Thai visa गैर-थाई नागरिकांनी सर्व प्रकारच्या व्हिसासाठी https://www.thaievisa.go.th वर अर्ज करणे आवश्यक आहे. अर्जदार वैयक्तिकरित्या किंवा इतर प्रतिनिधींद्वारे अर्ज करू शकतात. व्हिसा शुल्क सर्व परिस्थितीत परत केले जाणार नाही.
थाई दूतावासाने बुधवारी जाहीर केले की थायलंडचा ई-व्हिसा 1 जानेवारी 2025 पासून भारतात लागू केला जाईल. भारतीय पासपोर्टधारकांसाठी व्हिसा सूट ६० दिवसांसाठी लागू राहील, असेही दूतावासाने स्पष्ट केले आहे. त्यात म्हटले आहे की नवी दिल्लीतील रॉयल थाई दूतावास थायलंडची इलेक्ट्रॉनिक व्हिसा प्रणाली (ई-व्हिसा) भारतात ऑफलाइन पेमेंट प्रणालीसह सुरू करणार आहे. Thai visa for Indians
दूतावासानुसार, गैर-थाई नागरिकांनी https://www.thaievisa.go.th या वेबसाइटवर सर्व प्रकारच्या व्हिसासाठी अर्ज करणे आवश्यक आहे. अर्जदार वैयक्तिकरित्या किंवा इतर प्रतिनिधींद्वारे अर्ज करू शकतात. होय, एक गोष्ट लक्षात ठेवली पाहिजे की प्रतिनिधीने सादर केलेला कोणताही अर्ज अपूर्ण असेल तर त्याला दूतावास आणि वाणिज्य दूतावास जबाबदार राहणार नाही. अर्ज करण्याची प्रक्रिया वरील वेबसाइटवर पाहता येईल. Thailand
व्हिसा फी नॉन रिफंडेबल
ऑफलाइन पेमेंट पर्यायाद्वारे अर्ज करणाऱ्यांना व्हिसा शुल्क भरावे लागेल, असे नव्या मार्गदर्शक तत्त्वांमध्ये स्पष्ट करण्यात आले आहे. यासाठी ऑफलाइन पेमेंट पर्यायाद्वारे संबंधित दूतावास आणि महावाणिज्य दूतावास येथे तपशील द्यावा लागेल. व्हिसा शुल्क सर्व परिस्थितीत परत केले जाणार नाही, असेही सांगण्यात आले आहे. व्हिसा प्रक्रियेस फी मिळाल्याच्या तारखेपासून सुमारे 14 कामकाजाचे दिवस लागू शकतात.
दूतावासाने म्हटले आहे की नियुक्त व्हिसा प्रक्रिया कंपन्यांमध्ये सादर केलेले सामान्य पासपोर्ट अर्ज 16 डिसेंबर 2024 पर्यंत स्वीकारले जातील. याव्यतिरिक्त, दूतावास किंवा वाणिज्य दूतावास येथे सबमिट केलेले राजनैतिक आणि अधिकृत पासपोर्ट अर्ज 24 डिसेंबर 2024 पर्यंत स्वीकारले जातील. भारतीय सामान्य पासपोर्ट धारकांसाठी पर्यटन आणि छोट्या व्यवसायासाठी 60 दिवसांची व्हिसा सूट पुढील घोषणेपर्यंत लागू राहील.
female dead body : 11 डिसेंबर रोजी चंद्रपुरातील महाकाली मंदिरच्या मागे 70 वर्षीय अनोळखी महिलेचा मृतदेह आढळून आल्याने एकच खळबळ उडाली.
सकाळी 9 वाजताच्या दरम्यान राकेश मारवे नामक व्यक्तीने शहर पोलिसांना संपर्क करीत महाकाली मंदिराच्या मागील भागात एक महिला पडलेल्या अवस्थेत होती, ती कसलीही हालचाल करीत नसल्याची माहिती मारवे यांनी पोलिसांना दिली.
पोलीस कर्मचारी निलेश मुळे व सुशांत यांनी घटनास्थळी जाऊन पाहणी केली असता त्याठिकाणी अंदाजे 70 वर्षीय महिला आडब्लून आली, पोलिसांनी त्या महिलेला तात्काळ सामान्य रुग्णालयात दाखल केले मात्र डॉक्टरांनी महिलेला मृत घोषित केले. mahakali mandir chandrapur
सदर अनोळखी महिलेचे कुणी नातेवाईक आहे का? याबाबत परिसरात पोलिसांनी चौकशी केली मात्र त्यांना काही याबाबत माहिती मिळाली नाही, पोलिसांनी मर्ग दाखल केला आहे.
सदर अनोळखी महिलेचे वर्णन..
वय 70 वर्ष ,चेहरा गोल, नाक सरळ, डोक्याचे केस काळे पांढरे लांब, अंगावर निळ्या रंगाचा स्वेटर व कथ्या रंगाचा गाऊन घातलेली, दोन्ही पायास जुन्या आजाराचे डाग आहे.
सदर तपास पोलीस निरीक्षक प्रभावती एकुरके मॅडम यांच्या मार्गदर्शनाखाली पोलीस उपनिरीक्षक विजय मुके करीत असून सदर मृतका बाबत माहिती मिळाल्यास psi विजय मुके मो. क्र.9923401065 यांचेशी संपर्क साधावा असे आवाहन शहर पोलिसांच्या वतीने करण्यात आले आहे.
Chandrapur drishyam बॉलीवूड क्षेत्रातील नावाजलेला अभिनेता अजय देवगण यांचा दृश्यम चित्रपट बॉक्स ऑफिसवर चांगलाच गाजला होता, दृश्यम चित्रपटाला लाजवेल असा गुन्हा चंद्रपूर जिल्ह्यातील बडतर्फ पोलीस कर्मचाऱ्याने केल्याने एकच खळबळ उडाली.
चिमूर येथील नूतन आदर्श कॉलोनी मध्ये राहणाऱ्या 37 वर्षीय अरुणा काकडे यांचा गळा आवळून खून करीत अरुणा चा मृतदेह बेलतरोडी मार्गावरील वेळाहरी गावाजवळ असलेल्या जंगलात गेला आणि एका शौचालयाच्या टाकीत मृतदेह पुरला.
ही भयावह घटना घडली 26 नोव्हेंबर रोजी, अरुणा यांचं चिमूर मध्ये देवांश जनरल स्टोर्स चे दुकान आहे, त्या अधूनमधून दुकानाचे साहित्य खरेदी करण्यासाठी नागपूरला येजा करीत होत्या. Chandrapur news today
घटनेतील आरोपी बडतर्फ पोलीस कर्मचारी नरेश डाहूले हा अरुणा चा वर्गमित्र व नातेवाईक, हा 26 नोव्हेंबर रोजी नागपुरात अरुणा ला भेटला, मात्र काही वेळाने दोघात वाद झाला आणि नरेश ने अरुणा चा गळा आवळून खून केला. अरुणा चा खून का केला? कारण काय? याबाबत अजूनही आरोपीने स्पष्टपणे माहिती पोलिसांना दिलेली नाही.
अशी घडली घटना..
26 नोव्हेंबर रोजी अरुणा नागपुरात आल्या होत्या, तिथे पोहचल्यावर अरुणा ने पती ला मोबाईल द्वारे पोहचली असल्याचा कॉल केला, सायंकाळच्या सुमारास अरुणा चा मोबाईल बंद होता.
रात्र झाल्याने अरुणा घरी आली नाही, पती अभय काकडे यांनी इतरत्र शोधाशोध केली. मात्र अरुणा यांचा काही पत्ता लागला नाही. याबाबत मिसिंग रिपोर्टची चिमूर पोलीस स्टेशनमध्ये नोंद करण्यात आली. Chandrapur news today
बेपत्ता असल्याच्या 15 दिवसांनी अरुणा चा मृतदेह मिळाला, काय झालं? कुणी अरुणा ला मारलं? याबाबत शंका व चर्चा रंगू लागल्या.
असा लागला शोध….
अरुणा कुठे गेली? याबाबत स्थानिक गुन्हे शाखा तपास करीत होती, काही दिवसांनी अचानक अरुणा चा मोबाईल ऑन झाला, गुन्हे शाखेला लोकेशन मिळताच ते पोहचले बडतर्फ पोलीस कर्मचारी नरेश डाहूले कडे, गुन्हे शाखेने त्याला मोबाईल बाबत विचारले असता त्याने उडवाउडवीची उत्तरे दिली.
तो पोलिसांना प्रतिसाद देत नव्हता, मात्र त्याचवेळी गुन्हे शाखेची नजर बाजूला असलेल्या दुचाकीवर गेली, सदर दुचाकी वाहन हे चोरीचे असल्याचे निष्पन्न झाले. वर्ष 2023 मध्ये चंद्रपूर शहरातील चांडक मेडिकल स्टोर्स जवळून दुचाकी वाहन चोरी झाले होते. Chandrapur drishyam
डाहूले जवळ मिळालेले दुचाकी वाहन हे त्या गुन्ह्यातील होते, नरेश डाहूले ला चंद्रपुरात आणण्यात आले, अरुणा बाबत त्याला विचारणा केली मात्र तो काही प्रतिसाद व उत्तर देत नव्हता.
त्यानंतर चंद्रपूर शहर पोलिसांनी डाहूले ला वाहन चोरी प्रकरणी अटक केली, मात्र यावेळी अरुणा बाबत त्याने शहर पोलिसांना माहिती दिली आणि घटनेचा उलगडा झाला.
आरोपी नरेश डाहूले यांनी 26 नोव्हेंबर रोजी झुमकार एप्प द्वारे चारचाकी वाहन भाड्याने घेतले, त्यानंतर दोघे रेशीमबाग मैदानजवळ गेले, त्याठिकाणी दोघांचा वाद झाला, नरेश ने अरुणा चा वाहनात ओढणीने गळा आवळत खून केला, आणि त्यानंतर त्याने शौचालयाच्या टाक्यात दगड, माती व प्लास्टिक द्वारे मृतदेहाची विल्हेवाट लावली. Chandrapur drishyam
कोण आहे नरेश डाहूले?
वर्ष 2014 मध्ये चंद्रपूर पोलीस दलात डाहूले रुजू झाले, त्यांनी जिल्ह्यातील अनेक पोलीस स्टेशनमध्ये सेवा दिली, वर्ष 2023 मध्ये स्थानिक गुन्हे शाखेत डाहूले कार्यरत होते. या काळात चंद्रपूर शहरात अनेक घरफोडीच्या घटना घडल्या होत्या, रामनगर पोलिसांनी या गुन्ह्यात पोलीस कर्मचारी नरेश डाहूले ला अटक केली, आणि त्यानंतर पोलीस दलाने त्याला सेवेतून बडतर्फ केले.
डाहूले हल्ली नागपुरात वास्तव्यास होता, फूड डिलिव्हरी कंपनीत तो डिलिव्हरी बॉय चे काम करीत असल्याची माहिती आहे, त्याठिकाणी सुद्धा काही गुन्ह्यात त्याचा सहभाग असू शकतो, अशी शक्यता आहे. Chandrapur news today
पोलीस विभागात राहून गुन्हेगारी काय आहे? त्यातून सुटका कशी करता येते याबाबत त्याला चांगलीच जाणीव होती. मात्र त्याला शेअर बाजार व क्रिकेट सट्टा चे व्यसन लागले आणि तो लाखोंचे कर्ज अंगावर घेत त्या ओझ्याखाली दाबला गेला.
या ओझ्यातून स्वतःची सुटका करण्यासाठी त्याने गुन्हेगारी क्षेत्रात उडी घेतली आणि हळूहळू त्याने पोलीस च्या वेशात चोराची भूमिका चांगलीच बजावने सुरू केले.
विशेष बाब म्हणजे अरुणाची हत्या अपहरण आहे ही सिद्ध करण्यासाठी आरोपीने नरेश ने त्या काळात 2 ते 3 ठिकाणी अरुणा चा मोबाईल ऑन केला होता, जेणेकरून अरुणा चे कुणीतरी अपहरण केले हे पोलीस तपासात आले असते, आणि तपास भरकटला असता.
अरुणा काकडे प्रकरणी चिमूर पोलीस स्थानिक गुन्हे शाखा व चंद्रपूर शहर पोलीस निरीक्षक प्रभावती एकुरके व गुन्हे शोध पथकाने चांगली कामगिरी केली.
11 डिसेंबर रोजी अरुणा काकडे यांच्या पार्थिवावर अंत्यसंस्कार करण्यात आले, यावेळी शहरातील असंख्य नागरिक उपस्थित होते.
आरोपी बडतर्फ पोलीस कर्मचारी नरेश डाहूले याची न्यायालयीन कोठडीत रवानगी करण्यात आली आहे.
high voltage cable : चंद्रपूर : मागील अनेक वर्षांपासून डॉ. आंबेडकर नगर प्रभागामध्ये विद्युत प्रवाह बंद असलेले हायहोल्टेज केबल लोम्बकाळत असून अनेक पोल पडण्याचा अवस्थेत आहे.
भविष्यात यामुळे मोठी जीवित हानी होऊ नये म्हणून याबाबत पीडित जनतेनी आम आदमी पक्षाचे राजू कुडे यांच्याकडे तक्रार केली असून त्यांनी प्रशासनाला १५ दिवसात केबल, तार, पोल हटवण्यासंदर्भात निवेदनातून अल्टीमेटम देत आंदोलनाचा इशारा दिला आहे. Aap party news
विशेष बाब म्हणजे अनेक वर्षांपासून विद्युत प्रवाह बंद असलेले तार त्याठिकाणी लोम्बकळत आहे, यावर महावितरण विभागाने आधीच लक्ष द्यायला हवे होते.
जर चुकून त्या विद्युत तारा मध्ये विजेचा प्रवाह आला तर भविष्यात मोठी दुर्घटना झाल्याशिवाय राहणार नाही, याकरिता महावितरण ने तात्काळ ते विद्युत तार काढत नागरिकांना दिलासा द्यावा अशी मागणी कुडे यांनी केली.
यावेळेस आपचे युवा जिल्हाध्यक्ष राजू कुडे, युवा संघटनमंत्री मनीष राऊत, महानगर संघटनमंत्रीसंतोष बोपचे, अल्पसंख्यांक अध्यक्ष जावेद सय्यद, महानगर वाहतूक अध्यक्ष जयदेव देवगडे युवा उपाध्यक्ष अनुप तेलतुबडे, प्रशांत रामटेके इत्यादी उपस्थित होते.
sudhir mungantiwar news राणी दुर्गावतीचे शौर्य व सेवेची आठवण करण्याचा हा दिवस आहे. राणी दुर्गावतीने राज्य चालविण्यासाठी जनकल्याणकारी योजना राबविल्या. महायुती सरकारने याच आदर्शांवर आदिवासी समाजाच्या कल्याणाचा ध्यास घेतला.
आदिवासींना आता त्यांच्या भाषेत शिक्षण देण्याचा निर्णय करण्यात आला आहे. आदिवासी समाजातील गरीब कुटुंबांना घर देण्याचा निर्णय, तसेच 12 हजार 500 पदांसाठीची भरती प्रक्रिया राबविण्यात येत आहे. प्रत्येक गावामध्ये गोटूलला मंजुरी दिली. Sudhir bhau mungantiwar
आदिवासींच्या विकासासाठी प्रत्यक्ष कृती करण्याची गरज असून आदिवासी समाजाच्या प्रगती व उत्थानासाठी पूर्ण शक्तीने उभा राहील,अशी ग्वाही आ. श्री. सुधीर मुनगंटीवार यांनी दिली.
बल्लारपूर विधानसभा मतदारसंघातील पोंभुर्णा येथे आदिवासी समाजातर्फे जाहीर सत्कार करण्यात आला यावेळी ते बोलत होते.
याप्रसंगी नवनिर्वाचित आमदार देवराव भोंगळे, गोंडवाना आंदोलन आदिवासी चळवळीचे संघटक जगन येलके, माजी जि.प.सदस्य राहुल संतोषवार, नगरपंचायतीच्या नगराध्यक्षा सुलभाताई पिपरे, उपाध्यक्ष अजित मंगळगिरीवार, हरीश ढवस, गणेश परचाके, प्रेमदास इस्टाम, प्रवीण पेंदोर, विजय आत्राम, मधुकर कुळमेथे, कांताबाई मडावी, विनोद देशमुख, ईश्वर नैताम, ऋषी कोटरंगे तसेच सर्व पदाधिकारी, कार्यकर्ते व आदिवासी बांधव मोठ्या संख्येने उपस्थित होते.
आ. सुधीर मुनगंटीवार म्हणाले, सिंचन,आरोग्य, रोजगार, शिक्षण आणि कृषी या क्षेत्रात लक्ष देण्यात येत असून विशेष करून विद्यार्थी शिक्षणामध्ये पुढे जावा यासाठी नाविन्यपूर्ण योजना आखण्यात येत आहे. पोंभुर्ण्याचा कायापालट व्हावा यासाठी नेहमीच प्रयत्नशिल आहे. Sudhir mungantiwar rally
राज्यात डबल इंजिनचे सरकार आहे. त्यामुळे येत्या पाच वर्षात या क्षेत्राचा सर्वांगीण विकास साधता येईल. मुल येथे पॉलीटेक्निक कॉलेज तसेच 40 हजार कोटीची गुंतवणूक करून पोंभुर्णा एमआयडीसीतील उद्योग, शेती, आरोग्य अशा महत्त्वपूर्ण पाच प्रमुख मुद्द्यांवर काम सुरू करण्यात आले आहे.
पुढील पाच वर्षे पुन्हा मतदारांची सेवा करण्याचा संकल्प आहे. मतदार अडचणीत असल्यास मतदारांना मदतीचा हात आपला असावा या भावनेतून काम करण्यात येत असल्याचेही आ. मुनगंटीवार म्हणाले.
मतदारांचे मानले आभार पोंभुर्णावासियांनी प्रेमाने स्वागत आणि सत्कार केला. हे प्रेम पुढचे पाच वर्ष या मतदारसंघाची मनापासून सेवा करण्यासाठीची शक्ती आहे. मतदार हा ईश्वराचा अंश आहे.
जिल्ह्यातील सर्वाधिक मताधिक्याने बल्लारपूर मतदारसंघातील जनतेने मला 25 हजार 985 मतांनी निवडून दिल्याबद्दल आ. मुनगंटीवार यांनी सर्व मतदारांचे आभार मानले.
लाडक्या बहिणीची साथ विधानसभा निवडणुकीमध्ये लाडक्या बहिणींमध्ये सर्वात जास्त ऊर्जा पाहायला मिळाली. महायुतीच्या विजयामध्ये लाडक्या बहिणींचा वाटा मोठा असल्याचे नमूद करत लाडक्या बहिणींच्या पाठीशी विविध उपक्रमाच्या माध्यमातून कायम उभा राहील अशी ग्वाही आ. मुनगंटीवार यांनी दिली. Sudhir mungantiwar news
जगन येलके, गणेश परचाके व त्यांच्या टीमला विशेष करून आ. मुनगंटीवार यांनी धन्यवाद दिले. याच मैदानावर समर्थन व पाठिंबा देत मला निवडून आणण्यासाठी शक्ती पणाला लावली. येथील भाजपा नेते, कार्यकर्ते आणि मतदारांनी या निवडणुकीत स्वतःच उमेदवार आहे या भावनेने निवडणुकीच्या युद्धामध्ये पूर्ण शक्तीनिशी काम केले व मला निवडून आणण्यासाठी प्रयत्नांची पराकाष्ठा केली असल्याचे ना.मुनगंटीवार म्हणाले.
पोंभुर्णा नगरीत ना. मुनगंटीवारांचे जंगी स्वागत बल्लारपूर विधानसभा मतदारसंघाचा आमदार म्हणून निवडून आल्यानंतर भारतीय जनता पार्टी, पोंभुर्णाच्या वतीने विजयी अभिवादन रॅलीचे आयोजन करण्यात आले. जनतेच्या मतरुपी आशिर्वादाने विजय मिळवून दिला. त्याबद्दल सर्व मतदार बंधू भगिनींचे आ.मुनगंटीवार यांनी मनापासून आभार मानले.
Thangalaan on Ott विक्रमचा थांगलान हा चित्रपट आता थिएटरनंतर ओटीटीवर प्रदर्शित झाला आहे. चाहते खूप दिवसांपासून या चित्रपटाची वाट पाहत होते.
विक्रमचा ‘थांगलान’ हा चित्रपट यंदाच्या स्वातंत्र्यदिनाच्या मुहूर्तावर प्रदर्शित झाला. या चित्रपटाने बॉक्स ऑफिसवर व्यावसायिकदृष्ट्या चांगली कामगिरी केली नसली तरी या चित्रपटाने चाहत्यांच्या हृदयावर चांगलीच छाप सोडली होती. OTT वर हा ॲक्शन ॲडव्हेंचरने भरलेला चित्रपट पाहण्यासाठी लोक खूप दिवसांपासून वाट पाहत होते. आता हा चित्रपट डिजिटल प्लॅटफॉर्मवर आला आहे.
इतर चित्रपटांच्या तुलनेत, ‘थांगलान‘ ची डिजिटल रिलीज खूपच शांत होती आणि 10 डिसेंबर रोजी नेटफ्लिक्सवर तामिळ, तेलुगू, कन्नड, मल्याळम आणि हिंदी भाषांमध्ये ‘थांगलान’च्या ओटीटी रिलीजच्या विलंबाविषयी बोलणे शक्य झाले. बराच वेळ विविध अटकळ सुरू होत्या. सहसा चित्रपट त्यांच्या थिएटरमध्ये प्रदर्शित झाल्यानंतर चार आठवड्यांच्या आत OTT वर येतात, परंतु या चित्रपटाच्या बाबतीत असे घडले नाही. Thangalaan Ott
या चित्रपटाबाबत वादही निर्माण झाले होते
या चित्रपटाबाबत अनेक वाद निर्माण झाले होते. या चित्रपटाबाबत एक जनहित याचिका देखील दाखल करण्यात आली होती, ज्यामध्ये असा दावा करण्यात आला होता की या चित्रपटाने वैष्णव समाजाला लक्ष्य केले आहे. मद्रास हायकोर्टाने या प्रकरणी चित्रपटाच्या ओटीटी रिलीजवर बंदी घातली होती, त्यामुळे रिलीजला आणखी विलंब झाला. मात्र, नंतर न्यायालयाने ही याचिका फेटाळून लावत बंदी उठवण्याचे आदेश दिले. Thangalaan Ott release date
बॉक्स ऑफिसवर चित्रपटाची कामगिरी कशी होती?
चित्रपटाच्या बॉक्स ऑफिसबद्दल सांगायचे तर, ‘थांगलान’ला प्रेक्षकांचा संमिश्र प्रतिसाद मिळाला. चित्रपटाने बॉक्स ऑफिसवर सुमारे 72 कोटींची कमाई केली, जी अपेक्षेपेक्षा कमी होती. विक्रम व्यतिरिक्त, चित्रपटात पार्वती थिरुवोथू, पशुपती, मालविका मोहनन, डॅनियल कॅलटागीरोन, आनंदसामी आणि इतर कलाकारांच्या भूमिका आहेत.
Nature communications : चंद्रपूर शहराच्या निसर्गरम्य वातावरणात आणि जंगल भागात असलेल्या ऐतिहासिक जलमहल परिसरात असलेल्या जुनोना तलाव परिसरात, इको प्रो संस्था आणि पर्यावरणवाहिनी संस्था बल्लारपूर यांच्या संयुक्त विद्यमाने ‘पक्षी निरीक्षण, जंगल भ्रमंती व निसर्ग संवाद शिबिर’ आयोजित करण्यात आले.
या शिबिराचे मुख्य उद्दिष्ट पर्यावरण संरक्षण, पक्षी निरीक्षण आणि जंगलातील जैवविविधतेबद्दल जनजागृती करणे हे होते. या शिबिरात स्थानिक चंद्रपूर व बल्लारपूर मधील पर्यावरणप्रेमीं नागरिकांनी मोठ्या संख्येने सहभाग घेतला. शिबिरात पक्षी निरीक्षण, वनस्पती ओळख, जंगलातील जैवविविधता आणि पर्यावरणीय समस्यांवर चर्चा करण्यात आली. तसेच, शिबिरात वन्यजीव आणि त्यांच्या संरक्षणाबद्दल मार्गदर्शन देण्यात आले. Natur lover
इको प्रो संस्था व पर्यावरण वाहिनी संस्था यांच्याकडून उपस्थितांना जंगलातील सजीवांचे आणि वनस्पतींचे एकंदरीत जैवविविधतेचे महत्व सांगितले गेले, तसेच या निसर्गसंपन्न परिसराची स्वच्छता राखण्याची आवाहन करण्यात आले.
यावेळी तलाव परिसरात वनभोजन व पार्टी करणारे कडून फेकले जाणारे युज अँड थ्रो प्लास्टिक चे कचरा संकलित करून स्वच्छता करण्यात आली. तलाव परिसरातील, तसेच तलावात असणारी पक्षी यांचे निरीक्षण करण्यात आले, यावेळी पक्षीमित्र सदस्यांनी शिबिरार्थीना पक्षी विषयी माहिती दिली, जैवविधतेत पक्षाचे महत्व त्यांचे हिवाळ्यात होणारे हजारो किमी चे स्थलांतर बाबत माहिती दिली. Junona lake
शिबिराच्या समारोपाच्या वेळी, पर्यावरणीय संवेदनशीलतेचा संवर्धन करणाऱ्या विविध उपक्रमांचे महत्त्व दर्शवण्यात आले आणि सर्व उपस्थितांना निसर्गाशी संलग्न राहण्याचे प्रेरणा देण्यात आली.
उपस्थित इको-प्रो चे अध्यक्ष बंडू धोतरे तर पर्यावरणवाहिनीचे अध्यक्ष मोहम्मद शरीफ गुरुजी यांनी सहभागीना यावेळी निसर्ग-पर्यावरण-जैवविविधता आणि आपले कर्तव्य यासोबतच जिल्ह्यातील पर्यावरणीय परिस्थिती याविषयी संवाद साधण्यात आला.
या शिबिरात साठ पेक्षा अधिक पर्यावरणप्रेमींचा सहभाग होता, पक्षी निरीक्षणात ढगाळ वातावरण व थंडी कमी असल्याने आज पहाटे फार कमी पक्ष्यांचे निरीक्षण करता आले. जंगल भ्रमंतीत विविध वनस्पती व प्राणी प्रजातींची माहिती जाणून घेता आले.
तसेच, या शिबिराच्या आयोजनामुळे स्थानिक नागरिकांच्या पर्यावरणीय जाणीवेत आणि संरक्षणातील सक्रियतेत वाढ होण्यास मदत होईल, अशी अपेक्षा व्यक्त करण्यात आली आहे.
शिबीर यशस्वी करण्यास पर्यावरणवाहिनीचे प्रकाश नरसिंगोज, मनोहर मांडेकर, संजय तेलारकर, समीर शेख, विवेक खुटेमाटे, कार्तिक वराटे, केशव ठिपे, भास्कर फरकाडे, हेमराज गेडाम, जितेश गेडाम तर इको-प्रो चे सचिन धोतरे, कुणाल देवगिरकर, सुनील लिपटे, सुरज कावळे, आशिष मस्के, हेमंत बुरडकर, कपिल चौधरी, राजू काहिलकर, रुद्राक्ष धोतरे, चित्राक्ष धोतरे यांनी सहकार्य केले तर अनेक विद्यार्थी, मुले, महिला मोठ्या संख्येने सहभागी झाले होते.
Baby monkey rescue : आज सकाळी बंगाली कॅम्प परिसरातील इंडस्ट्रीयल एरिया दुर्गा माता मंदिराच्या मागील भागातील वस्तीत सरबानी सरकार यांच्या इमारतीच्या छतावर फुलझाडांच्या सुरक्षेकरिता लावण्यात आलेल्या मासेमारीच्या जाळीत अत्यन्त धोकादायक स्थितीत अडकलेल्या माकडाच्या पिल्लाचे रेस्क्यू ऑपरेशन इको-प्रो च्या नगर संरक्षक व वन्यजीव रेस्क्यू दलाच्या सदस्याने अत्यंत शिताफिने करीत सुटका केली.
मागील पंधरा दिवसांपूर्वी याच इमारतीवर याच जाळीत अश्याच प्रकारे माकडाचे पिल्लु अडकले असल्याची माहिती मिळताच इको-प्रो चे सदस्य घटनास्थळी पोहचून रेस्क्यू ओपरशन सुरू केले मात्र माकडाच्या समूहाला आपली मदत केली जात आहे याची जाणीव नसल्याने सर्व माकडाच्या समूहाकडून रेस्क्यू दलावर हल्ला चढविला जात होता. Baby monkey
एकीकडे माकडाच्या पिल्लाचे सुटका करणे तर आलेल्या माकडाच्या टोळीकडून रेस्क्यू दलाचे संरक्षण अश्या दुहेरी संकटातून कसे-बसे त्यावेळी रेस्क्यू ऑपरेशन यशस्वी करण्यात आले.
मात्र, त्यानंतर ही जाळी तशाच स्थितीत लावून असल्याने, नेहमी वसाहतीत येणारे माकडाचे कळप आणि त्यातील लहान पिल्लू आज पुन्हा अडकले. आज मात्र त्यास त्या जाळीचा फास गळ्यात आवळला गेला होता, तो पिल्लु हवेत असला की तो फासावर लटकलेला असायचा तेवढ्यात मादी माकड जवळ घ्यायची किंवा तेच पिल्लु स्वतः लोखंडी जिन्याच्या पोलवर आधार घ्यायचा. अश्या परिस्थितीत रेस्क्यू करणे कठीण होते.
मदत करण्यास रेस्क्यू दल सरसावले की मादी त्या पिल्लाला गळ्यात अडकलेल्या जाळीच्या फासासकट खेचून नेण्याचा प्रयत्न करायची, त्यामुळे फास अजून आवळला जायचा, रेस्क्यू करण्यास मादीला पिल्ला पासून दूर हाकलणे आवश्यक होते आणि पिल्लाजवळ गेले की उर्वरित माकड रेस्क्यू दलावर दात विचकत धावून यायचे.
अश्या बिकट परिस्थितीत चालून आलेल्या माकडाच्या कळपावर इको-प्रो च्या रेस्क्यू दलाने हल्ला चढवीत त्याचें ध्यान काही क्षणासाठी भटकवून तेवढ्याच वेळात इको-प्रो चे बंडू धोतरे यांनी त्यांच्या गळ्यात फास लागलेली जाळीचा भाग जाळीच कापून पिल्लासह वरच्या मजल्यावर असलेल्या एका खोलीत आश्रय घेतला. Monkey rescues
खोलीचे दार लावून आत पिल्लाच्या मान व शरीर यावर गुंडाळलेले जाळी कापून काढण्यात आली. मात्र या दरम्यान बंद दारावर माकडाचा कळप आणि मादी माकडाचा दारावर मोर्चा होता. खोलीच्या आतून माकडाच्या पिल्लाचा किंचाळण्याचा आवाज आणि बाहेरून मादीचे दात विचकत उग्र रूप अशी परिस्थिती होती.
आता मोकळा झालेले पिल्लू बाहेर कसे सोडावे हा प्रश्न होता. परत दारावर जमा झालेले माकड यांचेवर रेस्क्यू दलाकडून लाठ्या काठ्याने हाकलून लावण्यात आले तेवढ्याच क्षणात दार थोडे बाजू करून पिल्लास बाहेर सोडतास मादीने अलगद उचलून नेले आणि रेस्क्यू दलाने सुटकेचा श्वास घेतला. Baby monkey rescue
इको-प्रो च्या रेस्क्यू दलात बंडू धोतरे, सुरज कावळे, योगेश गाऊत्रे, रुद्राक्ष धोतरे, नितेश येगेवार यांचा सहभाग होता.
यानंतर घर मालक असलेले सरबानी सरकार यांच्या घरातील हजर असलेल्या महिलाना विनंती करून छतावरील संपूर्ण जाळी काढून टाकण्यात आली, आणि यापुढे अश्या घटना होऊ नये म्हणून माहिती देण्यात आली.
याविषयी इको-प्रो तर्फे आवाहन करण्यात आले आहे की, छतावर अश्याप्रकारे कुणीही मासेमारी करणारी जाळी लावू नये यात पक्षी कींवा माकड अडकू शकतात त्यामुळे ते काढून टाकण्यात यावे, असे आवाहन इको-प्रो तर्फे बंडू धोतरे यांनी केले आहे.
Save Bangladeshi Hindus बांगलादेशातील हिंदू, सिख, बौध्द, जैन, ख्रिश्चन या अल्पसंख्यांक समाजावर इस्लामिक अतिरेक्यांनी मागील अनेक महिन्यापासून अत्याचार सुरु केले.
ज्यात हल्ले, हत्या, लुटमार, जाळपोळ आणि महिलांचा अमानुष छळ, हिंदू आणि अल्पसंख्यांकांच्या धर्मिक स्थळांची विटंबना सुरु केली आहे. या घटना रोखण्यासाठी योग्य ती पावेल उचलण्या ऐवजी सद्याचे बांगलादेश सरकार व इतर संबधित यंत्रणा मूक प्रेक्षक बनून राहिल्या आहेत. त्यांचा आवाज दाबण्यासाठी लोकशाही पद्धतीने आवाज उठवण्याचा अवलंब केला तेव्हा अन्याय आणि अत्याचाराचा एक नवीन टप्पा दिसून येतो आहे. Save Bangladeshi Hindus
हिंदुच्या अशा शांततापूर्ण आंदोलनाचे नेतृत्व करणाऱ्या इस्कॉनचे संन्यासी पूज्य श्री चिन्मय कृष्ण दास जी यांना बांगलादेश सरकारने अटक करणे अन्यायकारक आहे.
या गंभीर प्रसंगी भारत सरकार व आंतरराष्ट्रीय संस्थांनी बांगलादेशातील पीडितांच्या पाठीशी उभे राहून ते एकटे नसून संपूर्ण जग त्यांच्या पाठीशी आहे हा भाव व्यक्त करण्याकरीता चंद्रपुरात मंगळवारी 10 डिसेंबरला दुपारी 2.30 वाजता भव्य न्याय यात्रा काढण्यात आली. Nyay yatra
या न्याय यात्रेत चंद्रपूर जिल्ह्यातून हजारोच्या संख्येने नागरीक महिला वर्ग उपस्थित होते. विविध समाजतील समाज बांधव, अल्पसंख्याक समाजातील धर्मगुरू, जेष्ठनागरिक , महिला वर्ग व ओबीसी आयोगाचे अध्यक्ष हंसराज अहिर ,आ.किशोर जोरगेवार या न्याय यात्रेत सहभागी झाले होते.
न्याय यात्रा हि गांधी चौक येथून निघून जिल्हाधिकारी कार्यालय येथे सांगता झाली. निवासी जिल्हाधिकारी यांना सकल हिंदू समाज, चंद्रपूर तर्फे निवेदन देण्यात देण्यात आले. यावेळी राष्ट्रीय स्वयंसेवक संघाचे प्रांत संघचालक दीपक जी तामशेट्टीवार ,जिल्हा संघचालक तुषार जी देवपूजारी,तालुका संघचालक लक्ष्मण ओलालवार, नगर संघचालक रवींद्रजी भागवत, शीख समाजाचे चमकौर सिंग, बौद्ध समाजाचे धम्म् म भन्ते जी, इस्कॉन चे रमेश जी बिराजदार, स्नेहाताई मिसार, प्राजक्ता भालेकर ताई, अशोक जीवतोडे, शैलेश जी बागला, शवारकरी चे मेश्राम हे उपस्थित होते.
सकल हिंदू समाजाच्या प्रमुख मागण्या
बांगलादेशातील हिंदूवरील अत्याचाराविरुद्ध तेथील सरकारला भारत सरकारकडून कठोर इशारा दिला जावा, मानवाधिकारवादी संघटनांनी हिंदू आणि अन्य अल्पसंख्याकावरील हल्ल्याची, अत्याचाराची दखल घेऊन हा मुद्दा राष्ट्रीय, आंतरराष्ट्रीय स्तरावर लावून धरावा, बांगलादेशातील हिंदूंच्या जीविताचे आणि संपत्तीचे रक्षण तसेच महिलांवरील अत्याचाराच्या घटनांना पायबंद घातला जावा, sakal hindu samaj
इस्कॉनचे साधू चिन्मय कृष्णदास यांची तुरुंगातून तत्काळ स-सन्मान मुक्तता करण्यात यावी, हिंदू कलाकार, व्यावसायिक, उद्योगपती, खेळाडू, राजकीय नेते तसेच हिंदू मंदिरांना सुरक्षा पुरविली जावी, बांगलादेशातील पाकिस्तानी जिहाद्यांच्या हस्तक्षेपाला पायबंद घालावा, sakal hindu samaj
संयुक्त राष्ट्रसंघात हिंदू, बौद्ध, खिश्चन व अन्य अल्पसंख्यकांवरील अत्याचाराचा मुद्दा उपस्थित केला जावा, बांगलादेशातील अल्पसंख्य समाजाच्या रक्षणाची मागणी करणाऱ्या देशोदेशीच्या विविध आंदोलनांना सुरक्षा प्रदान केली जावी, इत्यादी मागण्या यावेळी करण्यात आल्या.
हिंदू समाजावरील हल्ल्यांविरोधात एकजूट होऊन मानवतेच्या रक्षणाचा निर्धार करा – आ. किशोर जोरगेवार
हिंदू समाजावर सातत्याने होणाऱ्या अन्याय, अत्याचार आणि हिंसाचाराच्या घटना केवळ हिंदू समाजाचाच नव्हे तर मानवतेचा अपमान आहेत. हिंदू धर्म हा सहिष्णुता, शांती आणि सह-अस्तित्वाच्या मूल्यांचा प्रचार करणारा धर्म आहे. परंतु, बांगलादेशातील काही विघातक शक्ती या मूल्यांना पायदळी तुडवत आहेत. Save Bangladeshi Hindus
मंदिरे उद्ध्वस्त केली जात आहेत, निष्पाप नागरिकांवर हल्ले केले जात असून त्यांच्या धार्मिक स्वातंत्र्यावर गदा आणली जात आहे. हे सर्व मानवी हक्कांच्या आणि धर्मनिरपेक्षतेच्या तत्त्वांच्या पूर्णतः विरोधात असून, हिंदू समाजावरील हल्ल्यांविरोधात एकजूट होऊन मानवतेच्या रक्षणाचा निर्धार करा, असे आवाहन आमदार किशोर जोरगेवार यांनी केले आहे.
बांगलादेश येथे हिंदू समाजातील नागरिकांवर होत असलेल्या हल्ल्यांच्या विरोधात आज चंद्रपूरात सकल हिंदू समाजाच्या वतीने बांगलादेश हिंदू न्याय यात्रा काढण्यात आला होता. यात भारतीय जनता पक्षाचे आमदार किशोर जोरगेवार यांनी सहभाग नोंदवत बांगलादेशातील घटनेचा निषेध केला.
दुपारी तीन वाजता शहरातील गांधी चौक येथून या न्याय यात्रेला सुरुवात झाली. सदर यात्रा घोषणा देत शहराच्या मुख्य मार्गाने जिल्हाधिकारी कार्यालयावर धडकला. यावेळी जिल्हाधिकारी विनय गौडा यांना निवेदन देण्यात आले.
यावेळी प्रसारमाध्यमांशी बोलताना आ. जोरगेवार म्हणाले की, आम्ही इथे एकत्र येऊन या घटनांचा तीव्र शब्दांत निषेध करत आहोत. बांगलादेश सरकारने त्वरित पावले उचलून या घटनांना आळा घालावा आणि दोषींवर कठोर कारवाई करावी, अशी आमची मागणी आहे.
तसेच या देशातील हिंदू बांधवांना सुरक्षा आणि सन्मानाने जगण्यासाठी योग्य वातावरण उपलब्ध करून दिले जावे,” असे ते यावेळी म्हणाले.
Big Breaking News आधुनिक जगात विविध माध्यमातून गुन्हेगारीचा जन्म होत आहे, तर काही गुन्हेगार चित्रपट व क्राईम स्टोरी बघून गंभीर गुन्हे घडवीत आहे, मात्र याउलट चंद्रपुरात पोलीस खात्यात राहून पोलीस कर्मचाऱ्याने गुन्हेगारीचे धडे अंगिकारले व खात्यात राहून चोरी करणे सुरू केले व त्यानंतर थेट हत्येचा गुन्हा पोलीस कर्मचाऱ्याने केला.
मागील 15 दिवसापासून चिमूर तालुक्यातील बेपत्ता असलेल्या व्यापारी महिलेचा मृतदेह आज 10 डिसेंबर नागपुरातील बेसा येथील निर्जन स्थळी आढळला, या प्रकरणी चंद्रपूर शहर पोलिसांनी बडतर्फ पोलीस कर्मचारी नरेश डाहुले यांना अटक केली. Chandrapur murder
देवांश जनरल स्टोर्स च्या संचालिका 37 वर्षीय अरुणा अभय काकडे या 26 नोव्हेंबर रोजी नागपुरातील इतवारी मार्केट मध्ये दुकानातील सामान खरेदी करण्यासाठी गेल्या होत्या.
इतवारी भंडारा मार्गावरील बाटा शोरूम समोरून त्या हरवल्या, अरुणा काकडे घरी न परतल्याने कुटुंबीयांनी सर्वत्र विचारपूस केली मात्र त्यांचा काही थांगपत्ता लागला नाही. चिमूर पोलीस स्टेशनमध्ये अभय काकडे यांनी मिसिंग तक्रार दाखल केली.
पोलिसांनी शोध मोहीम राबवली मात्र अरुणा काकडे यांचा पत्ता काही लागला नाही. काकडे या चिमूर व्यापारी संघटनेच्या सदस्या असल्याने जिल्हा व्यापारी मंडळाने पोलीस अधीक्षकांना याबाबत निवेदन दिले. पोलीस अधीक्षकांनी या प्रकरणाचा तपास चंद्रपूर शहर पोलीस स्टेशनच्या ठाणेदार प्रभावती एकुरके यांच्याकडे सोपविला.
शहर पोलिसांनी पथके तयार करीत तपासाच्या विविध बाजू तपासल्या, शेवट चंद्रपूर पोलिसांच्या पथकाने तांत्रिकदृष्ट्या तपास करीत बेपत्ता अरुणा चा कॉल रेकॉर्ड तपासला असता त्यामध्ये नरेश डाहूले यांचा क्रमांक आढळला, या दरम्यान पोलिसांना अखेर आरोपी गवसला, आरोपी हा बडतर्फ पोलीस कर्मचारी नरेश डाहूले होता.
पोलिसांनी आरोपीची कसून चौकशी केली, त्याने सांगितले की 26 नोव्हेंबर रोजी अरुणा काकडे मला भेटली होती, अरुणा ही माझी वर्गमैत्रिण होती, त्यामुळे आमची चांगली ओळख होती. त्यादिवशी आम्ही दिवसभर सोबत होतो, त्यानंतर रेशीमबाग मैदानावर आमच्या दोघात वाद झाला, मी यावेळी रागाच्या भरात अरुणा चा गळा आवळून खून केला व त्यानंतर आपल्या चारचाकी वाहनात अरुणा चा मृतदेह टाकत बेसा येथील निर्जन स्थळी असलेल्या घरातील शौचालयाच्या टाक्यात तिचा मृतदेह टाकला व तिथून निघून गेलो. Chandrapur crime news
वर्ष 2023 मध्ये चंद्रपूर शहरातील विविध भागात घरफोडीचे गुन्हे घडले, या गुन्ह्याचा तपास रामनगर पोलीस ठाण्याचे तत्कालीन सहायक पोलिस निरीक्षक हर्षल एकरे करीत होते, त्यांनी घरफोडीच्या गुन्ह्यात स्थानिक गुन्हे शाखेतील पोलीस कर्मचारी नरेश डाहूले ला अटक केली. Big breaking news
शेअर मार्केट मध्ये गुंतवणूक दरम्यान डाहूले व आयपीएल सट्टा मध्ये लाखोंचे कर्ज अंगावर झाल्याने डाहूले यांनी घरफोडी चे गुन्हे करण्यास सुरुवात केली. घरफोडी प्रकरणात आरोपी हा पोलीस कर्मचारी असल्याने चंद्रपूर पोलीस विभागाची चांगलीच बदनामी झाली होती, त्यानंतर नरेश डाहूले ला पोलीस विभागाने बडतर्फ केले होते. आता पुन्हा वर्षभरानंतर नरेश डाहूले ला हत्येसारख्या गंभीर गुन्ह्यात अटक केल्याने पुन्हा पोलीस विभागाची चांगलीच नाचक्की झाली आहे.
