Tag: गुन्हेगारी

News34 chandrapur

चंद्रपूर – जिल्ह्यातील राजुरा येथील आसिफाबाद मार्गावरील साईकृपा पेट्रोल पंपावर 6 जानेवारी ला पहाटे 3 वाजता सशस्त्र दरोडा पडला, या मध्ये दरोडेखोरांनी तब्बल 1 लाख 90 हजार रुपये लुटले. मात्र चंद्रपूर स्थानिक गुन्हे शाखेच्या धडाकेबाज तपासात दरोडेखोरांना अवघ्या काही तासात अटक करण्यात आली.

राजुरा तालुक्यात मागील वर्षी पेट्रोल पंपावर दरोड्याचे अनेक प्रयत्न करण्यात आले होते, मात्र नव्या वर्षात 6 जानेवारीला 5 जणांनी चेहऱ्यावर कपडा गुंडाळत राजुरा-आसिफाबाद मार्गावरील साई कृपा पेट्रोल पंपावर धडक दिली, त्याठिकाणी असलेल्या मॅनेजर ला बंदूक व कोयता दाखवीत जीवे मारण्याची धमकी देत त्याच्याजवळून पेट्रोल पंपाचे 1 लाख 90 हजार रुपये लुटत तिथून पोबारा काढला.

घटनेनंतर विरुर पोलीस स्टेशन मध्ये याबाबत तक्रार देण्यात आली, जिल्हा पोलीस अधीक्षक परदेशी यांनी तात्काळ हे प्रकरण चंद्रपूर स्थानिक गुन्हे शाखेकडे वर्ग केले, पोलीस निरीक्षक महेश कोंडावार यांनी घटनेचे गांभीर्य बघत पथक तयार करीत तपास सुरू केला.

पोलीस निरीक्षक कोंडावार यांच्या जलद तपासाने 5 दरोडेखोरांना अटक करण्यात आली, त्यांच्याकडून गुन्ह्यात वापरलेले शस्त्र सुद्धा जप्त करण्यात आले.

नव्या वर्षात स्थानिक गुन्हे शाखेच्या धडाकेबाज तपासाचे पोलीस अधीक्षकांनी सुद्धा कौतुक केले आहे.

News34 chandrapur

चंद्रपूर – चंद्रपूर शहरात मोबाईल हिसकविण्याच्या घटनेत आता दिवसेंदिवस वाढ होत असून कधी चालता बोलता तर कधी वाहनावरून जात असताना मोबाईल हिसकविण्याच्या घटना वाढत आहे, मात्र 10 डिसेंबर ला निवांत बसलेल्या एका व्यक्तीचा मोबाईल हिसकविण्यात आला, या घटनेमुळे चोराने थेट चंद्रपूर पोलिसांना आव्हान केले असे चित्र निर्माण झाले आहे.

चंद्रपूर शहरातील मुख्य बस स्थानक समोरील महसूल भवन च्या खाली राकेश गोविंदवार हे रात्री 8 वाजताच्या सुमारास निवांत बसून मोबाईल वर मॅसेज चेक करीत होते, तितक्यात त्यांच्या मागे चेहऱ्याला दुपट्टा बांधलेला व्यक्ती उभा राहिला आणि संधी मिळताच गोविंदवार यांच्या हातातील मोबाईल हिसकावित तिथून पळ काढला, त्याला पकडण्याचा प्रयत्न झाला मात्र चोरांचा वेग जास्त असल्याने तो कुणाच्या हाती लागला नाही.

हा संपूर्ण घटनाक्रम सीसीटीव्ही मध्ये कैद झाला आहे, जिल्हा न्यायालय, मुख्य बस स्थानक, जिल्हाधिकारी कार्यालय परिसरातील गजबजलेल्या महसूल भवन येथे घडलेला हा प्रकार म्हणजे चोराने थेट पोलिसांना आव्हान दिल्यासारखं आहे, नागरिकांनो आपला मोबाईल आता व्यवस्थित सांभाळून ठेवा अन्यथा हा चोर तुमचा मोबाईल हिसकावीत पळ काढणार.