Tag: आम आदमी पार्टी चंद्रपूर

News34 chandrapur

चंद्रपूर: आम आदमी पार्टी महानगरपालिकेच्या शाळे संदर्भात नेहमी प्रश्नचिन्ह उपस्थित करीत आलेली आहे. मागील वर्षी पार्टीच्या आंतरिक सर्वेक्षणात चंद्रपूर शहर महानगरपालिकेच्या डॉ. आंबेडकर शाळा, इंदिरानगर येथील शाळा डॉक्टर राजेंद्र प्रसाद शाळा, लोकमान्य टिळक शाळा या सर्व मनपाच्या शाळा खूप दयनीय अवस्थेत आढळल्या.

या संदर्भात महानगर पालिका आयुक्त यांना तात्काळ कार्यवाही करून शाळेचे पुन:निर्माण करण्यासंदर्भात निवेदन देण्यात आलेली होती. परंतु त्यावरती अजून पर्यंत नीधी उपलब्ध करून कार्यवाही न झाल्यामुळे शाळेतील विद्यार्थी पालकामध्ये तीव्र नाराजी व रोष आहे ते सीसीटीव्ही कॅमेरे, सुरक्षा भिंत, स्वच्छ पिण्याचे पाणी, स्वच्छतागृह इत्यादी वस्तूंचा अभाव असल्याची तक्रार आम आदमी पार्टी कडे वारंवार करीत असतात.

हा विषय वारंवार मांडून सुद्धा प्रशासनाकडून ठोस पावले उचलली जात नसल्यामुळे व जनतेच्या टॅक्स चा पैसा गेट बनविने सौंदर्यीकरन अशा निरूपयोगी कामावर खर्च केल्या जात आहे. आज आम आदमी पार्टी तर्फे जिल्ह्याचे नेते सुनील मुसळे तथा जिल्हाध्यक्ष मयूर राईकवार यांचा मार्गदर्शनात तथा युवा जिल्हाध्यक्ष राजू कुडे यांचा नेतृत्वात पालक विद्यार्थ्यांना सोबत घेऊन पैदल मार्च आंदोलन करण्यात आले.

जर 15 दिवसांत शाळे संदर्भात महत्वाचे पाऊल उचलले गेले नाही तर आम आदमी पार्टी विदयार्थी तथा पालकांना सोबत घेऊन उपोषणाला बसेल अशी माहिती राजु कुडे यांनी दिली.

यावेळेस आपचे नेते सुनील मुसळे, जिल्हाध्यक्ष मयूर राईकवार, युवा जिल्हाध्यक्ष राजु कुडे, शहर अध्यक्ष योगेश गोखरें,जिल्हा संगठन मंत्री शंकर सरदार अरोरा,शहर संगठन मंत्री संतोष बोपचे, सामाजिक कार्यकर्ता मनीष राऊत, सिकंदर सागोरे , सुनिल सदभया,जिल्हा सचिव प्रशांत सिदुरकर,सह सचिव श्रीकांत मुन, ऍड तबसुंम शेख, अनुप तेलतुंबडे, भिमराज बागेसर, सुजित चेटगुलवार,सुनिल भोयर, संगम सागोरे,क्रिश कपूर, स्वाती राऊत, प्रणाली रामटेके, प्रकाश शेंडे, आदित्य साव, विनीत तावाडे, प्रियांशु पोयाम, संजय कुंभारे, किरण राऊत, प्रतिज्ञा राजपाली, कोटांगले, उंदिरावाडे इत्यादी कार्यकर्ते पदाधिकारी आणि पालक वर्ग मोठ्या संख्येने उपस्थित होते.

News34 chandrapur

चंद्रपूर : चंद्रपूर शहरातील अनेक प्रभागांमध्ये महानगरपालिकेची शाळा आहे. त्यापैकी काही शाळा खूप दयनीय अवस्थेत असून आपल्या शेवटच्या घटका मोजत आहेत. अशा या शाळेमध्ये, शाळेचे छत कोसळून केव्हाही अपघात होण्याची शक्यता नाकारता येत नाही. आज आम आदमी पक्षाच्या वतीने चंद्रपूर शहर महानगरपालिकेचे आयुक्त यांना तात्काळ निधी उपलब्ध करून शाळेचे तसेच सार्वजनिक शौचालयाचे बांधकाम तात्काळ सुरू करण्याबाबत एक महिन्याचा अलटीमेटम देण्यात आला.

अशीच शाळा इंदिरानगर प्रभागामधील आम आदमी पक्षाचे युवा शहराध्यक्ष संतोष बोपचे यांनी तर डॉक्टर आंबेडकर नगर प्रभागातील सिद्धार्थ नगर येथील शाळा आणि जूनोना चौक येथील सार्वजनिक शौचालयाचे बांधकाम तात्काळ करणेबाबत आम आदमी पक्षाचे युवा जिल्हाध्यक्ष राजू कुडे यांनी महानगरपालिकेच्या आयुक्तांना एक वर्ष आधीच याबाबत निवेदनातून सुचवून दिल्या होत्या. परंतु त्यावरती कुठल्याही प्रकारचे कार्यवाही न झाल्यामुळे पुन्हा इशारा देण्यात आला.

यावेळी आम आदी पक्षाचे वरिष्ठ नेते सुनिल मुसळे, जिल्हाध्यक्ष मयुर राईकवार, संघटन मंत्री भिवराज सोनी, सहकार आघाडी जिल्हाध्यक्ष मधुकर साखरकर, युवा जिल्हाध्यक्ष राजू कुडे, महानगर अध्यक्ष योगेश गोखरे, महानगर संघटन मंत्री संतोष बोपचे, महानगर महासचिव तबससूम शेख, महानगर सह संघटन मंत्री सिकंदर सागोरे, महानगर ओबीसी आघाडी अध्यक्ष प्रशांत धानोरकर, महानगर कोषाध्यक्ष स्वप्नील घाघरगुंडे, मंगला मुके, सूनील सतभय्या, नागसेन लाभाने इतर पदाधिकारी व कार्यकर्ते उपस्थित होते.

यावेळी बोलताना युवा जिल्हाध्यक्ष राजू कुडे म्हणाले की, “शहरात रहदारीच्या ठिकाणी शौचालय नसणे हे स्वच्छ भारत मिशन ला मोठा धक्का आहे. जूनोना चौक हे शहरातील एक प्रमुख चौक आहे. या चौकात हजारो लोकांची वर्दळ असते. मात्र, या चौकात कोणतेही सार्वजनिक शौचालय नाही. त्यामुळे नागरिकांना त्रास सहन करावा लागतो. यामुळे शहरातील स्वच्छता देखील बिघडते. आम्ही महानगरपालिकेकडून तात्काळ या चौकात सार्वजनिक शौचालय बांधण्याची मागणी करतो.”

यावेळी बोलताना महानगर युवा अध्यक्ष संतोष बोपचे म्हणाले की, “शहरात अनेक महानगरपालिकेची शाळा आहेत. त्यापैकी काही शाळा खूप दयनीय अवस्थेत आहेत. शाळेचे छत कोसळून अपघात होण्याची शक्यता आहे. आम्ही महानगरपालिकेकडून या शाळांचे तात्काळ नूतनीकरण करण्याची मागणी करतो.”
आम आदमी पक्षाच्या या अलिमेटममुळे महानगरपालिकेच्या आयुक्तांना आता या प्रश्नांवर तातडीने कारवाई करावी लागणार आहे, हे विशेष.

News34 chandrapur

चंद्रपूर: चंद्रपूर शहरातील नगीना बाग प्रभागातील स्वावलंबी नगर मधील गुलमोहर कॉलनी परिसरात तीन वर्षांपूर्वी सिमेंट रस्ता बांधण्यात आला होता. मात्र, तीन वर्षांतच या रस्त्याला मोठे मोठे भेगा पडले आहेत. स्थानिक नागरिकांनी याबाबत आम आदमी पक्षाला तक्रार केली. त्यानंतर आम आदमी पक्षाने रस्त्याचा प्रत्यक्ष पाहणी करून त्याचा खुलासा केला आहे.

या रस्त्याला मोठे मोठे भेगा पडल्या आहेत. या भेगांमुळे रस्ता खराब झाला आहे. तसेच, या भेगांमुळे रस्त्यावरून वाहन चालवणे धोकादायक झाले आहे. या रस्त्याला मोठ्या प्रमाणात कमिशन खोरी व भ्रष्टाचार झाल्याचे प्रथमदर्शनी पहिल्यास लक्षात येते.

या प्रभागातील भाजपाचे स्थानिक माजी नगरसेवक व सभापती माजी उपमहापौर राहुल पावडे यांचा मतदारसंघ आहे. या रस्त्याच्या बांधकामासाठी मोठ्या प्रमाणात भ्रष्टाचार झाला असल्याचा आरोप आम आदमी पक्षाने केला आहे.

आम आदमी पक्षाने या रस्त्याला घेऊन आपल्या सोशल मीडियावर व्हिडिओ व्हायरल केला आहे. या व्हिडिओत आम आदमी पक्षाचे जिल्हाध्यक्ष मयूर राईकवार यांनी या रस्त्याला भ्रष्टाचाराचे प्रतीक म्हटले आहे. त्यांनी या रस्त्यासाठी माजी नगरसेवक तथा मनपा इंजिनियर यांना जबाबदार धरले आहे.

या प्रकरणी आम आदमी पक्षाने कारवाई करण्याची मागणी केली आहे. तसेच, या रस्त्याची तातडीने दुरुस्ती करण्याची मागणी केली आहे. या वेळेस आम आदमी पक्षाचे नेते सुनिल मुसळे, जिल्हाध्यक्ष मयूर राईकवार, महानगर अध्यक्ष योगेश गोखारे,चंद्रपूर युवा अध्यक्ष संतोष बोपचे,सह संगठन मंत्री सिकंदर सागोरे,सहसचिव सुधिर पाटील, कोषाध्यक्ष स्वप्नील घागरगुंडे, उपाध्यक्ष सुनिल सदभय्या,जितेंद्र कुमार भाटिया सोबत परिसरातील नागरिक महिला पुरुष मोठ्या संख्येने उपस्थित होते.

News34 chandrapur

चंद्रपूर – शहरातील डॉ. अंबेडकर, इंदिरानगर, भानापेठ, जलनगर, अपेक्षा नगर या प्रभागात अमृत योजनेचे काम अद्याप पूर्ण झालेले नाही. या प्रभागातील नागरिकांना पाण्यासाठी महागडे टँकर आणावे लागत आहेत. यामुळे नागरिकांमध्ये तीव्र नाराजी व्यक्त होत आहे. या पार्श्वभूमीवर आम आदमी पार्टीने महानगरपालिकेला तीन महिन्यात योजनेचे काम पूर्ण करण्याचा अल्टीमेटम दिला आहे. अन्यथा प्रभागातील नागरिकांना घेऊन तीव्र आंदोलन करण्यात येईल, असा इशारा आम आदमी पार्टीने दिला आहे.

आम आदमी पार्टीचे जिल्हाध्यक्ष मयूर राईकवार यांच्या नेतृत्वाखाली आज महानगरपालिकेत निवेदन देण्यात आले. यावेळी युवा जिल्हाध्यक्ष राजू कुडे, महानगर अध्यक्ष योगेश गोखरे, महानगर संघटन मंत्री संतोष बोपचे, महानगर महासचिव तबससूम शेख, महानगर सह संघटन मंत्री सिकंदर सागोरे, महानगर ओबीसी आघाडी अध्यक्ष प्रशांत धानोरकर, महानगर कोषाध्यक्ष स्वप्नील घाघरगुंडे, मंगला मुके, बबन काळे, योगेश्वर काळे, श्याम रहांगडाले, विजू आत्राम, चंद्रसेन पटले, विवेक दापेवार, लीला शेंडे, नागसेन लाभाने इतर पदाधिकारी व कार्यकर्ते उपस्थित होते.

निवेदनात म्हटले आहे की, अमृत योजनेचे काम 2023 च्या ऑक्टोबर महिन्यात पूर्ण होणार असल्याचे सांगण्यात आले होते. परंतु, अद्यापही काम पूर्ण झालेले नाही. यामुळे नागरिकांमध्ये तीव्र नाराजी व्यक्त होत आहे.

निवेदनात मागणी करण्यात आली आहे की, तीन महिन्यात योजनेचे काम पूर्ण करण्यात यावे. ज्या ठिकाणी पाईप लाईन दिलेली आहे अशा सर्व ठिकाणी तात्काळ पाणीपुरवठा सुरळीत करावा. अन्यथा प्रभागातील नागरिकांना घेऊन तीव्र आंदोलन करण्यात येईल.