News34 chandrapur
चंद्रपूर – रक्तदान म्हणजे महादान, या दानाने अनेक नागरिकांचा जीव वाचविण्यात येतो, असेच एक महान कार्य चंद्रपुरातील रक्तमित्र रिंकू कुमरे यांच्या माध्यमातून झाले आहे.
गडचिरोली जिल्ह्यातील चामोर्शी तालुक्यात राहणारी गर्भवती 30 वर्षीय सौ. नविता दुर्गे यांना डिलिव्हरी च्या वेळी रक्ताची गरज भासली मात्र त्यांचा रक्तगट दुर्लभ AB negative असल्याने वेळेवर कुठे मिळाला नाही.
एकाचवेळी 2 जीवांचा प्रश्न डॉक्टरांच्या समक्ष उभा होता, आता पुढे काय करायचं असा विचार सर्वांच्या मनात आला, ही बाब चंद्रपुरातील रक्तमित्र रिंकू कुमरे यांच्या कानी आली, त्यांनी तात्काळ दुर्लभ AB निगेटिव्ह रक्त गट असलेल्या पडोली येथील विपीन कोंगरे यांच्याशी संपर्क साधला, रिंकू यांनी तात्काळ विपीन ला गडचिरोली जिल्हा सामान्य रुग्णालयात पाठविले, आणि रक्तदान करीत विपीन यांनी दोघांचा जीव वाचविला.
रिंकू कुमरे व विपीन कोंगरे यांच्या संवेदनशिलपणाचे सर्वत्र कौतुक होत आहे.