चंद्रपूर: महाराष्ट्र प्रदूषण नियंत्रण मंडळ, चंद्रपूर प्रादेशिक कार्यालयातील दोन अधिकाऱ्यांवर भ्रष्टाचाराचा आरोप करत संजीवनी पर्यावरण सामाजिक संस्थेचे अध्यक्ष राजेश बेले यांनी उच्चस्तरीय चौकशीची मागणी केली आहे. Air pollution
प्रादेशिक अधिकारी श्री. तानाजी यादव आणि प्रभारी वैज्ञानिक अधिकारी श्री. बिपीन भंडारी यांच्यावर M/s. Sunflag Iron and Steel Co. Ltd. बेलगाव अंडरग्राऊंड कोळसा खाणी प्रकल्पामुळे घातक रासायनिक द्रव्यांच्या नमुन्यांमध्ये फेरफार करण्याचा आरोप आहे. 16 जानेवारी 2024 रोजी घेतलेल्या नमुन्यांच्या विश्लेषण अहवालात हे फेरफार करण्यात आले असल्याचे आरोप आहे. Chandrapur heavy pollution
श्री. बेले यांच्या म्हणण्यानुसार, हे दोन्ही अधिकारी 2023 पासून पदावर आहेत आणि त्यांच्या कार्यकाळात अनेक जल आणि वायू प्रदूषणाच्या नमुन्यांमध्ये फेरफार करण्यात आले आहेत. यामुळे औद्योगिक कंपन्यांना फायदा झाला आहे आणि पर्यावरणाचे नुकसान झाले आहे.
या प्रकरणाची उच्चस्तरीय चौकशी व्हायला हवी आणि दोषी अधिकाऱ्यांवर कठोर कारवाई व्हायला हवी अशी मागणी श्री. बेले यांनी केली आहे.
मुल – महात्मा फुले कृषी विद्यापीठ राहुरी येथे संपन्न झालेल्या ३७ व्या दीक्षांत समारंभात डॉ. अपर्णा मन्मथ ढेले (कासराळे) यांना कृषी विस्तार शिक्षण विभागातील संगमनेरी शेळी वरील “Adoptation Of Management Practices and Utility Perception Of Sangamneri Goat Rearers and Non Discriptive Goat Rearers- A comparitive Study” या प्रबंधासाठी विद्यापीठाचे मा. कुलगुरू श्री.प्रशांतकुमार पाटील यांच्या हस्ते पदवीदान समारंभात आचार्य पदवी (PhD) बहाल करुन सन्मानित करण्यात आले.
आचार्य पदवी प्राप्त करनाऱ्या डॉ.अपर्णा ढेले ( कासराळे) ह्या सध्या चंद्रपूर जिल्ह्यातील मुल तालुक्यातील बँक ऑफ इंडिया बेंबाळ शाखेत कृषी अधिकारी या पदावर असून मुल तालुका कृषी अधिकारी मूल श्री. प्रशांत कासराळे यांच्या त्या सुविद्य पत्नी आहेत. त्यांना लहान पणापासून अभ्यासाचं व्यासंग असून त्यांच्यात जिद्द,चिकाटी, परिश्रम घेण्याची त्यांच्या अंगी गुण असल्याने एका राष्ट्रीयकृत बँकेमध्ये सेवा करीत असतानाही त्यांनी अभ्यासासाठी आपल्या दैनंदिन कामकाजातून वेळ काढून अभ्यास केला आणि आपला प्रबंध विद्यापीठाकडे सादर करुन हे यश प्राप्त केले आहे.
डॉ.अपर्णा ढेले ह्या मुल तालुका कृषी अधिकारी प्रशांत कासराळे यांच्या सुविज्ञ पत्नी असल्याचे सांगण्यात आले. त्यांच्या या यशाबद्दल त्यांच्या प्राध्यापक वृंदामधे, कुटुंबीयासमवेत इतर शुभचिंतक, मित्रपरिवार यांनी त्यांचे अभिनंदन केले आहे.
चंद्रपूर – चंद्रपुरात 2 फेब्रुवारी पासून सांस्कृतिक मंत्रालय व चंद्रपूर मनपाच्या वतीने जाणता राजा महानाट्याला सुरुवात झाली मात्र त्या महानाट्य आधी चंद्रपुरात स्वागत गेट लावण्यावरून नव नाट्य नागरिकांना मुख्य मार्गावर बघायला मिळाले. Janta raja play
2 फेब्रुवारीला दुपारी भाजप व यंग चांदा ब्रिगेड च्या कार्यकर्त्यांमध्ये बाचाबाची बघायला मिळाली. Chandrapur political drama
स्थानीक अपक्ष आमदार किशोर जोरगेवार यांच्या कार्यकर्त्यांनी शासकीय विश्रामगृहाच्या समोर नाटक बघायला येणाऱ्या नागरिकांसाठी भव्य स्वागत गेट उभारले, त्याठिकाणी 2 बाजूने स्वागत गेट उभारण्याची परवानगी आमदार जोरगेवार यांच्या कार्यकर्त्यांना मिळाली होती मात्र त्यावेळी भाजप व आमदार जोरगेवार यांच्या कार्यकर्त्यांमध्ये स्वागत गेट लावण्यावरून नवा वाद सुरू झाला.
दोन्ही गटाच्या बाचाबाची नंतर एकीकडे आमदार जोरगेवार यांचे स्वागत गेट तर दुसऱ्या बाजूला पालकमंत्री मुनगंटीवार यांचे स्वागत गेट लावण्यात आले.
चंद्रपूर – आठवडाभरापूर्वी घडलेल्या शिवा वझरकर या व्यक्तीच्या खुनाच्या आरोपातील आरोपी स्वप्नील काशिकरच्या कार्यालयातून शस्त्र साठा जप्त करण्यात आला आहे. ही मोठी कारवाई स्थानिक गुन्हे शाखेने केली आहे. या घटनेने चंद्रपूर महानगरात खळबळ उडाली आहे. Chandrapur news
25 जानेवारी ला चंद्रपुर शहरातील रामनगर पोलिस स्टेशन हद्दीतील अरविंदनगर परिसरात ७-८ इसमांनी मिळून शिवा वझरकर या इसमाची धारदार शस्त्राने वार करून हत्या केली होती. या घटनेने चंद्रपुर महानगरात एकच खळबळ माजली होती. सदर गुन्ह्याचे गांभिर्य पाहून या घटनेचा तपास गुन्ह्याचा पोलीस अधिक्षकानी स्थानिक गुन्हे शाखेकडे सोपविला होता. स्थानिक गुन्हे शाखेचे पोलिस निरीक्षक महेश कोंडावार यांनी सदर गुन्ह्यातील आरोपींचा शोध घेण्याकरिता वेगवेगळी पथके तयार करून सदर गुन्ह्यातील आठ आरोपीतांना अटक केली. Shiva wazarkar chandrapur
अटकेतील आरोपी हे रेकॉर्डवरील गुन्हेगार असून त्यांचेवर विविध गुन्हे दाखल आहेत. सदर गुन्ह्यात आरोपी हे पोलीस कस्टडी रिमांड मध्ये असून यातील मुख्य आरोपी स्वप्नील काशिकर याचा रेतीचा तसेच ट्रांसपोटींगचा व्यवसाय आहे. यातील मृतक हा यापुर्वी स्वप्नील काशिकर याचे कडेच ठेकेदारीचे काम करायचा. पुढे चालून वर्चस्वाच्या तसेच पैशाच्या व्यवहाराच्या कारणावरून स्वप्नील काशिकार याचे ऑफीसचे समोरील मोकळ्या जागेतच शिवा वाझरकरची हत्या करण्यात आली.
पोलीस कस्टडी रिमांड दरम्यान स्वप्नील काशिकर याचे ऑफीसची झडती घेतली असता त्याचे ऑफीसचे सोफ्यातून एक लोखंडी तलवार, एक एअर गन, ऑफीस टेबलचे खाली एक लोखंडी तलवार, एक स्टीलचे खंजीर असा मोठा शस्त्रसाठा मिळून आला. सदरचा शस्त्रसाठा स्थानिक गुन्हे शाखेने ताब्यात घेण्यात आला. सदर शस्त्रसाठा कुठून आणला याबाबत आरोपीतांकडून सखोल तपास स्थानिक गुन्हे शाखा करीत आहे.
ही कारवाई स्थानिक गुन्हे शाखेचे पोलीस निरीक्षक महेश कोंडावार, यांचे नेतृत्वात सपोनि. जितेंद्र बोबडे, सपोनि. नागेशकुमार चतरकर, सपोनि. किशोर शेरकी, सपोनि. विकास गायकवाड, पोउपनि. विनोद भुरले, पोहवा. सुधिर मत्ते, पोशि. नितीन रायपुरे, मिलींद जांभुळे, प्रमोद कोटनाके, चापोहवा. प्रमोद डंभारे, चापोशि. रूषभ बारसिंगे यांनी केली.
चंद्रपूर – कोल इंडिया की अनुषंगी कंपनी वेस्टर्न कोलफील्ड्स लिमिटेड मे कार्यरत कर्मचारियों द्वारा लिपिक ग्रेड 3 के लिए आवेदन किये थे। उक्त पद के लिए 4 फरवरी को परीक्षा हेतु 28 कर्मचारियों को परीक्षा के दिन कार्यमुक्त करने के आदेश वेकोलि चंद्रपुर क्षेत्र के प्रशासन विभाग द्वारा 29/30 जनवरी को निकाला था ।
जिसमे 29 जनवरी की तारीख प्रिंट और 30 जनवरी की तारीख हाथोंसे लिखा गया है।
आदेश में खास बात यह है कि एक ही दिन एक ही डिस्पैच क्रमांक के दो अलग अलग आदेश निकाले है। जिसमे 27 कर्मचारियों की संख्या वाले आदेश में 28 नंबर दर्शाया गया जिसे गौर से देखने पर यह पता चला कि अनुक्रमांक 7 के बाद 9 दर्शाया गया और एक कर्मचारी का नाम हटाया गया औऱ उस आदेश पर कार्मिक प्रबंधक / प्रशासन द्वारा साइन किया यह आदेश अब सवालो के घेरे में आ चुका है। अधिकारियों को गिनती सीखने की जरूरत होने की चर्चा कर्मचारियों में है
क्योंकि एक ही कार्यालय आदेश की कॉपी दोबारा निकाली गई, खास बात यह है कि वरिष्ठ अधिकारी इतनी बड़ी गलती को नजरअंदाज कैसे कर सकते है।
गुरू गुरनुले
मुल – मकरसंक्रांतीच्या निमित्ताने महिला भारतीय राष्ट्रीय काँग्रेस पार्टी मूल तर्फे हळदी कुंकू आणि स्नेह मिलन मेळावा तालुका कांग्रेस कमिटीच्या कार्यालयात आयोजित करण्यात आला.
सदर मेळाव्याचे उद्घाटन राजमाता आई जिजाऊ, क्रांतीज्योती सावित्रीबाई फुले यांच्या प्रतिमेचे पूजन स्नेह मिलन सोहळ्याचे अध्यक्षा सौ. ममता रावत, प्रमुख मार्गदर्शक सोनाली रत्नावार, माजी जी.प. सदस्या मंगला आत्राम, पल्लवी कन्नमवार, रश्मी गांगरेड्डीवार, सौ. चेतना येनुरकर, चंदा कामडी, माधुरी गुरनुले, यांनी मनोगत व्यक्त करतांना कांग्रेस मजबूत करावे असा सल्ला दिला. तसेच कांग्रेस विचार सरणीच्या महिलांनी एकत्र येऊन संघटन मजबूत करून येत्या निवडणुकीत स्त्रीशक्ती दाखऊन द्यावी असे मनोगत मंगला आत्राम यांनी केल्या.
उपस्थित महिलांना काँग्रेसच्या तालुका पदाधिकाऱ्यांनी हळदी कुंकू लावून भेट वस्तू भेट दिल्या.
यावेळी राष्ट्रीय काँग्रेस पार्टीचे यांनी महिलांना मार्गदर्शन करताना काँग्रेसने सुरु केलेल्या शासनाच्या योजनाच्या माध्यमातुन महिलांचा आर्थिक व सामाजिक विकास साधावा. अडचंणं आल्यास आम्ही आपल्या पाठीशी आहोत असे अभिवचन यावेळी महिलांना दिले. कार्यक्रमाचे आयोजन महिला काँग्रेस पक्षांचे तालुका अध्यक्ष रुपाली संतोषवार, शहर अध्यक्षा नलिनी आडपवार, शामलता बेलसरे, समता बनसोड, राधिका बुक्कावार, यांनी परिश्रम घेतले. संचालन माजी नगर सेविका लीना फुलझेले यांनी केले तर आभार शामलता बेलसरे यांनी मानले. हळदी कुंकुम स्नेह मिलन सोहळ्याला शेकडो महिला उपस्थित होते.
मुल – महाराष्ट्रात सर्वाधिक सकल ओबीसी समाजाची संख्या असताना मंडल आयोगाच्या शिफारसी नुसार ओबीसींना २७ टक्के आरक्षण दिल्या गेले आहेत. त्यावेळी मराठ्यांनी कुठेही स्वतःच्या आरक्षणाबाबत मागणी केलेली नाही. याचे कारणही सबळ आहे.
मराठ्यांची आर्थिक परिस्थिती सक्षम आहे.उन्नत आहे. म्हणून आरक्षणाचा मुद्दा केंद्र व राज्य शासनासमोर पुढे केलेला नाही. आता मात्र ओबीसींना मिळणाऱ्या सवलती घेण्याच्या दृष्टीने ओबिसीमधे आपला समावेश करावा म्हणून जरांगे पाटलांना पुढे करुन आरक्षणासाठी रस्त्यावर उपोषण व आंदोलन सुरु केले. आणि मराठ्यांच्या आंदोलनाला राज्य शासन घाबरून म्हणा किंवा शासन करतेच मराठे असल्याने ओबीसी संवर्गातील समावेश असलेल्या असंख्य जातीचा विचार न करता ओबीसी मधूनच आरक्षण देण्याचे अध्यादेश काढला.
हे न्यायाला धरुन नसून केवळ ओबीसींवर अन्याय करणारे आहे. करीता ओबीसीचे राष्ट्रीय नेते राज्याचे अन्न नागरी पुरवठा मंत्री व अखिल भारतीय समता परिषदेचे संस्थापक अध्यक्ष छगनराव भुजबळ साहेब यांच्या नेतृत्वात शासनाने नुकताच मराठ्यांच्या आरक्षणासाठी काढण्यात आलेला मसूद्याच्या विरोधात संपूर्ण महाराष्ट्रात हरकती नोंद व मसुद्याची होळी करण्यासाठी मुल येथे महात्मा फुले समता परिषदेच्या वतीने जिल्हाध्यक्ष प्रा.विजय लोनबले यांचे नेतृत्वात सकल ओबीसी समाज बांधवांचा मोर्चा काढून काढलेला अध्यादेश त्वरित मागे घ्यावा या मागणीसाठी असंख्य ओबीसी समाज बांधव व महिलांच्या उपस्थितीत तहसीलदार यांना निवेदन देण्यात आले.
निवेदन देताना समता परिषदेचे जिल्हाध्यक्ष प्रा.विजय लोनबले, माजी जी.प. सदस्य प्रा.रामभाऊ महादोरे, तालुका कांग्रेस अध्यक्ष गुरु गुरनुले, राकाचे तालुका अध्यक्ष प्रा. किसान वासाडे, डॉ.पद्माकर लेनगुरे, समता परिषदेच्या कार्याध्यक्ष शशिकला गावतुरे, प्रा.सुधीर नगोषे, ईश्वर लोनबले, राकेश मोहूर्ले, कैलाश चलाख, सीमा लोनबले,अमित राऊत,शमलता बेलसरे,समता बनसोड, यांचेसह समता परिषदेचे समस्त पदाधिकारी, शेकडो महिला युवक ओबीसी बांधव उपस्थित होते.
बल्लारपुर – आम आदमी पार्टीचे शहराध्यक्ष रविभाऊ पुप्पलवार यांचे अधिकाऱ्यांपुढे प्रश्न उपस्थित केला आहे कि, तीन-चार महिन्या पासून बल्लारपूर शहरात घर बांधकामासाठी मुबलक प्रमाणात वाळू मिळत नाही आहे, अनेक नागरिकांच्या घरांचे बांधकाम अर्धवट अवस्थेत दिसून येत आहे. घराचं बांधकाम करणारे मालक आणि बांधकाम कंत्राटदार व मजूर या वाळू पुरवठाच्या समस्येने त्रस्त आहेत.
गावात कायदेशीर वाळू उपलब्ध नसून अवैध वाळू मात्र मुबलक प्रमाणात मुबलक दरात उपलब्ध कशी होत आहे?, असा प्रश्न देखील पुप्पलवार यांच्या माध्यमातून उपस्थित केला जात आहे. शहरात आजकाल एक टाटा एस भरून अवैध वाळू तीन ते चार हजार रुपया दरात विक्री केली जात आहे. बल्लारपूर शहरातील जनते समोर “मरता क्या ना करता” अशी परिस्थिती निर्माण झाली आहे, तरी बल्लारपूर शहरातील तहसीलदार, उपविभागीय अधिकारी, पोलीस प्रशासन आणि संबंधित अधिकारी या गंभीर विषयाकडे दुर्लक्ष करताना दिसत आहेत.
बांधकामासाठी जनतेला कायदेशीर वाळू उपलब्ध करून देण्याची तरतूद कोण करणार याकडे दुर्लक्ष करण्याचे कारण काय? शहरात अवैध वाळू विक्रीला कोण प्रोत्साहन देत आहे? शहरात अवैध वाळू कोठून येत आहे? कोणाद्वारे याचा पुरवठा केला जात आहे , हे अधिकाऱ्यांना माहीत नाही का? आज प्रत्येक सामान्य माणसाच्या मनात हा प्रश्न पडतो आहे. अशाप्रकारे शहरातील तसेच आसपासच्या परिसरातील रेती समस्येबाबत आपचे शहराध्यक्ष रविकुमार पुप्पलवार यांनी प्रश्न उपस्थित केले आहेत.
बल्लारपूर:- बल्लारपूर येथील मंगलमूर्ती लॉन येथे शिवसेना उद्धव बाळासाहेब ठाकरे गटाचे जिल्हा प्रमुख माननीय श्री संदिप भाऊ गिऱ्हे यांचे संकल्पनेतून महिला शिवसेना आघाडी च्या वतीने महिला विधानसभा समन्वयक कल्पना ताई गोरघाटे, नगरसेविका रंजीता ताई बीरे, तालुका अध्यक्ष मीनाक्षी ताई गलघट, शहर अध्यक्ष ज्योती ताई गेहलोत, माजी नगरसेविका सुवर्णाताई मुरकुटे, युवती सेना शहर अध्यक्षा अंजली ताई सोमबंसी,करुणाताई शेगोकार, लावारी उपसरपंच राजुरकर ताई, उप शहर अध्यक्षा वैष्णवी ताई लिचोडे, प्रगती ताई झुल्लारे, ज्योतीताई गुप्ता, व इतर महिला पदाधिकारी तसेच कार्यकर्ते यांच्या माध्यमातून मकर संक्रांतीच्या निमित्ताने महिला मेळावा व हळदी कुंकू समारंभाचे आयोजन करण्यात आले होते. या कार्यक्रमात हजारोच्या संख्येने महिलांनी सहभाग घेतला.
कार्यक्रमात प्रमुख पाहुणे म्हणून जिल्हा प्रमुख संदीप भाऊ गिऱ्हे, उपजिल्हा प्रमुख सिक्की भैय्या यादव, तालुका प्रमुख प्रकाश भाऊ पाठक, युवासेना समन्वयक प्रदीप भाऊ गेडाम, शहर प्रमुख बाबा शाहू ,डॉ. हजारे मॅडम, अधिवक्ता मेघा भाले, मुख्यध्यापिका शमीम मॅडम या कार्यक्रमात प्रमुख पाहुणे म्हणून उपस्थित होते. या प्रसंगी जिजा फाँऊडेशन अध्यक्षा मनस्वी ताई गिऱ्हे यांची प्रमुख उपस्थिती लाभली व त्यांनी आपले मनोगत व्यक्त करत महिलांना सक्षम करण्यासाठी आम्ही नेहमीच पुढाकार घेत असतो , सर्वानी मिळून मिसळून राहणे गरजेचे आहे तसेच आपल्या भागातील महिलांच्या कोणत्याही समस्या असतील तर आम्ही तुमच्या सोबत कायम आहोत असे आश्वासन दिले. या कार्यक्रमात महिला आघाडीच्या वतीने महिलां साठी विविध उपक्रम, विविध स्पर्धा तसेच हळदी कुंकू समारंभाचे आयोजन करण्यात आले व विविध स्पर्धांमध्ये विजयी अनेकांनी यश मिळवले.
या कार्यक्रमात बल्लारपूर शहरातील तसेच ग्रामीण भागातील महिलांनी हजारो च्या संख्येने सहभाग घेतला. या कार्यक्रमामुळे महिलांमध्ये उत्साह निर्माण झाला. कार्यक्रमास मार्गदर्शन करतानी जिल्हा प्रमुख संदीप भाऊ गिऱ्हे व उपजिल्हा प्रमुख सिक्की यादव यांनी सर्व महिला पदाधिकारी तसेत महिलांचा व मंगल मुर्ती लॉन च्या संचालक प्रशांत मेश्राम यांचे आभार प्रकट केले. कार्यक्रमाचे यशस्वीतेसाठी उप शहर प्रमुख आनंद हनमंत्तु , सचिन अंबादे,रामू मेदरवार, शेख युसूफ, प्रभाकर मुरकुटे,दिनेश लिचोडे , बॉबी कादासी, सुरेंद्र संधू,प्रेम गेहलोत,अनिकेत बेलखोडे, सोनु श्रीवास,अबील जोग, सोनू बेनी, सुधीर कालापेल्ली, मल्लेश अण्णा, धर्मा बानोत , तुलसी बानोत, सह शिवसेना उद्धव बाळासाहेब ठाकरे गटाचे महिला पदाधिकारी तसेच कार्यकर्त्यांनी मोलाचे सहकार्य केले.
Shivsena Thackeray Group पोंभुर्णा : शिवसेना पक्षाच्या ध्येय धोरणावर व महाराष्ट्र राज्याचे माजी मुख्यमंत्री उद्धव ठाकरे यांच्या कार्यप्रणालीवर विश्वास ठेवत. शिवसेना चंद्रपूर जिल्हा प्रमुख संदीप गिरहे, युवासेना जिल्हाप्रमुख विक्रांत सहारे यांच्या मार्गदर्शनात व तालुकाप्रमुख आशिष कावटवार यांच्या नेतृत्वात देवाडा बुज येथील असंख्य युवकांनी शिवसेना पक्षात प्रवेश केला.
Shivsena thackeray group पक्षप्रवेश कार्यक्रमात युवासेना जिल्हाप्रमुख विक्रांत सहारे यांनी पक्षाचे ध्येयधोरणे व आज राजकारणात युवकांचा सहभाग अत्यन्त गरजेचे असल्याचे सांगितले.
पोम्भूर्ण तालुका प्रमुख आशिष कावटवार यांनी ज्यापद्धतीने शिवसेना जिल्हाप्रमुख गिर्हे पक्ष वाढीसाठी अहोरात्र मेहनत करीत आहे त्यासारखं आपल्याला सुद्धा शिवसेना पक्ष वाढीसाठी प्रयत्न करायचे असे असे स्पष्ट केले.
आयोजित पक्षप्रवेश कार्यक्रमात असंख्य युवक उपस्थित होते.
आगामी विधानसभा निवडणुकीत बल्लारपूर विधानसभा क्षेत्रातून शिवसेना जिल्हाप्रमुख संदीप गिर्हे राज्याचे वनमंत्री व जिल्ह्याचे पालकमंत्री यांच्या विरोधात लढण्यासाठी निवडणुकीच्या रिंगणात उतरणार आहे, त्यापूर्वी आतापासून संदीप गिर्हे बल्लारपूर विधानसभा क्षेत्रात शिवसैनिकांची फौज तैयार करीत आहे.
सध्या विविध ठिकाणी कार्यकर्त्यांच्या भेटीगाठी संघटना मजबुतीकरण हे काम गिर्हे सातत्याने करीत आहे, विधानसभा, जिल्हा परिषद, नगरपालिका व महानगरपालिका क्षेत्रात शिवसेना आपला भगवा फडकवल्याशिवाय राहणार नाही असा निर्धार शिवसैनिकांनी केला आहे.
बल्लारपूर विधानसभा क्षेत्रातील नागरिकांना हक्काचा नेता मिळावा अशी आशा नागरिकांनी आपल्या मनात ठेवली आहे, त्याकरिता संदीप गिर्हे हे मेहनत करीत कार्यकर्ता व संघटन जोमात वाढवीत आहे.
