My Blog

Category: चंद्रपूर शहर

चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.

  • Police Inspector Transfer : बल्लारपूर पोलीस ठाण्याचे नवे पोलीस निरीक्षक आसिफ रजा यांनी स्वीकारला पदभार

    Police Inspector Transfer : बल्लारपूर पोलीस ठाण्याचे नवे पोलीस निरीक्षक आसिफ रजा यांनी स्वीकारला पदभार

    News34 chandrapur

    चंद्रपूर – घुग्घुस पोलीस स्टेशनचे पोलीस निरीक्षक आसिफ रजा यांची बल्लारपूर पोलीस निरीक्षक पदी वर्णी लागली आहे. Ballarpur police station

     

    आगामी लोकसभा निवडणुकीच्या पार्श्वभूमीवर चंद्रपुरात अनेक पोलीस अधिकाऱ्यांच्या बदल्या करण्यात आल्या होत्या, बल्लारपूर चे पोलीस निरीक्षक उमेश पाटील यांची बदली झाल्यावर आता आसिफ रजा यांनी पदभार सांभाळला आहे.

     

    कोण आहेत आसिफ रजा?

    घुग्घुस पोलीस स्टेशनमध्ये वर्षभरापूर्वी पोलीस निरीक्षक म्हणून आसिफ रजा नियुक्त झाले होते, त्यांच्या कार्यकाळात त्यांनी गुन्हेगारी पार्श्वभूमी नियंत्रणात ठेवली होती,  त्यांची ओळख ही एक दबंग पोलीस अधिकारी म्हणून आहे. Dabang police officer

     

    बल्लारपूर शहरात अनेक अवैध धंदे सर्रासपणे चालतात, विशेष म्हणजे सुगंधित तंबाखू माफियाचा बल्लारपूर हा मोठा हब आहे, या ठिकाणाहून जिल्ह्यातील विविध भागात तंबाखूची तस्करी केल्या जाते, मात्र तंबाखू माफियावर राजकीय आशीर्वाद असल्याने त्यांच्यावर आजपर्यंत ठोस कारवाई करण्यात आली नाही, आता पोलीस निरीक्षक रजा या मोठ्या तस्करीवर काय कारवाई करतात याकडे सर्वांचे लक्ष लागले आहे.

  • A gang of money grabbers : चंद्रपूर पोलिसांच्या जाळ्यात अडकली पैसे लुटणारी महिलांची टोळी

    A gang of money grabbers : चंद्रपूर पोलिसांच्या जाळ्यात अडकली पैसे लुटणारी महिलांची टोळी

    News34 chandrapur

    चंद्रपूर – नागरिक बँकेत पैसे काढण्याकरिता जातात मात्र पैसे काढल्यावर आपल्या आजू-बाजूच्या लोकांवर आपण लक्ष देत नाही ती संधी साधून आपल्या पैश्यावर डल्ला मारला जातो, असाच प्रकार चंद्रपुरात घडला, पोलिसांनी सदर प्रकरणी मोठी कारवाई करीत महिलांच्या टोळीला अटक केली आहे. chandrapur crime news

     

    6 फेब्रुवारीला विठ्ठल मंदिर वार्डात राहणारे 79 वर्षीय रमेश बाटवे हे पेन्शन चे पैसे काढण्याकरिता शहरातील कस्तुरबा रोड येथील स्टेट बँक ऑफ इंडिया मध्ये गेले, त्यांनी 20 हजाराची रक्कम बँकेतून काढत जवळ असलेल्या कापडी थैलीत ठेवली.
    मात्र थोड्या वेळानी पैसे चेक केले असता थैलीत पैसे आढळून आले नाही, थैली खालच्या बाजूने कापल्या अवस्थेत होती.

     

     

    तसेच पठाणपुरा निवासी सौ.मीराबाई गिरडकर यांनी सुद्धा सदर बँकेतून 10 हजार रुपये काढले होते तेसुद्धा त्याचप्रमाणे म्हणजेच थैली कापून चोरले होते.

    स्टेट बँक ऑफ इंडिया मध्ये 2 नागरिकांचे तब्बल 30 हजार रुपये कुणीतरी अज्ञाताने चोरले याबाबत फिर्याद चंद्रपूर शहर पोलिस स्टेशनमध्ये नोंदविण्यात आली. A gang of women who steal money

     

     

    पोलिसांनी बँकेतील सीसीटीव्ही चेक केला असता काही महिला फिर्यादी यांच्या सभोवताल आढळून आल्या, त्यामधील एक महिला ही थैली कापायची तर दुसरी महिला थैलीतील रक्कम काढायची, बँकेत नेहमी गर्दी असल्याने चोरीचा प्रकार लक्षात आलं नाही.

     

     

    मात्र त्याचदिवशी 6 फेब्रुवारीला भद्रावती येथे सुद्धा पिशवीतून 10 हजार रुपये चोरी करण्यात आले होते, एकाच दिवशी 2 शहरात हा प्रकार घडल्याने पोलिसांनी तपासाला गती दिली.

     

    पोलिसांनी बँक व परिसरातील सीसीटीव्ही फुटेजची तपासणी केली असता त्यामध्ये 4 महिला आढळून आल्या, गोपनीय माहिती व सखोल तपास केल्यावर पोलिसांनी या प्रकरणात 4 महिलांना अटक केली.

     

     

    यामध्ये 30 वर्षीय बिजली सिद्दुलाल सिसोदिया, 40 वर्षीय भोलीबाई रघुवीरसिंह सिसोदिया,21 वर्षीय राधिका प्रल्हादसिंग सिसोदिया तिघे राहणार दुलखेडी, तालुका नसींगड जिल्हा राजगड मध्यप्रदेश, 40 वर्षीय कालिबाई दिलावर सिसोदिया राहणार कडीया ता. पाचोर जि. राजगड राज्य – मध्यप्रदेश येथील असल्याची माहिती पोलिसांना मिळाली, सदर चारही आरोपीवर इतर जिल्ह्यात सुद्धा गुन्हे दाखल आहे. आरोपिकडून पोलिसांनी चोरी केलेले 40 हजार रुपये जप्त केले आहे.
    आरोपी महिलांनी आधी चंद्रपूर व त्यानंतर भद्रावती येथे चोरी केली, विशेष म्हणजे बँक मध्ये गेल्यावर आरोपी महिला नागरिकांच्या हालचालीवर लक्ष द्यायचे, त्यांची फेस रीड करीत महिला गुन्हा करायच्या हे विशेष.

     

     

    चंद्रपूर शहर पोलिसांच्या सतर्कतेने मोठा गुन्हा उघडकीस आला आहे, सदरची यशस्वी कारवाई पोलीस अधिक्षक मुम्मका सुदर्शन , अपर पोलीस अधिक्षक रिना जनबंधु , उपविभागिय पोलीस अधिकारी, सुधाकर यादव यांचे मार्गदर्शनाखाली प्रभारी अधिकारी सपोनि. रमीज मुलानी, सपोनि. मंगेश भोंगाडे, पोउपनि शरिफ शेख, विलास निकोडे,, महेंद्र बेसरकर, जयंता चुनारकर, संतोष पंडीत, सचिन बोरकर, , निलेश मुडे, म पो हवा भावना रामटेके, चेतन गज्जलवार, इम्रान खान, संतोष कावळे, दिलीप कुसराम, रूपेश रणदिवे, रूपेश पराते, मंगेश मालेकर, शाहाबाज सैयद यांनी केलेली आहे. पुढील तपास जयंता चुनारकर करीत आहे.

  • Save Reservation : चंद्रपुरात आरक्षण वाचविण्यासाठी सर्व जातीय संघटनांचा महामोर्चा

    Save Reservation : चंद्रपुरात आरक्षण वाचविण्यासाठी सर्व जातीय संघटनांचा महामोर्चा

    News34 chandrapur

    चंद्रपूर – 7 फेब्रुवारीला चंद्रपुरात आरक्षण बचाव महामोर्चा काढण्यात आला, सर्व जातीय संघटनांनी मिळून आरक्षण वाचविण्यासाठी मोर्चा काढला. Grand march

     

    सर्व मागासवर्गीय तसेच अनुसूचित जाती-जमातीमधिल नागरिकांच्या आरक्षणाला धोका निर्माण करणाऱ्या दोन अधिसूचना महाराष्ट्र सरकारने मागे घ्याव्या तसेच जातनिहाय जनगणना करण्यात यावी या मागण्यांसाठी काढण्यात आलेल्या या महामोर्चाला विविध राजकीय पक्ष तसेच सामाजिक संघटनांनी आपला पाठिंबा जाहीर केला होता. Save reservation

     

    महाराष्ट्र शासनाने 27 डिसेंबर 2023 व 26 जानेवारी 2024 रोजी आरक्षणाच्या संदर्भात दोन अधिसुचना काढल्या. या अधिसुचनांची प्रत्यक्ष अंमलबजावणी झाल्यास जातीचे खोटे दाखले व जातवैधतेचे खोटे प्रमाणपत्र मिळणे शक्य होईल. त्यामुळे भविष्यात अनुसूचित जाती,अनुसुचित जमाती तसेच मागासवर्गीय प्रवर्गातील मुळ व खऱ्या नागरिकांच्या आरक्षणाला धोका निर्माण होईल असा आरोप आमदार प्रतिभा धानोरकर यांनी केला आहे, या अधिसूचनेविरोधात आगामी विधानसभा अधिवेशनात आम्ही आवाज बुलंद करू अशी माहिती धानोरकर यांनी यावेळी दिली.

     

    सध्या देशात सर्व जातीचे आरक्षण संपविण्याचे काम सरकारद्वारे सुरू आहे, आजच्या मोरच्यातून हा सरकारला इशारा आहे, बहुजन जागा झाला तर तुमची सत्ता खेचून टाकणार ही ताकद आज समाज दाखवीत आहे.

  • Hansraj Ahir : अयोध्येचा प्रसाद जेव्हा चंद्रपुरात आला

    Hansraj Ahir : अयोध्येचा प्रसाद जेव्हा चंद्रपुरात आला

    News34 chandrapur

    चंद्रपूर : अयोध्येत प्रभु श्रीरामललांचे दर्शन घेतल्यानंतर या पुण्य, पवित्र नगरीतून आणलेल्या प्रसादाचे व प्रभु रामजींच्या मुर्तीचे धार्मिक मंत्रोच्चारात पूजन करून राष्ट्रीय मागासवर्गीय आयोगाचे अध्यक्ष तथा पूर्व केंद्रीय गृह राज्यमंत्री हंसराज अहीर यांनी रामललांच्या चरणी श्रध्दासुमने अर्पित केली. Sudarshan samaj

     

     

    स्थानिक दादमहल वार्डातील महर्षी सुदर्शन महाराज व वाल्मिकी ऋर्षीच्या मंदीरात दि. 05 फेब्रुवारी 2024 रोजी सुदर्शन समाज बांधव व भाजपा ओबीसी मोर्चाच्या वतीने पवित्र प्रसाद व रामललांच्या मुर्तीचे पुजन आयोजित करण्यात आले होते. या धार्मिक उत्सवास सर्वस्वी विजय राऊत, खुशाल बोंडे, अनिल फुलझेले, राजेश मुन, अंजलीताई घोटेकर, सुदर्शन समाज अध्यक्ष दिलीप हजारे, रमेश भूते, रवी गुरुनुले, अॅड. आषिश मुंधडा, राजु अडपेवार, विनोद शेरकी, राजू घरोटे, दिनकर सोमलकर, मनिषा महातव, वंदना संतोषवार, पं. मयूराप्रसाद पांडे, बळीराम महातव, चंद्रशेखर मलीक, आनंद मलीक आदी मान्यवर उपस्थित होते. Ayodhya jai shri ram

     

     

    या प्रसंगी सुदर्शन समाजातील ज्येष्ठ महिला व पुरुषांचा हंसराज अहीर यांनी शाल व श्रीफळ देवून सन्मान केला. या प्रसादपुजन कार्यक्रमानंतर महाप्रसादाचा कार्यक्रम पार पडला. या कार्यक्रमास राजू राठोड, मुन्ना मलिक, देवीदास हजारे, संजय निरके, गणेश मारवे, सुनिल महातव, राज बिरीया, अरविंद बकसरीया, मोनो मलिक, प्रल्हाद हजारे, बादल मलिक, करण मलिक, अमित राठोड, राकेश हजारे, तिलक सिकलवार, श्याम व्यास, ब्रिजेश हजारे, राजेश हजारे, मुकेश हजारे, सचिन हजारे, राज हजारे, रामू मतेलकर, शांताबाई मलिक, कमलाबाई मलिक, रजनी हजारे, गंगाबाई हजारे, बबली मतेल, अनिता शिरके, शैलेष इंगोले, रवी चहारे, प्रदिप किरमे, गणेश गेडाम, प्रमोद शास्त्रकार, राजेंद्र खांडेकर, चंद्रकला सोयाम, वंदना जांभूळकर, शितल आत्राम, अॅड. सुरेश तालेवार, विठ्ठल डुकरे, बाळू कोतपल्लीवार, अॅड. हरीष मंचलवार, रेणुकाताई घोडेस्वार, शालू कन्नोजवार, मुग्धा खांडे, नकुल आचार्य, श्याम बोबडे, मधुकर राऊत, सुभाष आदमने, प्रसाद काटपाताल, शेंद्रे सर, सुरज खोटे, राहूल मारवे, भिम मलिक, अमित राठोड, विजेश हजारे, राकेश हजारे, यांचेसह सुदर्शन समाज बांधव व भाजप पदाधिकारी कार्यकर्ते बहुसंख्येने उपस्थित होते. कार्यक्रमाचे संचालन मोनीषा महातव यांनी केले.

  • Chandrapur Woman Kabbadi Tournaments : कबड्डी स्पर्धेत आमदार किशोर जोरगेवार यांच्यावर जेसीबी ने झाला पुष्पवर्षाव

    Chandrapur Woman Kabbadi Tournaments : कबड्डी स्पर्धेत आमदार किशोर जोरगेवार यांच्यावर जेसीबी ने झाला पुष्पवर्षाव

    News34 chandrapur

    चंद्रपूर – आमदार किशोर जोरगेवार यांच्या संकल्पेनतून आयोजित श्री माता महाकाली क्रिडा महोत्सवा ला सुरवात करण्यात आली आहे. या महोत्सवा निमित्त जय श्रिराम क्रिडा मंडळ, चंद्रपूर च्या वतीने आयोजित कबड्डी स्पर्धेचा बक्षिस वितरणाच्या कार्यक्रमाने समारोप करण्यात आला आहे. यात दिल्लीच्या महिला संघाने आमदार चषक पटकाविला आहे तर पूरुष गटात विठ्ठल क्रिडा मंळड, चंद्रपूरचा संघ विजयी झाला आहे. विजयी संघाना मान्यवरांच्या हस्ते बक्षिस वितरित करण्यात आले. Woman kabaddi

     

    यावेळी आमदार किशोर जोरगेवार, यंग चांदा ब्रिगेडचे युवा नेते अमोल शंडे, मधूरकर बनकर, भास्कर कावळे, शरद बनकर, अमीत लडके, ताहिर हुसेन, राम जंगम, अतुल बनकर, पिंटु गावतूरे, राजेश गुटके, किशोर रायपूरकर, मंगला आखरे, नकुल वासमवार, राशेद हुसेन, कार्तिक बोरेवार आदी मान्यवरांची उपस्थिती होती.
    चंद्रपूरचे आमदार किशोर जोरगेवार यांच्या संकल्पनेतून श्री माता महाकाली क्रिडा महोत्सवाला सुरवात करण्यात आली आहे. Chandrapur kabaddi tournament

     

    बिनबा वार्ड येथे आयोजित क्रिकेट स्पर्धेने या महोत्सवाला सुरवात करण्यात आली होती. तर २ फेब्रुवारी पासून भिवापूर येथील माता नगर येथे कबड्डी सामन्यांचे आयोजन करण्यात आले होते. यात परभणी, वासीम, लातूर यासह राज्याबाहेरील दिल्लीच्या दोन महिला संघाने सहभाग घेतला होता. सदर स्पर्धेत ४० संघ सहभागी झाले होते. तीन दिवस चाललेल्या या स्पर्धेचा बक्षीस वितरणाच्या कार्यक्रमाने समारोप करण्यात आला. यावेळी आमदार किशोर जोरगेवार यांची प्रामूख्याने उपस्थिती होती.

     

     

    यावेळी झालेल्या महिलांच्या अंतिम सामन्यात दिल्लीच्या संघाने बाजी मारली तर पुरुष खुल्या गटात विठ्ठल मंदिर क्रिडा मंडळ, चंद्रपूरचा संघ विजयी झाला. यावेळी बोलताना आमदार किशोर जोरगेवार म्हणाले कि, एक उत्तम आयोजन येथे करण्यात आले. यात दिल्लीच्या संघाने सहभाग घेतला हेच श्री माता महाकाली क्रिडा महोत्सवाचे यश आहे. या महोत्सवाला आपण चंद्रपूरची अराध्य दैवत माता महाकालीचे नाव दिले आहे. त्यामुळे आता या महोत्सवाच्या माध्यमातून मातेचा नावाचा जयघोष दिल्लीत पोहचला आहे. या भागाच्या विकासासाठी आपण कटिबध्द आहोत. येथील मंडळाने कबड्डी मॅटची मागणी केली आहे. ती मान्य आहे. क्रिडा क्षेत्रासाठी शक्य ते सर्व सहकार्य करण्याचा आमचा मानस असल्याचे ते यावेळी म्हणाले.

     

    नागरिकांच्या वतीने जेसीबीने फुलांचा वर्षाव करत आ. जोरगेवार यांचे स्वागत

    मागील चार वर्षात आमदार किशोर जोरगेवार यांनी भिवापूर प्रभागाच्या विकासासाठी जवळपास सात कोटी रुपयांना निधी दिला आहे. या निधीतून येथे मुलभुत सोयी सुविधा उपलब्ध करण्यात आल्या आहे. त्यामुळे अनेक वर्षांपासून प्रलंबित असलेल्या समस्या सुटल्या आहे. या निमित्त आमदार किशोर जोरगेवार यांचे क्रिडा महोत्सवात आगमन होताच जय श्रीराम क्रिडा मंडळ व स्थानिक नागरिकांच्या वतीने चक्क पाच जेसिबी मशीन ने आमदार किशोर जोरगेवार यांच्यावर फुलांचा वर्षाव करत त्यांचे भव्य स्वागत केले. यावेळी आमदार किशोर जोरगेवार यांनी ही आभार व्यक्त करत येथे आवश्यक तेवढा निधी उपलब्ध करुन देणार असल्याचे म्हटले आहे.

  • Teacher Recruitment : आमदार प्रतिभा धानोरकर यांच्या महत्वपूर्ण मागणीला मिळाले यश

    Teacher Recruitment : आमदार प्रतिभा धानोरकर यांच्या महत्वपूर्ण मागणीला मिळाले यश

    News34 chandrapur

    चंद्रपूर – महाराष्ट्र राज्यातील अनेक शाळेत शिक्षकांची पदे रिक्त होती. त्या रिक्त पदांवर शिक्षक भरती करीता 21678 पद भरतीची जाहीरात पवित्र पोर्टल वर प्रसिद्ध झाली असून आमदार प्रतिभाताई धानोरकर यांच्या मागणी ला यश प्राप्त झाले असून शिक्षक पद भरतीचा मार्ग मोकळा झाला आहे. Teacher recruitment

     

    राज्यातील अनेक शाळांत इंग्रजी, गणित, विज्ञान यासह अनेक विषयाचे पदे रिक्त होती. यामुळे विज्ञार्थ्यांचे शैक्षणिक नुकसान होत होते. शिक्षक भरती तात्काळ व्हावी म्हणून आमदार प्रतिभाताई धानोरकर यांनी विधानसभेत अनेक वेळा आवाज उठविला. त्यासोबतच मा. मुख्यमंत्री एकनाथजी शिंदे, मा. षिक्षण मंत्री दिपकजी केसरकर यांची भेट घेऊन शिक्षक भरती तात्काळ घेण्याची मागणी केली होती.

     

    त्यांच्या मागणी ला यश प्राप्त झाले असून राज्यातील 34 जिल्हा परिषद शाळेत 12522, 18 मनपातील शाळेत 2951, 80 नगर परिषद/नगर पालिकेतील शाळेत 477 तसेच राज्यातील 1123 खासगी अनुदानीत शैक्षणिक संस्थांमधील शाळेत 5728 रिक्त पदांची जाहीरात पवित्र पोर्टल वर प्रसिद्ध झाली असून शिक्षक अभियोग्यता व बुध्दीमत्ता चाचणी 2022 मधील उर्तीण उमेदवारांना प्राधान्य क्रम दाखल करण्यासाठी संदेश प्राप्त झाले आहे. Mla pratibha dhanorkar

     

    या प्राधान्य क्रमाच्या आधारे लवकरच शिक्षक भरती प्रक्रिया पुर्ण होणार आहे. सदर भरती प्रक्रियेत सध्या 70 टक्के रिक्त जागांवर भरती होणार असून उर्वरीत 30 टक्के रिक्त जागा तात्काळ भरण्यात याव्यात याकरीता पाठ पुरावा करणार असल्याचे आमदार प्रतिभाताई धानोरकर यांनी सांगितले आहे. सदर शिक्षक भरतीचा मार्ग मोकळा झाल्याने अनेक शिक्षक पात्रता परिक्षा उमेदवारांनी आमदार प्रतिभाताई यांचे आभार आहे.

  • Coal Mine Blasting : चंद्रपुरात नागरिकांच्या घरावर दगडफेक? नागरिक दहशतीत

    Coal Mine Blasting : चंद्रपुरात नागरिकांच्या घरावर दगडफेक? नागरिक दहशतीत

    News34 chandrapur

    चंद्रपूर – ब्लॅक गोल्ड सिटी म्हणून प्रसिद्ध असलेल्या जिल्ह्यातील लालपेठ भागातील नागरिक जीव मुठीत घेऊन जगत आहे. 5 फेब्रुवारीला अचानक नागरिकांच्या घरावर दगडफेक होऊ लागली, अचानक झालेल्या प्रकारामुळे नागरिक घाबरले, वेकोलीच्या ब्लास्टिंग मुळे नागरिकांच्या घरावर दगड कोसळू लागले होते. Chandrapur coal mine

     

    लालपेठ क्रमांक 4 मध्ये लालपेठ ओपन कास्ट कोळसा खाणीजवळील वस्तीमध्ये रोज होणाऱ्या ब्लास्टिंग ने नागरिकांच्या घराचे नुकसान होत आहे.

     

     

    5 फेब्रुवारीला दुपारच्या सुमारास झालेल्या ब्लास्टिंग च्या तीव्रतेने चक्क दगड नागरिकांना लागले, या भागातील नागरिक वेकोलीच्या दहशतीखाली आहे. Black gold city

     

     

    5 फेब्रुवारीला ब्लास्टिंग मुळे नागरिक रस्त्यावर उतरले त्यामुळे या भागात वाहतूक करणारे ट्रक च्या रांगा लागल्या होत्या काही काळ या भागात तणावाची स्थिती निर्माण झाली होती. परंतु वेकोली तर्फे एकही अधिकारी त्याठिकाणी न आल्यामुळे नागरिकांनी तीव्र संताप्त व्यक्त केला, भविष्यात पुन्हा अशी घटना झाली तर आंदोलन करू असा इशारा स्थानिकांनी दिला.

     

     

    वेकोली प्रत्येकदा आपली बाजू पुढे ठेवत आम्ही ब्लास्टिंग साठी आधुनिक तंत्र वापरतो असे सांगतो मात्र प्रत्यक्षात स्थिती ही वेगळी आहे.

  • Chandrapur Grand March : आरक्षण बचाव महामोर्चा’ला विविध राजकीय पक्ष व सामाजिक संघटनांचा पाठिंबा

    Chandrapur Grand March : आरक्षण बचाव महामोर्चा’ला विविध राजकीय पक्ष व सामाजिक संघटनांचा पाठिंबा

    News34 chandrapur

    चंद्रपूर –  सर्व मागासवर्गीय तसेच अनुसूचित जाती-जमातीमधिल नागरिकांच्या आरक्षणाला धोका निर्माण करणाऱ्या दोन अधिसूचना महाराष्ट्र सरकारने मागे घ्याव्या तसेच जातनिहाय जनगणना करण्यात यावी या मागण्यांसाठी 7 फेब्रुवारी 2024 रोजी आयोजित महामोर्चाला विविध राजकीय पक्ष तसेच सामाजिक संघटनांनी आपला पाठिंबा जाहीर केला. रविवार दिनांक 4 फेब्रुवारी रोजी दुपारी 2 वाजता चंद्रपूरच्या मुल रोडवरील संतांची सभागृहामध्ये नियोजन बैठकीचे आयोजन करण्यात आले होते.या बैठकीत विविध राजकीय पक्ष तसेच सामाजिक संघटनांनी महामोर्चाला पाठिंबा जाहीर केला. Cast census

     

     

    नियोजन बैठकीच्या सुरुवातीला महामोर्चाचे संयोजक सचिन राजूरकर यांनी शासनाच्या अन्यायकारक अधिसूचनांचे जाहीर वाचन केले. त्यानंतर विविध राजकीय पक्ष व सामाजिक संघटनांच्या प्रतिनिधींनी आपले मनोगत व्यक्त करून महामोर्चाला पाठींबा जाहीर केला. Grand march chandrapur

     

    यावेळी प्रामुख्याने भारतीय राष्ट्रीय काँग्रेस, राष्ट्रवादी काँग्रेस पक्ष (शरद पवार गट), राष्ट्रवादी काँग्रेस पक्ष(अजित पवार गट), शिवसेना (उध्दव बाळासाहेब ठाकरे गट), अखिल भारतीय रिपब्लिकन पक्ष,गोंडवाना गणतंत्र पार्टी, महाराष्ट्र नवनिर्माण सेना, जनविकास सेना,उलगुलान संघटना,तसेच आदिवासी विकास परिषद,बिरसा संघटना, टायगर सेना,बिएस फोर अभियान, गोंधळी समाज संघटना, भोई समाज संघटना, बहुजन समता पर्व,धनोजे कुणबी समाज संघटना, अखिल भारतीय माळी महासंघ,नाभिक समाज संघटना,तैलिक समाज संघटना,सुतार समाज संघटना,सोनार समाज संघटना, विदर्भ बुरड संघटना, मुस्लिम परिषद, ख्रिस्ती समाज संघटना इत्यादी संघटनांच्या पदाधिकाऱ्यांनी महामोर्चाला पाठिंबा जाहीर केला. Save reservation

     

    महाराष्ट्र शासनाने 27 डिसेंबर 2023 व 26 जानेवारी 2024 रोजी आरक्षणाच्या संदर्भात दोन अधिसुचना काढल्या. या अधिसुचनांची प्रत्यक्ष अंमलबजावणी झाल्यास जातीचे खोटे दाखले व जातवैधतेचे खोटे प्रमाणपत्र मिळणे शक्य होईल. त्यामुळे भविष्यात अनुसूचित जाती,अनुसुचित जमाती तसेच मागासवर्गीय प्रवर्गातील मुळ व खऱ्या नागरिकांच्या आरक्षणाला धोका निर्माण होईल असा आरोप महामोर्चाच्या आयोजकांनी केला आहे.

  • Surjagad Truck Accident : चंद्रपूर जिल्ह्यात भीषण अपघात, तिघांचा जागीच मृत्यू

    Surjagad Truck Accident : चंद्रपूर जिल्ह्यात भीषण अपघात, तिघांचा जागीच मृत्यू

    News34 chandrapur

    चंद्रपूर – कोठारी- गोंडपिपरी मार्गावरील आक्सापुर येथील हनुमान मंदिर जवळ हायवा ट्रकने दोन दुचाकींना सामोरा-समोर धडक दिली ही धडक इतकी भीषण होती की यात तिघांचा जागीच मृत्यू झाला आहे. Big accident in chandrapur

     

     

    रविवारी दुपारच्या सुमारास दोन दुचाकी क्रमांक Mh34AG 3224 व MH33 K6739 धारक मुलचेरा गडचिरोली येथून चंद्रपूर कडे येत होते, त्याचं वेळी चंद्रपूर वरून हायवा ट्रक क्रमांक Mh40 CM 3233 हा चंद्रपूर वरून सुरजागड येथे अतिवेगाने जात होता, हनुमान मंदिर आकसापूर येथे हायवा ट्रक ने दोन्ही दुचाकी धारकांना जबर धडक देत तब्बल 100 मीटर फरफटत नेले. Surjagad company

     

    हा अपघात इतका भयावह होता की एका दुचाकी धारकांचे धड अलग झाले, यामध्ये अमृत सुनील सरकार वय (32) वर्ष रा. कालीनगर मुलचेरा, शैलेंद्र कालिदास रॉय (63) विजयनगर मुलचेरा, मनोज निर्मल सरदार (43) कालीनगर मुलचेरा मृतकाचे नाव असून ट्रकचालकाने अपघात केल्यावर घटनास्थळावरून पसार झाला.

     

     

    विशेष म्हणजे सुरजागड कंपनी सुरू झाल्यापासून आजपर्यंत गोंडपीपरी तालुक्यात असंख्य अपघात झाले आहे, यामध्ये अनेक नागरिकांनी आपला जीव गमावला, सुरजागड येथून वाहतूक करणाऱ्या जड वाहनाच्या वेगावर कुणाचेही नियंत्रण नाही, त्यामुळे गोंडपीपरी येथील नागरिकांचा नाहक बळी जात आहे.

     

     

    सदर अपघाताचा तपास कोठारी पोलीस निरीक्षक राजकीरण मडावी यांच्या मार्गदर्शनाखाली पोलीस कर्मचारी श्रीनिवास जाधव, राजूरकर, टेम्भुर्णे व उपरे करीत आहे.

  • Maratha and Open Category Survey : चंद्रपुरात मराठा समाज व खुल्या प्रवर्गांच्या सर्व्हेक्षण मोहिमेत 488 कुटुंबीयांचा माहिती देण्यास नकार

    Maratha and Open Category Survey : चंद्रपुरात मराठा समाज व खुल्या प्रवर्गांच्या सर्व्हेक्षण मोहिमेत 488 कुटुंबीयांचा माहिती देण्यास नकार

    News34 chandrapur

    चंद्रपूर – चंद्रपूर महानगरपालिकेने महाराष्ट्र राज्य मागासवर्ग आयोगाच्या निर्देशानुसार मराठा समाज व खुल्या प्रवर्गातील सामाजिक, शैक्षणिक मागासलेपण तपासण्यासाठी हाती घेतलेले सर्वेक्षण हे १०० टक्के पूर्ण झाले आहे. सर्वेक्षणादरम्यान ४ हजार ९०९ घरे बंद आढळली असून ४८८ कुटुंबियांनी सर्वेक्षणास नकार दिला. त्यामुळे शहरात ९३.२७ टक्के कुटुंबांची माहिती गोळा होऊ शकली. chandrapur municipal corporation

     

     

    राज्य मागासवर्ग आयोगाच्या निर्देशाप्रमाणे चंद्रपूर शहरातील २३ फेब्रुवारी २०२४ पासून मराठा व  खुल्या प्रवर्गातील समाजाचे  सर्वेक्षण सुरू करण्यात आले होते. हे सर्वेक्षण नुकतेच दिनांक २ फेब्रुवारीला पूर्ण झाले. चंद्रपूर शहरातील ८० हजार ९५१ कुटुंबांचे सर्वेक्षण करण्यासाठी सुमारे ८७४ कर्मचारी कार्यरत होते. सर्वेक्षणाचे उद्दिष्ट गाठून ३ फेब्रुवारी २०२४ रोजी चंद्रपूर मराठा व खुल्या प्रवर्गातील समाजाचे  सर्वेक्षणाचे काम पूर्ण करण्यात आले, अशी माहिती महानगरपालिका उपायुक्त अशोक गराटे यांनी दिली. State Commission for Backward Classes

     

    राज्य मागासवर्ग आयोगाने पाठविलेल्या मास्टर ट्रेनरने महानगरपालिकेतील नोडल अधिकारी, सहाय्यक नोडल अधिकारी आणि मास्टर ट्रेनर यांना प्रशिक्षण दिले होते. त्यानंतर महानगरपालिकेचे नोडल अधिकारी, सहाय्यक नोडल अधिकारी आणि मास्टर ट्रेनर यांनी महानगरपालिकेच्या कर्मचाऱ्यांना सर्वेक्षणाबाबतचे प्रशिक्षण दिले होते. Maratha and Open Category Survey

     

    तसेच सर्वेक्षणासाठी खास अत्याधुनिक सॉफ्टवेअर तयार करण्यात आले होते. सर्वेक्षणादरम्यान एकूण १६० ते १८२ प्रश्न विचारण्यात आले असून मराठा  व खुल्या प्रवर्गातील कुटुंबाची माहिती प्रश्नावलीद्वारे भरून घेण्यात आली. सदर माहिती मुलभूत, कौटुंबिक, आर्थिक, सामाजिक, आरोग्य विषयक होती. कुटुंब आरक्षित प्रवर्गातील असल्याचे समजल्यानंतर प्रगणकाने त्या कुटुंबाची पुढील माहिती घेतली नाही. ही कार्यवाही आयुक्त विपीन पालीवाल व अतिरिक्त आयुक्त चंदन पाटील यांच्या मार्गदर्शनाखाली उपायुक्त अशोक गराटे यांच्या प्रत्यक्ष नियंत्रणात करण्यात आली.

     

    दरम्यान, ३१ जानेवारी पर्यंत ५६ हजार २४६ कुटुंबाचे सर्वेक्षण पूर्ण करण्यात आले होते. जी घरे बंद होती त्यांना कर्मचाऱ्यांनी पुन्हा भेट दिली होती. मात्र त्यातील काही घरे बंदच असलेली आढळली. त्याचप्रमाणे सर्वेक्षणास नकार देणाऱ्या कुटुंबांची कर्मचाऱ्यांनी पुन्हा भेट घेऊन त्यांचे समुपदेशन करण्याचा प्रयत्न केला.सर्वेक्षण दरम्यान काही नागरिकांमध्ये या सर्वेक्षणाबाबत भीती व शंका – कुशंका असल्याचे जाणवले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by