28 मार्च ला सकाळी 7 वाजता गॅरेज जवळ असणाऱ्या कचऱ्याच्या ढिगाऱ्याला कुणीतरी जाळले ती आग हळूहळू वाढत हिंदुस्थान मोटर्स पर्यंत पोहचली, आणि त्या आगीत संपूर्ण गॅरेज जळून खाक झाले. Fire at Hindustan Motors
सदर गॅरेज हे शब्बीर अहमद यांचे असून त्यांनी सांगितले की सकाळी मला काही नागरिकांचा कॉल आला होता त्यांनी सांगितले की तुमच्या दुकानात आग लागली आहे, जोपर्यंत मी पोहचलो तो पर्यंत संपूर्ण दुकान जळून खाक झाले होते. दुकानात बॅटरी, व दुचाकीने नवीन सामान दोन दिवसांपूर्वी आणले होते ते सर्व जळाले, या आगीत 7 ते 8 लाखांचे नुकसान झाल्याचा अंदाज आहे. Fire at Hindustan Motors
Chandrapur Loksabha 2024 चंद्रपूर लोकसभा मतदार संघाकरिता नामनिर्देशनपत्र दाखल करण्याच्या शेवटच्या दिवशी बुधवारी (27 मार्च) 29 उमेदवारांनी 37 नामनिर्देशनपत्र दाखल केले. त्यामुळे चंद्रपूर लोकसभा मतदारसंघात अर्ज भरणा-या एकूण उमेदवारांची संख्या 36 तर दाखल नामनिर्देशनपत्रांची एकूण संख्या 48 झाली आहे.
Mahavikas Aghadi Chandrapur जातीच्या भरवश्यावर, अश्रू ढाळून मते मिळत नाही, जर तुम्ही सहानुभूती बघत मतदान केले तर पुढील 5 वर्षे आपण रडत बसणार असे सुधीर मुनगंटीवार म्हणाले होते. मी त्यांना सांगू इच्छिते अश्रूना पुढे करून मी मते मागणार नाही. मी रडणारी नाही, लढणारी वाघीण आहे. बाळू भाऊंच्या जाण्याने चंद्रपूर लोकसभा मतदार संघ पोरका झाला होता.
माझ्यावर, माझ्या कुटूंबावर दुःखाचा डोंगर कोसळला होता. दुःख बाजूला सारून मतदार संघ मी पिंजून काढला. अश्यात एखाद्यावेळी डोळे दाटून आले तर त्याचे ही तुम्ही भांडवल करता. तुम्ही केलेल्या वक्तव्यातून तुमची असंवेदनशीलता दिसली. एका विधवेच्या अश्रूचा तुम्ही अनादर केला. इथे बसलेल्या माझ्या माया, बहीणी तुम्हाला माफ करणार नाहीत, अशी गर्जना महाविकास आघाडीच्या उमेदवार प्रतिभाताई धानोरकर यांनी केली. Mahavikas Aghadi Chandrapur
आज चंद्रपुरात झालेल्या निर्धार सभेत त्या बोलत होत्या. पुढे प्रतिभाताई धानोरकर म्हणाल्यात, अनिच्छेने एखाद्या नवरदेवाला लग्नाच्या मंडपात बसल्यावर ते लग्न टिकत नाही आणि संसार मोडतो, अशा नवरदेवासारखी केविलवाणी परिस्थिती सुधीर मुनगंटीवार यांची झाली आहे. ही लढाई हुकूमशाही विरोधात लोकशाहीची आहे. डॉ. बाबासाहेब आंबेडकर यांचे संविधान बदलू पाहणाऱ्या हुकूमशाही प्रवृत्तीला त्यांची जागा दाखवून द्यायची आहे. Mahavikas Aghadi Chandrapur
निर्धार सभेपूर्वी इंडिया आघाडीच्या वतीने जोरदार शक्तिप्रदर्शन करण्यात आले, चंद्रपुरात पहिल्यांदाच हजारोंच्या संख्येत एका उमेदवाराने भव्य रॅली काढली, सदर शक्तिप्रदर्शन रॅली ही दीड किलोमीटर इतकी मोठी होती, रॅली नंतर निर्धार सभेचे आयोजन करण्यात आले होते, या सभेत इंडिया आघाडीच्या उमेदवार प्रतिभा धानोरकर यांनी सुधीर मुनगंटीवार यांचा समाचार घेत आज शहरात कार्यकर्त्यांची त्सुनामी बघून मुनगंटीवार यांना रात्रभर झोप लागणार नाही अशी टीका त्यांनी यावेळी केली. Mahavikas Aghadi Chandrapur
चंद्रपूर, यवतमाळ जिल्हातून महाविकास आघाडीतील सर्वच पक्षांचे मोठ्या प्रमाणात कार्यकर्ते आणि समर्थक या सभेला आणि मिरवणुकीला हजर होते. रखरखीत उन्हात झालेल्या जाहीर सभा झाली. या सभेचे अध्यक्ष आमदार तथा जिल्हाध्यक्ष सुभाष धोटे होते. मंचावर उपस्थित माजीमंत्री शिवाजीराव मोघे, आमदार सुधाकर अडबाले, आमदार अभिजित वंजारी, ओबीसी नेते डॉ. बबनराव तायवडे, माजी आमदार वामनराव कासावर, माजी आमदार विश्वास नांदेकर, माजी आमदार देवराव भांडेकर, राजेंद्र वैद्य जिल्हाध्यक्ष (शरदचंद्र पवार गट), संदीप गिऱ्हे, शिवसेना जिल्हाध्यक्ष (उबाठा), सुनील मुसळे आम आदमी पार्टी (वरिष्ठ नेते), दिलीप चौधरी, अध्यक्ष (संभाजी ब्रिगेड), सोहेल शेख जिल्हाध्यक्ष (समाजवादी पार्टी ), प्रकाश रेड्डी (भारतीय कम्युनिस्ट पक्ष), रमेशचंद्र दहिवडे जिल्हा सचिव (भारतीय कम्युनिस्ट पक्ष), देवानंद पवार माजी सरचिटणीस (महाराष्ट्र प्रदेश काँग्रेस) यांची उपस्थिती होती. Mahavikas Aghadi Chandrapur
भावनिक आणि जातीय प्रचार करण्याचा विरोधकांनी जो प्रयत्न चालवला, त्याला यावेळी प्रतिभाताई धानोरकर यांनी सडेतोड उत्तर दिले. आता रडायचे नाही, तर लढायचे, असा निर्धार त्यांनी यावेळी व्यक्त केला.
Vanchit bahujan aghadi 27 मार्च लोकसभा उमेदवारी अर्ज दाखल करण्याची शेवटची तारीख असून आज वंचित बहुजन आघाडीचे उमेदवार राजेश बेले यांनी शक्तिप्रदर्शन करीत आपला उमेदवारी अर्ज दाखल केला. Vanchit bahujan aghadi
गांधी चौकातून निघालेली ही रॅली जिल्हाधिकारी कार्यालय पर्यंत पोहचली, यावेळी वंचित बहुजन आघाडीचे कार्यकर्ते, तेली समाजातील असंख्य कार्यकर्त्यांनी सदर रॅलीत आपली उपस्थिती दर्शविली. Vanchit bahujan aghadi
वंचित चे उमेदवार बेले यांनी यावेळी प्रतिक्रिया दिली की लोकसभा क्षेत्रातील विविध समाजाचा मला पाठिंबा आहे, भाजप व कांग्रेस पक्षाला जनता त्रासली आहे, बाळासाहेब आंबेडकर यांनी माझ्यावर विश्वास टाकत मला उमेदवारी दिली, चंद्रपूर लोकसभा क्षेत्रात वंचित आघाडीचा उमेदवार म्हणून माझा विजय निश्चित आहे.
Congress Pratibha Dhanorkar 26 मार्चला साधेपणाने उमेदवारी अर्ज दाखल केल्यावर इंडिया आघाडीच्या उमेदवार प्रतिभा धानोरकर आज 27 मार्चला शक्तिप्रदर्शन करणार आहे.
तत्पूर्वी आमदार धानोरकर यांनी सुधीर मुनगंटीवार यांच्या टिकेवर उत्तर दिले, सहानुभूती व अश्रू बघून मतदान केल्यास पुढील 5 वर्षे तुमच्या डोळ्यात अश्रूच येणार अशी टीका नाव न घेता महायुतीचे उमेदवार सुधीर मुनगंटीवार यांनी धानोरकर यांच्यावर केली होती. Congress Pratibha Dhanorkar
Congress Pratibha Dhanorkar 27 मार्च ला दुपारी 12 वाजता माध्यमांना प्रतिक्रिया देत असताना आमदार धानोरकर यांनी मुनगंटीवार यांच्या टिकेवर उत्तर देणे टाळले, शक्तिप्रदर्शन नंतर इंडिया आघाडीच्या वतीने निर्धार सभेचे आयोजन करण्यात आले असून त्या सभेत आमदार धानोरकर हे मुनगंटीवार यांच्या टिकेवर उत्तर देणार अशी शक्यता आहे.
Paid News in Chandrapur मोबदला म्हणून रोख स्वरुपात किंवा वस्तु स्वरुपात किंमत देऊन कोणत्याही प्रसार माध्यमात (मुद्रण व इलेक्ट्रॉनिक) प्रसिध्द होणारी कोणतीही बातमी किंवा विश्लेषण’ अशी प्रेस कौन्सिल ऑफ इंडियाने पेडन्यूजची व्याख्या केली आहे. सदर व्याख्या भारत निवडणूक आयोगाने सर्वसाधारणपणे स्वीकारली असून निवडणूक कालावधीत जिल्ह्यात प्रसारीत होणा-या पेडन्यूज वर माध्यम प्रमाणीकरण व सनियंत्रण समितीच्या (एम.सी.एम.सी.) माध्यमातून लक्ष राहणार आहे.
निवडणूक कालावधीत माध्यमात प्रसारित होणारी वृत्त ही उमेदवाराच्या बाजूने काही मोबदला घेऊन प्रसारित करण्यात येत असतील, अशी शंका समितीला आल्यास अथवा तशी समितीकडे कोणी तक्रार केल्यास त्या वृत्तासंबंधी संबंधित उमेदवाराला नोटिसीव्दारे एम.सी.एम.सी समिती खुलाशाची विचारणा करू शकते. जर समितीला संबंधितांचा खुलासा मान्य झाल्यास त्यावर कोणतीही कारवाई करण्यात येत नाही. मात्र समितीला त्याबाबत खुलासा मान्य न झाल्यास संबंधित वृत्त हे पेड न्यूज आहे, असे गृहीत धरून तो खर्च उमेदवाराच्या खर्चात समाविष्ट केला जातो. Paid News in Chandrapur
जिल्हास्तरीय समितीचा निर्णय उमदेवारास मान्य नसल्यास जिल्हास्तरीय समितीला माहिती देवून राज्यस्तरीय समितीकडे 48 तासाच्या आत अपील करता येते. राज्यस्तरीय समिती 96 तासाच्या आत तक्रारीचा निपटारा करून तसा निर्णय उमेदवार आणि जिल्हास्तरीय समितीला कळवितात. या निर्णयाविरूध्द उमेदवार आदेश मिळाल्यानंतर 48 तसांच्या आत भारत निवडणूक आयोगाकडे अपील करू शकतो. आयोगाचा निर्णय अंतिम असतो. Paid News in Chandrapur
संशयीत पेडन्यूजची उदाहरणे : प्रेस कौन्सिल ऑफ इंडीयाने संशयित पेडन्यूजसंदर्भात काही उदाहरणे दिली आहेत. यात 1. साधारण एकाचवेळी निरनिराळ्या लेखकांच्या बायलाईन नमुद करून स्पर्धा असलेल्या प्रकाशनामध्ये छापून येणारे छायाचित्र व ठळक मथळे दिलेले समान लेख. 2. निवडणूक जिंकण्याची शक्यता असल्याचा दावा करणा-या उमेदवारांची स्तुती करणारे लेख. 3. उमेदवाराला समाजाच्या प्रत्येक समुहाचा पाठिंबा मिळत आहे व तो मतदारसंघातील निवडणूक जिंकेल, असे नमुद करणारे वृत्त. 4. उमेदवाराला वारंवार अनुकूल असणारे वृत्त प्रकाशित करणे. 5. प्रत्येक वाक्य पक्षाच्या उमेदवाराच्या बाजुने लिहून एखादा पक्ष / उमेदवार याच्याकडून केल्या गेलेल्या कार्याने दुसरा पक्ष / उमेदवार यांचे निवडणूकविषयक भवितव्य संपुष्टात येत असल्याचा दावा करणारे वृत्त. Paid News in Chandrapur
समाज माध्यमांवरही लक्ष : उमेदवार अथवा नोंदणीकृत पक्षांनी आपल्या प्रचारासाठी कोणत्याही माध्यम प्रकारांचा उपयोग करण्यात काहीच गैर नाही. मात्र, हे करत असताना या माध्यमांव्दारे प्रसारित करण्यात येणाऱ्या मजकूराचे प्रमाणीकरण होणे आवश्यक आहे. या जाहिरात मजकूराच्या माध्यमातून कोणाचेही चारित्र्य हनन होऊ नये, समाजा-समाजात तेढ निर्माण होऊ नये, नैतिकता, सभ्यता यांचा भंग होऊ नये, शत्रूत्व-तिरस्काराची भावना निर्माण होऊ नये, याची काळजी घेणे आवश्यक आहे. आदर्श आचारसंहितेमध्ये या सर्व बाबींचा समावेश आहे. Paid News in Chandrapur
समाज माध्यमांवर लक्ष ठेवण्यासाठी जिल्हा पोलिस अधिक्षक कार्यालयातील सायबर कक्ष 24 बाय 7 कार्यान्वित असून सोशल मिडीयावरील तक्रारीकरीता 8888511911 हा क्रमांक उपलब्ध करून देण्यात आला आहे.
Lok Sabha Elections, 7 Candidates Filled Application चंद्रपूर : 13 – चंद्रपूर लोकसभा मतदारसंघाच्या निवडणुकीसाठी 26 मार्च 2024 रोजी 7 उमेदवारांनी 11 नामनिर्देशन पत्र दाखल केले.
मंगळवार, दि. 26 मार्च रोजी विनोद कवडूची खोब्रागडे (अपक्ष), अशोक राणाजी राठोड (जय विदर्भ पाटी), अवचित श्यामराव सयाम (जनसेवा गोंडवाना पाटी), मधूकर विठ्ठल निस्ताने यांनी 2 अर्ज (प्राऊटिस्ट ब्लॉक इंडिया), धानोरकर प्रतिभा सुरेश (भारतीय राष्ट्रीय काँग्रेस), मुनगंटीवार सुधीर सच्चिदानंद यांनी 4 अर्ज (भारतीय जनता पार्टी) आणि अतुल अशोक मुनगीनवार (अपक्ष) यांनी उमेदवारी अर्ज दाखल केले.
Lok Sabha Elections, 7 Candidates Filled Application महायुतीचे उमेदवार सुधीर मुनगंटीवार यांनी शक्तिप्रदर्शन करीत लोकसभा क्षेत्रातील दिग्गज नेत्यांच्या उपस्थित उमेदवारी अर्ज दाखल केला. तर इंडिया आघाडीच्या उमेदवार प्रतिभा धानोरकर यांनी उमेदवारी अर्ज साध्यापणाने दाखल केला तर 27 मार्चला शक्तिप्रदर्शन करीत पुन्हा उमेदवारी अर्ज दाखल करणार आहे.
Lok Sabha Elections, 7 Candidates Filled Application मंगळवारी 16 इच्छूकांनी अर्जाची उचल केली आहे. नामनिर्देशनपत्रे दाखल करण्याचा उद्या बुधवार शेवटचा दिवस आहे. उद्या सकाळी 11 ते 3 वाजेपर्यंत नामनिर्देशनपत्रे सादर करता येतील. 28 मार्च रोजी नामनिर्देशनपत्रांची छानणी करण्यात येणार आहे. 30 मार्च ही उमेदवारी अर्ज मागे घेण्याची शेवटची तारीख आहे. 19 एप्रिल रोजी मतदान होणार आहे.
Chandrapur Lok Sabha candidate’s show of strength चंद्रपूर लोकसभेचे महायुतीचे उमेदवार सुधीर मुनगंटीवार यांनी 26 मार्चला भव्य शक्तिप्रदर्शन करीत आपला उमेदवारी अर्ज दाखल केला, तर दुसरीकडे इंडिया आघाडीच्या उमेदवार प्रतिभा धानोरकर यांनी आपला उमेदवारी अर्ज अगदी साध्यापणाने दाखल केला, 27 मार्च ला प्रतिभा धानोरकर ह्या शक्तिप्रदर्शन करणार आहे.
सुधीर मुनगंटीवार यांच्या उमेदवारी अर्ज रॅलीत हजारो नागरिकांनी आपली उपस्थिती दर्शविली.
जात-पात धर्माचा विचार न करता संपूर्ण चंद्रपूर जिल्ह्याच्या चौफेर विकासासाठी मी काम केले आहे. आताही गोरगरीबांच्या कल्याणाचे ध्येय ठेवूनच मी निवडणूक लढविणार आहे. अशा स्थितीत कुठल्याही जातीय आमिषांना किंवा भावनिक आवाहनांना बळी न पडता आपल्या मनाचे ऐका. आपल्याला पुढील पाच वर्षे दुःखात घालवायची आहेत की आनंदात, याचा विचार करा, असे आवाहन करीत ना. श्री. सुधीर मुनगंटीवार यांनी ‘देशाच्या विकासासाठी असलेल्या या निवडणुकीत मी तुमचा उमेदवार म्हणून उभा नाही तर तुम्हीच सारे उमेदवार आहात,’ या शब्दांत जनतेच्या हृदयाला स्पर्श केला.
भाजपा, शिवसेना, राष्ट्रवादी काँग्रेस आणि मित्र पक्षाचे अधिकृत उमेदवार ना. सुधीर मुनगंटीवार यांनी मंगळवारी, 26 मार्च 2024 रोजी जिल्हाधिकारी कार्यालय, चंद्रपूर येथे निवडणुकीचा उमेदवारी अर्ज दाखल केला. यावेळी माजी केंद्रीय गृहराज्यमंत्री श्री हंसराज अहिर, आमदार संजीव रेड्डी बोदकुरवार, आमदार डॉ. संदीप धुर्वे, सौ. सपनाताई मुनगंटीवार, राजेंद्र गांधी, पनवेलचे आमदार प्रशांत ठाकूर, उरणचे आमदार महेश बालदी, यांच्यासह महायुतीतील व घटक पक्षातील सर्व प्रमुख पदाधिकारी उपस्थित होते. Chandrapur Lok Sabha candidate’s show of strength
शक्तिप्रदर्शन करीत उमेदवारी अर्ज दाखल
हजारोंच्या संख्‍येने कार्यकर्ते उपस्थित होते. ‘सुधीर भाऊ आगे बढो, हम तुम्‍हारे साथ हैं’, ‘अब की बार 400 पार’ अशा घोषणांनी संपूर्ण परिसर दुमदुमून गेला. सुधीर मुनगंटीवार म्हणाले, देशगौरव मा. पंतप्रधान श्री. नरेंद्रजी मोदी यांनी विश्वास दाखवत चंद्रपूर-वणी-आर्णी लोकसभा मतदारसंघाची निवडणूक लढण्याची संधी दिली. आज निवडणुकीसाठी उमेदवारी अर्ज दाखल करण्यापूर्वी ‘आशीर्वाद यात्रेत’ हजारों लोकांचा आशीर्वाद प्राप्त केला. यावेळी राज्याचे उपमुख्यमंत्री मा.ना. श्री. देवेंद्रजी फडणवीस आणि भाजपा प्रदेशाध्यक्ष मा. श्री. चंद्रशेखरजी बावनकुळे, आमदार, माजी आमदारांसह शिवसेना राष्ट्रवादी काँग्रेस पक्षातील आणि मित्र पक्षातील सर्व पदाधिकारी यांनी उपस्थित राहून मला शुभेच्छा दिल्या. Chandrapur Lok Sabha candidate’s show of strength
तुलना करायचीच असेल तर विकासाची, प्रगतीची करा. मी आजपर्यंत दिलेला प्रत्येक शब्‍द पूर्ण केला आहे. मी जर निवडून आलो तर नवकल्‍पनांच्‍या माध्यमातून वार्ड, प्रभाग, गाव, शहर यांच्या विकासासाठी पूर्ण शक्तिनिशी प्रयत्न करील. तुमचा आशीर्वाद मला भारताला भूकमुक्‍त, आतंकमुक्‍त, विकासयुक्‍त तसेच भारताच्‍या गौरव वाढविण्‍यासाठी पाहिजे आहे, असे ना. मुनगंटीवार म्हणाले.
Chandrapur Lok Sabha election on the issue of development चंद्रपूर लोकसभेसाठी महायुतीकडून भाजपचे सुधीर मुनगंटीवार हे आज 26 मार्चला आपला उमेदवारी अर्ज दाखल करणार आहे..त्या अगोदर त्यांनी आपल्या निवास स्थानाजवळील ‘कन्यका माता’ मंदिरात दुपारी 12 वाजता दर्शन घेत माध्यमांना आपली प्रतिक्रया दिली आहे.
मुनगंटीवार म्हणाले की ही निवडणुक विकासाच्या मुद्द्यावर होणार आहे, पंतप्रधान नरेंद्र मोदी यांनी मला निवडणूक लढण्याचा आग्रह केला, त्यामुळे आज मी लोकसभेच्या मैदानात आहे, जात बघून मत देऊ नका विकास बघून मतदान करा. Chandrapur Lok Sabha election on the issue of development
जर विरोधी उमेदवाराने विकासाचा पहाड उभा केला असेल तर माझं काही चालणार नाही, दिवंगत खासदार बाळू धानोरकर 4 वर्षे खासदार होते, प्रतिभा धानोरकर सुद्धा 4 वर्षांपासून आमदार आहे, त्यांनी काय विकास केला हे त्यांनी जनतेला सांगावे, असा टोला नाव घेता मुनगंटीवार यांनी लगावला. Chandrapur Lok Sabha election on the issue of development
माझ्या लोकसभा क्षेत्रातील दिन दलित दुर्बल पिडीत नागरिकांना मुख्य प्रवाहात आणायचे आहे त्यासाठी मी केंद्राच्या योजना आणण्यासाठी नक्कीच प्रयत्न करणार.
Vanchit Bahujan Aghadi candidate Rajesh Bele चंद्रपूर लोकसभा क्षेत्राच्या निवडणुकीची चुरस हळूहळू वाढत असून 27 मार्चला उमेदवारी अर्ज दाखल करण्याचा शेवटच्या दिवशी वंचित बहुजन आघाडीचे उमेदवार राजेश बेले हे उमेदवारी अर्ज दाखल करणार आहे.
19 एप्रिल रोजी होणाऱ्या लोकसभा निवडणुकीत किती उमेदवार मैदानात असणार हे 31 मार्चनंतर कळणार आहे.
चंद्रपुरातील वंचित बहुजन आघाडीचे उमेदवार राजेश बेले हे अनेक वर्षांपासून सामाजिक क्षेत्रात कार्यरत आहे. Vanchit Bahujan Aghadi candidate Rajesh Bele
जिल्ह्यात वाढत्या प्रदूषणावर त्यांनी आपला आवाज नेहमी बुलंद केला आहे, तेली समाजातील राजेश बेले याना समाजाचा वाढता पाठिंबा आहे. Vanchit Bahujan Aghadi candidate Rajesh Bele
2019 मध्ये झालेल्या लोकसभा निवडणुकीत वंचितचे उमेदवार राजेंद्र महाडोळे यांनी 1 लाखांच्या वर मते घेत चांगलीच टक्कर दिली होती.
27 मार्चला वंचित बहुजन आघाडीच्या दिग्गज नेत्यांच्या व असंख्य नागरिकांच्या उपस्थितीत राजेश बेले उमेदवारी अर्ज दाखल करणार आहे..
