Tag: News34 chandrapur

Pratibha Dhanorkar खासदार प्रतिभा धानोरकर ह्या नेहमी सामाजिक कार्यासाठी चर्चेत असतात. अशाच एका विद्यार्थ्याच्या पालकांनी मोबाईल वरुन खासदार प्रतिभा धानोरकर यांना संपर्क साधला. वडील नसलेल्या या विद्यार्थ्याच्या आईचे वॉट्सअॅप वरील निवेदन बघून खासदार प्रतिभा धानोरकर भारावून गेल्या व लगेच त्यांनी त्या मुलाचे संपूर्ण शुल्क भरुन शिक्षणासाठी मदतीचा हात दिला.

Pratibha dhanorkar अलीकडे अनेक राजकारणी स्वतः चा स्वार्थ बघत असतांना स्वतः च्या लोकसभा क्षेत्राबाहेरील उस्मानाबाद येथील एका विद्यार्थ्याच्या आईचे निवेदन वॉट्सअॅपवर प्राप्त झाले. त्यांनी सदर निवेदनात खासदार धानोरकरांना भावनीक साद घालत विद्यार्थ्याच्या वडिलाचे निधन झाले असून मुलगा सैनिकी शाळा बल्लारपूर येथे 10वी शिकत असल्याचे सांगितले. घरची परिस्थिती हलाखीची असल्याने चालू वर्षाचे शैक्षणिक शुल्क भरु शकत नसल्याचे खंत व्यक्त केली. शैक्षणिक शुल्क न भरल्यास वर्ष वाया जाण्याची भिती व्यक्त केली. सदर निवेदनाची दखल घेत सामाजिक भान राखत खासदार प्रतिभा धानोरकर यांनी सैनिकी शाळेच्या प्राचार्यांशी संपर्क करुन संपूर्ण शुल्क स्वतः भरणार असल्याचे सांगितले व आज  दि. 18 जुलै रोजी आपल्या स्वीय सहायकाच्या माध्यमातून शाळेची संपुर्ण शुल्क कुठलेही राजकीय स्वार्थ न ठेवता लोकसभा क्षेत्रा बाहेरच्या एका आईची भावनिक हाक म्हणून भरले. या प्रसंगाने खासदार प्रतिभा धानोरकर यांनी 80 टक्के समाजकारण व 20 टक्के राजकारण ही व्याख्या सार्थ ठरविली. उस्मानाबाद येथील त्या विद्यार्थ्याच्या आईने खासदार प्रतिभा धानोरकर यांचे आभार व्यक्त करीत लवकरच चंद्रपूर येथे येऊन भेट घेणार असल्याचे सांगितले.

अवश्य वाचा : ती मृत्यूशी लढत होती आणि नागरिक तिचा व्हिडीओ काढत होते, धक्कादायक घटना

Pratibha dhanorkarआजच्या व्यस्त कार्यात जनप्रतिनिधी यांना मोबाईल बघण्यासही वेळ नसतो, आमदार नंतर प्रतिभा धानोरकर ह्या खासदार बनल्या, त्यामुळे कामाचा व्याप वाढला, दररोज त्यांच्या मोबाईल वर हजारो कॉल येतात, त्यामधून सुद्धा खासदार धानोरकर यांनी अनोळखी नंबरवरून आलेल्या संदेशाचे वाचन केले आणि त्या काही काळ स्तब्ध राहिल्या.

मुलांच्या डोक्यावरून वडिलांचं छत्र हरपलं व पत्नीच्या आयुष्यातून पतीचे अचानक जाणे हे त्या संदेशातून व्यक्त झाले होते, ती परिस्थिती व अनुभव खासदार प्रतिभा धानोरकर यांच्या वाट्याला आला होता, मात्र त्या प्रसंगातून जाणाऱ्या आईचं दुःख खासदार धानोरकर यांना समजलं, त्यांनी त्या आईसोबत याबाबत चर्चा करीत पूर्ण माहिती घेतली. संपूर्ण माहितीची खातरजमा केल्यावर त्यांनी आपल्या स्वीय सहायकाला निर्देश दिले व त्या आईच्या भावनिक हाकेला त्यांनी साद दिली.

खासदार धानोरकर यांच्या या कृतीची सर्वत्र चर्चा आता लोकसभा क्षेत्रात होत आहे.

chandrapur whether नागपूर प्रादेशिक हवामान केंद्राने दिलेल्या सूचनेनुसार 18ते 22जुलै 2024 या कालावधीत चंद्रपूर जिल्ह्यासाठी अलर्ट जारी केला आहे. त्यानुसार 19 जुलै रोजी चंद्रपूर जिल्ह्याकरीता रेड अलर्ट, 20 जुलै रोजी ऑरेंज अलर्ट तर 21 आणि 22 जुलै रोजी यलो अलर्ट जारी करण्यात आला आहे. तरी नागरिकांनी सुरक्षेच्या दृष्टीने दक्षता घ्यावी, असे आवाहन जिल्हा प्रशासनमार्फत करण्यात आले आहे.

जिल्ह्यासाठी 20 जुलै 2024 रोजी ऑरेंज अलर्ट जारी केला असून या कालावधीत चंद्रपूर जिल्‍ह्यात एक दोन ठिकाणी विजांचा कडकडाट आणि सोसाट्याच्या वारा (तासी 50-60 किमी वेगाने) आणि गडगडाटी वादळाची शक्यता तसेच 21 व 22 जुलै 2024 या कालावधीकरीता चंद्रपूर जिल्‍ह्याकरीता यलो अलर्ट असून या  कालावधीत एक-दोन ठिकाणी विजांच्‍या कडकडाटासह मेघगर्जनेची शक्‍यता वर्तविली आहे.  खबरदारीची उपाययोजना म्हणून नागरीकांनी पुढील प्रमाणे काळजी घ्यावी.

chandrapur whether संरक्षणात्‍मक कपडे घाला आणि घरात आश्रय घ्‍या. मुसळधार पाऊस आणि जोरदार वारा असताना खिडक्‍या आणि दरवाज्‍यापासून दूर रहा. रोडवे अंडरपास, ड्रेनेजचे खड्डे, सखल भाग आणि जिथे पाणी साठते अशा भागातुन जाणे टाळा. खराब दृश्‍यमानतेमुळे मुसळधार पाऊसात वाहने चालवणे टाळा. पॉवर लाईन्‍स किंवा विजेच्‍या तारांपासून दूर रहा. फ्लॅश पूर चेतावणी किंवा विजेच्‍या तारोपासून दूर रहा.

वादळ, मेघ गर्जना आणि आकाशात विजा चमकत असताना : काय करावे आणि काय करु नये

विजेच्या गडगडाटासह पावसाची पूर्वकल्पना असल्यास बाहेर जाणे टाळा. जर मोकळ्या जागेत असाल आणि जवळपास कुठल्याही सुरक्षित इमारतीचा आसरा नसेल तर सखल जागेत जाऊन गुडघ्यात डोके घालून बसा. आकाशात विजा चमकत असल्यास घरात किंवा सुरक्षित इमारतीत आश्रय घ्या. घराच्या बाल्कनी, छत अथवा घराबाहेरील ओट्यावर थांबू नका. आपण घरात असाल आणि घरातील विद्युत उपकरणे चालू असतील तर त्या वस्तू त्वरित बंद करा.           

तारांचे कुंपण, विजेचे खांब व इतर लोखंडी वस्तूंपासून दूर रहा. पाण्यात उभे असाल तर तात्काळ पाण्यातून बाहेर पडा.आकाशात विजा चमकत असल्यास घरातील लँडलाईन फोनचा वापर करू नका. शॉवरखाली अंघोळ करू नका. घरातील बेसिनचे नळ, पाण्याची पाईपलाइन यांना स्पर्श करू नका तसेच कुठल्याही विद्युत उपकरणांचा वापर करू नका. विजेच्या गडगडाटासह वादळी वारे चालू असताना लोखंडी धातूच्या सहाय्याने उभारलेल्या तंबूमध्ये किंवा शेडमध्ये आसरा घेऊ नका. उंच झाडाच्या खाली आसरा घेऊ नका. धातूंच्या उंच मनोऱ्याजवळ उभे टाकू नका. जर आपण घरात असाल तर उघड्या दारातून अथवा खिडकीतून वीज पडताना पाहू नका. हे बाहेर थांबण्याइतकेच धोकादायक आहे.

जिल्‍ह्यातील नागरिकांनी आवश्यक काळजी घ्‍यावी, असे  आवाहन जिल्हा प्रशासनाकडून करण्‍यात आले आहे.