऱ्यांना जुनी पेंशन योजना तात्‍काळ लागू करावी, अशी आग्रही मागणी राज्‍याचे मुख्यमंत्री, अर्थमंत्र्यांकडे आमदार सुधाकर अडबाले यांनी केली. Old pension scheme

आतापर्यंत सहा राज्यातील कर्मचाऱ्यांना जुनी पेंशन योजना लागू करण्यात आली आहे. नुकतेच सिक्कीम या राज्यानेसुद्धा जुनी पेन्शन योजना लागू केली. मात्र, महाराष्ट्र सरकारने अजूनही जुनी पेन्शन योजना लागू करण्याबाबत कोणताही निर्णय घेतला नाही. शासनाने जुनी पेंशन योजना लागू करण्यासंदर्भात गठीत करण्यात आलेल्‍या समितीचा अहवाल सुद्धा शासनास सादर करण्यात आलेला आहे. तो अहवाल अर्थसंकल्‍पीय अधिवेशन २०२४ मध्ये सभागृहात सादर करून राज्‍यातील सर्व कर्मचाऱ्यांना जुनी पेंशन योजना लागू करावी, असेही निवदेनात म्‍हटले आहे. Retirement plan

नागपूर हिवाळी अधिवेशनादरम्‍यान १२ डिसेंबर २०२३ रोजी नागपूर येथे महाराष्ट्र राज्य जुनी पेन्शन संघटनेद्वारा पेंशन जनक्रांती महामोर्चा काढण्यात आला होता. या महामोर्चात लाखोंच्या संख्येने राज्‍यातील कर्मचारी सहभागी झाले होते. हिवाळी अधिवेशनादरम्‍यान सरकार जुनी पेंशन योजना लागू करण्यासंदर्भात सकारात्‍मक असल्‍याचे सभागृहात म्‍हटले होते. मात्र, अजूनही यावर निर्णय झाला नाही. त्यामुळे कर्मचारी वर्गात प्रचंड असंतोष निर्माण झालेला आहे. यामुळे नागपूर ते मुंबई काढण्यात येत असलेल्‍या संकल्प पदयात्रेत मोठ्या संख्येने शिक्षक-कर्मचारी सहभागी झालेले असून मुंबईच्या दिशेने निघालेले आहे. या यात्रेचा समारोप मुंबई येथील आझाद मैदानावर २८ फेब्रुवारी २०२४ रोजी होणार आहे. financial security

कर्मचाऱ्यांत वाढता असंतोष बघता सरकारने राज्‍यातील सर्व कर्मचाऱ्यांना तात्‍काळ जुनी पेन्शन योजना लागू करावी व राज्यातील १६ लाख कर्मचारी व त्यांच्या कुटुंबीयांना दिलासा द्यावा, अशी मागणी राज्‍याचे मुख्यमंत्री, अर्थमंत्र्यांकडे आमदार सुधाकर अडबाले यांनी केली.  Government employee

News34 chandrapur

चंद्रपूर – सध्या देशातली परिस्थिती अत्यंत भयावह असुन केंद्रातील सरकार हे शेतकरी विरोधी असल्याचे दिसून येत आहे. अनेक ED,CBI सारख्या स्वायत्त संस्थांना हाताशी धरुन विरोधी पक्षांना कमकुवत करुन आपला राजकीय स्वार्थ साधत असल्याचे चित्र देशात निर्माण झाले आहे. Unity राज्यातील व केंद्रातील सरकार हे समाजा समाजात द्वेष निर्माण करुन लोकशाहीचा अपमान करीत आहे. त्यामुळे आज संविधानाच्या रक्षणासाठी बहुजन समाजाने एकत्रीत येणे गरजेचे असल्याचे मत आमदार प्रतिभा धानोरकर यांनी बहुजन विचार मंच द्वारा आयोजित ‘लढा विचारांचा-सन्मान संविधानाचा’ या कार्यक्रमाच्या उद्घाटन प्रसंगी व्यक्त केले. Constitution

बहुजन विचार मंच चंद्रपूर द्वारा आयोजित ‘लढा विचारांचा-सन्मान संविधानाचा’ या कार्यक्रमाचे आयोजन चंद्रपूर शहर महानगरपालिकेचे पटांगणावर करण्यात आले आहे. या कार्यक्रमाच्या उद्घाटन प्रसंगी महात्मा ज्योतीबा फुले लिखित तृतीयरत्न या नाटकाचे सादरीकरण करण्यात आले. यावेळी प्रतिभा धानोरकर उद्घाटन प्रसंगी म्हणाल्या कि, आजची राजकीय परिस्थिती भयावह असून देश हुकुमशाही कडे वळत आहे. Democracy

आपल्याला आज संविधान रक्षणाची गरज असुन त्यासाठी बहुजन समाजाने एकत्रीत येणे गरजेचे आहे. त्यामुळे लोकशाही बळकट होईल. तीन दिवस चालणाऱ्या या कार्यक्रमाने बहुजन समाजाचा वारसा जोपासला जाऊन कला व गीतांमधून प्रबोधन होणार आहे तसेच डॉ. विश्वंभर चौधरी यांच्या माध्यमातून देशातील राजकीय परिस्थितीचा आढावा घेतला जाणार असल्याचे मत देखील यावेळी आमदार प्रतिभा धानोरकर यांनी व्यक्त केले. Mla pratibha dhanorkar

तीन दिवस चालणाऱ्या या कार्यक्रमाला चंद्रपूरकरांनी मोठ्या संख्येने उपस्थित राहून या कार्यक्रमाचे आस्वाद घेण्याचे आव्हान करण्यात आले. यावेळी चंद्रपूरातील विविध समाजातील प्रतिनिधीत्व करणाऱ्या मान्यवरांचा सत्कार देखील आमदार महोदयांच्या हस्ते करण्यात आला. Political climate

उद्घाटन प्रसंगी मंचावर कार्यक्रमाचे अध्यक्ष म्हणून प्रा. सूर्यकांत खनके हे होते. तर प्रमुख अतिथी म्हणून श्री. अनिरुध्द वनकर यांच्यासह विनोद दत्तात्रय, रितेश तिवारी, नम्रता ठेमस्कर, चंदा वैरागडे, अनिल नरुले, संगीता अमृतकर, अश्विनी खोब्रागडे, बापू अन्सारी, सकिना अन्सारी, विना खनके, रमजान अली, अनुताई दहेगांवकर, शालिनी भगत, सचिन राजुरकर यासह अनेक मान्यवरांची उपस्थिती होती. या कार्यक्रमाचे संचालन श्री. गोपाल अमृतकर यांनी केले तर कार्यक्रमाच्या यशस्वीतेसाठी अॅड. प्रितिशा साधना, राहुल सुर्यवंशी, रामचंद्र कोंद्रा, स्वप्नील शेंडे, मोनु रामटेके, श्याम राजुरकर यांनी विशेष प्रयत्न केले.