My Blog

Author: Admin

  • Crime capital chandrapur : साहेब चंद्रपुरात गुन्हेगारीचा हैदोस वाढतोयं, लक्ष द्या – खासदार प्रतिभा धानोरकर

    Crime capital chandrapur : साहेब चंद्रपुरात गुन्हेगारीचा हैदोस वाढतोयं, लक्ष द्या – खासदार प्रतिभा धानोरकर

    Crime capital chandrapur चंद्रपूर जिल्हा हा शांतता प्रिय जिल्हा म्हणून ओळखला जातो परंतु अलिकडे गुन्हेगारीच्या घटनांमध्ये मोठ्या प्रमाणात वाढ होत चालली आहे. या वाढत्या गुन्हेगारी बद्दल चिंता व्यक्त करीत खासदार प्रतिभा धानोरकर यांनी उपमुख्यमंत्री तथा गृह मंत्री देवेंद्रजी फडणवीस यांना पत्र लिहून गुन्हेगारीवर आळा घालण्याची मागणी केली आहे.

    चंद्रपूर शहर तसेच जिल्ह्यात अलिकडे मोठ्या प्रमाणात गुन्हेगारी वाढत चालल्याचे चित्र निर्माण झाले आहे. चंद्रपूर शहरातील रघुवंशी कॉम्प्लेक्स येथे मनसे च्या पदाधिकाऱ्यावर गोळ्या घालुन जखमी केल्याची घटना ताजी असतांनाच बल्लारपूर येथे जुन्या वैमनस्यातून गोळीबार करुन पेट्रोल बॉम्ब फेकत व्यापाऱ्यावर भ्याड हल्ल्यात एक जखमी झाला.

     

    Crime capital chandrapur या एकदिवसाआधीच वडील आणि मुलाने मिळून शेजाऱ्याची निघृन हत्या केली. मागील एका वर्षात गुन्हेगारीचे अनेक प्रकरण समोर येत आहे. या सर्व बाबींवर खासदार प्रतिभा धानोरकर यांनी चिंता व्यक्त केली. त्यांसदर्भात उपमुख्यमंत्री तथा गृह मंत्री देवेंद्रजी फडणवीस यांना पत्र लिहून गुन्हेगारीवर तात्काळ आढा घालण्याची मागणी केली आहे.

    महत्त्वाचे : दहावी पास विद्यार्थ्यांना मिळणार मोफत टॅब

    चंद्रपूर जिल्ह्यात सतत होणाऱ्या घटनांवर आळा न घातल्यास भविष्यात गुन्हेगारीचा उद्रेक निर्माण होऊन कायदा व सुव्यवस्थेचा प्रश्न निर्माण होण्याची भिती खासदार धानोरकर यांनी व्यक्ती केली. यासंदर्भात उपमुख्यमंत्री देवेंद्र फडणवीस यांची भेट घेऊन या विषयासंदर्भात चर्चा करणार असल्याचे देखील सांगितले.

    अवश्य वाचा : चंद्रपूर नंतर बल्लारपूर शहरात गोळीबार

    Crime capital chandrapur वर्ष 2024 मध्ये हत्येच्या अनेक घटना घडल्या, सतत घडणाऱ्या या घटनेमुळे चंद्रपूर जिल्हा चांगलाच हादरून गेला आहे. सध्या तर या वाढत असलेल्या गुन्हेगारीवर पोलिसांचे नियंत्रण राहिलेलं नाही असं चित्र निर्माण झालं आहे.

  • Ballarpur Shootout : बल्लारपूर शहरात गोळीबार

    Ballarpur Shootout : बल्लारपूर शहरात गोळीबार

    Ballarpur shootout 4 जुलै ला चंद्रपुरातील रघुवंशी कॉम्प्लेक्स येथे मनसे कामगार सेना जिल्हाध्यक्ष अमन अंदेवार यांच्यावर भरदिवसा गोळीबार करण्यात आला होता, त्यानंतर 3 दिवसांनी पुन्हा बल्लारपूर येथे गोळीबाराची घटना घडली असून यामध्ये एक जखमी झाला आहे. चंद्रपूर जिल्ह्यात 3 दिवसात दुसऱ्यादा गोळीबाराची घटना घडली आहे.

     

    बल्लारपूर शहरातील बस स्थानक परिसरात मालू कापड दुकानासमोर अज्ञात युवकाने गोळी झाडली, त्या युवकाने लागोपाठ दोन गोळ्या झाडल्याने एक गोळी दुकानात काम करणाऱ्या नोकरांच्या पायाला लागली आहे.

    अवश्य वाचा : चंद्रपुरात भरदिवसा गोळीबार

    Ballarpur shootout काही दिवसांपूर्वी कापड दुकान मालक यांना लुटण्याचा प्रयत्न झाला होता, त्यानंतर आता गोळीबाराची घटना घडली आहे, विशेष म्हणजे चंद्रपूर जिल्ह्यातील गोळीबाराच्या घटनेची सुरुवात बल्लारपूर शहरातून झाली होती.

    महत्त्वाचे : चंद्रपूर शहरातून 14 वर्षीय मुलगा बेपत्ता

    गुन्हेगारी जिल्ह्यात सतत वाढत आहे, जिल्ह्याची वाटचाल आता क्राईम कॅपिटल कडे होत आहे, जिल्ह्यात अवैध शस्त्रे येतात कुठून याचा पोलिसांना थांगपत्ता नसतो काय? असे प्रश्न उपस्थित होत आहे.

    या घटनेनंतर बल्लारपूर पोलिसांवर व्यापाऱ्यांचा चांगलाच रोष वाढला असून याबाबत व्यापारी पोलीस अधीक्षक यांच्याकडे तक्रार करणार आहे अशी माहिती पुढे आली आहे.

    चंद्रपूर पोलीस यांनी वाढत असलेल्या गुन्हेगारीवर अंकुश लावण्यासाठी कठोर पाऊले उचलण्याची गरज आहे.

  • Mahajyoti Yojana 2024 : दहावी पास विद्यार्थ्यांना मिळणार मोफत टॅब

    Mahajyoti Yojana 2024 : दहावी पास विद्यार्थ्यांना मिळणार मोफत टॅब

    Mahajyoti Yojana 2024 महाराष्ट्र राज्यातील इतर मागासवर्गीय भटक्या जाती विमुक्त जमाती तसेच विशेष मागासवर्गीय विद्यार्थ्यांकडून MHT- CET/JEE/NEET-2026 करिता पूर्व प्रशिक्षण या योजनेअंतर्गत अर्ज मागविण्यात येत आहेत. महाजोतीमार्फत MHT-CET/JEE/NEET परीक्षा पूर्व प्रशिक्षण ऑनलाईन पद्धतीने देण्यात येते. तसेच ऑनलाईन प्रशिक्षणासाठी महा ज्योती तर्फे विद्यार्थ्यांना मोफत Mahajyoti Tab व 6GB/Day इंटरनेट डाटा पुरविण्यात येते.

    या योजनेबाबत पात्रता काय, अर्ज कसा भरायचा, अर्ज, नोंदणी झाल्यावर अर्जाचा लाभ कसा मिळणार, याबाबत आपण अधिक माहिती जाणून घेऊया.

    अवश्य वाचा : ब्रिटिशकालीन कायदे इतिहासजमा

    योजनेच्या लाभासाठी पात्रता खालील प्रमाणे (अ) :

     

    ➡️ उमेदवार हा महाराष्ट्राचा रहिवासी असावा/असावी

    ➡️उमेदवार हा इतर मागासवर्गीय किंवा विमुक्त जाती भटक्या जमाती किंवा विशेष मागास प्रवर्ग यापैकी असावा/असावी

    ➡️ उमेदवार हा नॉन क्रिमिलियर उत्पन्न गटातील असावा/असावी

    ➡️जे विद्यार्थी सन 2024 मध्ये दहावीची परीक्षा पास झालेले आहेत ते विद्यार्थी अर्ज करण्यास पात्र असून त्या विद्यार्थ्यांनी अर्ज करताना अकरावी विज्ञान शाखेचे प्रवेश पत्र म्हणजेच बोनाफाईड सर्टिफिकेट व दहावीची गुणपत्रिका म्हणजेच दहावीचे मार्कशीट जोडावे.

    ➡️ विद्यार्थी हा विज्ञान शाखेत प्रवेश घेणारा असावा. ज्या बाबतची कागदपत्रे त्याने भविष्यात सूचनानुसार अपलोड करणे आवश्यक आहे.  वी च्या परीक्षेत प्राप्त टक्केवारी तसेच सामाजिक प्रवर्ग व समांतर

    ➡️ विद्यार्थ्यांची निवड ही त्यांना 10 आरक्षणानुसार करण्यात येईल.

     ➡️ इयत्ता 10 वी मध्ये शहरी भागातील विद्यार्थ्यांनाकरीता 70% किंवा या पेक्षा जास्त गुण असणे आवश्यकआहे. तसेच ग्रामीण भागातील विद्यार्थ्यांकरिता 60% किंवा यापेक्षा जास्त गुण असणे आवश्यक आहे. 

    ➡️ विद्यार्थी शहरी किंवा ग्रामीण भागातील आहे हे विद्यार्थ्यांच्या आधारकार्ड वरील नमूद पत्या वरून ठरविले जाईल.

     

    अर्ज करण्यासाठी आवश्यक कागदपत्रे (ब):-

     

    ➡️10 वी ची गुणपत्रिका

     

    ➡️11 वी सायन्स घेतल्याचे प्रवेश पत्र (बोनाफाईट सर्टिफिकेट)

     

    ➡️आधार कार्ड (पुढील व मागील बाजूसहित)

     

    ➡️रहिवाशी दाखला/डोमासाईल सर्टिफिकेट 

     

    ➡️जातीचे प्रमाणपत्र 

     

    ➡️वैद्य नॉन क्रिमिलियर सर्टिफिकेट 

     

    ➡️दिव्यांग असल्यास दाखला

     

    ➡️अनाथ असल्यास दाखला

     

    सामाजिक व समांतर आरक्षण पुढील प्रमाणे

    सामाजिक प्रवर्ग आणि टक्केवारी

     

    ➡️इतर मागास वर्गीय (OBC): 59%

     

    ➡️निरधीसूचित जमाती – अ (VJ-A): 10% 

     

    ➡️भटक्या जमाती – ब (NT-B): 8%

     

    ➡️भटक्या जमाती – क (NT-C): 11%

     

    ➡️भटक्या जमाती – ड (NT-D):6%

     

    ➡️विशेष मागास वर्गीय (SBC):6%

     

    एकुण: 100%

     

    अर्ज कसा करावा:-

     

    1) महाजोतीच्या संकेतस्थळावर जाऊन Notice Board क्लिक करा.

     

    2) आता Application for MHT-CET/JEE/NEET-2026 Traning या वरती जाऊन ऑनलाईन पद्धतीने अर्ज करा.

     

    3) अर्जासोबत’ ब’ मध्ये नमूद कागदपत्रे साक्षांकित करून स्पष्ट दिसतील असे स्कॅन करून अपलोड करावे.

     

    website link:

    https://mahajyoti.org.in/en/application-for-jee-neet-mht-cet-batch-2026-training-2/

     

    Mahajyoti Yojana 2024 10 वी पास झालेल्या मुलामुलींना MHT-CET/JEE/NEET 2026 Training साठी फ्री टॅब दिले जाणार आहे. या साठी 10 जुलै 2024 पर्यंत ऑनलाईन अर्ज मागवले गेले आहे. तर Free Tab Yojana अर्ज करण्याची शेवटची तारीख 10 जुलै आहे.

    महत्त्वाचे : माझी लाडकी बहीण योजनेत बदल

    नियम अटी व शर्ती (ड) :-

     

    1) अर्ज करण्याची अंतिम तारीख 10 जुलै 2024 आहे.

     

    2) पोस्टाने किंवा ईमेल द्वारे प्राप्त अर्जाचा विचार केला जाणार नाही.

     

    3) जाहिरात रद्द करणे, मुदतवाढ देणे, अर्ज नाकारणे व स्वीकार याबाबतचे सर्वाधिकार हे व्यवस्थापकीय संचालक, महा ज्योती यांचे राहतील.

     

    4) अर्ज भरताना कोणत्याही प्रकारच्या अडचणी आल्यास केवळ Mahajyoti Call Centre वर संपर्क करावा. संपर्क क्र. 0712-2870120/21 E mail ID: mahajyotijeeneet24@gmail.com

     

    5) 10 वी चा निकाल लागल्यावर विद्यार्थ्यांकडून 10 वी ची गुणपत्रिका, विज्ञान शाखेत प्रवेश घेतल्याचा दाखला (बोनाफाईट सर्टिफिकेट) व MHT-CET/JEE/NEET या परीक्षेची तयारी करत आहोत असे हमीपत्र मागविण्यात येतील.

     

    MHT-CET/JEE/NEET-2026 – पूर्व प्रशिक्षणाकरिता नोंदणी अर्ज

     

    Mahajyoti Yojana 2024 महात्मा ज्योतिबा फुले संशोधन व प्रशिक्षण संस्था (Mahajyoti), नागपूर या राज्य शासनाच्या स्वायत्त संस्थेकडून MHT-CET/JEE/NEET-2026 परीक्षेच्या MHT-CET/JEE/NEET-2026 या परीक्षेच्या मोफत ऑनलाईन पूर्वतयारीसाठी OBC/VJNT/SBC या संवर्गातील इच्छुक व पात्र उमेदवारांकडून ऑनलाईन अर्ज मागविण्यात येत आहेत. त्यासाठी त्या वितरणाकरिता संबंधितांनी www.mahajyoti.org.in या संकेतस्थळावर सूचनाफलक मध्ये उपलब्ध “MHT-CET/JEE/NEET-2026 Traning” यावर जाऊन ऑनलाईन पद्धतीने अर्ज करावा. सदर संकेतस्थळावर अर्जाचा नमुना व तपशिलांवर माहिती उपलब्ध आहे. 

     

    टिपः टपालद्वारे / प्रत्यक्ष किंवा मेलवर प्राप्त अर्जाचा विचार केला जाणार नाही. महा ज्योती व्यवस्थापकीय संचालक च्या सूचनेनुसार.

     

    महात्मा ज्योतिबा फुले संशोधन व प्रशिक्षण संस्था महाज्योती नागपूर अंतर्गत दरवर्षी 10 वीच्या आर्थिक मागास विद्यार्थ्यांना पुढील शिक्षणासाठी मदत केली जाते. Mahajyoti Scheme अंतर्गत विज्ञान शाखेत प्रवेश घेणाऱ्या मुलांना MHT-CET/JEE/NEET-2026 साठी फ्री मध्ये प्रशिक्षण देण्यासाठी Free Tablet वाटप केले जातात. ज्याचा वापर करून आर्थिक मागास विद्यार्थी त्यांचे शिक्षणाचा वापर करून भविष्य सुधारू शकता.

    ऑनलाइन अर्ज सादर करताना विद्यार्थ्यांनी सखोल माहिती घेतल्यावर काळजीपूर्वक अर्ज भरावा, जेणेकरून या योजनेचा लाभ आपल्याला घेता येईल.

     

  • meritorious student : संघर्षाच्या काटेरी वाटेतुनच उज्वल भविष्यातील यशाचा मार्ग सुकर – विरोधी पक्षनेते विजय वडेट्टीवार

    meritorious student : संघर्षाच्या काटेरी वाटेतुनच उज्वल भविष्यातील यशाचा मार्ग सुकर – विरोधी पक्षनेते विजय वडेट्टीवार

    meritorious student ज्ञानातुन मिळणारे सामर्थ्य हे चिरकाल टिकते. मिळालेले हे सामर्थ्य अंगिकारून समाजातील प्रत्येक यशस्वी व्यक्ती व विद्यार्थी यांनी संघर्षातुनच उज्ज्वल भविष्य घडविल्याचा इतिहास आहे. यशाचे शिखर गाठण्यासाठी परिस्थिती नाही तर उत्तम मनस्थिती, दृढ आत्मविश्वास, प्रगल्भ इच्छाशक्ती यांची नितांत गरज आहे. आपणा सर्व होतकरू विद्यार्थ्यांच्या पाठीशी मी सदैव खंबीरपणे उभे असुन संघर्षाच्या काटेरी वाटेतुनच प्रत्येक विद्यार्थ्याने आपल्या यशाचा मार्ग सुकर करावा असे प्रतिपादन राज्याचे विरोधी पक्षनेते तथा ब्रम्हपूरी विधानसभा क्षेत्राचे आमदार विजय वडेट्टीवार यांनी केले.
    ते ब्रम्हपूरी तालुका काँग्रेस कमिटीच्या वतीने आयोजित ब्रम्हपूरी मतदारसंघातील ब्रम्हपूरी, सावली , सिंदेवाही येथील १०वी व १२वी च्या परिक्षेत गुणवंत ठरलेल्या विद्यार्थ्यांचा सत्कार सोहळा कार्यक्रमप्रसंगी अध्यक्ष म्हणून बोलत होते.
    कार्यक्रमाचे उद्घाटक खासदार डॉ. नामदेव किरसान, प्रमुख मार्गदर्शक म्हणून जळगाव येथील दिपस्तंभ फाउंडेशनचे संचालक यजुर्वेंद्र महाजन, मोटीव्हेशनल स्पीकर सचिन बुरघाटे हे होते.
    meritorious student तर प्रमुख अतिथी म्हणून आमदार अभिजीत वंजारी, काॅंग्रेस नेते देविदास जगनाडे, ने.ही. महाविद्यालय माजी प्राचार्य डॉ नामदेव कोकोडे, अॅड गोविंदराव भेंडारकर, तालुका काँग्रेस कमिटीचे अध्यक्ष खेमराज तिडके, शहर काँग्रेस कमिटी अध्यक्ष हितेंद्र राऊत, बाजार समितीचे सभापती प्रभाकर सेलोकर, माजी जि.प.सदस्य डॉ राजेश कांबळे, माजी जि.प.सदस्य प्रमोद चिमुरकर, न.प.माजी सभापती विलास विखार, माजी नगरसेवक डॉ नितीन उराडे, माजी पं.स.सदस्य थानेश्वर कायरकर, काॅंग्रेस जिल्हा उपाध्यक्ष मोंटु पिलारे, सिंदेवाही तालुका काँग्रेस अध्यक्ष रमाकांत लोधे ,युवक काँग्रेसचे तालुकाध्यक्ष सोनू नाकतोडे, धनराज मुंगले, महीला काँग्रेसच्या तालुकाध्यक्ष मंगला लोनबले, महीला काँग्रेसच्या शहराध्यक्षा योगिता आमले यांसह अन्य मान्यवर यावेळी उपस्थित होते.
    यावेळी पुढे बोलतांना विरोधी पक्षनेते विजय वडेट्टीवार म्हणाले की, आज स्पर्धेचे युग आहे. सर्व क्षेत्रात प्रचंड स्पर्धा सुरू आहे. अशा कठीण परिस्थितीत देशाची भावी पीढी यांनी मनाने व आत्मविश्वासाने खचुन न जाता ज्ञानाची भुक वाढवून आपली विद्वत्ता व आत्मविश्वासाच्या बळावर लक्ष गाठेपर्यंत कुठेही न थांबता प्रयत्नांची पराकाष्ठा करून संघर्ष करावा. तरच यश तुमच्या पदरी पडेल. याप्रसंगी त्यांनी शिक्षणकाळात बारावी परीक्षेत अनुत्तीर्ण झालेले मात्र भविष्यकाळात आयपीएस अधिकारी म्हणून यश मिळवणारे मनोजकुमार शर्मा यांच्या जिवनप्रवासावर आधारित १२ वी फेल या चित्रपटातील प्रेरणादायी उदाहरण देऊन उपस्थित विद्यार्थ्यांना प्रोत्साहित केले.
    meritorious student यानंतर पदवीधर शिक्षक आमदार अभिजीत वंजारी यांनी देशातील वाढती बेरोजगारी, बदलती शिक्षणप्रणाली, पालक व शाळा व्यवस्थापन यांतील संभ्रम व शिक्षणाचे महत्त्व यावर मार्गदर्शन केले. तर गडचिरोली-चिमुर लोकसभा क्षेत्राचे खासदार डॉ नामदेव किरसान यांनी आपल्या अभ्यासु शैलीतुन शिक्षणातुन चांगले विद्यार्थी व नागरिक कसे होता येईल व देशसेवेसाठी पुढाकार घेऊन सोबतच आपले भविष्य घडविणे कसे शक्य आहे यावर मार्गदर्शन केले. याप्रसंगी ब्रह्मपुरी विधानसभा क्षेत्रातील सिंदेवाही ,सावली व ब्रह्मपुरी येथील इयत्ता 10 वी व 12 वी परीक्षेत प्रथम क्रमांक पटकाविणाऱ्या गुणवंत विद्यार्थ्यांचा व विद्यार्थिनींचा तसेच पालक व शिक्षक तथा मुख्याध्यापकांचा सत्कार करण्यात आला. यावेळी ब्रह्मपुरी सावली व सिंदेवाही तालुक्यातील विद्यार्थी पालक शिक्षक व मुख्याध्यापक प्रामुख्याने बहुसंख्येने उपस्थित होते.
    कार्यक्रमाचे  सूत्रसंचालन सतीश डांगे, सुरज मेश्राम यांनी प्रास्ताविक डॉ राजेश कांबळे तर आभार ब्रम्हपुरी तालुका काँग्रेस अध्यक्ष खेमराज तिडके यांनी मानले.
    यश नक्की मिळेल धीर सोडु नका
    जीवनाच्या प्रवासात अनेक अडथळे येतात. हा संघर्षाचा काळ समजून मनोधैर्याने खचुन न जाता संकटांना सामोरे जावे. म्हणजे यश नक्की प्राप्त होईल.
    — यजूर्वेंद्र महाजन, संचालक दिपस्तंभ फाउंडेशन जळगाव
    यशप्राप्तीसाठी ज्ञान व अनुभवाचा संग्रह वाढवा
    जगात सर्वत्र ज्ञान वाटले जात आहे. अशातच जीवनाला दिशा देणाऱ्या ज्ञानाला आत्मसात करून व यशस्वी थोरांच्या अनुभवाची शिदोरी संगतीला घेऊन कणखर मार्गावर प्रस्थान करा. यामुळे परिस्थिती कितीही बेताची असली तरी आपल्याला यशाचे शिखर नक्की गाठता येईल.
    — सचिन बुरघाटे
     मोटीव्हेशनल स्पीकर मुंबई
  • Majhi ladki bahin : कांग्रेसने बहिणींना कायम उपेक्षित ठेवले – पालकमंत्री सुधीर मुनगंटीवार

    Majhi ladki bahin : कांग्रेसने बहिणींना कायम उपेक्षित ठेवले – पालकमंत्री सुधीर मुनगंटीवार

    Majhi ladki bahin शेवटच्या घटकाला न्याय देण्यासाठी राज्यसरकार कायम आग्रही आहे. त्यामुळे इथे सातत्याने जनतेच्या कल्याणाच्या दृष्टीने प्रत्येक निर्णय घेतला जातो. ‘मुख्यमंत्री माझी लाडकी बहीण योजना’ देखील याच विचारातून जन्माला आली आहे. या योजनेतून बहिणींना १५०० रुपये महिना मिळणार आहे. ‘माझी लाडकी बहीण’ ही केवळ एक योजना नसून महिलांच्या आर्थिक स्वातंत्र्याची लढाई आहे,’ असे प्रतिपादन राज्याचे वने, सांस्कृतिक कार्य व मत्स्यव्यवसाय मंत्री तसेच जिल्ह्याचे पालकमंत्री ना. श्री. सुधीर मुनगंटीवार यांनी केले.

     

    Majhi ladki bahin बल्लारपूर येथील पेपरमिल रोडवरील नाट्यगृहात आयोजित भाजपा महिला मोर्च्या आयोजित बूथ सशक्तिकरण अभियान कार्यक्रमात ना. श्री. मुनगंटीवार यांनी महिलांसोबत संवाद साधला. या कार्यक्रमाला चंदन सिंग चंदेल माजी अध्यक्ष वनविकास महामंडळ, भाजपा जिल्हाध्यक्ष हरीश शर्मा,बल्लारपूर महिला मोर्चा अध्यक्ष वैशाली जोशी, महामंत्री कांताताई ढोके, वर्षाताई सुंचुवार, आरतीताई आक्केवार , संध्याताई मिश्रा, मनीष पांडे, शिवचंद द्विवेदी, समीर केणे, राजू दारी आदींची प्रमुख उपस्थिती होती.

    अवश्य वाचा : आमदार सुधाकर अडबाले यांनी वेधले सरकारचे लक्ष

    Majhi ladki bahin यावेळी महिला बुथ प्रमुख मोठ्या संख्येने उपस्थित होत्या. बुथ मजबुत करण्याचा संकल्प करायचा आहे. खोटे बोलून निवडणूक जिंकणाऱ्यांनी वीष पसरविले आहे. ते वीष समाजातून बाहेर काढायचे आहे, असेही ना. श्री. मुनगंटीवार म्हणाले. ‘पक्षात महिलांचे संघटन प्रत्येक प्रभागात मजबूत करायचे आहे. बहुतांश महिला गरीब कुटुंबातून आलेल्या आहेत. त्यांच्या समस्या समजून घ्यायच्या आहेत. त्यांच्या कुटुंबाची काळजी घेणे पक्षाची जबाबदारी आहे. बल्लारपूरमध्ये प्रत्येक गरीब कुटुंबापर्यंत सरकारच्या योजना पोहोचविण्याचा संकल्प करायचा आहे. गरिबांसोबत पूर्ण शक्तीने उभे राहणाऱ्या संघटनेचा आदर्श निर्माण करा,’ असे आवाहन ना. श्री. मुनगंटीवार यांनी महिलांना केले.

    महत्त्वाचे : मोकाट जनावर मालकांवर आता होणार फौजदारी कारवाई

    ‘मुख्यमंत्री माझी लाडकी बहीण’ योजनेच्या माध्यमातून बहिणींच्या खात्यात थेट रक्कम जाणार आहेत. यातून त्या मुलांसाठी, कुटुंबासाठी खर्च करणार आहेत. हा पैसा पुन्हा मार्केटमध्येच येणार आहे. ही राज्याच्या प्रगतीचे आर्थिक चक्र अधिक वेगवान करणारी प्रक्रिया ठरणार आहे,’ असेही ते म्हणाले. गरीब कुटुंबांमध्ये मुलांच्या शिक्षणासाठी सर्वांत मोठी अडचण पैशांची असते. पैसा कमी असेल तर शिक्षणात मुलांना पहिले प्राधान्य दिले जाते. मुलींचा विचार नंतर होतो. पण आता कोणत्याही जातीच्या मुलींना इंजिनियर, डॉक्टर व्हायचे असेल तर शंभर टक्के शुल्क सरकार भरणार आहे. त्यातही पुढे जाऊन सरकारने सुशिक्षित मुला-मुलींसाठी १० हजार कोटींची योजना तयार केली. यात मुला-मुलींना १० हजार रुपये विद्या वेतन दिले जाईल, अशी माहितीही ना. श्री. मुनगंटीवार यांनी दिली.

    ‘अपप्रचाराकडे दुर्लक्ष करा’

    काही लोक योजनेला बदनाम करण्याचा प्रयत्न करीत आहेत. योजना बंद होईल असा अपप्रचार करीत आहेत. पण त्याकडे दुर्लक्ष करा. मध्य प्रदेशात ही योजना यशस्वी झाल्यानंतर आपण निर्णय घेतला आहे. मध्य प्रदेशात १ हजार रुपये दिले जात आहेत, मात्र महाराष्ट्र सरकार १५०० रुपये देणार आहे. काँग्रेस टीका करीत आहे, पण त्यांनी तर बहिणींना कायम उपेक्षित ठेवले, असा टोलाही ना. श्री. मुनगंटीवार यांनी लगावला.

    ‘सामाजिक योजनेच्या नजरेतून बघा’

    ‘या योजनेकडे केवळ सरकारी योजना म्हणून नव्हे तर मानवतावादी, सामाजिक योजना म्हणून बघा. महिला मोर्चाने त्याच दृष्टीने नियोजन करावे आणि महिलांना मदत करावी. आपला जिल्हा अग्रेसर राहिला पाहिजे. बँकेत खाते उघडण्यात अडचण येत असेल तर महिला मोर्चाने कॅम्प लावून मदत करा ,’ असेही ना. श्री. मुनगंटीवार म्हणाले.

  • Department of School Education : तर राज्यातील अर्ध्या शाळा बंद पडणार – आमदार सुधाकर अडबाले यांनी वेधले सरकारचे लक्ष

    Department of School Education : तर राज्यातील अर्ध्या शाळा बंद पडणार – आमदार सुधाकर अडबाले यांनी वेधले सरकारचे लक्ष

    Department of School Education शालेय शिक्षण विभागाने संचमान्यतेचे सुधारित निकष निश्चित केले असून त्याबाबत १५ मार्च २०२४ रोजी शासन निर्णय निर्गमित केला आहे. मात्र, या शासन निर्णयामधील प्रस्तावित बाबींमुळे मोठ्या प्रमाणात शिक्षक अतिरिक्‍त ठरणार असल्‍याने सदर शासन निर्णय रद्द करावा, अशी मागणी आमदार सुधाकर अडबाले यांनी तारांकीत प्रश्‍नाद्वारे सभागृहात केली. यावर संचमान्‍यतेच्या निकषांमध्ये सुधारणा केल्‍या जातील, असे उत्तर शिक्षण मंत्री दीपक केसरकर यांनी दिले.

    अवश्य वाचा : चंद्रपुरात नव्या रास्त दुकानासाठी अर्ज आमंत्रित

    शासनाने यापूर्वीचे सर्व शासन निर्णय रद्द करून १५ मार्च २०२४ रोजी शाळांमधील संरचनात्‍मक बदल करणे आणि संचमान्‍यतेचे सुधारित निकष विहीत करण्याबाबत शासन निर्णय निर्गमित केलेला आहे. या शासन निर्णयानुसार महाराष्ट्रातील अनुदानित शाळा बंद पडतील की काय? अशा प्रकारची परिस्थिती निर्माण झालेली आहे. या शासन निर्णयामध्ये महाराष्ट्रातील भौगोलिक परिस्थितीचा विचार न करता, डोंगराळ, नक्षलग्रस्‍त, आदिवासी विभागाचा विचार न करता, महाराष्ट्रातील सर्व शाळांसाठी विद्यार्थ्यांसाठी हा निकष लागू करण्यात आलेला आहे. या निकषाची जर शंभर टक्के अंमलबजावणी झाली तर महाराष्ट्रातील अर्ध्या शाळा बंद पडल्याशिवाय राहणार नाही.

     

    Department of School Education शासनाच्या चुकीच्या धोरणामुळे शाळा बंद पडतील. यामुळे अनेक शिक्षक अतिरिक्त होतील. अनेक मुख्याध्यापक, उपमुख्याध्यापक आणि पर्यवेक्षक सुद्धा अतिरिक्‍त होतील, यामुळे सदर शिक्षकांची गळचेपी करणारा शासन निर्णय रद्द करा, अशी मागणी आमदार सुधाकर अडबाले यांनी मुंबई येथे सुरु असलेल्‍या पावसाळी अधिवेशनात तारांकीत प्रश्‍नाच्या माध्यमातून शिक्षणमंत्र्यांकडे केली. आमदार अडबाले यांनी लावलेल्‍या या प्रश्‍नांवर इतर शिक्षक आमदार सहभागी होत सदर शासन निर्णय रद्द करण्याची मागणी लावून धरली.

    महत्त्वाचे : चंद्रपूर मनपा करणार फौजदारी कारवाई

    Department of School Education तारांकीत प्रश्‍नाला उत्तर देताना शिक्षणमंत्री केसरकर म्‍हणाले, सदर शासन निर्णय रद्द करण्यात येणार नाही. पण मुख्याध्यापकांसंदर्भात निकषांमध्ये सुधाकर करण्यात येईल. आदिवासी आणि डोंगरी भागाबद्दल २० चा निकष राहील.

    या शासन निर्णयात अनेक दोष असल्‍याने यावर बराच वेळ चर्चा झाली. यानंतर उपसभापती यांनी सदर शासन निर्णयावर पावसाळी अधिवेशनादरम्‍यान विधान परिषद सदस्‍यांसह बैठक घेऊन शासन निर्णयात सुधारणा कराव्‍या, अशा सूचना दिल्‍या.
    ——————

    ‘त्‍या’ शासन निर्णयाविरोधात विमाशि संघाचे विदर्भात धरणे आंदोलन
    शालेय शिक्षण विभागाने १५ मार्च २०२४ रोजी काढलेले संचमान्यतेचे सुधारित निकष व प्राथमिक शाळांचे सक्षमीकरण व दर्जावाढ करण्याबाबतचे शासन तात्काळ रद्द करा, यासाठी विदर्भ माध्यमिक शिक्षक संघाच्या वतीने विदर्भात ५ जुलै २०२४ रोजी धरणे / निदर्शने आंदोलन आले. महाराष्ट्र राज्य माध्यमिक शिक्षक महामंडळ मुंबईचे अध्यक्ष तथा माजी आमदार व्ही. यू. डायगव्हाणे यांच्या मार्गदर्शनात व विदर्भ माध्यमिक शिक्षक संघाचे प्रांताध्यक्ष अरविंद देशमुख, सरकार्यवाह तथा आमदार सुधाकर अडबाले यांच्या नेतृत्वात विदर्भातील सर्व शिक्षणाधिकारी व शिक्षण उपसंचालक (नागपूर/अमरावती) यांच्या कार्यालयासमोर धरणे / निदर्शने आंदोलन करण्यात आले. या आंदोलनात विमाशि संघाचे प्रांतीय, जिल्‍हा, तालुका पदाधिकारी व शिक्षकांची मोठ्या संख्येने उपस्‍थिती होती.

  • Chandrapur district grain shop : नव्या रास्त भाव दुकानासाठी अर्ज आमंत्रित

    Chandrapur district grain shop : नव्या रास्त भाव दुकानासाठी अर्ज आमंत्रित

    Chandrapur district grain shop चंद्रपूर, बल्लारपुर, राजुरा, कोरपना, जिवती, गोंडपिपरी, सावली, सिंदेवाही, नागभीड, ब्रम्हपुरी, चिमुर, वरोरा, व भद्रावती ही तालुके व चंद्रपूर (शहर)अंतर्गत गावे/ वार्डाकरिता एकूण 107 नवीन रास्त भाव दुकानाच्या परवाकरीता 4 ऑगस्ट 2024 पर्यंत अर्ज मागविण्यात येत आहे.

    अवश्य वाचा : चंद्रपूर मनपा करणार फौजदारी कारवाई

    Chandrapur district grain shop जाहीरनामा प्रसिध्द झालेल्या गावातील/ क्षेत्रातील इच्छुक पंचायत (ग्रामपंचायत व तत्सम स्थानिक स्वराज्य संस्था) /नोंदणीकृत स्वयंसहायता बचत गट/ नोंदणीकृत सहकारी संस्था/महाराष्ट्र सहकारी संस्था अधिनियम किंवा संस्था नोंदणी अधिनियम या कायद्याच्या अंतर्गत नोंदणी झालेल्या संस्था/महिला स्वयंसहाय्यता बचत गट व महिलांच्या सहकारी संस्था यांच्याकडून विहीत नमुन्यातील अर्ज संबंधित तहसिलदार/ अन्नधान्य वितरण अधिकारी यांचे कार्यालयात 5 जुलै ते 4 ऑगस्ट 2024 या कालावधीत शासकीय कामकाजाच्या दिवशी कार्यालयीन वेळेत (सुट्टीचे दिवस वगळून ) उपलब्ध होतील.

    महिला बचत गटाला मिळणार प्राधान्य

    नवीन रास्त भाव /स्वस्त धान्य दुकानाकरिता आवेदन अर्ज शुल्क पाच रुपये  राहील. परिपूर्ण भरलेले अर्ज 4 ऑगस्ट पर्यंत शासकीय कामकाजाचे दिवशी संबंधित तहसिलदार/ अन्नधान्य वितरण अधिकारी यांचे कार्यालयात कार्यालयीन वेळेत (सुट्टीचे दिवस वगळून) स्वीकृत केले जातील. जाहीरनामा प्रसिध्द करण्यात आलेल्या गावाचे/ वार्डांची नाव, तालुक्यांतील जाहीरनाम्यांची संख्या, अर्ज करण्याच्या अटी व शर्ती इत्यादि सर्व माहिती संबंधित तहसिलदार, प्रकल्प अधिकारी, आदिवासी विकास विभाग चंद्रपूर, जिल्हा समन्वयक, महिला आर्थिक विकास महामंडळ चंद्रपूर, प्रकल्प संचालक, ग्रामीण विकास यंत्रणा चंद्रपूर, संबंधित नगरपालिका/ महानगरपालिका/ ग्रामपंचायतीचे नोटिस बोर्डवर तसेच www.chanda.nic.in या संकेतस्थळावर प्रसिध्द करण्यात आल्याचे जिल्हा  पुरवठा अधिकारी अजय चरडे यांनी कळविले आहे.

  • obstructing traffic : तर चंद्रपूर मनपा करणार फौजदारी कारवाई

    obstructing traffic : तर चंद्रपूर मनपा करणार फौजदारी कारवाई

    obstructing traffic चंद्रपूर मनपाने यापूर्वी रस्त्यावर फिरणारे मोकाट जनावरे यावर मालकांना आवर घालण्याचे आवाहन केले होते, मात्र त्यानंतर सुद्धा जनावरे शहरात अनेक ठिकाणी रहदारीला अडथळा निर्माण करताना दिसून येत असल्याने मनपाने पुन्हा कारवाई करण्याची मोहीम सुरू केली आहे.

    अवश्य वाचा : चंद्रपुरातील गणेश भक्तांसाठी महत्वाची बातमी

    चंद्रपूर शहर महानगरपालिकेतर्फे शहरातील मोकाट जनावरांचा बंदोबस्त करण्याची मोहीम सुरू करण्यात आली असुन जनावरांना मोकाट सोडुन वाहतुकीस अडथळा निर्माण करणाऱ्या जनावरांच्या मालकांवर सरळ फौजदारी कारवाई करण्यात येणार आहे.

    obstructing traffic शहरातील मुख्य तसेच इतर मार्गांवर, रस्त्यांवर मोकाट जनावरे ठाण मांडून बसून राहात असल्याने वाहनधारकांचा अपघात होण्याची शक्यता अधिक असते. याबाबत मनपातर्फे यापुर्वीही कारवाई करून जनावरांच्या मालकांना समज देण्यात आली आहे.समज दिल्यानंतर काही काळ ते आपल्या जनावरांवर लक्ष देऊन ते रस्त्यावर येणार नाही याची काळजी घेतात,मात्र त्यानंतर पुन्हा जनावरांना मोकाट सोडुन देण्यात येते असे निदर्शनास आले आहे.

    महत्त्वाचे : आमच्या शाळेला शिक्षक द्या, विद्यार्थ्यांचे जिल्हा परिषद येथे आंदोलन

    त्यामुळे आयुक्त विपीन पालीवाल यांनी यावर गंभीर स्वरूपाची कारवाई करण्याचे निर्देश दिले आहेत. जनावरांच्या मालकांनी आपल्या जनावरांचा योग्य बंदोबस्त करावा, अन्यथा सरळ फौजदारी कारवाई केली जाणार आहे. याकरीता मनपाच्या उपद्रव शोध पथकांची यावर नजर राहणार असुन सातत्याने वाहतुकीस अडथळा निर्माण करणाऱ्या जनावरांच्या मालकांची नोंद घेऊन त्यावर कारवाई केली जाणार आहे.

    रेल्वे विभागाने दाखवली तत्परता

    मोकाट जनावरांमुळे रहदारीला अडथळा तर होतो मात्र त्यामुळे लहान मोठे अपघात सुद्धा होत असतात, ही एक गंभीर बाब असून जनावर मालकांनी सदर जनावरे गोठयात बांधून ठेवावे, 3 जुलै ला 4 मोकाट जनावरे मालगाडीच्या अपघातात ठार झाली होती, इतकेच नव्हे तर जनावरांचा मृतदेह रेल्वे इंजिनमध्ये फसल्याने मालगाडी तब्बल 1 तास आपल्या गंतव्याकडे जाण्यासाठी उशिरा पोहचली.

     

    obstructing traffic त्यानंतर रेल्वे विभागाने रेल्वे रुळावर येणाऱ्या मोकाट जनावर मालकांवर ताबडतोब कारवाई करण्याचे निर्देश दिले होते, त्याच दिवशी दुपारी रेल्वे पोलिसांनी मोकाट जनावर मालकांचा शोध घेत त्यांच्यावर कारवाई करीत अटक केली.

     

    रेल्वे विभागाने कारवाई करण्यास जी तत्परता दाखवली तशी कारवाई चंद्रपूर महानगरपालिकेने करायला हवी, अन्यथा जनावर मालक आपले जनावर असेच रस्त्यावर सोडून जातील, मनपाने आता थेट फौजदारी कारवाई करावी अशी मागणी नागरिक करीत आहे.

  • Chandrapur ganesh festival : चंद्रपुरातील गणेश भक्तांसाठी महत्वाची बातमी

    Chandrapur ganesh festival : चंद्रपुरातील गणेश भक्तांसाठी महत्वाची बातमी

    Chandrapur ganesh festival आगामी गणेशोत्सव व इतर उत्सवांचा काळ पाहता विसर्जन व्यवस्था सुरळीत होण्याच्या दृष्टीने ईरई नदी पात्रालगत मोठे विसर्जन कुंड तयार केले जात असुन गणपती आणि दुर्गादेवीच्या मोठ्या मुर्तींची विसर्जन व्यवस्था येथे होणार आहे.जुलै महिन्याअखेरीस विसर्जन कुंडाचे काम पुर्ण होणार असुन आज चंद्रपूर महानगरपालिका आयुक्त तथा प्रशासक विपीन पालीवाल यांनी या बांधकामाची पाहणी केली.

    अवश्य वाचा : शिक्षकांसाठी विद्यार्थ्यांचे चंद्रपुरात आंदोलन 

    मागील वर्षी नोव्हेंबर महिन्यापासुन दाताळा रोडवरील रामसेतु पुलालगतच्या जागेत विसर्जन स्थळी मोठे विसर्जन कुंड तयार करण्याच्या कामाची सुरवात करण्यात आली होती. तयार होणाऱ्या या विसर्जन कुंडाची क्षमता अंदाजे ३० लाख लिटर पाण्याची असुन ८१३७ स्केयर फुट क्षेत्रफळ आहे. १० फुट पर्यंत उंची असलेल्या मूर्तींचे यात विसर्जन करता येणार आहे. एकावेळेस २ मोठी वाहने उभी राहण्यास २ वेगवेगळे प्लॅटफॉर्म बनविण्यात आले असुन क्रेनच्या साहाय्याने मोठ्या मूर्तींचे विसर्जन करता येणे शक्य होणार आहे. या विसर्जन कुंडांद्वारे अधिकाधिक मोठ्या मूर्तींचे विसर्जन हे कुंडात करण्यात येणार आहे. नदीतील विसर्जन बंद झाल्याने मोठ्या मूर्तींच्या विसर्जनास अडथळा निर्माण होणार नसुन नदी प्रदूषणासही चाप बसणार आहे.

    Chandrapur ganesh festival शहरात गणेशोत्सव व दुर्गादेवी उत्सव मोठ्या उत्साहाने साजरे केले जातात. विशेषतः गणेशोत्सव काळात अनेक मंडळांद्वारे मोठ्या मुर्तींची स्थापना केली जाते. मूर्ती मोठी असल्याने जिथे पाणी अधिक प्रमाणात उपलब्ध असेल तिथे विसर्जन करण्याकडे कल असतो. पुर्वी रामाळा तलावात मोठया प्रमाणात मूर्तींचे विसर्जन केले जायचे मात्र तलाव प्रदूषणमुक्त करण्याच्या दृष्टीने श्रीगणेश व दुर्गादेवी मूर्ती विसर्जन रामाळा तलावात न करता विसर्जनाची व्यवस्था ईरई नदी पात्रालगत करण्यात येते.

    https://ads.timesdiginews.com/2024/07/chandrapur-journalist-entries-invited-for-shramik-journalists-association-awards/

    मागील वर्षी सर्व मोठ्या मूर्तींचे विसर्जन हे ईरई नदीत करण्यात आले होते.विसर्जन स्थळी येथे मोठ्या प्रमाणात गर्दी वाढली होती,परंतु नदीतील पाणी नैसर्गिकरीत्या कमी झाल्याने विसर्जनास अडथळा निर्माण झाला होता.नदीवर बंधारा बांधुन त्याद्वारे पाणी अडविण्याचाही प्रयत्न करण्यात आला होता, परंतु त्यास यश प्राप्त झाले नव्हते.यावर उपाययोजना म्हणुन विसर्जन स्थळी मोठ्या मूर्तींसाठी विसर्जन कुंड तयार करण्यात येत आहे.

  • Chandrapur Zp Education : चंद्रपुरात शिक्षकांसाठी विद्यार्थ्यांचं आंदोलन

    Chandrapur Zp Education : चंद्रपुरात शिक्षकांसाठी विद्यार्थ्यांचं आंदोलन

    Chandrapur zp education चंद्रपूर – आज दिनांक 5 जुलै 2024 रोजी नवेगाव मोरे आणि विसापूरच्या जिल्हा परिषद शाळेचे शेकडो विद्यार्थी निदर्शने करण्यासाठी पालकांसहित आणि गावकऱ्यांसहित जिल्हा परिषद येथे धडकले. गेल्या कित्येक दिवसापासून आमच्या शाळेमध्ये 6 वर्ग आणि १८७ विद्यार्थी असताना सुद्धा फक्त 2 शिक्षक आणि एक मुख्याध्यापक यांच्या भरवशावर ही शाळा सोडलेली आहे. प्रत्येक वर्गासाठी शिक्षक द्या, गेले कित्येक वर्ष आमच्या जिल्हा परिषद च्या ग्रामीण विद्यार्थ्यांच्या शिक्षणाचा खेळखंडोबा सातत्याने सुरू आहे अशी संतप्त प्रतिक्रिया विद्यार्थ्यांनी यावेळी दिली.

     

    पोम्भूर्णा तालुक्यातील नवेगाव मोरे येथील जिल्हा परिषद हायस्कूल व बल्लारपूर तालुक्यातील जिल्हा परिषद शाळेतील विद्यार्थी व पालकांनी प्रशासनविरोधात रोष व्यक्त केला.

    अवश्य वाचा : श्रमिक पत्रकार संघाच्या पुरस्कारासाठी प्रवेशिका आमंत्रित

    Chandrapur zp education नवेगाव मोरे येथील जिल्हा परिषद शाळा दोन शिक्षकांच्या भरवशावर असून वर्ग 5 वि ते दहावी कसे काय चालू शकतात आणि या सात वर्गाच्या विद्यार्थ्यांचा अभ्यासक्रम कसा होऊ शकतो अशा खोचक प्रश्न यावेळी विद्यार्थी पालक आणि गावकऱ्यांनी जिल्हा परिषद मुख्य कार्यपालन अधिकारी आणि शिक्षणाधिकारी यांना केला.

    महत्त्वाचे : चंद्रपुरात प्रतिबंधित 15 किलो खर्रा प्लॅस्टिक जप्त

    कित्येकदा विनंती करून विनवण्या करून निवेदन देऊनही शाळेला शिक्षक मिळत नाही आहेत आणि असलेल्या शिक्षकांची नियुक्ती सुद्धा प्रतिनियुक्तीवर दुसऱ्या गावच्या शाळेमध्ये करण्यात आली आणि त्यामुळे शाळा सुरू होऊन सुद्धा योग्य प्रकारचे शिक्षण भेटत नाहीये अशी तक्रार विद्यार्थ्यांनी केली.

     

    Chandrapur zp education आज चिमुकल्या विद्यार्थ्यांवर स्वतः आंदोलन करून जिल्हा परिषदेवर मोर्चा काढण्याची वेळ आली हे पुरोगामी महाराष्ट्रासाठी लाजिरवाणी बाब आहे आणि शिक्षणाची गंगा प्रत्येक खेड्यापाड्यातल्या विद्यार्थ्यांपर्यंत पोहचवायचं सोडून नवीन शैक्षणिक धोरणाच्या माध्यमातून सर्व शाळांचे कंत्राटीकरण वीस पटसंख्या खाली असलेल्या शाळा बंद करण्याचे धोरण आणि समूह शाळा बनवून खेड्यापाड्यातील शाळा बंद करण्याचे धोरण या शिक्षण विरोधी सरकारने अवलंबलेला आहे असा आरोप मोर्चेकरांनी केला.

    अवश्य वाचा : शासकीय वैद्यकीय महाविद्यालयात विष शोध यंत्रणा उपलब्ध नाही

    नवेगाव मोरे येथील जिल्हा परिषद हायस्कूल मधील एक शिक्षक ऑगस्ट महिन्यात सेवानिवृत्त होत आहे, त्यानंतर शाळेत केवळ एकच शिक्षक असणार ही बाब विद्यार्थ्यांनी मुख्य कार्यपालन अधिकारी विवेक जॉन्सन यांच्या समक्ष ठेवली, मात्र शासनाने शिक्षकांच्या नियुक्त्या केल्या नसल्याने जॉन्सन त्यांच्या प्रश्नावर निरुत्तरीत राहिले.

     

    Chandrapur zp education आठवडाभरात शिक्षकांची शाळेवर नियुक्ती करू असावं आश्वासन मिळाल्यावर विद्यार्थ्यांनी आंदोलन मागे घेतले, अशी परिस्थिती विसापूर येथील शाळेची आहे त्याठिकाणी 200 विद्यार्थी आणि शिक्षक केवळ 2, पालकांनी याबाबत उपमुख्यकार्यकारी अधिकारी वाखर्डे व शिक्षणाधिकारी अश्विनी सोनवणे यांना जाब विचारला मात्र शिक्षणाधिकारी सोनवणे यांनी पालकांसमोर पळवाट काढत निघून गेल्या.

     

    यावेळी शिक्षण बचाव आंदोलनाच्या डॉ अभिलाषा गावतुरे, ग्रामपंचायत नवेगाव मोरे चे सरपंच जगदीश शेमले, शाळा व्यवस्थापन समिती अध्यक्ष कुसुमाकर येंगुले, उपसरपंच रेखा मोरे,उपसरपंच रेखा दत्तू मोरे माजी सरपंच प्रतिमा बोरकर सदस्य देवेंद्र कष्टी, हर्ष आनंद दुर्गे अमोल लोहे, बंडू अर्जुनकार कमलाकर झाडे ,प्रवीण झाडे ,संजय झगडकर आशिष कावटवार उपस्थित होते.

    विसापूरच्या जिल्हा परिषद शाळेचे शेकडो विद्यार्थी देखील आपल्या पालकांसोबत आणि नागरिकांसोबत जिल्हा परिषदेत हजर होते विसापूर मधील प्रदीप गेडाम, मनस्वी गिर्हे वर्षाताई कुडमेथे, सरपंच संकेश्वर मेश्राम उपसरपंच आणि इतर ग्रामपंचायत पदाधिकारी उपस्थित होते.

     

    शिक्षण हे मूलभूत संवैधानिक अधिकार असताना रास्त मागण्या चे गांभीर्य पाहता मुख्य कार्यकारी अधिकारी जिल्हा परिषद यांनी दखल घेत पूर्ण करण्याचा आश्वासन दिले.
    शिक्षण हक्क अधिनियम 2009 लागू असताना शासन व प्रशासन त्याची पूर्तता करताना दिसत नाही. जर येत्या सोमवार पर्यंत या विद्यार्थ्यांच्या मागन्या मान्य झाल्या नाही तर आम्ही तीव्र आंदोलनाची भूमिका घेऊ असा इशारा डॉक्टर अभिलाषा गावतुरे यांनी दिला.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by