चंद्रपूर – तुकुम येथील तिन दुकानांना रात्रीच्या सुमारास आग लागल्याची घटना समोर आली होती. दरम्यान आज आमदार किशोर जोरगेवार यांनी सदर दुकानांची पाहणी केली असून पिढीत दुकान मालकांना आर्थिक मदत केली आहे. यावेळी तहसील विभाग, महावितरण आणि मनपा च्या अधिका-यांची उपस्थिती होती.
तुकुम येथील मुक्ताई इलेक्ट्रिेकलच्या दुकानाला मध्य रात्रीच्या सूमारास आग लागली या आगीने लगतच्या दोन दुकानांना आपल्या कवेत घेतल्याने तिनही दुकानातील सामान जळून खाक झाले आहे. या आगीत लाखो रुपयांचे नुकसान झाल्याचा अंदाज आहे.
शाॅट सर्कीटमुळे ही आग लागल्याचा प्राथमीक अंदाज आहे. दरम्यान आज रविवारी आमदार किशोर जोरगेवार यांनी सदर दुकानांची पाहणी केली असुन आगे मागचे कारण समजुन घेतले आहे. अशा प्रसगांवर तात्कळा नियंत्रण मिळविण्यासाठी अग्निशमन पथकाने तत्पर राहण्याच्या सूचना यावेळी आमदार किशोर जोरगेवार यांनी मनपा अधिका-यांना केल्या आहे.
शाॅट सर्कीटमुळे वारंवार आग लागल्याचे प्रकार समोर येत आहे. यासाठी महावितरणनेही पुढाकार घेत याबाबत उपाययोजना करण्याचे निर्देश आमदार किशोर जोरगेवार यांनी दिले आहे. याप्रसंगी आगीने नुकसान झालेल्या दुकान मालकांना आमदार किशोर जोरगेवार यांनी आर्थिक मदत केली असून तात्काळ घटनेचा पंचनामा करण्याच्या सूचना केल्या आहे.
चंद्रपूर – शहरात 63 वर्षीय वृद्ध हा 2 चोरी प्रकरनात दोषी आढळल्याने शहर पोलिसही चक्रावून गेले.
चोरीच्या पहिल्या प्रकरणात 26 डिसेंम्बरला शहरातील जटपूरा गेट परिसरातील डॉ.आलूरवार हॉस्पिटलमध्ये ड्युटी करीत रेस्ट रूम मध्ये रेडिओलॉजिस्ट सागर दामिया हे आराम करत होते, मात्र त्यावेळी डॉक्टर आलूरवार यांच्या चेंबर मधून कुणीतरी स्टॅण्ड घड्याळ चोरून नेली, त्यावेळी सीसीटीव्ही तपासली असता एक इसम ती घडी चोरून नेताना आढळून आला, याबाबत दामिया यांनी शहर पोलीस स्टेशनमध्ये तक्रार नोंदविली.
दुसऱ्या घटनेत सुरेश लष्कर हे 24 डिसेंम्बरला राजकला टॉकीज येथे चित्रपट बघण्यासाठी गेले होते, त्यावेळी लष्कर यांनी आपले दुचाकी वाहन पार्क केले होते, चित्रपट बघून झाल्यावर लष्कर हे बाहेर आले असता त्यांची दुचाकी पार्किंग च्या ठिकाणी आढळून आली नाही आपले वाहन चोरी झाले हे समजताच त्यांनी याबाबत शहर पोलीस स्टेशनमध्ये तक्रार दाखल केली.
तक्रार प्राप्त होताच पोलिसांनी आपला तपास सुरू केलं, सीसीटीव्ही फुटेज व गोपनीय माहितीच्या आधारे गुन्हे शोध पथकाने आरोपी 63 वर्षीय इकबाल पंढरपूरवाला याला अटक केली, त्याची चौकशी केली असता डॉ.आलूरवार हॉस्पिटलमधून घड्याळ व राजकला टॉकीज येथून चोरी गेलेले दुचाकी वाहनाची चोरी इकबाल ने चोरी केल्याची कबुली दिली.
पोलिसांनी आरोपिकडून चोरी केलेला माल असा एकूण 36 हजार रुपयांचा मुद्देमाल जप्त केला, पुढील तपास चंद्रपूर शहर पोलीस करीत आहे.
चंद्रपूर : गोंडपिपरी तालुक्यातील कुलथा रेती घाटावरून मोठ्या प्रमाणात वाळू तस्करी सुरू आहे. या वाळू तस्करीला तारडाचे सरपंच तरुण उमरे, तंमुस अध्यक्ष चंद्रशेखर लखमापुरे एका महिला ग्रा.पं.सदस्याने विरोध केल्याने वाळू तस्करांनी या तिघांवरही प्राणघातक हल्ला करून जखमी केले. या प्रकरणात शिवसेना (उबाठा) वाहतूक सेनेचा जिल्हाध्यक्ष स्वप्नील काशीकरसह काही जणांवर गुन्हे दाखल करण्यात आले आहे. मात्र, या प्रकरणाला गोंडपिपरीचे एसडीओ, तहसीलदार, अतिरिक्त जिल्हाधिकारी देशपांडे आणि खनिकर्म अधिकारी नैताम तेवढेच जबाबदार असून, या सर्व अधिकाऱ्यांना या हल्ल्याप्रकरणी जबाबदार ठरवून गुन्हा दाखल करण्याची मागणी रिपाइं (आठवले गट) महिला आघाडी जिल्हाध्यक्ष पुष्पा मोरे यांनी पत्रकार परिषदेत केली आहे.
गोंडपिपरी तालुक्यातील कुलथा घाटावरून शासनाचे नियम डावलून रेती उत्खनन सुरू आहे. रेतीघाटधारक अक्षय चांदेकर हे पोकलेन, जेसीबी मशीने रेतीघाट पोखरत आहेत. दररोज रेती तस्करीच्या वाहतुकीमुळे तारडा गाववासीयांची झोप उडाली असून, तारडाचे सरपंच तरुण गंगाराम उमरे, तंमुस अध्यक्ष चंद्रशेखर लखमापुरे आणि एका महिला ग्रामपंचायत सदस्यांने नदीपात्राकडे धाव धेत रेती उत्खननाला विरोध केला. यावेळी या तिघांवरही अक्षय चांदेकर आणि त्याच्या गुंडांनी प्राणघातक हल्ला केला. या हल्ल्याचा मास्टर माइंड शिवसेना वाहतूक सेनेचा जिल्हाध्यक्ष स्वप्नील काशीकर असून, आरोपींवर गुन्हा दाखल करण्यात आला आहे. काही जणांना अटक करण्यात आली तर काशीकर हा फरार असल्याचे पोलीस सांगत आहेत. परंतु, हा हल्ला पूर्वनियोजित असून, रेतीघाटधारक अक्षय चांदेकर यांनी महसूलचे अधिकारी, जिल्हा खनिकर्म अधिकारी आणि अतिरिक्त जिल्हाधिकारी देशपांडे यांना हाताशी धरून हा हल्ला केल्याचा आरोप पुष्पा मोरे यांनी केला आहे.
चांदेकर यांनी परवानगी मिळालेल्या क्षमतेपेक्षा दहा पट अधिक ब्रासरेतीचे उत्खनन केले आहे. रेती घाटावरील सीसीटीव्ही फूटेज आणि स्टॉक यार्ड, जीपीएस ट्रेकिंग याची चौकशी केल्यास या घाटावरील वाळूचोरीचे मोठे गौडबंगाल उजेडात येणार आहे.
परंतु, अनेक ठिकाणी सीसीटीव्ही कॅमेरेच लावण्यात आले नाही. त्यामुळे महसूल अधिकाऱ्यांच्या मूकसंमतीनेचे रेतीघाट धारकाकडून रेतीघाट पोकलेन आणि जेसीबीने पोखरला जात असल्याचा आरोप मोरे यांनी यावेळी केला. जिल्ह्यातील रेतीघाटांवरून मोठ्या प्रमाणात अवैधपणे रेतीचे उत्खनन सुरू असून, गुन्हेगारी वाढत आहे. अधिकाऱ्यांच्या पाठबळामुळेच कुलथा घाटावरील घटना घडली असून, या महसूल अधिकाऱ्यांवर ॲट्रोसिटी ॲक्टअन्वये गुन्हे दाखल करण्यात यावे, तसेच सरपंच आणि तंमुस अध्यक्षांवर प्राणघातक हल्ला प्रकरणातील फरार आरोपींना तत्काळ अटक करण्याची मागणी मोरे यांनी पत्रकार परिषदेत केली आहे.
अशी होते वाळू तस्करी…
चंद्रपूर जिल्ह्यात आज असंख्य वाळू तस्कर सक्रिय आहे, नियमाप्रमाणे वाळू घाट घेतल्यावर 1 हजार ब्रास च्या ऐवजी हे तस्कर 10 हजार ब्रास वाळू उत्खनन करतात, प्रशासन द्वारा वाळू घाटावर नियंत्रण ठेवण्यासाठी सीसीटीव्ही कॅमरे व वाळू वाहतूक करणाऱ्या वाहनांवर जीपीएस सिस्टम बसविल्या जातो, मात्र वाळू तस्कर ज्या वाहनांवर जीपीएस सिस्टम लावला असतो ते वाहन शट डाऊन दाखविण्यात येते आणि दुसऱ्या वाहनाने वाळूची अवैधरित्या वाहतूक करण्यात येते.
प्रशासनाची अर्थपूर्ण भूमिका…
खनिज संपत्तीने नटलेल्या या जिल्ह्यात वाळू तस्कर तलाठी, तहसीलदार, उपविभागीय अधिकारी, खणीकर्म अधिकारी व स्थानिक यांच्याशी ओळखी करीत सलोख्याचे संबंध स्थापित करतात आणि मग सर्वांशी अर्थपूर्ण व्यवहार सुरू करीत हा गोरखधंदा सुरू करण्यात येतो.
दरवर्षी शासनाला यामुळे कोट्यवधी रुपयांचा चुना लागतो विशेष बाब म्हणजे प्रशासनातील अधिकारी महसूल विभागाला चुना लावण्याचे काम करीत असतो, त्यामुळे वाळू तस्कर कुणाच्याही नियंत्रणात नसतात, त्यामुळे मुजोरी व प्रशासनातील अधिकाऱ्यांशी असलेल्या संबंधामुळे हे काहीही करायला तयार असतात हे विशेष.
या वाळू तस्करीला जबाबदार तस्कर नसून तर त्यांच्याशी हातमिळवणी करणारे प्रशासनातील अधिकारी आहे, ज्यादिवशी या अधिकाऱ्यांवर कारवाई करण्यास प्रारंभ होणार त्यादिवशी हे अवैध धंदे पूर्णतः बंद होणार.
अशोक जीवतोडे यांच्याकडून देशवासियांना नवीन वर्षाच्या हार्दिक शुभेच्छा..
चंद्रपूर – चंद्रपूर शहरातील तुकुम येथे 30 डिसेंम्बरच्या रात्री मुक्ताई इलेक्ट्रिकल च्या दुकानाला भीषण आग लागली, आग इतकी भयावह होती की बाजूच्या 2 दुकानात आगीने शिरकाव करीत लाखोंचे नुकसान केले.
नवं वर्षाच्या स्वागतासाठी चंद्रपूर शहरातील नागरिक सज्ज झाले आहे, नव्या वर्षात नवे संकल्प घेत नागरिक पुढच्या वर्षाच्या योजना आखत आहे मात्र या आनंदाच्या क्षणी तुकुम भागात दुकानाला आग लागल्याने दुकान चालकांच्या नव्या वर्षाच्या संकल्पावर विरजण पडले.
30 डिसेंम्बर च्या मध्यरात्री बँक ऑफ महाराष्ट्र जवळील मुक्ताई इलेक्ट्रिकल च्या दुकानात अचानक शॉर्ट सर्किट झाला हळुवार पणे घडलेला हा प्रसंगाने काही वेळात रौद्र रूप धारण केले होते.
सदर दुकानात टीव्ही, पंखा असे विविध दुरुस्तीचे कामे केल्या जातात, बाजूला रिवाईंडिंग व चष्म्याची दुकान आहे, या आगीत तिन्ही दुकानाचे लाखोंचे नुकसान झाले, नागरिकांनी वेळेवर अग्निशमन दलाला पाचारण केल्याने तात्काळ आगीवर नियंत्रण मिळविण्यात आले, यावेळी रामनगर पोलीस घटनास्थळी दाखल झाले होते, नागरिकांनी सुद्धा याठिकाणी गर्दी केली होती.
आगीवर नियंत्रण मिळविताना एमएसईबी ने काही वेळ परिसरातील विद्युत पुरवठा बंद केला होता.
अशोक जीवतोडे यांच्याकडून देशवासियांना नवीन वर्षाच्या हार्दिक शुभेच्छा..
चंद्रपूर : पूर्वीच्या हिट ॲण्ड रन कायद्यात सुधारणा करून नवीन हिट ॲण्ड रन कायदा २०२३ गृहमंत्री अमित शहा यांनी आणला आहे. हा कायदा देशभरातील वाहनचालकांसाठी अन्यायकारक असून, लहानमोठ्या अपघातात वाहनचालक भरडले जाणार आहे.
अनेकदा वाहनचालकांनी चुकी नसतानाही अपघात होतात. मात्र, अशावेळी मोठ्या वाहनचालकांना दोषी ठरविले जाते. नवीन कायद्यामध्ये मोठ्या शिक्षेची आणि दंडाची तरतूद करण्यात आल्याने हा कायदा रद्द यावा या मागणीसाठी अनैशा वाहन चालक कामगार संघटनेच्या वतीने शनिवार ३० डिसेंबर रोजी गांधी चौक ते जिल्हाधिकारी कार्यालयापर्यंत निषेध रॅली काढली, या रॅलीत असंख्य वाहन चालक सहभागी झाले होते.
यापूर्वी अपघातातील दोषींना शिक्षा देण्यासाठी विविध कलमे अस्तित्वात आहे. शिवाय मोटार वाहन कायदा अस्तित्वात आहे. असे असतानाही सुधारित हिट ॲण्ड रन कायद्यात नव्याने कलम ३०२ म्हणजे हत्येचे कलम समाविष्ट करण्यात आले आहे. नव्या कायद्यानुसार १० वर्ष कारावासाची शिक्षा, २ लाख ते १० लाख रुपयेपर्यंत दंड अशी तरतूद करून हा कायदा २० डिसेंबर २०२३ रोजी संसदेत पारीत करण्यात आला आहे.
अनेक अपघात अचानक झालेले असतात. अशोवळी मोठ्या वाहनाचे वाहनचालक नाहक भरडले जातात. त्यामुळे हा कायदा रद्द करण्याची मागणी आंदोलनाच्या माध्यमातून करण्यात येणार असल्याचे उपरे यांनी सांगितले. देशाच्या अर्थव्यवस्थेत वाहनचालकांचा मोठा वाटा असताना त्यांच्यावर अन्यायकरणारे कायदे खपवून घेतले जाणार नाही, असा इशारा यावेळी देण्यात आला. या निषेध रॅलीत वाहनचालकांनी मोठ्या संख्येत सहभाग दर्शविला.
अशोक जीवतोडे यांच्याकडून देशवासियांना नवीन वर्षाच्या हार्दिक शुभेच्छा..
चंद्रपूर – दुर्गापूर उपक्षेत्र वेकोली परिसरात 7 नोव्हेम्बरला 12 वर्षीय प्रेम वाघमारे या बालकाचा वेकोलीच्या वॉटर प्लांट मध्ये बुडून मृत्यू झाला होता, त्यावेळी पीडित परिवाराला 25 लाख रुपयांचे आर्थिक साहाय्य करू असे लिखित आश्वासन दिले होते मात्र वेकोली तर्फे आज पत्र मिळाले की अशी मदत करण्याचे कसलेही प्रावधान नाही.
याविरोधात उलगुलान संघटनेचे अध्यक्ष राजू झोडे व दुर्गापुरातील नागरिकांनी वेकोली कार्यालयात धडक दिली, वेकोलीच्या वतीने आधीच पोलिसांना बोलाविण्यात आले होते, त्याठिकाणी अनुचित घटना घडून यासाठी पोलिसांचा तगडा बंदोबस्त लावण्यात आला होता.
बराच वेळ झोडे यांनी चर्चा केली मात्र काही तोडगा निघत नसल्याने चंद्रपूर वेकोली क्षेत्राचे मुख्य महाप्रबंधकांनी आम्हला आठवडा भराचा वेळ द्या आम्ही यामध्ये काही तडजोड करीत विशेष बाब म्हणून पीडित परिवाराला आर्थिक मदत करू असे आश्वासन दिले.
झोडे व नागरिकांना आश्वासन मिळाल्यावर आम्ही आठवड्या नंतर पुन्हा येऊ असे सांगितले, जर पीडित परिवाराला मदत मिळाली नाही तर संबंधित अधिकाऱ्यांवर गुन्हा दाखल केल्याशिवाय राहणार नाही असा इशारा राजू झोड यांनी दिला.
कामगार संघटनेच्या भूमिकेवर संभ्रम
आजच्या चर्चेत वेकोलीच्या 2 कामगार संघटना सहभागी झाल्या होत्या, मात्र त्यांनी पीडित परिवाराला मदत मिळावी यासाठी कसलेही भाष्य केले नाही, यावर राजू झोडे संतापले व दोन्ही कामगार संघटनांच्या प्रतिनिधींना खडेबोल सुनावले.
डॉ. अशोक जीवतोडे यांच्याकडून देशवासियांना नवीन वर्षाच्या हार्दिक शुभेच्छा
मुल – 31 डिसेंबरच्या रात्री नवीन वर्षांच्या स्वागताचा उत्साह सर्वत्र पाहायला मिळते. या उत्साहाच्या वातावरणात कायदा व सुव्यवस्थेला तडा जाऊ नये, मुल पोलीस स्टेशन सज्ज झाले आहे. व यासाठी दिनांक 29/12/23 पासूनच विशेष मोहीम सुरू करण्यात आली आहे. मुल पोलीस स्टेशन कडून नियोजनबद्ध बंदोबस्ताची संपूर्ण तयारी केली आहे.
पोलिस स्टेशन हद्दीत ठीकठिकाणी फिक्स पाईन्ट व बॅरिगेड लावून नाकाबंदी करण्यात येणार असून, ड्रन्क ॲन्ड ड्राईव्हवर लगाम लावण्यासाठी पोलिसांचा तडगा बंदोबस्त लावण्यात येणार आहे. बहुतांश पोलीस रस्त्यावर उतरून बंदोबस्त ठेवणार आहे. हद्दीत फिक्स पाईन्ट लावून वाहनांची तपासणी केली जाईल.
मुख्यतः चंद्रपूर गडचिरोली महामार्गावर पोलिसांची विशेष नजर राहणार आहे नववर्षाच्या स्वागतावेळी दारू पिऊन वाहने चालविणारे अपघात घडवितात. त्याचेवर ड्रंक अँड ड्राईव्ह ची कारवाई करून त्यांचे वाहन सुद्धा जप्त करण्यात येणार आहे.
मुल – १ जानेवारी १८४८ रोजी क्रांतीसुर्य महात्मा ज्योतिराव फुले व क्रांतीज्योती सावित्रीबाई फुले यांनी भिडेवाडा पुणे येथे मुलीचा पहिली शाळा सुरू केली. त्या सन्मानार्थ भिडेवाडा ते फुलेवाडा महारैली १ जानेवारी २०२४ रोजी माळी महासंघ व सकल माळी समाजाच्या वतीने आयोजित करण्यात आली आहे.
या रॅलीमध्ये समाज बांधवांनी सहभागी होण्याचे आवाहन माळी महासंघाचे राष्ट्रीय अध्यक्ष अविनाश ठाकरे, प्रदेशाध्यक्ष अरुण तीखे यांचे मार्गदर्शनाखाली माळी महासंघाच्या वतीने गत नऊ वर्षापासून या रॅलीचे आयोजन करण्यात येत आहे.
भिडेवाडा येथे राष्ट्रीय स्मारक व्हावे या मागणीसह भिडेवाडा ते फुलेवाडा सन्मानदिन महारॅली फुले दांपत्यांच्या सन्मानार्थ या रॅलीचे आयोजन करण्यात येते. विशेष म्हणजे भिडेवाडा येथे राष्ट्रीय स्मारकाच्या निर्माणाचे सर्व अडथळे दूर होवून येत्या काही दिवसात भिडेवाडा येथे राष्ट्रीय स्मारक निर्माणाचे कार्य सुरू होत आहे, माळी महासंघाच्या दृष्टीने ही मोठी उपलब्धता म्हणावी लागेल.
फुले दांपत्यांच्या सन्मानासाठी तसेच आलेल्या यशाचा जल्लोष करण्यासाठी माळी समाज बांधवांनी या महारॅलीमध्ये सहभागी व्हावे, असे आवाहन माळी महासंघाचे चंद्रकांत बोरकर, प्रदेश उपाध्यक्ष प्राचार्य डॉ.एन.एस.कोकोडे, महीला आघाडी कार्याध्यक्ष प्रमुख संध्याताई गुरनूले, डॉ. संजय घाटे, यांनी केले आहे.
नेरी वरून जवळ असलेल्या नवतळा येथील शेतात काम करीत असलेल्या महिलेवर रानटी डुकराने हमला करून जखमी केले सदर हल्ल्यात महिला गंभीर जखमी झाली असून चिमूर येथील उपजिल्हारुग्णालयात उपचार घेत आहे सुदैवाने आजूबाजूच्या शेतकऱ्यांनी धाव घेतल्याने जीवितहानी टळली.
नवतळा येथील शालिनी मारोती बारसागडे वय अंदाजे 60 वर्षे ही सकाळी 10 वाजता शेतातील काम करण्यासाठी शेतात गेली असता शेतात एकटीच होती ऐन दुपारी 12 वाजता दरम्यान ऐका रानटी डुकराने शेतात आगमन करीत सरळ शालिनी बाईवर हल्ला चढवला मात्र शालिनी ला या डुकराचा मागोवा सुद्धा लागला नाही ती तुरी च्या शेंगा तोडीत होती रानटी डुकराची धडक इतकी जोरदार होती की सरळ पाळीवरून खाली कोसळली यामध्ये तिला गंभीर मार लागला व ती जखमी झाली खाली पडताच ती जोरात ओरडल्याने आजूबाजूच्या शेतातील नागरिक तिच्या आवाजाच्या दिशेने धावले लोकांना पाहून रानटी डुकर पसार झाला.
त्यामुळे सुदैवाने तिचे प्राण वाचले सदर शेतकऱ्यांनी तिला उचलून घरी नेले व तात्काळ वाहन करून उपचारासाठी उपजिल्हा रुग्णालयात दाखल केले वृत्त लिहिपर्यत वनविभाग पोहचले की नाही याची माहिती मिळाली नाही सदर महिलेला वनविभागाने उपचारासाठी मदत द्यावी अशी मागणी गावकरी करीत आहेत.
चिमूर – चिमूर तालुक्यातील हिरापूर येथे दुचांकी वाहनाने चारचाकी वाहनाला समोरून धडक दिल्याने दुचाकी वाहक जखमी झाले असून जखमी युवक हीरापुर येथील रहिवासी आहेत. हिरापुर येथील ही दुसरी घटना आहे.
शंकरपुर जवळील हिरापुर येथे शुक्रवारला सायंकाळी पाच वाजताच्या दरम्यान हिरापुर गावातून येणाऱ्या दुचांकीने भरधाव वेगात येऊन चारचाकी वाहन क्रमांक ला धडक दिल्याने दुचाकीवाहक समीर नानाजी रावडे वय 19 व सुमित प्रल्हाद मुनघाटे वय 18 वर्ष दोघेही राहणार हिरापुर गंभीर जख्मी झाले असून. या घटनेची माहिती शंकरपुर पोलिस चौकीला कळवताच पोलिस घटनास्थळी दाखल होऊन जखमींना उपचारासाठी शंकरपुर येथील ग्रामीण रुग्णालयात भरती करण्यात आले.
प्राथमिक उपचार करून सुमित मुनघाटे याला नागपूर येथील रुग्णालयात तर समीर रावडे याना ब्रम्हपुरी येथे रेफर करण्यात आले. हिरापूर् येथील याच आठवड्यातील हा दुसरा अपघात असून पहिल्या अपघातात एक गंभीर जख्मी तर एका व्यक्तीचा मृत्यू झाला होता. पुढील तपास पोलिस शिपाई परमेश्वर नागरगोजे करीत आहेत
